|
ذهبت الى السوق حيث يبيعون الطيور و شتريت عصفورا
من اجلكِ حبيبتي ذهبت الى السوق حيث يبيعون الورود و اشتريت باقة ورد من اجلكِ حبيبتي ذهبت الى السوق حيث يبيعون السلاسل الحديدية و شتريت واحدة من اجلكِ حبيبتي ثم ذهبت الى سوق العبيد و بحثت عنكِ .. و لم اجدكِ حبيبتي All Rights reserved |
وضعت قبعتي في القفص ...
و خرجت والعصفورعلى رأسي !! سأل الضابط بغضب .. لماذا لم تؤدي التحية !! قال العصفور .. لن أؤدي التحية بعد اليوم !! رد الضابط .. اعذرني ظننتك سوف تؤدي التحية !! قال العصفور لا تقلق ..الجميع يُخطأ !! All Rights Reserved |
حبيب هيدول بينكتبوا بقسم الخواطر والخربشات هون المنبر
|
اقتباس:
:D |
اقتباس:
:D |
شكرا عالتوضيح ...مع اني بشوف هالكتابة بصميم الموضوع يلي عامنحكي عنو هون ...
|
شعب عظيم بلد عظيم.........شي عظيم.......بس ليش وقت روح عا موزمبيق......بحس وجه الناس اكلها الهم والتعب والخوف؟؟؟؟؟؟؟!!!!!!!!!!!
|
اقتباس:
:D |
الشغلة نسبية شباب ..انا بشوف السوري نصف ميت ...
غيري بشوفوا نصف عايش ....و منبقى سنيين عامنجادل ,,,و السوري نفس الوضع ...عابيلفظ الأنفاس الأخيرة |
اقتباس:
انا كمان والله مالي اي ذنب سوى اني ابن حماة ومن نفس حماة لانو اي واحد من حماة حتى ولو ماكان من الاخوان كانوا بحبسوه و بقتلوه . انا اللي متلوع منو 12 واحد من عيلتي ماتو و12 واحد لحد الان بالسجون والله مافي اي ذنب سوى انن من حماة فلذلك نحنا ما بدنا الظلم وبتمنى انو المساجين يطلعوا تحياتي |
اقتباس:
بس للأسف انحزف |
اقتباس:
"اللي عبعد العصي مو متل اللي عبياكلها " وفهمك كفاية وبتمنى تصحح معلوماتك وانو الارهابي هو النظام مو الاخوان يعني شو ذنب البريء انو ينقتل غير انو من حماة ؟؟ هاد المنطلق اللي خلى كل اهالي حماة الحبيبية الوقوف ضد النظام المجرم . والاخوان ما قتلوا حدا بريء وهاد كلوا افتراء وازا فعلاً عنك شي يثبت هاد الحكي قولوا . |
اقتباس:
|
اقتباس:
|
من تلات سنيين كنت راجع عالبلد بزيارة عن طريق مطاردمشق ..فعند الشباك يلي الشرطي بدق المعلومات عالكمبيوتر كنت واقف ناطر لأخد الباسبورت ,,تفاجأت انو الشرطي حط ورقة صغيرة بالباسبورت و قلي انتظر في عناصر رح تجي تحكي معي ,,سألتوا عن السبب قلي مو فاضيلك !! ..قلتلوا انو تعبان من ساعات السفر الطويلة بس كل شي بدي يا انو يقول شو سبب انو ما عطاني الباسبورت لأنو بلش الفار يلعب ....!!
ولله يا شباب ما في غير هالشرطي (يلي معروف من سحنتوا انو سوري لئيم ! ) ...بلش يصرخ ,,,و حزروا صاحبنا شو سوّا !! ..ضربني بالباسبورت على وجهي و قلي ..انقلع عا ساحة المطار برا و خود شي طيارة و ارجع محل ما اجيت ,,,او اخرس حتى يجي عناصر الأمن تتكلم معك ,,, طبعا وقتها وطيت و شلت الباسبورت من الأرض و عابفكر بشغلتيين ,,الأولى البنت يلي تعرفت عليها بالطيارة و كنت و عدتها انو بدي اخدها لتزور اماكن كتير حلوة بلشام و حلب واللادقية !! كانت عابتنظر الي باستغراب بهديك اللحظة ,نظرات مستحيل انساها لهلق.... الشي التاني قلت لحالي يبدوا القصة مو خطيرة وإلا ما كان قلي انقلع و ارجع عالبلد يلي اجيت منو ...كانو قشوني عالسريع !! ..هههه و راحت البنت و قطعت...... و انا لسا ناطر الأمن ....اجو العناصر و كان في جولة تانية من هز البدن البهدلة ...حتى بعد ست ساعات اجا عنصر قلي انو كان في غلط عن وضع العسكرية تبعي و تصحح !! ,,و صار فيني امشي يعني اذا قلنا انو الناس بسوريا عابيتم معاملتها متل البهايم بقولوا ليش عابتحي هيك عن السوريين !!! عادي ..كل شعب بيتميز بشي ,,يعني مثلا البريطانيين بيتميزوا انو استغلاليين و انتهازيين كتير ..يعني الدهب جابو من جنوب افريقيا و الأثار من مصر والعمالة من الهند ,,,,,بس لما بحكي هيك مع بريطاني بيبتسم و بحاول يراوغ ...ما بعصب متل السوري الدفش !! باسمع انو الألمان عنصريين و عندون تعصب لثقافتون ... فما حدا يزعل وقت بقول انو السوري لئيم و مهزوز |
عنجد بحس انو نحنا شعب ما زودشي !! Masochists !!
|
اقتباس:
|
اقتباس:
انا بطلب من اخوية العزيزة انو تخصص زاوية لل Qualifications لكل عضو بحيث انو واحد جاهل متلي ما يغلط مع شخص متل طوروس (مع حفظ الألقاب ) يعني منقرا ال Qualifications لكل عضو قبل ما نرد بحيث منعرف شو لازم نحكي ,, بعتذر منك طوروس و بتمنى انو اخوية تدارك هالهفوة (الغير مقصودة طبعا ) |
اقتباس:
بس ماتقلي انت كنت فايق ورايق:shock: انا زعلت عل البنت انصدمت فيك ياحرام;) |
طبعا البنت نزعجت من طريقة المعاملة الا إنسانية !!
حبيبتي هي بنت اجنبية مو بنت سورية ما بتقدر تنام بلا ما تاكل كفين من ولي امرها على اي حال في موضوع تاني بناقش هالقصة بالمنبر |
اقتباس:
يعني البنات السوريات يلي عايشين معك و حوليك بياكلو كفين قبل مايناموووووو غريب معقول تكون عايش بهيك جو مضمحل احترم حالك ازا بتريد ولاتحول النقاش لمهاترات شخصية ويبدو اني كان لازم ما حاور واحد متلك بعتذر وبنسحب من النقاش معك بالفعل متل ماقال الأخ طوروس |
اقتباس:
ولاحظي انو كل ردودك كانت عبارة عن تهجم و مهاترات شخصية !! معك حق انو ما كان لازم قول هيك ..بس عنجد احيانا الواحد بيفقد اعصابو و بيحكي كلام شروي غروي لما بيقرا الردود الأستفذاذية تبعكن ... الموضوع كان عن الطبائع يلي السوري تربى عليها ,, يا اختي العزيزة لو ماكان الشعب مبسوط بهالفساد ما كانت هالحالة استمرت ,,يعني ليش لنمشي وفق القوانيين اذا كان فينا نعمل يلي بدنا يا برشوة بسيطة !! وما عابتروح غير عالناس الكويسة !! هدوك عابيموتو ستين موتة بالنهار مشان كلمة حق قالوها ...!! على اي حال ,,انا كمان بدي غيب عن هالمنتدى كام يوم ,,لأنو لاحظت انو ردودي شوي عصبية بالفترة الأخيرة ... |
استروا ما شفتوا منّا !
|
ما تتعب حالك العرب "ما بحب خص السوريين " العرب كلهون رح يبقوا باخر الركب لانو ما بيفهمو انو لما بتكون غلط وبتشوف غلطك او بتقتنع بوجودو هادا بداية الطريق لتوصل ولتصحح حياتك وعالمك اللي حوليك ... بس نحنا لساتنا متل الهبل كيف المجنون بيكون عندو كلمة سر بيضل اهبل بس تقللوا كلمة بيجنن جنونو وبيعطوا مهدئات ..هيك نحنا العرب منضل هبل وماشيين هيك بهبلة وعم نهز راسنا ومناكل من القمامة اللي حولينا بهبل بدون ما ندقق فيها ولا شي ابدا هبل المهم منبقى ماشيين ومشقشة تيابنا ونور ومناكل من اكل الشارع وهيك بس حدا يزعل على منظرنا ويقرب يقلنا الكلمة السحرية "عيوبنا" منهب ومنجن ومنصرخ ومنعيط ومن"بعبع" ومن"علك" وبالاخير بيعطونا المهدئ"افيون الشعوب" منبتسم بهدوء هيييييي ومنرجع منمشي منومين هبل وبايدنا بقايا اكل غيرنا رمالنا ياه ... هادا نحنا ...شعوب عمر وعبدو شعوب حاتم وخالد شعوب الوسواس القهري بالدخول عتبة الحمام وبمد الايد والسلام "نجس" بين الجنسين شعوب جوعانة ونورية ومتآكلة ومتهالكة المعالم والأطراف ومستعبدة ومدعوس عليها "وتعبد من يدعس عليها" ومشحرة وشحادة ومتخلفة ومقززة ومعدومة الذوق ومعدومة الكرامة وحاضرها مخزي ومستقبلها متهالك وقاتم بل معدوم...دول عالم ت"وا"لت .....وما زلنا مصرين مصرين انو نحنا صح !!فخليكون عم تناطحوا انو انتو صح "والا بتفقدوا هويتكون العربية"
هادا نحنا والسلام ..."لا حدا يقللي لا تعمم لأن القاعدة تعم عندما تكون أغلبية" . |
جماعة طبعا حكيي مو موجه لاي عضو هوي مجرد راي بشكل عام وانا صدقا لا اقصد اي عضو مشان ما حدا يزعل ولا حتى بقصد اللي عم يناقشو بها الموضوع لكن الشيء بالشيء يذكر ....
|
اقتباس:
كلامك صح 100% |
اقتباس:
ازا انتو فعلاً بتدعوا الديموقراطية مو الدكتاتورية فهاد أكبر اثبات عليكن انسحاب من النقاش!!!!!!! الله يديم المحبة بينكن وبين النظام . والله ياخدو هوا واللي معو !!!! |
وبعدين شغلة تانية
انتو بتحكوا على الاخوان والناس على كيفكن وبتسبوا كمان ونحنا لما نحكي على النظام ولما نحنا نرد عليكن بمنعونا من المشاركة بالموضوع فعلاً زمن !!!!!! |
هلق صار معيار وطنية السوري هو مقدار دعموا و ولاؤا للأسرة الحاكمة اكثر من أربعيين عاما !!
كل شعوب دول العالم الحر تتسم بالتخاذل و العمالة لأنها بتغير الشخص الحاكم كل اربع او 8 سنيين !!!! و صار معيار الأرادة هو مقدار الأنصياع للأوامر ومعيار المقاومة هو مقدار الدعم الكلامي و اللعب على شق الصفوف بالدول المجاورة و معيار القوة والهيبة هو عدد الشبيحة تحت ايدك و معيار الذكاء انك تبقى محافظ على نفسك برا السجون !!!!!! و معيار الشجاعة هو القدرة على سب لأشخاص المكروهيين من النظام ! و معيار الأخلاق هو من يسرق اقل .....من مؤسّسات الدولة ! و معيار الشرف هو احد اعضاء المرأة !! و معيار الرجولة هو الهريبة تلتيين المراجل ! و معيار الأدب هو مدى مدح المشوه و معيار الحسب والنسب هو تيابك و موبايلك و مصاريك كل المعايير اتغيرت بهيك زمن ... بس بتعرفوا شو .. حتى لو كان اغلبية الشعب متل ما ذكرت فوق ...بس لسّا عندي امل و امل كبيير لأنو شخص واحد بيسعى للتغيير احسن من مية بيفكّرو ...و عشرة آلاف بيآمنوا ... و مليون بينفذوا !! |
السوري ... شجاع ؟!!! ...
40 سنة قهر وتعذيب ... ولك ليش ضل في سوري ؟؟؟ |
لا حول ولا قوة الا بالله
|
هلأ بصراحة انا الموضوع عجبني وبدي احكي كم كلمة .. مع انو الموضوع تشعب كتير وهيك بس بيستاهل ينحكى فيه ..
هلأ للاسف المواطن السوري مابتحسن تقول عنو شجاع وانت واثق من حالك وللاسف كتير طبعا .. يعني مابعرف انا عبحكي هالشي عن ملاحظة وهيك .. للاسف المواطن السوري ناقصو كتير شجاعة .. او بالاحرى ثقة بالنفس .. يمكن مابعرف استخدم الالفاظ .. بس المواطن السوري فيو شوي من الجبن بطبعو .. وللاسف وبنسبة كبيرة .. المواطن السوري من يوم يومو بخاف من حيا الله شي اسمو سياسة .. المواطن السوري ابن حلب بخاف من ابن الشام وابن الشام وحلب بخافو من ابن الساحل خوفا من انو قريب من النظام وهيك .. والسني بخاف من الشيعي والشيعي .. والشيعي والسني بخافو من العلوي كونو من طائفة الحاكمة وهيك .. (مع للالفاظ اللي فيا شوية طائفية ) وكلو هيك .. للاسف الخوف مزروع بالمواطن السوري لو بالاحرى انزرع من زمان .. كلو خايف من بعضو وكلو مابسترجي يحكي قدام بعضو .. الام قبل ماتبعت ابنا ع المدرسة بتوصي ابنا انو يه .. دير بالك ماتحكي حكي طالع نازل قدام رفقاتك .. ومن هالامثلة كتير ماعنا وقت لنزكرا .. المواطن السوري انزرع بنفسو الخوف من كل غريب حتى مع ابن بلدو !! .. وصار مثلا انو في بعض الناس ازا سمعو انو هادا من الساحل .. وليه كلو بصير بطلع بعضو ومدري شلون .. لا والانكى ازا عرفوا انو علوي مثلا .. ياسلام .. مابعود حدا بسترجي يحكي كلمة قدام وبتلاقي كل واحد بفكر الف مرة ليحكيلو كلمة .. خوف كلو مابعرف يمكن اجا من الاحداث اللي مرت بسوريا وعبتمر وتعممت ع الكل وصار الشعب السوري يخاف من بعضو .. وهالشي اثر بشكل كبير ع كل مواطن سوري طلع برات سوريا .. نفس الصورة المرسومة عندو بسوريا رسما برا واثرت ع شخصيتو وماعملتو مع الناس وطريقة حكيو وعدم ثقتو بنفسو قدام الغريب .. وبالتالي ماقدر يفرض شخصيتو مثلا بالبلد اللي طلع عليه تمام نظرا لانو متعود ببلدو ع الخوف من الغريب والتنبيه من كلشي .. واللي امو معلمتو ياه واللي ابو معلمو ياه .. حتى لو كبر بضل خايف .. طبعا هادا الحكي مافينا نعممو ع الكل .. بس بشكل عام في نسبة كبيرة من الشعل السوري هيك .. |
شباب الكل يقفّل عالموضوع ..يبدو انو اليوم في قَش !! ...
سكروا الباب منيح و ماحدا يطلع لبرا !! ..يا ساتر يا رب لطيفية يا شباب دخيل عينكون |
بإعتبار الموضوع طلع عن الموضوع و معد في موضوع أنما مهاترات , و أخونا صاحب الموضوع مقتنع أنو السوري اجبن من عليها ..
و بنااءا ً على طلب و ترجي صاحب الموضوع بإقفال الموضوع .. أغلقنا الموضوع , لحين أخذ التصرف الإداري المناسب بحق هازا المووضوع دمتم |
| الساعة بإيدك هلق يا سيدي 16:42 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون