|
يا لطيف شو كبيت وراق من ورا ها..يعني و حاولت حلا بمليون طريقه!
1- 4 طابات ب 4 فمتوازنو منشيل 3من هون و 3 من هونيك!! 2-1 ب 1(طابه) توازنو منشيل وحده من الطابتين! و منحط بالميله التانيه طابه من يلي شلناهن اول شي! 3- 1ب1 (طابه) مفي توازن..يبقى الطابه يلي حطيناها اخر شي هي يلي غير الباقي... ممم هلأ ازا اخف او اتقل هي بتبين ازا كان من الاول في ميله اخف من ميل!! هلأ ازا هيك اوكي بكون عرفنا الطابه الغير..بس انو مش لازم يكون الن وزن الطابات لحتى نعرف ازا هي اخف او اتقل؟؟:sly::p الله يستر!ازا هي الطريقه غلط ما عاد رح حاول!!بدنا شي جديد:o |
اقتباس:
بما إنك (يا لطيييييييييف شو كبيتي وراق من وراها) وبما إني بتعاطف مع جماعة القبابيع الخضرا.. فـ حفاظاً على أشجار الكوكب (اللي عم يقطعوها ويعملوها ورق.. ت تجي إنتي تكبيه ع المسألة).. رح قلّك الحل: الوزنة الأولى: منحط 4 بـ 4 بيتوازنوا (هيدا طبعاً الاحتمال الأول والأسهل، في احتمال إنهن يختلفوا.. بس هلق رح ناقش الأسهل) بما إنهن توازنوا.. هاد يعني إنو الكرة الشاذة هي بالأربعة الباقيين اللي ما وزناهن الوزنة التانية: منحط 3 بـ 3 بس الفكرة شو هني هالـ 3 بـ 3؟ قال يا ستي منحط ع الكفة الأولى كرتين من الأربعة الملغومات (المشكوك بأمرهن) وكرة من الكرات الصحيحة (اللي وزناهن أول مرة) ومنحط ع الكفة المقابلة كرتين صحيحات وكرة ملغومة وبيبقى عنا كرة ملغومة رابعة ع جنب شو الاحتمالات هون لهالوزنة؟ الاحتمال الأول: تطلع الكفة الأولى (2 ملغومة + صحيحة) وتهبط الكفة التانية (2 صحيحة ووحدة ملغومة) شو منعمل هون؟ الوزنة التالتة: مناخد التنتين الملغومات من الكفة الأولى.. ومنوزنهن مقابيل بعض أي وحدة منهن بتطلع.. فـ هي الشاذة.. وهي أخف أما إذا.. بس وزناهن هيدول التنتين تساووا.. فـ شو؟ بيبقى الكرة الشاذة هي الملغومة من الكفة التانية.. وهي شو؟ أتقل إجباري وهيك (بنفس المبدأ ونفس التفننات) بقية الحل مع الاحتمال التاني جيد؟ |
:shock:صحي قريت الحل مرتين تلاته! بس زبطتها بعقلي
جيد!ميرسي!:D |
اقتباس:
|
اقتباس:
هيداك الحل كان اسهل علي افهمو انو 3 وزنات!بس خلص سكرت:p يا ريت ننسى هلبروبلم:jakoush: :D |
اقتباس:
طيب.. بس تبقى تفتح.. إرجعي إقري الحل ع مهلك.. بتزبط انسينا هالبروبليم.. هلق رح نجيب بروبليم تانية.. من التراث العربي والهندي (ذكرها صاحبنا البيروني بواحد من كتبو).. جاهزة؟ |
رح إطرح مسألتين صغار.. يمكن سهلين شوي.. بس كل وحدة منهن وراها فكرة.. حكي عنها البيروني بـ كتابو "في تحقيق ما للهند من مقولة مقبولة أو مرذولة"
هالمسائل بيتعلّقوا بـ "راشيكات الهند" (يعني "النسبة والتناسب" واللي هي حسابات كانت متداولة كتير بالدواوين والمساحات والحسابات المتعلقة بالنجوم وغيرها.. المسألة الأولى اسمها "بنج راشيك" أو "تناسب الخمسة حدود" يعطينا مولانا البيروني مثلاً.. فيقول: إن قيل إن ثمانية نفر حفروا في ثلاثة أيام ست أذرع، فالخمسة أذرع في يومين، كم نفر يحفرونا؟ |
تكه .. احكيلنا الجملة بالعربي شنو صاحبك معدوم هنديا يعني .. شو المطلوب ؟؟
|
بمعادلة بسيطة يطلع 4 نفر
|
بده عشرة نفر ... ليحفروا 5 اذرع بيومين
|
اقتباس:
صار خطا ... لازم عشرة نفر :lol: |
اقتباس:
خيو.. عندك قطعة أرض.. بدك تفلحها.. رحت أول يوم.. وجبت تمان شوايا (جمع شاوي).. قعدوا تلات تيام يشتغلوا.. فكانت النتيجة إنهن فلحولك من الأرض ست متار.. بقي عندك بهالأرض يا معلم.. خمس متار بدهن فلاحة.. فـ إذا بدك تقسّم الشغل ع الشوايا لمدة يومين.. كام شاوي بتحتاج؟ (على اعتبار إنو الشوايا هيدول استاندارد.. بيعطوا استطاعة كلهن قد بعض) |
جيّد.. عشرة نفر
فيكن تقولولنا كيف حسبتوها؟ مشان قلكن كيف كان البيروني يحسبها :) |
بالنسبة الي ... حسبت كل نفر كم ذراع ببيحفر باليوم ... طلع معي ربع ذراع ... وشفت انه الخمس اذرع على يومين معناها ذراعين ونص باليوم ... معناها كل يوم بدنا عشر نفرات :lol:
|
اي تمام متل يمان .. زبطت معي يعني ..
انو .. خيو 6 متار ع 3 تيام باليوم مترين .. بعدو .. مترين عـ 8 يعني طلعلو للواحد ربع متر .. ربع متر للواحد بدك 5 متار عيومين يعني كل يوم .. مترين وفص .. بقا بدك تشوط 10 عمال وبتطلع فالصو .. بس دقيقة بركدن في شي طريقة تانية ازا عملا البيروني بطريقة تانية .. تكه لنشوف |
اي مشي الحال لقيتا ..تكه لقلكم كيف زبطتا بس
|
هات لنشوف :pos:
|
هلّا لو بدنا نشتغل .. على مبدا صف الاول .. وكيف كنا نكتب .. فينا نعمل هيك ..
كل 8 عمّال .. بـ 3 تيام .. عملو .. 6 متار من اصل 11 متر كل س عمّال .. بـ يومين لح يعملو 5 متار من اصل 11 متر .. يعني لو رياضيا بدنا نكتبا .. كل 8 عمّال .. لح يعملو .. 6 على 11 على 3 .. اللي هية .. 6 متار على 11 متر التوتال .. بعدين قسمهم على 3 تيام .. يعني عمليا .. كل 8 عمال .. حيقابلهم .. 18على 11 .. كل س عمّال .. حيقابلهم .. 10 على 11 .. " بنفس الطريقة " .. تعو نجرب .. س ضرب 18 على 11 = 8 ضرب 10 على 11 .. 11 مع 11 بتروح .. 18 س = 180 .. فهازا يؤدي الى انو س = 10 .. عمّال .. :? |
صحي هي ليمان ..:sly:
|
جيد.. هلق شوفوا طريقة البيروني
قال يا سيدي كان البيروني يشتغل بالطريقة التالية: يرتب الأرقام مع بعض (إذا بترتبوهن بشكل عامودي بيكون أفضل): 6 ، 3 ، 8 5 ، 2 ، ؟ ثم.. يضرب الخمسة بالتلاتة بالتمانة (بيطلع 120) ثم.. يضرب الرقمين الباقيين (ستة ضرب تنين) ثم.. يقسّم النتيجة الأولى ع التانية طبعاً هو كان يعملها بسرعة.. متى ما رتّبهن فوق بعض.. ترك.. يعطي الجواب.. بس هون لإنو عم نشرح ممكن تشوفوها طويلة |
وحدة جديدة.. اسمها "نسب راشيك" يعني "المقادير الثمانية"
يقول البيروني: قطعة خشب صندل، طولها خمس أصابع، عرضها ثلاثة أصابع، وسمكها أربع أصابع، بـ ثلاثين درهماً فكم يكون ثمن قطعة منها في طول ثمانية أصابع وعرض ستة وسمك إصبعين؟ نفس الطلب فوق.. الجواب مع طريقة الحل (وببقى برجع بقلكن كيف كان يحل صاحبنا) :) |
اقتباس:
فـ انو عم نحكي عن الحجم مثلا .. وناخد كل وحدة حجم .. ونقسم ال 30 ورقة عليهم .. هلا حجم الخشب الصندل الاول .. 5 ب 3 ب 4 60 اصبع مكعب :o هلا .. قسملي ال 30 ورقة عال 60 بيطلع لكل .. اصبع مكعب .. نص درهم .. روح حسوب للتانية .. 8 ب 6 ب 2 .. بيطلعو 96 .. سفقن ب نص .. بيطلع حقو .. 48 .. مازا هازا هؤلاء:sly: |
صوح
أنا حليتها بنفس الطريقة أول مرة أما البيروني فـ مرة تانية كان يستخدم الترتيب التالي: 4 ، 3 ، 5 ، 30 8 ، 6 ، 2 ، ؟ ويضع "كل جنس بحذاء جنسه" :) ثم ينقل الثلاثة إلى الناحية الأخرى.. ويكون الحل على الطريقة المذكورة سابقاً في "بنج راشيك".. يعني.. بيضرب 30 بـ 2 بـ 6 بـ 8 بيطلع معو 2880 وبيقسّمو ع جداء الأرقام التلاتة الباقية (4 بـ 3 بـ 5 = 60) فـ بيطلع معو الجواب 48 درهم (سعر قطعة خشب الصندل) |
وحدة أخيرة -هيك ع السريع- من عند مولانا البيروني.. مشان الواحد ما ينقرط بالسعر إذا فات هديك الفوتة :)
يقول أبو الريحان: إذا كانت أجرة الزانية، وهي ابنة خمسة عشرة -مثلاً- عشرة دراهم.. فكم يكون إذا صارت ابنة أربعين؟ (مع الانتباه إنو الإجرة رح تنقص كل ما كبرت المخلوقة) بالمناسبة.. العالم الألماني إدوار سخاو قال عن أبو الريحان البيروني بإنو "أعظم عقلية عرفها العالم" |
اقتباس:
اي بفرنك ما بدفع انا ..:o قال 40 سنة قال .. بعدين .. قبل ال 14 سنة عالافل يمكن .. ما بيندفع شي .. شنو لانو ما بتكون اصلا صارت البنت وبعد ال 25 بيوقف سوقا .. بقا .. تحل عنا قال 40 سنة قال:pos: |
اه يعني ما عرفت:lol:
حزازيرك صايرين حلوين..كتر من البيروني:p... |
:shock:يعني طلع معي انو درهم واحد فقط لا غير..
ازا صح بقول الحل!! |
اقتباس:
بس اول مرة ضربت 2 مكان 3 ... و طلع النتيجة 4 :lol: |
اقتباس:
اذا مشينا على النسبة و التناسب ... رح يطلع معنا ... 10 *15 = 40d و بالنتيجة .. 3.57 ==> 4 درهم |
اقتباس:
لك حبيبي.. في شي اسمو "خبرة".. وهالخبرة حقها مصاري.. مو شلون مانكان!! 40 سنة شايفها كبيرة؟!! بتعرف جوليا روبرتس قديش عمرها دخلك؟ أنجلينا جولي؟ ولك إذا أسكسس مخلوقة بالدنية مونيكا بيلوتشي (ربي يسعد أوقاتها) رح تدق بالأربعين إذا الله ما خيّبني قال ما بيدفع ولا فرنك قال!! هه بس بزمانات البيروني.. يمكن كانوا بيحبوا الأطافيل!! مشان هيك كانوا يدفع بالصغار أكتر |
اقتباس:
|
اقتباس:
|
مم اوكي:gem:
15------>10 درهم 15*2=30 30------>5درهم هلأ 15+30=45..45 /2=22.5 هلأ صار عنا: 15سنه ---------10د. 22.5--------x 5----------30 يعني 10+5=15 15/2=7.5 درهم ( ل 22.5 سنه) حنزيد العمر 7.5: 15----------10 د. 22.5---------7.5 30-----------5 37.5--------y z---------45 هلأ بعمر ل 45 حيكون صفر درهم:o بما انو عم ننزل 2.5 د. كل 7.5 سنه ف 37.5 سنه-------2.5 درهم 45--------0 درهم بقي عنا 38---------2 د. 39-------1.5 40-----1درهم :shock:شو؟؟ ما بعرف ليش حاسه انو:jakoush: |
اقتباس:
غلط.. يا تسلميلي غلط (الطريقة والجواب طبعاً) :p |
اقتباس:
عكلن ما لح نطلع برا الموضوع .. الدنيا صيام شنو :p |
اقتباس:
بس فات الاوان..:p انو ما بعرف ليش نزلت بلدرهم نص بنص.. بسيطه..:? |
اقتباس:
بس في عندك خطأة مطبعية (3.75 مو 3.57) الفكرة قلتها من الأول.. نسبة وتناسب.. راشيكات في نوعين تناسب: فيه تناسب طردي.. وفيه تناسب عكسي (بظن هيدول بيدرسوهن التلاميذ برياضيات صف السادس) آجار المخلوقة هون بيتناسب عكساً مع زيادة عمرها فـ هون بالمسعلة: منضرب الأول بالتاني (10 × 15 = 150) ومنقسّم النتيجة على التالت (40) فـ بيطلع معنا الأجار 3.75 (تلات دراهم وتلات رباع) هلق إذا كان بدنا ناخد "الخبرة" بعين الاعتبار (اللي ما تبلى بالعمى) فـ بتتحوّل المسألة لـ تناسب طردي وقتها بسهولة منلاقي إنو أجار المخلوقة بعمر الأربعين رح ينط عن الـ 25 درهم |
الصراحه اول حل (غير لهون) بين معي انو ع 45 سنه بتاخد 2.5 درهم
صح؟؟ لحظه كيف يعني تناسب عكسي طردي؟!! |
اقتباس:
إم الـ 45 بتاخد 3.33 درهم كيف؟ بتضربي 10 بـ 15 وبتقسميهن ع 45 بس إنتي طلع معك 2.5 لإنك حسبتي أجارها بالـ 30 خمسة.. بعدين ضفتي للعمر 15 ت صار 45 وقسمتي أجار إم التلاتين ع النص.. فـ طلع تنين ونص لإم الخمسو أربعين إي شو هالدوّيخة؟ |
اقتباس:
اقتباس:
|
| الساعة بإيدك هلق يا سيدي 14:39 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون