|
اقتباس:
وصار الرجل يعرف انو المراة انسان متله من حقها الرفض والاستجابة والمتعة بالوقت يلي كانت فيه اداة لمتعة الرجل فقط وصارت المرأة اقوى بمصارحة الرجل بها الاشياء هي وصباحو |
ابو الملقم
سامحونا كتبت ردين الاول نسفه الملقم هيك قالولي بس طلع مو ناسفه |
اقتباس:
وايت روز صحيح كلامك وهلا صار في وعي أحسن من قبل بس في ملاحظتين صغار أول شي نحن عم نحكي على مجتمع كبير وفيو أطياف مختلفة وما بعتقد كل فئات المجتمع بتعرف بهالناحية تاني شي المعرفة شي والتطبيق شي تاني يعني لما المرأة رح يكون عندها برود والسبب هو أنها ما عم تستمتع على سبيل المثال هل يا ترى الرجل الشرقي الذكوري بشكل مفرط رح يتقبل هالشي بانو يحمل جزء من المسؤولية |
اقتباس:
على كل بعتقد طالما الرجل بيعرف هالشي وبيقدر المرأة كشريك فهو ما رح يكون من جماعة الاجبار عالجنس والاغتصاب يعني المفترض يتعامل مع المسألة بوعي بس العتب عالبقية |
اقتباس:
تاني شي : ما في داعي لانو يجيب ولادها كشهود . القانون بيحمي بهالحالة من خلال انشاء مراكز استشارية ونفسية وعدم دعمه العلني لهيك ممارسات . طبعاً اهم وسيلة هي التوعية متل ما ذكرنا . نحنا ما عم نحكي عن سكرانين نحنا عم نحكي عن حالة يوافقها الشرع وما بتصور الشرع بيسن قوانين لسكرانين :? |
اقتباس:
بعدين الزواج عقد رضائي ازا المرأة مؤذيها زوجها بالمعاشرة فيها تنفصل عنو وتتحمل كلمة مطلقه مو تقعد وتخلي لا هو عزابي ولا هو مجوز انا ما كنت حاب ناقش الحديث لأنو انتو ما بتعترفو بصاحب الحديث لترضو بالحديث بس وقت ما انزكر قلت لازم اشرح شو معناه وميية هلا فيك رفيق:D:D:D |
نرى ناس يتحدثون عن جنس شبه يومي منذ عشرة سنوات .....
نسأل اهل الاختصاص ... هل هذا شيئ طبيعي ... هل هذه علاقة طبيعية مبنية على الحب او مبنية على السادية ؟؟ ننتظر رد اهل الاختصاص الطبي و النفسي ,,,,, |
سؤال مهم ايضا ...
هل القانون يعاقب بنفس الدرجة على الجنس بالاكراه (بدون عنف مثال تحت التهديد ) مقارنة بالاغتصاب المترافق مع العنف الجسدي ؟؟؟ |
اقتباس:
المزمنة منذ مئات السنين . واكثر من تحدث عن هذا الموضوع هو سيجموند فرويد الذي قال بطاقة "لليبد " والتي تعني طاقة الحياة والذي اسيء فهم المصطلح على أنه ( الدافع الجنسي) بالمعنى الضيق .وقال اذا لم يشبع هذا الدافع يكبت عميقا في اللاشعور ولكنه يبقى نشطا هناك وياخذ اشكالا مختلفة. وهذا يفسر الإغتصاب والعدوانية والمثلية الجنسية, والسادية والمازوخية, والتلصص والفتيشية ....الخ وقد يتحول الى ابداع ( شعري أو تشكيلي...) وما هي النكت التي تتناول الجنس في مجتمعنا الا تعبير عن هذا الكبت. بالرغم من التحريم الديني والاجتماعي يبقى الجنس دافعا اساسيا يحافظ على حياتنا البشرية ولا يمكن التخلص منه أو ازالته مهما تزايدت هذه الممنوعات . ومن هنا يمكن أن نفهم لماذا كثرة الحديث عن الجنس ,لانه اسير تناقضين : كونه اساسي وحيوي وكونه ممنوع حتى لو اخذ شكلا مقبولا اجتماعيا من خلال الزواج يستمر تشويه حتى بالعلاقة الجنسية بين الزوجين ( مثلا يصبح حقا ذكوريا دون مراعاة المرأة, لا يتم بين الزوجين الا بعد اقفال الابواب بالمفتاح, وبالظلام ....) الى ما هنالك من اشارات توحي انه فعلا ممنوعا ويجب ستره. وقد يكون كثرة الحديث عن الجنس تعبيرا عن العجز الجنسي (خاصة الذين يكثرون الحديث عن مغامراتهم وعلاقاتهم ودونجوانيتهم) وقد يكون نتيجة لقوة الدافع الجنسي مع ضيق الخيارات لتفريغ طاقته. |
يا عيني عليك و رضوان
قريت ردك في نقط مشابهة ليلي كنت رح قولو بشكل كبير كان في نقطة تانية حابة قولها بس نسيتا :? تداخلت الأفكار براسي لما قريت ردك سعادتي بتكون كبيرة لما بشوف هيك ردود :D |
اقتباس:
الاكراه اما بيكون مادي او بيكون معنوي و التهديد هو شكل من اشكال الاكراه المعنوي.. و النوعين بيأدو من ناحية العقوبة لنفس النتيجة ( هاد بالجرائم ) و بيأدو لبطلان التصرف في المعاملات المدنية ( مثل ابرام عقد تحت الاكراه المادي او المعنوي ) ازا بتحب منعمل بحث عن جريمة الاغتصاب أركانها و عقوبتها و مقارنة بين بعض الدول لجريمة الاغتصاب |
اغتصاب الزوجه ان كان طاعه او جريمه ..اول شي خلينا نحكي ...
عن قدره المرأه بطرح الموضوع بمجتمعنا ...وهل هي قادره ع التكلم والافصاح عن هيك موضوع .بعتبار في طرف اخر وهو زوجها .. ورغم التغير النسبي البسيط الي وصلت اله نسبه قليله من النساء ...مازال هناك النسبه الاكبر منهون الي بيخافو مجرد التحدث بالموضوع او طرحه ...ولا ننسى ايضا عدم التويه الجنسيه والنقص عند اغلبيه النساء .....مما يجعلها بحيره ان كانت هي فعلا تحت جريمه او طاعه او هي تقدم ما وجب لها ان تقدمه ... اما الرجل الي بيرضى لحالو يتصرف هيك فا بكون لا اوسخ من هيك |
اقتباس:
نحنا منحكي عن نصوص شرعية ما بتذكر لا 4 شهور ولا 5 شهور. لذلك عيني ما في حماية حقوق ولا في حماية . خلينا نكون واقعيين شوي . بالنسبة للجزء التاني من كلامك ما فهمت مين المقصود بـ ( انتو ) :? انا ماني بصدد اعترف بصحاب احاديث وغيرو انا عم بحكي عن التشريع الاسلامي بشكل عام . اما مشان الطلاق فهادا الحل الأمثل بحالات تفاقم الاوضاع ولكنه ليس حلاً عادلاً بشكل يحفظ الحقوق للطرفين . نبقى في مسألة الانحياز القانوني والشرعي. ويا هلا . |
اقتباس:
بتعرفي اكتر حدا بشوفوا بيناقض نفسوا بالكلام انتي بتقولي انو الحديث ما بيتعاض مع القرآن وبتقولي انو المرأة مافي سبب تقولو لزوجها انو ما بدها تمارس معو الجنس بهالوقت لأنو تعبانة يعني كل الأوقات لازم توافق أو بتخرب علاقتون الزوجية وبتقولي انو الرجال اللي بيجبر مرتوا على هالشي ما بيكون في لا أخلاق ولا دين مع انو بفعلتوا برأئيك ما بيخالف الدين والمرأة لازم توافق كيف عم تزبط معك :?:?:?:?:?:?:?:? |
اقتباس:
كلامك بيدل انو الزواج هوي سكس وبس مافي شي غير هيك شو يعني انو هي وافقت تتزوج واحد يعني بتكون القصة كلها جنس وبس يعني شو هالمفهوم الحلو للزواج :frown: |
انو أبو وليم بعصلج معو قانون بالحقوق بيجيبو لعنا لحتى نشتغل نحنا فيه :lol:
لا وبيتركنا ننزل ببعض كمان وهو قاعد من بعيد عم يصفن :frown: بس مشكور كتير موضيعو بتحرك الجو وبتفتح الاذهان على أفكار كتيرة ومتنوعة. بعد هالمقدمة ندخل بالموضوع الاديان وجدت لحماية الانسان وللحفاظ على النفس البشرية أنا هيك بعرف وهي القاعدة الاولى في الفقه الاسلامي اذا ما كنت مخطئ لذلك التفسيرات كلها لكل النصوص الدينية لازم تاخد بالاعتبار هالنقطة هي وليس الحفاظ من القتل فقط انما من جميع الجهات . فالنصوص قد تفهم في عصر ما وتفسر بأمر وفي عصر آخر تفسر بأمر آخر. " هون أنا بخالف الباشق بوضوحية النص استنادا على هالنقطتين هدول" طبعا التفسير مو لازم يكون كل على هواه انما بشكل نظامي وباختصاصيين من كل النواحي " لغوي, شرعي, اجتماعي , نفسي , رياضي , اقتصاد , ....." وبضل هاد رأي وفكرة بحبذها كتير أنا. يعني بالمختصر الدين وُجِد ليخدم الحياة البشرية مو العكس . هي من ناحية الدين . اجتماعيا السبب الاول والاخير برأيي هو قلة الثقافة الجنسية وعدم القدرة على مناقشة هالأمور طبعا أنا بستغرب من رجال تفعل العجائب مع احداهن طبعا هي ليست زوجته ... ويخجل من فعلها مع زوجته . ويناقش هكذا أمور معها ويكون متفتح العقل ومنغلق تماما مع زوجته. كما أستغرب من امرأة تستطيع أن تحادث صديقتها أو جارتها أو رجلا صديقها عن علاقتها الزوجية ولا تستطيع فعل ذلك مع زوجها كما قلت سببه الكبت وعدم وجود ثقافية كافية ووضوح بين الزوجين لفعل ذلك. طبعا أنا ضد الاكراه في كل شيء ليس بهذا الأمر فقط. ومن المقرف القيام بهالعمل من طرف واحد ومن المقرف أكثر أن تتظاهر الزوجة بالمتعة وهي من الداخل تكره النظر الى زوجها. طبعا الحل من التربية منذ الصغر ومن الزوجين بان يتصارحا تماما فللنساء أمور قد لا يعلمها أخبر الرجال . وعند الرجال نقاط قد لا تستطيع أعتى النساء الوصول اليها . جميل أن يقولا لبعض ما يحبان وما يكرهان وجميل أن يطورا بعلاقتهما بأساليب وامور جديدة " بالاتفاق طبعا " تديم الحب بينهما . أولا وآخرا هذه غريزة موجودة ومخلوقة معنا شئنا أم أبينا فالتعامل معها وتطويرها أفضل بكثير من كبتها . ثم انها فعل حبٍ بين حبيبين فانظر من تحب وكيف يحب وماذا يحب سامحونا عالاطالة :D |
اقتباس:
وشكرا أكثر لتشجيعك عم حاول تكون بعض الردود جدية وعلمية :D:D |
ردي رح يكون ..طويل ..بتمنى حدا يكملو للأخير :cry: انا شخصيا بحب وقت يكون في طرح .. مفادو المرأة ضحية .. والرجل جاني .. أني أتروى جدا ً " اعتقد انو المرأة بديت تصدق عن جد أنو هي ضحية الرجل .. :? " بداية العلاقة الجنسية المفروض تتم برضى الطرفين .. والعلاقة الجنسية شيء أساسي ومهم لنجاح الزواج .. :? طيب بلكي ضلت ما بدا .. او بدا بما لا يتوافق مع رغبة الرجل بنوب ؟ شو الحلول .. ليش المفروض تكون الحلول دائما يا أبيض يا أسود أنا بفهم الزواج كمؤسسة .. بين شريكين " بشريين :lol: " وهذا يفترض وجود مساحة من الأخطاء ومساحة من المغفرة " أنا كأنثى يعني اعتقد رح تصير معي وقت اتجوز .. اني مارس الجنس معو لأجلو " كما هو رح يمتنع عن أشيا لأجلي أو يعمل أشيا لأجلي هذا جزء من الالتزام بالزواج " كما أنا بشوفو " ..أنا بشوف انو رح نوصل لمرحلة بيني وبين زوجي بحاجة قاضي يحددلنا ايمتى بيكون لازم نمارس جنس .. وايمتى ببتلاقى رغباتنا في مشكلة خطيرة بزواجي يعني عوضا ً عن اني اوقف بصف المرأة .. او ضد الرجل .. انا عم فكر بالعيلة ككل .. طيب العائلة التي رح تنبنى على علاقات جنسية ما سليمة بحاجة قاضي ؟ برأيكن لو جينا قلنا للمرأة اللي عم تمارس الجنس رغما ً عنها .. أنو إذا جبرك بيحقلك تتطلقي ؟ كام امرأة رح تقول انو هيك عم يصير معها ؟ كام امرأة في مجتمعنا عندا استعداد تعيش مطلقة ؟ وبعدين ليش عم نفترض انو المشكلة الرجل " كالعادة " بس نسمع مشكلة امرأة ورجل .. فورا مننحاز لصف المرأة .. كدليل على تحررنا الفكري :? طيب بلكي هي باردة جنسيا ؟ شو الحل ؟ يعيشو حب عذري ؟ المشكلة موجودة نعم .. متل ما موجود كتير مشاكل بالعلاقات الزوجية الجنسية .. هالمشاكل ما اعتقد انها بحاجة قاضي يحلها .. بحاجة لدور اكتر لمختصين .. نفسيين مراكز استشارية للازواج .. صراحة بالحديث في موضوع الجنس بين الزوجين .. ثقافة اكتر لكلا الزوجين برغبات و جسد الشريك التاني .. :akh: بعتقد خلصت |
| الساعة بإيدك هلق يا سيدي 22:56 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
