|
اقتباس:
ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه هههههه شباب الكل يورجيني زقفة طلائعية لكاميكاز :clap: :clap: :clap: |
|
اقتباس:
اخت كميكاز انو استغربت ردك لا والله منسق هادا موضوع إداري (و محدود كمان) و ما بيفترض أي شي عن شخصي و بجميع الأحوال الإدارة أكيد لما بتاخد منسقين بيكون موضوع المامهم بمضوع الحوار اقل ما يمكن مقبول هاد ما بيمنع أنو انا بشارك برأيي الشخصي كدانيتو و ما بيعبر عن رأي الإدارة و لمعلوماتك كتير من اللي شاركون بالموضوع الون صفات إدارية من نوع ما ردودك مطولات و تقليلي شو يعني مطولات هي صشتقة من طوييييييييييييل اوكي اكيد انا وجهت جزا كبير من حكيي الك و للرد على حكيك بس مو الك حصريا يا ستي ما حدا معصب غيرك و شوفي لهجتك انا ما في بالعادة احكي بهي اللهجة تبع المستويات الفكرية بس أنا قصدتك انتي بالذات كنت عم احكي بشكل عام بس ما بيمنع انو قصدتك بطريقة ما و بالتحديد هي طريقة الحوار ، ما ألها علاقة بمحتوى رأيك اللي مفهوم وواضح من بداية مشاركاتك ، انا اعتراضي على اسلوبك بالحوار ، على طريقتك بتحليل ردود الآخرين و هون بدي اتبحر شوي انا شخصيا بحترم و بفهم رأيك بموضوع العذرية و التشدد فيه ، ركزي معي هون: انا و اي حدا تاني من حيث المبدأ منحترم حقك بالرأي و هاد موضوع غير خاضع للنقاش ابدا: يعني أنتي إنسانة الك رأيك و خيارك و الآخرين بيحترموه متل ما انتي لازم تحترمي حق الآخرين بالرأي و الاختيار ، هلق أنا قلت : انا بحترم خيارك يعني هادا شي تاني انو انا بفهم دوافعك الأخلاقية و الدينية والاجتماعية ، و بقدر ميلك ليكون عندك مبادئ ، بس هون بدي قلك انو انا ما بحترم رأيك (مازلت محترم انو حقك يكون عندك رأي بس مابحترم محتوى هادر الرأي) انو تقييمك لرأي الآخرين المختلفين ، يعني رأيك برأي الآخرين و هون عدم الاحترام ، انتي حقك ما تحترمي اختيارون بس بدك تفهمي انتي و غيرك ما بيحقلك تلغي حقهم بالخيار هلق أنا استقصدت اشرح هالتداخل لفهمك شو وجهة نظري بموضوع الاختلاف و شو يعني حرية رأي ، و انا لاحظت من نقاشك تقريبا لرأي كل شخص بشخصو : انو هي النقطة عندك مو واضحة ، و هون يمكن بدي استرجع موضوع التسطيح :يعني بالفيزيا و الرياضيات النظريات الخطية ماعادت كافية ، و بالاقتصاد و الاجتماع صار يلحظو دور السلاسل و النظرية السائدة هي نظرية اللاتوازن لأنو نظرية التوازن من زمان ذهبت ادراج الريح: يعني لما منحاول نصور الحياة على أنها متل المبادئ 1+1 = 2 في سطحية , و الحكم على تصرفات العالم سهل و إطلاق الأحكام عليهم اسهل يعني تقولي أنا قناعتي هيك حلو ، اما الحماس بالهجوم على الآخرين و من منطلق أنا احسن منكون لأني متبعة لهي المبادئ المعينة هي ضرب من ضروب المزاودة : لانو ما حدا معصوم عن الخطأ و بالتالي من منكم بلا خطيئة فل يرمها بحجر ... من جهة تانية و بنقاشك لرأي الآخرين صرتي تحلليها بسطحية و بطريقة ما بتنافش فعلا طرحهم بقدر ما كنتي عم تحطيها بمواجهة مبادئك المنتصرة سلفا: يعني لما واحد بيقلك أنا ما عندي مشكلة بممارسة الجنس قبل الزواج : مو بالضرورة قصدو لازم الكل يمارس الجنس و بطريقة عشوائية، لأنو العشوائية شي و الخيانة شي و مفهوم الحرية الجنسية شي تاني و التمييز بين هي المفاهيم و غيرها شي تاني كمان، أنا ما كنت متطر اشرح كهالحكي بس بما انك شلفت مبادئ يمين و شمال و تهم للجميع و بحماس منقطع النظير و متل ما قلت بمشاركتي الأولى على طريقة : "نحنا منعرف الصح شو هو: امسك ورقة و قلم و سجل منشان تستفاد" انا شخصيا و على هامش الموضوع ما عندي أي مشلكة بموضوع العذرية : قضية بتخص صاحبة القضية و ما دخلني بخيار الآخرين متل ما هني ما دخلون بخياري انا و شريكتي ، هلق بتمنى ما تحولي تفندي النقط اللي بالأصل وضحتيها أكتر من مرة لأنو رأيك وصل و وضح هلق شغلة مهمة تلميحك لموضوع الاغتصاب : في موضوع فتحتو إذا ماني غلطان بنوتة حلب و شرحو في العالم رأيون و في ردي على طرحك يا دوموازيل هاد الحماس بالهجوم بذكرني بقصة سمعتا من صديقي الجورجي العزيز : عن وحدة مو متجوزة كانت بضيعة و ما ألها شغلة غير تنتقد سلوك البنات و لبسون و فوتاتون و طلعاتون و بشكل مبالغ فيه و حتى المتزوجات ما سلمو منها، لحتى يوم من الأيام و هي مو متجوزة ابدا حملت .. لما سألوها لك من وين لوين حملتي بهالولد: قالتلون شبكون: غلطة، أنو الواحد ما بيفهم انو الإنسان ممكن يعمل شي هوي بيعتقد انو غلط لأنو التفكير سهل بس أي إنسان معرض للخطأ هلق آخر شي و الأهم : الحرية مفهوم إنساني اكبر من فهم البعض: لما بنسب حرية الآخرين الشخصية و منصفها بالحيونة ؟؟ يعني من كل الحكي و التعليقات ما في شي عن جد دايقني و عصبني إلا الطريقة اللي انتي و غيرك سبيتي فيها الحرية و حاولتو تنظروا شو يعني حرية : الحرية أكبر مني و منك و من كتير ناس الحرية أعظم من الصين و سورها أكبر من السعودية و صحاريها الحرية أزلية اكتر من الأنظمة الشمولية التي تحلم بالأبدية الحرية أكثر من إذاعة و تلفزيون و جريدة ممولة من دائرة مخابرات اميركية : الحرية في ناس حتى ما بتفهم شو معناتها |
اقتباس:
عالهامش تبع الموضوع هات لنشوف .. شوي أكتر رأيك بالمقالة ... :lol: يعني حابة ناقش حدا من دون ما نكره بعض |
ردي على دانيتو لحالو
أولا الغريب أنكن كلكن شلة المنسقين و المشرفين عندكن نفس الرأي ولا واحد فيكن بيختلف عن التاني شوي، و كلكن فلتانين على ردودي مع بعض متل ما صار مبارح ،يعني بدت أمور معينة تصير أوضح للجميع..
تانيا أنا وقت بقلك عم ناقش الموضوع من منطلق حضاري إنساني بعيدا عن الدين، ما بسمحلك تحلل و تقيم من عندك متل ما أنتو بتقولو، و تساوي الموضوع دوافع أخلاقية و دينية و اجتماعية، أما أنك تقول بتقدر ميلي ليكون عندي مبادئ ،فهي إهانة متعمدة و أنا لمعلوماتك عندي مبادئ إن شئت يا شبه المنسق أم لا، و ما بستغرب كلامك كمنسق.. بعدين للأسف أنكن وقت بتكتبوا دائما بتكتبوا كلام ضد بعضه، ما بدي قول تخبيص حتى ما تزعل متل ما زعل غيرك، بس المرة الماضية كنت بدك نحكيلنا عن تلات حالات لا رابع لها و حكيت حالتين لا تالت لها، و هالمرة بديت السطر 13 من كلامك بقولك السديد (( أنا شخصيا بحترم و بفهم رأيك )) موجها الكلام إلي، و بعدين بعد تلات سطور قلت قولك الحكيم المأثور ((بس هون بدي قلك انو انا ما بحترم رأيك )) قلي بشرفك هلأ أنت بتحترم رأيي ولا ما بتحترم رأيي بس بتحترم خياري، و بدها خمس سطور لتقللي أنك ما بتحترم رأيي، إشو عم تحل مسألة فيزيا و رياضيات و توازن و لا توازن.. بعدين أنا ما طالبتك باحترام رأيي، يعني إذا أنت وقت بدك تكون أسرة بدك تكون أسرة مع وحدة مارست الجنس مع شلة شباب قبلك أنت حر، و لو ما بدك تكون أسرة كمان أنت حر، ما حدا قلك شو تساوي و شو ما تساوي.. و إذا برأيك تقييمي لرأي الآخرين هو عدم احترام، لكن ليش عم تقيم كلامي يا من يطالب بما لا يفعل؟؟ مو الأفضل كنت تقول هالكلام لحالك !! أما أني إلغي رأيهم بالخيار فمن غير المنطقي إنه إذا واحد قال أنه السرقة خطأ تقلله ما بيحقلك تلغي رأي الحرامي بخيار السرقة أما إنك بدك تفهمني وجهة نظرك بموضوع الاختلاف و حرية الرأي، فوجهة نظرك قائمة على أنه الحكم على تصرفات الناس و إطلاق الأحكام و الحماس بالهجوم خطأ، و إنت عم تساوي نفس الشي اللي معتبره خطأ بنفس الرد، فإذا إنت عم تناقض وجهة نظرك الشخصية فلازم تفهمها أول بعدين تفهمني ياها.. بعدين السطحية يللي شرحتها بطريقة سطحية تكمن في مشكلتك أنت و غيرك بقرائتكن لكلامي بشكل سطحي، و لمعلوماتك ما في داعي تشرحلنا أنه الفيزيا و الرياضيات وحدها غير كافية بعيدا عن الاقتصاد و الإجتماع يعني طالب المدرسة بيعرف هادا الشي، و أنت ما عم تجيب كلام لسه ما حدا بيعرفو أما نظرية التوازن التي أود أن أطلعك عليها فهي لخصت في أربع احتياجات، هي الروح والعقل والجسد والعاطفة. ويؤكد كوفي صاحب النظرية على ضرورة إحداث التوازن في تلبية تلك الاحتياجات تحت شعار أن أعيش وأحب وأتعلم وأترك ورائي أثراً طيباً. والمفتاح الأساسي لإشباع هذه الحاجات هو التوازن والتفاعل وإعطاء كل ذي حق حقه. كما يذكر كوفي أن لدى الإنسان قدرات أربع هي: إدراك الذات "قوة الشخصية"، الضمير الحي "قوة الإيمان"، الإدارة المستقلة "قوة الاستجابة"، الخيال المبدع "قوة العقل" وأن التوازن مطلوب لها أيضاً. أما نظرية اللاتوازن السائدة عندك ممكن تلخصلي ياها فالحياة ما منصورها متل المبادئ و لكن المبادئ هي اللي بتنظم السلوك البشري ليكون حضاري، و الدليل أنه لو فرضنا أنه واحد ما عنده مبادئ و ما عجبو حكيك، و عصب عليك و هو بيعرف مين أنت و راح ضربك لمجرد أنه ما عنده مبدأ يمنعه من السلوك الخاطئ يللي تمت ترجمته بضربك، فأكيد مجتمع الغالبية فيه متل هالشخص مجتمع غير حضاري أما أنا فما قلت إني أحسن من حدا، و لو لقيت جملة واحدة بقول فيها حرفيا إني أحسن منكن تعال أحكي، يللي أنا بقوله غير هيك بس القراءة السطحية بمكن خلتك توصل لها النتيجة أما قولك نحنا ما معصومين من الخطأ شي و قولك أنه الخطأ ليس خطأ شي تاني، و حلو اعترافك بأنه الجنس من غير زواج خطأ و خاصة بالمثال يللي ضربته و يللي قلك ياه صديقك الجورجي و قولك من منكم بلا خطيئة فليرمها بحجر لا يعني السكوت على طرح الخطيئة بأنها فضيلة ،و لو ما حدا طرح الخطيئة على أنها فضيلة ما كان حدا رد بأن الخطيئة هي خطيئة و لا يمكن أن تكون فضيلة، و هون بحب وضحلك بأن توضيح الخطيئة على أنها خطيئة لا يعني رميها بحجر، و إنما القول اللي ذكرته الحكمة منه أكبر من هيك، بس بدك مين يفهم.. تحليلي لرأي الآخرين الذي أقريت بأنه خطيئة و خطأ إن كان سطحيا برأيك، فلو نرجع للحالات يللي على سبيل المثال طرحتها أنت بردك السابق و يللي بتقول(( واحد و وحدة اشتهوا بعض بالشارع أحدهما أو كلاهما يا أما بيتزوجو ليمارسو الجنس يا أما بيمارسو الجنس من غير زواج)) هي كلام سطحي و لا يحتاج إلى تحليل أصلا، فالتحليل بعمق و غير سطحية يكون بالموضع الصحيح، و طبعا من المفروض أني حلل بعمق وقت الكلام بيستاهل أما مبادئي المنتصرة سلفا و يمين و شمال فهذا مجرد تعبير عن رأيك بمبادئي، و لا يعني أنه إذا كان هادا رأيك لازم تفرضه عالكل، و إنما لو احتفظت فيه لنفسك يمكن كان أفضل أما قولك (( يعني لما واحد بيقلك أنا ما عندي مشكلة بممارسة الجنس قبل الزواج : مو بالضرورة قصدو لازم الكل يمارس الجنس و بطريقة عشوائية، لأنو العشوائية شي و الخيانة شي و مفهوم الحرية الجنسية شي تاني و التمييز بين هي المفاهيم و غيرها شي تاني كمان)) فلحتى ما أرجع كرر كلامي بقللك لو كان كلامك صحيح إثبت صحته، و وضحلنا شو الفرق بين العشوائية و الخيانة و الحرية الجنسية ،و شو بتعني بالتمييز بين هي المفاهيم و غيرها، و لو ما كان بالضرورة القصد من ممارسة الجنس قبل الزواج أنه لازم الكل يمارس الجنس بطريقة عشوائية لكن شو القصد؟؟ وقت بتوضح كلامك برد عليه، و إلا إذا ما قدران توضح كلامك فردي عليه رح يكون مجرد تضييع وقت ما أكتر وقت قلتلك نحن منعرف الصح شو هو بقصد كلامي نحنا كلنا بما فيهم يللي بيعرفوا الصح و بينكروه ،بيقولو عالخطأ خطأ و خطيئة و بيحاولو يبرروه، هون بقللك مسيك ورقة و قلم و سجل مشان ما تكرر أغلاطك و تقول بعدين ما عندك مشكلة بموضوع العذرية و يللي هي بتخص صاحب الموضوع بلا شك، و لكن هاد الكلام لا يمنع إنه الواحد يقول ليش الخطأ خطأ و رح شوف الموضوع يللي فتحته بنوتة حلب و شوف ردك على طرحي، و أكيد رح تسمع مني بهالخصوص بالوقت المناسب. أما أنه حماسي بيذكرك بقصة الجورجي فبفهم من كلامك أنه توضيحي وين الخطأ بالخيار الخطأ شبهلك ياه مخك بالوحده اللي بنتقد سلوك البنات و كأنه تشبيهك هون تخبيص، و بفهم من كلامك أنها حملت بعدين، أنك ما فهمان شو عم تحكي، بس لمعلوماتك معظم البنات يللي بتحمل من دون زواج بهالبلد عايشين ببيئة تعتبر الجنس قبل الزواج أمر عادي ،و البقية هم البنات يللي مو عايشين بهالبيئة بس متأثرين فيها أما أنك تقول الواحد ما بيفهم انو الإنسان ممكن يعمل شي هوي بيعتقد انو غلط لأنو التفكير سهل بس أي إنسان معرض للخطأ، فيه أولا تناقض فمرة بتقول هو بيعتقد أنه غلط، و مرة بتقول أي إنسان معرض للخطأ و هون أنت عم تعمم على أنه خطأ ،و تانيا الإنسان اللي يعتقد بمبدأ بيختلف عن الإنسان اللي يؤمن بمبدأ ،و اللي يؤمن بمبدأ معين لا يمكن أنه يخطأ و يتجاوزه. أما عن الحرية فلو أنت شخص ما عاجبني و بالمقابل أنا ما احترمتك و مسحت كرامتك بالأرض من منطلق أني حرة هي ما إسمها حيونة ؟؟ أنا ما قلت الحرية حيونة ليش قرايتك سطحية يعني ما بعرف يللي قلته أنا أكبر من فهمكن يعني شو بدي بسط لبسط؟؟ ما بعرف أما تعريفك للحرية هو تعريف يدل على فهمك للحرية، و اللي ما بقدر أني أبدي إعجابي فيه لأنه فيه تعاريف لناس مثقفين أرقى بكتير من تعريفك، بفضل أني أفهم الحرية من تعاريفهن. |
خيتو كاميكاز
لك عنجد شو عندك الكيبورد السحري انتي :shock: صدقيني انا من من القراية بس وجعتني ايدي عنك :cry: انا احيانا مابدخل عالاخوية مشان مااكتب كتيرررر:lol: بس يلا الله يعطيكي الصحة والعافية :D |
تسجيل متابعة حتى مايروح تعبي ضيعان بقراءة ها الحوارات يلي بتجلط
|
أنا لح اطرح الموضوع بصوره سطحيه هلاء اذا انا بدي مارس الجنس قبل الجواز وطفي شهوتي وغريزتي ممكن مارسها مع شي عشره او عشرين بنت ويكون الي حبيبات او صديقات عم نطفي متعتنا مواكتر وهاد الهدف تبعنا مواكتر طيب ممكن ميل لوحده من هل بنات ياترى وفكر فيها ان تكون أم لاطفالي ؟؟؟ ياترى ممكن تخوني ؟؟؟ ممكن انا خونها ؟؟؟ هيه(بنت) مابعرف؟؟؟ بس أنا :o بعرف حالي هلاء كل من مارس الجنس قبل الجواز لح يمتنع عن ممارسته بعد الزواج ولا شغله عاديه مابتئسر ولازم الطرفيين يتفهموا صدقات للطرف الآخر :oops: |
يعني بدكن يانا نعمل مسلسل فريندز عربي :o
واااااو شو كووووووول :lol: |
اقتباس:
بس سؤال عالماشي بدي قلك ياه بين ما ارجع سين سعال:؟؟ انت ليش فكرت بالبنت يللي بدك تميل الها انو تكون ام ولادك ؟؟؟:? ليش ما فكرت فيها شريكة حياتك؟؟؟ لانو حسيتك من ردك انك اعتبرتها الة للانجاب فقط :? :shock: :o والي رجعة :D |
انا رديت علىكي يا كميكاز بس شكلو الرد ماوصل بسبب مشاكل بالمتصفح .. اف ما الي اخلاق ارجع اكتب كل اللي كتبتبو بركي شي يومين تانيات على كل حال ما بدها كتير عصبية
|
على فكرة بمعظم الدول الغربية تجدون نسبة جيدة من العذراوات في الريف والأخلاق الحميدة
تشاو:larg: :larg: :larg: :larg: |
اقتباس:
بتقدر تعتبرها امي (والدتي) ولا مانع عندي يعني بالتالي ان كان والدي او والدك اختار لنا اسمائنا نعترض على اسمائنا .. وكذالك ان كان الاب سيىء السمعه او السيط نسأل والدتنا كيف قبلتي فيه ؟؟ لوقصدت الاهانه فانت تكلمت عن حرية آخت وانها حره بان تحب الخ.. ولم اكترث لها .. ليس هدفي الاسائه لو آردت في الموضوع كلام كتيررررررر لم اقتبس لاني امتلك قدره على تفنيد الحرفي مو ع الماشي وكلامي بردي عليك هوه موجهه للجميع ..... الذين شاركوا بالموضوع واحتجاجك على كلامي بيكفيني شريك ;-) وفهمك كفايه اسف ان فهمتني خطاء :D |
اقتباس:
دانيتو خود وقتك كلو .. يومين شهر سنة مو مشكلة و صدقني ماني معصبة .. أنا كل ما بقرا رد عليي.. بروق بزيادة و على الفور برد على الردود الموجهة إلي برواق وطولة بااااااااال |
اقتباس:
|
اقتباس:
أخ كوستا الأنسان بفكر بشريك حياتو ولما بيحصل على ها الشريك بفكر انو يصير عندو ولاد غريزة الأمومة و الأبوة موجودة بقوة عندنا و نهاية اغلب الزواجات لما بكون احد الطرفين عاجز عن الأنجاب هو ما اعتبرها الة للأنجاب قد ما اعتبرها حب انو ام ولادو تكون حبيبة قلبو وشريكتو مو يتزوج ليجيب ولاد بس لاء يتزوج وتكون ام الأولاد حبيبتو تحياتي مابعرف ليش بتذكرني ب كوستا كافيه كل ما بقرأ ردودك؟؟؟:p ياترى هي صورتك يلي بالكافيه ;-) على الهامش:D |
اقتباس:
|
اقتباس:
انا ما فكرت بشريك لحياتي منوب اما الكافية ........ انا على طول هونيك ;-) وصورتي .............. بعدين بقلك :D |
هلق ما كنا نخلص من هالموضوع .. و النقاشات التافهة .. القضية برأيي قضية صدق قضية أن يتم التعامل بدون أي شهوة في الآخر أو ابتغاء أي مصلحة غير العلاقة الإنسانية و أصلا المجتمع ينهار عند انفلات الأمر و الذين عاشوا في أوكرانيا قبل و بعد انهيار الاتحاد السوفيتي و القيم تحدثوا كم تغير المجتمع حتى الإجرام بتلك الدول احد سببه التهاون في موضوع العذرية . |
اقتباس:
بيجوز انتي ((لهلأ)) ما حبيتي غير مرة وحدة، بس مش معناتو انو كلنا كلنا متلك اقتباس:
بس رأيي انو اغلى ما تملكيه هوي اخلاقك، و ليس عذريتك، سمعانة بعمليات "التقطيب" ؟ صاحبي دكتور بيشتغل هالشغلة ... من حديثو و من جيبتو يللي دايما عمرانة(الله لا يفضح حدا) تبينلي انو عم يربح كتير كتير كتير.. من هالعمليات .. مع انها رخيصة، بس الضرب ع الطلب لا و النهفة انو دايما بيشكيلي ع المنافسة الشرسة من باقي الدكاترة تبع الكار يخزي العين شو عندو زبونات اللهم لا حسد و لا نميمة بس من جهتي، ما بيهمني الموضوع، لأنو كتير ممكن تكون زوجتي المستقبلية زبونة عندو، بقا بفضل اني اهتم بما في رأسها عن اني اهتم ... بما بين اقدامها اقتباس:
بس شو خص هالكلام السليم بالعذرية؟ انو عفوا منك، هالشي لازم تطبقيه، حتى لو كنتي فاقدة العذرية (مجرد افتراض) اقتباس:
بس انا شايف انو الشبشب اغلى، هاد رأيي و غيري اعلم عزة نفسك يا مزمزيل "آية الرحمن" (هيك بينكتب اسمك صح) لازم تبقى على طول عمرك (اطاله الله)، اما العذرية فهي إلى حين، بييجي يوم و بتتخلصي منها ... ما بيصير تربطي الدائم بالمؤقت مشان هيك بنصحك انو تربطي عزة نفسك بشي اهم من عذريتك و شرفك ذات الشي، لازم يكون مربوط بعملك، و كما قال الشاعر: إذا غامرت في شرف مروم = فلا تقنع بما دون النجوم اقتباس:
ليش متخيلة انو ازا "ما تمسكنا بالعذرية" معنى هالشي انو رح نرفس العفة؟؟؟ العفة شي و العذرية شي تاني العذرية شي ظاهري، بينما العفة شي جوهري، يا ريت لو نبلش نهتم بالجوهري |
اقتباس:
كأنو انت يللي حاطط الموضوع؟؟ اقتباس:
كيف يعني؟ انو حب بالـ"وما" قريت من قبل "لا تشته امرأة غيرك" بس انو "لا تشته امرأتك" ... هي كتير اوريجينال اقتباس:
بلش عدلك بلاد آخر همها العذرية؟، بلش بقائمة الدول الراقية من عندك معلم، "انفلات الامر" باوكرانيا سببو الاوضاع الاقتصادية الرديئة، يعني الفقر بالمشرمحي... اقتباس:
يعني كأنو عم تقطش و تلحش من عندك .. ما هيك؟ الاجرام بتلك الدول سببو عصابات الجريمة المنظمة، يلي اكبرها و اهمها عصابات الدعارة و الرق الابيض... بس هي الشغلة ما خصها بالعذرية هيك عصابات لما يشوفوا "عذراء" ما بيتركوها بحالها و بيقولولا ارجعي ع بيتك و بس تتخلي عن عذريتك منجي منستغلك.... يعني اجرامهم، ما وقف عند العذرية مش هيك؟ |
اقتباس:
لك اي والله وانا كمان كل مابمر قدام الكوستا كافيه بتذكرك :lol: |
اقتباس:
|
يا
krimbow لمن قلت ها الكلام ما قصدت انو المراة بشخصيتها بذكاءها بروحها تتلخص في شيء واحد العذرية بس يا حبيبي او يا حبيبتي اللي عندو عفة نفس وكرامة ونفسو غالية عليه ما بخلي شيء ممكن يعكس الجانب السيء يالي فيه هلا هاد راي الناس عامة بالنسبة الي ياللي ما بتعرف تحافض على فرجها ما راح تحافض لا على بيتها ولا زوجها ولا ولادها ويلي بيعملها مرة يعملها 2و3و............وكل واحد حر بس انا ما بشرفني كون صديقة فلتانة لانوا الغير عذراء فلتانة وامراة الشعب هيك واذا كنت شايفين اني معقدة فلتحيا العقد في هذا المجال وانشاء الله ما كون زعلت حدا ولي زعل مصيرو يكبر وينسى |
اريد ان اسألك يا krimbowا لجاهل سؤالا امام كل الناس هنا
اقتباس:
وهي كل ليلة "ت....." وانت تقول المهم العفة اقتباس:
ما هذا؟؟ شي غير معقول:jakoush: اذا كنت هيك بكرا خليها كل يوم مع رجل واهتم بما رأسها اعتقد انك ستتزوج امرأة تشبه امك لان الرجل دائما يبحث عن امرأة تشبه امه؟ ما رأيك;-)هل ستحذف الرد |
اقتباس:
طيب سماع رئيي هل مسطول بالنسبه لتقطيب وترقيع وخلافه هاد ابو شريك بيصر اذا لحقت حالها على بكير بس اذا كانت مارسه مابين ثلاث الى عشر مرات عوض بسلامتك بصير بدا رقعة جنط:lol: وسأل عنها .. وسأل لوطي ع علاج فتحة الصرف الصحي :o ولو لحقت حاله المشكله انوا العاده صارت هلاء انه يسلموا البنت قبل زفافها عند الطبيب النسائي وكشفها سهل بالنسبه للطب النسائي اما انك تهتم بما بين رجليها لح تهتم كتيرررررررررررر واذا انته مالحست في غيرك بيلحس بقا شريك هتم لانوا هيه مهتمه اكترررررر من مابتصور وغريزتها بعد الزواج بتنفتح وبتضاعف :sosweet: اما انه الشبشب اغلى برئيك بس انته ماجربت تصير بنت لتحكم 100%:o .. طبعاً بدوا يجي يوم وتفقدها بس الفرق شاسع بين ان تفقدها مع انسان ربما ادعا الحب ولم يريد منها الا اشباع غريزته.. فماذا قدم لها كلام حب:hart: شي هديه ؟ ولاهوه وسيم:ss: خزية العين ع هل جيل وشو ولازم يستمتعوا ببعض ؟ ممممممم ببعضن .. هون في جواب تاني ويمكن يكون قاسي :frown: وانه تربط عذريتها بشي اهم ماهو الا احد الاشياء ... اما بيت الشعر للمتنبي رغم انه لاعلاقة له ففسره (فلا تقنع بما دون النجوم ) فطعم الموت في امر عظيم *** كطعم الموت في امر حقير.. هو يتكلم عن الشجاعه والاقدام خود هاد احلى :p مع انوا مالو علاقه بالموضوع لايسلم الشرف الرفيع من الاذى حتى يراق على جوانبه الدم بالنسبه للفلتان بنرجعلها بوقت تاني :melody: |
اقتباس:
ياريت مين يعطيني اجوبه على هل اسئله سطحيه :melody: اقتباس:
ماعم نسمع آراء البنات من الطرفين ؟ |
