|
الاخت وشم
سامحيني حاولت ان اخرج من دائرة الواقع المظلمة العمياء في غزة الا انها كانت محكمة الاقفال ليس من السهل ان اختي الطيبة ان نقفز على دماء الشهداء او ان امارس حياتي بكل بساطة بعد يقع على حضنك انسان مضرج بدمائه ليس له ذنب الا انه توشح كوفية الشعب الفلسطيني وهتف لقائد مات وهو يهتف للوحدة وللوطن الموحد حاولت ان ابدا بسؤالك اختي الطيبة لكن في هذه اللحظة تموت على شفتاي الاسالة ذاكرتي لا تحمل الا صورة ذاك الفتى الذي سقط بجواري وراسه مخضب بدمه ماذا تفعلين امام الدم !! |
اهلين بوشم نورتي المقلاية :D
احكيلي وشم مين اقرب انسان الك وسرك بالحياة؟ موقف مريتي فيه واثر بحياتك بشكل كبير؟؟ايجابي او سلبي بتحبي قصص القتل والرعب:shock: بتصنفي نفسك من اصحاب البال الرايق ولا خلقك ديق:pos: هلآ نعتبر معك الفانوس السحري واطلبي 3 اماني لتتحقق شو بتطلبي؟؟ بتأمني بالقدر وشو تأثيرو بحياتك؟؟ هل انتي مترددة في اتخاد قراراتك ؟؟ بتحبي حدا يحملك مسؤلية كبيرة وبتكوني ئدها؟؟ بس ........ويتبع :ss: |
اي اهلييين وشم الجماال .. عندي يادوب كم سؤاال يعني ..
شو أكتـر اكلـة بتحبيها << مشان اعزمك :? مين اكتـر فنان واكتر فناانة بيعجبوكي .. عطينا هيك شي موقف مريتي فيه بيضحك مشاان نضحك خخخخخ.. و السؤال الاخير مين ناوية تلحشي بالمقلااية بعدك هههههه |
اقتباس:
والدم بموت منظرو فأنا جد ما بعرف ردة الفعل الله بيعين ارسلان وما بعد الضيق الا الفرج :D |
اهلين بوشم نورتي المقلاية :D
احكيلي وشم مين اقرب انسان الك وسرك بالحياة؟ صديقتي رولا وفي ناس تانيين كمان موقف مريتي فيه واثر بحياتك بشكل كبير؟؟ايجابي او سلبي اني حبيت بيوم من الايام وكان حب مستحيل مو بمحلو وايجابي اني طلعت صديقة الي من عزلتها وكانت بمثابة احياء للثقة بقلبي بتحبي قصص القتل والرعب:shock:طبعا لا بتصنفي نفسك من اصحاب البال الرايق ولا خلقك ديق:pos:رايقة تمام هلآ نعتبر معك الفانوس السحري واطلبي 3 اماني لتتحقق شو بتطلبي؟؟ لما فكر بقلك بتأمني بالقدر وشو تأثيرو بحياتك؟؟طبعا بؤمن فيه ..دايما ماشي عكس التيار بس بيضل عندي امل انو يمشي متل ما بتمنى هل انتي مترددة في اتخاد قراراتك ؟؟لا ابدا ولسا ما مريت بلحظة احتاج فيها لاتخاذ قرار خطير يعني بتحبي حدا يحملك مسؤلية كبيرة وبتكوني ئدها؟؟ المسؤولية ما بحبها لأنها بتكبل تحركاتي وبتعيق حريتي بس قدها ولو يسلمو ام السوس عالاسئلة يعطيك العافية |
شو أكتـر اكلـة بتحبيها << مشان اعزمك :? بحب الاكلات السريعة بس بعرف اطبخ كل شي :lol:
مين اكتـر فنان واكتر فناانة بيعجبوكي ..عبد الحليم حافظ وام كلثوم عطينا هيك شي موقف مريتي فيه بيضحك مشاان نضحك خخخخخ.. ما فيه شي ببالي بس بمرة وانا سنفورة كان في مصعد منزوي وشكلو غريب وما كان حدا يستخدمو بس انا ما بحب ما جرب فمحسوبتك راحت وطلعت فيه واذ به مصعد خاص للمطبخ بتاع الكافتيريا وخدلك يا مسخرة من العاملين ..بايخ ما :o و السؤال الاخير مين ناوية تلحشي بالمقلااية بعدك هههههه بعدني مو مقررة ةيسلمو عالاسئلة يعطيك العافية |
بسم الله
ما رح اسأل كتير .. الشباب والصبايا ما قصرو 1- شو اكتر شي يتكرهيه بين هدول الاشياء : الكذب ، الظلم ، الخيانه 2- شو أكتر شي بتحبيه بين هدول الاشياء: القمر ، المطر ، الشجر 3- عمرك مريتي بموقف جرحك لدرجة انك بكيتي :cry: 4- عمرك مريتي بموقف مضحك لدرجة انك بتضحكي عليه كل ما تذكرتيه :lol: 5- عمرك كرهتي حد 6- شو أكتر كلمه بتكرهيها 7- شو أكتر كلمه بتحبيها 8- شو رأيك ببلاك ايريس :oops: وهي أحلى ورده إلك :D |
مرحبا وشم الجمال :
شو رأيك بالشاي البطيخ ؟! رام الله ؟ مين البنت اللي : بتحترميها بتحكي بدها ترباية بتعتبريها مسكينة بتعتبريها لئيمة ! مين الشب اللي بتدعيلو ؟ ومين الشب اللي بتدعي عليه ؟! فكرك فلسطين وين صار موقعها من الاعراب ؟! حسيت انك فلسطينية فكرك ليش اجاني هالاحساس ؟! وانت كيف حالك ؟ |
1- شو اكتر شي يتكرهيه بين هدول الاشياء : الكذب ، الظلم ، الخيانه الخيانة والكذب ممكن استحملهم بس الظلم ياااه شو طعمو مر ..بالرغم من اني بموت من كل اللي مذكور 2- شو أكتر شي بتحبيه بين هدول الاشياء: القمر ، المطر ، الشجر القمر والشجر ما بيغيبوا كتير ...ودايما بحاكيهم وبيحاكوني ..بس كتير بحتاج للمطر ليغسلني وما بلاقيه ...كتير بشتاقله وبحبلو وبحبو...فوق ما فيكم تتصوروا 3- عمرك مريتي بموقف جرحك لدرجة انك بكيتي اي ...كان فيه انسان كتير بحبو وكنت مستعدة بيع الدنيا مشانو وهو مشان موقف بسيط باعني بأرخص من التراب ...كل ما اتذكرو واتذكر حكيو ببكي وكأنو الحكي اليوم صار ...بس ببقى بتعلم من الدنيا:lol: عمرك مريتي بموقف مضحك لدرجة انك بتضحكي عليه كل ما تذكرتيه :lol: لاما في شي بيضحك كتير بس مواقف محرجة كتيرة وبرضو ما بتنحكي ...عيب يعني :oops: 5- عمرك كرهتي حد الصراحة اه شب كتير حقير همو بس يعلق بنات وفكرني متل غيري بس اطمنوا ما فلح ...ومع هيك مو كره بمعناه ..يعني الكره اللي هوا لأ 6- شو أكتر كلمه بتكرهيها نذل 7- شو أكتر كلمه بتحبيها مشتاقلك (وعالنطاق العاطفي بحب كلمة انت الي وبس ) 8- شو رأيك ببلاك ايريس :oops: هاد سؤال ؟؟؟ والله نوارة وبعتز فيها وبتفكيرها... الأردن بتتشرف بانتسابها الها ...وبحبها كتييييييييير واحيانا بعجز عن ابداء رأيي والله :D يعطيك العافية بلاك ايرس:D |
شو رأيك بالشاي
زاكي اذا كان سكرو خفيف وكمية الشاي تقيلة شوي والدنيا برد و يكون راسي تعبان البطيخ ؟! كتير زاكي وخاصة بارد ومع عطش...بس بيتعب لبعدين...:o رام الله ؟بحس انها بلدة بتعبر عن التسامح الديني مين البنت اللي : بتحترميها..اللي بتقدر تثبت حالها بكل المواقع بتحكي بدها ترباية ...اللي بتحكي شروي غروي وما بتقدّر عواقب كلامها نفسيا عالمتلقي ...يعني اللي ما بتفهم بتعتبريها مسكينة ...هي البنت اللي بتكون طاير عقلها بحبيبها وهو بيلعب بعواطفها (الحب مرآته عمياء) بتعتبريها لئيمة !اللي بدها كل شي إلها...وما بيهمها غير حالها...واللي شعارها انا ومن بعدي الطوفان مين الشب اللي بتدعيلو ؟ الشب اللي بيعرف يقدر الاكبر منو ...وبيكون كبير بسلوكو وتصرفاتو يعني الرجّال ومين الشب اللي بتدعي عليه ؟! ما بدعي على حدا بس بكره الشب اللي بيشوف البنت مجرد انثى لقضاء رغباتو وبس :cry: فكرك فلسطين وين صار موقعها من الاعراب ؟! رح تبقى مرفوعة بالشهدا وباللي بيحبوها وعمرو ما بيكون علامة الرفع الكسرة ...صح؟.؟ حسيت انك فلسطينية فكرك ليش اجاني هالاحساس ؟! لأنها البداية والنهاية ...لانها كانت تسمى فلسطين وصارت تسمى فلسطين ..لانها سيدتي ...فهي تستحق الحياة بقلبي وبحروفي ...مو هيك؟؟؟(فيها من حكي محمود درويش ) وانت كيف حالك ؟مبسوطة بوجودك حبيبتي يعطيكي العافية يا وردة :D |
أجمل بيت شعري قرأتيه عن الحب؟
رحلة الالف ميل تبتدأ بخطوة , لكن بما تبدئ رحلة الحب؟ تذكرة ذهاب بدون إياب يوم تحجزينها تكون في أي وجهة؟ و متى؟ |
أجمل بيت شعري قرأتيه عن الحب؟
و إني لأهوى النوم في غير حينــــــــــــــــه لـــعـــــل لـقـاء فـي الـمـنـام يـكـــــــــون والله ما في اكتر من ابيات الشعر اللي بحبها بالحب بس هاد اللي ببالي وكل قصيدة الاطلال لابراهيم ناجي رحلة الالف ميل تبتدأ بخطوة , لكن بما تبدئ رحلة الحب؟ بشعور مجهول يختنق في الاعماق فلا نحن قادرين على كتمانه ونحن خائفين من ابرامه ...بصدق وامل وارادة تذكرة ذهاب بدون إياب يوم تحجزينها تكون في أي وجهة؟ و متى؟ الى المكان الذي يكون فيه من اعشقه ويعشقني ...متى لا أعلم الغيب يسلمو نبيل عالأسئلة كتير حلوين وبيجننوا وبدي احكي رأيي فيك مع انك ما سألت...انسان كتير حساس بيعرف الحب وكانت صدفة كتير حلوة لقاءنا بالمنتدى وقدري هذه المرة كاتن جميلا بمعرفتك:D |
كيفك وشم رسبت بالامتحان ماجاوبت على سؤال :x:p
|
[quote=وشم الجمال;814469]
اقتباس:
خمس اسئلة شو بتعملي لو : لو كنتي أكثر جنونا ً ... لو كنتي مكان الحكيم .. لو كنتي رجل .. لو كنتي ناطق رسمي باسم بلادك لو كنتي في تكريم .. لمحمود درويش .. :D |
شكرا كتير كتير :oops: خجلتيني ... والله مقصرة بتر فلاي ونفسي احكي عنك اشياء كتير رائعة بس والله عجز مو اكتر
خمس اسئلة شو بتعملي لو : لو كنتي أكثر جنونا ً ... ليس هناك من جنون اكثر من جنوني ...فأنا لي اللواء...بس احكيلك بتوقع اني رح انتحر لانتقل لعالم تاني هو اللي بتمناه ...بس الحمد لله اني مو اكتر جنونا لو كنتي مكان الحكيم .. رح حاول طرو اخوية اكتر ورح يكون هدفي تكون وطن لكل الناس اللي بيدوروا على وطن ...كيف لما صير مكان الحكيم بعيد الشر عنو بنحكي لو كنتي رجل .. سأحارب لتكون لي حبيبتي (هاد جوابي من منطلق الحب الكزاب ورغبة معظم الشباب تكون حبيبتهم الهم بس بلا تعب بدهم ياها عالجاهز ..وممكن رح ريّح ابي من هم البيت ورح اشتغل ليل نها منشانو ) لو كنتي ناطق رسمي باسم بلادك ما بينفع لانو رح تحتل البلد من تاني يوم ... لو كنتي في تكريم .. لمحمود درويش .. ما رح اقدر سوي شي غير اني روح لبوسو...كتير بحبو وبحب شعرو بحب شكلو بحب كل شي الو صلة فيه يعطيك العافية بتر فلاي وجد بيشرفني انك سألتيني ولو انو اجوبتي مو محددة منيح بس هاد اللي ببالي وحابة تكون كل الاجوبة عفوية وسريعة وبلا تفكير لتكون اكتر مصداقية:D |
اقتباس:
:D |
اقتباس:
قال كاتب النص الأصلي انا قال |
اقتباس:
الله يعينون حرام مخدوعيين لا والله ابو الهن بيجنن بس لو بيغير رايو وبيجي:jakoush: اقتباس:
يلا الاسئلة المعتادة بس هني بصيغة مذكر انقليون ع صيغة المؤنث بتدخن؟ ازا اي من ايمت؟ اي يلا كم سيجارة بتدخن بالنهار؟؟؟ شو نوع الدخان اللي بتدخنه؟ بتشرب؟ ازا اي من ايمت واديش؟ وشو اكتر نوع بتحبه انت ليش هيك؟؟؟ شو اكتر غنية بتحبا؟؟ وليش؟؟؟ مين مطربك المفضل؟؟ .شو المواضيع اللي تقراها بالمنتدى شو حلمك بهالحياة شو الصفات اللي بتكرهها بالانسان والصفات اللي بتحبها شو حكمتك بالحياة شو هيي صفات امراة احلامك اذا ربحت مليون دولار, شو بتعمل فيها؟؟ انت سعيد بحياتك وليش اذا لاء كمان ليش؟ .اذا فشلت بتحقيق حلمك شو رح تكون ردت فعلك؟ وشو هي اكتر مادة بتكرها و كمان ليش؟ هل بتامن بالابراج ؟ و علل جوابك هل بتامن بالقدر؟ علل جوابك هل بتامن بالسحر و المشعوذين؟ علل جوابك عرفلي البيروقراطية والديكتاتورية شو اكتر شي بيعصبك؟ شو اكتر شي بيفرحك؟ شو رايك بقضية الشرق الاوسط؟ شلون تعرفت على أخوية ..؟ شو هدفك بالحياة ...؟ مين أكتر أعضاء بتقارلون بالأخوية .. كم اخ و اخت عندك؟ مين من اخواتك هوي المفضل عندك وليش؟ شو هوي فيلمك المفضل وليش؟ شو هي اغنيتك المفضلة وليش؟ مين مطربك المفضل وليش؟ مين ممثلك المفضل وليش؟ شو اكتر شي بتحبو بالحياة وليش؟ شو امنيتك بالحياة؟ شو ناوي تدرس؟ شو أكتر معادلة كيمياء حفظتها بحياتك؟ شو أحلى قصيدة مرقت معك؟ شو درس العلوم المفضل يلي حفظتو؟ شو حدود سوريا الجغرافية؟ شو طبيعة لبسك : سبور -فنكي -رسمي ؟ شو اكتر موقف محرج صار معك؟ بتعتبر حالك ن الناس ياللي بيحكو كتير؟ شو اكتر اسم بتحب للشب وللبنت؟ مين قضوتك بالحياة ؟ شو رأيك بالطفولة و الولاد ؟ مين أعز شخص على قلبك و ليش ؟ إذا كنت على طرف جبل و لا سمح الله لا سمح الله شخص من عيلتك متعلق بإيدك اليمين و حبيبة القلب بالإيد التانية و مدندلين لا سمح الله يعني و مافي ترفع غير واحد صحي أنت قوي بس هلق مافيك تساعد غير واحد مين بتساعد ؟ شو حكمتك بالحياة؟ شو أحلا أيام حياتك؟ شو الحياه بالنسبه إليك؟ شو بنظرك دموع الفرح أم بسمة الفرح؟ شوالشي الذي تتمنى أن يرجع؟ مين أعز إنسان لقلبك؟ موقف صار لك ولا تقدر تنساه؟ شو أفضل لديك بمراحل النمو هل هو الطفوله ام المراهقه ام الشباب أم الشيب؟ زيت المقلاية عم يحرقك شي؟ ازا اضطريت انو تختار بين تتين من رفقاتك شو بتعمل الاجوبة لازم تكون مختصرة بمالايقل عن ست اسطر:lol: |
مرحبا وشم انا وعدتك اني ارجعلك وهي رجعت
بس عن جد ما رح كتر اسئلة لاني بعرف المعاناة اللي عانيتيها لحتى تجاوبي عالاسئلة كلها لانو الكل ما شالله ما قصروا 1-شو اكتر مسلسل سوري بتحبيه؟ 2-شو اكتر 4 اغاني عربية بتحبيها؟ 3-مين اكتر كاتب بتحبيه؟ 4-مين اكتر شاعر بتحبيه؟ 5-بتحبي تستغلي قدرتك بالكتابة و الشعر كوسيلة لكسب المال؟و ليش؟ 6-شو حكمتك المفضلة؟ 7-شو بتعنيلك هالكلمات التالية: بحبك بكرهك بغار بكاء ضحك خبث ابتسامة غدر ابتسامة صادقة حاليا حاجتك هدول الكلمات 8-شو بتعنيلك كلمات هالاغنية لا تسل عن سلامته روحه فوق راحته(هاد مسلسل التغريبة الفلسطينية اذا ما بتعرفيه) 9-شو بتعرفي عن النظرية النسبية باختصار؟؟وهل ممكن تطبيقها؟؟ 10-اخر سؤال بهالدفعة : شو رايك بوسيم (اللي هو انا)بدون مجاملة |
يا حوينتك يا وشم زعلتيني عليكي هريتوها هري للمخلوقة:lol:
|
وشم الجمال
قوليلي شو رأيك بهدول الشغلات .. الأعمى الاحتباس الحراري الاضطهاد باميلا اندرسون علم الاحصاء الحمار المشرفة سهيلة سوريا النوم الجيش الاحتياطي تعارف الانترنت عمليات الليزر للعيون فلم 300 اللون الأحمر لغة الجافا قسم السقيفة الكلب (حيواني المفضل) الإعدام الكريمة (يللي بينحط عل الكاتو) علاقات جنسية عابرة الشعر الجاعد الجاذبية الأرضية السجون الخمس نجوم السيطرة بكاء الفرح السفينة أنت أنــا خلصو الاسئلة .. |
اي ملاك هااا .. :angel::angel: هلأ انتي عيني ..
و أكيد الي الشرف بصداقتك .. :D |
اقتباس:
اكيد كانت وشم نعسانة وقت جاوبت على هالسؤال :lol: |
اقتباس:
|
اقتباس:
اقتباس:
وملاك:shock: |
انو لك هاني شو عامل لحتى العالم كلها مخدوعة فيك:lol:
الله يعينون حرام مخدوعيي الله يسامحك سويتي والله هاني نوارة لا والله ابو الهن بيجنن شايفة كيف حتى انت مخدوعة:o بس لو بيغير رايو وبيجي:jakoush: مو مشكل منختلط حبيبتي:Dولو رح بيكونلي الشرف والله يلا الاسئلة المعتادة بس هني بصيغة مذكر انقليون ع صيغة المؤنث بتدخن؟ لا ابدا بتشرب؟ لا على الاطلاق انت ليش هيك؟؟؟ لأنو هيك الدنيا وهيك الظروف (عذر اقبح من ذنب)بس برضو مو فهمانة معنى هيك شو اكتر غنية بتحبا؟؟ وليش؟؟؟ الأطلال ...لاني بحسها بتحكي عني ولاني بحب كلماتها والموسيقى خاصتها شي ملوكي والله مين مطربك المفضل؟؟ العندليب ..عبد الحليم حافظ .شو المواضيع اللي تقراها بالمنتدى.. .الأغلب أدب والصالون شو حلمك بهالحياة..؟ .أوصل لأشياء كتيرة اهمها اني لاقي الانسان اللي حبو ويحبني ...وكون ناجحة بكل مجالات الحياة خاصة المجال الاجتماعي شنو انا بحب الناس كتير شو الصفات اللي بتكرهها بالانسان.. .عالتعميم ما في لانو الانسان كإنسان قمة بالروعة بس انسان هالأيام بكره فيه انو نحّى المشاعر وصار مادي بحت ... والصفات اللي بتحبها.. .انو انسان :o شو حكمتك بالحياة اذا اردت شيئا فإن العالم كله سيطاوعك لتحقيق ما تريد شو هيي صفات امراة احلامك... فارس احلامي مجرد من اي وصف عدا انو يكون حنون وبيموت علي اما اي صفة مادية ما في اذا ربحت مليون دولار, شو بتعمل فيها؟ رح بني بيت لأهلي ورح كمل تدريس اخواتي ...ورح ساعد اختي المتزوجة وزوج اخي وحط رصيد لكل اخ من اخواتي بالبنك(خلصوا لانهم كتار الحمد لله)واعطي جزء منيح لابي واعمل مشروع للعيلة ...وكمان رح اعمل وقف للأيتام ...ورح اتبرع بجزء لفلسطين ...ضل منهم شي؟؟رح خليهم لأساعد فيهم حبيبي :oops: انت سعيد بحياتك وليش اذا لاء كمان ليش؟ لأ لاني للحظة هاي مو قدرانة اتحدى حالي وكون ناجحة ولانو ابي مو رضيان عني بدراستي ولانو اخي زعلان مني ..بس سعيدة لاني بلشت لاقي حالي ولاني لقيت ناس بحبهم وبينحطوا عالجرح ليطيب .اذا فشلت بتحقيق حلمك شو رح تكون ردت فعلك؟ الفشل بداية النجاح ..واي شي بدو محاولة واتنين وتلباتة ليصير ...من اقاصي اليأس يولد دائما منتهى الأمل:lol: وشو هي اكتر مادة بتكرها و كمان ليش؟ مساقات الاحصاء ..لاني ما حزرت افهمها لسنة رابعة:oops: هل بتامن بالابراج ؟ و علل جوابك لا مو لشي بس لاني احيانا بشوف انو كل اللي بينحكى مجرد كربونة ...بس كعلم اي هل بتامن بالقدر؟ علل جوابك قطعا اي ...لانو اول شي من مستلزمات الاسلام الايمان بالقدر تاني شي لانو من وانا صغيرة عندي استيعاب كبير لقصة انو كل شي مكتوب ولاني كنت شوف كيف انو احيانا انا مخيرة واحيان تانية مسيرة هل بتامن بالسحر و المشعوذين؟ علل جوابك اكيد في سحرة ومشعوذين بس اني اؤمن بقدراتهم لأ ...هم مجرد ناس عاديين بيحاولوا بتأثير بصري انو يخربوا الدنيا ...وبرضوا بيتساعدوا مع الجن بهالقصة(انا بؤمن بهالموضوع بالمناسبة ) عيوني انا هلأ بدي اطلع عالجامعة بعدين بكمل لاني اذا ما طلعت هلأ رح تروح علي المحاضرة الاولى شاو ونلتقي قريبا :D |
اقتباس:
|
اقتباس:
لك ملاك وما بيعصب شوف الهدوء اللي بوجهو شوف عالهامش ...اكيد مع الايام رح يصير رايق |
اقتباس:
بمزح معك مو مجنون وبحب تفكيرك كمان اتهنى يا عم:D |
اقتباس:
ههههههههههههههههههههههههه ههههههههههههههههههههههههه هههههههههههههههههههه:lol: :o لا بايخ ولا شي موتيني من الضحك:o |
اول شي حضرتي بعد ما جاوبت الاسئلة عملت تراجع فراح كل شي جد تعبت بس بعيد يالله معي
شو اكتر شي بيعصبك؟ الضجة وقت كون محتاجة للتأمل شو اكتر شي بيفرحك؟ اني حس بتأثيري الايجابي على اي حدا ووالله نظرة حب بحسها بالدنيا شو رايك بقضية الشرق الاوسط؟ مسخرة ...بشوف انو نحنا كرة بملعب لكبار بيلاطشوا فينا ...مجرد ضحك عاللحى شلون تعرفت على أخوية ..؟ عن طريق صديقتي وبرضو بالصدفة بجوجل شو هدفك بالحياة ...؟ مو مأطر منيح بس فيك تقول انو هدفي احقق النجاح محس بالرضا عن نفسي وحس ربنا راضي عني مين أكتر أعضاء بتقارلون بالأخوية .. مو فهمانة السؤال كم اخ و اخت عندك؟ 7 اخوان و3 اخوات مين من اخواتك هوي المفضل عندك وليش؟ اخي الكبير لانو حنون قد الدنيا بس عامللي ضغط نفسي هالفترة شو هوي فيلمك المفضل وليش؟ البحث عن السعادة لانو بيعلمني انو شو ما كانت ظروفي تعيسة في اللي ظروفو اتعس ...وبتعلمني انو الحياة بتخبيلنا شي كتير حلو اذا صممنا نحصل عليه ...وبتعلمني اني حاول شوف الجانب المشرق شو هي اغنيتك المفضلة وليش؟ الاطلال لانها بتحكي عني وبحسها بتمثلني ولانو موسيقاها وكلماتها اية بالروعة ...ولاني بحب قصائد ابراهيم ناجي مين مطربك المفضل وليش؟ عبد الحليم ...بحس بدقات قلبو وبكل نفس من انفاسو ...وبشوف انو لما يغني بعيش الغنية وبموت مية مرة فيها ...كلمات موسيقى صوت ...كلو احلى من بعضو مين ممثلك المفضل وليش؟ مو خاطر ببالي حدا بس فيك تقولي اسعد فضة ...لانو اب حنون ...بحب نبرة صوتو ...حضنو ...ضحكتو :sosweet: شو اكتر شي بتحبو بالحياة وليش؟ بحب وبكره نفس الشي وهو قسوتها اللامتناهية...بشوفها متل الأم اللي بتقسى على اولادها بهدف تعلمهم شي مو رضيانين يتعلموا الا بقرصة الدان . شو امنيتك بالحياة؟ اني كون ناجحة بكل المجالات ...واني قابل الانسان اللي بيستاهل قلبي وحبي شو ناوي تدرس؟ بدرس رياضيات شو أكتر معادلة كيمياء حفظتها بحياتك؟ شو أحلى قصيدة مرقت معك؟ الأطلال ... شو درس العلوم المفضل يلي حفظتو؟ بتذكر اني حبيت وحدة الوراثة كتير بس مو متذكرة شي لهلأ شو حدود سوريا الجغرافية؟ ولو هاد سؤال ؟؟؟بيحد سوريا من الغرب البحر الأبيض ولبنان وفلسطين ومن الشرق العراق ومن الشمال تركيا ومن الجنوب الأردن نحنا يعني . شو طبيعة لبسك : سبور -فنكي -رسمي ؟ انا محجبة بس برضو بحب الشي اللي بيكون شو اكتر موقف محرج صار معك؟ ذكرتو بتعتبر حالك ن الناس ياللي بيحكو كتير؟ يعني بس مو بلا فايدة شو اكتر اسم بتحب للشب وللبنت؟ الشب بحب اسم سامر وللبنت بحب اسم شيماء وبتول وبيسان مين قضوتك بالحياة ؟ كل منيح بمجالو بعتبرو قدوتي شو رأيك بالطفولة و الولاد ؟ بحبها كتير بس في بعض الاطفال بيكرهوك بشي اسمو طفولة مين أعز شخص على قلبك و ليش ؟ كتار كتير وما فيني فاضل ...لانهم منحوني الحب بوقت كنت كتير متأزمة فيه إذا كنت على طرف جبل و لا سمح الله لا سمح الله شخص من عيلتك متعلق بإيدك اليمين و حبيبة القلب بالإيد التانية و مدندلين لا سمح الله يعني و مافي ترفع غير واحد صحي أنت قوي بس هلق مافيك تساعد غير واحد مين بتساعد ؟ والله ما بعرف بس بساعد اللي من عيلتي وبموت انا وحبيبي لانو ما بدي حس بالذنب تجاه اهلي ولا حبيبي وما بدي عيش بلاه فبنمت بحضن بعض شو أحلا أيام حياتك؟ ايام مدرسة الثانوية شو الحياه بالنسبه إليك؟ دمعة وابتسامة شو بنظرك دموع الفرح أم بسمة الفرح؟ اسلوب كتير راقي للتعبير عن السعادة ...بحبها كتير وبقدس هاللحظات شوالشي الذي تتمنى أن يرجع؟ امي رحمة الله عليها مين أعز إنسان لقلبك؟ حبيبي اللي بعدو ما اجا موقف صار لك ولا تقدر تنساه؟ حبيت بيوم من الايام واللي حبيتو مع اني كنت مستعدة ضحي بحياتي مشانو ...باعني لسبب تافه كتير شو أفضل لديك بمراحل النمو هل هو الطفوله ام المراهقه ام الشباب أم الشيب؟ والله كلو واحد بس بحب الشباب لاني رح كون مع رفيق عمري زيت المقلاية عم يحرقك شي؟ ابدا ازا اضطريت انو تختار بين تتين من رفقاتك شو بتعمل بختار الاغلى اذا ما كان فيه خلاص يعطيكي العافية يا وردة بس جد تعبتيني |
1-شو اكتر مسلسل سوري بتحبيه؟
الخوالي 2-شو اكتر 4 اغاني عربية بتحبيها؟ اترك العندليب وام كلثوم على جنب ...بحب غنية مستني مني ايه لجورج انا وليلى لكاظم جايبلي سلام لفيروز ... العيون السود لوردة 3-مين اكتر كاتب بتحبيه؟ المنفلوطي الرافعي باولو كويلو 4-مين اكتر شاعر بتحبيه؟ فدوى طوقان .ايليا ابو ماضي .محمود درويش .بدر شاكر السياب وكتار غيرهم 5-بتحبي تستغلي قدرتك بالكتابة و الشعر كوسيلة لكسب المال؟و ليش؟ ما في مانع بشرط اللي بكتبو يعبر عني ...وانو ما يصير القلم اداة للكسب وبس يعني خد مصاري وهات حكي ومو ضروري الفكرة ... 7-شو بتعنيلك هالكلمات التالية: بحبكاحلى كلمة بالوجود واعمق كلمة كمان بكرهك...دايما لما تنحكى بحس انها بتعني بحبك اكتر واكتر بغار...شعور رائع بشرط يكون بالعقل مو الغيرة اللي بتطهق بكاء...ارق وسيلة للتفريغ بمعزل عن الاخرين ضحك...فرفشة وطناش وضرب الدنيا ببوز الكندرة(سوري عالتعبير) خبث....احقر شي واوسخ وسيلة للوصول للغاية ابتسامة غدر...قاسية قد الدنيا لما تصير حركة الغدر ابتسامة صادقة...احلى هدية من اي انسان 8-شو بتعنيلك كلمات هالاغنية لا تسل عن سلامته روحه فوق راحته(هاد مسلسل التغريبة الفلسطينية اذا ما بتعرفيه) قصيدة رائعة للشاعر الفلسطيني ابر اهيم طوقان عنوانها الفدائي بحس انها عايشة بكياني ...لانو مسلسل التغريبة هو رسم للوجع بس بلا حدود ...وبلا نهاية وهاي شوية من كلمات الغنية ... لا تسل عن سلامته روحه فوق راحته بدلته همومه كفناً من وسادته يرقب الساعة التي بعدها هول ساعته شاغل فكر من يراه بإطراق هامته بين جنبيه خافق يتلظّى بغايته من رأى فحمة الدجى أضرمت من شرارته حملته جهنم طرفاً من رسالته هو بالباب واقف والردى من خائف فاهدأي يا عواصف خجلاً من جراءته صامت لو تكلما لفظ النار والدما قل لمن عاب صمته خلق الحزم أبكما وأخو الحزم لم تزل يده تسبق الفما لا تلوموه قد رأى منهج الحق مظلما وبلاداً أحبها ركنها قد تهدما وخصوماً ببغيهم ضجت الأرض والسما مر حين فكاد يقتله اليأس إنما هو بالباب واقف والردى منه خائف فاهدئي يا عواصف خجلاً من جراءته 9-شو بتعرفي عن النظرية النسبية باختصار؟؟وهل ممكن تطبيقها؟؟ انا عرفان شو بتكي ؟؟؟قصدك نظرية اينشتاين ردلي خبر لجاوب ؟؟؟ 10-اخر سؤال بهالدفعة : شو رايك بوسيم (اللي هو انا)بدون مجاملة[/quote] |
اقتباس:
اي طبعا لعمو اينشتاين لكن لجدي.....:jakoush: اي ولا تنسي السؤال العاشر :pos: |
اقتباس:
تعرفت عليه وحسيتو شب كتير عفوي ...شخصيتو مرحة...بيحب الحياة ...عايش اللحظة وعندو طموح بالرغم من مادة الانسجة اللي هالكيتو ...اجتماعي... بسرعة الناس بتاخد عليه وبتحبو ... وبصراحة اللي دفعني لاتعرف عليه علاقتو الحلوة باش...وكمان انا بعترف انو صديق عزيز كتير وساعدني كمان بوصفة سحرية بس بيناتنا ها يعني يا ابو السيم انا بدي جامل؟؟؟:shock:والله انا لما احكي بدج دج بس اللي بحبهم ما فيني شرشحهم ;) |
اقتباس:
يحرق حريشك خجلتيني بهالوصف :oops: بالنسبة لعبد انا كمان بصراحة استغربت كيف هيك دغري على بعض اخدنا وش و بحترمو كتير لهالشب و الو معزة كبيرة والله :D و مشان الوصفة مجربة و حياتك :larg: المهم انو ساعدت و لو بشي بسيط :D |
 شو صار معك وشم فحمتي:sick: عالمقلاية ولا ，打开我海基会根据都督尽管经过积 钢结构焊接工具 |
الأعمى....فاقد اغلى شي عالبنآدم بس ممكن مرتاح من انو يشوف اشياء كتيرة بالحياة الاحتباس الحراري....ظاهرة اخدنا عنها بالمدرسة بتذكر منها انو هي ارتفاع في درجات الحرارة نتيجة تغير انتقال الحرارة من البيئة واليها ...عم بنلاحظ تأثيرها بحياتنا ورح تكون مشكلة كبيرة اذا ما انحلت لانو اذا بدي ناقش سلبياتها ما رح خلص الاضطهاد...هو عبارة عن ممارسات كتير سيئة الها الف شكل ..ممكن ديني ...ممكن اضطهاد المرأه ممكن اضطهاد الطفولة ...ممكن اضطهاد متل ياللي تعرضنالو وخلّا منّا لاجئين وطبعا بكرهو لانو شي لا انساني ووحشي كمان باميلا اندرسون بكرهها بصراحة علم الاحصاء علم كتير حلو لو اخدتو بالجامعة باسلوب صح ...بس انا المساقات اللي بكرهها مواد الاحصاء والجبر الخطي الحمار مسكين ومظلوم بس بيبقى يتحمل لانو احسن من البني ادم المشرفة سهيلة ما بعرفها؟؟؟؟ سوريا...كان بلد شقيق صار بلد حبيب :sosweet: النوم....احلى هروب من مشاكل الدنيا ...ومواعيد ما بنتحاسب عليها ...واحلام فيها تحيينا الجيش الاحتياطي...متلو متل اي شي بلا فايدة ...او منتظر للموت باي لحظة اذا كان بس للحرب تعارف الانترنت...كتير حلو وبيكفي انو عرفني على احلى ناس بالعالم ...بس برضو بيخوف احيانا عمليات الليزر للعيون...ابي واعدني اعملها بس ليصير عمري 25 ... فلم 300...ما حضرتو بصراحة اللون الأحمر....رمز لمتناقضين ...الحب والدم ...بحبو وخاصة اذا كان مايل للخمري عالورد الجوري لغة الجافا...والله جاهلة بالكمبيوتر انا قسم السقيفة شغل محششين...بس عامر والله...وبيخفف من قرف الحياة . الكلب (حيواني المفضل)....إذا حب بيكون اوفى من الانسان الإعدام...احيانا بشوفو حكم منيح ليعاقب ناس الاعدام شوية بحقهم ...بس انا مو معاه عالاطلاق الكريمة (يللي بينحط عل الكاتو)....لزيزة كتير علاقات جنسية عابرة...مرفوضة قطعا الشعر الجاعد....حلو بس مو عالكل الجاذبية الأرضية...ما بعرف شو رد ...بس نعمة بتمنحنا التوازن وبتذكرنا انا من الارض وللارض السجون الخمس نجوم...شي فخم والله احسن من بيوتنا :o السيطرة....بس لو في تحديد للمفهوم!! وعلى كلا السيطرة عبارة عن موهبة عند الانسان اذا كان متمكن السفينة بنت البحر وحبيبتو ...عمري ما جربتها بس بيمنى كون ولو لمرة وحدة بحضنها أنت ...انسانة بسيطة بتحب الناس والدنيا وما بدها شي بهالحياة غير الحب أنــا....انسان بيتميز بصموده ودفاعو عن قضيتو مع اني مو معك بهالقضية...سامحني بس ما هاد رأيي يعطيك العافية سيريان غاي اسئلتك ظراف :D |
اقتباس:
ولو انت بتخجل شي؟؟؟:shock: ما عرفتك:o وبالنسبة ل x52لا بعدني ما انحرقت بالعكس مبسوطة والله |
فكرة كتير مسلية
|
يبعتلي حمة عليكي يا وشم..والله أنا تعبت عنك:? |
| الساعة بإيدك هلق يا سيدي 07:44 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون