|
الشباب الطيبة كيفها ؟؟؟ شو الأخبار يا حبايب ؟؟
ladys and gentlmen شو مشان الخناق و الله مافي شي مستاهل صحتكون بالدنيا حسون حبيبي كيفك أنت ؟؟؟ هلق أنت حامل علم الديمقراطية بس إذا رح تكون الديمقراطية حسب أفكارك ف على الدنيا السلام لاتفهم من حكيي أنو أنا ضد الديمقراطية بس بدي شوف شغلة هلق أنو ديمقراطية المنتدى ماعاجبتك فأي ديمقراطية رح تناسب أفكارك ماني عم أتخيل الفكرة أول عنوان للديمقراطية هو نقاشنا هذا شيلو ع جنب ..... بكل المنتديات العربية بتتخذ منحى واحد يا أما بتلاقي منتدى كل أعضائو لابسة طاسة صفرا و عم تزتلك بهالورود يا أما مواقع غير منظمة ضايعة بين الرجلين هلق أنا بدي ايجي احكي من تجربتي مع المنتديات ياشباب أنا اسأت لحدا هون دايقت حدا بحكيي و بدون زعل ممكن أحيانا منعصب و منحكي بس جرحت شي حدا ؟؟ طيب هلق يلي بيقلي أي فبقلو أنا بعتذر يلي بيقلي لا بقلو على عيني شو رايكون أنا مقلع من منتدى ع طريقة حكيي هي يلي هي هية وين مارحت بكل المنتديات العربية لا يحق المشاركة ل زائر و هذا من خوفون لأنو هنن غلط هون ب بريد الأخوية بحق الكتابة ل أي شخص لو مو مسجل ليش لأنو بظن الأخوية لهلق محترمة كل الطوائف و كل العقائد و الاتجاهات منيجي للمنبر الحر بظن في عنا حرية سياسة بالقسم هذا لأبعد حدود و أحيانا يتم مخالفة قوانين المنتدى و يتم التغاطي عنها تحت بند الحرية منيجي لحوار الأديان برجع و بقول العطل مو بحوار الأديان و بهالقسم لأنو هو بحد ذاتو فكرة سليمة بالمية مية و بنائة بس العطل بالنتطرفين يلي عم يسبو يشتمو و خاربينو مشان اللائحة السوداء حسون اللائحة ما انتشرت غير لبعد ما أنو رائد و الرفاعي زادو الشغلة لحد كبير و يلي قريان موضيعون بيبررو للأدارة حذفون بس بدون ما نقرا نيجي نعترض فهذا شي مرفوض مشان الأخت السورية : أنا بحترم خبرتك الكبيرة بمجال المنتديات و تفتحك الثقافي و العلمي بس أنو بظن وضع منتدى الأخوية مختلف شوي عن المنتديات العربية يلي كلنا شايفينها صرلي عالنت من سنة ال 99 و فتت كتير بولا منتدى علقت أكتر من اسبوع أوصل لدرجة افراط ذوق يعني بتلاقو الادارات مابترضى غير يلي بيكتوب بالمنيح و غذا واحد كتب برات الطريق جملة ياويلي عد للعشرة عالحذف فكيف منتدى عمرو 3 سنين ماحاذف غير 3 عضويات و 2 منن لنفس الشخص فبظن هذا دليل أكبر على قبول الآخر بشكل تاني حاويين المنيح و القبيح و مشان المنتدى فهو بلش منتدى مسيحي و كانت أخوية دوت كوم صفحة أخبار الكنيسة و بلش ضم شباب سوريا المسيحي فكان منتدى مسيحي بعدين صار أخوية منفصل عن الكنيسة و توسع شوي بس بدك تيجي للطينة فهو منتدى مسيحي و أغلبية أعضائو كانو و بظن مايزالو مسيحين بس هالشي مابيعني التمييز العنصري لأنو كل الديانات مرحب فيها بالمنتدى ابتدائ بالمسيحية و انتهاء بالسنسكريتية مع احترام جميع الديانات و لاستمرار تواصل الديانة المسيحية مع بقية الديانات وجود حوار الأديان يلي هو حوار عقائد و مبادئ و ليس دعوة للدين متل ماعم يسوو هلق بظن المنتدى عم يحترم كل الأعضاء على أختلاف مللون مشان الأدارة برايي حسون أنو ماعم تشتغل و انا ماني حاببكون محامي دفاع عن الأدارة بس بدي قلك شغلة " مابتعرف شي " ماتزعل مني فأنا قصدي أنو الأدارة ماقصرت ولا عم تقصر و يلي شايفينو من شهرين لهلق صرنا داخلين ب 3 ستايلات ضخمين و أقسام كبيرة و فروع جديدة و ميت أيد ميت رجل ... و مشان الأشراف مابظنو كمان عم يقصر لدرجة أنو يعتبر المنتدى تافه أو أقل شأن -------- ممكن البعض منكن عم يعتبر هالمنتدى و أعضائو حرابيق من جانب السخرية أو مسيسين لصالح المنتدى فبدي أعتذر منو و قلو لايعص كتير يقوم يطق معو شي عرق لأنو رفع المنخير لفوق كمان ممكن يقلب لورا و يصير معو فالج معوي ;-) --------------- ع كل حال الموضوع عن الديمقراطية و بقدر ساعدكون بشغلة يلي ماعاجبو المنتدى و إدارتو و مشرفينو و عندو مشكل في يروح ع بريد المنتدى و يكتب و يريح حالو و وقت مايجي الرد يبقى يتفلسف تحياتي ألكن :سوريا: |
اقتباس:
اسفة عنجد انا قصدي انو منتدى حوار الروح ( مبين من اسمو شو هوي ) هني عم يقولو بس للمسيحية وانا عم قللون لاء للمسيحية وللاسلام وللكل ليش يعني بس المسيحية عندون تأملات وخواطر روحية اكيد لاء ( هاد كان قصدي ) ماقصدي انو الاسلام ماعندون روح واذا قريتي ردي مرة تانية بتعرفي المقصود منو عنجد بعتذر اذا انفهمت بطريقة غلط |
يا شباب مجود حكا الحكي يللي لازم ينحكى من زمان.
وحكيو صح مية بالمية. تحياتي مجود:سوريا: :سوريا: :سوريا: |
اقتباس:
|
اقتباس:
أعتذارك مقبول وأنا كمان بعتذر لأنو فهمتك خطأ أصبح رح نحط المنتدى الأسلامي بحوار الروح ونرجو التثبيت يا مشرفة وهي مني إلك:سوريا: :سوريا: :hart: :hart: |
اقتباس:
في فرق بين أخوية دوت نيت و أخوية دوت كوم أخوية دوت كوم موقع مسيحي تابع للكنيسي و بطل موجود هلأ بسبب إهمال إدارة الكنيسي أخوية دوت نيت موقع اجتماعي علماني أو يدعي العلمانية و يمكن يبطل موجود إذا الإدارة بدها تضل هيك |
اقتباس:
ممكن تقرأ الموضوع كلو و كل الردود يلي فيه و تعرف أنو ما معو حق بس برجع و بقول أنو في فرق بين الديموقراطيي و بين حرية التعبير عن الرأي و هدول شغلتين مطلوبين |
اقتباس:
اقتباس:
و الديمقراطية مو هي التسيب يلي بيودي للفلتان بالعكس الديمقراطية هي التنظيم لحرية الرأي و برجع و منفتق و منعيد أنت الموضوع كلو بالأساس ع أدارة المنتدى أنو مو عاجبتك ف ياريت يا حسون توضح أكتر و تحط إيدك عالجرح مو مجرد أستهذاء فهي إذا حابب تعارض من ناحية عملية أما إذا أنك تقصد المعارضة من ناحية فلسفية و فاضية فبظن أنو الموضوع بلافايدة فبطلب منك إذا في شي مو عاجبك تحكي عنو بصراحة أحسن من الأستخفاف و التجريح عفوا ( الحكي لكل يلي مو عاجبون شي بالمنتدى كمان ) سلامات :سوريا: |
اقتباس:
اقتباس:
و أنا شرحت المثل تبع البيت قبل بمرة اقتباس:
اقتباس:
اقتباس:
|
بشكل مختصر ناقصك شي بالمنتدى ؟؟ في شي حق غايب عنك ؟؟ في شي مدايقك ؟؟
لا تقلي معتقين و ملزقين ... يكونو ميتين الأدارة المهم ناقص شي فعلي ؟؟؟ |
اقتباس:
لأنو حرية التعبير بدل على الديمقراطية وإذا كان في حدا بدو يعبر عن رأيو بصراحة لازم يكون فيه ديمقراطية شفت كيف أنهم واحد ومافي فرق:jakoush: :jakoush: |
اقتباس:
أنا عم قول أنو في فرق بتعريف كل شغلي الديموقراطية هيي حكم الشعب و هادا غير موجود بالمنتدى حرية التعبير هيي لما الشخص بعبر عن رأيو بلا خوف و هالشغلتين عادة بكونوا موجودين مع بعض بس للقاعدي شواذ و هدول شغلتين أنا بأيدون اقتباس:
|
:lol: :lol: :lol: :lol:
:clap: :clap: :clap: ;-) |
عفوا الأخت مغرومة الرومانسي
أنا ما فهمت شي من الرد تبعيك |
عم تزقفلك :lol:
|
اقتباس:
|
ل........هاه
|
:gem: :gem: :gem: :clap: :clap: :lol: :lol:
|
| الساعة بإيدك هلق يا سيدي 00:50 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون