|
طيب طيب
مع إني ضعت بالموضوع وضعت بالمصطلحات المبهمة بس بدي أحكي قصة صارت معي من فترة بيجوز الها علاقة بالموضوع وبيجوز لا بس بدي احكي :pos: من فترة كان في اسبوع علمي ....إحدى الفقرات كانت عن تحليل رسومات الأطفال ورفيقتي بتشتغل بهالمجال فسحبتنا معها المهم أتفاجأ أنو صار في حكي على تحليل رسوم أطفال اسرائيل بعد أخد ورد مع أصحاب العلاقات عرفت أنو في شخص يهودي وكل سنة بيرسل رسومات للأطفال الاسرائيلة العايشين بالمناطق اللي صار فيها مشاكل مع الفلسطينين وبيرسلها لمخابر أو جامعات كبيرة بالتحليل النفسي وبتطلع مقالات كبيرة عن تحليل رسوماتهم وبيظهر الطفل الاسرائيلي كأنو هو الضحية وعم يعاني من ضغوط نفسية بسبب الواقع العايش فيه ......وطبعاً هاد بيساهم أكتر بترسيخ الفكرة الموجودة عند الغرب تجاه قضية فلسطين واسرائيل وطبعاً الاسرائيلية بيكسبوا تعاطف الغرب رح تقولولي أنو ادي نسبة تأثير هالدراسات رح قلكم اي بيجوز قليلة نسبة التأثير ... بس نحن فكرنا بهالشي من قبل !!! لاحظوا كيف هنن ما بيوفروا طريقة ليقولوا نحن هون ويكسبوا الاحترام والتعاطف أما نحن منقعد بأرضنا وبس منطالب الغرب بالتعاطف معنا وللصدف بنفس اليوم التقيت مع مجموعة طلاب سوريين ولما عم اتعرف على دراساتهم طلع واحد منهم عم يدرس الأمطار بشي دولة ما سمعت بحياتي فيها وهلا ما عم اتذكروا :? أنا هون قلتلو أنو ليش ما بتدرس على مناخ سوريا مو أفضل هيك بتفيد البلد ....ضحك وجاوبني : ما وافقت سوريا أعمل دراسة عالمناخ هنيك لأن هي معلومات سرية للغاية :shock: عن جد شي بيضحك ومنسال بعدين ليش نحن ما عم نتطور هنن كشعب مش أذكى مننا بس هنن في نظام عم يرعاهم الفرق بيننا وبينهم أنهم سخروا العلم والمعرفة لإثبات نفسهم أما نحن فطاقاتنا عم تنهدر :D |
اقتباس:
الإقتصاد هو سَبب أغلب الثورات وَ التغيرات وهوَ سبب أغلب الحروب " البحث عن الثروات وَ الرخاء " الإقتصاد هو مفصل رئيسي يَتلاعبونَ بهِ وَ يُسيرونَ الدول العظمى حسب أهدافهم أي أنهم يُسيطرونَ على العالم وَ نحنُ لا نستطيع أن ننسى الماضي وَ نتصالح مَع حاضرنا وَ نفكر بـِ مُستقبل أفضل . |
اقتباس:
السؤال الذي يطرح نفسه (أو بالاحرى أنا اللي بدي اطرحو)... لو ما منهار الاتحاد السوفييتي و بن لادن و قاعدتو تحولو الى كيان يشابه اسرائيل في خاصرة الاتحاد السوفييتي (كون هاي كانت الفكرة أو الخطة البديلة في حال فشل الخطة الأولى وهي هدم الاتحاد السوفييتي من الداخل) هل كنا راح نحكي عن نجاح الاسلام و الحركة الاسلامية؟ بيكون بن لادن عمل دولة بأفغانستان بعدين راح عالشيشان و بعدو ع قرغيزيا و كل هالجمهوريات... هل كان مدعاة فخر؟ |
اقتباس:
ليش فكرك رح يتركوه ليسيطر على هالبلدان مين عمل أسطورة بن لادن ليش !. |
اقتباس:
أنا معك تماماً في النقطة هاي مازلنا إلى الآن نفتخر بالماضي " لامانع " لكن يجب أن نرتقي بالحاضر أن نفكر على الأقل أن نشعر أننا في الدرك الأسفل بينَ الأمم حتى الشعور بالجهل تمَ بتره للأسف !. :D |
اقتباس:
لو التاريخ ماشي بغير اتجاه و ما صار اللي صار داخل الاتحاد السوفييتي... كن على ثقة بن لادن هلأ كان امبراطور على دولة اسلامية كالخنجر بوسط الاتحاد السوفيتي على طراز اسرائيل بالشرق الأوسط.. و بنفس الاساليب و بنفس الطرق.. المفارقة انو مشي الحال بطريقة تانية و ما احتاجو يكمل المشروع (اللي كان مبلش فيه بافغانستان) و هلأ صار ينفعون بطريقة أخرى.. مافي رؤوس أموال و مجموعات نفوذ اقتصادي عربية عم تستفيد من اسرائيل و وجود اسرائيل و مشاكل اسرائيل؟ راح تقلي هدول خونة و هدول شو ما بدك... بس موجودين و للا لأ؟ محسوبين عالعرب أم لا؟ متلهون متل الصهيونية عندهم دور لازم يقومو فيه و مقابل هالشي ينالو شي محدد |
اقتباس:
الوجود العربي داخل النظام الرأسمالي العالمي ضرورة اقتصادية و استراتيجية لكن مَنْ المُستفيد الأكبر !. |
اقتباس:
الوجود العربي داخل النظام الرأسمالي العالمي ضرورة اقتصادية و استراتيجية لكن مَنْ المُستفيد الأكبر !. |
اقتباس:
بحالة بن لادن أكيد مارح يكون مدعاة للفخر.. لأنو أساساً ما حاول يبني دولة حضارية و قابلة للإستمرار.. حصر دولتو بتنقيب النساء و التحريم و التكفير.. المقارنة بعيدة كتير هون.. يعني عم تقارن دولة صارت أقوى دول المنطقه بزمن قصير.. بمجموعة متخلفين استلمو الحكم ببلد أكتر تخلفاً فزادو تقوقعاً و زادو بلدهن مصايب.. |
اقتباس:
طيب انو بس عبرنا رديت علكل و انا حسيت حالي مالي بالموضوع مع اني حكية هل حكي نفسو :( |
اقتباس:
أغلبهم لا يتغيرون بَشَـرٌ جامدون لا يمكنُ لهم أن يبدعوا الحياة كما يَجبُ أن تكون وَ لا يمكنُ لهم أن يبدعوا أنفسـهم حتى فكيفَ يبدعون وَ هم يعتبرونَ الإبداعَ بدعه مُحرمة وَ كلُ بدعة ضلاله !. |
اقتباس:
اي ولله صدقت مو بس هيك كل شي بينسبو للدين و البلدان هنه مامنين بقضيتهم تمام لهيك كل شي بيعملو لدينهم و قضيتهم و كل واحد بيكمل مسيرة لي قبلو نحنى كل واحد بيجي بيهدم كل شي و بيرجع بيعمل على كيفو لا عد في عقيده ولا ايمان بالبلد الايمان بس بالماده و بالشي يلي هوه بدو ياه بتزكر قريت سألو موشي ديان وزير الحربه الاسرئيلي سابقا انتو امتى ممكن تخافو من العرب ام ضحك و جاوبهم جواب كتير بسيط و كتير تافه بس تخيل انو لليوم فعلا مو قادرين نعملو لهل شي جاوبهم : لما بيصيرو العرب بيطلعو علباص بالدرو و الانتظام و قتها بنخاف منهم !!! فشو رايك انت و الجميع |
طبعا احترم اليهود والصهاينة اتمنى ان يحصل العربي على جزء من الاحترام والتبجل الذي يحصل عليه اليهودي شيل كل الجرائم اللي بيعملوها اليهود بالعالم بس ياخيوا شعب بيعرف شو بدوا شعب قادر على ان يشغل العالم بقضيته شعب عارف شو بدوا وبيعرف ياخد كل اللي بدو ياه لولا هذا هذا الأنتماء العربي في داخلي لرفعت لهم القبعة لانهم لايمضون الوقت يبكون على مجدهم الذي كان وهم لايسروقون بعضهم وهم لايكذبون على بعضهم ولكن يكذبون على الشعب الغير يهودي
اليهودي يقدس اليهودي ويدافع عنه بس العربي بدمر اخو بكل الطرق قال يعني شاطر لو تقروا شوي عن اليهود لعرفتوا هالشعب هو الوحيد االلي رح يبقى بعد زوال كل الامم لانها يعرف ما يريد |
بــعد 5 يوم من عمر النص بــعد 690 مشاهده بـعد 85 رد بــعد 500 من الاطلال .. ... مقتــرحاتكـ ... |
اقتباس:
لا تقارن بأمة عظيمة وهي الامة العربية بيهود وجاي تقولي ماركس وبعدين اينشتاين كتب انه معظم ما أخذه آينشتاين في نظريته النسبية الخاصة والعامة كان من العالم الإنجليزي اسحاق نيوتن كما وأخذ نيوتن من قبله من العالم العربي الكندي وهوى يعقوب بن اسحاق الكندي يعني العرب قدمو |
خيو أنا معك للعضم ... بس هي قصة اليهود بلاها ... يعني أنا معك انو العرب متخلفين .. بس ماتقارنن باليهود بيضلو أحسن .. بشغلات كتيرة ..
|
اقتباس:
كتير قريت نظريات مفشكلة لكن متل الفشكلة هي ما شفت ما بعرف ليش وقت شفت رابط اللي انت عامله بين العلماء تذكرت طفولتي على سبيس تون وبالتحديد فقرة " الرابط العجيب " " اخوي لا تكبر خطك كلياتنا منشوف منيح " |
| الساعة بإيدك هلق يا سيدي 14:05 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون