|
لك ليش هيك الدنيا مكركبة هون ......:cry:
انا مو طلبت من الولاد مايدخلو لمضافتنا .... لك يا أحبائي الصغار ...كرمال الرسل كنّو بقى و ريحونا منكن شوي ....والله راسنا مطووش ...حلّو عننا شوي خلص خلص وانا بوعدكن اجبلكن دروبس و علك دعابيل و مصّاصات ....بس فرقونا |
اقتباس:
اقتباس:
وفي خوف يمر به الطفل عن تجارب مؤلمه ..كحادثه موت ..او انفصال الوالدين ... طبعا كلنا مرينا بهل المرحله ..وكل واحد فينا كان يخاف من شي معين وترك اثر كبير فينا لحد الان ..وبتاثر حتى على نفسيتنا بطريقه ما ... اهم العوامل الي ممكن تخلي الطفل يتغلب على الخوف ...هو جعل الطفل يعترف بمخاوفه والاستماع له وعدم السخريه منه او من مخاوفه .... |
[quote=ابو نجبو;1332079]لك ليش هيك الدنيا مكركبة هون ......:cry:
انا مو طلبت من الولاد مايدخلو لمضافتنا .... quote] بسيطه ابو نجبو طول بالك ..لان الولد بضل ولاد ...شو بتعمول والشغله كلها زوق :p |
اقتباس:
:D |
كان بابا يخوفني من( النور) او( البدو) ويقلي هلق النوري رح يجي ياخدك اذا ما بتسمعي مني
ولمرحلة صرت شوف كل مين لبس عباية نوري وكان جدي الله يرحمو يلبس لباس عربي عباية وقنباز وشو بيعرفني شو مرة شفتو لجدي رحت اركض لعند بابا وابكي وقلو بابا بابا نوري بدو ياخدني وطلع هالنوري هو جدي:lol: جد شي كتير خطير انو نخوف الطفل من شي معين لان بيكبر ومعو هالخوف جواتو في ناس بيخوفو اولادون من دكتور الاسنان ومن الابرة ومن الشرطي وهاد كلو غلط بغلط وبياثر على نفسية الطفل وقوة شخصيتو لبعدين |
صحيح انو انا اعترض على اسم شيوخ الاخوية .. لازم ختيارية الاخوية ..:p لانو الشيوخ هني هدول جماعة اللحى ومدري كيف .. اما الختيارية تدل على الكبر والعتي وما ادراك ما العتي .. يا حيام ..:p
لك ابو نجبو وابو العبد انو عرفت ليش عملتو هالموضوع شكلو بدكو عرايس مش عارفين كيف ويكونو قراب من عمركن فانو يعني وهكزا .. اخ بس العزوبية شو بتعمل ..:lol::p |
اقتباس:
اقتباس:
|
اقتباس:
لا المشيخة بطلناها زمان لانو هيك يعني ما بتطعمي خبز .. في مشاريع اخرى تانية ..:larg: ما عرفتك وانت ملاك..:lol: |
m
شو شكلو الختايرة عما ينامو عبكير صحي نحنا ختايرة بس خلي قلوبكون شباب شه.
|
مظبوط، أنا عم نام عبكير، يعني 10 بالكتير 11 بكون بسابع نومة، بس من وقت اللي كنت صغيرة وأنا هيك ما في شي جديد.
 |
m
اقتباس:
|
خيو قلنالكن انو اللي عندو شي موضوع عانن على بالو يشلفو هون ..لاحدا ينتظر...شبكن نمتو ....
شمّتو فينا الولاد :p |
:na3san::na3san::onetv:
كل الختيارية تأحط أنا لساتني شب 24 و12 شهر الا كام يوم ايواااااااااااااااااا |
اقتباس:
|
الغوربي
صباح المسا لاحلى شيوخ اخوية ومية وردة حابين نحكي اليوم عن موضوع كتير مهم الا وهو الغربة على قولة فارس ابن ابي كرم الله يلعن بي الغربة شو سوت بحالي مرة ومرمرلتي ألبي وسرئت مني الغالي :cry: اذا حابين تسمعوها - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - حابين نعرف شو الاسباب الي بتدفع الواحد انو يتغرب عن اهلو وناسو حابين انو كل واحد تغرب يحكيلنا عن تجبرتو كيف بدت وهل قدر يتأقلم مع الوضع لجديد وحتى الي ماتغرب يحكيلنا شو فكرتو عن الغربة ويعطيكن العافية :D |
وحتى الي ماتغرب يحكيلنا شو فكرتو عن الغربة...
" وان منكم الا واردها" لا أعتقد ان أحدا قد فرّ من قدر الغربة او لم يتجرع من كأسها والحنين جغرافية يبدأ حدوده من أول تسارع للقلب خارج الهواء الذي ألفه واعتادته خلايا جسده وانسجته الغُربة شجرةٌ قد يكون الوطن أكثر المناطق صلاحية لزراعتها ونموها |
انا اذا بدي اتغرب لسببين عمل او دراسة
والسبب التاني زواج:sosweet: انا لسا ما اغتبرت ولاجربت الاغتراب كل يلي اغتبرتون 15 يوم مرتين بلبنان سياحة :lol: واسبوع سياحة بالبحرين:lol: يعني ما لحقت اغترب بس ياعمي حتى بهالكم يوم يلي طلعت فيا برا البلد رجعت عالبيت عم قول لابي اخ يابابا الغربة صعبة:shock: |
اقتباس:
:p |
أنا وقت تجوزت على لبنان فكرت حالي ما عم اتغرب، أنو المفروض الوضع كتير قريب من بعضو، يعني أصلاً كلا ساعة ساعة وشوي وبصير بنص الشام عند أهلي. بس تاري القصة مو هيك بالظبط، أول شي في بعد عن كل شي الواحد متعود عليه، يعني الرفقات والأهل وحتى الشوارع، وبعدين هون ما بتعرف كيف ماشي البلد، يعني في دولة وما في دولة، يعني بالشام صحيح كنا نضل ننق من الفساد والأمن (كسلطة طبعاً) بس أنو يا محلاهون قدام أنك كل يوم لازم تسمع الأخبار وتشوف كل زعيم شو مزاجو اليوم لتعرف شو ممكن يصير معك بس تطلع من البيت.
|
والله يا أبو العبد جبتها عالجرح ......:cry: يمكن انا من أول ماوعيت عالدنيا و مغهوم الغربة و شعورها عمبينمو جواتي ... لذلك من أول فرصة الي ...غادرت .... بس بيني وبينك ..لما تغرّبت ...اصبح عندي شعور حنيني غريب اتجاه البلد .... من المعروف انو في كتير من الاشخاص الل بيتغرّبو ..وخاصة لبلد أجنبي متقدّم....بيصير ينظر لبلدو نظرة دونيّة ...حتّى في بشر بيرحلك سنتين زمان بيرجع غير نمط ....قرفان ...نقوزي....ومابيعرف كيف بدّو يرجع..... أنا بالعكس ..كل ما روح و أزور بلاد تانية ...مع انو زرت بلاد كتيرة.. بتطرّف صرت ما بشوف أحلا و أجمل و أحسن من بلادنا ..... بالنسبة لالي صارت الغربة حاجة أكتر ما تكون حلم ...... |
اقتباس:
انا الي بالغربه 6 سنين ...ولما اتغربت كانت لاسباب عائليه ...كنت احلم كتير بالسفر بس لما صار وصرت بالغربه خفت كتير وخاص مجتمع مختلف كليا عنا ...بس لما بلشت اتأقلم مع الوضع ...اختلفت نظرتي كليا ...انا ما بقلك اني ما بشتاق لبلدي وما بتمنى ارجعلها ..بس للاسف ..لما بشوف شو الي عم يصير بالبلد والي عم ترجع لورى ..بحس بالاسف والالم .... اما الغربه عطتيني الالم والوحده الي كمان كنت حس فيون ببلدي وطورتني عمليا لابعد الحدود ولو كنت ببلدي ما كنت اطورت ولا اتقدمت بهل الشكل .وهدا الشي مافيني انكره ...الصراحه الغربه عطتيني عمليا الي ما عطاني بلدي ...وفكريا فتحتني كتير وعلمتني كيف اتقبل الاخر .....عائليا اكيد في شوق بس يمكن للذكريات مو اكتر ... والصراحه انا ما بفكر ارجع ...اول سنه كنت اتمنى ارجع ..بس الوقت هلى لا ..الغربه ضافتلي كتير مفاهيم ع شخصيتي وعلمتني اشياء كتير كبيره ..... حلوه ومره ...متل هل الوطن الي هو حلو ومر ..... وهي الك :D |
أنا من كتر ما بحب البلد كرهتا.. حاسة حالي كرهتا كتير.. وما عاد في شي بيربطني فيها.. وحاسة انو زيمبابوي أقرب إلي من بلدي... حاسة انو ما فيني قدملها شي ولا هيي فيها تقدملي شي .. حتى الحلم بعييييد..
أنا رايحة.. وما عاد بدي شي.. حتى ذكرياتي ما بدي ياها.. |
الغربةُ مثل الفودكا كلاهما يفتكان في جسدي فتكَ النّسرِ بطريدته!
كنتُ في غربةٍ إبّانَ دراستي في لبنانَ، غربةٍ في لهجتي، وغربةٍ في مهجتي! كنتُ غريباً عن أجواءِ هذا البلد، عن جوّه السياسيّ، وعن جوّه الاجتماعيّ... إلخ! وما أن تآلفتُ "فكرياً" معه، بعد عامٍ أو عامين من الدراسة فيه، حتّى بدأت سلاسلُ الغربة تتفكّك عن أوصالي ولمّا تتمّ عتقي بكليّتي حتّى غادرتُه إلى بلدٍ أوروبيّ في صدرِه الغربيّ ينبضُ قلباً شرقيّا! مكثتُ فيه أربعة أعوام ونيّف وذقتُ الغربة كما لم أفعل في لبنان! وبعدَ مضيّ هذه الأعوام... وبعدَ أن صقلتُ جهالتي، وقوّمتُ ما خلّفته العادات البالية في نفسي، ومنحتُ هذه النفس مكاناً فسيحاً تلهجُ فيه وتلهو، اقتطفتُه من حياتي الدنيا في عالمٍ غريقٍ بأسباب المادّة؛ دفعتني الظروف إلى العودة إلى بلدي. وما أن راحت الأيّامُ الأولى تعدو حتى اختنقتُ وقلتُ: غربةٌ في الوطن لأشدُّ كفراً من أيّة غربة! كنتُ غريباً عن بلدي وأبنائه في فكري وعاداتي ومهما فعلتُ إلا أنّني بقيتُ على هذه الحال قلباً واضطررتُ إلى أن أكون على غيرها قالباً! وها قد عُدتُ لبنان وغربتي لمّا تزل على ذينك الحال! هذا العالمُ بأسرِه لن يفكّ غربةَ نفسي عنه وعن أصحابِه! :D. |
اقتباس:
|
اقتباس:
|
اقتباس:
|
اقتباس:
اقتباس:
وهي الك صفصف :D اقتباس:
اقتباس:
وانا الحمدلله لتنين فاقدن:lol: اقتباس:
اقتباس:
انو مالقيتي غير البحرين تعملي فيها سياحة:pos: |
اقتباس:
تخيّل انو في واحد من المعارف طلع عالامارات سنة ونص ولمّا رجع قال نسي وين مكان بيت أهلو......:? هيك أصناف ما بتخرط مشطي أبداً....:sick: |
وأنا معاكم ياأحباب وكل رمضان وأنتم بخير وعيد فطر سعيد للكبار والصغار يارب .
|
الغربة سياحة وسفر.......وتغير جو يعني:shock:
صرلي مغرب شي خمس سنين......شفت كتير وفتلت أكتر..........الغربة غيرت كتير اشيا فيي.......يمكن علمتني القسوة للدرجة كبيرة.........وخسرتني ناس وحباب كتير.........ورغم هيك أخدت منها مكاسب كبيرة....أن مادية ولا معنوية........وبنت عندي نظر جديدة للواقع |
سجلوني معكم عمري 32 سنة :larg:
كان حلمي اطفش من البلد :frown: وبعد ماجبت الفيزا على النمسا ( روحا بلا رجعا ):sly: اهلي مرضو وبما اني وحيد طريت طل بل بلد منشان دير بالي عليهم :cry::cry: بس رح يجي يوم اطفش:yahoo::clap: |
اقتباس:
|
مسا الخير يا ختيارية كيفكن؟ وكيف ايامكن؟ ان شالله داحلين منيح ... اي شي بدكن ياه وصونا لانو يعني بدل ما تتغلبو وتتعبو حاكم انتو لانو ختيارية رح تهلكو بسرعة من المشي بس نحنا لا .. يعني اي خدمة جاهزين ها .. بلكي كسبنا ثواب من وراكن..:o:p
صحيح نسيت قول هلا والله حيالله ولعيونكن هالرقبة سدادة يا ختيارية ..:p |
اقتباس:
شكيلات ...خيلة |
اقتباس:
كتير بشوف شباب جايين جديد على الغربة و بيحكو مع أولاد البلد بكلمات أجنبية ههههههههه |
اقتباس:
في شب ايام الجامعة سافر عتركيا شهر بعد ما رجع رحنا عالمطعم قام طلب (واحد كاتون وواحد مندريز) طبعا طلبن بكل جدية وثقة بالنفس مع العلم انو هي اول مرة بحياتو بيطلع برات الشام:lol: هامش : كاتون = كاتو = كيكه مندريز = مندرين |
اقتباس:
بنتبه كمان على قصة بتصير عن السوريين اللي برا.. مثلا بس ينسأل الواحد انت من وين بيقول أنا كردي .. او انا شركسي.. او انا سوري بس "مسيحي" او من أصل كذا أو كذا.. متل كأنو عم يهربو من كلمة سوري أو عربي.. ومتل كانو عم يستثنو حالهون من الرعاع العايشين بسوريا |
اقتباس:
|
اقتباس:
هي الك ولأروى:D:D |
اقتباس:
هلا بالنسبة للشق التاني ويللي هو الهرب أو تجنب كلمة "عربي" فهو أمر صحيح وأنا بسورية وخارج سورية بتجنبها لأن أصلاً السوريين ليسوا عرباً. ودائماً بكتفي بقول عن حالي "سوري" دون أي إضافة أخرى. ومعروف تماماً شو علاقة السوريين بالعرب والقبائل العربيّة، وكمان تاريخ سورية والآثار الممتدة من شمالها لجنوبها بتأكد أنو سورية بلد السوريين ويلي ما بيعرف شو معنى الكلمة يا ريت يراجع اللغات اللاتينية أو اليونانية قبل قرن من الزمن ليعرف أنو كلمة سوري تعني سرياني بس وجود دولة بهالاسم خلانا نفصل بين اسم شعب وبين صاحب جنسيّة... أنا هون ماني بصدد لشرح انتماء معين أو سرينة السوريين أو الدفاع عن فلان أو علتان... إلخ! أنا كتبت اللي كتبتو أعلاه بس للتأكيد على أنو من الخطأ يقول السوري عن نفسو بأنّو عربي إلا اللهمّ إذا كان منتمي لشي قبيلة عربيّة من قبائل البدو أو القرى أو المدن. وكمان لا ننسَ أنو كلمة "العربية" اللي انضافت لاسم "الجمهورية السورية" كانت على عهد الشيشكلي يعني من نص قرن! وبصراحة كاملة أنا ما بحب دين أي مغترب على تصرفاتو، لأن لو كان البلد مشبع ابنو ومعلمو ما كان صار هيك! فلا تلوموا حدن لأن رح يجي يوم وتمروا بنفس التجربة! :D. |
| الساعة بإيدك هلق يا سيدي 19:42 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون