|
اقتباس:
القصة ومافيها انو الاخت ريمي عجبها موضوع من موقع ***** وحبت انها تنقله لهون مشان الافادة العامة وانفتحت جبهات جانبية خربت الموضوع كله شوفة عينك تحياتي *** تعديل اداري *** شلنا دعاية الموقع |
ودخلو ناس وقالو لريمي انت سرقت مواضيعنا .. مع انو هيي حطت انو منقول من خلال الردود ..
ونحنا ردينا علي حكو هني .. ما تهجمنا على حدا .. عكل حال مو واقفة على هالقصة . . كلو صاير نفس الشي .. |
اقتباس:
|
اقتباس:
ياريت يفكروا بهيك نقطة هيي ريمي لو ماشافت فائدة من ورا الموضوع ماكانت نقلته مو ناقصنا مواضيع بالاخوية اصلا نحنا طفشنا من كتر المواضيع |
انشالله ولعية ....منعتذر يا شباب ...منعتذر يا خلق ...منشان الله لا تواخذونا هااااااا !!! نحنا غلطنا ست ريمي منشان الله تعي لأعطيك كل مواضيعنا حطيها هون ولا تقولي منقول ولا زينة ونحول ولا تشيري لموقعنا ولا لمنتدانا منوب ... منوب ها !!! أصلا مو ناقصنا تعفيس نحنا ومعلئة حاجتنا النمر يلي عنا ...كمان منعتذر انو قلنا عنك حرامية ونشاله وسراقة كهربائية ...تسرعنا ... ما كنا عرفانين انك كتبت بعدين منقول ووعدتيهم بباقي المواضيع ... لو عرفانين كنا حضرنالك ياهم بكيس وشلمونة ...take away يعني ...
شوفي ؟؟؟ كلو انبحت وما عم يفيد لا توضيح ولا ضراب السخن وكل واحد صار بدو يبيض وش على اكتافنا ؟ نوهنا انو الموضيع النا وخلصت السيرة ... شو الظاهر مافي بمنتداكم شي تاني تلتهوا فيه؟ |
اقتباس:
|
يا ربي شو عاملي بحياتي انا...!
اقتباس:
اختي هوي هالرد غيرو ما عندي :D :D :D بس يم يم ...قبل شوي تغديت شكرا ما بدي :p اقتباس:
|
اقتباس:
تاني شي انا عم احكي على الفكرة مو عليكي شخصيا ونحنا فهمنا او حاولنا نستوعب اللي عملتيه تالت شي انا ما حكيت معك رابع شبك الحكي اخد وعطى |
اقتباس:
خلص يعني...كل ما بنحاول نوضل لحل للموضوع ...بيجي واحد بيعدنا من اول شي....اي شو هاد يا.... فقعتوني :pos: |
اقتباس:
|
اقتباس:
خلينا نعلق الموضوع لبين ما يجي LUCIFER اذا بتريدووووووووووووووو:jakoush: :jakoush: وووووووووووووووووا |
يعني ريمي عجبها موضوع وحبيت أنو تنقلو وذكرت أنو الموضع منقول
يعني هي لو بدها تسرق الموضوع كانت نسبت الموضوع لألها وقالت أنو هي كاتبتو بس ريمي اكبر من هيك :pos: ريمي ولا يهمك :D شكرا على نقلك للموضوع :D |
اقتباس:
ع كل حال ليكها مجود بالطريق.... انا جبلتكن الشرطة :pos: |
اقتباس:
|
ايواااااااا 8) ..........
هلئ ............ أولا الموضوع تم تعديله من قبلنا ........ و ما قمنا بتعديله من قبل على اساس انو ناقلة الموضوع المدعوة ريمي حكت انو منقول ...... تانيا رب ضارة نافعة ...... شفنا وجوهكن الكريمة ( الضيوف من المنتدى الصديق) قال و لا تاخود رفيق غير من بعد عداوة .......... اهلا و سهلا فيكون و لا تحرمونا من مشاركاتكن تالت شي يا ريت الكل ياخود درس من هالقصة و قبل ما ينزل موضوع يعد للعشرة ويشوفو بالبروفا ... بعدين ينزلو ريمي غلطت و اعتذرت و جميع الأطراف حكت و علقت سواء خيرا او شرا و القصة ما بدها قبضايات يحلوها ........ في وجهات نظر و في مبدئيات الواحد بناقشها ....... بدون ما نوتر الجو ...... الشغلة يللي متفقين عليها انو لازم احترام حقوق الملكية الفكرية و احترام الابداعات الفكرية ..... و تقدير اعمال الناس يللي اشتغلو و تعبوعلى موضوع ....... كل هالنقاط و غيرها نحنا متفقين عليها ........ بالنهاية صاحبة الموضوع اعتذرت و تم تعديل المقاطع المطروحة و ذكر انها منقولة ....... و ضيوفنا يللي من الموقع الصديق قبلو الأعتذار .......... و بقي خطوة واحدة و هي متعلقة بالأدارات لا مجال لطرحها هونا ........ بتمنى نلفلف القصة و حاجتها 9 صفحات ......... و اي رد بعد هيك غير من الأطراف المعنية رح يتم حذفو .......... تحياتي:king: Majood ***مشرفة قسم المنبر الحر*** |
اقتباس:
ع راسي الحكومة والله :yahoo: :yahoo: :yahoo: :yahoo: :D |
تسالي .... :lol:
ما بعرف أنا شخصيا عندي وجهة نظر شخصية بخصوص حقوق الملكية للانتاج الفكري و الفني و العلمي .. ...إلخ شخصيا بتعتبر كل أشكال هالملكية و الحقوق هي جزء لا يتجزأ من التقاليد الراسمالية ..اللي بتصب أولاً و أخيراً بفعالية المنتج ( سواء كان فكري أو فني أو علمي .. ) من الناحية المادية ( حسابات ربح و خسارة يعني ) . و خارج هالنظرة للموضوع بكون مافي اي معنى للحقوق الفكرية !! وقت بنوه أنو لازم نشير للموضوع أنو منقول ..بكون الهدف التوضيح أنو هالموضوع مانو نتاج شخصي ...و أنما هو لشخص آخر ...و ما بكون الهدف أبدا ( برأيي على الأقل ) الحفاظ على حقوق الكاتب الأصلي ...لأنو ما بتخيل أنو انهدرت حقوقو اذا نقلنا الموضوع ( إلا اذا كان عم يسترزق من ورا هالمقالة يعني :lol: ) . عم اتخيل هيك مجتمع كتير متشدد قال من ناحية حقوق ملكية فكرية و هالحركات ...شلون بكون الوضع ؟ كاسيت الوسوف ب 500 ليرة ......مسرحية لزياد الرحباني 5000 ليرة .....قصيدة لنزار قباني 15000 ... نسخة ويندوز xp شي 100 $ .... الخ مافيني قول غير الله يحمي الصين :o ..لأنو بالوقت اللي اوروبا و اميركا علقانين بالمحاكم مشان حقوق مايكروسوفت انو تنزل نسخة ويندوز ميديا بلاير مع نظام ويندوز ....الصين عم تقدم للشعب المسكين كلشي بتقدر تقدمو ...و بلا حقوق و بلا بطيخ ....و كمان الله يحمي كل برامج و مواقع ال share لأنو بلاهن كنا تبهدلنا :pos: و فلتحيا ثقافة ال warez لأنو هي ثقافة ( إنسانية ) ما ثقافة ( حقوق و ملكية ) :jakoush: أنا فيني اتفهم انو شخص ينزعج وقت يلاقي حدا عم يعدل ع كتاباتو ...أو مثلا أنو يكون كاتب قصيدة و يحورولو شي شطر منها ..أو راسم لوحة و رسمو فيها عصفور زيادة :p ..بس مافيني افهم ليش ممكن يكون شخص مزعوج اذا شاف الشي اللي كاتبو عم ينتشر من محل للتاني ...و الناس عم تقرا و تتداولو !!! معقول بس لأنو ما أخدو رأيو يعني ؟؟ أنو مثلاً حس حالو رجل كرسي؟؟ .. شبها رجل الكرسي؟! ليش بيصير كرسي ولا طاولة بلا رجل... بيصيرو للكب....لك إذا رجل أقصر من رجل ما بيمشي الحال فما بالك بكرسي بلا رجل! بس أنا بعرف إنت ليش زعلان؛ لأنك لسه رجل كرسي ما صرت رجل الساعة... أيه لا تزعل حبيبي ما معظم رجال الساعة كانو أساساً... رجل كرسي. ;-) و غنيلي بودعك |
اقتباس:
|
ع راسي ابو نهلا...:D
|
اقتباس:
الحقوق الفكرية اكبر من هيك بكتير مو شغلة مصاري بالعكس لما ينسرق شغلة لنزار مثلا رح يخليها اللي سرقها لنزار لانو لو القصيدة مو لنزار ما رح يكون الها تمن انا بستغرب من مشرف يطلع معو حكي بهالاسلوب |
حكيك على إسمك يا حشت نشت :clap:
مجود..........................حكيك كلو فهم و معلمية..........ياهيك المشرفين يا بلا :D |
قلنا لفوها للقصة و حاجتها 10 صفحات :pos:
|
اقتباس:
ولك مية وردة الك:D :D :D ولا تردي على هالخزعبلات اللي عم تنحكى:D |
اقتباس:
خزعبلات.....:lol: |
ما حتلفوها :jakoush:
|
اقتباس:
|
اقتباس:
اقتباس:
أنو يعني الحقوق الفكرية مو شغلة مصاري ؟؟ طيب شغلة شو ؟؟ و يا ريت تفهمني شو هو الشي اللي استغربتو باسلوبي !! ..أنو شفت شي مسبة بكلامي ؟؟ أو شفتني مثلا حكيت شي ما الو علاقة بشي ( بالمناسبة شو دخل نزار قباني بالموضوع ؟ ) :? Lady in Red يا ريت لو كان عندك شي رد معبر ..أو أنو نفهم منو شي ..أو أنو يكون رد يعني ع الأقل ..أما هالنوع من التعليقات ...للأسف ما فيني اعتبرو غير نوع من أنواع ( الولدنة ) ;-) |
اول وأهم شيء بدي أشكر مجود على لطافته ولباقته وتصرفه. وأرجو ان يسمح لنا بالنقاش في هذا الموضوع طالما أن القصة صارت عن موضوع حقوق الملكية...بالإذن من ريمي صاحبة الموضوع أيضا. ريمي لا تواخذينا إن قسونا عليكي .. (على فكرة نحنا بلديات ;-) ) ... :D ثاني شيء... السيد\السيدة المحترم\ـة هشت نشت ممكن أسألك سؤال... شو رأيك إن أخد أحد اسمك وبدأ يكتب باسمك وينقل كتاباتك وآراءك؟ بتنبسط؟ طيب.. رح نحكي بشوية فلسفة... هل تعلم يا هشت نشت أن أحد أسباب تخلف بلادنا في الأمور الفكرية هو ضياع حقوق الملكية والنشر.. رح أعطيك مثال بسيط.. الصين اللي انت بتحبها بتورد لنا برامج مقرصنة بتشتريها بـ 25 ليرة سورية من السوق... هل تعلم ماذا تفعل ؟ أنت تطرد كل مبرمجي البلد إلى الخارج.. أنت تقول لهم.. (حقكن 25 ليرة سورية.. كل تعبكن ودراستكم حقها 25 ليرة فقط) روحو على بلد يهتم بحقوق الملكية لأنو نحنا ما عنا هيك شيء. أنت تطرد كل شخص لديه النية بالكتابة إلى بلد يحترم حقوق كتابته... إلى بلد يحفظ له كتاباته.. أنت بكل بساطة تمثل العامة الذين لا يعون قيمة الفكر يا سيدي. هذا الفكر الذي لا تجد له قيمة رفع بلاد الغرب، ووضعنا بالحضيض... ممكن أسألك سؤال.. لم تجد مثلا مثلا في أغاني كاظم الساهر وفي آخر الفيديو اشارة غلى أن كاتب الأغنية هو نزار قباني...؟ لأنه سيصبح مسخرة.. سيصبح سارقا إن لم يذكر ذلك. عندما تعطي مالك الحق الفكري أو صاحب التأليف حقه مهما كان صغيرا فأنت تشجعه على الإستمرار يا سيد... يا ابو الصين. أما إذا جئنا لموضوع الأخلاق فهذه سرقة. هل تحب السرقة؟ هل تحب أن تسرق جهود الناس؟ سواء على صعيد البرامج أو التأليف أو أي شيء؟ جاوبني على هذا السؤال اذا سمحت على كلامك اذا جاء لعندك عالبيت أحدهم في زيارة وشاف خاتم على الطاولة وأخذه فلا يحق له أن تطالب بقيمته.. يكفي أن يقول (هذا الخاتم مأخوذ) لكنه ليس مضطر أن يقول أن هذا الخاتم للسيد هشت نشت وليس مضطرا أن يسألك قبل أن يأخذ الخاتم.. وممكن يقول لك (بلط البحر)... وأنت يجب أن تسكت.. على مبدأ الصين ودو شرق آسيا... ولا شو؟ كل منكم رد علينا بطريقته الخاصة...أكرر.. شكرا لمجدود شخصيا وليس لمراقبة وإدارة الموقع لأنكم لا تتفقون على سياسة محددة. |
اقتباس:
ومتاكد ان ريم ماعندها مانع بسبب المشاكل اللي حصلت من وراه واللي لسا رح تحصل |
اقتباس:
لانه لو اتحذف يبقي انت عملت اللي هما عاوزينه واللي جايين علشانه المفروض نشوف الناس ديه عايزه ايه ونحل الموضوع ودي حبي وماحدش يكتب اي رأي تاني بعد ما نحل المسأله الا في صميم الموضوع يبقي المطلوب دلوقتي: انه ننهي المشكله بتاعت منقول وحقوق الملكيه الفكريه...اوكي |
اقتباس:
انت ترجو من مجود ومن ريمي تتحدث عن الاذن ولكنك لم تنتظر لا هذه ولا تلك وانحرفت بالموضوع عن مساره اقتباس:
اقتباس:
ان هذه هي المسأله وهذا هو سبب وجودكم هنا (الرجاء لا تخرج عن حدودها ) ام هناك شيء يجذبك للحوار داخل هذا الموضوع غير المشكله الرئيسيه :lol: ارجوك ساعدني لان بحكم سني واعباء الحياه لم اعد كما كنت فالماضي فانا لم اجد اي رد هكذا .:D اذا اردت ان تتناقش حول موضوع عن الملكيه الفكريه ,حمايتها وحقوقها فأنا وغيري كثير نتشرف بالتحاور معك لعلنا اضفنا الى ارائنا راي جديد او فعلنا العكس تحياتي :D |
اقتباس:
اقتباس:
اقتباس:
طبعاً بدولنا العربية عنا مجموعة نماذج قزمة لحقوق الملكية الفكرية بتتمثل بشكبات الانتاج الفني و ما جر جرها من عقود الفنانين الاحتكارية .... و من الناحية النظرية الرقي الفكري لا يتجزأ ..(بمعنى ما فينك تكون راقي من هالناحية ..و مبهدل من الناحية التانية ) ..و اذا افترضنا أنو هالشركات هي بتملك الرقي ( اللي عم تتهمني حضرتك أني بفتقدو ) من خلال كونا شركات كتير بتهتم بحقوق الملكية الفكرية ..فشي كتير غريب قديش انتاج هالشركات ( الفني ..الفكري ..سمي اللي بدك يا ) كان مبتذل ..منحط ...و تافه !!!! هاد الشي بأكد بأنو الدفاع عن ما يسمى ( بحقوق الملكية الفكرية ) ما هو إلا دفاع عن مكاسب ( مادية ) ممكنة ..أو محتملة ...و ما ني شايف في أي نوع من أنواع الدفاع لا عن الرقي ولا عن التقدم ..و لا ممكن يكون باب للخروج من التخلف . اقتباس:
أما اذا كنا نعي قيمة الفكر أو لاء ...بعتقد هاد سؤال أكبر من حجمك .. ( مو لأنو حجمك صغير لا سمح الله ..أو انتقاصا من قدرك ) بس لأنو يعني قياس وعي الاخرين لقيمة الاشياء عملية بتتطلب أكتر بكتير من التكبيس ع زرار الكيبورد . اقتباس:
اقتباس:
سبق و قلت بردي السابق اقتباس:
اقتباس:
(ولا تنابذو بالألقاب ) :pos: ..ما مشان شي يعني..بس أنو ..... طيب ...رح حاول وضحلك فكرتي أكتر عم تقلي أنو أعطي صاحب الحق الفكري حقه !!! أنو هالحق هاد مادي شي ..؟؟؟ ..هل هو فلوس يعني ؟؟؟ في حال كان هالحق مادي .... شو منعمل مثلاً مع نزار قباني ( الزلمي توفى متل ما بتعرف ) ..أنو بروح بدفع مصاري للورثة الشرعيين ؟؟ :? كمان الورثة صارو أصحاب حقوق ملكية فكرية ؟؟ ....بشرفك هاد منطق !!!! ( يمكن يكون منطق ..بس عاد رأسمالي شوي :lol: ) اذا كان هالحق هاد مانو مادي ...معنوي يعني ... طيب شو هي الضوابط ؟ انو اذا انا بدي غني قصيدة لنزار قباني ..بقول أنو هي كلمات نزار قباني و بس ؟ هيك بيمشي الحال ؟؟ ...اي اذا هيك انا ماني ضدك ...بضل قول للصبح أنو هاي لنزار ...بس يعني أنو برأيك هيك شو بكون اجا لنزار ؟؟ (ما الزلمي عطاك عمرو :pos: ) ... و مع ذلك يا سيدي ماني ضدك... الزلمي ما رح يستفيد شي ..بس رح قول أنو هي كلمات نزار ..ما مشان شي ..بس لأنو هي كلمات نزار ( يعني مو كلمات حدا تاني ) . اقتباس:
أنا بدي اسألك ....نسخة الويندوز ع جهازك مرخصة ؟؟ شي مرة حضرت فيلم نسخة مانا اوريجينال ؟؟ وقت بتنزل ع السوق لتشتري بنطلون ..بتسأل صاحب المحل اذا هالموديل ملطوش أولاء ..واذا كان ملطوش من ( فيرزاتشي مثلاً ) هيك بتنتفض ...و بتزت البنطلون و بتدور ع شي غيرو ؟؟ صار معك شي مرة انك نزلت ebook من الانترنت و بعد ما قريتو وجعك ضميرك كتير ..لأنو النسخة مانها كوبيرايت ؟؟ بالنهاية يعني ..أنت بتعتبر حالك أخلاقي أكتر مني مثلاً ...أو بلا أكتر مني ...أنت بتعتبر أنو عندك أخلاق أكتر من ( العامة ) !!!! اقتباس:
وقت بتعطيني مثل عن خاتم ...!!! الخاتم الو قيمة نقدية واضحة ...جوهرية ..فينك تبيع الخاتم ب 5000 ليرة مثلاً ...و بالتالي وقت بتسرق من عندي خاتم بتكون سرقت مني 5000 ليرة ..و هاي سرقة مباشرة ..بحكم كون الخاتم ملكي ( و انا أصلاً دافع حقو ) و بالتالي بكون أنا خسرت 5000 و انت ربحت ع كتافي 5000 . بالنسبة للنتاج الفكري الموضوع مختلف كلياً ولا يمكن تحويلو و اعادة تحويلو الى قيمة مادية (الا بالمعادلات الرأسمالية ) . نعم أنا ماني مضطر اسأل كل صاحب نتاج فكري اذا بوافق أو لاء قبل ما استخدم نتاجو الفكري ...لأنو بمجرد خروج هالناتج للنور بيصير جزء من الحضارة الانسانية ..و بصير ملك للانسانية ...انا هلأ عم استخدم لغة هي نتاج فكري لاشخاص ما منعرف مين هني ..و انا متأكد أنو ولا واحد منن زعلان ليش عم نستخدم هاللغة ( علما انو هاللغة كنتاج فكري أهم بكتير و بالمطلق من اي نتاج فكري اجا بعدا ) . و وضع القيود على ( الانسانية ) لاستخدام نتاج ( الانسان ) الفكري هو العمل اللاأخلاقي ( برأيي على الأقل ) و ليس العكس . على كل حال ..و بالنهاية يعني ..أنا ماني عم أكتب لأقنعك بوجهة نظري ... و لا بهمني تكون بصفي ...بالنهاية انت حر .... خياراتك بالحياة ملكك .... و فينك تعيش بالطريقة اللي بتخلي ضميرك فيها مرتاح .... بدون ما تكون مضطر تعمم نظرتك و اسلوبك عالاخرين و تحياتي :D |
الاول ابو نهله مبروك هلا صار عندك نهله والصين
ولولا السيد ما كنا عرفنا ,ليش بتخبي عنا :lol: انا مع ردك الاخير واوافقك في معظم ارائك واؤكد على امرين 1. اذا قمت بنشر موضوع هنا عباره عن 4 ابيات فقط للشاعر نزار ولم اكتب اسم نزار اعلى الابيات او اسفلها وايضا لم اكتب اسمي انا ايضا ولكني نوهت انا هذه الابيات لشاعر هل هذا يعد تعدي على حقوق هذا الشاعر الملكيه الفكريه ؟؟؟؟ لابد وان هناك الكثيرين يحتاجون للعوده للسؤال عن الملكيه الفكريه وحقوقها ونقطة اخرى مصطلح الملكيه الفكريه الذي يتحدث عنه السيد هو نفسه نتاج فكري ابتكره شخص ابتدع مفهوم الملكيه الفكريه ,عند استخدامه لابد ان نحصل على اذن منه , اريد ان اشير الى شيء ما وهو ان الافكار ليست ملك لاحد حتى وان كان صاحبها انها حق للجميع والمهم ان لا ننسبها لشخص اخر ولكنها تبقى حق لكل من اراد ان يعرفها فليس من حقك ان تحجبها بحجة الاستئذان منك وان فعلت تكون تنادي بغير الحضاره والتحضر الافكار لها اجنحه لن تستطيع انت او غيرك حجبها او منعها |
محمد ابراهيم.. يا ريت شفت أكتر من اللي اقتبستو من ردي.. شكرا على أي حال.
ناشت... اقتباس:
أبدا أبدا يا سيدي...اصلا أحسن عقول بلادنا عم تضل بالبلد.. يا سيدي برافو... برافو... أصلا الصين عباقرة... هم المخترعون..وهم المبدعون.. ولم يتسلقوا على أكتاف الغرب أبدا... أبدا أبدا... اقتباس:
يبدو أنك شيوعي أو شتراكي التوجه... شو يا.. مو عاجبتك المكاسب المادية؟ بتشتغل ببلاش؟ أنا برايي أنو تدبرلك شي شغلة ببلاش منشان تقاوم الرأسمالية الشريرة. الفني منحط.. بس الفكري منحط؟ كيف جمعت هالكلمتين؟ نقطة أول السطر. اقتباس:
سيدي... رجل كرسي.. رجل طاولة... مو مشكلة... كبيس كيبورد... مو مشكلة... ما رح اعتبرها اهانة.. رح اعتبرها طيش. اقتباس:
طيب.. ما انا فكرتي من كل الرد هي بالذات... أول شي بتقول (مافي داعي نذكر صاحب الفكرة.. وهلا بتقول (مانك ضدي ولازم نذكر صاحب الفكرة).. طيب.. حدد موقفك منشان نعرف من وين نحكي اقتباس:
نعم أصلية.. شرفني بزيارة لأكدلك هالشي... بس انا رأيي أنو الرمد أفضل من العمى.. وأن تحاول أفضل من ان تندب وتيأس,, ولا منشتغل على مبدا (اذا انهبلو ربعك عقلك ما ينفعك) يعني؟ اقتباس:
الأمثال للمغفلين.. خليني ذكرك أن كل الأنظمة التعليمية تعتمد مبدا الأمثال.. لا تقلي كيف... تذكر شلون تعلمت بالمدارس.. وشلون بيتعلموا البشر بالمدارس... معقول كمان بدي أشرح هي.. ولي.... بس بدي شوف هي آخر وحدة .. ورجيني هيك اقتباس:
هي الجملة ليست بمثل ولا بضرب مثل... وليست باستنتاج منطقي وليست بشيء.. بعدين شو دخل المسيح بالنص؟ ليش ما شفت حدا في الدنيا عم يضرب أمثال غير المسيح؟ .. هااا.. نسيت أنو عندك كراهية للراسمالية.. بيجوز تكون شيوعي.. يمكن هاد السبب... عفوا اذا هيك لا تواخذنا... اقتباس:
يا سيدي معك حق.. أنا برأيي اذا شي حدا بيمرض روح افتاح عيادة وعلق ورقة وقول (انا طبيب) يعني بزمانو الدكتور وصفلك دوا.. وانت ممكن توصف هذا الدوا للعالم.. لأنو أصلا ادعاءك انك دكتور ببلاش.. مالو قيمة مادية.. شو يعني فكر الدكتور وعلمو بس لإلو؟ ما حدا أحسن من حدا... وهيك مافي مشكلة بنوب.. ولا شلون؟ اصلا كلشي ما منشوفو بالعين ومالو قيمة مادية معناتا مالو اي قيمة تانية.. برافو .. وبما أنك عم تمشي على هالمبدأ معناتا كا أفكارك عن الرأسمالية و... هاااا.. نسيت.. انت ضد اعطاء الأمثال... طيب انسا هاد الرد اذا هيك.. اقتباس:
رجعنا لعمو ماركس وعمو لينين.. بس المشكلة انو هدول الجماعة فاتو بسبعين حيط... الله (اذا في الله) يذكرك بالخير يا غورباتشوف... شفت شلون حكيت قصص عن الرأسمالية ودخلتنا بالسياسة... حبيبي .. يا عيوني.. انا ما عم قول حجب أي مادة فكرية عن البشر ..ولا وضع قيد.. أنا عم قول اعطوا الحقوق لأصحابها... انا عم قول أعطوا صاحب الفكرة حقه.. على الأقل بذكر اسمه... بس انت وافقتني بهالنقطة... ولو انك بالرد اللي قبلو قلت مافي داعي.. منذكر منقول وبس.. برجع بقول حدد موقفك.. اقتباس:
طبعا ما فينك تقنعني.. ولا أنا فيني كمان أقنعك.. نحنا منتناقش بهدف الاستفادة والإطلاع على الآراء بس مو أكتر. بس هاد الموضوع ذكرني بمقالة لأنيس منصور اسمها.. (كلهم لصوص) ..يا ريت تدور عليها وتقراها على الانترنت.. حاجتي أنا.. فهمت عليك تمام....;-) .. خصوصا انك حاطط رمز الـ emule كصورة.. وأخيرا وآخراً.. تحياتي أنا كمان:D ولا تواخذونا يا جماعة المنتدى. اتشرفنا بمعرفتكن. |
اقتباس:
اقتباس:
يا ريتك تستخدم الاقتباس ..و تقلي انا وين قلت أنو انا ضد و ما لازم نذكر صاحب الفكرة !!! أنا اللي قلتو : اقتباس:
أنا مع أنو نذكر المصدر و الكاتب ...مع إصراري أنو عدم ذكر اسم المؤلف ..أو إضافة عبارة منقول ..ما بتهدر باي شكل من الأشكال حقوق المؤلف ( ماني عم افهم حقو بشو اللي عم ينهدر يعني !!! ) بقى حبيت وضحلك أنو موقفى واضح :lol: و محدد ..بس أنت موقفك ضبابي ..يعني لا قدرت تحددلي شو هي حقوق المؤلف بالضبط ..و شو هي ضوابط هالحقوق .... انت عم تبسط الموضوع و كانو بسيط ...و عم يغيب عنك ما بين السطور بكلمة ( حق ..و ملكية ...) و ما الى هنالك من مصطلحات . هل الحقوق تورث مثلأً ؟ هل هي قابلة للتداول ؟؟ ( يعني بقدر انا ادفعلك مقطوع و اشتري أعمالك الكاملة مثلاً و تصير الحقوق باسمي ما بأسمك ؟ ) هل هالحقوق بالنهاية مادية ولا معنوية ولا الوجهين ؟ و اذا كانت الوجهين فعن أي وجه عم تدافع ؟؟ بدي منك شغلة وحدة بس ..قبل ما تباشر بكتابة ردك ..يا ريت ترجع تقرا على مهلك...لأنو واضح أنو عم يفوتك معنى الحديث ...و يا ريت كمان تختار أمثلة أفضل ( مشان نتعلم ) ..خاصة وأنو مثال الدكتور كان ما الو علاقة بموضوعنا منوب |
اقتباس:
كملو .. |
اقتباس:
اقتباس:
انا مع فادي...:D . اقتباس:
خود راحتك...هيك نحنا رجعنا للمنبر اصلا .. خليك انت وابو نهلا .. لحد ما توصلوا لنقاط واضحة...:clap: البلديات: يا شباب الرجال عندي وبحمايتي:x الي بيقرب عليه بيقرب عليي...:adal: ( ع راسي معلم ..:gem: .) (هههه عم بمزح ... :p ) |
ناشت.
رح حاول أختصر منشان ما يتشعب الموضوع.. أولا مثالي عن الطبيب كا رد على ردك على مثال الخاتم لأنك تعترف بالقيمة المادية.. فكر الطبيب وعلمه ليس أمرا ماديا ملموسا.. ومع ذلك نحن ندفع له النقود مقابل ذلك العلم. خلينا بعاد عن الأمثلة وخلينا نختصر.. بشكل بسيط جدا أنت تقول (يكفي كلمة منقول) أنا أقول (كلمة منقول ليست كفاية بل واجبة.. واذا طلب صاحب الفكرة اسمه فيجب ذكر ذلك. (انا ما عم قول حطو الأسماء للمقالات هلأ) .. لكن من حق صاحب الفكرة أن يحتفظ باسمه. واذا لم يطلب نضع كلمة منقول. عذرا لمجود لأني لم أنتبه أنها فتاة. تحية للجميع :D . |
أتفق مع الكثير مما قاله هاشتناشت (لك صحيح أنت من وين جايب هالاسم الهيروغليفي ؟) ومع بعض ما قاله لوسيفير. يعني أتفق تماماً مع ذكر اسم الشخص الذي نقلت مقالته ومصدر النقل وهذا لا يكلف الكثير من النكلات. أما قيمة ما يسمى حقوق الملكية الفكرية فهي قيمة مبالغ فيها بشكل هائل وتخضع لمنطق احتكار المعرفة ومنحها فقط للقادرين على شراءها وبالتالي استثناء الفقراء الذين هم الأغلبية العظمى في هذا العالم. إذا مفهوم الحقوق الفكرية هو مفهوم غير إنساني يزيد في الهوة المادية والمعرفية بين الأغنياء والفقراء. من جهة أخرى فإن تعبير "حقوق الملكية فكرية" بحتوي على كلمة حقوق ولكي تحترم الحقوق يجب أن يكون ذلك على جميع الأصعدة يعني يجب أن تحترم حقوق جميع الناس في القدرة على الوصول للمنتجات الفكرية وإلا فلا معنى أن نطلب من الصينيين أو السوريين أو الأمريكيين الفقراء أن يدفعوا ما لا قدرة لهم على دفعه ليشتروا النسح المرخصة لميكروسوفت أو الكتب الرسمية للكتّاب والشعراء والمفكرين ... الخ. لذااا فإن القرصنة المعرفية للكتب والبرامج ...الخ، تسمح لغير القادرين على شراء النسخ المرخصة بالوصول إليها، وبالتالي فإن هذه القرصنة هي أكثر عدلاً وحقوقية وإنسانية من مفهوم "الحقوق" الفكرية. ولسنا بحاجة لأن نكون شيوعيين حتى ندرك ذلك. |
| الساعة بإيدك هلق يا سيدي 14:13 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون