|
اشاعات يا عمي اشاعات
السلطان بألف خير :D |
ابو ودييييييييييييييييييييييي ييييييييييييييييييييييييي يييييييييع:D
|
القضاء اللبناني يعلن براءة جورج وسوف ويلغي الحكم بحبسه ستة أشهر أعلن القضاء اللبناني براءة الفنان جورج وسوف من إطلاق النار في منطقة "عين المريسة" في بيروت قبل نحو عامين وألغى عقوبة السجن لستة أشهر بحقه. وكانت محكمة لبنانية أصدرت حكما غيابيا بالسجن على وسوف لمدة ستة أشهر في تشرين الأول الماضي بعد اتهامه بإطلاق النار من سيارته في "عين المريسة" بعد أن تعذر إبلاغه مواعيد الجلسات. |
مشكووور
صور جميلا لا ابو وديع لكل زمان سلاطين ولكل دولة سلاطين ولطرب سلطان ( أبو وديع ) |
على راسي أحلى وسوفيين و وسوفيات بالعالم ... بحسب مصادر أخبارية شبه مؤكدة .. ألبوم سلطان الملايين جورج وسوف رح يكون يوم الأثنين 21/4/2008 الساعة 3 العصر و الألبوم رح يحمل اسم ( علم قلبي الشوق ) مبروك لكل عشاق سلطان الطرب الغالي |
كلمات **علّم قلبي الشوق** جديد الوسوف كلمات احمد شتا الحان صلاح الشرنوبي علم قلبي الشوق ..علم قلبي النظر.. خذني بقلبي لفوق..وانا جيلك عند القمر.. وارف بالهوى ..علشان قلبي هوى.. انت لروحي الدوا ..انت لعيني النظر.. حبك فيا معلمني وغرامك بعلم.. يا مسهر العشاق آآآه منك يا معلم. |
المتوقع ان تصدر "شركة روتانا للمرئيات والصوتيات" البوم سلطان الطرب الفنان جورج وسوف في مطلع الاسبوع الاخير من شهرابريل الجاري, بعد تاخير طويل.
الالبوم الذي كان قد تاخر اصداره لاسباب قيل انها تتعلق بمرض الوسوف , بيد ان معلومات خاصة غمزت الى ان الوسوف كان هو السبب والمسبب في تأخير اصدار العمل . وفي تفاصيل الخبر ان عقد سلطان الطرب مع " روتانا " نص على انتاج خمس البومات للوسوف بذمة الشركة . وقد استلم الوسوف من الشركة, اي روتانا ,سلفا حقه المادي لالبومين , كان الاول الذي حمل عنوان "هي الايام " , على ان يكون الالبوم الثاني الذي ستصدره روتانا هو عينه الذي سينزل الى الاسواق بعد ايام . مما يعني ان حق الوسوف بذمة الشركة قد حصل عليه مسبقا وليس له بذمة "روتانا " اي مبلغ حتى تاريخه ,الا ما سيتوجب على الشركة ان تدفعه له اعتبارا من الالبوم الثالث وحتى تاريخ انتاج الالبوم الخامس , وهو العدد المتفق عليه بين الطرفين. الا ان الوسوف اصر ان يقبض من جديد ثمن الالبوم الثاني الذي رفض تسليمه لشركة "روتانا" وقد اشترط الحصول على مبلغ من المال( وقدره ......الف دولار اميريكي ) وهدد "استديو سابا" حيث سجل الاغاني بعدم تسليم العمل للشركة . |
وفيما يسمح القانون لـ " روتانا " بان تسحب الالبوم من الاستديو بمؤازرة امنية في حال ارادت ذلك لان ذلك من ضمن حقها القانوني , بيد ان " روتانا" لم تلجأ الى هذا الحق الشرعي لها ولم تشأ تطبيقه على فنان له باعه الفني الطويل وكم من المعجبين والجمهور الواسع , وآثرت الشركة انتهاج اسلوب يليق بمسيرة الفنان الكبير.الامر الذي اوجب تدخلا شخصيا من السيد سالم الهندي وبالتنسيق مع "حاتم" نجل الفنان جورج وسوف , فتم اجلاء الامر ووافق سلطان الطرب على تسليم العمل والتسليم بانه قبض سلفا ثمن البومه الثاني .
وأكدت معلومات خاصة ان وديع ابن سلطان الطرب عاتب على اهمال والده لصحته واشترط عليه عدم العودة الى المنزل الا في حال قرر السفر الى اميركا للعلاج , وطالبه بان يعرج بعد انجاز جولته الفنية الى اميركا الى احدى المستشفيات للمعالجة. |
اب شريك متنمنى انو نشوف الالبوم هون اول ما ينزل :gem:
|
اقتباس:
لهيك ما رح نقدر نضمن الأغاني لتنزل بشكل رسمي و على راسي كل الوسوفيين الغوالي :D |
اقسم بالللله بتستاهل روتانا مشان تعرف وقت الحفلات يجنو
كفو ابو وديع الله يعطيك العافية بس نزل الالبوم مشان اللي بيحبوك وبيشعقوك ميرسي صياد على الخبر :D |
ما بحبه بس في الو اكم اغنية بحبها
متل صابر وراضي قول الكلمتين سلف ودين ليلة وداعنا بس شخصه بالمرة ما بحبه |
اقتباس:
خاصة الأغنية الي بتحبيها ( سلف ودين ) أتعجب اذا في حدا بالدنيا كلها يمكن أنو ما يحب هالأغنية هي لأنها بتدخل بصميم كل واحد فينا أغنية ( سهرت الليل ) السمفونية الوسوفية العظيمة ... و كتير كتير من أغاني الوسوف الي بتدخل عالقلب وما بتطلع أما الشخص الوسوف ... فطبعا كل واحد ألو ذوقه و رأيه ... بس يمكن أنا أكتر شي بحبه بالوسوف هي شخصيته لما بتشوفي تواضعه ... حبه لجمهوره ... أسلوب اللامبالاة الي عايش فيها ... بتخليك تحبيه و تسلطني مع سلطان الملايين جورج وسوف أبو وديع حبيب الشعب |
اليوم بدأت شركة روتانا بعرض دعاية لألبوم سلطان الطرب الغالي سلطان الملايين جورج وسوف أبو وديع يعني يا شباب ... الألبوم على الأبواب :clap::clap::clap::clap::clap::clap::clap::clap: :yahoo::yahoo::yahoo::yahoo: |
ان شاء الله بطلع الالبوم حلو متل اخر واحد نزل
|
أنو يكون أحلى بعتقد صعب ... أو مو صعب ... بس ما في مجال للمقارنة ..
لأنو بالبداية الوسوف مغني بهالألبوم أغاني لأول مرة بحياته بغني على طريقتها و الشي التاني أنو الوسوف معروف بأنو أغانيه ما بتحقق انتشارها لبعد فترة من الزمن يعني معظم الوسوفيين لهلأ بيسمعو صياد الطيور و لونويت و الحب الأولاني .. بقى أغاني الوسوف خالدة .. متلو |
أغنية جديدة للوسوف تذاع على قناة روتانا سايل .... أغنية أصعب فراق أغنية روعة .. خيلة .. سلطان الملايين يبدأ مشواره الجديد |
وهي الأغنية لعشاق السلطان الغالي
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
يا حسافا وين عشاق الوسوف أيام زمان :cry::cry::cry:
كان لما جيب خبر متل هاد .. كان الموضوع يشك و يغلي و خمسمية رد يكون عليه |
يصدر عن شركة روتانا للصوتيات والمرئيات ووكيلها في الاردن شركة فراس وباسم سلايطة ، في الاسبوع الاول من شهر نيسان المقبل ، الالبوم المنتظر للفنان الكبير جورج وسوف بعنوان (علم قلبي الشوق) والذي يتضمن ست اغنيات طربية منوعة كما عود عليها "سلطان الطرب" جمهوره الكبير.
وأغنيات الالبوم هي على النحو التالي: ("أدي اللي كانوا - كلمات احمد سامي وألحان امجد العطافي" ، "نجوم الليل - كلمات عوض بدوي وألحان امجد العطافي" ، "كلامك يا حبيبي - كلمات عوض بدوي وألحان وليد سعد" ، "سبت الدنيا - كلمات عوض بدوي وألحان وليد سعد" ، "اصعب فراق - كلمات احمد شتا وألحان صلاح الشرنوبي" ، "علم قلبي الشوق - كلمات احمد شتا وألحان صلاح الشرنوبي". وكان آخر البوم لـ "أبو وديع" كما يحب جمهوره مناداته هو (هي الايام" الذي اطلقه قبل عامين ، وتحديدا في منتصف العام 2006 وتضمن ثماني اغنيات هي (هي الايام ، بستنى باليوم واليومين ، حنينك حنيني ، خسرت كل الناس علشانو ، غدر ناس ، مستني مني ايه ، الزمن دوار ، ليلة وداعنا يا حبيبي". |
بتعرف ابو المزن
اول ما ئريت الاسم تبعك تروحنت تقول حدا عطاني شي 600000000€ اليوم سمعت الالبوام انا شريك لك أهلا فيك احلى صياد طيور و احلى عريس و احلى ابو وديع عخط الوطن |
وين سمعت الالبوم ؟؟؟؟؟؟؟؟؟؟؟؟؟
نزلنا الكلمات دخيل عينك |
كلمات **علّم قلبي الشوق** جديد الوسوف كلمات احمد شتا الحان صلاح الشرنوبي علم قلبي الشوق ..علم قلبي النظر.. خذني بقلبي لفوق..وانا جيلك عند القمر.. وارف بالهوى ..علشان قلبي هوى.. انت لروحي الدوا ..انت لعيني النظر.. حبك فيا معلمني وغرامك بعلم.. يا مسهر العشاق آآآه منك يا معلم. |
احلى ابو حيدر :yahoo:
|
اقتباس:
|
اقتباس:
|
تكرم عيونك معلم ....
أول ما بينزل الألبوم على السوق رح تلاقي كل أغاني الالبوم هون أما هلق .. صعب شوي .. مشان تعب الوسوف و جهدو الكبير للي عملو بالألبوم بس بحب قلك أنو الاغاني الي نزلو على السوق من فترة هنن أغاني بروفا كلامك يا حبيبي و يا هوى و نجوم الليل رح تسمعوهم بلحن خرافي جديد الوسوف رح يعمل قنبلة نووية هالسنة بالالبوم الوسوفي المنتظر |
اكيد بانتظار اغاني الوسوف بفارغ الصبر :yahoo: :yahoo:
|
اقتباس:
على العربية و روتانا ستايل اسمعتو بالميكرو و انا جاي من الكلية ام الريم |
يا جماعة ,, أبوس الرب حدا ينزلنا الألبوم هون مشان الله أنا بماليزيا لافي محل أجيبه ولا شي .. |
اقتباس:
و أحلى ألبوم لعشاق الوسوف رح تلاقيه هون بس ينزل على السوف تكرم عينك يا غالي |
لك نزل .. سمعت أنو صار متسرب بلبنان وسوريا و الأردن دخيلكن دبروووني .. لعما والله دمرنا أبو وديع بآخر غنية أصعب فرااااق :sick: أموت و أعرف من وين بينكش هيك أغاني |
حبيب نزل تسريب ... و غير أصلي حرام ننزله بالسوق
كرمال تعب أبو وديع و جهده ;) |
اقتباس:
معك حق ما قلنا لأ .. حرام كرمال تعب أبو وديع :cry: بس هاد شي مو جديد عليه .. يعني يمكن هاي خامس سنة بسمع نفس السمعه اتسرب قبل بيوم ولا 2 ع كلن نحنا عم نستنى على نااااار |
ولا يهمك يا غالي .. أول ما رح ينزل الألبوم رح يكون عندك :D
|
 بحسب الأقاويل ... هي صورة الألبوم الجديد و هو جاهز للنشر كلامك يا حبيبي |
يعطيك العافية حبيبي ,, شفت هالصورة اليوم الصبح .. حلوة :yahoo: |
اي وانت شو لاحشك بماليزيا ....:frown:
ابو حيرد دبرنا :cry: |
أبو حيدر لك إش صاااار معك ؟؟ ما بقا ينزل هالألبوم هاد .؟ يا جماعة حسّوا فينا والله نحنا بني آدمين :sick: .. وينوا هالألبووووووم ؟؟ اليوم اتصلت بهاد باسم بطيخ باسم سلايطة بالأردن قال الألبوم بـ 27 الشهر ؟؟ شو القصة ؟؟؟؟ مو ع أساس بـ 21 ؟؟ لك من وين طلع لنا هاااد كمان ؟؟ ياربي :cry: |
هانت هانت ....
|
| الساعة بإيدك هلق يا سيدي 02:30 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون