أخوية
الصفحة 4 من 8 < 123 4 5678 >
عرض 40 مشاركة من هذا الموضوع في صفحة واحدة

أخوية (http://www.akhawia.net/forum.php)
-   تاريخ (http://www.akhawia.net/forumdisplay.php?f=49)
-   -   المسابقة التاريخية.... (http://www.akhawia.net/showthread.php?t=57818)

Willi 02/10/2006 21:20
السؤال 18

هلق كليوباترا راحت لتزور المعلم يوليوس قيصر. بروما ومعها ابنها قيصرون.

انو سنة صار هالشي. وليش راحت على روما بوقتها؟

Fady007 02/10/2006 21:27
اعتقد 46 ق.م

Fady007 02/10/2006 21:44
النصف التاني من السؤال:

اعتقد علشان الحروب اللي قام بيها يوليوس
وتركوا الاسكندريه وقتها
وهي هناك في روما عملت علي
سكّ العملة لتحسين ضرب النقود الرومانية
و لتنظيم برنامج قيصر الضريبي

سرسورة 03/10/2006 01:14
زارت الملكة كليوباترا فى صيف 46ق.م. روما بدعوة رسمية من قيصر وبصحبتها ابنها قيصرون ( قيصر الصغير ) ربما لتقديمه إلى المجتمع الرومانى وأقامت وحاشيتها فى قصر بديع بإقطاعية قيصر الواقعة على تل ( جانيكول ) عبر التيبر وسط روما ......
ما بعرف مين الاصح انا ولا فادي...على كل انت الحكم جاد...:D

سرسورة 03/10/2006 01:24
هاد الرابط

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

Willi 03/10/2006 07:04
بتأسف فادي, جواب سرسورة هو الصحيح.
وهي بتاخد العلامة

برافو سرسورة :clap:

Fady007 03/10/2006 07:43
ايه يا معلم
مش السؤال مكون من جزيئين
ولا انا محتاج نظاره

يعني حتي لو الجزء التاني غلط
وبعدين انا جاوبت علي الجزء التاني
من معلوماتي الخاصه
اعتقد ولست متأكد انه الجواب صحيح
انا جاوبت علي الجزء الاول صح

شوف وقوللي

Willi 03/10/2006 07:55
صحيح, ما انتبهت انك كتبت 46 فكرتك كتبت 56 :shock:

مدري ليش هيك قريتها


مو مهم.

بتأسف عن الخطأ
نص العلامة الك لجوابك الصحيح عن التاريخ.
والنص التاني لسرسورة. لجوابها عن سبب زيارت كليوباترا لروما.

Fady007 03/10/2006 07:59
طيب مسألتش نفسك سؤال تاني
ايه الغلط في الجزء التاني من الجواب

يعني انا قولت السبب
وهو علشان يوليوس قام بحروب في اسيا وافريقيا
وذهب الي روما بعدها
وتركت كليبوترا الاسكندريه

Willi 03/10/2006 08:02
ما فهمت عليك.
:shock:

عيد و وضح اللي عم تحكيه اكتر

Fady007 03/10/2006 08:06
يعني بعد ما اتولد قيصر الصغير

شن يوليوس حملات في اسيا وافريقيا
وبعدين نزحت كليوبترا الي روما وتركت الاسكندريه
وبس

Willi 03/10/2006 08:12
كليوبترا ما نزحت لروما

هية اللي عملتو مجرد زيادة. قدمت فيها قيصرون للمجتمع بروما. بهداك الوقت, السيناتورز الرومان. اعترضو على يوليوس شلون بيتزوج وحدة مو رومانية. وبجيب منها ولد.
هية كليوباترا كانت نيتا من هالعملية انو ابنا يصير الو مركز بعرش روما.

بس هالشي ما صار.

Fady007 03/10/2006 08:17
خلاص يا عم
العمليه مش مستاهله
بس انا قصدي بنزحت انها ذهبت

مش عايز تحسبها صح
u r free
no problem

Willi 03/10/2006 08:23
لاء معلم القصة مو قصة بدي احسبا ولا لاء.
القصة انو الجواب هو, انو كانت بدها تقدم قيصرون للمجتمع بروما (رغم انو هية كانت بتعرف, انو ما رح يتقبل هالشي الرومان)

Willi 03/10/2006 08:52
مين هية اول وزيرة بالعالم؟؟

butterfly 03/10/2006 08:55
اقتباس:
كاتب النص الأصلي : Willi (مشاركة 477689)
مين هية اول وزيرة بالعالم؟؟
بموضوع لاوديسا
الأوائل في التاريخ ...
وهي ألكسندرا كولونتاي سوفياتية

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

Reemi 03/10/2006 09:43
:pos: :pos: :pos: ألكسندرا كولونتاي سوفياتية

:pos:

Willi 03/10/2006 23:16
جواب ميمو صحيح


السؤال رقم 20



الانقلاب العسكري اللي عملو حسني الزعيم على شكري القوتلي. تميز بشغلة, يعني ما كان متل غيرو من الانقلابات. السؤال هو شو هو الشي اللي ميزو لهاد الانقلاب بالذات؟؟

سرسورة 03/10/2006 23:32
حسني الزعيم هو صاحب أول انقلاب عسكري في تاريخ سورية المعاصر، ففي ليلة 30 آذار 1949 قام بانقلابه متفقاً مع بعض الضباط، فاعتقل رئيس الجمهورية شكري القوتلي، ورئيس وزرائه وبعض رجاله، وحل البرلمان، وقبض على زمام الدولة وتلقب بالمشير. وألّف وزارة، ودعا إلى انتخابه رئيساً للجمهوريةو كان حسني الزعيم تقدم بطلب المساعدة من الأمريكيين للقيام بانقلابه


ما بعرف اذا الجواب صح...بس كأنو الشغلة انو عمل الانقلاب بمساعدة اميركا....
شو رأيك جاد؟؟؟؟؟؟؟

فراشة 03/10/2006 23:33
مو متأكدة بس يعني يمكن لانو امريكا كانت مساندتو بالانقلاب
يعني كان اول انقلاب عربي بتساندو امريكا

فراشة 03/10/2006 23:33
اقتباس:
كاتب النص الأصلي : سرسورة (مشاركة 478891)
حسني الزعيم هو صاحب أول انقلاب عسكري في تاريخ سورية المعاصر، ففي ليلة 30 آذار 1949 قام بانقلابه متفقاً مع بعض الضباط، فاعتقل رئيس الجمهورية شكري القوتلي، ورئيس وزرائه وبعض رجاله، وحل البرلمان، وقبض على زمام الدولة وتلقب بالمشير. وألّف وزارة، ودعا إلى انتخابه رئيساً للجمهوريةو كان حسني الزعيم تقدم بطلب المساعدة من الأمريكيين للقيام بانقلابه


ما بعرف اذا الجواب صح...بس كأنو الشغلة انو عمل الانقلاب بمساعدة اميركا....
شو رأيك جاد؟؟؟؟؟؟؟
:pos:
:cry:
سبقتيني

Reemi 04/10/2006 00:25
حيو ام السوس:yahoo:

Willi 04/10/2006 01:00
وين الغريب بانو ساندتو اميركا؟؟

هاد مو هو الشي اللي ميز هالانقلاب بالذات.
جواب غلط


لسى معكون وقت لتلاقو الجواب

hamad 04/10/2006 01:29
انو بعد ما انقلب دعا إلى انتخابه رئيساً للجمهورية، فانتخبه الناس خوفاً في 26 حزيران 1949
اللينك

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

Willi 04/10/2006 01:41
لاء كمان غلط السؤال هو شو الشي المميز بالانقلاب.

سرسورة 04/10/2006 02:16
يا جاد شو هالسؤال الصعب؟؟؟؟؟؟؟؟؟؟؟؟؟

TheLight 04/10/2006 02:18
هاي يا جماعة
طبعا غير انو اخدتوني غدر وماعاد لحق بس راح جرب انو لاقي جواب السؤال
هلق غير انو اول انقلاب عسكري بسوريا
فالمميز والحلو بالموضوع انو حسني الزعيم بعد ما عمل الانقلاب العسكري حط الدستور يللي ساعدو بوضعو رجل قانون مصري...بعد ما حط الدستور اعلن عن قيام انتخابات واكد انو راح يتم انتخابه من قبل الشعب
وبالفعل دخل الزعيم الانتخابات كمرشح وحيد وفاز بنسبة 99.99 بالمية
وهاد برأيي الشيء المميز بانقلابه
ميرسي حبيباتي لحسن الاستماع

Willi 04/10/2006 02:24
لاء انت هون عم تحكي عن مرحلة ما بعد الانقلاب.
الشي المميز كان بالانقلاب نفسو.


اقتباس:
يا جاد شو هالسؤال الصعب؟؟؟؟؟؟؟؟؟؟؟؟؟
لك السؤال عادي, انتو اللي ما بتعرفو تجاوبو على شي :p

سرسورة 04/10/2006 02:27
يعني معقول يكون انو اول انقلاب عسكري بسوريا؟؟؟

TheLight 04/10/2006 02:31
اقتباس:
كاتب النص الأصلي : سرسورة (مشاركة 479138)
يعني معقول يكون انو اول انقلاب عسكري بسوريا؟؟؟
اي ممكن منشان هيك حطيتو اول شي بردي
لانك صحيح ذكرتيه باول رد الك بس ما قلتي انو هاد الشي المميز
منشان هيك نوهت وذكرت هالنقطة

سرسورة 04/10/2006 02:39
عرفتووووو.....الشي المميز انو كان الانقلاب ابيض ما نزل فيه اي قطرة دم
ما تقلييي غلط هه؟؟؟؟؟

oliver68 04/10/2006 02:40
و الله يا جماعة حسب معلوماتي المتواضعة، إنو انقلاب حسني الزعيم مو بس أول انقلاب بسوريا، أنا بعرف إنو أول انقلاب عربي، و هادا يللي بميزو.
يعني مميز بإنو أول انقلاب عسكري بتاريخ الدول العربية.

سرسورة 04/10/2006 02:49
اقتباس:
كاتب النص الأصلي : Willi (مشاركة 479135)

لك السؤال عادي, انتو اللي ما بتعرفو تجاوبو على شي :p
هلأ هيك طلع معك
:pos: :pos: :pos:

Willi 04/10/2006 07:13
اقتباس:
عرفتووووو.....الشي المميز انو كان الانقلاب ابيض ما نزل فيه اي قطرة دم
ما تقلييي غلط هه؟؟؟؟؟

صحيح هاد هو الجواب :clap:

شفتي انو مو صعب

اللي اتميز فيه هالانقلاب, انو كان انقلاب ابيض, ما نزل فيه ولا نقطة دم.

الجواب موجود بموضوع رؤساء سوريا بالترتيب

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -



الرد رقم 22.
يعني رد كريمبو


:p

Willi 04/10/2006 07:16
وصلنا للنص


السؤال رقم 21


مين هو الباحث اللي قدر يفك رموز مسلة رشيد. وباي سنة عمل هالشي؟

محمد ابراهيم 04/10/2006 07:18
شامبليون
عام 1822

محمد ابراهيم 04/10/2006 07:26
العالم جان فرانسوا شامبليون

فرنسي الجنسيه

ولد في مدينة فيجياك الفرنسيه سنة 1970 شهر ديسمبر في اليوم الثاني والعشرين

وطبعا تمكن من فك رمز حجر رشيد سنة 1822

Willi 04/10/2006 07:35
كل هاد؟؟
جواب صحيح.

اسمو
جان فرانسوا شامبليون.
وفك الرموز بسنة 1822

الجواب موجود بموضوع
مسلة رشيد, واللغة الهيروغليفية
لالي

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

Willi 04/10/2006 11:00
السؤال ال 22

عليه علامتين

في اي سنة. سُكن التل اللي موجودة عليه قلعة حمص.
وايمت توسعت المدينة لخارج نطاق هالتل. (على دور مين يعني)

handsome 04/10/2006 11:06
hلموقع كان مأهولاً في النصف الثاني من الألف الثالثة قبل الميلاد
وتم التوسيع ابان العصر الروماني على يد جوليا دمنة ابنت كاهن معبد الشمس

الله حيك يا قلعة حومص
لطنوس

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -


الساعة بإيدك هلق يا سيدي 15:01 (بحسب عمك غرينتش الكبير +3)
الصفحة 4 من 8 < 123 4 5678 >
عرض 40 مشاركة من هذا الموضوع في صفحة واحدة

Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.04920 seconds with 10 queries