|
اقتباس:
اقتباس:
بيكفيني اني قريت الك 3 ردود فهالموضوع ما شفت متلهون من حيث (القوه والعمق والفكر ) من اكتر من 9 شهور بصراحه انا اتفاجأت بهالموضوع من 3 ساعات , ما دخلتو من قبل ولحظة دخولي ما اتوقعت انو بهالقوه ولما قريت الموضوع عجبني كتير بس ما اعطيت اهميه كافيه للحوار لدرجة اني قريت بسرعه نص الردود تقريبا , بس هلا راجعت الردود القويه بدقه وعجبني الاسلوب والحوار وطبعا الاحترام المتبادل بعتقد امرأه من ورق تستحق جايزة افضل موضوع هالشهر :D (مع ان الصراحه) واللي قبلو واللي قبل اللي قبلو و ....................و.....................و..... ................:o |
للمرة الأولى نكون أنا وصديقتي أمرأة من ورق .. لسنا في الجهةذاتها من النقاش...
يمكن صار الوقت مشان نتناقش مع بعض... أحترامي لألك ولطريقةإدارتك للحوار أول شي ما كان من السهل أني شيل أيماني على طرف أنا وعم أأقرا موضوعك ... بس رغم هيك رح حاول .... هون بدنا ندخل عسؤال ؟؟؟ مين بيحقلو يقرر أنو حياةأنسان تنتهي ؟؟؟ الأنسان بحد ذاتو ... :? معناتا .. ما فينا نلوم الأنسان اللي يعاني كآبة.. أويعاني مرض مزمن ... أو بحالة الأشخاص اللي أنا على تعامل يومي معون .. هنن الأشخاص المجروحين بذكائون ( المعاقين أعاقات عقلية ) في كتير أشخاص غير قادرين مطلقا على أي حركة ... رغم هيك الروح اللي فيون .. أنا أومن أنها تستحق الحياة ... الشخص ما بأمكانو يقرر أنهاء حياتو.. غالباً لأنوب حالة فاقد القدرة على اتخاذ قرار مناسب بدو بس يخلص من ألمو أهلو... أكيد ما بيحقلون ... ينهو حياتو وكمان الطبيب لأ هلق كمان .. لنعتبر أنو هالقرار تم بقرار مجموعة من الأطباء بعد تشخيص دقيق ... طيب مصطلح تشخيص دقيق بالعلم بيحتمل نسبة كبيرة من الخطأ وقتا شو منكون ساوينا .. روحنا حياة هيك ... بالخطأ وبعدين أن كانو أيام أو أسابيع .. ما قادرة أنو تعيشو .. أوتخترع دواءجديد ... يمكن هالأيام تسمحلنا نسمع بدكاترةجدد ... بخبرات وأدوية جديدة ... ما كنا سمعانين فيها ... سؤالي ألك ؟؟ بعلمية مطلقة ؟؟؟ قدي احتماليةمريض اللي بدنا نغتالو أنو يعيش ؟؟؟ وميرسي عالموضوع :D |
اقتباس:
وكمان انو بدك تفكر انو بين ماصار الدواء عم تكون حالة المريض عالاغلب عم تسوء يوم عن يوم والمرض عم يستفحل ويقوى يعني اذا كانت حالتو اليوم بتسمح بالعلاج (وفقا لهاد الدوا المنتظر)بعد فترة حتى لو انتجو الدوا الاحتمال الاكبر انو ماعاد ينفع..... يعني بظن انو اغلب الادوية ومهما كانت قوية ممكن تعالج المرض لحد مرحلة معينة وبعدها مارح يضل اي علاج ينفع يعني بنكون طولنا حياة العذاب اللي عايشها هالانسان ومشي حال انتاج الدوا بس مامشي حال العلاج عليه :( وبالاخير في شغلة انو نوعية الحياة اللي عم يعيشها الانسان المريض او متل ماعبر عنها اسير التشرد اقتباس:
|
اقتباس:
واسفة اذا كنت دايقتك بردي السابق وصحي انت قلت مابدك ورد بس بدك تاخد هي :D مني واجباري :adal: مابدك تاخدها؟؟:D حباب خدها:D |
اقتباس:
اجابتك كانت متل ماني متوقعتها منك وبظن انتي تفاجأتي برأيي بالموت الرحيم بس انا الي وجهة نظر تانية بالموضوع انو مو المهم نعيش...... المهم كيف نعيش...... واذا حاسين بالانسانية بحياتنا(وقبل ماتعلقي على كلمة الانسانية مو قصدي انو الانسان المريض او المعاق لازم نحنا ننظرو انو قليل انسانية بس انا عن حالي طالما انا حاليا طبيعية وقادرة عالعطاء والحياة الطبيعية واذا بعدين بمرض وبعجز انا احساسي بنفسي رح يصير انو انسرقت الانسانية مني...... يعني انو هون الانسانية قصدي فيها احساس هالانسان بنفسو ومو نظرة المجتمع الو) اما منشان سؤالك انو قدي احتمالية المريض يعيش؟؟ اكيد حسب مرضو ولاي درجة واصل المرض ومتفشي بجسمو...... وبرجع بقول انو اذا بتشوفي الموت الرحيم من وجهة نظر تانية بتشوفي انو قديش وفرتي عذاب عالمريض بدل ماتشوفي انو قديش نقصتي من عمرو اللي بالاصل مانو عايشو بشكل ممكن يرضيه :D |
اقتباس:
شكرا :sosweet: اقتباس:
اقتباس:
ممكن نقرا سوا (الرد الاول لاسير ) وقبل اي شيء باقة ورد للعزيز هادي (اسير التشرد):D اقتباس:
حياة الانسان ليست ملكه كي يبيعها او يقرر متى يتخلص منها ويمكن الاسترشاد بقانون حقوق الانسان او اي قانون في العالم ماعدا القانون الهولندي اللذي يبيح الموت الرحيم و تحدث اسير وقال عن الموت الرحيم (انا بأيد فكرة انو فكرة الموت الرحيم ظهرت لما فشل الطب وزاد التكاليف ع اهل المريض ... ظهرت هالفكرة للخلاص ...) من جهه اخرى هناك كلمات في رد اسير التالي : اقتباس:
هذه الكلمات متناقضه وغامضه وغير صحيحه كالتالي: * احترام الحياة الانسانية أول شي لازم نعملوا هو احترام انسانيتها ... ومعروف عندكم شو يعني انسانيتها الاول انا عن نفسي اول مره اسمع عن كلمة انسانية الحياه الانسانيه واعتقد انه يجب عمل استفتاء عليها لمعرفة كم عضو يعرف معناها ؟؟؟؟:lol: اما عن احترام الحياه الانسانيه فانا متأكد ان احترامها هو عدم اتخاذ قرار انتهائها وتركها تنتهي دون تدخل بشري والا سمعنا فيما بعد عن حريه جديده ستظهر هي حرية انهاء الحياه الانسانيه (على غرار احترام انسانيتها) *الحياه مقدسه بمعنها الاسمى لما بتكون ممزوجه بالكرامه والحريه طيب هل الكرامه والحريه في الموت الرحيم ؟؟؟ ولاتوجد كرامه ولاحريه في المرض عن اي الحريات تتحدث ؟؟؟ الحريه السياسيه ؟؟ حرية التعبير عن رايك وعن مشاعرك ؟؟؟ ام حرية الحركه وممارسة الرياضيه؟؟؟ واضح ان مفهوم الحريه عميق وشامل وبالتاكيد ليس مقصود ولكننا لم نعرف اي الحريات مقصوده وبالنسبه للكرامه لا تضيع الكرامه عند مرض الانسان باي مرض على الاطلاق (مهما كان المرض ) والحريه بمعناها الاشمل ستظل موجوده طالما بقيت ارادة المريض موجوده وارادة المريض تكون في اسمى صورها عندما يقرر مواجهه مصيره ومواجهة المرض ومواجهة اّلامه وليس الهروب منهم جميعا , اظن انه واضح للجميع ان الشخص الذي يواجه المرض والالام والمصير وينتظر الامل في الشفاء هو شخص لديه اراده اقوى من كثير منا لاننا لم نواجه ما يواجهه طبعا ومن المؤكد ان هذا الشخص العظيم يستحق ان يرفع كل منا قبعته له احتراما واجلالا لموقفه العظيم ومن المؤكد ان هذا الشخص اتخذ القرار الافضل ,لانه كان بامكانه ان يكون الاضعف ويختار الموت ولكنه قرر ان يتحمل الامه في سبيل تحقيق اماله في الشفاء |
اقتباس:
وانا ردي وحواري مع اي شخص بتكون تقدير واحترام مني الو حتى اذا كنا مختلفين وفعلا موضوعك متميز جدا واسلوب الحوار فيه افضل كمان من الموضوع ومافي داعي للاسف ورح اخد الورده منك انا ما بكسف صبايا انا بكسف الشباب بس :lol: |
اقتباس:
اول شي يمكن انت حسيت من حكي اسير التشرد شوي من التناقض بس انا ماحسيت هيك اسير ضد الموت الرحيم بالمطلق بس مع ذلك كان عم يحاول ياخد موقف محايد من الموضوع ويحكي عنو من كل الجهات يعني ايجابيات وسلبيات واكيد هاد شي كتير احترمتو فيه وماشفت فيه اي تناقض خصوصا انو ذكر انو هوي ضدو ومابعرف ليش استغربت كلمة انسانية الحياة الانسانية :? في كتار ناس عايشين حياة غير انسانية واكيد سامع مثلا بالرق الابيض كمثل مهم عنها...... يعني مو كل انسان عاش وتنفس عم يكون عايش حياة انسانية وفي كتير منون محرومين من كتير حقوق انسانية والمرض بحد ذاتو لما بيوصل لمراحل خطيرة ممكن يوصل لحرمان الانسان من هي الحقوق الانسانية او بعضها عالاقل..... كيف؟؟ يعني تخيل حالك او بلا حالك في ناس بتتوسوس من انو تتخيل حالها بهيك مواقف..... رح انا اتخيل حالي مريضة واذا احتجت اشرب مي بدي حدا يشربني واذا بدي اكل بدي حدا يطعميني وطبعا بكون عارفة انو هيك لاخر يوم بحياتي اتكالية على باقي الناس بكلشي ومافي امكانية اني رد شي من الجميل....... انا عن حالي بالفعل رح حس اني فقدت كرامتي وانسانيتي ورح حس كمان انو حريتي الوحيدة اللي بقيتلي هيي اني حط حد لكل هاد والحل هوي الموت الرحيم وتعليق اخير عالاشياء اللي لونتها بالاحمر...... ليش يامحمد عم تحاول تفترض انو الاشياء اللي انت بتفكر فيها هيي افكار كل الناس؟؟ يعني ليش من المؤكد انو الانسان اللي قرر يستمر بالحياة مع المرض انسان شجاع وليش اعتبرت انو كل الناس رح تكون مقتنعة بهي الفكرة؟؟ انا من الناس اللي بيشوفو انو الانسان اللي عندو القوة والجرأة انو ياخد قرار بايقاف هالشي هوي الشجاع لانو قرار انهاء الحياة هوي اكتر قرار بالدنيا بيتطلب شجاعة اي ونسيت فكرة كمان انو الاسترشاد بالقوانين الدولية كرمال فكرة انو ممنوع نحط نهاية لحياة اي انسان...... طيب وين راح حكم الاعدام اللي لسه بيتطبق باغلب الدول؟؟ هاد مو انهاء لحياة انسان؟؟ وتحياتي:D |
أنا مع و ضد
|
اقتباس:
شكرا كتير ليوبراد:D |
:D :D :D :D
|
اقتباس:
هاد عن حكي اسير اما حكيك انتي شديد التناقض شوفي يا ستي انا لما اكون محايد بين امرين (مثلا مع القتل الرحيم ,ضد القتل الرحيم) يبقى لا رح اختار هذا او ذاك ولا رح اقف مع هذا او ذاك لكن اني اقول اني محايد وفي نفس الوقت اقول انا مع الراي الفلاني مثلا مع القتل الرحيم اكيد بكون بستحق كلمه مو لطيفه مارح اقولها مشان مشاعري ,,ولماذا استحقها ؟؟؟ لاني بتلاعب بعقولكم وبستخف فيها ,,يعني كيف اكون في كفه وادعي اني محايد :shock: الحمد لله اسير ما قال انو محايد :lol: وأعفاني من الحرج في اني احكي عراحتي اقتباس:
ماذا اضافت كلمة انسانية الى الى الحياه الانسانيه من ناحية المعنى؟؟ المعنى رح يوصل بل بالعكس كلمة انسانية مضافه للحياه الانسانيه افقدت الجمله معناها ولولا ذكاء القارئ ما كان فهمها طيب ببساطه في حياه انسانيه وفي حياه غير انسانيه (هاد اللي بدك توضحيه وتقوليه) ما اختلفنا انا وياكي وبقول امين امين امين بس مامعنى ؟؟؟؟؟؟؟؟؟؟؟؟؟ انسانية الحياه الانسانيه او انسانية الحياه الغير انسانيه اكيد مو لغه عربيه بس بدي اوصل الها وثقافتي المحدوده مانعه وصولي عندما تضيف كلمة انسانية الحياه الانسانيه مالغرض ؟؟؟ في موضوع شائك مثل هذا الموضوع ؟؟؟ بتعرفي لغويا ما اضافت شيء لان كيف بدنا نضيف ماء عالماء مو بس هيك في اللغه العربيه ما يزيد على المعنى يعتبر **** صدقيني ما بعتقد كان تعليقك وتعليقي مستاهل هالمجهود في الرد على هالكلمه تحديدا :lol: لولا اني ما بردّ حد جاي يتناقش كنت اهملتها وما ردّيت (بس قلقت من ان اللي ما يعرفني يفتكر اني متجاهلها ) اقتباس:
نثري الحوار اقتباس:
مفهوم الحريه والكرامه غير هيك نهائي الحريه يمكن ان نعبر عنها بالاراده مقرونه بالالتزام والكرامه لا يفقدها الانسان عند مرضه مهما كان المرض اكرر للمره الاف الكرامه مصانه عند المرض ولعلك تقصدين كرامه غير التي نعرفها فما هي الكرامه التي تقصدينها ؟؟ اقتباس:
وبديهي ان المريض لما يختار الامل ويعيش مع الالم والمرض بديهي انو اختار المواجهه وانو يتحمل الالم وبالتالي شجاع اذا كنت انا فاهم غلط ما عندي مانع الناس تصحح الي غلطي (بالعكس هاد بيشرفني ان الناس تصحح غلطي ) مشان اتجنب غلطي وما اغلطو تاني وبهالطريقه بكون كل مره بتعلم شيء جديد وانمي واكبر ثقافتي ومعلوماتي اقتباس:
من ايمتى الشجاعه في الهروب؟؟ وعدم المواجهه ؟؟؟ عالعموم انا ماسك نفسي بصعوبه عالعموم كاني ما شفت الرد :p اقتباس:
ومش موضوعنا فتح مناقشات اخرى هنا ولكني على استعداد لمناقشتك خارج هالموضوع :D |
بدي اشكر كل الي ردو وشاركو فالموضوع وساهمو في اثراء الموضوع
وبشكر بصفه خاصه امرأه من ورق على موضوعها الرائع (بغض النظر عن مواقفنا المتباينه) وانا بكتفي بردودي وبعتقد اني ناقشت كل الجوانب اللي كان بدي اناقشها واكتر وببعت الهم ورد من عند هاني ومن عند امرأه من ورق *وبوجه دعوه لاستضافة هذا الحوار في حلقه صوتيه على اذاعة اخويه بين 4 اعضاء تكون منهم امرأه من ورق على اعتبارها صاحبة الموضوع وقائدة تيار مع الموت الرحيم على من يرغب بالاشتراك ان ينوه عن ذلك اثناء رده وتعبيره عن رأيه في هذا الموضوع ولا يطرح ردا خاصا في هذا الموضوع واذا لم يرد الرد هنا فبأمكانه ارسال رساله خاصه الى طبعا الحوار الصوتي رح يكون مفيد اكتر بعد حوارنا كتابة هنا يعني تخيلو كيف رح يكون الحوار اكتر حياه وحيويه وكانك بتناقشني عالتليفون او كل واحد منا في غرفه جنب بعض وما بنشوف بعض .... ملحوظه :للاسف رح اكون في البرنامج مقدم وبس يعني مارح امثل رأيي او افكاري ملحوظه اخرى : امرأه من ورق شرفتنا بقبول دعوتنا لاجراء الحلقه وانها تكون ضيفتنا الكريمه في النهايه بشكر امرأه من ورق مره تانيه شكر جزيل عالموضوع والردود المحترمه وقبولها الدعوه :D :D :D |
اقتباس:
اقتباس:
ولما ضفنا كلمة انسانية الحياة الانسانية عطيناها البعد الانساني والاخلاقي والحقوقي وماالى هناك من اشياء بتميز حياة الانسان عن حياة اي مخلوق تاني اقتباس:
بس شو رأيك انت بالكرامة لسه ماعرفتو اقتباس:
اقتباس:
ودخيل عينك لاتمسك حالك وبق البحصة :p اقتباس:
|
اقتباس:
على حدي علمي انو امرأة من ورق اللي هيي انا مازالت تفكر بالموضوع الملعونة وافقت بدون ماتعطيني خبر :jakoush: |
اقتباس:
بس كلامك كان بيدل على انك موافقه انتي ما عندك مانع من المشاركه بس قلقانه من شيء وهو اللي بيمنعك من القبول وانا حليتو الك افتكر حلي كافي بانو يزيل قلقك وعلى ذلك يبقى موافقه عالعموم انا سحبت اخر ملحوظه من ردي وبكرر اعتذاري الك وللجميع :D وبفكر اعمل مفاجأه في الحلقه هي اني امثل تيارك (مع الموت الرحيم ) في الحلقه في الحقيقه انا اقتنعت بافكارك :sosweet: |
اقتباس:
يعني معقول امرأة من ورق ماتعرف تاخد هيك قرار وبانتظار المشاركة بالبرنامج على احر من الجمر يللا بدنا نتناقش مع حدا عن جد ومو بس من ورا الكيبورد وبدنا نكسر روس :adal: اي لكن هي فرصة ما بتتعوض واسفة اذا كنت تقلت المزحة :D |
انا ما قريت كل الردود ...
بس بدي قول شغلتين 1.اذا بدنا نمشي مع الدين فهاد حرام وما بيجوز متل ما كتير وضحو .. 2.اذا بدنا نمشي مع المنطق فغير مغقول انو زلمة معو سكتة دماغية ما بيحس بشي وما بيعمل شي غير منعكس البلع أنو يضل عايش فأنا مع قتلو .. بس هون في وحشية ومخالفة لاداب الطب والاداب الانسانية .. فدخلنل بأزمة شو الحل؟؟ الحل انو نسأل الزلمة اذا ممكن نسألو شو منعمل فيه .. فهوي بيقرر مصيرو بناء على اعتقادو الشخصي .. لانو مو نحنا منقرر عنو "بس في حالة زلمة متل شارون فهاد لازم يتركوه عم يتعذب.." يعني الموضوع فلسفي و صار جدل واسع حولو ولسا عم يصير .. لانو كتير متشعب وفايت ببعضو |
اقتباس:
اذا خافو رح نعمل البرنامج انا وانتي لحالنا وطبعا انا مقدم للبرنامج ما رح تلاقي حد تحاوريه ورح ترجعي ورا الكي بورد بس تعرفي كنت اتمنى اني اناقشك بالمواجهه صوتيا طبعا الصوت ومؤثراته وانفعالاته بتخلي الحوار اكثر حيويه وايجابيه وفي تعبيرات ما بنقدر نكتبها بتوصل بنبرات الصوت الخ .... المهم اتمنى الك والنا حلقه جيده :D |
اقتباس:
|
اقتباس:
مشان موضوع الطبيعة طبعا اكيد إلي الشرف إني التقيك و نتحاور بالموضوع، بس متل ما تفضلت مستحيلة، عالأقل بالوقت الحاضر، و مشان فتحو هون بالمنتدى فبظن إنو حلم وردي، لأن هيك موضوع بدو نقاش موضوعي بعيد عن التطرف و غسل الدماغ، و بظن رح نفتقر لهالشي بالموضوع، يعني إلا ما تعلق بين الجاهلين و المتخلفين و أسياد الحوار البيزنطي. و بالنهاية أنا كتير سعيد بمعرفتك و الحوار معك غاليتي.:D |
اقتباس:
شكرا على موضوعك تحياتي لك أمرأة من ورق:D |
اقتباس:
ومنشان الموضوع معك حق انو رح تعلق حرب اخوية (عجبتني حرب اخوية:yahoo: ) فيه ويمكن احسن بلاه :D |
اقتباس:
واهلا وسهلا فيكي:D |
اقتباس:
اقتباس:
قبلةحب ... احتضان حنان ... ما بيحقلي أحرمو منون :D |
اقتباس:
هلأ هون في عندي تعليق انو قلتي بالاحتمالات طالما دخلتي بالاحتمالات معناتا في عندك احتمالين او اكتر رح اعتبر انو في احتمالين بس اول احتمال انو يموت المريض وما يكونو اسا اكتشفو دوا تاني احتمال انو يكتشفو الدوا قبل ما يموت المريض (ملاحظة صغيرة بس كلمة اكتشفو دوا يعني الدوا صار جاهز للاستعمال يعني بعد كل التجارب والخ الخ الخ ) طيب انتي ومن موقع طبيب ومن موقع اهل مريض بتقدري تحددي مريضك لاي احتمال ينتمي ومن موقع مريض (بعيد الشر عن قلبك اكيد ) بتقدري تحددي لاي احتمال بتنتمي انا بقلك مستحيل لانو ما في شي مؤكد بجوز تقليلي انو اي اذا كان باقيلي اسبوع او شهر واسا ما كان في فكرة لدوا برجع بسالك سؤال تاني انو انتي ضامنة حالك انو تعيشي بس اسبوع بس شهر بس سنة بتقليلي اي بيكون واصل معي المرض لدرجة عظمى طيب هل بتضمني انو هالدوا او هالطريقة اللي عم يعالجوكي فيها ما تقدر تخفف ولو بشي بسيط من هالمرض او انو تردو لمرحلة قبل تقدري تعيشي بهالمرحلة لبين ما يكتشفو الدوا اللي بيخلصك من المرض بشكل جزري هل بتضمني انو مثلا (على قولة مرسيل يمكن ما بقى اذكر ) انو ما يكون في دكاترة جديدة في خبرات جديدة تقدر تخففلك من مرضك بشكل بسيط الى ان ............... يعني خلينا ناخدا بشكل عام انو ما فينا نجي نوزع هالمرضى اللي مصابين بامراض مستعصية ما الها دوا على هالاحتمالين اللي ذكرتن فوق يعني ما فينا نقول هادا وهادا وهادا على الاحتمال الاول يعني موتون موت رحيم وهادا وهادا وهادا على الاحتمال التاني يعني خلون بدنا نعالجن كلن لازم ياخدو فرصة متساوية ما لازم تحددي ايمت نهاية حياتو هادا كان رد على رد امراة من ورق بردي الجاي رح حاول لخص الموضوع بشكل مبسط من وجهة نظري انا وكيف شفت الموضوع لاني حسيت في ريحة تناقضات بالحكي حياكون :D |
يلعما طلعو عيوني بالعرض وانا عم اقرا الردود 55 دقيقة مبحلق بالكمبيوتر عم اقرا
انو ليش بتطولو الردود تبعيتكن :lol: اي بداية يحضرني قول الشاعر العربي الكبير :? خلص بلا بياخة بدي اشكر الكل على النقاش المنطقي وكتنويه مبدئي انا مستعد شارك بالحوار اللي رح يصير بالصوتي بس اعلموني بالوقت لشوف اذا بقدر كون اون لاين هلأ رح اعمل هيك تلخيص سريع للموضوع بعد ما قريت كل الردود ورح حاول وضح ريحة التناقضات اللي قريتا ببعض الردود (ما رح اقدر اقتبس الردود بس اكيد كل واحد بيعرف حالو شو رادد ) انطرح الموضوع على اساس انسان يعاني من مرض مستعصي وما امكانية تطبيق الموت الرحيم علي هل كان من الاسباب المطروحة انو الالم اللي بيعاني في المريض واللي ممكن يصير غير محمول لدرجة انو الواحد يصير يتمنى الموت بالاضافة كعامل ثانوي هوي العملة او انو المريض ممكن يشوف اهلو عم يدفعو مصاري كتير ممكن يتمنى الموت مشان يريح عيلتو من اعباء مالية وفي سبب تالت انطرح رح خلي رح احكي في باخر الحديث هلأ اول ما انطلق الموضوع انطلق انو يصير الموت الرحيم بدون اخد راي صاحب العلاقة اللي هوي المريض طبعا بعد فترة كل اللي كانو مع الموت الرحيم انو اتجهو انو لاء لازم ناخد راي صاحب العلاقة يعني ما نجي نحنا نقرر منا لحالنا لاء هوي لازم يكون موافق كمان بالمثال اللي طرحو doh84 كان المريض بحالة سبات يعني ما كان قادر ياخد اي قرار وبالتالي اللي قرر هوي العيلة (طبعا بغض النظر ان كان السبب هوي انو شوفة هالشب عم تسبب الم للعائلة او لاء او انو عم تكلفن مصاري عالفاضي من وجهة نظرن ) طبعا بهالمثل هادا تناقضت الفكرة الاولانية اللي قالو عنها الموافقين على فكرة الموت الرحيم واللي هوي موافقة المريض مع انو معظم الردود كانت داعمة لهالمثال من نقطة تانية بالنسبة لحكي اسير التشرد (تعي لاقي بقى :lol: ) هلأ المريض بدو يموت ليرتاح من الآلم والمعاناة اللي عليه وع أهلو ... وطبعاً الحالة ميؤسة منو بمئة بالمئة بنرجع على خيار المريض ... المريض هو مالك الخيار وهو حر باختيارو ... لانو اراد الموت والطبيب رفض ... هون رح تهتز ثقة المريض بالطبيب وبدل ما يكون الطبيب معالج ومزيل لآلمو بصير جلاد متوحش عم يزيد من معاناة بوسائل داعمة للبقاء ... برأيي انو لازم تكون الثقة موجودة بين المريض والطبيب وتكون قوية وانو المريض يكون بصورة علاجو والوسائل المستخدمة ببقائو ...وانو يكون هالمريض ع ثقة من انو ماحدا رح يصادر قرارو ... الحياة مقدسة بمعنها الاسمى لما بتكون ممزوجة بالكرامة والحرية ولما بدنا نحترم الحياة طبياً ما بنروح بنعمل معارك خلبية ونركز على المرض وننسى المريض ولما بنحكي عن احترام الحياة الانسانية أول شي لازم نعملوا هو احترام انسانيتها ... ومعروف عندكم شو يعني انسانيتها... هلأ رح تتعجبو منو كيف انا عم احكي هيك وانا ماني مع فكرة الموت الرحيم !! هلأ بغض النظر عن كلمة انسانية الحياة الانسانية اللي انا ما فهمت شو معناتها كمان رح ناقش فكرة الثقة بين المريض والطبيب اولا لو ما في ثقة بين المريض والطبيب وخاصة بحالة الامراض المستعصية ما كان بيضل عم يتعالج على ايدي ثانيا لما المريض بدو يوثق بالطبيب بدو يعرف انو كل شي عم يعملو هالطبيب لصالحو والطبيب مستحيل يعمل شي مو لصالح المريض لانو متل ما قال اسير انو بتصير عندو هاي متل معركة مو مستعد يخسرا ثالثا انا مع الصراحة بين المريض والطبيب من ناحية تقدم المرض من ناحية الدواء وتاثيراتو والخ الخ لانو هالصراحة بتزيد من الثقة (مع بعض الاستثناءات رح احكي عليها برابعا) رابعا واهم الشي لما المريض بدو يقول للطبيب انو يموت موت رحيم والطبيب رح يستجيب لطلبو فهون بيستحق الواحد يوقف انا ضد هالشغلة يعني انا مع انو الطبيب ما يستسلم للياس متل المريض بالعكس الطبيب لازم يكون عندو دائما امل بشفاء المريض ولازم يحاول بكل الوسائل الممكنة انو يزرع الامل بهالمريض هون بتجي الاستثناءات لما الطبيب بيحس انو المريض بلش يفقد الامل وبلش يفكر بالموت الرحيم انا ضد انو يصارحو بكل شي بقى بالنسبة للانسانية منجيلا بعدين نقطة تانية انو المريض يطلب الموت لانو شايف انو عيلتو عم تصرف مصاري مع انو ما حيلتها الفتيلة بعتقد حكيت بهالنقطة قبل ورح ارجع احكيها ما في عيلة بتتمنى تخسر واحد من افرادها وما في عيلة ما مستعدة تضحي باي شي مشان تحافظ على حياة الشخص المريض اللي موجود حتى لو مضطرة تبيع كل شي حتى لو مضطرة تدين حتى لو شو ما كان انا باكدلكن انو مستعدة تعمل اي شي بس ينشفى المريض اللي عندا كمثال على ذلك من حياتي انا عمو لبيي انصاب بسرطان الرئة (بسبب التدخين مشان اللي بيدخنو ) ابنو عم يشتغل شغل بسيط يعني عندو سيارة بيوزع فيها بيض على المحلات بالضيعة وباللي حواليها ويا دوب معيش عيلتو لما بيمرض بيو بيضطر ياخدو على الشام كل فترة مشان يعطي ابر بتكلف الابرة 3000 ليرة اضافة لاسطوانات الاكسجين اللي كان يجيبها واللي بتكلف الشيء الفلاني كان البي (الوالد يعني ) على طول يدعي انو الله يموتو مشان يرتاح ومشان يريح هالعالم معو انا لهلأ بتزكر انو ابنو كان على طول يهدي ويقلو انو الله يخليلنا ياك ويطوللنا بعمرك وانو مستعد ساوي كل شي ومستعد ضحي بكل شي بس انتي تضل بيناتنا ومن هالحكي انو كان يعطي امل بحالو انو هوي اسا موجود وانو هني بدن يا موجود وبتحسو بعد هالحكي يرتاح شوي وينسى موضوع الموت وهيك وضل على هالحالة لحتى مات موت طبيعي يعني بالنتيجة وبعد كل هالحكي اللي فوق ما في عيلة بتبخل على بعضا بشي واكيد بس واحد يحتاج شغلة بيكونو مستعدين يقدمولو ياها يعني منلغي عامل العملة من هالناحية هاي بجي هلأ لعامل الانسانية من بين الردود لامراة من ورق وباكتر من رد جابت سيرة انو انا بس امرض بخسر انسانيتي ومو مقصود بانسانتي نظرة المجتمع الي بل نظرتي لنفسي انو انا كنت اعمل شي يفيد المجتمع وبعدين بس امرض بصير عالة على المجتمع واللي اعتمدت عليها اكتر شي لتقنع بفكرة الموت الرحيم طيب انا هون بدي اسال امراة من ورق سؤال خلينا نقول انو انتي الله يطول بعمرك وصلتي لعمر التمانين سنة وبهالعمر هادا تقلت حركتك ومعد تقدري تتحركي يعني مثلا تلقحتي صار بدك حدا يقومك حدا يلبسك الجرابات لانو معد تقدري توطي بدك حدا يروح يجبلك كاسة مية لانو صعبة عليكي المشي للمطبخ مثلا بالاضافة انو ما عم تشتغلي شي تفيدي المجتمع بالاضافة انو ما في امراض مستعصية ما في الام ما في شي ابدا يعني حالة شيخوخة طبيعية السؤال هون انتي فقدتي انسانيتك او لاء ؟ اذا كانت متعلقة شغلة الانسانية بهالشغلات اللي ذكرتين واللي بينفقدو بحالة المرض هاي كمان بحالة الشيخوخة بينفقدو هل هادا معناتا انو انتي بحالة الشيخوخة كمان بتستحقي الموت الرحيم هل هادا معناتو انو كل ختيار ما عندو قدرة يتحرك لانو ختيار بيستحق الموت الرحيم هادا كان ملخص للموضوع من وجهة نظري بتمنى ما كون طولت عليكن (قال ما طولت قال :lol: ) كلمة اخيرة لابو طريق وامراة من ورق مشان موضوع الطبيعة والانسان انا مهتم كتير بهالموضوع وبحب اسمع الاراء اللي رح تنطرح نسقو بينكن ونزلو الموضوع وانشالله ما حدا من هالشعب اللي ما بيفهم يشارك واذا شارك التيتة مجود موجودة وهيي بتيك كير اوف هيم وحياكون :D |
ما حدا يسالني ليش غير لون الخط معي ما بعرف هيك طلع لحالو :?
حشش الموقع :pos: وينك يا نيرفانا :cry: |
اقتباس:
ميمو انا مو قاصدة ابدا انو الانسان بتتحدد انسانيتو بالعطاء ...... بس قصدي انو انعدام (ولاحظي كلمة انعدام) قدرتو عالعطاء رح يعطيه هوي وهوي وبس احساس انو خسر جزء كبير من انسانيتو واذا حابة تسميها جرح لانسانيتو اوكي.... هيي جرح لانسانيتو بس جرح لايندمل وجرح اكبر ممافينا حتى نتخيلو واكيد كمان ماعم قول انو الانسان لازم يكون كامل كلنا ناقصين صح هالحكي بس ناقصين بدرجات لما بتوصل الدرجة لحد كتير كبير انو نحس انو ناقصين تقريبا بكل شي عن جد رح نحس وقتها بفقدان الانسانية وكمان ماعم قول انو نحنا لازم نكون حافز للاخرين للموت او الالم بالعكس لازم نضل لاخر لحظة عم نعطيون الثقة والدافع للاستمرار بس هالشي بيكون مستحيل احيانا اقتباس:
اما عن حالة اللقيط او المتشرد او المعاق بيضل عندون امل كبير انو ممكن يصير شي يغير الحياة اللي عايشينها وكمان وباسوء الحالات عندون نقص باشياء بس عندون اشياء تانية ممكن تعوض عنها ومنشان العجوز رح احكي بالرد على هاني ومنشان قبلة الحب واحتضان الحنان...... هلأ يمكن انا انسانة معقدة وعندي عزة نفس زايدة عن اللزوم...... بس لما بكون بحالة عجز كامل وبيجي حدا بيعاملني هيك حتى لو هوي بالفعل قاصد بس الحب والحنان انا رح حسها انو هي قبلة واحتضان عطف :cry: يعني مابظن اني رح حس فيها باي متعة او راحة |
اقتباس:
نحنا لحد الآن عم نحكي حكي افتراضي لاقصى الدرجات وعاطفي لدرجة قصوى كمان هلأ للاسف مافينا نجيب احصائيات او ارقام واضحة لانو غالبا الموت الرحيم عم يصير بطريقة غير شرعية وغير معلنة بس فكر معي شوي انو لحد الآن كل او اغلب اللي تطبق عليون الموت الرحيم بسبب امراض مستعصية شو صار جايي اي دواء لاي شي من هي الامراض المستعصية؟؟؟ وبالتالي لو ماماتو موت رحيم كانو تعالجو او لأ؟؟؟ بظن انو لحد الآن ماسمعنا انو نزل عالصيدليات والمشافي اي دواء للامراض المستعصية المعروفة واللي عم تقتل هالمرضى بظن هيك بكون وضحت انو الاحتمالات اللي عم نحكي عنها قديشها صغيرة |
اقتباس:
لانه بالآخر انت مقتنعة ان الشخص القاعد قدامك عبيتعذب على الفاضي ونهايته الموت بدون أدنى شك بهاي الحالة بفضل اني اقطع عنه الأوكسجين بايدي احسن ما تبقى صورته وهو معذب مطبوعة بذاكرتي إلى ابد الآبدين :pos: :D |
اقتباس:
هلأ ظاهريا يمكن تشوف تناقض بين فكرة موافقة المريض وبين المثل اللي عطاه doh84 بس انتبه منيح انو بهاد المثل الشخص كان ميت وماكانو الاهل ناطرين انو يلتقى علاج او اي شي بس ببساطة كانو تاركينو جثة عم تتنفس بس فعليا هوي جثة غير قابلة للتحسن :cry: يعني مستحيل يكون في اي مجال للتحسن وكمان مافي اي شي من ظواهر الحياة بس تنفس واعضاء عم تشتغل عالاجهزة اقتباس:
منشان فكرة انسانية الحياة الانسانية سبق وشرحتها برد من ردودي على محمد متل ماانا فهمتها بس مابعرف عالاكيد اذا هاد المعنى اللي قاصدو اسير او لأ ومنشان الثقة بين المريض والطبيب...... هلأ بغض النظر عن انو الطبيب صارح مريض بالوضع الاكيد او لأ المريض قادر يحس انو عم يتحسن وضعو الصحي او ثابت عند حد معين او عم يسوء يعني المصارحة او عدمها ممكن تزيد يأسو او تخففو شي بسيط كتير بس مارح تمنع يأسو عالاخير بالاضافة انو برأيي الطبيب اكتر شخص ممكن يحس باليأس من حالة مريض لانو يفترض يكون مطلع تماما عالوضع وفاهمو وكمان لازم يكون مطلع على التطور بالعلاج وبالتالي اكتر شخص رح يعرف انو شو ممكن يكون مستقبل هالمريض بالاضافة لانو الطبيب على عكسنا بيكون المريض عندو اقرب مايكون لحالة منو لشخص يعني رأيو فيه درجة عقلانية اكتر من المريض نفسو او اهلو.......بس بظن انو مو سهل انو يضل عندو امل وماييأس متل ماانتو عم تفترضو انو الطبيب بيفوت بصراع مع المرض وبس....... وبعد هاد ممكن يصارح المريض باليأس اللي عندو او لأ اقتباس:
:cry: كمان مرة مافهمتو عليي شو قصدي انا ماقلت انو ممكن اي عيلة تتخلى عن شخص بالعيلة كرمال المصاري انا قلت انو العامل المادي رح يسبب ضغط اضافي عالمريض نفسو ويخليه يحس باليأس اكتر ويصر اكتر عالموت الرحيم وركزولي انو بكل الكلام اللي عم قولو عالمصاري عم استعمل كلمةاكتر لانو المادة لحالها مستحيل تكون عامل بس هيي عامل اضافي بيجي بعد العوامل التانية كلها...... يعني لما بيكون الشخص مقرر الموت الرحيم المادة بتعطيه دافع اضافي لهلشي بس المادة بحد ذاتها مانها عامل يعني مافينا نحكي عن المادة والموت الرحيم لحالون بس كمان مافينا نلغيها عالاخير اقتباس:
لانو بس كون وصلت للشيخوخة بكون عارفة اني عشت بالقليلة 30 سنة على رأس عمل وقدمت فيها الشئ اللي مانو قليل للمجتمع طبعا طالما كنت عم اشتغل بارادة وحاسة بواجبي خلال فترة العمل...... وكمان يفترض كون انجبت اطفال وربيتهن وهي كمان انتاج مانو قليل...... يعني اني بحس اني قدمت شي مهم نوعا ما خلال حياتي ووصلت لمرحلة صار بيحقلي فيها كون مرتاحة من الواجبات شوي وكمان انو الشيخوخة شغلة طبيعيا ومتوقعة لكل شخص وبتجي بشكل كتير تدريجي يعني من لما الشخص بيصير عمرو اربعين خمسين سنة بيبلش يحس فيها شوي شوي وبيتحضر الها نفسيا بينما المرض بيجي غالبا كحالة مفاجأة شوي يعني ممكن كتير خلال اشهر او سنة تحس انك فقدت كل قوتك وكل عطاءك .......ورح يمنعك بالاغلب من ممارسة الانتاج وانت بعمر كتير ممكن تكون فيه باوج العطاء لولا المرض ويمكن يحرمك من اي انتاج اذا اجى بعمر مبكر شوي..... يعني وقتها بتحس بالعجز مو بس انو فترة اجتك ولازم ترتاح فيها من العطاء اللي اعطيتو طبعا كل هالحكي عن الشيخوخة اذا سببت العجز ومو بالضرورة تسبب العجز يعني في ناس وجدي واحد منون عاشو للمية سنة وماتو بدون مايعيشو عجز وكان جدو لقبل وفاتو باسبوع يطلع عالحقلة ويشتغل اقتباس:
اقتباس:
ومية هلا :D كود:
بس كمان هاني مابيقصر:yahoo: :clap: وعن جد وينها نيرفانا:cry: |
اقتباس:
|
اقتباس:
:D :D |
اقتباس:
اهلين moh84:D |
صح ما ورد بشرحك امرة من ورق طبعاً هالشي اللي كنت بقصدو بجملة انسانية الحياة الانسانية ... يمكن انتو ملاحظين هالجملة غريبة شوية... بس اكيد إلي رجوع على الموضوع للشرح والتفصيل في هالنقطة ...
وشكراً لامراة من ورق على الشرح ....:D |
اقتباس:
|
اقتباس:
طولي بالك الهئية اسير راح يرحم له كام بني آدم :o |
مرحبا يا أحبة ...
عودة منشان التوضيح.. بالبداية انا قلت بردي وما بعرف اللي فهم او ما فهم ... وهو "ولما بدنا نحترم الحياة طبياً ما بنروح بنعمل معارك خلبية ونركز على المرض وننسى المريض ولما بنحكي عن احترام الحياة الانسانية أول شي لازم نعملوا هو احترام انسانيتها ... ومعروف عندكم شو يعني انسانيتها..." قصدي اذا بدنا نحترم حياة الانسان طبياً ما بتكون بانو نعمل عليه معارك لأجل شفاء عارفين من انو نحن الجهة الخسرانة وما في جدوى من المعركة ... ولو عملنا هالشي رح يكون جل تركيزنا ع المرض وبهيك عم نتجاهل المريض .. واحترام الحياة الانسانية بيقضي منا انو نحافظ قبل كلشي ع انسانيتها... وامراة من ورق قالت مو كل انسان عايش عم يتنفس بيكون عايش حياة انسانية ... بيكون عايش متل الحيوان او اقل منو كمان ... لهيك يا احبة انا طبيب بحترم انسانية مريضي واذا طلب مني انهاء عذابو فمن واجبي اني احترام قرارو لأنو اتخذ هالقرار بكامل ملكاتو العقلية ... |
وحابب اطرح سؤال تاني فينا نقول انو بيندرج كمان تحت بند الموت الرحيم ...
لما بتكون المرأة حامل بطفل مشوه فهل يحق لها اختيار الموت الرحيم لهلطفل اللي ببطنها ؟ لأنو لو ولد هالطفل رح يكون عبء ع اهلو وع نفسو كمان ... طبعاً ما نثير سؤال قبل الاجابة وهو ايمتى بتبدء الحياة الانسانية...؟؟ |
| الساعة بإيدك هلق يا سيدي 06:07 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون