|
الي رجعة للتعليق عالموضوع
|
اقتباس:
مين قال إني عممت ؟؟؟ انا قصدي انو في عرب عم بخونوا بلدانهم وهني عايشين بين اهلهم ... انا معممتش ... وبعمري ما بعمم .. يمكن خاتي التعبير .. أو نسيت زيد كم حرف .. مش big deal .. |
ولله يمكن مو big deal
بس انا فهمتها بشكل تعميم ، يلا حصل خير هلا وين صرنا بعرف 48 ولا بفلسطين ولا وين وصلتو بس انو شو نهاية هل حديث الطويل |
والله ما في فرق سوى انهم عايشين بفلسطين...
وبــــــــــس...يعني فوق التشتت تشتت يا ع ر ب...;) |
ارسلان موجودة انا بس كنت خلف الكواليس قاعدة :lol: وهيني رجعت اكمل الرد تبعي لروحكــ  |
ASH
خلي نيتك صافية يا زلمي ;) الكلمة يلي قصدتها جدا عادية متداولة بين الفلسطينين في منطقتنا بس ما حبيت احطها لروحكــ |
jouliana اولا ليه حاسه أنو مش نازله ليك من زور فكرت فكرت لقيت يمكن علشان انا دبة فما قدرتي تهضميني وأشك إذا أنهضمت معاك شي يوم :p ثانيا ليه التعميم حتى لو كان الكل بيقول حنا عرب 48 وواحد بس بيقول أنا فلسطيني لازم ما نجمع الكل صح ولا غلطانه عايش على أرضي المسلوبة وما هاجرت ثالثا أنا صحيح طول حياتي عايشة برا البلاد بس سنويا بنزل على فلسطين وبقعد فيها فترات تمتد لأكثر من نصف سنه احيانا ولا تفكري أنوا علشان نحنا عايشين برا البلاد يعني نحنا ما منعرف شو بيصير فيها أنا بعرف فلسطينين عايشين على الأراضي المسلوبة بحيفا والخليل والنقب و .. و .... ألخ ما سمعت حد منهم يوم تنازل وقال أنوا نحنا عرب 48 لأنها كلمة متخلفه جدا مثل يلي طلعها وإذا في حد بيقولها عن نفسه فأسمحيلي أقول ليه انه شخص كالبغبغاء يردد ما يسمعه ليس إلا رابعا يلي بتسميه واقع وانتي عايشه فيه بجد الواحد لازم يحزن ومش ليك بس هالكلام خامسا ردي على جملتك التعبير مو بمحله من بنوته امورة بقلك كل إنسان وعلى حسب نيته لروحكــ |
إم العز
شكرا لك على فهمك للي كتبتوا بجد حست أنوا كتبت بلغة عصور ما قبل التاريخ :shock: وشكرا على وقفتك والله وقفة الرجال نيالو أبو العز ;) لطيبة روحكــ |
اقتباس:
بعدين احنا بخدمة كل ولاد حارتنا على راسنا .. |
Marwa
لك تسلميلي انت وهالنية يلي عليكــ ASH جملتك " أنا كسوري بلاقي انو سوريا اكتر دوله خدمت الفلسطينيه بكل شي " أنا معك فيها أنه مافي دولة عربية كالدولة السورية أعطت الفلسطينين حق العيش بكرامة مثل ما أعطتهم هالدولة لكن في دول عربية لم تقصر أبدا فيهم وعاملتهم كمان بأحترام لكــ |
تصحيح ما انتبهت عليه غير هله في ردي على الاخت جوليانا
الجملة كتبت فوق " ثانيا ليه التعميم حتى لو كان الكل بيقول حنا عرب 48 وواحد بس بيقول أنا فلسطيني لازم ما نجمع الكل صح ولا غلطانه عايش على أرضي المسلوبة وما هاجرت " وتصحيحا لها " ثانيا ليه التعميم حتى لو كان الكل بيقول حنا عرب 48 وواحد بس بيقول أنا فلسطيني عايش على أرضي المسلوبة وما هاجرت منها فلازم ما نجمع الكل صح ولا أنا غلطانة " إم العز يسلموا اختي على ردك وبيشرفني معرفتكــ |
اقتباس:
يعني مش عارفه هو احنا بنضحك على حالنا او بنضحك على حالنا وحده منهم ....يا خيتي ما قلت شي انا بعدين كيف يعني ما في شي اسمه عرب ال 48؟؟؟؟يعني صارو واصلين بالموضوع هادا شي 8 صفحات و 130 رد و بتحكيلي ما في شي اسمه عرب اسرائيل لا خيتي في و نص وين المشكله يعني.؟؟؟؟بس الامورة زعلت كيف وضحتلهاا شي كلنا عارفينه بس متل ما قلتلك فوق عم نضحك على حالنا فيه ^_^ :D اما يا البي عن قصدي بحكوها بكل فخر انهم من عرب اسرائيل قصدت انه ناسين شي اسمه فلسطين ممحية من قاموسهم و هي انتي حكيتيها انا من اسرائيل يا خيتي اذا احنا لفلسطينيه عم نعترف فيهم كدوله معناه شو يقولو الغربه !!!!!ليش ما تقولو احنا فلسطينيه عايشين بأراضي فلسطينيه محتليتها اسرائيل صدقيني وقتها بتفرق المعتى كتير والله لو شفتي كم موضوع بالتشريفات بدهم يرحبو فيهم و اول كلمة هاي انا من اسرائيل رحبو فيني دخيل الله يا خيتي والله شي مقرف وهادا انا الي قصدته بكلامي |
اقتباس:
اقتباس:
هادا كلامهاا معناه نيتها ما كانت سليمه :p:p:p |
ايون
اسرئيل خلص شي صار موجود شبكم يا ربي ... مالح جادل بهل موضوع لانو بعرف لح اعمل انقلاب ما علينى ... يلي بيهمني اعرفو بالاخير انو الدنيه اخت شو .؟؟؟؟؟؟:? |
اقتباس:
:sosweet::sosweet: ثانكس على الورده |
اقتباس:
شو يا حلوين طلعت انا الغريبه بينكم :cry:و انتو ولاد حارة وحده:shock: طيب خلص ما بدي العب معاكم :jakoush:مع انه هي وين وين لتيجي على الحارة عندك ;)و انا حارتي شوي بعيده عنك بس على الاقل بنشم نفس الهوا:sosweet: يا ستي على راسي انتي و هي كمان بلاش ترجع تقول مو هاضمتهاا :D |
اقتباس:
يلي بدو يزعل جولي بدي زعلو كتير انا كتير كتير كتير كتير كتير كتير كتير كتير كتير كتير كتير كتير كتير كتير كتير هي حدا بيزعل منها :sosweet: |
بس يا اخ انتي غلطان شوي بالتعبير عن رب ال 48 بما اني من عرب ال 48 رح احكيلك شوي عنة اجنا لحد اليوم بعدنا بنعرف انفنسانا على انا احنا فلسطيني او عرب 48 ما بنقول احنا اسرائلية بالرغم من استعنالنا للعمل الاسرائلية وبنوخذ خدمات من الدوائر الحكومية الاسرائلية وبنتعلم اللغه العبرية بس لحد اليوم بعدنا الحس الفلسطين عايش وما مات واكبر دليلي على هذا الاشي هبة اكتوبر الي راح بيها 13 شهيد وهني عم بدافعو عن الاقصى وفلسطين , بالرغم من وجود عنصري كبيرة بدولة اسرائيل تجانا الا انو هناك العكس في جمعيات مساواه بين العرب واليهود وفي فئات يهودية بتدافع عن فلسطين مثلنا مثلهن
واحنا كمان بنتحدى العنصرية بكل اشكالها وبكفي فريق كرة القدم العربي (عرب 48) هو الفريق العربي الوحيد بالدرجة الممتازة وبلعب ضد كل الفرق الاسرائلية وطبعا دايما بننتصر على الفرق الاسرائلية العتصرية |
اقتباس:
يعني ما بجوز نقسم فلسطين فوق ما هي مقسمة ... يعني انا بالنهاية بعرف حالي انو انا من فلسطين ... بغض النظر انا وين مكاني بالضبط يعني كلها فلسطين ... وهاد يلي لازم ينقال يعني احنا بني ادمين مش بقر لحتى انمر حالنا " 48/67 " وهالحكي ... فهمتي عليي كيف ؟ جوجو ؟ :D اقتباس:
اقتباس:
|
تحية لكل فلسطيني
وين ماكان وما في فرق بينا وكلنا ولاد شعب واحد ووطن واحد |
هلا فيـــك
|
اقتباس:
|
اقتباس:
:sosweet::sosweet: حبيبت البي انتي |
ِفتو ما احلاكم بالاخير
بكم كلمه حليتو كل القصه ، خليكم هيك و نسو عرب 48 او عرب اسرئيل بالنهايه كلكم من نفس البلد و بتجتمعو ... المهم ماحدا يزعلي جولي الله يخليكم |
ياااااااااااااااه ما أحلى القلب الصافي
احلا ناس والله |
بالبدايي بحب اشكرك على الموضوع المهم ويلي كثير بيجهلوه
وانا كأنساني من عرب 48 مثل ما بتسمونا او عرب اسرائيل كثير عرب ما بيعرفونا وبيجهلو مين احنا وما بيعرفو انو احنا العرب بكل الطوائف مسلمين مسيحينن ودروز منشكل 20% من سكان دولة اسرائل واحنا ما في عنا طريقة نتواصل فيها مع باقي الشعوب العربيي لأنو ممنوعين ندخلها بسبب انو حاملين للجنسية وجواز السفر الاسرائيلي وانا لمى بحكي مع عربي من دولي ثانيي عالنت واقلو اني من عرب 48 بيسألني شو يعني بقلو يعني من داخل الخط الاخضر بيسأل شو يعني خط اخضر بقلو اسرائيل فورا بيتهمني اني يهودية وانتمائي لاسرائيل وبيرفضو يحكو معي كوني يهوديي بنظرهن وللاسف عند العرب جهل بهذا الموضوع كثير كبير بيحكمو علينا من جنسيتنا يلي ما بيعرفو كيف وليش اخذناها للاسف ما بيعرفو انو احنا عرب اسرائيل احنا العرب يلي صمدنا بأرضنا وبيوتنا وقت النكبي ورفضنا نطلع من بلادنا وتمسكنا بأرضنا واليهود ما قدرو يطلعونا منها وانجبرنا نوخذ الجنسيي الاسرائيليي عشان هيك احنا معزولين عن باقي العرب وما في اختلاط كبير بينا وبينهن حتى بينا وبين الفلسطينيين بالضفي ما في كثير اختلاط كونهن ممنوعين يدخلو على اسرائيل واحنا ممنوعين ندخل عالضفي فصار في حواجز بينا وبين باقي العرب ان كان داخل او خارج البلاد وبالنسبي للتمييز بينا وبين اليهود اشي طبيعي يكون في تمميز حتى بين العرب نفسهن في تمييز يعني على سبيل المثال اردني عايش بسوريا اشي طبيعي يكون في تمييز بينو وبين ابن البلد او ابن الدولي يلي هو السوري، فما بالكو بين عربي ويهودي ؟؟ شو بتتوقعو بس ومع ذلك انا على مستوى شخص ما بنكر اني عايشي بأمان داخل اسرائيل وكل شي موفرلي من تعليم وخدمات عامي وصحة والى اخره وهاد الاشي لصالحي وبيخدم مصلحتي وما بنكر انو ممكن نكون مرفهين شوي اكثر من اهل الضفي لأنو انا مش عايشي بداخل اسرائيل بس بقريي او مديني عربية انا عايشي بحيفا يعني مدينة مختلطة يعني الجيران يلي حدنا يهود وكل الشوارع يهود بين كل 10 اشخاص تقريبا بتلاقي 8 منهن يهود ومع ذلك انا ولا مرة بتخلى عن اصلي العربي والفلسطيني وولا مرة بفتخر بالجنسيي يلي حاملتها وراح اضلني افتخر بعروبيتي مثلي مثل باقي عرب الداخل . واي سؤال انا جاهزي وشكرا عالموضوع المهم |
اقتباس:
|
يووووووووه قديه نيتك سليمة يا أش :o الكلمة يلي لازم تنحط محل النقط لترتاح هي والله زمن اخو كندرة :sly: جملة متداولة عنا بقضاء جنين يعني لو حد من هذيك المناطق رح يعرفها علطول يعني ما فيها من يلي بفكركم يا أصحاب النية السليمة :p اما تعليقي على الباقي بس أرجع رح أعلق عليه وبالمختصر كمان علشان محد يمل مني :cry: |
ارسلان صدق
هاد الاشي كثير بصير معي واذا بدك جرب بنفسك واذا شخصين ولا ثلاثة عرفو شو يعني اربعة خمسة مش حيعرفو |
اااااااخ اختي
الله يكون في عونكم يارب معلش اصبرو اختي هاد الشي بدلل على فرط الثقافة يلي وصلنالها بسيطة اختي المهم قد متقدري حافظي على عروبتك وربنا هيكون معاكم اهتمي بكل شي بذكرك بعروبتك اختي والله معاكي |
انا كمان بس اعرف عن نفسي بفكروني
يهودية بس ما نقدر نعمل ايش غير انو يكون في زيادة وعي ويعرفوا مين عرب 48.. بس بدي احكي شغلة انو في كتير من الضفة من فلسطين بيجوا على بلدي حتى يسكنوا فيها يعني لداخل اسرائيل بصيرو همي متل اليهود يعني وكأنو مش مصدقين انهن داخل اسرائيل وبصيروا يشوفوا بحالهن وباللبس بعجبوا وكأنوا مسموح لالهن لانهن في اسرائيل وهاذ غلط اكيد.. يعني انو متل ما في عرب من فلسطين هيك وفي كمان من ايشي تاني نفس الايشي عرب ال 48 في هيك وفي من هذاك :lol: |
اولا اشكر كاتب الموضوع لأنه فتح المجال انه يشرح عن فلسطينيو48 وبالفعل كل ما ذكرتوه هو مزبوط واعجبني انه الفكرة المأخوذة فكرة واقعية ومش كاذبة كيف ما بياخذوا فكرة عنا احنا فلسطينين 48
صراحة انا كنت ابحث بمحرك البحث غوغل عن فلسطينيو 48 كفضول الي اني اعرف شو الفكرة المأخوذة او شو مكتوب عن فلسين 48 بمواقع ومنتديات مختلفة بالدول العربية !! وتوصلت لهدا الموضوع ,, وسجلت بالمنتدى عشان اكتب رد هون اولا , ,انا واعوذ ابلله من كلمة انا اعيش في اراضس فلسطين 48 , من مدينة الناصرة حبيت من خلال ردي اني اعقب عن عدة امور موجودة بحياتنا مع اليهود اولا تعريف هويتنا طبعا هناك صعوبة كبيرة بتعريف الهوية ولا زال التشتت موجود بعقول شباب اليوم ولكن بفضل الله هناك تحسن كبير ووعي بيزيد يوم عن يوم اي انه بتحكيلي وحدة بتقربلي وهي كبيرة بالعمر ( زمان يوم النكبة ( الاستقلال عند اليهود) كنا نحتفل ونغني ونرقص ونوكل كعك ,, اما اليوم ففي وعي كبير بالمدارس وهدا الاشي كتير منيح يعني يوم النكبة او بهيدي الفترة بكون مهرجانات ومظاهرات لإحياء ذكرى النكبة وعروض فنية ومعارض وهدا اشي كتييير منيح وتوعية للشباب من الناحية الوطنية عن نفسي بتعرف الهوية اعرف نفسي بـِ : مسلمة عربية فلسطينية اعيش في دولة اسرائيل يمكن تستغربوا اني بقول دولة اسرائيل ! او اني بعترف بدولة اسرائيل ليش ما اعترف ؟؟ هاي الدولة الي انا عايشة فيها اسمها اسرائيل ولكن الارض الي انا ولدت فيها ورح اموت فيها بإذن الله هي ارض فلسطين !!!! بالنسبة لتحدثنا باللغة العبرية في فلسطينية عايشين بالصفة وغزة بيعتبروا هالشي غلط , وانا بشوف انه بالمرة مش غلط اولا كيف تفضل صاحب الموضوع وقال انه احنا مجبورين نتعلم هيدي اللغة بسبب انه تعليمنا فيها وبمنهاجنا الدراسي بنتعلمها ولكن في سبب تاني وهو انه في حديث للرسول ص بيقول بما معناه انه الانسان لازم يتعلم لغة عدوّه وحابة اذكر الكوا عدة مواقف صارت معي او مواقف صارت مع غيري اول اشي ,, معروف انه عند اليهود الاسرائيليين النشيد الوطني الي اسمه " هتكفا " وهني بيغنوه باحتفالاتهن الرسمية بيقفوا بينشدوا ومدته دقيقة وشوي ,, في عنا بالمدارس العربية بما يسمى ب " مجلس طلاب " يتم انتخابه بشكل قانوني وديموقراطي بالمدرسة ولحسن حظي انه هديك السنة كنت رئيسة مجلس الطلاب بمدرستي ,, وكنت مرات اروح على اجتماعات ولقائات قطرية مع كل رؤساء مجالس الطلاب بالمدارس الموجودة عنا . المهم مرة كان في لقاء قطري مع كل القياديين رؤساء مجالس الطلاب بدولة اسرائيل ,, يهود وعرب طبعا لما بدأ المؤتمر طبعا اليهود بدهم ينشدوا النشيد الوطني تبعهن " هتكفا " كل القاعة وقفت من محلها منشان ينشدوووه ولكن الجدير بذكره انه الطلاب العرب الي كانوا مشاركين وانا كنت معهم ما وقفنا اي انه تخيلوا الموقف !! القاعة فيها 500 شخص الاغلبية يهود وعدد العرب حوالي 80 او اكتر شوي 400 يهود واقفين احتراما لدولة اسرائيل ولنشيدهم الوطني والعرب قاعدين وقتها اليهود تفرجوا علينا نظرات استعجاب واندهاش وكان خلال المؤتمر ورشات عمل بكل ورشة 20 شخص يهودي و 3 عرب ومن ضمن الورشات سألني شخص يهودي : ليش لما نشدنا النشيد الوطني " هتكفا " ما وقفتوا انتو العرب من مكانكوا ؟؟؟ فكانت اجابتي : " كل فئة من الناس وطنية !! عندها نشيد وطني خاص واحنا كعرب بدولة اسرائيل نشيدكوا ما بيعنيلنا اشي وما بخصنا , ليش حتى نقف ؟؟ " انا لو فيي كان جادلته اكتر ولكن لغتي العبرية على قدي بقدر افهم شو بيحكوا ولكن اني احكي كتير صعب !! بعرف اني طولت عليكوا بس عنجد في اشيا كتيرة ما بتعرفوها انتوا لسا بتعرفوا رؤوس اقلام كمان متلا خلال المؤتمر الي كان كان هناك صحفي يهودي وكنت الوحيدة المحجبة بالقاعة اجا عندي ومسك الكميرا وصار يصور فيي بما معناه انه المظهر غريب جدا عليه !!!!! مستغرب من اللبس !!! وقتها طبعا انا احتجيت وما سمحتله يصورني لأني مش عارفة شو هدفه ووين بده يحط الصور كمان بحب اذكر انه العنصرية والتفكير الخاطئ موجود بين فلسطينيو 48 نفسهن !! يعني اهل المتلت متلا مع احترامي الهن نظرتهن لبنات الشمال وبالذات بنات حيفا والناصرة مختلفة !! بيدعوا انه هدول البنات غير ملتزمات بالدين وبيقلدوا اليهود بشكل اعمى انا معهن وهالشي موجود بس هني عم يظلموا اقلية يعني بكل مكان وبكل دولة عربية بنلاقي المنيح والي مش منيح حتى بأحدى المرات فتاة من المتلت قالتلي : اول مرة بحياتي بشوف متحجبة من الناصرة !!!!!!!!! يااااااااا الله !!!!!!!!!!! ودائما بحاول اناقشهم بطريقة جيدة عشان يغيروا فكرتهم شوي !!! بالنسبة لبعض المواضيع الي بنتعلمها بالمدرسة في موضوع اسمه : مدنيات بتتعلموه اكيد احنا بنتعلم فيه عن دولة اسرائيل وعن حقوقنا وواجباتنا ,, المهم مرة بإحدى الحصة سألنا الاستاز : لو خيروكوا تعيشوا بدولة اسرائيل او بدولة عربية شو بتختاروا ؟؟؟ الاغلب كانت اجابتهم انه يبقوا في دولة اسرائيل وقدصهم مش من ناحية وطنية انه بدهم يبقوا في ارضهم الي ولدوا فيها انما من ناحية ظروف وماديات العيشة احسن بدولة اسرائيل ولكن البعض كانت اجابتهم مختلفة وانا منهم كانت الاجابة انه بنفضل نعيش بفلسطين اي انه بحكومة فلسطينية يعني نحنا هون لا حاسين انه هاي ارضنا ولا هدا وطننا حاسين حالنا بغربة وكأنه الارض مو النا !! واخيرا بقول بس الله يصبرنا ويصبر اخوانا الفلسطينية |
الانسة هبة
اعذريني ان قلت انك التطبيق العملي لما كنت احكيه اننا ان عشنا بين اليهود فهذا امر تفرضه ظروف معينة صحيح اننا لا نقبله ونرفضه ولكن الامر الواقع يحتم عليك التعامل معه ليس معنى ان اتعامل مع الامر الواقع يعني انني اوافق عليه او ارضاه ربما يأتي تعاملي كشكل لرفضه او لكي استطيع مواجهته من الداخل ومعرفة المكائد التي تحاك ضد وجودي كانسان وتاريخ وماضي ربما اتعلم لغتهم صحيح لكن لا يعني هذا ان اندمج معهم في عاداتهم وثقافتهم هذا امر لا يجوز طبعا اختي الطيبة اياكي ان تشعري بالغربة احيانا اذا فقد الانسان الامل تشعر ارضه ذاتها بالغربة وليس هو الله يخليكم احفظو وجودكم وكثفو انشتطكم وعلاقاتكم كاسر عربية وكونو واثقين بنصر الله اوليس الصبح بقريب ******** موقفك بيرفع الراس اختي عنجد هيك الفلسطييات يما بلا وعمر ارحام النساء ما بسصيبها العقم تيحملن يامثال سمية وميرفت ودلال وجميلة بو حريد تقبلي احترامي العميق اختي |
أخ ارسلان ,,
صحيح مش لازم نحس بغرية لأنه هاي بالاساس ارضنا ,, ولكن الاشي غير ارادي يعني صح الشوارع مزبطة وبتجنن صح كل اشي متوفر بس هدا كله عملوه اليهود الاسرائيلية !! كيف ما بدنا نحس بغربة ؟ |
اقتباس:
شعور صعب ما :pos: |
ممكن ببعض الصبر والتامل تخطي هذه الصعوبة تبقا السماء ملككي والثريات التي تزين سقفها والنجفة في هذه الليلة مكتملة الاستدارة مكتملة الانارة
تمتعي بارضك فهي لك والشعور الصعب سيذوب مع اليقين ...... |
اقتباس:
لا فض فوك :D يا أرض إشتدي انا فلسطيني وما حدا قدي ...راسي دايما عالي مادي دوم للغالي متى قالو فلسطيني أحس الكون متلالي .. |
اقتباس:
لكي مني فيض ودي اختي العزيزة |
اقتباس:
غمرتني بلطف كلماتك :oops: |
اقتباس:
بحيكي على شجاعتك وبسالتك واقول انو نحن نقول عن حالنا هيك لانو التقسيمات والخرائط والتسمية . . بس مهما ينادوننا . . نظل فلسطينين ونظل متمسكين بقضيتنا . . ولن نتنازل عنها . . :D |
| الساعة بإيدك هلق يا سيدي 02:39 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