اقتباس:
شو مشان مو انت صاحب الموضوع :? ؟؟؟ رفيق .. اقتباس:
طيب ممكن أنا جاوبك من وجهة نظري عن الاسئلة ( السطحية ) ولا موجهة لناس خص نص .. :melody: |
اقتباس:
قال تهديه شبشب . روح شفلك شي شحاطة بالسوق العتيق مو شايف البلاوي و الإيدز و الضياع ..إذا السعودية فيها 10 آلاف حالة و بأمريكا البنت يتم نصحها الآن بتجنب أي علاقة قبل الزواج لمضارها النفسية و الصحية عليها .. صحيح ما بيلبقلكم |
اقتباس:
اهلا وسهلا فيك :D |
اقتباس:
 |
اقتباس:
اهلين مايا ايه صديقنا سكاي بي هوه بس بيطرح الافكار وبيترك الشعب يناضل بافكاره القياديه :lol: مابحب يتعب :p ايه والله انا عفست بالموضوع بس من كتر هل الافكار الي شفتها .. :sosweet: واذا شيخ مكه اله عليه شي يحاسبني ;-) ومتل مالتي موجهه خص نص للبنات من الرآي الآخر .. ليش بس كم شب وين صديقات كريم . كانهم :frown: :pos: مشكوره ع المرور مايا :D |
ما بعرف انا الي فهماانه ع كريم غلط...ولا انتو....؟!!
مدري ليش الردود الي عم توجهوها لكريم متل الاخت آية الرحمن...و...مسلم فهمان.... كانكن فهمانين انو كريم عم يروج لشي عهر او دعاره؟؟؟؟؟ الرجال(متل ما انا فهمت مو هيك قصدو ابدا))))) ولا شو كريم؟ اما رايي فهوي رح اكتبوا اميد رح اكتبوا...بس هلا ما جاي ع بالي |
اقتباس:
هلاء كريم وكوستا هنن عم يناقشوا لك شو احكي مع حالي . يمكن انا فهمان على كريم بدوا يوصل فكرة انه العذريه ليست مقدسه !!! يمكن ... مابدا خجل عبري عن رئيك ;-) ... يي على بالك اكيد عفريت هل بال :sosweet: |
اقتباس:
|
ولك
ولك اه
يا شباب كل واحد فينا سمع وجهة النظر الاخرى يقعد بالبيت على رواق ويسحب سيجارة :larg: اللي ما بيدخن يسحب ليمونة يقعد ياكل فيها وبعدا بيقرر شو بده يقبل وشو بده ما يقبل وبالاخير اللي بده يمارس الجنس قبل الزواج يمارس واللي ما بده كمان يضل اعذر وعذراء وبالاخير بيقول المتل احترقوا اخوكم بحب ظل جيفارا |
أنا لأول مرة بدي أجي وصف مع كريم بأنو العذرية شي و العفة شي تاني ومابدي خوض أكتر بها النقاش أنا ضد ممارسة الجنس قبل الزواج ومهما كانت الأسباب ومهما كانت درجة العلاقة بين الشب و البنت حتى لو كان خطيبها أما بالنسبة أنو تفقد البنت عذريتها قبل الزواج لأي سبب كان فهاد غلط كبير كتير وما بينلام فيه إلا البنت حتى لو كان خطيبها أو تحت شعار الحب يلي للأسف ما عاد أله وجود العذرية برأيي شي حلو للطرفين للشب وللبنت قبل الزواج ومتل ما الشب بطالب ببنت عذراء لأسباب معروفة كمان البنت بتتمنى تلتقي بشب مو مجرب بس للأسف صارت نسبتهم 1 أو 2 % هاد رأيي بالنسبة لعنوان الموضوع |
واو والله الموضوع خطير في منكن يالي عندو افكار منيحة بس فيه والله اشبه بالقنبلة الموقوتة وبيعكس الجانب الحيواني للبشر:? وايتروز ومسطول على طول شكرا على هالردود:D
|
مسلم فهمان لك تقبرني انشاء الله الرد المناسب في الوقت المناسب:o لك حطمتوا بقصة اختوا:sosweet: لك يسلم هالتم يا ابضاي :gem:
|
ريمي لا تبرري اقوالوا حتى ما نفكر انك موافقت على هالافكار يالي ما بتخدم البنات بنوب:wink1:
|
| الساعة بإيدك هلق يا سيدي 13:49 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون