|
اقتباس:
وشو هو هالوعي والشطارة الي بتوزعها الغرب علينا والدين مو قناعة شخصية الدين مفروض علينا بدكم ولا ما بدكم والي بدو يلتزم فيه يلتزم والي ما بدو يصطفل |
اقتباس:
كيف بدهن الأطفال يشوفوا علاقة هالشخصين و يقلدوها ما زال العلاقة عم تتم بالبيت ؟!! يعني بدهن يصوروا حالن بكاميرا و يبعتوا الشريط لقناة سبيس تون لحتى تبثو بفترة بعد الضهر ؟!! :lol: هون صرتي عم تحكي عن الجنس بشكل عام و المساكنة ما عاد إلها دخل بالموضوع ... إذا قصدك انو الأطفال رح يقلدوا بأنن هنن كمان رح يساكنوا فهالشي أكيد مو ممكن لأنو ما في طفل بيقدر يستأجر بيت و يسكن فيه مع بنت الجيران أو رفيقتو بالحضانة :o .. و إذا قصدك بس كبروا فهنن وقتا بيكونوا صاروا بالغين راشدين و مسؤولين عن حالن و أفعالن ... اقتباس:
المساكنة أنا بشوفا (من حيث التطبيق) متل الزواج .. الفرق هو بس انو بالمساكنة ما في عقد بينظم هالشي متل بالزواج .. لما بقول إني مع المساكنة مو معناتا انو كل كام يوم روح أسكن مع شب .. حتى هون بفرنسا لما شب و بنت بيقرروا يعيشوا سوا بيكونوا وصلوا بعلاقتن لمرحلة كتير متقدمة و فهموا بعضن منيح و تعتبر المساكنة بمثابة -الخطبة- عنا و في حال انسجموا مع بعض بيتزوجوا و بينجبوا .. أكيد اليوم بمجتمعنا هالشي صعب كتير انو يتحقق .. بس أنا بالنهاية ما بشوفو شي غلط (إذا بدنا ننظرلو بتجرد عن الدين) خاصةً انو بيخفض بدرجة كبيرة نسبة الطلاقات اللي عم توقع نتيجة عدم التوافق و الإنسجام ... |
شكلكم ما بدكم تقتنعو
وما رح تقتنعو لانه مدامك بفرنسا وعم تشوفي الي عم يصير فيها وانتي مقتنعا فيه نشاء الله تنولي الي بدك ياه الله يوفقك بس انا رأيي ما بتنازل عنو لاني بشوف انه صح وبالنسبة للأطفال فأنا ما قلت وهنن اطفال رح يقلدو ويمكن كتبت انه لما يكبرو ويتعودو انه في هيك شي بمجتمعهم رح يقلدووووه سلااااااااااااااااااااااا اااااااااااااااام |
اقتباس:
اقتباس:
اقتباس:
|
رأي شخصي... مع...انو كل انسان يعيش حريته ضمن حدودها بدون ما يتعدى ع الاخرين (وحريتي عاشر وساكن من اردت وهالشي ما بيعني حدا غيري انا والبنت يللي مساكنها) مع...انو اصحاب الدين يلتزموا بتعاليم دينهم فقط (ولا يطبقوا اعلامهم الديني لا علي ولا غيري) .... مع...انو كل بالغ/بالغة عمرو/عمرها فوق ال 18 سنة يختار طريقه بملء ارادته...وستين جهنم كل من شاء او أبى... مع المساكنة قلبا وقالبا...(ولا مكان لا للوصايا العشر ولا للشريعة ولا للتلمود في قاموسي).... |
اقتباس:
الأطفال غير الشرعيين موجودين بالمجتمع العربي بس المشكلة بطريقة التعامل معون، يعني بدل ما نلاقي حل لوضعون يحفظ حقوقون كبشر مونتجاهل المشكلة كأنها مو موجودة ومندفن راسنا بالرمل، بالعكس يمكن المساكنة تخفف النسبة مو تزيدا لأنو أسهل إثبات نسب الولد وقت معروف أمو مرتبطة بمين أو عايشة مع مين، مشكلة الأطفال غير الشرعيين أنو حتى لو انعرف الأب القانون ما بيثبت نسبون إلا إذا فيه عقد زواج وهاد اللي لازم يتغير. وإذا كل واحد بدنا نتحكم بحياتو لأنو غيرو خايف على ولادو أنون يقلدوه فهي مشكلة، يعني برأيك الغرب معون حق يمنعو الحجاب لأنو ما بدون بناتون يقلدوه؟ متل ما الولاد عم يشوفو مسلسلات وأفلام فيها كتير أشيا ما بدنا ياهون يعملوها، نفس الشي إذا شافو حدا بالواقع عم يعمل شي ما بدنا ياهون يعملوه، فهاد دور الأهل بترباية ولادون، في كتير عالم بالغرب ما بتطبّق المساكنة عن قناعة ومافي شي بيأثر عليهون، ليش نحنا لازم دايماً يكون في مين يفكر ويقرر عنّا. وهي وردة :D وهيدول لسامر وأم الجود :mimo: :mimo: :akh: |
عم حس من النقاش أنو البني آدم ,,, حيوان بلا مخ .. يعني معليش بس فينا نعطي الانسان حقو .. كل انسان عندو عقل وفيو يختار هالشي من عدمو ... وفيو اذا ساكن حدا يدير بالو وما ينتج عن العلاقة طفل ويتجنب كتير مشاكل ... وفيو ينظم أمورو بالطريقة اللي بتناسبو .. أما نتجاهل العقل ونعتبر الانسان كائن غريزي بحت.. هاد غلط تماماً.
بعدين نحنا عم ناقش المساكنة ولا تحريمها ... بظن كلنا بنعرف أنو المساكنة حرام دينياً .. ممكن نتجاوز هالنقطة؟ |
بصراحة ماكنت حابب شارك بالموضوع ...وعمبكتفي بمتابعة المشاركة و الافكار ...
بس لما شطح الموضوع كتير و وصلت الامور للأهانات ...وعمتنبعت التقارير و ماعمبيشي الحال ....قالمشاركة أصبحت واجبة ... واعزرونا.... اقتباس:
هون بتكون عمتحاول ...وبطريقة غبيّة كتير ..انو توصل رسالة.... الرسالة اللي هي تحت ....واللي بتنفهم انو كل واحد مسلم أو مؤمن هو متخلف و بدّو يرجع الوضع لورا....وانو انتو ...اليسار يعني ...اهل الحضارة و التقدم .....والمظلومين على مرّ العصور .....:cry: مارح أدخل معك بمواضيع النبي و وشو حكى و وشو عمل ...هو أكبر و أعلى انو نحطّو موضوع نقاش مع أمثالك بس بدّك أقللك شغلة ....هون أخوية منتدى تغلب عليه صفات العلمانية .....فلا تفكّر حالك ازا شفتلك كم واحد على شاكلتك انو أموركن انحلّت و انو الوضع تغير ..... متل الواحد ازا كان شاذ جنسياً و دخل على نادي الشواذ ...بيقول لحالو ...ياااي أديشنا كتار :yahoo: بس بالحقيقة هنن كتار بس بالنادي ...بيطلعو لبرّة على الواقع بيشوفو حالن انن " ولاشي"...... اقتباس:
|
اقتباس:
كلامك درر شكرا عالرد الرائع انا معك اكيد يمكن ما قرأت كل ردودي لانه 3 ارباعها انحذف المهم جد فشيت خلقي |
اقتباس:
ايه والله فكرة باااااايخة جدا وعبتخانئو مشانا يسلمو حبيبتي |
أنا بقول اللي انتي واياها واياه
اللي بتأيدو موضوع المساكنة يعني البوي والقيرل فرند بالمشرمحي روحو لاقيلكن شي حدا لتسكنو معو وفخار يطبش بعضو:sly: بس لا تنسو شغلة مهمة كتير انو مدام مافي شي بيربطكن كل واحد فيه يترك التاني ويزتو ويهجروبأي وقت متل ما بصير بالغرب لما الرجال بيعرف انو رفيقتو حامل منو بقوم بزتا وما عاد يسأل عنا لأن مافي شي يربطو فيا غير المساكنة:jakoush: وغيرا كتير متل العنف ضد المرأة وغيرا يعني كرامة الحلقة الأضعف راح تصير زبرو على زيرو اذا بيرضيكن هالشي روحو اعملو هيك:o |
اقتباس:
يا عيني .. أنا و غيري سبق و حكينا انو لما نكون مع مو بالضرورة نقوم و نعمل هاد الشي .. يعني على فرض مثلاً إني مع المثلية الجنسية .. لازم صار مثلية حتى طبّق قناعاتي ؟!! أكيد لأ ... بس إذا بدرى انو في بين رفقاتي البنات وحدة مثلية ما ضروري قاطعا و أحكم عليها بالسوء و غير معاملتي الها .. لأنو أنا ما دخلني فيها طالما هي شخص منيح و ما أساءلي بشي و طالما بتعرف انو ميولي غير ميولها و بالتالي ما رح تجي تحاول معي شي معين ... من نفس المنطلق بقول انو أنا ما عندي مشكلة مع اللي بيساكنوا طالما هنن ما عم يؤذوا حدا .. الموضوع شخصي و متعلق فيهن هنن وحدن .. و أنا ما حدا نصبني محامية عن الأخلاق و الشرف لحتى قول عنن منحطين و منحلين .. بيجوز هالـ2 يكونوا عم يعيشوا سوا شي أرقى و أنبل من كتير أشخاص متجوزين و ورقتون بإيدون -يعني دايسين بحلق المجتمع- بس كل واحد منن عم يعمل السبعة و ذمتها بالخفا ... بتمنى تكون وضحت الفكرة ... اقتباس:
أما بالنسبة للعنف ضد المرأة فما بعرف كيف ربطتيه بالمساكنة ..! اديش منسمع حوالينا عن نسوان بياكلوا كل يوم قتلة حشك و لبك من جوازون ؟!! لا يا ستي إذا صار عنف بالمساكنة أرحم و أهون .. عالقليلة فيها المرا تحمل حالا و تمشي .. بس المتجوزة بتنضرب على قلبا و بتسكت لأنو جوزا و الو كلمة عليها ... |
اقتباس:
و ها المجتمعات شبابها يعاني من كبت جنسي خطير, بسبب الفهم الخاطىء للدين و انعدام الحوار بين الآباء و الأبناء في مواضيع الجنس, لازال الجنس taboo و الأنثى لا تعني شيئا غير الجنس بما أن العربي لم يعرف يوما أن لها دماغا مثل الذكر تماما و لها رأيا قد يكون أكثر صوابا من رأيه حسب رأيي لا يزال الوقت مبكرا على المساكنة في المجتمعات العربية |
المساكنة حرام
وتعتبر من زنا المحارم والله تعالي حرمها في القراءن |
رجعنا نضفنا الموضوع ...
بس مشان موضوع الخيار والفقوش مافي شي منو حبيب .. بس مانّا قاعدينلكن 24/7 يعني بظن عنا امور حياتيي وبينشغل الواح ....تأخرنا يوم يومين مافيا شي :D و اولا واخيرا ...رجاء ثم رجاء الالتزام ب اداب الحديث ع مبدأ ( اخي انا ماسبيت عليك لتجي تعصب وتسبني:? ) ف هديلي اعصابك وروق .....انت بتعرف شو حالك وزاتك ونفسك ... وبالاخير حرية شخصية ورأي تاني .احترمتو اوكي... ما احترمتو مشكلتك مابتجي بتسب وبتبهدل وبتتريق.. .. :D ****************** اما ك رأي / اقتباس:
الموضوع كلو ع بعضو مساكنة .. مو زواج :?.. بس يلا سيدي نحنا لساتنا بمرحلة انو بنت وشب ماشيين سوا ..؟؟ ياااخ الله اعلم شو في بيناتن .. اي كيف ما يسكنوا سوا .. اي ما بشرشحوا سلسفيلن :sick: ضمنيا ماني ضدا ..بس بمجتمعنا اكيد لاء |
كالعادة يصل النقاش الى نفس النتيجة ...
اود اقثول للمتدينين ... حاج صرعتونا حرام و حرام ... و تقليد أعمى للغرب ... و الكليشة حفظناها 100% بس بلا فلسلفة ... روحوا شوفو المجتمع المليان رشاوي و كذب و حقد ... و مشاكل طائفية ... و صراحة ملينا منكم جدا جزيلا ... و ملينا من طريقة معالجتكم للامور شوفو الطائفية الدينية وين وصلت العراق و فلسطين و لبنان ... خيو ما بدك تساكن لا تساكن ... ما حدا جبرك تساكن او تنام مع بنت ... و لا حدا اجا ببابك باس صديقتو ... بالنسبة لليساريين ... كمان لازم نعرف انو الحرية الشخصية .. تظل ضمن حدود الحرية الشخصية المسؤولة ... يعني اللمساكنة الافضل منها الزواج المدني بالمحكمة ... لانه عقد مسجل ... و اللي يحب يتزوج من غير دينو (و القانون يمنع هذا الشي) ... يهاجرو ويتزوجوا ببلاد الانسانية ... احسن بكثير من المساكنة لان حياتهم ما رح تكون الا بخطر ... و دمهم اذا راح ... هو انتصار جديد للمتطرفين و رسالة خاصة الى ابو نجبو ... اليوم لو نعمل استفتاء 80% رح يقولون الزرقاوي مجاهد و شهيد ... و القاعدة مجد العرب لذلك لا تعول على المجتمع و رأي المجتمع لانو مسير بالريموت كنترول بالنهاية عن نفسي انا شخصيا ضدها لكثير اسباب ..... بس بالنهاية هي حرية |
انو الي عم تابع بالموضوع .. بعد ما رديت عليه باول صفحة يمكن .. وشفت كتير فوتات وطلعات واتشعغب الموضوع كتير .. في فكرة .. حكتها نيرفانا .. ويبدو لهلا البشرية ما عم تدرلها ..
وانا عكلن لح حاول لخص الموضوع بما شفتو .. فيه فائدة بعد كل هالحكي .. واهما .. معليم .. الشغلة حرام دينيا .. ما في لا 2 ولا 3 ولا 4 .. بيختلفو عليا ... خلصنا نقطة انتهى .. صدقوني .. الشبيبة المقروقة .. واللي عم تحكي عن الموضوع من وجهة نظر ديينية .. الموضوع دييني ما بدو نقاش بنوب يعني .. لانو مبينة حرام اشكرة يعني .. 2 .. شغلة انك تكون مع او ضد .. هي حرية كل واحد فيهم .. لك اخي مو كل العالم دينها .. او معتقداتا بتخلي الواحد يقول لا .. او اي .. اوك انا من العالم اللي ما بقبلا .. لانو ديني بقلي انو حرام .. " على الرغم من اني اصلا مو مع الفكرة متل ما حكيت بردي سابقا .. يعني انا لنمط حياتي ما بفضلا " .. فـ انك تفرض وتقلو هيك وهيك .. ما تحاول تعملا .. عطي رايك .. انو انت هيك .. وما في داعي للتهجم على غيرنا .. 3.. الشبيبة .. اللي عم تحكي عن المساكنة .. انها حل البشرية والتطور ..وانو بس لنطبق هالشغلة .. وبس لنشوف هالحرية " اللي حطيت حدودها بنظرك فقط " .. هية حل لمشاكلنا .. فـ بحب قلك انو غلطان .. وغلطان كتير .. لانو ما دايما الحرية بتعمل .. التطور والحضارة .. ما لح فوت بنقاش هالنقطة كتير كرمال ما يطلع الموضوع بررا ويشذ .. بس رجاء يعني .. ما بقا تفوتو لا قصص دين .. ولا بقا تتقاتلو يا جماعة الخير وحياة الله القصة ما بدا كل هالقد .. وهيكه .. اتزكرو دايما .. انو لو وصل الموضوع ل 10000 صفحة .. والكل قايل .. اي مع المساكنة .. ما لح يلتغى الزواج ابدا عفكرة .. ولا لح ادايق انا او انت .. ولا لح يتطبق بجوز هالشي .. وكمان .. وقت يكون عندك 100 صوت عم يقولو لا .. اللي بدو يساكن .. لح يساكن .. يعني .. ما كتير .. تعملو القصة .. قصة .. كبيرة .. كل مين براسو عقل وبيعرف كيف يشتغل فيه .. ويفكر فيه .. :D |
اقتباس:
الرسائل الخاصة مو من هون ....:p معلمي و تاج راسي انت ..... بين عمتحكي عن جماعات و شخصيات مثيرة للجدل ..وبين أشخاص الهن قدسيّة عندك دخلك وشو بيفرق الزرقاوي عن "تشي".... ما هاد كان الو مناصرين و اعداء و التاني الو مناصرين واعداء.. من عندي عمبقلك ... مافي مقارنة مثلاً بين الملا عمر و بين ابو بكر الصديق ... أو بين المسيح و البابا.... وازا مارح عوّل عالمجتمع و رأي المجتمع ..فالاحسن انو أقعد بخيمة بالبرية أعيش فيها لحالي و ما أتخالط مع البشر ... و من جهة تانية ..انا بأيد جداً فكرة تغيير المجتمع نحو الافضل ...لكن بدون تطرّف ...و بما يتناسب مع ميولنا .... اقتباس:
بالاخير بتبقى حريّة .... :D |
اقتباس:
وأنا بطلب من ادارة المنتدى تسجلك مخالفة على هالحكي.... أنا مو غبي أولا ... تانيا انا ما عم انشر الدعارة أنا طرحت موضوع للنقاش واذا مو قادر ع النقاش لا تناقش أخي..... تالتا أنا عندي نخوة وشرف أكتر بكتير من غيري بس الشرف والنخوة مو متل مانك مفكر انو بحرمان البنات من التفكير والتعصب لأراءك .....لأنو مجرد انك ذكر.... النخوة بتكون باني افهم مشاعر أي أنثى وما عاملها كأنو هيي آلة غسل وطبخ وكوي.... وهالحكي هاد.... وأنا مرتي اذا بدها تعمل اي شي ضمن الأخلاق.... وبدون تحجيم لرأيها أنا ما فيي قلها لأ لأنها انسانة ... بعدين انتا حبيبي معلش تلحمس وما بعرف شو وهيي لأ ؟؟؟ ليش انتا بشو أحسن من أي وحدة بأخوية؟؟؟؟ أنا بظن انو في كتير بنات هون أحسن مني ومنك ومن كتير مخلوقات بتدعي الرجولة لمجرد وجود الشوارب بوشها..... وأنا ما بقلد الزبالة......... أخيرا برجع بقلك انتا متعصب هاد الشي بيخصك بس لاتتطاول عليي رجاء لأني ما أسأتلك شخصيا ولا بسئلك ... لأن انتا أخي بالانسانية.....رغم أنفي شكرا جدا جزيلا |
المساكنة شي حلو وأنا معها 100% وحتى بمجتمعنا ممكن ساكن...بس لو اني بمجتمع غير اللي أنا فيه الموضوع ما بيهمني ...وبعتبر انو ما الو داعي المساكنة حرام....وغلط...ومو لازم يتناقش هالموضوع أبدا هلأ أنا بين الخيارات الأربعة المطروحة، ما لقيت خيار بيعبر عن رأيي، مشان هيك ما رح صوت، بس مع ذلك، بدي أحكي رأيي. "المساكنة حرام" هذا حكم ديني بحت، متل لما منحكي "الخنزير حرام"، أكيد مبني على اعتبارات وأسباب بيحددها الدين. بس بيضال حكم ملزم للمؤمن وما بيلزم غير المؤمن. هلأ الدين بيحاول يفسر ليش وقع التحريم بسلسلة من الأسباب اللي بغض النظر عن كونها مقنعة أو ما مقنعة، بتضالها مقصورة على تبرير الحرمة لأصحاب هذا الدين. مثلا، لما منحكي "الخنزير حرام" لأنو حيوان مش نظيف، وبياكل الوسخ ولحمو ثبت علميا أنو ضار، إلخ.. من المبررات، وبيجي شخص تاني ما مقتنع بالفكرة ولا بالأسباب المذكورة لأنو حسب قناعتو الحيوانات كلها مش نظيفة وبتاكل وسخ، والخروف مثلا لحمو ما كتير صحي لأنو نسبة الكوليسترول عالية فيه، فبشو أحسن من الخنزير؟ إلخ.. الفكرة انو الشي الحرام دينيا ما بالضرورة يكون سيئ بالنسبة للكل، وحتى الشخص المؤمن ممكن يلتزم بالحكم لأنو مقتنع تماما بالأسباب المذكورة أو فقط من باب الالتزام بالدين من غير ما يكون مقتنع كتير بالسبب. وهاي النقطة اللي بدي أوصلا، المساكنة حرام، أوكي، حكم شرعي بلتزم فيه إذا أنا شخص مؤمن، وممكن أقتنع فيه تماما كمان إذا الدين حكالي مثلا المساكنة ممكن تنتج عنها شغلات سلبية في المجتمع وضرر لعدم ضمان حقوق أي من الطرفين. طيب إذا المساكنة تمت على أساس ما بتترتب عنو ها الأضرار، وإذا الأولاد اللي رح ييجو من ها العلاقة رح يكون عندهم نفس الحقوق بالضبط اللي عند الأولاد اللي بييجو من علاقة زواج؟ وإذا ها الصيغة هي صيغة قريبة جدا من الزواج بحيث أنو ممكن حتى توثيقها بعقد رسمي بيضمن للطرفين جميع الحقوق؟ متل ما هو حاليا في الدول الأوروبية؟ اي، بطبيعة الحال إذا انت شخص مؤمن، رأيك ما رح يتغير وما رح تساكن، لأنو مع اختفاء الأسباب، الدين لساتو بيحكي انو المساكنة حرام! بس مع ذلك النتيجة اللي ممكن أوصلا، هي انو المساكنة مانا لا أخلاقية ولا سيئة ولا مضرة بالمجتمع، المساكنة بس بتتنافى مع قناعتي الدينية، مشان هيك ما ممكن أعملا، متل ما الخنزير مانو سيء ولا يؤدي أكلو إلى الوفاة، بس هو "حرام" مشان هيك ما رح أكلو. |
للأسف هيك شغلات من زمان ما كنا نسمع فيها بسورية، بس تغير الزمن بالنسبة لي أنا عشت بالخليج وبأوروبا والحمدلله ما قربت على هيك مواضيع، لكن شفت عرب كتير جربوا هالمواضيع والنتيجة: إما إنو بس يتزوج واحدة تانية فالزواج فاشل بسبب إنه بيكون مشبع عاطفياً أو بيترك البنت وبها لحالة بسورية بالنسبة للبنت كارثة يعني الله ما حرّم شيء من فراغ، والبنت هي الخسرانة عالحالتين وهالشيء ليس عادات أو تقاليد بل هو دين سواء إسلامي أو مسيحي
|
بدي ضيف فكرتين ..
أول فكرة لأبو نجبو ... ما حدا رح يشوف نقيضو صح ... لا الملحد رح يشوف المتدين صح، ولا العكس .. ولا اليمين بقبل اليسار ولا العكس ... الخ ... بيبقى شي واحد ... ننظر للموضوع بشكل انساني ... وبعيد وبزيد وبقول انساني يا جماعة ... يعني مو لأنو فلان يساري هو عاطل وبشجع الانفلات ولا المتدين هو متعصب بالمطلق ويشجع على التزمت ... الانسان معاملة .. مو لأنو فلان متحرر يعني بشجع الفكرة البشعة اللي حكيت عنها وانو مرتو فلتانة إلخ.. صحيح في ناس تسيء استخدام حريتها بس مو الكل.. متل ما بعض الناس تسيء استخدام دينها بس مو الكل ... ليش بناخد الامور بشكل متطرف دائماً. وليش لنحرم الناس من حريتها لوجود أشخاص يسيئون استخدامها.. كتير ناس تسيء باسم الدين، بس ما حدا عم يمنع الدين. يفترض انو نحنا هون جماعة على قدر معين من الفهم .. مو يعني اذا بدو حدا يعيش مع حبيبتو أنو فلتان.. بل على العكس ... وهاد اللي رح يوصلني للفكرة التانية ... واللي هي انسانيتنا .. يعني ممكن يكون في 600 ظرف يمنع حبيب يتجوز حبيبتو ... وهالتنين جماعة "متحررة" خلينا نقول وتتقبل الفكرة وممكن تطبيقها بالنسبة لهم .. ليش لأ ... اذا ما كان عم يضرو حدا .. تنين بحالهم يمكن إزا شفتهم تفكرهم متزوجين .. وبعدين أي شي حتى لو جاي من الغرب .. ما رح يطبق بشكله الغربي بل بيطبع بشكل شرقي إلى حد ما وبتصيرلو خصوصيتو ... هاد بالمطلق ومو بهالموضوع بس. |
اقتباس:
هاد هو الحكي المزبوط انا مع يمان مية المية:D يسلمو يمان:lol: لكل الاعضاء يا ريت تقرو هالرد منيح:D |
اقتباس:
|
اقتباس:
من تقول المساكنة حرام (معناها على اساس ديني ) ... و بهيك فيه الواحد يحكي بحكم كل شي بالدين اما من تقول المسكانة لا اخلاقية ... بهيك تصير الاخلاق اساس النقاش .. و هكذا اقتباس:
من المعتدلين عنا ... ما بيفرقو بين النضال و الارهاب و القتل على اساس الهوية !! بقا لازم نبوس ايدنا انو ما ساءت المعاملة اكتر ! اقتباس:
يعني انت هلا بالصين عم تشتغل و يمكن ولادك بالمدرسة ... بس قبل 100 سنة كان ما حدا يرد السلام عليك ... و بكل سهولة يقللولك غادر ارضنا .. لانك اجنبي .. المجتمع متقلب ... هذا اللي اريد قولو مو بسهولة تقول لواحد بمنطقة قبلية .. قوانين القبيلة اهم من قوانين الدولة ... و اذا ما يعجبك روح هاجر من منطقتك ! مو عملي هذا الحكي ... اقتباس:
|
اقتباس:
الي بيلاحظ انو انا ما شاركت بالموضوع الا لبين ماصار شطط و تخبيص من البعض .... ونحن حكينا مراراً و تكراراً.... لاتقلبو مواضيع انسانية اجتماعي لحوار طرشان بين جهتين متباعدتين متباغضتين كتير من الاعضاء الجداد ما بيعرفو أخوية منيح ....بيحولو الموضوع لنقاش ديني - علماني ...او يمين - يساري ونحن طلبنا من الجداد ...عبر البرايفت انو رجائاً لا حدا يقحم موضوع الدين و الايات القرأنية وا الانجيلية بهيك شغلات .... أخونا "بالأنسانية" اتهم المتدينين بأنهم متخلفين و انو تعاليم الانبياء بترجّع الانسان لعصور الظلمة و الظلام... وواحد تاني قال طز بالشرائع السماويّة ....فيكي تقوليلي شو بدها تكون ردّة الفعل ....!! معلش انا انسان وسط كتير ...معتدل يعني ....ومنفتح كتير على الاراء و الافكار الجديدة ...وحتى الغريبة منها ... حتى لو كانت بتمسّ بمعتقدي ...بتبقى وجهات نظر و مجبر عليي أحترامها ...لما بتنطرح باحترام بس لمّا بتنطرح بتهور و تطرف و تصوير الوضع على انو في ملايين " البلهاء و كدش" متديننين و عايشين متل الانعام ... فـ رح أتطرف بموقفي و الوسطية الالي عندي رح تنتفي ..ويحل محلها تشدد و و توصل للكراهيّة ...و بهالحالة مارح نصل لنتيجة و تزيد الهوة و الفرقة بين الناس ..... وعلى ما يبدو انو انا أسأت وصف اليسار بردّي الاول ...لانو بعرف انو مو كل اليساريين متل أخونا اللي فوق ..... وانو هو مابيمثل الا حالو .....و اليسار منّو براء .... |
اقتباس:
بتفرق... اقتباس:
اذا مالك معتقد أو محترم انو في شخصية الها قدسية عند شريحة كتير كبيرة من البشر...كيف بدّك العالم تحترم و تسمع الك ....؟ برجع بقول انو كنت متابع الموضوع من أولو ....وكتير الوضع عادي و مريح...وكتير من الافكار اللي انطرحت كانت مقنعة ...لبين ماصار تخبيص وشطط....من حضرتك وجب التنويه.... |
اقتباس:
صاحب الموضوع حط بأحد الخيارات انو المساكنة حرام ...فهو قطعاً افترض انو الموضوع رح يقلب لنقاش ديني ...كونو حطّو ضمن الخيارات ...لو انو استبدل هالخيار ب " لا أقبل المسكانة ....مابتتناسب معي " ممكن هداك الوقت أخد الموضوع بحسن النية و نتناقش ....على المبدأ الانساني يعني من وجهة نظر دينية فهو حرام ...لالبس فيه ... أما من وجهة نظر الانسانيّة ...فينا نتناقش وناخد و نعطي بكلام فيه .... اقتباس:
انا قلت انو شخصيات مثيرة للجدل.... مافي كتير ناس بتحبّ هتلر و بتؤمن فيه لابعد الحدود.... لك لاتروح لبعيد .... حافظ الاسد ...كتير من البشر بيعتبروه مناضل و مكافح .....وكتير من الناس كمان بيعتبروه مجرم سفّاح خرب الدنيا مالي أبداً من مناصري الزرقاوي أو بن لادن ولا هل الشلّة ....بس بيبقو انو الن حضور عند شريحة واسعة مابتقدر تلغيها أو تنفيها الا بالحوار ....البنّاء كمان اقتباس:
لكن هل تعلم انو هالانفتاح ما أدى انو يفقدو عاداتن ...وانو كتير كتير بيعانو من الافكار و العادات الغريبة المستوردة .... هل تعلم انو الصين ما غيرت أي عيد ديني من 2000 سنة لحد هاللحظة ..مع انو الحزب الشيوعي مستلم السلطة من 70 سنة ....لكن لحد اليوم بيحتفلو بيوم التنين و عيد الربيع و رأس السنة الصينية و نفس العادات اللي كانو يمارسوها من مئات السنين محافظين عليها ..... صار في انفتاح نعم ....تغيرت طريقة اللبس و الاكل و التفكير...نوعاً ما ..ممكن ... لكن لحد اليوم تقديس حميمية العائلة و احترام الجد و الجدة شي مقدس ما حدا ممكن يقرّب عليه .....وماحد ممكن يغيرو .... ما بخفيك ....من وجهة نظري..... انو النظريات الجاهزة أثبتت فشلها بالتطبيق بدون احترام الخصوصية و البيئة و الموروث ..... انا مؤمن ايمان تام انو المجتمع يجب أن يتغير ....لكن بيلزمو الوقت الكافي ....و بدون تطرّف ....... بيكفي....العراق امامنا شاهد ....لما صار التحول الديموقراطي السريع كلف ملايين البشر .....فما بالك بالتحول الديموقراطي الاجتماعي ..... وأحلى دكتور أبو سارة :D |
بالنسبة للاستفتاء ما حشارك لان ما بيشمل كل الخيارات
يعني معلش شيل الدين وشيل المجتمع وشيل كل شي الشهوة الانسانية ما بيحكمها لا مخ ولا علم ولا دين لهيك اذا البنت رح تبقى محتاطة طول الوقت لحتى ما تعمل اغراء والشب رح يحاول يتصرف كاخ ما بيشتهي البنت الي معه فهي صارت مسخرة فما بتظبط :D |
اقتباس:
اقتباس:
اقتباس:
مجتمعنا عميتطور.. بس بدو وقت طويل لعدة اسباب منها السياسية ومنها العقائدية وثقافية .. اما بالنسبة لسكن الشب مع الفتاة.. فانا ( شخصيا ) مابشوف فيها شي طالما هن محترمين خصوصية المجتمع وما عميعملو شي غلط بنص الطريق .. يااخي هن ببيتن شو الك انت شو عميعملو .. انا بدي عقب على نقطة لاحظتها.. الا وهي خوف البعض من الانفتاح .. انو ممكن يتسبب بفلتان اخلاقي وفساد ومن هالحكي.. هلا هي وجهة نظر فيها شيء من الصحة.. يعني مجتمعنا الشرقي الو عادات وتقاليد صعب انك تغيرا بيوم وليلة ولا بسنة وسنتين .. ولو صار اي انفتاح بشكل سريع .. السيطرة على ردة الفعل مارح تكون سهلة ابدا.. عجبني رد عميقول.. انو نحنا مافينا نكون اوروبا وفينا نتطور بدون مانقلد... حلو كتير بس كمان نحنا مافينا نتطور ونحنا بهالعقول المتحجرة .. لما نصير نشوف الانثى على انها ((((إنسان)))) متلك متلا وقتا فيك تقول انو نحنا فينا نتطور .. :D |
اقتباس:
مشكورة حبيبتي على الوردة تسلم ايدك ومتل ما قلت قبل انا عندي رأي وقلتو وما رح غيرو ومتل ما قلتي انه الغرب بيمنعو بناتهم من لبس الحجاب ليش نحن ما نمنع الفساد الي وصلونا الو الغرب بالعكس الكل صار شالح تيابو ولما تجي تسأل بيقلولك موضا الله يسترنا بس سلام تحياتي الك وللكل وبتمنى ما حدا يزعل وانا ما بفرض عليكم رأيي ولا رح افرضو لانه انتم ويين وانا وين وبالنهايا كل واحد بشوف مصلحتو وبيعرف لشو بدها توصلو يلا سلااااااااام |
اقتباس:
بس اقري الف ليلة و ليلة ... و تعالي نحكي |
اقتباس:
كان في عصابة امريكية مشهروة مكونة من شخص و مرتو (بوني آند كلايد) ... كل يوم تسرق بولاية شكل ... كتير اميركان تعاطفوا معها ... و حتى عملوا اغنية للعصابة و حبوا لو تستمر تعمل عمليات سطو جديدة بس هذا ما يعني انو ممكن ناخذ برأي هدول المتعاطفين معها ... لان القانون ما يعرف شي اسمو عاطفة ! لذلك من البداية قلتلك .. رأي مجتمعاتنا متقلب و كل يوم يمدحو واحد و بعد سنة يطلع هو راس البلا ... اذا القنوات العربية هيك تعمل ... فما بالك الشعب :larg: اقتباس:
انا معها .. انو لكل مجتمع خصوصية ... و كل تجربة ديمقراطية الها نكهة خاصة .. بس لازم تبدي خطوة الميل الاول (في مسيرة الالف ميل) ... و طبعا اول خطوة اصعب خطوة هي الصين امامك ... تغيرت كثير شغلات .... بس ما غيروا الاعياد الوطنية و الدينية ... نفس الشي عنا ... صار التغييرات الكبيرة و ظلينا محافظين على الخصوصية لكن اللي صار عدنا خلال العشرين او تلاثين سنة الاخيرة .... انو رجعنا كتير بكل المجالات .. و صار الاحتفال بالحدث اهم من الحدث نفسو ... لمجرد حب الظهور و العناد على شركاء الوطن ... او على العالم الخارجي ... التراث لازم ما يقف عائق اما التقدم ... و اذا وقف عائق المفروض لازم ينحد من تأثيرو (لا يتعمم و يعيق كل المجتمع) عندك مثال قبل كانت المرا تتجوز بلا ما تشوف العريس (و ما زالت ببعض المناطق) .. هي الشغلة اذا انلغت من المجتمع .. لازم تنلغي معها كثير شغلات اخرى ... مثل سلطة الاب ... و انو كلمة الرجل ما تنزل الارض ... و انو البنت لابن عمها ... ما تروح للغريب ... ما ممكن بس تعطي حق الشاب و الشابة بزواج من تحب بدون اعادة صياغة العلاقات الاسرية و المجتمعية يعني قبل ما تمنح حق اختيار الشريك ... لازم تعطي حق ابداء الرأي بالبيت و حق التحكم بالمستقبل ... ضمن الحدود اللي في تغير و تقلب ... و بكل مجتمع هناك المحافظين (بشتى الدرجات) ... و الاصلاحيين (بشتى الدرجات) ... و احلى ابو نجبو ... :D:D:D |
اقتباس:
جواب نهائي !! |
انو تكون المساكنة حالة عامة .. اكيد انا ضد ..
بس انو تكون حل مطروح بسبب ظرف معيين أعتقد انو لازم نعرف الظرف حتى نقدر نفهم ليش اللجوء ألها .. هلأ ليش انا ضد.. فمو لأسباب دينية .. ولا اجتماعية .. بس لأنو غالبية النساء بحاجة للاستقرار .. لذا فأنو هذه التجربة ما تحقق للمرأة بشكل عام اهدافها من العلاقة ،كما ان موقف المرأة في المجتمع_اي مجتمع_ ضعيف وهي بحاجة الى ورقة قانونية تضمن حقوقها .. طبعا"كلامي لاينسحب على جميع النساء انما على الغالبية .. |
اقتباس:
هههههههههههههههههه هدا الي طلع معك اي يا اخي انا لابدي اقرأ الف ليلي وليلة او غيرو ورأيي رح ضل عندو سلام |
كتير فكرة حلوة
بس مجتمعنا ....................... |
اقتباس:
بس انو اسطاونة تقليد الغرب ... خلصت من السبعينات ... صار لازملها تبديل لاسطوانة جديدة بعدين اذا هيك الغرب ... ليش المغاربة مالين فرنسا ملي ؟! المهم ما اعتقد تعليقي مضحك حتى تضحكي حضرتك ... بس انو هون نقاش جدي ... |
بعرف انه جدي
وانا مو شغلتي المغاربة الي مليين فرنسا المهم انا لا فرنسا ولا غيرها من الدول الغربية وخاصتا ادا رح تبعدني عن ديني وتقليدي بتغريني وإدا ما بدكم رأيي او رأي غيري الي ما حبدو الفكرة فماتحطو المشاركة من الاساس بناقش معكم وما لازم ضنو انه انا بسب او بشتم او حتى اني بكرهمك بالعكس انا بحب الكل وانتم متل اخواتي وادا واحد من اخواتي عندو رأي متل رأيكم رح خالفو ومو بس خي انشاء الله يكون ابي لانه انا هي فكرتي على المساكنة والتقليد الي صاير بالعالم العربي وانا من الاول تمنيت ما حدا يزعل مني وبعتزر ادا سببت خلاف بالمشاركة بس هدا رأيي وبتمنى تحترمووووووه وجد انا لو برضى لحدا فيكم هالشي بكون برضاه لحالي لانه انا منكم وفيكم بالنهاية كلنا عرب وجد كتير بحبكم وانا ما بكره حدى سلام |
الى هذه اللحظة ... انتي ما فهمتي النقطة اللي حكيتها ...
انو لو تقرأي الف ليلة و ليلة و غيرها من التراث العربي المليئ بالامور الجنسية ... رح تعرفي انو هيك شغلات مو تقليد للغرب .. .. على العموم ... رأيك و نحترمو ... بس المهم انتي تحترمي حرية الفرد ... |
| الساعة بإيدك هلق يا سيدي 19:49 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون