|
اقتباس:
|
مرحباااااااااااااااا
كيفكون يلعي قلبكون متل مالعيتو قلبي يخربيتكون كل واحد لسانو طولو :p عم امزح معكون بالعكس النقاش كتير حلو وعنجد مهم كتير هلأ لقلكون من شبه تجربة شخصية انا من جهتي ماعندي مشكلة واجه اي شب بمشاعري بس بشرط اني كون متأكدة انو في مشاعر من ناحيتو تجاهي وانو مارح انزل من عينو ( يعني كون متأكدة انو Open Minded ) لانو بصراحة ( وانا عم احكي عن حالي ماعم احكي بشكل عام) انا الى حد ما كتير معتزة بحالي ( وبعرف اللي بيعرفوني مابيلاحظوها لاني مو شايفة حالي بتعاملي مع الناس ) يعني بسامح كتير وبمزح كتير بس وقت بحس انو حدا جرحلي كرامتي بأي شكل بنهيه من حياتي ومدري لمين قايلة هالجملة مرة لحدا من الاخوية كنا عم نحكي عن موضوع ( يمكن هاني ) انو وقت بحس انو الحب بدو ينقص من كرامتي بشيل قلبي من محلو وبرميه هلأ بيجوز سرحت كتير عن الموضوع بس اجا على بالي احكي المهم انا من ناحيتي ماعندي مشكلة بهالموضوع كتير منجي للمجتمع الحلو :jakoush: اللي آكل حقوق البنت المجتمع متل ماكتير قالو مو سامح للبنت تحب حتى يسمحلا تعترف يعني كلنا منعرف انو البنت اللي حابة قبل الزواج شو بتصير نظرة الناس الها ( وطبعا انا ضد هالفكر خمسين الف بالمية ) لانو الخطبة مابتعمل شي ولاحدا يجرب يقنعني انو رح يقدرو يتعرفو على بعض بشكل كتير منيح بالخطبة لانو مزال رح يكون في مراقبة للموضوع رح يضل في تصنع بينما لو التنين صادقين بمشاعرون ومافي ضغوط اجتماعية عليون من اهلو او اهلا رح يتعاملو مع بعض بصدق اكبر يعني بالخطبة الشب رح يحاول يبين حالو احسن مايمكن قدام اهل البنت والبنت نفس الشي منجي عالجازة فاتو بالحيطان المهم مو مشكلة انو البنت تبادر بمشاعرها وخاصة اذا كان الشب خجول بس المشكلة الاكبر انو الشباب يشيلو من راسون فكرة انو البنت اللي بتحكي مو منيحة ويستغلو مشاعرها مع انو هي بتكون صادقة وبيجوز مافيني حملون المسؤولية لانو اهلنا وجدودنا هيك علمونا وهيك ربونا بس التغيير صار لازم وانا ماني عم الغي ضرورة تدخل الاهل بهالموضوع بس بالنهاية اللي رح يتأثر بالموضوع كلو هوي انا وانا اللي لازم قرر حياتي كيف رح تكون ( طبعا مع ضرورة استشارة اهلي ) يعني بيهمني كتير انو اهلي يكونو عارفين بعلاقتي مع هالشخص اللي بحبو ( حتى لو مافي خطبة ) اذا فهمتو شي من حكيي بيكون كتير منيح لانو حاسة حالي خبصت اسفة عالاطالة |
اقتباس:
|
أنو أريضا اللي تقرضك ليلا نزليلي اسمي بهالتقرير مشان شوف حالي قدام العالم :x
|
اولا اخ محمد انا بعرف اقرا عربي
بس كنت عم اتبع اسلوب معين بالرد هوي الرد على كل واحد بدورو يعني بغض النظر عن شو كان في مناقشات بعدين بس بجوز انو ما عم يصرلي اقعد كتير على النت او اذا عم اقعد عم كون مشغول كتير فعم تكتر الردود وما عم لحق عليا طيب هلأ ليلى شكرا على توضيح وجهة نظرك يعني بجوز انا بعرفك اكتر واحد وبعرف انو حكيك مزبوط :سوريا: طيب هلأ رح علق على قول محمد انو العلاقة بين الشب والبنت هيي يا زمالة يا حب طيب خيو الصداقة وين صارت (الزمالة غير الصداقة شي اكيد ) انو ما بتعترف بعلاقة الصداقة بين الشب والبنت مع انو هيي كتير موجودة يعني انا ما بعرف شو وجهة نظرك انا قريت انك ما معاها بس ما عرفت ليش تاني شي سؤال محمد شو قصدك الخطأ لا يبرر خطأ اخر اللي كاتبا برد من الردود انو قلي رجعة قريبة مشان وضح فكرتي بشكل عام بدون ما علق على الردود اللي عم تصير (يعني رح علق على اللي جوات الردود بس من وجهة نظري ومن دون توجيه الحكي تجاه اشخاص ) |
اقتباس:
بس انا جاوبت عالسؤال مرتين .قبل ما تسألو الي. فشعرت انك اما تسخر من رايي او لا تقرأه اساسا. فاذا كنت لا تقرأه فكيف ترد عليا.وانت لا تقرأ ردودي كامله.(غير مقبول) واذا كنت تسخر فهو ايضا غير مقبول. وانا كنت عامل حساب زعلك وارسلتلك ورده في نفس السؤال اللي ضايقك. انا يمكنني ان استوعب اختلافنا في الاراء لاقصى درجه .ولكن السخريه لا اتحملها. اقتباس:
اقتباس:
انت اسلوبك منظم وارائك صائبه في كثير من الاحيان وما اختلف فيه معك لا استنكره ولكني لا اقتنع به ولا اعتب عليك فيه. لانه من التحضر احترام اراء الغير حتى وان لم يكن الشخص مقتنعا بها. |
موضوع جميل
وانا مع الاختيار الثاني
|
اقتباس:
تاني الشي الله يسامحك اذا كنت مفكر انو انا عم اتمسخر انا من الاشخاص اللي بيحترمو راي الاخرين وبيسمعو وبيقدرو بس انا فسرت اني عم امشي بالردود بالترتيب يعني شو عم يصير ردود جديدة ما عم اعرف لحتى اوصلن اوكي ؟ وعلى ما يبدو هالطريقة عم تسبب سوء فهم لانو عمتكون متوضحة الفكرة اللي عم ناقش فيا بالردود التانية لهيك قررت غير الطريقة متل ما قلت بآخر ردي تاني الشي انتي قصدت خطأ حكم الناس على البنت المفسوخ خطبتها حسب ما بعتقد انتي قاصد فيه الخطأ الاول بعبارتك طيب والخطأ التاني شو قصدك في او انك قاصد الخطأين ما بعرف فهيك بيصير حكي تاني وتالت شي هاي وردة مني الك لانك انسان واعي مثقف على ما يبدو لي :سوريا: |
اقتباس:
هذا هو الخطأ الثاني. (ان نرفض ان تكون دراسه الحبيبن وقت الخطبه .) من اجل تجنب الخطأ الاول وهو نظره المجتمع (الظالمه)للبنت المفسوخ خطبتها. اقتباس:
لانها كانت رايحه لانسان جمييل ومحترم مثللك. اما عن الوعي والثقافه فصدقني انا فقط احاول ان اكون ولكني غالبا لا اصل الى ما اريد. ولي عندك استفسار .(خارج اطار الموضوع الرئيسي .ولكننا نتناقش من اجل التواصل) هل تجد فرق بين(الحب من اجل الحب)و(الحب من اجل الزواج) وهل تعتقد بوجود الاول. |
اقتباس:
اخ محمد انا ما رفضت انو الشب والبنت يدرسو بعضن بالخطبة( ويدرس كل واحد حالو كمان ) بالعكس تماما لكن انا كمان ما برفض انن يدرسو حالن قبل الخطوبة لانو اذا ما صار شي رسمي بناتن يعني ما خطبو ودرسو بعضن ااكتشفو انو مو لابقين لبعض وقتا بيكون هون حفرنا وهون طمرنا يعني بين الشب وبين البنت وما رح يطلع حكي من العالم بينما وقت اللي بيخطبو (وهني ما دارسين بعض او ما بيعرفو شي منيح عن بعض) وبتعرف كل العالم بعلاقتن وقتا عاد اذا انفسخت الخطبة هون بدا تبلش الالسن تطلع والكلام يزيد انا عم احكي من وجهة نظري ومن خلال المجتمع اللي عايش في بالنسبة لسؤالك انا رح قول وجهة نظري وهيي انو الحب اللي ما بيكون من اجل الزواج هوي حب ما الو طعمة يعني متل الكتابة بالهوا يعني شو معنات انا بلشت علاقة حب مع صبية وبالاخير ما وصلت لنتيجة وين المنطق بهالحكي بالنسبة للحب من اجل الحب انا ما بعتقد في بس انا شفتو كمان بس انا برفضو تماما لانو بحسو انو الشب والبنت عم يضحكو على حالن وعلى بعضن وشغلة تانية انا برفضا (بما انو فتحنا موضوع الحب والزواج ) كلام انو الحب بيجي بعد الزواج هاي برفضا تماما ولا خرطت مشطي ولا باي شكل يعني بتمنى تكون وضحت وجهة نظري واذا ما وضحت انا رح اشرحا بالرد التاني :سوريا: |
مرحبا...
انا مبشوف فرق ازا البنت بلشت او الشب بلش بس.. ازا البنت كانت حلوي واموره وعندا طريقه وفهماتي فيا تبلش وتقلو انو معجبي فيه بتصور وقتا الشب رح يقع على وجو طب بس ازا ماصار هالحكي وما اتقبلها وهيك ا..يه بالناقص منو لانو الله ما خلقو وكسر القالب من بعدو يعني فيه غيرو كتير فبتتركو وماعاش تحكيه اما ازا كانت بشعه ف برايي تقعد ساكتي احسنلا :p والشب ازا كان حلو ومهضوم فلازم ينطر شي اشاره من البنت يعني شي بيدل انا رح توافق لحتى ما يطلع بالخجلي .. peace;-) |
بس الي تعليق
اقتباس:
ممكن تكون البنت بنظري انها حلوة بس بنظر حدا غيري انها بشعة وممكن تكون بنظري حلوة بس بنظر غيري بشعة ما بتوقع هاد الو علاقة بأذا بدها تحكي ولا لاء ونفس الشي للشب |
اقتباس:
هناك نسبه ممن يفكرون بنفس الطريقه ربما تزيد على 70% من (الصعيد والريف)وهم حوالي 40% من سكان مصر. ولكن بالقاهره الكبرى (ثلاث محافظات فقط من 28 محافظه) 1/4 من اجمالي سكان مصر تقريبا.من لهم نفس طريقه التفكير لا تتجاوز 10%. بالاضافه الى المدن الساحليه .والتي تشبه القاهره في نفس الخصائص وتقدر بحوالي 15% من اجمالي سكان مصر. والباقي 20% من سكان مصر تفكيرهم بين الاتجاهين. هذه صوره عن المجتمع المصري من خلال .الاعلام المصري والاحتكاك المباشر بيني وبين افراد من تلك المحافظات .سواء كان خلال تواجدي بها او تواجد الافراد معي خارجها. يعني مو دقيقه ولكنها كافيه لتكوين صوره شبه تقريبيه عن المجتمع المصري تجاه عادات الخطوبه والزواج. واتمنى ان تنقل لي نفس الصوره عن المجتمع السوري (تقريبا)خلال ردك .حتى افهم ما تقول. |
اخ محمد انا ماني قادر اعطيك بالتفصيل وبنسب مئوية متل ما تفضلت حضرتك لانو ماني على اطلاع ببقية المناطق السورية كيف يعني هاي ممكن يساعدوني فيا الشباب من المناطق التانية
بس رح اعطي فكرة عامة رفض فكرة التعارف قبل الزواج منتشر بين الجيل القديم يعني من جيل ابي (مواليد 59)واكبر شوي وفي بعض المناطق اللي اسعتا على العقلية القديم يعني عقلية العصر التركي وقت كان محتل سورية بس جيل الشباب بمعظمو يعني خليني قول 85% من شبابنا مع فكرة انو البنت والشب يعرفو بعض قبل الزواج واذا في حدي من الشباب السوريين عندو معلومات اكتر مني يا ريت يضيفا :سوريا: |
للتوضيح :
انا نقلت صوره عن تفكير المجتمع المصري تجاه البنت المفسوخ خطبتها .وليس التعارف قبل الزواج. يعني اذا كان التعارف قبل الزواج .فالنسبه ستكون في الريف والصعيد من 40%الى 60% بين الجيل الجديد . وفي القاهره والمدن الساحليه من 85%الى 95%. واذا اردت التفصيل.وقلت قبل الخطبه فستهبط النسبهفي الصعيد والريف 20%. وفي القاهره 30%. |
اسف على الفهم الخاطئ لانو ما كان موضح عن شو عم تحكي
بالنسبة لراي الناس بعد فسخ الخطبة ففي نسبة منيحة بتعارض البنت المفسوخ خطبتا يعني لدرجة انو معد حدي من اهل المنطقة اللي ساكنة فيا يتقدم يطلبا وبتتزوج واحد من منطقة تانية وهادا الشي كتير صاير بس بنسبة كتيرة بالارياف لانو اهل الضيع كلا بتعرف بعضا البعض بينما بالمدن بتقل كتير هالحكي لانو العلاقات الاجتماعية خفيفة شوي ومو كل العالم بتعرف بعضا هاي بالنسبة لمنطقتي غير مناطق ما بعرف بس ما بعتقد بتختلف كتير |
اقتباس:
حضرتك عنستي :lol: :lol: :lol: :lol: :lol: :lol: |
اقتباس:
|
| الساعة بإيدك هلق يا سيدي 15:09 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون