|
اقتباس:
|
اقتباس:
ياسيدي انت على طربوشي من فوق الزين احسن من مية كنتاكي عالقليلة عم يعطيك جاجة مو صوص |
انو هاي المطاعم كلها رح تفتح خلال سنيتن واتوقع العقد تبعون
|
مشكلتها انها مصممة للشعب الأميركي
بقص ايدي اذا حدا فهم علي شو قصدي :lol: اللي بقصده أنه الزلمة اللي عايش بأميركا طبيعي كتير بالنسبة اله انه تكون وجبة الغدا 5 دولار .. من زيق الجيبة يعني وبيسترخصها وبقلك هممممم خفيفة على الجيب تقيلة على القلب :o بس عنا بقيت تقيلة على القلب .. بس يا محلى تقلها على القلب قدام التقل اللي على الجيب .. هيك تحطلك 250 ليرة وما تشبع مانها راكبة بالمرة :pos: |
اقتباس:
على فكرة يامحلا السعر قدام الخدمة . انا لقيت الخدمة سيئة جدا . باستثناء فرع ساحة الميسات . بتحسهم بيشبهوا كنتاكي ومو هو |
اقتباس:
|
أنا مع يمان يانو مطاعمنا اطيب من كنتاكيو هالشلة البئيانة
انا بالسعودية وجربت الكل كل و حكي فاضي ودعايات أصلا لولا انو كمية الكولا كبيرة مابيحس حالو الواحد اكل من بين كل مطاعم الوجبات السريعة اللي بجدة ماعجبني غير مطعم البيك وهاد صاحبو فلسطيني |
اقتباس:
|
اقتباس:
اخص ع الزلم .. طلعت مالك كفو :pos: |
اقتباس:
يا اخي انه بيكفي الفاتورة تقيلة على القلب .. والكوليسترول نسبته عالية بالأكل وتقيل على القلب زيد على قلبي وحطك قدامي والله بنفلج :o لك صحي مشان ما يصير الموضوع سبام حدا لاحظ انه الاكل فيه نسبة كولسترول عالية وتقيل على القلب ولا عادي ما انتبهتوا لهي النقطة ؟ |
هلأ وجودها كعامل جذب سياحي مو غلط أبداً
بس كوجبات تقدّم داخل هالمطاعم فبرأيي الشخصي أنها ولا شي بالنسبة للمطاعم التانية الشامية و السّورية بشكل عام أنا بفضّل المطاعم اللي قريبة ع حارتي بالشّام متل فرند و النبيل و الياطر و ... :cry: عن ألف مطعم متل كنتاكي وبيتزا هت و ماكدونالدز لأني جربتون لمّا كنت بالشام و جربت هالمطاعم الأميركية وما زلت علقان بدوامتون هون :cry: ولاّ الشاورما :cry: |
و الله اسمعوا لقلكن انا سوري متغرب و عايش بالامارات و جربت هالمطاعم تبعت الحضارة كلها من كنتاكي و لماكدونالز لبيتزا هت و برغر كينج
طبعا اول شي الواحد بيفكر حالوا شغلة عظيمة لان عم يجرب شي مو موجود بالبلد و غريب عليه بس بعدين بتلاقي انو عنجد يرحم رب الشام لك احلى وجبة عند كنتاكي ما بتسوى وجبة من عند الصافي بشارع العابد او بروستد القصور عند القصور و احلى بيتزا ب بيتزا هت بتلاقي متلها بالشام عند بيتزا روما بالشعلان او الميسات و بعدين لك تصدقو انا هون مشتهي التسقية و المسبحة من عند بوز الجدي لك والله اشتقت للتسقية بسمن و حدها هالبصل و صحن مسبحة و فول الواحد بيقوم بيحس حالو اكل مو متل الوجبة هون بعدين تصدقو انا و هون صار في كذا حالة تسمم وقلة اهتمام بهالمطاعم و عليهن شكاوي كتيرة و ما بتعرف مدى مصداقيتن و مدى نظافتن ....... اذا منستنتج انو من وين لوين لنكون متخلفين اذا ما عنا مطاعم امريكية....... و شبها المطاعم الشامية ما يرحم رب الشام و رب بوز الجدي و دخيل فلافل على كيفك و شاورما الاغر و يا مال الشام بالقصور لك حتى القهاوي بيقولو ليش ما عنا ستار بكس بلا ستار بكس بلا بطيخ شبها ستار النوفرة ولا مطاعم باب توما اللي ما في منها بكل الدنية......... فالحضارة مو بالمطاعم الحضارة انتو بتعرفوا وين ...... سلام...... |
اقتباس:
على فكرة أنت زويق . لأنو المطاعم يلي ذكرتها بالشام أنا باكول من عندها . وانا أختصاصي أكل سوق متل مابيقولولي . وهدول بالفعل مميزين . مع انك ماذكرت محلات الشاورما :lol: |
اقتباس:
بس انا مستحيل انسى الشاورما مع اني بجوز ظلمتها لانو ما ذكرت افضل المطاعم اللي بتسويها بس انا بظن انو الافضل هوي الاغر و يامال الشام بساحة القصور او عندك شاورما انس او الموصلي بالجزماتية بالميدان و تنيناتن مميزين بشكل و انت عم تاكل شورما من عن بتحس انك عم تاكل شورما مو زفر و حد و قرف بمحلات تانية ..... سلام |
البلد يلي ما فيها كنتاكي وبرجر كنج وبيتزا هت ليتل سيسرز وسبوي ودنكن دونتس ! ! متل الجندي بدون سلاح , للك صحيح انه الاكل العربي ما في منّه بس هالاكلات ما في غنا عنها ! ! :onetv: مع العلم اي ما بحب ولا واحد من السالف ذكرهم ! ! :shock: |
اقتباس:
يعني شو ضرورتن من شان المظاهر البريستيجية :? بصراحة انا ما بوافقك الرأي بهالنقطة :larg: :D |
اقتباس:
مزبوط ما بحبن , بأستثناء الدونتس , وحتى ما باكل دونتس كتير بس بشرب هوت شوكليت كتير ! ! بالنسبه ليش انا ما باكل من عن هالجماعه يلي ذكرتهم : انه اكلهم فيو نسبة فات كتير كبيره وانا من النوع الي بطل على Nutrition facts الحقائق الغذائيه يلي بتكون مكتوبه على المصنّع , يعني حتى لو بدي اشرب ماونتن ديو , او اي اشي جديد بطلع على الكالوريز اذا اكتر من 100 كالوريز ما بشربها ! ! :D |
اقتباس:
اها صفا يا حبيب اذا كنت من هالنوع لازم تكون من معارضي هالمطاعم اللي عم تشحن اجسام العالك بالفات و الكالوري مو انو تشجع عليها :shock: :pos: |
اقتباس:
لك خيّو , يعني مو دايماً الواحد بيلاقي الاكل يلي بدّه ياه , يعني الواحد مرّات بيظطر ليمرق عليهم يجيب سندويشه من عندن , يعني لو مره بالشهر مو مشكله . . ! ! :mbc2: |
اقتباس:
|
:?
عشو مختلفين ؟ |
اقتباس:
|
اقتباس:
وصل صوت صريخنا لعندك :? |
اي والله وصل لعندي
يا سيدي انا بسوريا جربت الكنتاكي وجربت بيتزا هت بس والله ما في بعد الصافي ولا مطعم الشاميات بوز الجدي شاورما الموصلي لشو الكنتاكي يعني سوريا ما بتتحضر الا للما يكون فيها كنتاكي انا باعتقادي التخلف انو يحكم الواحد على دوله من مطاعمها :x عليي الطلاق سندويشة شاورما من عند النافوره على الكرسي وتشوف الرايح والجاي اطيب من الف كنتاكي :o |
اقتباس:
منيح يلي خبرتنا .... |
اقتباس:
شو مشان انو في جنب اسمي صورة شب :? |
اي يا زلمة .. ولسّا عم تحكو بالموضوع !! ..
لك ايه ..خلي التطوّر عندكم .. بكنتاكي .. وهارديز !! :? |
اقتباس:
عدم المؤاخذة بس ماتوقعت شب ويكون مسمي حالو عيون جريئة |
إذا فيكن تحكولنا عن الجاج يللي بيساوو منشان نعمل مقارنة مع الـ KFC هون
|
اقتباس:
|
اقتباس:
|
اقتباس:
|
اقتباس:
|
اقتباس:
|
انا برأيي سوريا هلأ وكانت العراق قبل معها البلدين الوحيدين يلي مو محتاجين مطاعم متل كنتاكي وماكدونالد نهائي اي والله المطاعم يلي بسوريا لازم يعملولها افرع بأمريكا و العالم مو العكس
|
مع احترامي لكل الي انقال ..
مطاعم الفاست فوود الي عم تحكو عنها ضرورية .. وحلوة واكلها طيب يعني كل شي اله نكهته .. وكل واحد وذوقه بس في اوقات .. لو كنت عايش بلاس فيجاس .. وبيخطر عبالك شي اكلة فول او شاومرا عربي .. اي كل مطاعم الدنيا مابتغنيك عن الاكلات الي كنت تاكلها في بلدك .. هلأ في انا من العراق / الموصل .. في عنا واحد بالسوق القديم .. بيعمل مشاوي عالرصيف .. بتعرفو شو يعني عالرصيف ؟؟ اي بحياتي ما اكلت اطيب منه .. ومرة اجيت عسوريا .. عزمني واحد صاحبي على اكلة فتة حمص بزيت الزيتون .. بذكر المحل كان بسوق ساروجة اي شي جنااااان .. ولا اطيب من هيك وفي النهاية .. كل واحد وذوقه |
| الساعة بإيدك هلق يا سيدي 06:07 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون