|
اقتباس:
ما تغير شي بس انت صرت حساس زيادة يعني القصة مانها مستاهلة الواحد يتنكرز (ان تصومو خير لكم) و ان ما صمتو انتو احرار و خلص |
اقتباس:
خيو تعا شوف هون الشباب اللي بيشتغلو باعمال البناء او الحفر او الحمل والتفريغ .. وهني من جنسيات مختلفة .. اكيد بتعرف الشوب والرطوبة هون و زخ العرق اللي بصير ومع هيك الاغلبية صايم .. بصراحة لهلق ماشفت واحد منهون مسلم مو صايم.. كونو رفيقي مدير عمال فصار حكي بيني وبين بعضهون .. وصايمين بدون ما يفكرو انو عدم الصوم هو خيار اخر بقى هدوول مو عرب و عم يصومو احسن من الكل و الي قاعد تحت المكيف عم يدلل هي مو حساسية هي اسما الغيرة |
طيب شوفو الفصل الي صار معي اليووم
وحدة سورية عندي بالشغل..... الشهادة لله ظريفة و شغيلة.... محجبة و كزا.... اجت اليوم الصبح و قالتلي أنو مدري شو جايبة كوكيز و شغلات للأكل أنو مشان آكول منون اذا حبيت.... أنا سألتا سؤال بريء يشهد الله ما قصدي منو شي..... أنو ما بتصومي؟.... قام فجأة مدري شو صرلها قلبت قد الكمشة و أعدت تبررلي أنو هون ما بتقدر تصوم لأنو الشغل صعب و بلا و ما بتقدر تصوم و مدري شو...... مع أنو قاعدة تحت المكيف و ورا المكتب و شغلتا كلا تلفونات و ترتيب مواعيد و كمان معي بالشغل وحدة فلبينية لك يا جماعة لما بدا تشرب مي بتسكر باب المكتب منشان ما حدا يشوفا و تحترم مشاعر الأخرين شي غريب :pos: |
اي سيدي هي حرة بدها تصوم بدها ما بدها هي حرة .. يعني انت لشو تزعج حالك .. انت الك بحالك وخلص.. يعني ازا بدك تدقق ع كل شخص هيك اي ما بتخلص .. ومتل ما بيقول المدري شو من راقب الناس مات مجلوطا
|
اقتباس:
بس ما بيمنع أنو التنين مزعجين و المزعج أكتر اتهام الآخر أنو وقح ....... لأنو ما آمن بأفكاري ... |
اقتباس:
ههههههههههههههههههه اي عا راااسي خيووو من راقب الناس مات همن اه :p |
اقتباس:
اي صحيح .. بس انا ما قلت يلي قلتو غير لانو مشان بين انو كل واحد بيزعجو شي معين .. بالنسبة لغيرو مش مزعج .. بالنهاية انو انا هالشي يعني ما عمري اشتكيت لحدا منو.. لانو شي عادي وطبيعي .. وما عمري قلت انو هوي وقح .. |
عالهامش ...
يا ريت حدا يحكيلنا .... كيف أحاسيسو بتنجرح .... لما بشوف حدا عم يشرب ..!! أو كيف مشاعرو بتنخدج ..... لما بشوف حدا عم ياكل ..!! |
يعني محيت ردي 3 مرات مشان ما ينحذف ...والصراحه ما بحب ناقش بهيك موضوع ...بس اذا ما حكيت بطق ...
ولك خيو انت عم تحكي من مبدأ اسلام ويا الله شو رايك تحكي عن الدين الاسلامي ..انه هو دين معامله ويسر قبل ما تجي تحاسب الناس اذا كانت صايمه ولا لا ...بعدين عم نطالب باحترام الصايم وانه يا ويلاه صايم ..ليش حضرتنا ما منحترم المسحيين بصيامون ..ولا حلال علينا وحرام ع غيرنا ... بعدين شو هدا الي تغير ..ايه ع ايام الرسول ما كان هيك .... انت صايم بتصوم لحالك وبتتعبد لحالك مو شغلتك تجي تحكم ع الناس .ان كانت صايمه ولا لا ...متل ما بدون يحترمو انك صايم احترم انون مو صايمين ... انا ما بصوم ومابخبي اني ما بصوم لان شغلي بيني وبين ربي ..ولما ب اشرب واكل مالح خبي هدا الشي ... ليش كل ماالنا منرجع لورى ..بفكرنا وبمعملتنا ... انت صايم الك انت ومجبور تتحمل وتشوف الناس الي مو صايمين ..مو بكيفك وهون بيجي ايمانك اذا قادر تتحمل ولا لا ..ولا بدك الناس كلها تخبي حالها مشان الصايم ما يشوف ولا يحس بشي ... لسى مو ناقص غير نمسك عصايه ونبلش برب هل الناس .... الدنيا مو كلها اسلام ..فيها المسيحيه واليهودي والبوذي ..ومتلك متلون ..متل ما انت مانك مجبور تتحمل تقاليدون بالصيام ..مانون مجبورين يتحملو صيامك ..... امتى بدنا نصير ولو امتى بدنا فكرنا بدو يفتح ونتقبل كل شي ..ولك نتقبل حالنا قبل ما نتقبل الغير ... وبالاخير اذا زاعجك كتير المنظر ..خليك بالبيت وما تطلع منه بس فعلا نحنا عم نثبت للعالم كم نحن متعصبين ...منغلقين ..وكل مالنا لورى |
اقتباس:
بعدين انت ليش مزعلة حالك الموضوع كلو عن فكرة قناعة الصوم بس انتو حولتو لطائفية و صوم مسيحين و اسلام و يهوود و ما بعرف شو و الاكل قدام الصايم اذا احترمت مشاعر الغير هاد الغير سيحترمني غصبن عنو و اذا ما صار الإحترام هي المشكلة الكبيرة |
اقتباس:
اقتباس:
بالنسبة الي عادي جدااااا بس بقى طريقة الاكل و خصوصا اذا بيعرف اني صايم هي اسما (وقاحة) هيك بعطيه كرت و ببعتو عند الحلاااق يزبط شعرااتو :p |
اقتباس:
بس بحب احكي شغله هون ..ليش نحنا ما منبلش نحترم بالاول وليش ناطرين الطرف التاني هو الي ببلش .. ولما بتحترم الطرف الاخر ..غصب عنه بيحترمك ..بس خلينا نبلش بانفوسنا اول شي . |
يعني وين الوقاخة يا شيخ لك مشان الله الموضوع ما في شي
انا شخص علماني بس عندي قناعة بالصوم ما بعرف ليش شغلي كلو مع الاجانب و بياكلو و بيدخنو و بيشربو قدامي لك عادي يا رجال بالعكس بتحس حالك عم تأنجز انو قدران تصوم و قدامك هالأغراء يعني الرب عم يزدلك اجرك حسب ما بعرف فليش لتعصب و مدري شو ما الصيام لازم يكون الواحد خلقو حسن فيه و ما يدقق عا كل شي يصرلي متل رجال الهيئة بالسعودية |
اقتباس:
|
اقتباس:
بعدين الإحترام الي عم نحكي عنو موجود و الله موجود هالشي بيعود لأخلاق الشخص و ثقافتو و تربياتو المحترم كل الناس بتحترمو و ال قليل زوووء كل الناس بتدعس عليه |
اقتباس:
لا مو هيك الإسلام بيقول بس الواقع بيفرض عليك هالشي اذا واحد ما نو مزووء شو بعملو يعني بيرقصلو خيووو اقل الإيمان بتجاهل انو موجود :pos: |
اقتباس:
|
اقتباس:
آخر همي علمك شي .... لا الاسلام ولا غيرو بس أنو يعني حاج تتخبو ورا هالكلمة لأنو بصراحة عم تبينو أسوأ صورة لهالدين .. المسبة صارت باسم الدين الحقد باسم الدين الكراهية باسم الدين |
| الساعة بإيدك هلق يا سيدي 04:49 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون