في مثل بقول : الشيوعي هو الإنسلن الذي فقد الأمل في أن يصبح غنياً :lol:

جو...انت عندك أمل أنك تكون غني؟.
حسون....بتحب تكون عني؟؟

سؤال يستحق الطرح :P

العامل عم بيتعب أكتر من الرأسمالي بس عم بيقبض أقل منو
و بعدين لا تقلي دراستو و ذكاه في رأسماليين ما بيعرفوا يكتبوا أسمون و عم بيقبضوا أكتر من المهندسيين المتعلمين يلي عندون بالمصنع

حسون مجددا كل واحد بيتعب حسب ما تعب بأول عمره.. اذا كان رافع رجليه وقت المدرسة أكيد ما رح يلاقي شغل كمهندس او طبيب و رح يشتغل عامل بمصنع او بمنجم.. و اذا كان شاطر ممكن يحصل رأس مال و يشتري أدوات و يفتح ورشة او مصنع.. هيك الشغلة بتبلش

انا ماني عم احكي عن إقطاعيين العصور الوسطى اذا قصدك على هدول إنهم ما بيعرفوا يكتبوا اسمون... عم بحكي عن اليوم الحالي و الرأسمالية المتطورة..

أنا ماني ضد أنو الدكتور و المهندس يقبضوا أكتر من العامل
بس أنا ضد أنو صاحب المصنع يقبض أكتر من العامل
و بعدين أصحاب المصانع يمكن ما يكونوا بيعرفوا يكتبوا أسمون بس هني أصحاب مصانع

الإعلان العالمي لحقوق الإنسان:

المادة 17

( 1 ) لكل شخص حق التملك بمفرده أو بالاشتراك مع غيره.

( 2 ) لا يجوز تجريد أحد من ملكه تعسفاً.

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

أولا تعلم الكتابة ليس شرطا للملكية

ثم انت حسون اعتراضك على مين؟ على الرأسمالية و الاقطاعية ايام العثمانيين؟ لما على الرأسمالية الأمريكية و أصحاب الشركات الكبرى؟ هدول اكيد بيعرفوا يكتبوا و كتير شغلات تانية كمان !

يعني منفهم انو انت اعتراضك بس على اذا كان الرأسمالي اقل ثقافة و فهم من المهندس؟

اذا هيك فكويس.. لأنو أصلا هيك رأسمالي رح يفشل و رح تفلس الشركة تبعو.. لأنو المفروض يكون دائما مطلع على الشغل و عم يتابع و يدرس أمور الشغل بشكل يومي.. عادة بيشتغل هوي كمان بالمصنع من الصبح للمسا.. بس كل واحد بمجاله

أول شي منشان الإعلان العالمي لحقوق الإنسان فأنا متأكد أنو يلي كتبو ما هوي الله لأنو ما في الله
يعني يمكن يكون غلطان
و أنا اعتراضي حتى عالرأسماليي الحديثي و لهلأ في أصحاب شركات جاهليين
و بعدين حتى لو الرأسمالي متعلم فهوي مانو عم بيتعب لأنو ما عم بيعمل شي غير سرقة عرق العمال

حسون انا ورجيتك الإعلان العالمي لحقوق الإنسان لانو شايفك كل نهار عم تقول عن حالك مدافع عن حقوق الإنسان و عم تنشر مقالات لجمعيات الدفاع عن حقوق الإنسان... يعني... بس حبيت ورجيك انك انت من الشخصيات يلي عادة تعتبر من اعداء حقوق الإنسان... على الأقل "حقوق الإنسان" يلي انت عم تدافع عنها... لأنو كل هدول الجمعيات برعاية مباشرة من الأمم المتحدة و ما رح يكتبوا حقوق إنسان لحالون
و هادا الإعلام العالمي لحقوق الإنسان ما كتبه شخص واحد,,, هادا موافقة عليه جميع الدول المنضمة للأمم المتحدة... مشان هيك هوي الإعلان العالمي لحقوق الإنسان...

صح ما في الله... يعني الإنسان يمكن يغلط... يعني كلام ماركس كمان ممكن يكون غلط بغلط ؟ انت اعتمدت على هادا المنطق لحتى تقول انو الاعلان العالمي لحقوق الانسان يمكن يكون غلط لأنو ما في الله! بقى اي شي بينقال معناتا رح قول انو ممكن يكون غلط لأنو الله ما كتبه! شايفك بعد شوي رح تحكي متل يلي بيؤمنوا بالله على العميانة (او بفكرة؟) مو العكس

و اذا في مجال تبقى تجبلنا اسم لرأسمالي صاحب شركة كبيرة و ناجحة + زائد جاهل و ما بيعرف يكتب اسمو + عم يسرق تعب العمال و ما عم يدفعلون مصاري + قاعد ورا المكتب ما عم يعمل شي بنوب طول النهار... اكيد رح يكون في امثلة كتييييرة عندك مدامك متأكد كتير ما؟

انا و كريمبو شرحنالك كتير شو بيعمل الرأسمالي... بس يبدو ما في أمل..

أول شي أنا عم بنزل بيانات حقوق الإنسان لأني من مؤيدين ما ورد في هذه البيانات ما لأني مع الإعلان العالمي
و بعدين مليون واحد يمكن كمان يكونوا غلطانين
و رجاء خاص لا تقلي أمم متحدي لأنها عبارة عن رفع عتب و ما عم بيطلع منها شي
و أنا ذكرت قبل بكذا مرة أنو ماركس و إنجلز و لينين غلطوا
و بعدين لنفرض أنو كل الرأسماليين مثقفين في شي قانون بأي دولي رأسماليي بيعطي حق الملكيي للمثقفين فقط أكيد لأ
أما منشان الرأسمالي يلي عم بيسرق تعب عمالو فهادا شي بينطبق عكل الرأسماليين الناجحين و الفاشليين

لو كنت بحب صير غني كنت صرت من لصوص حزب البعث
أنا مبادئي أغلى من كلشي

تحية حمراء للرفاق الأعزاء

أووف على أيام الشباب !!!


غيفارا شو ذكرك بهالموضوع؟؟؟:lol::lol::lol:

وهي نص المرفقة

ديكتاتورية البروليتاريا

د نوري المرادي

إن مفهوم ( الدكتاتورية ) بشكل عام، يعني السلطة المطلقة التي يمارسها فرد بعينه دون مرجعية قانونية أو دستورية. وهي بهذا المفهوم تكون بغيضة معادية لحتمية التطور الإجتماعي ومنافية حتى لجدلية التطور بشكل عام، ناهيك عن قمعيتها وفاشيتها المحتومتين إضافة إلى ميلها العسكريتاري. وربما ضن البعض أن للدكتاتورية وجه إيجابي في لحظة ما، خصوصا في إمكانياتها المتاحة في عسكرة الإقتصاد والمجتمع في فترات الأزمات وخصوصا العسكرية. لكن هذا التصور لا يبدو صحيحا مطلقا. حيث سبق لدول ديمقراطية أن مرت بأزمات عسكرية شديدة، كالحرب العالمية، فقدم إقتصادها الإمكانيات الإستراتيجية للإنتصار دونما حاجة إلى دكتاتورية ولا إلى عسكرة.
لكن لمصطلح (دكتاتورية البروليتاريا) مفهوم معكوس كليا، أو هكذا يجب أن يكون. وهو يعني هنا سلطة الطبقة العاملة وحلفائها الكسبة وصغار المنتجين وشغيلة الريف وما إلى ذالك مما يمكن إجماله وبصورة أدق تحت مصطلح (المستضعفين). وهؤلاء المستضعفون، هم بطبيعة الحال الشريحة الأوسع من المجتمع والأكثر إضطهادا فيه أيضا. وبسبب من هرمية الإضطهاد في المجتمع، سيكون المستضعفون، آخر من يقع عليه الحيف، ولا يوجد بعدهم من يضطهدوه إلا آلات إنتاجهم. لذا ليس للمستضعفين سلوكية إضطهادية. وهم حين يحكمون، سيخلو المجتمع من الإضطهاد.
أو هكذا يجب أن يكون الحال نظريا.
ولم يكتب ماركس ولا لينين أن لدكتاتورية البروليتاريا أجهزة قمعية كالتي عرفت عن الستالينية والماوية. إنما سيادة قانون واحد لمجتمع واحد. ولا يوجد في تراثهما ما يشير إلى أن دكتاتورية البروليتاريا التي تحدثا عنها ستكون قمعية لا مباشرة ولا بالمفهوم الملطف للقمع. وكل ما رافق التجربة الشيوعية من قهر وإضطهاد، نراه إجتهادات مغلوطة، ربما حتمتها قلة التجربة أو كثرة الأعداء المحيطين. ودكتاتورية البروليتاريا أو دكتاتورية المستضعفين، كما نراها نحن الحزب الشيوعي العراقي - الكادر، هي أداة حكم يديرها وينفذها المستضعفون لتحقيق مصالحهم دونما وسائل قمع أو قهر بأي شكل من الأشكال. وهذا لا يتم إلا حين يكون الشعب المراد تطبيق هذه الدكتاتورية عليه من نمط واحد وغالبيتهم العظمى من المستصعفين، وجميعهم معتنقين الفكر الشيوعي بأصوله وفروعه. وهذا محال. نتيجة لظروف كثيرة أهمها عدم تساوي التطور الإقتصادي لفئات المجتمع، إضافة إلى عدم وصول مكننة الإنتاج إلى شكلها المثالي لتقلل قدر الإمكان التناقض ما بين المالك والشغيل، ناهيك عن الإختلافات في القناعات الروحية. مما يتطلب تمثيل كافة فئات المجتمع في الحكم، وليس طبقة واحدة فقط. وبالتالي، فتطبيق هذه الدكتاتورية محال أيضا، على الأقل في المدى المنظور. وقد وردنا تعليق في هذا الصدد حين أغفلنا شعار دكتاتورية البروليتاريا في ثوابتنا الوطنية. لقد أغفلنا هذا الشعار، ليس لأنه مغلوط، لكنه محال التطبيق، أو يمكن تشبيه حالته بتطبيق مفهوم المجتمع العادل الذي رفعته كافة الديانات السماوية وغير السماوية. لكنها مع التجربة شاهدته محالا، لذا بقي هدفا، يشبه الجنة، يسعى إليه المرء ولا يضمنه. لذا تبقى دكتاتورية المستضعفين (البروليتاريا) وبشكلها الإنساني القانوني - قائمة، لكن ضمن الشعارات المستقبلية والنظرية الصرفة. وخير وسلية هي النظام التمثيلي القائم على أحقية الجميع في الحكم وليس أحقية طبقة واحدة فقط. ومن هنا حذفنا هذا الشعار من ثوابتنا الوطنية.

021014