هلا و غلا وين هالغيبة؟ :D

خود راحتك

أنا ما تخلّصت لأنو أساسا ما دخلت هالأفكار... هلأ للأمانة.. الرقة مانها بيئة بدوية انما ريفية.. في فرق.. و من الرقة طلعو كتير ناس فهمانين جدا (ما عم قول عن حالي فهمان.. عم اشرح عن الرقة:lol:) و وصلو عاليا بكتير مجالات رغم انو يبدو انو نص سوريا ناسية وجود الرقة:frown:

ياسين الحاج صالح مثلا رقاوي, ابراهيم الخليل, حسني دسوقي, فائز الفواز, محمد أبو هيف, مصطفى الحسّون.... الخ! يعني قصدي انو الرقة مانها جبال تورابورا السورية:lol:


قصدك موقفي من البيانات باسم الشباب من قبل البعض متل جماعة خدام و بعض جماعات حقوق الانسان؟؟

حكينا مرات عديدة بالموضوع... أنا كنت دائما ضد استخدام اسم الشباب من قبل أي جهة كانت, و لما سورية الحرة (موقع كبير سفلة سوريا عبد الحليم خدام) حطو صورهون و شعرهون راسلتهون انو اذا عندهون حياء يشيلو هالصور... على مين عم يحاولو يضحكو يعني؟؟ ... و خلوهون فترة و شالوهون يعني ما بتصور بسبب رسالتي..

هالشي لا يعني انو ما نحكي عنهون و ما نذكر الناس فيهون و ما نمنع الاتهامات الباطلة عنهون... أنا على الأقل عندي واجب أخلاقي انو لحد ما يطلعو بدي أحفظ ذكراهم و أدافع عنهم... و جزء من واجبي هو منع استغلالهم


ما بعرف اذا جاوبت بشكل كافي... اذا في شي نقطة مو زابطة ارجعلي:lol:



:D

خيو شاي منيح... و اذا حواليك كعك مسمسم يكون تمام :lol:

ناسية وبس :lol:
يازلمة انا من جهتي كنت حاسبكن مع العراقيين انتو والديرية :p

:Dمرحـــبا yass

بما اني ما بعرفك منيح ,,, عندي كم سؤال ابيك تجاوب عليهم :oops:

1- مـــيـن أنـــــــتا ؟
2- شو هدفك بالحياة ؟
3-شو هيي نقطة ضعفك ؟
4-شو هيي التجربة الي تتمنى انها تتكرر ؟
5- من شو بتخاف ؟
6- كم مره حبيت ؟
7- هل تتزوج من غير دينك بسبب حب عاصف تعيشه؟
8-صفة لا تحبها في شخصيتك؟
9-اوصف نفسك كما تراها ؟!
10- اسوأ خبر سمعته ؟

والي عودة انشالله :larg:

ميرسي :D

ياسو .. ليش الوردة حمرا بالزات .. !؟:D

وخمة... :lol:

أنا بعرف أنا بعرف..... أنا بعرف...

1- مـــيـن أنـــــــتا ؟

خيتو بعد 4 صفحات مقلاية ما عرفتيني لسا :lol:

2- شو هدفك بالحياة ؟

هدفي بالحياة انو أترك أثر.. و اذا الأثر ايجابي يكون أحسن

3-شو هيي نقطة ضعفك ؟

جاوبت على هالسؤال سابقا... ضميري

4-شو هيي التجربة الي تتمنى انها تتكرر ؟

كتار هيي التجارب اللي بتمنى تتكرر... المقلاية أكيد لأ!! :p

5- من شو بتخاف ؟

من حسّان:cry:

6- كم مره حبيت ؟

و الله مو كتار جدا

7- هل تتزوج من غير دينك بسبب حب عاصف تعيشه؟

ديني؟؟!!!

8-صفة لا تحبها في شخصيتك؟

الكسل... و متكاسل ارجع اجاوب للمرة الرابعة ع هالسؤال :lol::lol:

9-اوصف نفسك كما تراها ؟!

وين أراها... هلأ الشباب بيقولو شايف حالي:o

10- اسوأ خبر سمعته ؟

ما فيني حدد واحد.... أكيد شي خبر وفاة

الوردة الحمرا الها معنيين

المعنى الأول هوي أنو الوردة الحمرا (مثل اللي شايفها بالصورة الرمزية) هي شعار الاشتراكية الديمقراطية الدولية

المعنى الثاني هو انو في قصة لغسان كنفاني اسمها " متى تنام هذه الوردة الحمراء" كتير بحبها بشكل خاص عدا اعجابي بغسان بشكل عام

شو هالاجوبة هاي؟؟
مو منيحة مو منيحة

عيد من الاول :lol:

حسن عود عاقل انت واللي سبقك اللي قايل والله بيئة بدوية
:jakoush::jakoush::jakoush::jakoush::jakoush::jako ush::jakoush::jakoush::jakoush::jakoush::jakoush:: jakoush:


حج ياسين شو مشان شارع المنصور؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟

وطبعا ماحدا يسال سؤال سوريا او اسبانيا لاني بمون على ياس وغيري لا

يا مشحر يا ياس

الله يكون بعونك

تحياتي أخ ياس
الحقيقة عندك مخزون ثقافي تحسد عليه
و تقريباً الأسئلة السابقة عطتنا فكرة منيحة و كافية عنك بس لسه بدي منك شوية رتوش بعد إذنك ,لأنو في جانب ما حدا تعرضلو بشكل مباشر أنا بدي إسألك فيه و بدك تتحمل ;) هيك القواعد :deal:

ويا ريت تنقيلي خيار أو أكتر من الخيارات حتى لو ما كان مستساغ إلك ولا واحد ، يعني أفضل السيئين ، و أهم شي بدي قناعاتك الشخصية من دون مجاملة أو مثالية:D .

1- لو فرضنا بيوم من الإيام تغير النظام الحالي و استلم الحكم نظام ديمقراطي سني منتخب من الشعب بنزاهة و تعينت إنت وزير للصحة (كل شي ممكن هه) ، و الحكومة كانت عادلة بكل النواحي إلا أنها ضيقت الحريات عالأقليات و خاصة المسيحية ...
شو رح يكون موقفك ؟ و بكل صراحة و موضوعية ؟

2- مين من هاي الدول ممكن تحط إيدك بإيدها لتغيير النظام في سوريا :
أميريكا ، فرنسا ، إسبانيا (لو فرضنا جدلاً يعني) ، إسرائيل ، مصر ، السعودية؟

3- أو مين من التيارات و المنظمات و القوى العالمية التالية ممكن تقبل دعمها بمسعاك :
منظمات حقوقية عالمية ، منظمات حقوقية تابعة لإحدى الدول السابقة الذكر , الأمم المتحدة ، قوى لبنانية معادية لسوريا ؟

4- شو سبب كونك ترفض الآخر المختلف معك بالرأي مع أنك تحمل جنسية لدولة أوروبية غربية تعيش أحد أرقى الأنظمة الديمقراطية العالمية و تعيش و تدرس فيها؟

5- إذا كنت بدك تجاوبني بإنك لا ترفض الآخر ... شو بتبرر المصادفة بجوابك على السؤال اللي طلب منك تعطي درجة من (1-10) لرغبتك بالتعرف على الأعضاء التالية أسماؤهم ... ووقتها عطيت أصغر الأرقام لكل شخص مؤيد للنظام السوري؟

6- فيك تعطيني أسماء 3 من أصدقاءك من الموالين لنظام الحكم .

7- إنت واحد من الأعضاء بأخوية المعارضين للنظام و اللي عايشين خارج البلد ... شو إحساسك و إنت عم تشوف شباب الأخوية المعارضين متلك يساقون الواحد تلو الآخر إلى الإعتقال بينما أنت و المغتربون الباقون تستنكر و فقط تستنكر على بعد آلاف الأميال ؟ يا ترى إنتو بنفس الخانة ؟

8- لما ترجع عالبلد مانك خايف من الإعتقال بسبب آراءك ؟ ولا بتتوقع إنو جنسيتك الإسبانية بتحميك من هالأذى ؟ حصانة يعني ... و فكرت بهالموضوع شي مرة ؟

9- بصراحة ... ما كان إلك مآخذ على كريم ؟ بصراحة هه ، و إذا كان نعم .. شو هيي المآخذ ؟

10- لو تزوجت و الله عطاك ولاد و بيوم من الإيام إجت بنتك و قالتلك إنها بتحب من غير طائفتك أو دينك (بعرف إنك لا ديني) ...
شو بيكون ردك على الحالات التالية : القصة بسوريا ، القصة باسبانيا ، بنتك ، أو إبنك ؟ يعني كيف بيتغير ردك بتغير البيئة و جنس الولد ؟

11- مرة من زمان إنت رديت علي بموضوع معين و أنا فهمتك غلط و رديت عليك بشوية عصبية :frown:بس لما فهمت قصدك رجعت إعتذرتلك (هاد الموقف خلاني إحترمك كتير) ... أول الشي متزكر هالموقف شي ؟
و إذا كنت متزكر .. بعدك زعلان مني أو لاء :p ؟

12- كرهتني ولا لسه ؟
هي أسئلة صريحة و بتمنى الإجابات تكون صريحة لأنك على عكس ما حكيت جاملت بشوية ردود سابقة ;)

تحياتي.

نظام ديمقراطي و سنّي بنفس الوقت ما بتزبط معي و لا مع حدا... النظام ديمقراطي و بس

اما اذا كان قصدك انو في سياق النظام الديمقراطي تعددي يستلم الحكم حزب ذو صيغة نوعا ما اسلامية سنية فما راح يكون بمقدورو يضيّق على حدا بشكل مباشر لأنو حقوق هالأقليات محفوظة دستوريا

أما بشكل غير مباشر و من جوا لجوا (بلا ما نضحك ع بعض... بتصير في أرقى العائلات) فأنا ضد هالشي

أساسا صعب حط ايدي بأيد هالناس و صعب هالناس تحط ايدها فيني... خلينا نقول صرت وزير كمستقل...... بستقيل أكيد
بأيد و لا وحدة... ما فيني نقّي وحدة لأنو أساسا أنا ضد التغيير من برا و لا حتى أي مساعدة من أي نوع جاية من برا... أنا مؤمن بالتغيير من داخل سوريا.. يا سيدي مو بس من داخل سوريا.. من داخل النظام كمان. فيك تشوف مقالة اسمها "الخروج من عنق الزجاجة" بحكي فيها عن هالخصوص و كريم الله يفك أسرو قال انو صاير معي عقدة استوكهولم :lol:

لفت نظري خيار القوى اللبنانية المعادية لسوريا... منظمة عالمية؟؟:lol:

بولا وحدة... ماعندي ايمان بشي اسمو منظمات دوليه في ظل النظام العالمي الحالي

شفت سؤالك اللي تحت فراح جاوب بشكل كامل هنيك
هل تعتقد انو من حقك تحكم علي بهالشكل بسبب سؤال بموضوع نوعا ما ترفيهي؟

أول شي السؤال اذا ما خانتني الذاكرة كان السؤال هو:" مين حابب تشوف من هدول" و أنا حطيت أرقام عالية للناس الي أعرفها و الي خلطة معها ان كان اعضاء قدامى أو مشرفين حاليين... يعني حطيت للناس اللي ألها تعامل معي و أغلبهم أجهل توجههم السياسي تماما... أخذت بعين الاعتبار فقط خلطتي معهم... بس خليني أرجع أشوف الأسماء لحظة.....

أوكي... مثال واحد بس أعتقد واضح جدا

ريمي مافي داعي قول انها موالية جدا مو؟ حاطلها تسعة. فاوست 7 يللي هي نفس درجة يامن اللي ما بعرفو تقريبا... يعني الي خلطة مع فاوست اكتر من يامن بكتير

برجع بقول..... بحياتي ما قسّمت الدنيي موالاة و معارضة. و جدا مستغرب النتائج اللي طالعتها انت

هالسؤال بيذكرني بأسئلة المسح السياسي:lol:

عندك ريم من أكتر الناس اللي احكي معهون هون. عندك عضو قديم اسمو الأستاذ كان بعثي و موالي الزلمة و كنت جدا صديقو. و لما اضطر يترك المنتدى خصني برسالة رائعة لليوم محفوظة عندي... و العضو الثالث بدي ياه لحالو يجي و يقول رأيو بأني أرفض الآخر
طبعا ماني بنفس الخانة و لا ردت أكون بنفس الخانة... اللي ما اقبلو انو ما يكون الي حق انو احكي لمجرد اني برا... عندي أهل و صحاب و حتى أملاك داخل سوريا... يعني ماني لهالدرجة بعيد. و اللي معتبرني علاك لمجرد اني برا فهاي مشكلتو... كل واحد اعرف بنفسو
على اعتبار ما حكيت معك بزماني انو عندي جنسية اسبانية فأنا ما بعرف ليش حاسس انو السؤال مو منك... صاير شكاك كتير.... بس مو مشكلة ما بتفرق لأنو كنت ناطر هالسؤال من أول يوم مقلاية

طبعا بخاف من الاعتقال و ماني معتبر انو الجنسية حصانة أبدا.... صايرة حالات عن ناس برا و بجنسيات تم اعتقالهم, آخر وحدة من كام يوم.... ممكن انو يتجاهلوك على مجرد رأي... ممكن, ما بعرف بس بيعرفو منيح مين انت لأنو جوازي الاجنبي مسجّل عند الأمن العام كما يقتضي القانون و على كلا الجوازين ملاحظة بالجنسية الأخرى

أنا على كل بعرف شو عامل و بعرف انو ما عم اعمل شي غلط و لا شي ممكن يضر حدا أو البلد أبدا... عم مارس حقي الدستوري بالتعبير عن رأيي فقط



طبعا الي مآخد متل ما عندي مآخد على كتير عالم و متل ما كل العالم الها مآخد علي... امر طبيعي جدا. و ممكن ترجع على حوارات قديمة و تشوف انو اختلفنا مرات كثيرة بالرأي... كمان امر طبيعي

أما شو هيي هالمآخد.... هو كان يعرفها أول بأول. منها اشرافيه و منها لأ... و ما بدي أحكيها عالعام
هلأ راح قول انو ما راح يكون عندي مشكلة وين ما كان... من هون لحتى يصير هيك حالة راح تمر سنين طويلة و ما بعرف ساعتها كيف راح تكون طريقة تفكيري بهداك الوقت و لو انو اتصور انو ما راح تتغيّر
أي بتذكر تماما... كان قبلها بيومين حاكين لأول مرة بشكل نوعا ما مرح بموضوع رياضي على ما أعتقد فكان عندي تصوّر انو صار في نوع من الموانة... لما صار الموضوع (اسمو " نقاش" الموضوع) انت كتبت شيء ما لا أتذكره فأنا اقتبست ردك و كتبتلك شي بما معناه انو الله يخليلنا ياك لحتى تبينلنا الحقيقة أو هيك شي و حطيت سمايلي متل هاد و طلعو السمايلات على شكل روابط فعدلت الموضوع و حذفت روابط السمايلات و نسيت ارجع حطهون

انت رديت علي بقسوة وقلتلي انو تترفع عن الرد على امثالي اللي الحقد عامي قلوبهم.... انا رديت عليك بأدب أنو أخي هاد اللي صار و اذا زعجتك أنا آسف و توضّح الموضوع و مشي الحال


لأ طبعا ما كرهتك بس اعتقد انك لما قلت انو الحقد عامي قلبي قلتها بصدق لذلك اعتقد انو هاي فكرتك عني.... اعتقد انك غلطان برأيك عني لكن هاد ما اسمو كره أبدا و لا يقترب أبدا من الكره







:D

^
^
^
في شي تاني مخبى .. ؟ :lol:


يعطيك العافية ياسو ... والشباب دبحوك بالاسئلة بس كنت قدا وقدود ..

مين بدك تلحش بعدك ؟:o(في شي ريحة جاد ؟):clap:

خيو ياسين أنا محتار شو بدي أسألك .. بس هلأ تذكرت سؤال مهم ..

باعتبارك مـُعجب بغسان كنفاني و بكتابتوه .. شو رأيك بعلاقة غسان مع غادة , و شو رأيك و بكل موضوعيّة في نشر رسائل غسان لغادة بكتاب و امتناع غادة عن نشر رسائلها لـ غسان ...

جاوب و برجعلك ... :lol:

:shock: :jakoush::jakoush::jakoush:ممنوع الحديث عن غادة :sosweet: