التناحة كنز لا يفني :larg:

غالباً الأمثال تولد من حاجة في الإنسان منطلقة من البيئة الاجتماعيّة والثقافيّة والدينيّة... إلخ!
بالنسبة للمثل أعلاه، فمانو محرّف تبعاً لبيئتي، وإذا كان في اختلاف فهالشي يعود لبيئتك وحاجاتها.
طبعاً المثل المذكور والمشروح عالأقل بيرجع لأكتر من ميت سنة، لأن ستّي (الله يرحمها) كانت متعلمتو من أمها، وهكذا... وكانت بآخر أيّامها تردّد هالمثل، لأن بعد وقعتها لا الحنونة (الحنونات) ولا ولادها سأل عنها أو حتّى طل صوبها، بينما البغيضة (أمّي) وولادها حملوها ست أشهر، وما بدي أشرحلك شو يعني خدمة مريض واقع!
هلا فيكِ :D.

[quote=قرصان الأدرياتيك;1354672]غالباً الأمثال تولد من حاجة في الإنساناب منطلقة من البيئة الاجتماعيّة والثقافيّة والدينيّة... إلخ
بالنسبة للمثل ألاه، فمانو محرّف تبعاً لبيئتي، وإذا كان في اختلاف فهالشي يعود لبيئتك وحاجاتها.




مو بيناتنا , بس أنا سامعه المتل على الطريقه الفلسطينيه وبفيد نفس المعنى,

ابن العدوه مر وخلاني وابن الحنونه عدا وعداني .... بيحزني كتير

هي بزاتها

اختلط الحابل بالنابل
اختلط الحابل بالنابل
اختلط الحابل بالنابل
:larg:




مثل اليوم .. فرنجي, و بخيل

Look after the nickels and dimes, and the dollars will look after themselves :lol:

يظهر انو امك هي الحنونه بهيدا المتل:D:D

Stone Walls Not A Prison Make, Nor Iron Bars A cage

:larg:

يا إم الخصر المايل.. قولي لـ إم الجدايل..

اختلط اختلط اختلط اختلط.. اختلط الحابل بالنابل..



متل اليوم:

يا ويل اللي **** وما ******



* رقابة ذاتية :)

الحماية حمة وبنت الاحما عئرب :?

وتاكيدا ع كلامك متل تاني الي هو العمه عقربه سامه :x

بس في متل عكس هالاتهامات الي هو .... الخال مخلا والعم مولا ;)

ومتل اليوم وانا كتير بحاول اطبقه الي مني هو أمنّو ولا تخونو :D واتمنى يكون المتل مفهوم الكم

صارت شغلة من شوي.. ذكرتني بهالمتل:


نكاية بالطهارة.. شخ بلباسو

خرج نعمل ديو :lol:


قال اللي بيسبق.. بياكل فستق :larg:

خليا بالقلب تجرح احسن ما تطلع لبرا وتفضح
يمكن مارق هالمثل بالموضوع بس هيدا طل معي حاليا

لك هودي ملوك ع شعبك وسادات
فرشي من فرش حبي لن وسادات
اسد وحسين والخالد وسادات
على جنب يلا يا عرب



خشب الارز توابيت:p

ما هودي ملوك ع شعبك وسادات

افرشيلن فرش حطّيلن وسادات

أسد وحسين والخالد وسادات

على جنب يالله يا عرب


ما تغيّر يا خيي.. ما تغيّر يا خيي.. إذا إجوا منجي.. وإذا ما إجوا.. ما منجي



مَتل أولت مبارح (قالها فذهبت مثلاً):


لولا سليمان.. لأكلت فتح لبنان

يالله..
بقترح لبدء مسيرتنا الفنية.. هالغنية.. بظن بتضرب وبتكسّر الأرض (نقّي دور.. واحفظيه.. ت نسجّل):

+ حلحل حلّك يا حليحل.. في ميّة حل
وحلّي وحلّك حلّين.. وما لقينا حل

- وحيلك حايل يا محلحل.. في عشرة حلول
والحالة حلّت حالا.. وعيونا حول

+ والحلّ محلّك حالو.. حلّو بينحلّ
وحل المنحلّ محلحل.. حالو محلول

- محلول الحل ان حلّت.. حالة حلّو

+ حلّ وحلّين وجمعة.. وشهر وحلّين

- وحِلّي معنا يا حلوة.. حالك حلحال

+ إن حلّيناكي بتنحلّي.. وما انحل الحال

- ان حلحل حلحولك حلحل.. يا محلا الحل
الحل محلحل ما تحلحل.. بعدو ما حلّ

+ حلّوا عنا انحلّينا.. وكترت الحلول
وين الحل انحلّينا.. وما انحلّ الحل

مو ديماً..


the early bird catches the worm but the second mouse gets the cheese

فـ حسب :)

هلق صار الموضوع شارك بزجل؟
بس انو والله حلو هالزجل
ههههههههههه

طيب.. شاركينا بشي أوووووف


بما إنو صارت زجل.. هيدا مَتَل "قرّادي" من عند أبو علي زين شعيب:


الـ تارك كرمو بلا ناطور
اللي بيقطف منّو مش عيب

ملك النحلة والدبّور
وملك اللي بيضرب عن صيب

يييييييييييي
انا ما بعرف من الاوف والموال الا
اووووووووف اووووووووووووف اووووووووف
نكبني الدهر بمصيبة مشلشة
وانا الحبيتك حبيتك مشلشة
جبت الطبيب ليشلي
ماشلشي
زاد عاقلبي هموم وعذاااااااااااااااااااااا ااااب
هي اذا قلتا صح كمان ههه

نكبني الدهر بمصيبة مشلشة
وأنا الـ حبّيت.. حبّيتك مش لشي
جابوا الطيب ت يشلّي، ما شالّي شي
زادلي هموم ع قلبي وعذاب


بس إنو ما لك بالزجل والأوف.. طيب.. اقرطيلك زلغوطة :)

ولللللللللللللللللللللللل لللللللللليييييييشششششششش ششششششششششششششششش:lol:
كيفني معك؟

جيت اكتب زلغوطة قلت منطلع عن الموضوع كتير
بس رجعت قلت يالله كلها شقفة مخالفة باسوا الحالات
فـ انو

أويهـــا
غلينـــا قهـــوة
أويهـــا
طلعـــت مـــرّة
أويهـــا
إلّــي مــا فــرحتلك يــا فلان
أويهـــا
تيجـــي عليهــــا الضّــرّة
وللليش


منرجع للامثال
قال.. نيالك يا قصيرة بتضلي بعين جوزك صغيرة :?


ع شوي كنت نسيت
بدي ان + لاني ما بحب السالب :lol:

لبس البوصة تبقى عروسة ...

ولبس الخنفسة تبقى ست النسا ...

ولبس الخشبة تبقى عجبة....

فرجة..

بس أنا كان بدي زلغوطة متل اللي قدحتها ريتا :)

مو حافظة زلغوطة "ع اللعلعي و ع اللعلعي"؟



متل اليوم:

مش ديماً المختصر.. بيكون مفيد

بمناسبة أزمة الحكومة اللبنانية عم أتذكر هالمثل كتير: من قلّة الخيل شدو عالكلاب سروج...

ومن قلة الزلم.. سمّو الديك أبو علي

كل مين ع دينو الله يعينو

اذا كانت شغلتك عند الكلب قله حجي كليب ... :lol:

تيتا بتضل تقول (بما اني كسولة وبحسبش حساب المفاجأت!!) :

- غسّل وشّك ما بتعرف مين بنُظْرو ..ونضّف بيتك ما بتعرف مين بُدُقْرو -


(و حاولوا تلفظوه بلكنة لبنانية مشان تفوتوا بـ جّو تيتا :lol:)

هاد نفسو عنا منئلو :

نظف بيتك مابتعرف مين بدوسو .. وغسل وشك مابتعرف مين ببوسو


ألف كلمة جبان ولا كلمة الله يرحمو :pos:

طنجرة و لاقت غطاها :p

العتب صابون القلوب

مرحبا مختار... اشونك؟ ابوس روحك لو! :larg:
عطيني رأيك بهالتفسير المختصر والمفيد لهالمثل: ابن الابن لب القلب وابن البنت ابن الكلب.
شلون بالله؟ :larg:

للجميع:
فسّروا المثل التالي:
الجيجة حطت عينا عالبطة، طيزا انشقّ!

هامش مهم جداً لذوي المشاعر الرقيقة ولمرضى السكّري!!!!
حرف الطه الأخير في المثل تقابله نجمة حمراء "*".
ريحت ضميري :larg:

ست وجاريتين ع قلي بيضتين :lol:

حوالينا ولا علينا

مثل ماما المفضل.. خصوصي لما اكون بحبش ع شي شغلة

الراس الغبي.. بيتعب الرجلين :o

"كبرت البيتنجانة و تدندلت جراسا ونسيت قفة الوسخ اللي كانت على راسا"


بينقال للبنت لما بيفرع عودا و بتصير تخبي صورها القديمة اللي طالعة فيها عوكة :lol: