|
اقتباس:
انا معك بباقي الكلام رفيق أممي ... انه الروس دعموا العرب بشكل او بآخر ! بس مسألة بولندا الكل يعرف ... اجتياح وارشو .... يعني اجتياح موسكو خلال ايام و المجازر النازية ضد البولنديين تفوق الوصف مع انهم حلفاء ستالين ! و الروس انتظروا النازيين حتى يصلوا موسكو .... و ضحوا بالبولونيين ... اقتباس:
و لو تشوف حال الناس و التجارة في كوريا الجنوبية ... كثير احسن من الشمالية الديمقراطية ! بعدين موقف روسيا و موقف الصين الشيوعية من الازمة النووية لكوريا الشمالية ........ تعبان جدا و غير داعم بالشكل المطلوب بتاتا ... مقابل موقف اميركا و اليابان |
اقتباس:
حكيك كلو اللي فوق فيني فصفصو هلأ ازا بدك, و ماني محتاج ابحث عنو بأي مطرح.. لكن راح يظل الأمر متعلق بالأمر اللي يسردو, و ليش يسردو, و كيف يسردو.. اللي انت تشوفو ايجابي و تفضيل أنا يجوز بشوفو عادي, أو بشوفو من منظور آخر. غلطان ازا بتفكر انو اللي سافرو عالدول الشيوعية يدرسو ما كلفو مصاري, كلفو, مو كتير بس كلفو منيح يعني.. و بالنهاية كانت طريقة لأدلجة الطبقة المثقفة و خلص طبقة موالية للاتحاد السوفيتي تكون متعلمة و مثقفة و تكون قاعدة لأعمالها و مصالحها بكل دولة... و مع ذلك أنا الحقت بالرد انو هالأمر ايجابي كان.. بعدين خيو عن جد مليت من تكرار كلامي -و القارئ أكيد مل كمان من رؤية نفس التكرار- هلأ بدك تنتقد الفلسطينيين ع دخولهم بحرب أهلية. و تبرر بذلك عدم دعم السوفييت الهون, و انو ما كانو ملائكة؟ طيب اسرائيل ملاك شي؟ طلع كيف ما حدا قلها بخ... ما زال في عليك عتاب فوق... دوّر عليه لأنو جدا زعجني منك بالذات هالكلام.. اقتباس:
|
[quote=suryoyo;1095090]انا معك بباقي الكلام رفيق أممي ... انه الروس دعموا العرب بشكل او بآخر !
بس مسألة بولندا الكل يعرف ... اجتياح وارشو .... يعني اجتياح موسكو خلال ايام و المجازر النازية ضد البولنديين تفوق الوصف مع انهم حلفاء ستالين ! و الروس انتظروا النازيين حتى يصلوا موسكو .... و ضحوا بالبولونيين ... انا معك ان الروس ما اتحركو بس متل ماقلتك كان روس غير قادرين ان يعملوا اي شي اصلا مدنهن سقطت وحدة ورا التانية وبالوقت الي المانيا خسرت 9 مليون روسيا خسرت 26 مليون لعدم وجود سلاح كافي فكيف بدك من بلد دافع عن حالو بالويل ان يدافع عن بولندا ....شي بالمنطق يعني ثم النازين بعد دخولهن لبولندا وقفوا سنة كاملة علي اعتماد ان في اتفاقية مع الروس وهالشي الي كان نازم يصير غير ان هتلر ابن كلب ومابحترم شي وكفا اكلها بالنسبة لكوريا الشمالية .. الروس ما دعموها جدا ... و لو تشوف حال الناس و التجارة في كوريا الجنوبية ... كثير احسن من الشمالية الديمقراطية ! بعدين موقف روسيا و موقف الصين الشيوعية من الازمة النووية لكوريا الشمالية ........ تعبان جدا و غير داعم بالشكل المطلوب بتاتا ... مقابل موقف اميركا و اليابان انا عم احكي عن الحرب الكورية الشمالية والجنوبية بال1950 |
صباحُ الخير... كيفَ حالُ الأصدقاء بعدَ عراك الدّيوك؟! (ياس عمّ أمزح لا تردّ على هالجملة الله يخليلي ياك). في الحقيقة الموضوع قيّم وقد أثراه الجميع بمشاركاتهم الأقيم، وبعدَ طول قراءة أجدُ أنَّ الجميعَ يتّفقُ في كثيرٍ من الأشياء ويختلفُ في مواقف وأحداث معيّنة! ويبدو أنَّ الاختلاف الأساسيّ في المسألة هو حول روسيا (الاتّحاد السوفييتي سابقاً) ومواقفها من سوريّة أوّلاً والعرب ثانياً (تحالف أم صداقة أم دعم). بالنسبة لاعتراض ياس على قضيّة الأسلحة الرّوسيّة (مدفوعة الثّمن) فأقول له: أسلحة بثمن أفضل ألف مرّة من لا أسلحة! وإذا عدتَ لتحضرَ اعتراضك على أنّها أسلحة قديمة (وفاسدة) فهذا بسبب أنظمتنا الفاسدة التي تسرقُ في الصّفقة أكثر مما يجنيه الرّوس أنفسهم. وأي دولة في العالم هي تلك التي تكشف تطوّرها العسكريّ بسبب صفقات تجاريّة؟! فلا تنتظر من أحد أن يمنحَك أحدث ما عنده. ويكفي أنّها قدّمت في الماضي الكثير وخاصّة في مجال الهندسة العسكريّة ولولا المهندسين الرّوس (إي من ط... كنّا تجاوزنا خط ألون) لما استطعنا أن نفعلَ شيئاً في حرب تشرين. واذهب لتسأل الذين اشتركوا في الحرب! و انا بقول انو ما فضلو علينا بفرنك.. كلو بحقو و لسى استفادو منا كمان يا روحي يا ياس السّياسة مصلحة، والمصلحة تقتضي الإفادة والاستفادة. مجمل كلامك يدور حول هذه النّقطة، ساعدونا لكن بثمنه، وهل كنت تريد مساعدات مجانيّة؟ أخبرني هل نحن في الملكوت الرّوحي؟! برغم حججك الكثيرة إلا أنّها أحياناً (أحياناً فقط) تبتعد عن الواقعيّة لتغرقنا في الطوباويّة والمثاليّة. نحن نتحدّث عن بلدنا الذي هو بلدٌ ينتمي إلى العالم الثّالث (إذا لم يكن الرّابع... إلخ) يتعامل مع بعض البلدان المتقدّمة في مجالٍ معيّن. ومجمل الفائدة التي نطلبها علينا دفع ثمنها، مع الشّكر الجزيل لحذف الكثير والكثير من الدّيون. مع الشكر الجزيل للمعونات الثقافيّة والتدريسيّة، مع الشّكر الجزيل لكلّ مصلحة متبادلة! طبعا بيظلو احسن من غيرهون... وهذا بيت القصيد. تحالفنا معهم ليس تحالفاً غبيّاً، فسوريّة تعرف تماماً أنّ روسيا اليوم لن تقف في مواجهة تامّة مع الولايات المتّحدة أو مع إسرائيل من أجلِ عيونها... لكن ما تقدّمه يساعدنا كثيراً في مجمل قضايانا وخاصّة على الصّعيد الدولي والإعلامي... لا بل وجودها إلى جانبنا يعزّز وجودنا، بدلاً من أن تكون في مواجهة معنا كأميركا وإسرائيل تساندنا بحفنة ما ذكرتموه ويذكر، تعيننا في بعض المواقف هنا وهناك (الأمم المتّحدة ومجلس الأمن)، تمدّ اليدَ لتعطي وتأخذ، هذا برأيي يكفي لتُعتبر دولة صديقة من الدّرجة الأولى. وهذا الكلام يبقى مفتوحاً أمام احتمالات السّياسة العدّة: صديقُك اليوم عدوّك غداً!!! قضيّة مصالح لا أكثر. و بصراحة ازا بدي اعدد ايجابيات الاتحاد السوفيتي (كأمور فعلا اشتغلوها عن قلب و ليس عن مصلحة) فأكيد راح احكي عن الجانب الأكاديمي و الثقافي.. بهاي فعلا مفضلين علينا.. أيام الاتحاد السوفيتي كان الكتاب شغل دار رادوغا أو دار التقدم أو دار مير بينجاب بسعر جيد جدا و كتب ذات جودة عالية... بصراحة أفضل الكتب التي غزت الأسواق السوريّة على المستوى الأكاديمي والمنهجي الطباعي هي تلك الرّوسيّة، ومن بينها الكتب العلميّة الفلكيّة والفيزيائيّة، والكتب الاشتراكيّة والفلسفة الماركسيّة، والكتب الأدبيّة الغزيرة. كنتُ أوّل المستفيدين منها حتّى اليوم، إذ أجول الطّرقات في المدن السوريّة بحثاً عن الكتب التي صدرت من دور النشر تلك. كلمة أخيرة لأنّي أعرفُ أنّك تعبتَ من كثرة التكرار، لا توجد مصلحة فرديّة، عليها أن تكون مشتركة، ولا يستطيع أحد أن ينكر وجود المصلحة المشتركة بين سوريّة وروسيا ولكلّ أسبابه. وبالنسبة للتصويت فأنا اقترعتُ لصالح إقامة قاعدة عسكريّة روسيّة في سوريّة. لأنّي أنظرُ إلى سوريّة في وضعها الحالي وحاجتها إلى مزيد من الأواق وخاصّة باشتداد اللهجة الأميركيّة واتّجاه القضيّة الإيرانيّة نحو الانتهاء! وحتّى تصل سوريّة إلى درجة معيّنة من التقدّم (يعني شي بعد مليار سنة) حينها لن نحتاج إلى دول غربيّة أو أجنبيّة. وكلمة للمعترضين: المنتوجات التكنولوجيّة كلّها أجنبيّة، الأسلحة جميعها أجنبيّة، الكتب التعليميّة والمناهج التدريسيّة، العقول الناشئة في أوساط أجنبيّة، فعلامَ الاعتراض على قواعد عسكريّة؟! مع محبّتي وتقديري واحترامي لجميع أطراف الحوار. |
انا رح صوت مع وجود القاعدة العسكرية الروسية في سوريا
لأن و بكل بساطة و بعد قراءة مطولة لنقاشات الأخوة في الموضوع استنتجت انو كلب يعوي معك احسن من كلب يعوي عليك شكرا |
سؤال على الهامش إذا كانت هيك قاعدة مو ضد سيادتنا ليش مانحط قواعد أميركية وهيك منتصالح مع كل الكرة الأرضية . وبعتقد منستفيد منها أكتر من القواعد الروسية يلي حتزيد مشاكلنا مع الغرب |
اقتباس:
معناتا يا حبيب ... صرنا متلنا متل السعودية .. وبقية حلفاء أمريكا .. ومعناتا راحت كل معاني الصمود .. وكل المعاني اللي حمليتها سورية .. طول الفترة الماضية .. |
اقتباس:
|
اقتباس:
هلأ ومع احترامي للكل ... ..استنتجت انو كل شي عم يجاوب لأ .. هوي عم يجاوب لأ .. انطلاقا .. من عناد .. اي عناد .. انو هوي هالوجود ضد رأيو .. وهوي انتقاص للسيادة .. ومدري شو .. يعني اسمحولي .. انتو عم تعطو رأيكن .. ومطلعين .. للموضوع من جهة وحدة .. يعني .. جربو خدوه من منظور وطني .. هل بيفيد أو لأ .. يعني ما تعطو رأيكن بالموضوع .. لأنكن مجبورين عليه .. .. |
اقتباس:
على فكرة سهلة هالتهمه.. وأي حدا ممكن يتهمك ياها ويقلك انت موافق عالعمياني لأنو الحكومة هيك بدها.. خليني لخصلك شوية نقط للإعتراض: 1- انتقاص من السيادة 2- وجود القاعدة العسكرية لايعني بأي شكل من الإشكال دعم عسكري لسوريا بسبب عدم وجود اتفاقية دفاع مشترك. 3-تحويل سوريا لساحة تصفية حسابات دولية ونحن بغنا عن هالشي. 4- الوجود الأجنبي على أرضنا مرفوض والوجود الروسي متلو متل أي وجود تاني. 5-ادخالنا بدوامة الدول يلي عندها قواعد عسكرية أجنبية ويلي الها تبعات سيئة كتيرر وتحديداً على المدى الطويل.. هي شوية نقط اقرا الموضوع بتلاقي كتير كمان نقط.. |
اقتباس:
اول شي بدنا نتفق على المنظور الوطني اللي عم تحكي عنو؟؟ انت برايك المنظور الوطني هو راي النظام ونحني ما في داعي نحكي بشي ما منفهم في ,طالما الله بعتلنا هدية من السماء وهي بشار الاسد ليفكر عننا ويقرر كل شي ونحني ما علينا الا السمع والطاعة بعدين شو هي مجبورين نعطي راينا بالموضوع؟؟؟ شو قصدك اشرحلي ياها |
اقتباس:
لك أخي بأنو لغة لازم احكيلك انو خليك بردك و لا تتدخل بكيف العالم ترد؟؟ استنتاجاتك عن ردود الناس و ليش ترد خليها بينك و بين حالك.. لأنو فعلا بلش الأمر يكون جدا جدا مزعج.. و آخرها راح يصير في زعل حقيقي |
اقتباس:
أي يعني إذا السعودية عندها قواعد أميركية لازم نعمل العكس ؟ إذا فكروا يعمروا بلدهم لحنا منهد بلدنا مشان مانكون متلون ونكون أتباع الأمبريالية ؟ بعدين شو هو الصمود ؟ وشو معانيه ؟ من معانيه : على قولة المتل جكارة بالطهارة بعملها بتيابي ؟ وإذا حيصير سلام قريبا شو ألها داعي ؟ وإذا كانت أميركا بتحط قواعد مشان مصالحها روسيا بتحط قواعد على حب الله ؟ |
اقتباس:
اقتباس:
اقتباس:
اقتباس:
وطبعا كتير من الجرائد والمواقع نقلت الاخبار المتعلقة بهذا الشان وعلى سبيل المثال - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
مابعرف بالنهاية شو الفرق بين أي قاعده أجنبيه ببلدنا.. وبالفعل تساؤل مهم انو شو معنى الصمود والتصدي والكرامة برأيكون؟.. شخصياً كلو متل بعضو إلا اذا في شي عن جد بدنا نستفاد منو وللأسف منعرف انو ماحدا بدو يفيدنا بشي... لك إذا بيسبو فرنسا بدنا نسب معون واذا بيمدحوها بدنا نمدح واذا قطر نفس الشي واذا القرود الحمر نفس الشي... بس مو معقول نوصل لمرحلة كمان اذا دولة أجنبية بدها تعمل قواعد عسكرية بأرضنا وتحط صواريخ عنا لازم نقتنع انو هالشي صح وإلا منكون خونة وكلاب... لك شوي تانيه بيقولولك روسيا جمعيه خيرية وعم توزع قواعد عسكرية على البلاد مشان تدافع عنون... لك تقول هالقطع العسكرية الروسية جاية لعنا مشان أول طلقة بتطلع من اسرائيل رح تهاجمها عوضاً عن الجيش السوري... أو الصواريخ يلي بدها تحطا روسيا بدها تكون مو جهة على تل أبيب وبإمرة الجيش السوري.. ياجماعة استوعبو بقا سوريا هي ... يعني بلدنا |
صراحة ماني ضد وجود هيك قوات ولو اني بعترف انها شكل من اشكال الاستعمار الجديد
بس نتيجة الطفح بالقواعد الامريكية الموجودة بالمنطقة العربية وباعتبار انو العرب او السوريين لحالون ما قادرين انو يوقفو بوش هيك طوفان عبارة عن اضغاث احلام وما رح اتصير ولو بعد عقود واساسا هني ما بيهمون انو يوقفو بوشها لانو المصلحة انو يبقو بمحلون و 17,16 على شعوبون لهيك بلاقي انو فيها الشغلة نوع من التوازن الاستراتيجي بين القوى الدولية العالمية يعني اميركا وروسيا حالة انو دولة عظمة وحدة هيي مسيطرة ع منطقة استراتيجية ومنطقة خزان نفط متل المنطقة العربية غير مقبولة صح الدول الكبرى اولا واخيرا بتراعي مصالحها ولو ع حساب المنطقة المضيفة بس هيك حالة بتاخير كتير بالبطش يلي عم تستخدمو الادارة الامريكية . كمان تنامي التعاون مع الروس بيخفف من الاتكال السوري ع ايران بحيث ما تصير تابعة بشكل اكبر للادارة الايرانية يلي اولا واخيرا مرجعيتها دينية واثرت ع الساحة العامة بسورية ومتلها متل غيرها مصالحها هي بالمقدمة اولا واخيرا الحالة صراحة اختيار اجباري بين سيء واسوأ بتوقع الاسوأ رح يكون الامتداد الامريكي باروربا والمنطقة العربية فخلينا ندخل لاعبين جدد باعتبار انو نحنا مجرد جمهور لا بقدم ولا بأخر |
قولا واحدا لا
والف لا و اخت الزمن اللي بدي صير في لعبة بين الرجلين وبدي مين يكون جنبي ويردعلي عدوي ونحنا منعرف وضعنا منيح يلعن العالم والعمر ويرحم ايامك يا ابو شهاب |
اقتباس:
:shock: ليش إسمه رئيس لكن ؟ ولا لازم يستشير حضرتكم قبل كل شي ؟ :shock: |
| الساعة بإيدك هلق يا سيدي 18:56 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون