أخوية
الصفحة 4 من 5 < 123 4 5 >
عرض 40 مشاركة من هذا الموضوع في صفحة واحدة

أخوية (http://www.akhawia.net/forum.php)
-   التصميم والجرافيكس والحركات الشيك (http://www.akhawia.net/forumdisplay.php?f=21)
-   -   تع دوّن تع دوّن تع - بلوغ سبوت / ما تمّ منه / (http://www.akhawia.net/showthread.php?t=126767)

Abu ToNi 08/07/2009 01:52
اقتباس:
كاتب النص الأصلي : mary belle (مشاركة 1292933)
يعني هالموضوع كتير حلو
بس بدو قعده
لأنو ما اكتشفتو من زمان:o

ميرسي ابو توني..
اهلا ببنت العم اهلا :larg:
البيت بيتك شو لازمك لمدونتك استفسارات ومساعدات انا جاهز :D

mary belle 08/07/2009 02:00
اقتباس:
كاتب النص الأصلي : Abu ToNi (مشاركة 1292935)
اهلا ببنت العم اهلا :larg:
البيت بيتك شو لازمك لمدونتك استفسارات ومساعدات انا جاهز :D

ميرسي كتير بليز ما تخجلني:oops:
انو اكيد ازا بدي شي للمدونه رح اسألك
يعني عامل موضوع طويل عريض و معزب حالك عالفاضي و بدك ما اسأل :p

kosayka2 10/07/2009 14:15
مرحبا أبو طوني

خيو بعد ما زبطنا الدومين صرلنا يومين و عم يعطيني هي الرسالة

اقتباس:
Gateway Timeout

The following error occurred:
[code=DNS_TIMEOUT] A DNS lookup error occurred because the request timed out during the lookup.


Please contact the administrator.
فشو الوضع طبيعي و لا في مشكلة

Abu ToNi 11/07/2009 01:38
اقتباس:
كاتب النص الأصلي : kosayka2 (مشاركة 1294544)
مرحبا أبو طوني

خيو بعد ما زبطنا الدومين صرلنا يومين و عم يعطيني هي الرسالة



فشو الوضع طبيعي و لا في مشكلة
البروكسي السعودي بيعطي هي المسج
طبيعي لا تاكل هم

The morning 11/07/2009 01:39
كيف فيّ حمـّل غنيه من جهازي مباشره على المدونه بدون ما تكون فيديو :pos: ؟

Abu ToNi 11/07/2009 01:58
اقتباس:
كاتب النص الأصلي : The morning (مشاركة 1294876)
كيف فيّ حمـّل غنيه من جهازي مباشره على المدونه بدون ما تكون فيديو :pos: ؟
انه بدك تنزلي الغنية لتشتغل من صفحة مدونتك مباشرة ؟
في طريقة معقدة شوي بتقدري تستعمليها لتعملي هي القصة
وفي طريقة تانية أسهل بكتير وما بتوجع الراس

طيري على الفور شيرد

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -


اعملي حساب عندن ( اذا ما عندك يعني ) وارفعي الغنية عليه بشكل طبيعي
بعد ما ترفعي الغنية فتحي اللينك تبعها بتلاقي طلعلك اسم الغنية من فوق
وزر الداون لود تبعها
ومجموعة اللينكات الخاصة فيها ..متل هي الصورة تماما



اللي بيلزمك هوي آخر لينك اللي ملونه بالاخضر
بس ما عملتيله كوبي وبعدين رحتي على مدونتك عملتيله باست داخل مربع نشر الرسائل لحاله بفكه البلوغر على انه كود مربوط بالغنية وبتصير الغنية بتشتغل من صفحتك مباشرة

zen 11/07/2009 10:10
عيني ربك يا أبو طوني

بس أنو شو صار براسلني من المدونة
ظبطلي ياها
:pos:

Abu ToNi 11/07/2009 12:32
اقتباس:
كاتب النص الأصلي : zen (مشاركة 1295046)
عيني ربك يا أبو طوني

بس أنو شو صار براسلني من المدونة
ظبطلي ياها
:pos:
يا زلمة قلتلك شو لازم تعمل
روح على مدونتك
تحرير الـ HTML
عمول سيرش على الكلمة اللي بدك تغيرها من البنر الفوقاني


<a href=”mailto:

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

?subject=hi zen”>the link</a>
رح تكون الكلمة اللي بحبشت عليها هية the link
يعني بتغير الاسم اللي طالع على الشاشة من خلالها متل ( الصفحة الرئيسية )
ورح تشوف الـ a href موجودة قبلها .. انت بس بزط الأقواس متل ما طالع هون وكلشي رح يصير تمام عندك

yass 12/07/2009 02:22
قصة طويلة و معتّة... بس احتمال مدوّنتي تتعرّض لتهكير, أو محاولة تهكير.. من أحدهم


محتاج أعرف طريقة لحتى ينعمل باك أب (حفظ بيانات) يومي لمدونتي حتى لو كانت مدفوعة القيمة, يعني شي شركة أو شي, لأنو في كتير من الموجود بالمدوّنة ما عندي الو نسخة, عدا أرشيف التعليقات و كل شي.. و اذا راح يجوز انجلط...

اذا حدا بيفيدنا بنكون له من الشاكرين :D

Abu ToNi 12/07/2009 03:10
اقتباس:
كاتب النص الأصلي : yass (مشاركة 1295405)
قصة طويلة و معتّة... بس احتمال مدوّنتي تتعرّض لتهكير, أو محاولة تهكير.. من أحدهم


محتاج أعرف طريقة لحتى ينعمل باك أب (حفظ بيانات) يومي لمدونتي حتى لو كانت مدفوعة القيمة, يعني شي شركة أو شي, لأنو في كتير من الموجود بالمدوّنة ما عندي الو نسخة, عدا أرشيف التعليقات و كل شي.. و اذا راح يجوز انجلط...

اذا حدا بيفيدنا بنكون له من الشاكرين :D
تهكير :shock:
خير حج صاير شي معك :cry: في حدا بيقدر يهكر هيك مدونة :jakoush:

اذا بتروح على لوحة التحكم ---- الاعدادات ---أساسي
أول اعدادات المدونة من فوق بتشوف مكتوب :
استيراد مدونة الكترونية - تصدير مدونة الكترونية - حذف مدونة الكترونية

انت الك بتاني خيار تبع تصدير مدونة الكترونية
بتنقر عليه بيطلعلك انه فينك تنزل مدونتك عندك وبطمنلك بالك انه المدونة اللي عم تنزلها ما رح تنحذف ورح تبقى شغالة طالما انت ما حذفتا ( يعني تصدير المدونة ما بأثر على عمل المدونة )
ما صدف وجربتا لهي الشغلة قبل هلمرة
جربها وشوف اذا بيمشي الحال معك

ما بدي تتهكر الامواج الاسبانية :jakoush:

yass 12/07/2009 03:19
اقتباس:
كاتب النص الأصلي : Abu ToNi (مشاركة 1295490)
تهكير :shock:
خير حج صاير شي معك :cry: في حدا بيقدر يهكر هيك مدونة :jakoush:

اذا بتروح على لوحة التحكم ---- الاعدادات ---أساسي
أول اعدادات المدونة من فوق بتشوف مكتوب :
استيراد مدونة الكترونية - تصدير مدونة الكترونية - حذف مدونة الكترونية

انت الك بتاني خيار تبع تصدير مدونة الكترونية
بتنقر عليه بيطلعلك انه فينك تنزل مدونتك عندك وبطمنلك بالك انه المدونة اللي عم تنزلها ما رح تنحذف ورح تبقى شغالة طالما انت ما حذفتا ( يعني تصدير المدونة ما بأثر على عمل المدونة )
ما صدف وجربتا لهي الشغلة قبل هلمرة
جربها وشوف اذا بيمشي الحال معك

ما بدي تتهكر الامواج الاسبانية :jakoush:

هههههه و لا أنا بدي تتهكّر, بس ولاد الحرام كتار للأسف .. بالمختصر واحد هكّر منتدى صغير شغل أهل البلد عنا, و صحابو قرايبيني, و بعد ما استعادوه فات واحد يدّعي انو أخوه الكبير للهاكر (يعني فات باسمو و عم يعرّف عن حالو.. ) و جاي متل انو منسامحكون... فأنا انفلتت عليه جداً جزيلاً لأنو لسى جاي بفوقية التيس.. و من شوي بعتلي عم يهدد انو سامح قرايبيني لأنو طلعو أوادم:lol: بس بدو يخلي أخوه يهكرلي مدونتي لأنو شافها ببروفايلي

بصراحة أنا ما بعرف مدى جدّية تهديدو, بس اذا قدر يهكّر منتدى بعتقد يقدر يهكّر مدونة بسيطة, فهلأ خديت احتياط بخصوص انو ما رح يقدر يحذفها شفتو بتوتوريال لقيتو بي دي أف عالنت (يعني هو رح يحاول يهكر الحساب اللي بنشر من خلالو, فأنا غيّرت الحساب الرئيسي للمدونة و عملت حساب باسم سرّي مستحيل يخطر ع بالو... يعني مبدئياً ما فيه يحذف المدوّنة من أساسها...

المشكلة تبقى انو اذا قدر يهكّر الحساب اللي بنشر من خلالو ما رح يقدر يحذف المدونة من أساسا بس رح يقدر يحذف المقالات المنشورة بهالحساب (يعني كلها!) مشان هيك كنت عم حاول لاقي سيستيم يعمل باك أب دوري و يحفظ البيانات كل يوم أو يومين أو تلاتة.. بس ما بعرف اذا هالسيستيمات موجودة للمدوّنات.. و بصراحة رح كون يزعجني كتير انو ابن حرام متل هاد يحذفلي 200 مقالة.. عدا عن فقدان المقالات هيك رح تكون تعصيبة كبير بدي اتفاداها...


هلأ رح جرّب اللي حكيتلي عنو.. و بلكي خلال هالقرن هاد اقدر اتواصل مع حسام على اعتبار هاي شغلتو...


مشكور أبو طوني :D

yass 12/07/2009 03:26
مشي الحال أبو طوني!.. هاي متل انك عم تعمل باك أب يدوي.. و بعتقد يكفيني.. رح ظل نزّل نسخة كل ما أعمل تحديث للمدوّنة, و بتوقّع انو بتأمين المدوّنة (من حيث انو الحساب الرئيسي سرّي و بايميل لم يُستخدم قبلاً و ما حدا عندو ياه)+ هالباك أب.. حتى لو هكّر حساب النشر ما بيضيع شي


مشكور جداً... تطمّنت شوي لأنو صرلي ساعتين عم نط و ما احط :lol:

Abu ToNi 12/07/2009 03:35
اقتباس:
كاتب النص الأصلي : yass (مشاركة 1295514)
مشي الحال أبو طوني!.. هاي متل انك عم تعمل باك أب يدوي.. و بعتقد يكفيني.. رح ظل نزّل نسخة كل ما أعمل تحديث للمدوّنة, و بتوقّع انو بتأمين المدوّنة (من حيث انو الحساب الرئيسي سرّي و بايميل لم يُستخدم قبلاً و ما حدا عندو ياه)+ هالباك أب.. حتى لو هكّر حساب النشر ما بيضيع شي


مشكور جداً... تطمّنت شوي لأنو صرلي ساعتين عم نط و ما احط :lol:
حاول تعمل مدونة تجريبية واحذفها بعدين ، استورد النسخة المحفوظة عليها لتشوف شو ممكن يصير
بنفس الطريقة وقت بتوصل على :
استيراد مدونة الكترونية - تصدير مدونة الكترونية - حذف مدونة الكترونية

هلمرة اختار اول خاصية وشوف شو ممكن يصير معك

ما عاش اللي بده يوقف ياسينوف عن الكتابة :x

yass 12/07/2009 03:40
اقتباس:
كاتب النص الأصلي : Abu ToNi (مشاركة 1295526)
حاول تعمل مدونة تجريبية واحذفها بعدين ، استورد النسخة المحفوظة عليها لتشوف شو ممكن يصير
بنفس الطريقة وقت بتوصل على :
استيراد مدونة الكترونية - تصدير مدونة الكترونية - حذف مدونة الكترونية

هلمرة اختار اول خاصية وشوف شو ممكن يصير معك

ما عاش اللي بده يوقف ياسينوف عن الكتابة :x
أي وهو كذلك... جرّبت الحكاية و سهلة كتير!


مشكور أبو طوني :D

Abu ToNi 12/07/2009 03:47
اقتباس:
كاتب النص الأصلي : yass (مشاركة 1295533)
أي وهو كذلك... جرّبت الحكاية و سهلة كتير!


مشكور أبو طوني :D
هي رجعلت قسم من الخدمة اللي قدمتلي ياها وقت عرفتني على عالم التدوين :yahoo:

kosayka2 16/07/2009 17:00
و أخيرا تم تزبيط الدومين
تبع مدونتي أيمان و نور و أصبح كالتالي

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -



و الأحلى انو مانو محجوب :clap:

و بهالمناسبة يا شباب انا بس بدي حذر كل واحد ناوي يشتري دومين و يزبط مدونتو

الأفضل و الأفضل أنك تشتري الدومين تبعك من blogger بذات نفسو
يعني بلكي بتعرفلك شي حدا ممكن يزبطلك شرية الدومين من خلال أي بطاقة فيزا أو ماستر أو حساب باي بال
و هدول الأشخاص في منن موجودين هون


بس اياك ثم إياك ثم إياك تغلط غلطي انك تشتري شي دومين من أي مزود خدمة الأنترنيت بالبلد عنا

لانك مضطر لانك تفوت بمتاهات انو هنن ما بيعطوط لا أسم و لا باسورد و إذا بدك تعدل أي شي بالـ DNS لازم تاخد موافقتهم

يعني انا بعد ما طلعت روحي لحتي أعرف كيف ممكن يتزبط الـ DNS لحتى نطرت لبين ما عدلولي ياه لحتي مشي الحال

لان تزبيط الـ DNS شغلة مو سهلة أبدا لانك لازم تعرف شو هي الشركة يلي عم يتعامل معها مزود الخدمة
و تعرف الأعدادات الخاصة بكل شركة لان كل شركة إلها إعدادات خاصة

و شغلة بتعل القلب فمن شان هيك

الأفضل إلك أنو تعمل الدومين من البلوغر بذات نفسو

بس أهم شي أنو ظبتت :clap:

باركولنا :gem:

Abu ToNi 17/07/2009 03:53
وشو لازمك بالضبط ولا مجرد دعاية :larg:

jankasanova 17/07/2009 22:54
اقتباس:
كاتب النص الأصلي : Abu ToNi (مشاركة 1283794)
هاموش :
احم احم .. قبل شوي ضبطت عملية تسريب مدونات :p في شخص من الأخوية عامل مدونة جديدة وما عم يرضى يحط الينك تبعها بالصفحة هي .. انه يعني عم يجرب التدوين تجريب مانه متأكد اذا بده يكمل ولا رح يوقف :sly:
فيا متخبي طلاع طلاع--- وطل وبان عليك الأمان أحسن ما يجي أبو طوني يفضحك :larg:
انو يعني بما انو 80% رح كمل فقلت رح اشلف اللينك هون:oops:
وبلاها فضيحة ابو طوني:lol:

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -



وشكرا ابو الغاب للمساعدة بديكور وتزبيط المدونة :D

Abu ToNi 18/07/2009 02:55
اي ها .. هيك بدي ياك :yahoo:

احلى ابو جريج :deal:

kosayka2 18/07/2009 04:54
اقتباس:
كاتب النص الأصلي : Abu ToNi (مشاركة 1298506)
وشو لازمك بالضبط ولا مجرد دعاية :larg:
لا بس دعاية :jakoush:
لا خيو بس منشان ما حدا يوقع بالمشكلة يلي وقعت فيها أنا

يعني فينا نقول هو شي وقائي ................


--------------------------------------------------
:lol:
طيب خيو سؤال هلق كيف فيني ظبطها أن أذا حطيط لينك لموقع خارجي ( خارج المدونة )
اني بدي هاد اللينك يفتح بصفحة جديدة و ليس بنفس صفحة المدونة

مثلا أنا حاطط لينكات على الفورشيرد و بدي لما أكبس عليهم أنو بفتحو بصفحة أو بتاب جديد غير صفحة المدونة

ما بعرف إذا وصلت الفكرة ؟؟؟؟

Abu ToNi 18/07/2009 17:41
ماني مجرب بحبش بهلقصة
بس بشفلك شو بيطلع معي :?

..AHMAD 18/07/2009 17:52
عادةً بيكون اللينك بلغة ال HTML هوي عالشكل التالي



TEXT هوي الكلمة الي بتكبس عليها لتاخد عاللينك الي تم تحديدو

بدك تضيف القيمة هي ليفتح بنافذة جديدة

kosayka2 18/07/2009 18:12
اقتباس:
كاتب النص الأصلي : ..AHMAD (مشاركة 1299346)
عادةً بيكون اللينك بلغة ال HTML هوي عالشكل التالي



TEXT هوي الكلمة الي بتكبس عليها لتاخد عاللينك الي تم تحديدو

بدك تضيف القيمة هي ليفتح بنافذة جديدة
و الله شكرا كتير

جربناها و زبطط معنا

مشكور معلم

Shoshowa 20/07/2009 02:42
بالنسبه لـ سؤال The morning , عن اضافة اغنيه ..
سويت الطريقه الي قلت عنها , ما ضبط معاي ..
أو بالاحرى ضبط بس طلعلي مثل فيديو , ليش ؟

واذا عندك فكره عن اضافه اغنيه وتكون بـ هالشكل مثلاً ..


~ ~ ~

وشكراً جزيلاً ..
ويعطيكم العافيه , شغل متعوب عليه ..
:D

Abu ToNi 20/07/2009 04:42
اقتباس:
كاتب النص الأصلي : Shoshowa (مشاركة 1300308)
بالنسبه لـ سؤال The morning , عن اضافة اغنيه ..
سويت الطريقه الي قلت عنها , ما ضبط معاي ..
أو بالاحرى ضبط بس طلعلي مثل فيديو , ليش ؟

واذا عندك فكره عن اضافه اغنيه وتكون بـ هالشكل مثلاً ..


~ ~ ~

وشكراً جزيلاً ..
ويعطيكم العافيه , شغل متعوب عليه ..
:D
مزبوط هلشي انه الغنية بيطلع الها شاشة اضافية تبع الحركات العشوائية اللي بتطلع بالميديا بليير نفسا
حتى تتخلصي منها ما قدرت عالج الكود نفسه
بس بحبشك بالانترنت وشفتلك كام طريقة .. بدن شرح كتير بس سهلين وحلوين
الغوغل نفسه بينصح انك تستعملي هلمواقع هدول :

  • - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

  • - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

  • - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

  • - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

  • - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

  • - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

  • - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

  • - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

  • - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

  • - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

انا علسريع جربت آخر موقع وشفته كتير حلو وسهل بس لازم يكون عندك دايركت لينك للغنية

بكرا على رواق بحطلك شرح بالصور كيف فينك تشتغلي بهلمواقع وتستفيدي منها
اذا انكليزيتك قوية فوتي على صفحة التعليمات من غوغل :

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -


فيها شرح كافي للفكرة
بكل الأحوال بكرا بكون الشرح عندك
:D

Shoshowa 20/07/2009 12:05
اي تمام , أنا جربت الموقع الأخير كمان , بما انك جربته ..
سجلت فيه , اخترت الـ Playlist , الموسيقى و الـ Skin و كل شي تقريباً ..
وكل شي مشي اوكي , بس لما وصلنا لـ Get Code ..
و عملت COPY PASTE , صار شي غلط بالموضوع ..




شو .. ؟
:fthink:

~ ~ ~

وعن جد ميرسي , بكل ما تحمله الكلمه من معنى ..
:D

Abu ToNi 20/07/2009 16:35


انتِ هيك عم تعملي قائمة أغاني ثابتة بالمدونة بتطلع بالشريط الجانبي
يعني مالها علاقة بالتدوينة .. هي أغاني ثابتة بمدونتك متلها متل أي صورة بتضيفيها على الشريط الجانبي .

عم حضرلك رد بشرحلك فيه كيف بتضيفي غنية بالستايل اللي بدك ياه .. طولي بالك علي كام دقيقة
:D

* علهامش : ما حطيتيلنا رابط مدونتك لنزورك عليها :larg:

Abu ToNi 20/07/2009 17:08
اتبعي الخطوات التالية :

فوتي على هاد الموقع :

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -


سجلي حساب عندن
رح يصلك رسالة تفعيل فورية على ايميلك
فعلي الحساب وبعدا رابع وحدة من فوق عليسار بتعملي upload للغنية اللي بدك ياها
بس انرفعت عندك بتنقي my file تالت وحدة من فوق عليسار


بتنقري على اشارة الـ +

بتصلي للصفحة هي




Download - Direct - BB Codes
بتاخدي الدايركت لينك اللي بتقدري تستعملي بمليون ألف قالب

المشاركة اللي بعد هي رح حطلك كام مشغل خفيف ونضيف بتقدري تستعملين بمجرد لصق الدايركت لينك بالمكان المخصص اله
هلق انقطعت الكهرا وعم اشتغل على الـ UBS فبس ترجع تجي بفوت وبشرحلك كيف :D

Abu ToNi 21/07/2009 00:11
جبتلك اخف مشغلين أغاني شفتن على النت وبنفس الوقت فعالين وبسيطين وأولاد عالم وناس وأكابر

الاول :

هيك شكله

وهاد الكود تبعه

كود:
<embed src= "http://www.odeo.com/flash/audio_player_standard_gray.swf" quality="high" width="300" height="52" allowScriptAccess="always" wmode="transparent" type="application/x-shockwave-flash" flashvars= "valid_sample_rate=true&external_url=YOUR MP3 FILE ADDRESS" pluginspage="http://www.macromedia.com/go/getflashplayer"> </embed>
التاني نفس الأول بس غير لون .. هيك شكله


وهاد الكود تبعه
كود:

<embed src= "http://www.odeo.com/flash/audio_player_standard_black.swf" quality="high" width="300" height="52" allowScriptAccess="always" wmode="transparent" type="application/x-shockwave-flash" flashvars= "valid_sample_rate=true&external_url=YOUR MP3 FILE ADDRESS" pluginspage="http://www.macromedia.com/go/getflashplayer"> </embed>
بتقدري تستعملين بأنك تعوضي الدايركت لينك بمحل ما مكتوب
YOUR MP3 FILE ADDRESS
بس انتبهي لا اتطيرليك شو كوتيشنات أو اشارات من الكود .. بتضيع الطاسة بعدين:lol:

وبعدما بتلزقي الدايركت لينك متل ما هوي بدل الجملة اللي فوق .. بتقدري تاخدي الكود وتحطيه بصندوق جافا سكربت ( متل مانك عاملة بالصورة ) وهلشي بخلي الغنية تصير من ستايل القالب انه ثابتة على كل الصفحات لو شو ما تغير بتبقى طالعة مع القالب

اوبتقدري تلزقي الكود الجاهز نفسه بمربع البوست وبالمحل اللي بدك ياه وهلشي بخلي الغنية مرتبطة بالتدوينة\المشاركة\الرسالة ايا كانت التسمية ما منختلف عليها تطلع داخل سياق الشي اللي انتِ كاتبتيه


هي صفحة شفتلك ياها فيها شوية أمثلة عن مشغلات الأغاني

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -


اذا بدك شي واحد منن بتقدري تستعمليه باستبدال لينك الغنية اللي هنن مستعملينه بالدايركت لينك اللي عندك ياه ( لينك كل مشغّل "بليير " محطوط جنبه بشكل مباشر )
لينك الغنية ببين معك وقت بتعملي تطابق بين الكود المحطوط والكود اللي انا عاطيكي ياه ;)

هاموش : ما حطيتيلنا المدونة تبعك لنزورك عليها .. الهيئة ما بدك تشربينا فنجان قهوة على حسابك :larg:

kosayka2 21/07/2009 03:20
طيب خيو
أولا مرحبا

بس سؤال صغير أنا فيني أتحكم بترتيب الرسائل تبع مدونتي

يعني فيني حط رسالة و خليها ثابتة و ما تتغير

لوضح أكتر : أو انا في عندي رسالة و بدي ياها تبقى أول وحد مهما حطيط رسايل بعدها

فيني ؟؟؟؟؟؟؟؟؟؟؟؟

هلق في طريقة أنو الرسالة يلي بدي ياها بالأول أرجع أنسخها برسالة جديدة بعد ما ضيف رسايل
بس هي الطريقة مو عملية

فعندك شي طريقة أزبط ؟؟؟؟؟

Shoshowa 21/07/2009 05:20
تم بحمدالله :lol: ...
عن جد شكراً كبر السما وأكبر بـ شوي :D ,

وعلى جنب :

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

ولو أحلى فنجان قهوه لـ أحلى ابو طوني :lol: !

..AHMAD 21/07/2009 05:22
اقتباس:
وعلى جنب :

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
لو ما حكيتي كنت طاقك برغي ترى :lol:

قصي ماني نسيان اومطنش ، بس عمفكرلك بشي حل او كود خنفشاري يحللك هالأزمة هاي

:D

..AHMAD 21/07/2009 05:43
اقتباس:
كاتب النص الأصلي : kosayka2 (مشاركة 1300894)
طيب خيو
أولا مرحبا

بس سؤال صغير أنا فيني أتحكم بترتيب الرسائل تبع مدونتي

يعني فيني حط رسالة و خليها ثابتة و ما تتغير

لوضح أكتر : أو انا في عندي رسالة و بدي ياها تبقى أول وحد مهما حطيط رسايل بعدها

فيني ؟؟؟؟؟؟؟؟؟؟؟؟

هلق في طريقة أنو الرسالة يلي بدي ياها بالأول أرجع أنسخها برسالة جديدة بعد ما ضيف رسايل
بس هي الطريقة مو عملية

فعندك شي طريقة أزبط ؟؟؟؟؟

سلامات .. وأما بعد
وتاري العرق البلدي بيعطي مفعولو :lol:

خيو ... بتفوت على لوحة تحكم المدونة ... وبعدين متل العادة .. بتفوت بتكتب التدوينة اللي بدك تضل طالعة كـ أول تدوينة وبتنسقها وتشكلس امورك عالآخير .. بس ما بتعملها نشر

بتلاقي متل اللي بالصورة ...



بتكبس على تحرير HTML

وبتنسخ الكود الطالع عندك

بعدين بتروح على :
تخطيط

بيطلعلك شي متل الصورة



( او حسب الستايل المختارو ، بس الشي المهم والدائم الوجود بكل الستايلات هوي العامود الجانبي اللي مكتوب عليه إضافة أداة واللي بالعادة بتحط فيه قصص الـ RSS والصور وهالحركات... + المربع الكبير اللي بالنص تبع رسائل المدونة الالكترونية

الخطوة لي بتعملها هلئ .. من العامود الجانبي بتختار : إضافة أداة
ومن القائمة اللي بتطلعلك اختار منها HTML/Javascript

بيطلعلك بوكس جديد بالقائمة اللي عجنب .... اكبس على تحرير ...

واعمل لصق لـ كود التدوينة اللي قمت بنسخ مسبقاً .. وحطو فيها
وحط عنوان فوق ،شو ما بدك ( عنوان التدوينة مثلاً )

هلئ بعد ما تعمل هيك .. عطيه حفظ

الخطوة الأخيرة هية عبارة عن انو تحط مؤشر الماوس على البوكس اللي عملتو مؤخراً ( وبيطلعلك اسمو متل ما انت اخترته لما قلتلك حط عنوان التدوينة ) اي فـ لما تحط موشر الماوس بيطلعلك متل اشارة الـ + هي تبع انو فيك تحركو ... بتضل كابس بالماوس وبتسحبو لـ المربع تبع رسائل المدونة الالكترونية ، او فوقها بشوي ... بتلاقيه لحالو لزق فوق المربع .. اي بتعمل حفظ التغييرات وهالقصص هي... فـ بتصير بتطلع هالتدوينة فوق كل تدوينة جديدة بتحطها :gem:
ازا في شي ما كان واضح بالشرح خبرني لوضحلك اكتر

..AHMAD 21/07/2009 05:49
فيما يخص الرد السابق



هي الصورة عبارة عن النتيجة الي لازم تطلع معك

هاد المربع العرضاني ( Sticky Post ) هوي المحروس اللي لصقنا فيه التدوينة وهالقصص وبعد السحب والفلت .. اتخذ موضعو هاد.


هاد الشكل الظاهر للتدوينة الي عملتلها هيك*



اي وترى .. اللهم الا بلغت فاشهد :sosweet:


* في جماعة من رواد هالموضوع وبقوة بعد ما شافو هالقصة هاي طلعو علينا اشاااااااااااعة انو انا شخص ع**** :lol: فــ صدقوهن ترى ، وربّ إشاعات مبنية على حقائق

* هامش تاني : شوش ماني سارئ الستايل بس كنا بزماناتنا عمنستخدمو وسيلة ايضاح الك فـ :lol:

Abu ToNi 21/07/2009 05:52
احمد شغلة كبيرة :gem:
اقتباس:

* في جماعة من رواد هالموضوع وبقوة بعد ما شافو هالقصة هاي طلعو علينا اشاااااااااااعة انو انا شخص ع**** فــ صدقوهن ترى ، وربّ إشاعات مبنية على حقائق
انت ما بتقعد بقلبك الكلمة 10 ثواني ؟ الا وبدك تبقها :frown:

شادوز : جاري البحبشة بمدونتك :lol: ..

رجل من ورق 21/07/2009 13:51
خيو ايمتى دور جماعة الورد بريس ؟

..AHMAD 21/07/2009 14:02
خيو مع انو مكتوب تع دون تع دون تع - بلوغ سبوت بس نحنا ما قلنا انو جماعة الوورد برس مهدور دمهن

ويعني واعتبر من كبارية الموضوع هون انا ( وبكل فخر ) ... وضريب وورد برس للعضم

فـ صرلك فترة عمتنق بالهوا .. احكي شو بدك :jakoush:

رجل من ورق 21/07/2009 14:09
عم نق لانو نقلت مدونتي للورد بريس وما فهمت فيه كتير فبدي اعرف ايمتى رح تستلموا موضوع الورد بريس

..AHMAD 21/07/2009 14:14
اقتباس:
عم نق لانو نقلت مدونتي للورد بريس وما فهمت فيه كتير فبدي اعرف ايمتى رح تستلموا موضوع الورد بريس
لك احكي شو بدك بالزبط ....

بدك س و ج يعني ؟

ولا بدك ارشادات عامة بالوورد برس ؟

ولا في شي محدد بدك ياه تعرفو؟

قرصان الأدرياتيك 27/07/2009 23:47
اقتباس:
كاتب النص الأصلي : Abu ToNi (مشاركة 1288366)
الله ما كان جاب الغلا :p
رجع الغلا... :p.

اقتباس:
سامحناك سامحناك
بس لازم نفرض على المراجعيين الحضور الشخصي لتمشية المعاملات
هيك ما بيمشي الحال علطالعة والنازلة تكحلني بطلتك البهية :o
عم نمزح ولو .. احلى قرصانيتو
بس عنجد ما عم امزح بخصوص تزبيط القالب قلن للشباب يعطوك ياه وانت بدورك بعتلي ياه لزبطلن ياه
من طرف قرصانيتو هدول مو حا يا الله :sly:
كتر خيرك... غامرنا بإنعاماتك وإنعامات سعدو تبعك!

اقتباس:
يا زلمة انت ما بنمشى لا قدامك ولا وراك ( ترا الجملة هي مالها اي دلالات غير انك متطلب كتير وأي فهم خاطئ للجملة لسنا مسؤولين عنه بأي شكل من الاشكال :larg: )
انه مواعيد تلفوناتك اخت ملحوشة :jakoush:
بكل الاحوال مو هون محل شدشدة الشعر .. منتصافى بغير محل ( يلعن ديبك فضحتنا قدام العربان :jakoush: )
لك اطلاع من هالبواب... شفناك عالسطوح وتحت السطوح وبالمطبخ وبالحمام... لك ما بتستحي أنت؟! تلفنالك بمواعيدك الرسميّة اتحججت بالإناث والعطلة والمشوار والبطيخ... قلت الصبح... نطرتك وانطور يا حج محمد! صار المسا ولسا حج سعدو بدو يتلفن. في مثل بيقول: "الحق الكذاب لباب بيتو"!

اقتباس:
ها :?
اذا هيك المشكلة فمحلولة هلق ببحبشلك على شي بيزبط معك ... مع انه بعرف ذوقك وما بيعجبك العجب بس منحاول ما منخسر شي
المهم اقدر حملك منية بشي قصة .. وفي سبيل الغاية تبرر كل الوسائل والتنازلات :larg:
"هلق" في مفاهيم الخرّاط تساوي شي دهر! ها ها ها :lol:.

اقتباس:
بس انت مدونتك مانها مصدر اعلامي
أنت آخد منحى اليوميات وماشي فيه
وبعتقد انه في كتير عالم متلي معجبة باسلوبك ومتابعة لتدويناتك
وما حدا عم يطالبك بالحياد .. بالعكس انت متلي بتعرف أنه الحياد يبزق من الفم متله متل الماء الفاتر
الموضوعية بتكفي كإطار للكتابة ومن خلال متابعتي الك خلال السنين الماضية بعتقد انك من أكتر الاشخاص اللي بقرالهن وبحس بموضوعيتن بالحديث
بالطبع مانها مصدر إعلامي... وبتشكرك بوفرة عالإطراء فعلاً التشجيع هو عاطفة نبيلة وبــ يبني كتير!
بس أحياناً لازم الكاتب (مهما كانت درجته) أنو يواكب الواقع ويكتب انطلاقاً من هالواقع أو من الحدث، وهاد اللي كنت عم أعنيه بعدم متابعة الأخبار والأحداث... مع أني شخصياً من اللي بيحبوا يكتبوا عن الإنسان عامّةً بدون تخصيص لا فئة ولا دين ولا عرق ولا بلد: البحث في الإنسان وقضاياه اللي تمتدّ لكل بلاد الأرض.

اقتباس:
ما تصعب القصص ولووووو :jakoush:
يعني اذا نصبت كلمة بدل ما ترفعها ما رح تخرب الدنيا
لما توصل لمرحلة يُطلب منك فيها تدقيق لغوي وتصحيح فبيصير من المعيب أنك ترتكب هفوات صغيرة وبرغم هالشي كلامي ملآن بالأخطاء النحويّة.

اقتباس:
من النهفات تبع البلوغ انك بتقدر تشوف العالم اللي مستعملين اللينك تبع مدونتك بصفحاتن الشخصية ( هي خدمة من غوغل بحكيلكن كيف بتستعملوها مع الأيام )
فأحدى الصفحات كانت ناشرة اسم مدونتي بس مع التشكيل تبعها والشدات وهلقصص
اكلت القصة مني تقريبا 0,0001 ثانية لأعرف انك انت اللي مستعملها بهلطريقة وبالفعل صدقت حواسي :lol:
أي نعم... ما بحب ضيف مدوّنة عندي وعنوانها مفشكل ومو محرك! هذا أوّلاً.
تانياً إيمتا بدك تعلمنا هالتقنية؟ يللي تخليك تعرف استعمال صفحات مدونتك!

اقتباس:
ما بدي رد عليك حتى ما اخسر حق الرد بالمستقبل
لهيك بدي اتحفظ على الاجابة وساحتفظ بحق الرد للمرة الجاية :adal:
لك لسّا ألك عين تحكي؟ بشرفي عيب... كل فصل بقول... يللا بلاها ما بدي ياك تزعل!
:D.


الساعة بإيدك هلق يا سيدي 08:26 (بحسب عمك غرينتش الكبير +3)
الصفحة 4 من 5 < 123 4 5 >
عرض 40 مشاركة من هذا الموضوع في صفحة واحدة

Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.05603 seconds with 10 queries