أخوية - تعدد الزوجات جزء من الحل!!

أخوية (http://www.akhawia.net/forum.php)

- حصاد المواقع (http://www.akhawia.net/forumdisplay.php?f=79)

- - تعدد الزوجات جزء من الحل!! (http://www.akhawia.net/showthread.php?t=128681)

اقتباس:

كاتب النص الأصلي : mblue (مشاركة 1329209)

صحيح بالشريعة الاسلامية بيتم قطع يد السارق ، لانه بمنظوره هي عقوبة رادعة ، وتذكرة دائمة بالذنب اللي اقترفه هالبني آدم لما قام بهاد الفعل ، وما في تشريع ديني او سياسي او مهما كان اصله بقول انه السرقة مسموحةباي مجتمع وباي حالة من الأحوال .
ما حدا مختلف معك بالرأي هون..
بالنسبة للعقوبات سواء اللي حكيتي عنها او اللي حتى ما حكيتي عنها هي تطبق في دولة يحكم فيها الشرع بكل شي ، نحن هون بسوريا سمعتي شي مرة انه حدا قطعوله ايده لانه سرق ، لا ... لانه عنا بتم تطبيق قانون العقوبات المدني وليس الشرعي .
هادا الحكي تكرار للحكي اللي حكيناه فوق.. ومو رد عليه:D
وكذلك الامر بالنسبة لباقي المسائل ، سوريا دولة فيها قانون مدني ويتم تطبيقه بشكل واسع ، بالنسبة لقانون الاحوال الشخصية في قانون مدني ( وضع من وقت الفرنسيين) وفي قانون شرعي اسلامي وكل مين حر بانتقاء القانون اللي بريد ليحتكم اله ، اصغر مثال قانون التوريث ، القانون المدني مختلف تماما عن الشرع ومع ذلك في كتير ناس ما بيظبط معها الحكم الشرعي وبتلجأ للحكم المدني .
مو صحيح هادا الكلام .. جميع الشريعات بسورية مأخوذة عن قوانين وضعية "اهماها القانون الفرنسي" باستثناء قانون الحوال الشخصية مصدرو التشريعي الأول هوي الدين .. وما في خيار.. بين قانون مدني وقانون شرعي.. انا عم حاكيك معلومات قانونية مو رأي أو انطباع..
برأيي انه هون نحن خرجنا عن الموضوع الاساسي والل بصراحة انا ما عرفت الهدف منه هل هو انتقاد ام طرح لمعرفة سلبيات ام ايجابيات ، بس المطالبة بجعل قانون الاحوال الشخصية هو قانون وضعي مو شرعي اسلامي
(متل قلتي انت فوق ) ما هو موضوع نقاشنا هون .
لا لا مو انتقاد.. الحكي كان انو بما أنو كل القوانين في سورية لا تعتمد الشريعة الاسلامية فمن المنطقي والعادي أن يتم تعديل قانون الاحوال الشخصية ليصبح قانون وضعي
كلمة اخيرة ، التشريعات الدينيةغير قابلة للنقاش من اجل اثبات صحتها من عدمه ، لانه هي هيك وضعت في وقت معين ولاسباب معينة ولجميع الازمان ، ولكن طريقة التطبيق هي القابلة للنقاش فقط مو اكتر من هيك .
:D

التشريع الديني غير قابل للنقاش بالنسبة للمسلمين ..ولكن اذا كان مطبقا بدولة غير اسلامية.. ويمس أشخاص غير مسلمين فقد طرح نفسه للنقاش.. لأن القانون مطروح دايما للنقاش على خلاف التشريعات السماوية ونحن هنا أمام قانون ولسنا أمام تشريع فقط
:D

اقتباس:

كاتب النص الأصلي : Nay (مشاركة 1329274)

لا أرسلان انا ما استنتجت من كلامك انك بتحكم هيك على النساء.. ولكن الفكرة بحد ذاتها بتخليني استنتج مو بس أنا كتير غيري كمان..
انا قريت ردك منيح.. بس أنا رأيي انو ليش الرجل مبرر ألو يتزوج مرة تانية عدما تقصر زوجته بواجباتها ..بينما المرأة اذا قصر زوجها لا يكون الحكم ذاته بالنسبة لها..:D

الفكرةُ بنتُ الحاجة ما دامت هناك حاجة ومادمنا في الوضع الطبيعي فلا حاجة لنا بالاسرف في تطبيق الفكرة أو التقتير حتى في تطبيقها اذ لا حاجة لنا لتطبيقها
ولكن قد تضطرنا الظروف والمتغيرات على ان نعتنق الفكرة ليس كمبدأ عام أو قاعدة وانما استثناء والاستثناء رغم ذلك لا ينفي وجودها " الفكرة"
بالتالي نحنُ نظلم الفكرة عندما نعلن مطلقا أنها توحي بالظلم رغم انها قد تكون نظاما عادلا في بعض الظروف الاستثنائية وانا أُصر على كلمة الاستثنائية
فجواز التعدد ورد مقيدا بشروط والشروط مفتوحة أمام المتغيرات والظروف المستجدة
والخيارات للمرأة مفتوحة للرد على تعامل الزوج معها طلب الطلاق الاشتراط قبل الزواج الخلع وغيره من الوسائل التي أتاحتها القوانين لها

*
والتقصيرُ الناتئ في العلاقة الزوجية لايعطي أحد الزوجين الحق في الزواج مرة أخرى أو الطلاق او الخُلع
قرأتُ عن زوجة خلعت زوجها لأنها ملّته ..

اقتباس:

كاتب النص الأصلي : ِAbu Alzooz (مشاركة 1329196)

لأنو في دولة عربية ما عدت اتذكر اي دولة بس هي من دول المغرب العربي
تعدد الزوجات ممنوع

تونس الخظرا

اقتباس:

بالنسبة لمثال الدية ، انت عم تقول انه قانون العقوبات السوري مو موجود معناها بالقانون الوضعي متل ما ذكرت انت تحت مو بالقانون التشريعي الديني ، فبهي الحالة انت مالك ملزم انه تطبق القانون الشرعي اذا كنت من غير ملة او من غير شريعة ولكن ما بتقدر تقلي انه لما التغى من القانون السوري معناها انه التغى من الدين او التغى من الشريعة .

بس لتغى من التطبيق العملي

اقتباس:

بالنسبة لموضوع العبودية صار ركزت اكتر من مرة انه العبودية بالاسلام مسموحة ، مين قال هاد الشي ؟؟ العبودية كانت موجودة وقت دخل الاسلام وبقيت مباحة لفترة بس بعدين التغت وحرمت حرمة كاملة ، هلق بتقللي انه كان فيه جواري وغيره كان بس هاد ما بيعني بالضرورة انه اللي كان عنده جواري او عبيد بعد حرمت انه هو عم يلزم بالنص الشرعي وانما بكل بساطة كان مخالف ،فرجعنا لقصة التعميم من خلال الكشف عن فئات معينة .

شلون كانت محرمة و في اية قرانية بتجيزها شو يعني في ايات بتخالف بعضها بالقران

اقتباس:

لما انت عم تقول انه بدولة معينة قانون تعدد الزوجات ممنوع فهو ممنوع مدنيا وليس شرعيا ، يعني ممكن انه ما تقدر تسجل زواجك بالمحكة المدنية ولكنه بالمحكمة الشرعية واجب حكما سواء رضي اصحاب القانون الوضعي ام لا .

المحكمة الشرعية تتبع لقانون الدولة و ما فيه القاضي يخالفو

اقتباس:

عني برأيك انه مصطلح خيانة ارحم من مصطلح زواج ، لما عم تقول زواج فانت عم تعطيه نفس الحقوق والواجبات والمتطلبات سواء كان زواج اول مرة او تاني مرة او حتى رابع مرة ، نفس الحقوق لكل زوجة ، نفس التشريع في كل مرة ، وبكون معلن للجميع ، ولا تقللي انه كتير ناس هلق لما بيتزوجوا مرة تانية بخبوا الموضوع صحيح في كتير بخبو الموضوع بس هاد نتيجة التطبيق الخاطئ للتشريع مو اكتر ومتل ما قلنا انه التعميم على خاصات ما منه فائة ولا بيعطي فكرة .

في فكرة جوهرية شلون زوج لأكتر منزوجة هون هادا الشي في خلل

اقتباس:

لما عم تقول الخيانة افضل او انه هي كهيئة افضل من الزواج ، معقول الخيانة اللي هي مبنية على الغش والخداع بتكون افضل من شي معلن ومباح ( يمكن بالنسبة الك ما هو منطقي ) ولكن لكل واحد بيعتنق الديانة الاسلامية فهو مباح

هي العلاقة يلي هي التعدد هي خيانة تحت تستر ديني و شرعي
لما بكون عندك زوجة لشو التنتين
.
معقول انه الكذب والخداع صار افضل من الصواب .
و

اقتباس:

بالنسبة لقدسية الزواج ، وين القدسية بالموضوع اذا كان الواحد وهو متزوج كل فترة اله عشيقة وكل مرة مع وحدة او حتى بالنسبة للمرأة نفسها كل مرة مع شخص مختلف ، حتى بكل الاديان السماوية الزنى محرم ( ومعنى الزنا معروف ) فاذا كان في دين من الاديان بيعطي حق لصاحبه انه يشبع غريزته الفطرية بطريقه مباحة منصير منقول عنه تخلف؟

مو بكل الاديان الزنا محرم

اقتباس:

كاتب النص الأصلي : ِAbu Alzooz (مشاركة 1329787)

بس لتغى من التطبيق العملي

شلون كانت محرمة و في اية قرانية بتجيزها شو يعني في ايات بتخالف بعضها بالقران

المحكمة الشرعية تتبع لقانون الدولة و ما فيه القاضي يخالفو

لأ حبيبنا هي كانت موجودة ومباحة باول ظهر الدين الاسلامي ... وبعدها صارت محرمة ... وبالقرآن ما في شي مخالف بعضه كله مكامل لبعض ... ولكن في شي اسمه نسخ ... يعني بمواقف محددة ولأشياء معينة كانت مباحة قبل وبعدين انتسخ حكم الاباحة فيها بالتحريم ...

اقتباس:

كاتب النص الأصلي : ِAbu Alzooz (مشاركة 1329790)

ي

في فكرة جوهرية شلون زوج لأكتر منزوجة هون هادا الشي في خلل

هي العلاقة يلي هي التعدد هي خيانة تحت تستر ديني و شرعي
لما بكون عندك زوجة لشو التنتين
.
معقول انه الكذب والخداع صار افضل من الصواب .
و

مو بكل الاديان الزنا محرم

برجع بقلك متل ما كتير اعضاء قبل حكو بنفس القصة ... هي مو منطقية بالنسبة الك ولكن هي موجودة بالشرع الاسلامي ... واذا فيها خلل فهي من وجهة نظرك فقط .

اما لشو التنتين ... كمان برجع بقول انه في شروط لحتى تعدد لازم تستوفيها مو كل ما خطرت ببال حدا الشغلة انه يالله بقوم بطقها جازة الموضوع مختلف شوي ... واذا كان التطبيق عم يكون بهي الصورة في بعض الحالات فهاد الشي بيرجع للفهم الخاطئ والتطبيق الخاطئ لتعاليم الدين ، وكمان انه هي خيانة فلأ هي مو خيانة طالما المعنية بالامر واللي هي الزوجة على علم بالموضوع وعلى يقين منذ البداية انه بيحق للرجل هاد الشي... وكمان مرة تانية بقلك انت مو مقتنع بهاد الشي فبكون من وجهة نظرك اما بالنسبة للمسلمين فهو امر مسلم به .

الزنا مو محرم بكل الاديان ... مو على حد علمي ... اللي بعرفه انه الاديان السماوية كلها بتدين الزنا وبتحرمه ...
وكمان برجع بقول : كل مين حر برأية ووجهة نظره ولكن تناقشني بصحة التشريعات الدينية من عدمها ما هو محل نقاش ... نقاش بكيفية تطبيقها وفهمها ممكن ... ولكن بظن انه مو هون محلها .
:D