اهلين وشكرا الك
:D

ريمي تأتي مع افكار جديدة....:yahoo:
فلتتفضل ريموووو مشكورة بادلاء فكرتها....:king:
احم احم ....8)

يا جماعه ما زهقتوا من المدرسة..والحصص والطلاب.:pos: ...
شو رأيكون بشي حلقة... بالرحلة المدرسية ;-)

و أنا أؤيد ريمي الذكية في اقتراحاتها المجدية8) 8)

انا بطالب بحلقة تانية لفيفي:lol: واذا كان ولا بد من الرحلة المدرسية يا ريت تكون فيفي طالعة

8) 8) ريمي ذكية 8) 8) ذات الاقتراحات المجدية 8) 8)

:o :lol: :o ما طبيعي....شو رأيك بـ فيفي تلعب التنس(بالرحلة) :p

اهلين ريمي وسرسورة وابو مزيد :D

جايي الرحلة بس ليزبط الطقس شوي حاكم هالكم يوم كتير عندي هوا قوي ومابتطلع الرحلة حلوة مع هوا قوي....... ورح ناخد فيفي الظريفي معنا...... اصلا الرحلة مو ظريفي بلا فيفي الظريفي:p

اذا هيك ما مشكلة...معناها لازم نشوف الطقس... :p
بس الله يرضى عليكي...كرمال ابو مزيد...ركزيلنا ع فيفي الظريفي تلعب التنس.:clap: ...
او ليكي... بما انه الشتوية ع البواب...خليهن يطلعوا ع التلج...وتسفقوا للاستاذ كرة ثلجية ع قفاه...
كه كه:oops:
شو رأيك ;-)

:oops: :oops: :oops: :oops: :oops:

ياعيبو ياعيبو عليكي


بس عجبتني الفكرة :o

لك ما سمعتي ام السوس شو قالت افكاري مجدية...سمعني حتلاقي استحسان عند الشباب :p :p

يا ريت تكون الرحلة صيفية كرمال ما تبرد فيفي

اي افكارك كتير حلوة :king: وقوية :gem:

شكرا كتير :D


ولايهمك مارح نخلي فيفي تبرد

معقول يعني نبرد الظريفي:p

تحضيرات الرحلة المدرسية
 

اليوم وبعد ان انهى الاستاز سامع شرح الدرس نظر إلى الطلاب وقال لهم أن لديه خبر مهم وجميل يريد أن يزفه لهم (يخبرون يعني مو انو زفة عروس وهيك:p )

نعم يوم الجمعة القادم سيصحبهم في رحلة مدرسية ترفيهية وتثقيفية في بعض مناطق سوريا الجميلة (ياحبيبتي ياسوريا:hart: )
سيتوجهوا في البداية إلى قلعة صلاح الدين الأثرية ثم إلى منطقة صلنفة السياحية حيث سيتناولوا طعام الغداء:eat: ومن ثم إلى محطة البث بالقرب من الصلنفة والمطلة على سهل الغاب الجميل (ورشرش حبك ياجميل)

ولكن كان للاستاز سامع بعض النقاط ليوضحها فقال: شوفو وله منك الو ترى طلع بنشرة الطقس انو الجو رح يكون صافي وحلو ودافي يعني مو ضروري تسمكو لبس كتير بس مع ذلك جيبو شي جاكيت خفيفة لانو بتضل الصلنفة جبلية ويمكن تكون باردة شوي....... وكمان باعتبار انا استازكن وشغلتي مو بس علمكن المناهج الدراسة لازم كمان علمكن فن الحياة والتعامل الاجتماعي ولهي لازم يعني ومن واجبي علمكن تتحملو المسؤولية لهي كل واحد منكن بيجيبلي معو شي شغلة..... وهلأ رح وزع عليكن اوراق مكتوب على كل ورقة شو لازم تجيبولي معكن

ومر الاستاز بين المقاعد ووزع لكل طالب ورقة من كومة اوراق مكتوب عليها اشياء مثل "5 سندويش مرتديلا", "5 سندويش جبنة ابو الولد", "5 سندويش جبنة بيضا", "2 كيلو خيار" , "2 كيلو بندورة", "قنينة كولا حجم عائلي" ,...... الخ الخ وفي النهاية وصل لمقعد فيفي الظريفي وسلمها ورقة مكتوب عليها "شوكولا على ذوقك الحلو":oops: :sosweet:

وبعد ان انهى توزيع الاوراق خرج مودعا الطلاب بقوله: بشوفكن الجمعة قدام باب المدرسة الساعة 7 الصبح واللي بيتأخر بيروح عليه الباص يعني مارح ننطر حدا ..... سامعين ولة...... واللي بيقرر مايجي يصطفل على راحتو مابجبر حدا عالروحة معنا بس يبقى يبعتلي الغرض المكتوب على ورقتو مع حدا تاني...... مو مشان شي ..... بس مشان تعرفو معنى تحمل المسؤولية



:shock: :cry:
يتبع.........

:yahoo: :yahoo: :yahoo: :clap:
:shock: :? :p نهفة

بانتظار البقية.....:clap: :clap:

اهلين باحلى ريمي..... وماكانت صارت الحلقة لولا افكارك الحلوين :D

:oops: :oops: :oops: :oops: :sosweet:


بس تيجي البقية..بنبقى بنفكر بالي بعدها..:yahoo: .ياذن واحد احد :p

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

حلوة كتير بانتظار الرحلة

كتير حلويين
بتعرفي فكرة حلوة
ممكن تخلي الشباب يقروا كتاب بالهطريقة
يسلمو

كيف رايحين على الرحلة بالباص
احلى شي لما الواحد يكون رايح على الرحاة ومبسوط وفجاة بنص الطريق بمنطقة مقطوعة يتعطل هل الباص:cry:

شكرا كتير ابو مزيد وليوبارد:D

وبانتظار افكارك الجديدة..... ريمي :D

حرام عليكي فيروزة ..... الله لايقدر يخرب الباص ..... بكل الاحوال مومشكلة اذا خرب الباص بيحلها سموعة ;-) :lol:

شكرا كتير عالمرور :D

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

شي حلو كتير :yahoo:

بس الرحلة مع سموعة لايعلى عليها :p

عن جد قصة كتير مشوقة و فيا حلقات بتعقد ..:yahoo:
يمكن قريتا متأخرة بس قريت كل الحلقات مع بعض و حسيت حالي
عم بحضر شي مسلسل .. يعطيكن العافية و الله ..
و بانتظار الرحلة السعيدة .. و اهم شي فيفي الظريفي :p

تمام....شي ظريف كتييير....بس ما حدا من الأساتذة أو الانسات رح يروح مع سموعة ع الرحلة؟؟ولا بس رح يروح هو و الطلاب و فيفي الظريفي:lol:

شكرا كتير عالتشجيع ندون ونورتي:D

الاستاز وفيفي والباقي خس :sosweet:

تسلمي .. و الله انتو يللي منورين القصة :D

وينك يا امرأة الورق؟؟؟؟شو صار بالرحلة.....لغوها؟؟؟؟؟

اسفة عالتأخير بس كان مزاجي كتير تعبان..... ومازال :(
بكل الاحوال هي الرحلة اليوم :D

اليوم الموعود...... الرحلة
 

اليوم الجمعة وهو اليوم الموعود المنتظر...... يوم الرحلة الثقافية الترفيهية 8)

تجمع الطلاب كلهم بدون استثناء امام باب المدرسة منذ الساعة السابعة إلا ربع والآن الساعة الثامنة إلا ربع ولكن أين الاستاز سامع؟؟؟ وأين باص الرحلة؟؟:?
في تمام الساعة الثامنة أطل من بعيد باص من عهد العصملية يتمختر بقيادة الاستاز سامع
ووقف امام باب المدرسة حيث تجمع الطلاب فنزل منه الاستاز سامع وحيا الطلاب بكلمة: صباح الخير ياولاد........ يللا رح افتحلكن باب الباص منشان تطلعو ونباشر الرحلة

فتح الاستاز باب الباص فصعد الطلاب وجلسو ولكن بقي خمس طلاب بدون مقاعد فقالو للاستاز: يااستاز مافي محلات تكفيلنا شو نساوي؟؟

فصرخ بهم الاستاز قائلا: ولة منك الو دبرو حالكن هلأ صرتو اكابر ومابتنحشرو تنين بمقعد واحد ولا بتسافرو عالواقف....... ليكو هالشغلة الكبيرة:pos: :jakoush:

فصعد الطلاب وحينها انتبه الاستاز سامع ان فيقي الظريفة محشورة بين طالبين من الذكور وهي تتغندر بينهم وتتدلل لعيونهم وحينها قال: ولك مابتستحو محشورين الصبيان والبنات بمقعد واحد .....تعي حبيبتي فيفي:hart: ....امممممممم قصدي يابنتي فاطمة :oops: تعي قعدي جنبي من قدام لاني مابحب يصير برحلتي وبين طلابي اختلاط ذكوري انثوي :sosweet:

فغيرت فيفي مكانها وجلست من الامام وضحكت ضحكتها المعهودة اللي تقصفت ركب الاستاز لسماعها

وبعد ان جلس الطلاب صعد الاستاز سامع الى الباص وتمشى بين المقاعد ليجمع من الطلاب الاشياء المطلوبة منهم لتعلمهم المسؤولية....... فاذا احد الطلاب (وهو يتيم الاب ومسكين :cry: ) لم يحضر المطلوب منه فنهره الاستاز وصرخ به ورماه خارج الباص قائلا: ولك انا ماعندي طلاب يروحو على رحلتي بدون مايكون بيعرفو شو يعني مسؤولية...... يللا ولا تفكر مرة تانية تروح معي بأي رحلة او نشاط اذا ماكنت قد المسؤولية...... يللا برا ولك حيوان

والآن وبعد ان اطمئن الاستاز ان كل الامور كما يجب...... صعد إلى مقعد السائق ليقود الباص ويبدأ الرحلة (هاد الباص باص ابن عمو واستعارو منو ليوم.......يعني ليش الخورفة ودفع المصاري لاجار باص مع شوفيرو:king: معلوم هيك احسن )

ها قد انطلقت الرحلة اخيرا...... ولكن ماهذا الذي يراه الاستاز :shock: ...... هناك سيارة مرسيدس تسير جنبا لجنب مع الباص من جهة فيفي الظريفي التي لاتتوقف عن النظر إلى سائقها الحسن المنظر والهندام والتغميز له......نعم لقد كان يجن الاستاز حين شاهد ذلك فقال لفيفي: ولك شو هاد ومين هالخ** هاد ........وليش ماشي معنا

فأجابت فيفي: معلش استاز ولا يهمك هاد جارنا وحب يطلع معنا بالرحلة بس انا قلتلو انو الاستاز مابيحب الغرباء بعدين قرر يجي لحالو بسيارتو

وحين شاهدت فيفي ان الدم بدأ يغلي بعروق الاستاز سامع وانه على وشك ان يبدأ بمشكلة مع الشاب الوسيم قالت للاستاز: يااستاز ولا يهمك الشب كتير ادمي وابوه بيكون العقيد **** ****

وحينها بلع الاستاز ريقو وقال : اي اذا ادمي ليش لأ


يتبع ..........

حلوة ....:D
بس الحلقة الجاي لازم تكون تانيب ضمير الاستاذ مشان الطالب...حرام خطي ..:cry: ..

يسلمو خيتا على اليموميات

حلوين

يسلمو دياتك

اي و انا كمان وجعلي قلبي هاد الطالب اليتيم........
ناطرين الكمالة:D :D

على فكرة...
 

إذا هدول الشغلات .. انتي كاتبتيهم .... معناتى انتي بتصلحي لكتابة ... سيناريو كوميدي تلفزيوني ... متل بقعة ضوء وما شابه ......
إذا عجبتك الفكرة ابعتيلي إيميل .... مشان أعطيك عناوين ناس ممكن تستفادي منون .. ويستفادو منك ... شغلة حلوة .. وفي منا قرشين حلوين ........

هادا بس إذا حسيتي أنو عندك مخيلة بكتابة السيناريو ..........

إذا حسيتي أنو ما عندك .... لا تبعتي شي ....

كتير حرام هالطالب :cry:
بس المشكلة انو في كتير ناس ماعندها ضمير ابدا ومارح تحس بالندم على اي شي بتعملو :cry:

شكرا كتير الك عالمرور والتشجيع :D

سلامة قلبك سرسورة

شكرا :D

هوي انا اللي كاتبتون :gem:
بس مابظن انو عندي مخيلة كافية لكتابة سيناريو..... يعني كتابتي هون مابتتجاوز كونها تسلية وبس....... وبتجي عالمزاج

بكل الاحوال شكرا كتير عالاهتمام:D

وتوقيعك بيعجبني كتير ;-)

طيب وليش ما نخلي سموعه حنون :cry:

شي حلو جدا امرأة من ورق ... برافو عليك :ok: