|
الهجرة مو حلوة
يا جماعة لما قالت فيروز خدني ازرعني بارض لبنان ما كذبت
او بالاحرى كانت عم تقول كل العالم بهالكلمتين بحياتي ما فكرت انو العالم ممكن يختصر بكلمتين مع انو ما صرلي غير اسبوع برات سوريا بس اليوم بالصدفة سمعت هالغنية اااااااااااخ يلعن ابو الغربة لك انا كنت مفكر انو كلو طق وطنيات و هيك شي الحكي عن الغربة يعني بس بحياتي ما فكرت انو الذكريات المؤلمة ممكن تحزنك بيوم من الايام او حتى تخليك تبكي هاد الاحساس اللي بيحس فيه اللي تارك ارضو نفس الاحساس بالموت ممكن اصعب لانو الاحساس بالموت ممكن يدوم يوم او تنين او شهر بالكتير بس هاد الاحساس بيضل معك طول ما انت برى سوريا :cry: |
حكي فاضي لا تعيش حالك بالأوهام
الصيفية الماضية سافرت كل شهر 8 ماعرفت الحزن والهم ونسيت اصلا انا وين لوقت رجعت لسوريا بقصد وفت نزلت الطيارة بأرض المطار اكتأبت بلا وطنيات بلا زفت الحنين بكون لأشخاص لأماكن لذكريات مو وطنيات دور على مصلحتك وين ممكن تكون لو بمنغوليا |
اي بس انت كنتي بتعرفي انو راجعة
او بتعرفي ايمتى راجعة بس انا ما بعرف و يمكن ضل شي خمس سنين بعدين انا ماني مشتاق لتراب انا مشتاق لاهلي لحارتي لحياتي بسورية الجنة بلا ناس ما بتنداس |
اذا هيك معك حق
بس لازم تعرف انو كمان ماحدا دايملك لا اهلك ولا حارتك ولا رفقاتك دور على مستقبلك والله يووفقك |
صحي ما جربت الغربة بس مجرد التفكير بهالموضوع بيدايق وانو ما تشوف اهلك وناسك حارتك
عنجد صعبة الله يكون بعونك بس حاول تحط ببالك انك راجع واتعلق بهالامل وحاول تنخرط بالجو اللي انت فيه وتشغل وقتك شوي حتى ما تفكر كتيييييييييير وتحن |
اييي صرلي برى البلد عشرين يوم و لهلق ما كنت اتأقلم يا جماعة غريب انو كيف الذكريات الحلوة بتخلينا احيانا نبكي عن جد حدا بيتصور انو الذكرى الحلوة ممكن تصير مؤلمة او صورة رفيقك او اي شخص و هوي عم يتضحك ممكن تبكيك قالولي انو المصاري بتنسي بس هلق مستعد اترك الدنيا كلها و ارجع ع حضن امي
|
اقتباس:
بروح مبسوط وبيرجع مكروب خصوصا اذا كان مبسوط بسفرتو اما الي بسافر لمدة طويلة وهو مجبور ع السفر هون الكربه الي ما بعدها كربة ياعيني الي ماجرب الغربة وتكي ع الغربة مو السياحة ما بيعرف شو هي الكربه |
اقتباس:
انت بلشت المشوار ومشي حالك هي الصعوبة بأولها بعدين لما تبلش تتعرف ع الناس والعالم الجديدة الي حوالك ح تبلش تتطلع شوي شوي من الحالة الي انت فيها بنصحك تتعب بالنهار مشان تقدر تنام باليل وشغيل حالك اد مافيك بأي شي وخلي البيت لنوم وبس يمكن هل الشي يخفف عنك :D |
اقتباس:
وبالتدريج بتتاقلم وبتفوت بالجو بدك شهر زمان بس بعدين بتصير بتقول يا ريتني مسافر من زمان :p |
شكرا الكن عن جد و الله حاسس حالي صرلي الف سنة مو حاكي مع حدا بس هلق منيح حكيت مع حدا او حسيت اني حكيت مع حدا يا ريت يساوو شي شات روم هون بأخوية اقل شي منحكي مع عالم بتفهمنا و نفهما
|
ياعزيزي كل انسان له طبعه ومزاجه الخاص وظروفه و عالمه الشخصي ....فهناك من عشق الغربه وهناك من اضناه الحنين الى الاهل والوطن .... لكن خذ احدى هاتين القصيدتين لعل احداها تواسيك وتجلي همك ....
قال الشافعي: تغرب عن الاوطان في طلب العلا *** وسافر ففي الاسفار خمس فوائد تفريج هم واكتساب معيشة *** وعلم وآداب وصحــــــــبة ماجد فإن قيل في الاسفار ذل وغربة *** وقطع فيافٍ وارتكاب الـــــشدائد فمـــوت الفتى خير له من حياته *** بدار هوان بين واش وحاســـــد فقال القاضي الطرطوشي: تخلف عن الاسفار ان كنت طالبا *** نجاة ففي الاسفار سبع عوائق تنكر اخوان وفقد أحبــــــــــــــــة *** وتشتيت اموال وخيفة سارق وكثرة ايحاش ٍ وقلة مـــــــــؤنس *** وأعظمها ياصاح سكنى الفنادق فان قيل في الاسفار كسب معيشة*** وعلم وآداب وصحبة فائــــــــق فقل ذاك دهر تقادم عهـــــــــده *** واعقبه دهر كثير العوائـــــــق وهذا مقالي والسلام مؤبـــــــد *** وجرب ففي التجريب علم الحقائق |
:D
اقتباس:
على كل سلاحك هو تأقلمك مع المجتمع يلي هاجرت اليه لكن اياك أن تنسى وطنك عندما تنجح في غربتك ابو عمير السوري :D |
اقتباس:
|
اييييييييييييه يعني انا مستحيل انسى الوطن معقول يا رجل حدا ينسى اهلو و ناسو
|
في موضوع قديم بيحكي عن نفس الشي لذلك دمجناهون سوى
والله يرجعنا بخير وسلامه :cry: |
| الساعة بإيدك هلق يا سيدي 02:41 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون