|
زينو.. انا ضد الحجاب لكني مع الحرية بأنو الانسان يختار الشئ المقتنع فيه..
بزمناتو كان عندي رفيقة يالثانوي .. كانت سبور ..و المخلوقة تحجبت .. البنت امها مسيحية اجنبية.. قامت الدنيا و قعدتها ... منعتها تلبس الحجاب .. المسكينة بطلت تطلع مع امها لبرا... و وقت كنا نطلع سوا انا وياها كانت تحطو للحجاب .. نرجع من المشوار امها تسألني ... حطتو و للا ما حطتو.. انا كنت انكر و قول .. لالا شو تحطو.. انا بتهمني رفيقتي كبف ما كانت تكون .. و هي حرة و انا بحترم رأيها و معتقداتا و هي كمان نفس الشي .. بحياتنا ما ناقشنا امور الدين.. لا انا قطعتها لأنها تحجبت و لا هي قطعتني لاني غير مؤمنة ... حرية شخصية هي ... انا ضد الحجاب بشكل عام و مع الحرية الايمانية ... |
اقتباس:
وشكرا الك :سوريا: :سوريا: :سوريا: |
اقتباس:
حتى بالدين الأسلامي ممنوع الغصب.. بس بيقدر أي شخص ما يحترم مبادئك بالوقت نفسو يلي ما بيقدر فيه يجبرك على أي شي وأذا نفرض الحجاب عليكي أنت قلتي مابيصرلك قعدة بها البلد وبدوري على بلد بيحترم المرأة وبيقدرها معناتو منفهم من كلامك أنو فرض الحجاب تقليل من احترام المرأة وتقديرها؟ طيب أذا سألتك أنو في وحدة محجبة من تلقاء نفسها متل هي رفيقتك يلي أمها أجنبية وأنت أدرى العالم أديش هي مقتنعة بالحجاب وبتحبو وجبروها أنها تشيلو وهي موجودة ببلد عايشة فيه وكل شغلها وحياتها فيه شو بتعمل ؟؟؟؟ شو رأيك بها الشي بتزعلي عليها ولا لاء؟ وخاصة أنو هي اللي حطتو من نفسها بدون تدخل حدا هاد مو أسمو قمة الديكتاتورية شو رأيك مجود؟ |
اقتباس:
|
اقتباس:
قصدك انو هالبلد ما بيحترمها لانو غصبها ع شي ما بدها تعملو ؟؟؟ ولا لانها بترتدي حجاب لهيك صارت درجة تانية ؟؟؟ ما بتوقعك بتفكري هيك لهيك انا رح افهم وجهة نظرك ع حسب الاحتمال الاول وانا معك بهالشي اما ادا كان قصدك الاحتمال التاني فانا مو معك ابدا لاني بتوقع انو الحجاب زينة للمراة من وجهة نظري الخاصة |
المزيد من الحرية
نيرين سالم أول طيارة مصرية فصلوها بسبب الحجاب او عفوا جريمة الحجاب .....!!!!  القاهرة ممدوح الصغير لم يكن يتصور أحد أن تتحد وجهات نظر المسئولين بشركة طيران تملك معظم اسهمها شركة عربية في بلد مسلم ضد كابتن طيارة الجميع يشهد لها بالكفاءة .... والسبب أنها ارتدت الحجاب المفروض على كل مسلمة ... أرادت اتباع طريق الصلاح و لم تقصر في عملها بل كانت مجتهدة ومتميزة حتى سمحت لها الشركة بأن تقود رحلاتها لأكثر من ألفي ساعة طيران خلال 3 أعوام ... ولو صدر مثل هذا التصرف من شركة أمريكية أو يهودية كان من الممكن أن نقول عنصرية ضد الإسلام ، لكن الغريب أن القرار من شركة عربية خاصة تقرر فصل موظفة والسبب ( ارتداء الحجاب الشرعي ) . |
لا كنانة هون بدك تسمحيلي
في يونيفورم موحد لجميع الطيارين بالعالم، سواء كانوا ذكور او اناث احترام هاليونيفورم من احترام المهنة و السبب بتوحيد اليونيفورم من قبل الاياتا "الاتحاد العالمي للطيران المدني" هوي انو الطيارين مؤتمنين على ارواح كتير ناس، الطيار المدني اسمو كابتن يعني قائد الرحلة بكل ما فيها و عليه بدو يلغي كتيييييييييييييييير من حرياتو الشخصية في سبيل ايصال المسافرين لبر الامان لما حدا بدو يفضل غرورو الديني و معتقدو على هدف المهنة الاساسي (ايصال المسافرين) ... بينفصل بحفض جهنم الحمرا و الاهم من هيك انو الكابتن بدو يلغي كل اشكال التمييز الديني و القومي، لأنو يللي معو ناس من كل الاطياف لما منركب طيارة، ممنوع نسأل عن دين او جنسية الطيار هي هيي الرحلة و نحنا منعين قائدها حسب جدول زمني محدد مسبقا حبك تركب اهلا و سهلا ما حبك روح سافر ع الجمال ذات المبدأ بيسري ع الطيارين هي هيي مبادئ و اعراف و قوانين الاياتا ... حبك تشتغل اهلا و سهلا ما حبك مع السلامة |
اقتباس:
هون في قوانين الاياتا و لعلمك، يونيفورم الاياتا كتير محترم ... بل على درجة عالية من الوقار ايضا |
اقتباس:
:سوريا: :سوريا: :سوريا: |
انا القيود يلي بتنفرض على المرأة هي يلي حسستني انو المرأة درجة تانية...
ليش الحجاب ينفرض على المرأة ... ليش ما الرجل يصون حالو و يسيطر على غريزتو ... الرجل يدور و يلف و يعمل يلي بدو ياه و المرأة لازم تقعد بالبيت تصون حالها .. و ما حدا يشوفها... شو برأيكن .. هيك المرأة انسان درجة اولى؟؟ و لما البلد يلي بفرض علي اي شغلة بالقمع .. بغض النظر على مسألة الحجاب .. اي شي بقيد حريتي و كرامتي ... فأنا بغنى عن هيك بلد ... انا من ناحية حقوق المرأة كتير متحفظة ... Feminist يعني ... |
اقتباس:
مجود :سوريا: :سوريا: :سوريا: :سوريا: |
اقتباس:
اقتباس:
بهي معك حق بس شو عرفك انو ها الرجل صاين حالو في رجال حيوانات وحتى ما بتفرق معون محجبة المهم مرة لو كان ختيارة مصوفنة اقتباس:
|
يا جماعة لا تقلبولنا ياها حوار اديان .... يستر على حريماتكن .. :cry:
الكل عبر عن رأيو انو مع حرية اللبس والرأي والتفكير و قص الأظافر والشعر تحت الباط .. :pos: ونفس الشي .. كلنا ضد منع لبس الحجاب .. ( بغض النظر انا ضد الحجاب او لاء ) :adal: ودمتم لأخوية ودامت اخوية لكم .. :idea: |
اقتباس:
و متل ما قال توت مكعب الفكرة الاساسية انو كلنا ضد قمع الحرية طالما هالحرية آمنة و تستغل في امور الخير ...:سوريا: |
اقتباس:
|
شيت انو منتفق .. منتفق بس مو بأمور الدين ..
كل ما يتعلق بالدين ما بحب ناقش فيه حدا.. و كيف ازا نقاش بيتعلق بالمرأة من خلال الدين ... ولــي منخسر بعض بعدين ... |
اقتباس:
|
لعما شو هالغباء ... سجن و فصل من المدارس ... يا حرام هدول يلي بتركيا صدقوا حالون بدون يصيروا مع الاتحاد الأوروبي و علمانية و مدري شو ...
|
| الساعة بإيدك هلق يا سيدي 13:04 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون