أخوية - قل لي شو توقيعك أقل لك من أنت

أخوية (http://www.akhawia.net/forum.php)

- السقيفة (http://www.akhawia.net/forumdisplay.php?f=58)

- - قل لي شو توقيعك أقل لك من أنت (http://www.akhawia.net/showthread.php?t=127178)

اقتباس:

كاتب النص الأصلي : مجنون يحكي وعاقل يسمع (مشاركة 1314023)

أبو نجبو أنت دورك بعد صفصف , ومنشان يجي دورك , عملك تطليعة عليها شفلي نامت وعلي شخيرا واللا لسا , لأن هاي بتحب اللعي كتير , يعني أكتر منك , أصلا مو أنت وهيي شركا بالموضوع اللي بالك منّو وخد على بر بربربربربر بر وتقصقص بزر

ولك محدا بيفهم ع ربي غير انت حتى بطق البر بر بر بر وتقصتص ;)

اقتباس:

كاتب النص الأصلي : أإأبو العبد (مشاركة 1314091)

ايه ايه اجل موضوع صوفي اجلو
اخي انو لايمت الليديز فيرست

جزاك الله خيرا

جزاك الله خيرا .... انه فرحا بحالك كتير يعني ...وشغال اللطش بلاقي :p

اقتباس:

كاتب النص الأصلي : مجنون يحكي وعاقل يسمع (مشاركة 1314052)

مافي شي بيستاهل ..كلو رايح عمزبلة التاريخ
شفت شلون كلو على المزبلة أي معك حق مبارح عملتلّي تطليعة .... لورا ... ناحية التاريخ ، أي شو هالتاريخ ، سهدو وكيلك طالعة ريحتو وشي بيقرف , وعلى ذكر التاريخ رح سبقلك الدور شي سبع ثواني وستة بالألف من الثانية , لأن ذكرتني بموضوع فتح صفحات هالتاريخ المشرفة والمشرقة
ورح اضطر أجل موضوع صوفي لبكرا أو بعد بكرا منشان أحسبلك دورك بدقة أبو العبد ومنشان ما نظلم حدا

من امتى منمشي بالوساطه ..وشو تاجل وما تاجل ..هيك ابدا مو عدل يعني ..يعني مزبله التاريخ احسن من حيطاني .الله ما بقبلني :pos:

اقتباس:

كاتب النص الأصلي : mary belle (مشاركة 1314130)

وين هالتحليل انو ال يا لطيف:p!!
انو ازا عتوقيع واحد اخد يوم!
لكن عهل الحاله الجماهير بدها تعبي صالة الرسيبشن:o
هاي مو شغلة لعب ، هاي بدك تحللي شخصيات ناس وبيجوز بعد كشف المستور وإيضاح الحقائق يتحدد مصير ناس كتير , ومتل ما بتعرفي تحديد مصير الناس بيحدد مصير الوطن لأنو مصير الوطن مرتبط بمصائر الناس والنظريو عكسية..... بمعنى مصير الوطن يحدد مصائر الناس
*انا بهالزمنات اقترحت انو كل واحد يحلل التوقيع اللي بدو ياه! (بس الظاهر طلبي ما وصل عالمجلس لعند سعادتك:deal:)!
شو رأيك؟:sly:

ولك وحياة سعدو بعرف شو اقترحتي وأنا ماني ضدك , بتحبي تبسطي جنبي ما عندي مشكلة بتحبي اتركلك البسطة تبعيتي بيكون أريحلي بكتير شو فكرة التعامل مع البشر سهل .... شوفي ياحرام هالحيطان شلون كلها صارت مهرهرة من كتير الناس ماعمبتفوت فيها .... يعني شي مرة شفت العكس ... يعني في قريت أو سمعت أو شفتي حيط معتدي على بني آدم وفيت فيه ...إذا شفتي هاتي لنشوف مين اللي فات فيه الحيط ... يمكن تكوني سمعت هيك قصة من الشخص نفسو اللي عمل الحادث واتهم الحيط . وعمل متل ما بيقول المثل "سبقني وبكى وضربني واشتكى"
يضرب الصدق شو صاير بيفوت بالحيطان بهالزمن الأصفر
شوفي مثلا عندك هاي البنت اللي اسمها صفصف وكيلك سعدو ومنتفعاتو اسمها على شكلها يعني من كتير موصافية شفافة متل الكريستال يا حرام اسمعتلك أنو مجلس مديحة المنامة رافع ضدها دعوى استبعاد بتهمة الإعتداء على الحيط الوطني البحرين واضعاف التكاتف الحيطاني واستخدام أسلوب شيطاني للوصول إلى أهم المناطق وأكثرها حساسية بالحيط الوضني مما أدى إلى إضعاف التكاتف الحيطاني الوطني
قلنالها من زمان ولك يا أختي يا صفصف بهاللأيام اللي بدو يعيش لازم يعمل متل الكديش
يعني بيركب على عيونو هاي الشو اسمها اللي بيحطوها على عيونو منشان ما شيوف غير قدامو ..... الحكي معها عبث ... راس يابس ... سعدو وكيلك أمل مافي ..... بتعرفو شو قلت آخر شي ,,,, هيك بعد صفنة طويلة ووسيكارة حمرا وبريقين تلاتي متة قلت شكور ربك يا ولد يا مجنون اللي مانك حيط كنت صرت فراطة
ماعلينا يا سيدنا أسوأ مافيها صفصف أنو بتنحب كيف ... الله أعلم على قولة الشيخ منحوس ابن محظوظ العريان . وأنا حبيتها من أول مسكة قلم لهالبنت ,,,,, وخود صاحب من بعد مشكل صارت صفصف إذا بتترشح على شي برلمان دولي بتنجح " إذا مافي تزوير طبعا" من كتر ما عملت خناقات ومشاكل وجمعت أصحاب وأحباب ... وأنا كنت قلها يعيني ياروحي طوليلي بالك وهدي اللعب واعتمدي على الهجمات المرتدة : هع وجق
قلتلها ترا أنتي ما بتعرفي لبش هيك عمبيصير فيكي . قالتلي إيدي بزنارك ..داخلي على سعدو وعليك ليش هيك عمبيصير فيني
هزيتلكون راسي هيك وقلت لحالي تاريك مو سهل بعلم النفس يامجنون..... إنك تقنع صفصف تاريك مش ولا بد
شو قلتلها يا حزركون ؟؟؟؟؟؟؟!!!!!!!
وشو صار بعدين
منكفي القصة بالجزء القادم من مسلسل حيط الحارة
وكل رمضان وأنتو بخير

وانا كمان
ناطرة

وانا كمان معكن
ناطرة

لك مجنوني انا وين راح دوري ... يا ضيعان الرفئة والاعجاب فيك ... بدي قدم وساطة لاطحش عالدور التالت بسرعة:jakoush: بعدي هيك صفصوف وابو العبد صفو عالدوووور ورايي:p ابو العقول المجنونة لا تطول عليي اي ...:D

عالرغم انو بعرف تفسير توقيعي عوجااا:cry:

أنا عم استنى بس ممكن اخد موعد يعني بتعرفوا انتو و قتي ديق كتيير و ما لي فاضية استنى:lol:

دخلك إذا عملنالك زيارة عالعصفورية بتمرقنا قبل الدور؟ بس بأيا وحدة عم تستجم؟ ما تكون بدوما؟؟؟

اقتباس:

كاتب النص الأصلي : Sun Shine Art (مشاركة 1314242)

ولك محدا بيفهم ع ربي غير انت حتى بطق البر بر بر بر وتقصتص ;)

جزاك الله خيرا .... انه فرحا بحالك كتير يعني ...وشغال اللطش بلاقي :p

من امتى منمشي بالوساطه ..وشو تاجل وما تاجل ..هيك ابدا مو عدل يعني ..يعني مزبله التاريخ احسن من حيطاني .الله ما بقبلني :pos:

عالدور لشوف :larg:
:tomtom:

معلم شو رأيك هيك تكتبلنا الترتيب من الاول للاخر مشان ما كل شوي يجي واحد ويقلك دوري دوري .. ويصير في واسطات ومدري شو .. هيك برد اكتبلنا ترتيب الشبيبة مشان ترتاح من لعيهن ..:frown:

اقتباس:

كاتب النص الأصلي : أإأبو العبد (مشاركة 1314499)

عالدور لشوف :larg:
:tomtom:

الله لا يشمت عبد بلسان ابو العبد :aah:

معناتو انت كمان صف عالدور واسطتي اتقل من وسطتك :lala:

وانا والله شفلي توقيعي قبل ما غيره لاني
مليت منه:lol::lol:

اقتباس:

كاتب النص الأصلي : أإأبو العبد (مشاركة 1312838)

روووووح شايفلك

مرحبا أبو العبد
بفٌذن من الشبيبة اللي دورهم قبل أبو العبد
ومن صفصف كوني لسا ما خلصنا تضميد جراح الحيضن والشو أسمو اللي ذاكرتو بتوقيعها
وبما أنو مبارح وأنا عم بحلم ليل نهار ,بأبو العبد مهاجر برات الديار , قلت لحالي يامسكين يا أبو العبد وإذا كان هونيك بالمحل اللي بدك تحط فيه ترحالك مافي شام موسيقى(أف أم ) بالترجمة لبعض اللهجات بتجي بمعنى في موسيقا وفتحت هالراديو هنيك وطلعلك أ.أم أي آآآفي موسيقا
شو بدو يصير بحالتك
وبتجي بدك تسمع أبو وديع بتطلع الكهربا مقطوعة إذا رايح على شي بلد متلنا أحيانا بتجي لعندون الكهربا
يمكن رح تجي آخرتك ساعتها يا أبو العبد وتزيد حالة الملل واليأس عندك وتوصل على آخرتك بكير كتير ، أصلاً هوي آخرة البني آدم قدامو بشوي صغيرة ، أول كوعة عالشمال ، بوجهك مباشرة مزبلة التاريخ هنيك
موفق خيو أنتم السابقون ونحن اللاحقون ..وراك وراك كلنا وراك يا أبو العبد إلى مزبلة التاريخ

ايواه ... انو .. بقديش التسعيرة بس ..

لنشوف شو لح يطلع معك .. ازا عجبني بدفع ما عجب .. تسؤ ..

بفركا :o

اقتباس:

كاتب النص الأصلي : مجنون يحكي وعاقل يسمع (مشاركة 1315608)

..وراك وراك كلنا وراك يا أبو العبد إلى مزبلة التاريخ

بصراحة مجنوني كل شي انا معك فيه وبشد على اياديكم الحكيمة :lol:... بس هي ما حبيتا منك يعني هوي مسافر على مزبلة التاريخ :pos: ... صحيح سافر بس ابصر لوين بس ازا هوي قلك انو مسافر ع مزبلة التاريخ فا بسحب تعليقي :oops:

اقتباس:

كاتب النص الأصلي : jovia (مشاركة 1315653)

اقتباس:

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

شام FM
,,,,,,

إن الله في أعلا قمة جبل وكلٌ يصعدها بطريقته
,,,,,,,

أبو وديع FM

____
مافي شي بيستاهل ..كلو رايح عمزبلة التاريخ

شوفي ياصديقتي جوفيا
هذا التوقيع أعلاه بشو يتحبي احلفلك ،بسعدو ...يا ستنا مارح أحلف لا بسعدو ولا بغيرو
حيث قال سعدو في كتابه المبروم (السطل يعني) :لاتحلف بسعدو ولا بكتابه المبروم لأنك لن تجد مثله اليوم لا في السوق العتيق "الله يرحمو " ولا في سوق الحرامية
لذلك بتصدقي أهلا وسهلاً ما بتصقدقي كمال أهلاً وسهلاً ...بتعرفي ليش
، لأنو حتى إذا قلتلك افرنقعي من هنا .مارح تفرنقعي بعرفك رح تضلي مبلطة هون
مستبردة جنب المكيف
مافي شي بيستاهل..كلو على مزبلة التاريخ
لك أبو عبدو ..... يحرق حريشك على هالسحبة ... شو آخد ؟ بقصد شو نوع النفس اللي ساحبو لواصل لهنيك ... يا لطييف .... بشرفك أو عبدو إن قايل هالحكي وأنت قاصدو تماما تماما
انسيت قلك أخي أبو عبدو ، بطريقك في كام شغلة جداد خلنج بس بدون كب الله يرضى عليك بطريقة على المزبلة ... من غير مأمورية

اقتباس:

كاتب النص الأصلي : مجنون يحكي وعاقل يسمع (مشاركة 1315746)

شوفي ياصديقتي جوفيا
هذا التوقيع أعلاه بشو يتحبي احلفلك ،بسعدو ...يا ستنا مارح أحلف لا بسعدو ولا بغيرو

لذلك بتصدقي أهلا وسهلاً ما بتصقدقي كمال أهلاً وسهلاً ...بتعرفي ليش
، لأنو حتى إذا قلتلك افرنقعي من هنا .مارح تفرنقعي بعرفك رح تضلي مبلطة هون
مستبردة جنب المكيف
مافي شي بيستاهل..كلو على مزبلة التاريخ

لك اي اي بعرف انو هاد توقيع ابو العبد شيخ الشباب;) .. ع كل حال موضوعك عجبني وردك كمان عجبني بس لو ما كنت انت مجنون الغالي اخخخخ:sick:
وع قولتك ماحا افرنقع ح ضل مبلطة هون مستبردة حد المكيف :lol::p

اقتباس:

كاتب النص الأصلي : jovia (مشاركة 1315757)

أي طيب
إذا لم يكن ما تريد فأرد ما هو كائن

كاتن اوسع هل صالون :larg: