|
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
|
اقتباس:
هلأ بيجي بارليبو وبحطّ حدا تاني ... انا ...دايمي ..وكل مقلايي وانتوا بخير ...:D |
نحنا ناطرين
بس انو مو اللي بينقلا هوي بيختار :? او قوانين جديدة يلا ستي المهم حدا ينقلي :gem: |
كانو في حدا حابب ينقلى؟؟؟;)
|
بتمنى من سويت بيبي تشرفنا عـ المقلاي و يا مرحبا ..
|
يا ميت مرحباااااااااااااا ريتا
|
خسارة ماحضرت لمقلاية سيمو وهنو ومريومة .
اهلين رتروت كيفك? اعتراف - ربحتي تذكرة سفر لاسبوع وخيروكي بين سوريا او دبي..اي بلد منهم بتختاري تزوريه ? -شو الحرف الاول من اسم توأم روحك? -شو اخر شي بتقوليه قبل ماتنامي? طبخ -شو اخر طبق طبختيه? -شو الاكلة المفضلة عندك ? جمال الى اي مدى بتهتمي بالموضة? شو اللون الدارج بكترة في دولابك? |
رتوش شو رئيك اعمل ريجيم و لا لا و ليش ؟
|
كيفك مزمزيل مشرفة ؟!
اخوييشن : 1- بتعتبري نفسك معنية بالاخوية ككل ولا بس بالاقسام اللي انتِ فيها ؟! يعني بهمك تكون الاخوية باحسن اشكالا ولا بس همك الوحيد قسمك اللي انت مستلمتيه يكون ماشي تمام ؟ 2- هل الاخوية حاليا بافضل احوالا ؟! نعم او لا في حال الاجابة بلا : 3- شو الحلول الممكن تصير لترجع الاخوية لافضل نقطة شو بتفضلي من الخيارين التاليين : 1- تساهمي بصنع الحل 2- تكوني ايجابية بالتعامل مع الحل الجاهز لتحسين الاخوية في حال الاجابة بنعم : يعطيكي الف عافية . 4 - ايا اكتر قسم بتحبي تفوتي عليه .. وايا اكتر قسم بتحاولي تتهربي منه قدر الامكان . 5- شو هوي طريقتك المتبعة بالفوتة على المواضيع : (( بشكل عام )) 1- من جديد المواضيع ---- العنوان الشيق واللي بيحصل على اهتمامك بغض النظر عن القسم 2- من صفحة الاخوية العامة ---- القسم اللي بتحبيه ----- كل مواضيع القسم 3- من ملف احد الاشخاص ----- مشاهدة المزيد من المشاركات دراسيشن : 1- رتبي العلوم التالية بحسب الافضلية بالنسبة الك مع كام كلمة على سبب الترتيب طب بشري - آداب تراثية - علوم ( فيزيائية كيميائية رياضية ) - علاقات دولية - فنون جميلة 2 - اجتماعيا دائما ما بتم ربط بين الدراسة والثقافة والمستوى التفكيري هل الربط هاد صحيح بنظرك ؟! وامتى بتطلقي على شخص ما لقب " مثقف " (( بمعنى تاني هل الشهادة هية معيار الثقافة بنظرك ؟! اذا اي .. ليش ؟ لا .. لكن شو ؟! )) 3- بموضوع لوجيا ... ايا علم من العلوم اللي ترجمتيلنا ياهن للعربي (( يعطيكي العافية )) اثار فضولك اكتر شي وتمنيتي انك تعرفيه عليه اكتر . خلصوا الزيتات من عندي لحظة لنط جيب تنكة جديدة :p |
اقتباس:
بس مارح اقدر افضى جاوب لبكرا بليل او للجمعة...فبدكن تستحملونا شبابز... :D |
ممممممممم رتروت الحبابة اللي بتعرف تلبع بالطابة كيفك؟
أسئلتي ظريفة متلك 1- ريتا وين بسوريا ولا بامريكا بشكل أوضح خلصتي دراسة راجعة ع حومص العظيمي ولا حومص للصيف ؟ 2- محششة هيفا القديمة شو بتعنيلك وانتي كني قاعدة على عرش المملكة فيها ؟ 3- سوريا نقطة وفاصلة بتقولي هيك أنت انو سوريا ونقطة ع السطر ولا في شي ؟ 4- الانسان بس يكبر بيتغير بس معقول يتغير لدرجة ينسى كلشي مر بحياتوا ؟ 5- الكذاب مين وشو بالنسبة لريتا ؟ 6- شو قنوات التلفزيون العريية اللي بتطلع بأمريكا وهي كيبل او دش عادي ؟؟ 7- شو أسم القناة اللي بيطلع عليه برنامج أوبرا بأمريكا و كما برنامج إبنسايدر و إبنسايدر إيديشن ؟ 8- مين شايفة من مشاهير هوليود ؟ 9 - هاد استفسار انو اذا شفتي شي مرة أنجلينا جولي بتقدحيها بوسة وبتقليها انو هي من زين بسوريا؟ هي أسلتي ل رتوشة الأخوية ونعود .............. |
اقتباس:
المهم منكمل قلي : انسانيشن : 1 - شو رايك بالاعمال الانسانية الخيرية ، وهل بتفكري تكوني جزء منها ؟! 2 -اي هية اكتر حالة من الحالات التالية بتاثر عليكي اكتر وبتخليكي تتعاطفي مع الانسان : الفقر - المرض - الجوع - الامتحان :o - الهجرة عللي اجابتك :p 3 - بتتقبلي فكرة الانسان حيوان متطور ولا بتعتبريا تحقير انه الانسان يتم وصفه بلقب " حيوان " بغض النظر عن المقصود فيها متطور او غير متطور . سورياييشن: 1 - واقع الانترنت بسوريا شو اكتر شي بيزعجك فيه الحجب ولا الخطوط البطئية وليش ؟! 2 - برأيك الشخصي العاصي لحمص ولا لحما :p 3 - شو اكتر شي بسوريا بتحنيله وما قدرتي تشوفيله مثيل باميركا 4 - شو بيعنيلك كلمة وطن واديه عندك حس الانتماء للارض السورية 5 - بايدك حاليا امكانية تغيير 3 وقائع بتخص سوريا بشكل مطلق ، غيريا لاشوف :sly: بجوز حدا يطبخله شي طبخة اتحمس علريحة وارجع احمي زيتاتي فاعذر من انذر :p |
اقتباس:
|
:shisha:eja 3bale ektob hon,,bs ma 3reft shou bde oul
fa baleha:p |
اقتباس:
الله يستر ما نتبهدل واجي قبلك وتفتحلنا سيرة المنامات وناكل هوا نظامي :o |
اقتباس:
بس قصة المنامات ما كانت خاطرة عبالي بس انت زكرتني يالله لنشوف :o |
انو مرحبا
ثقافة .. ريتا بتعتبر حالا مثقفة نوعا ما ؟ ريتا بتحب تقرا كتب .. ولا تسوء؟ روايات .. ولا .. شعر .. ولا شي تاني .. انجليزي ولا عربي .. اشراف شو بيشكل الاشراف لريتا .. وبتتمنى تتخلص منو ؟ وليش ريتا ما بحسا بتمارس حقا الاشرافي :o حمص .. سؤال واحد .. ازا كان في بلو ستون بكاليفورنيا .. وازا كان في oops بكاليفورنيا .. ريتا بترجع عحمص ؟ ولا لاء لألأ صحي في سؤال تاني .. ريتا عشو بدا تعزمني وقت بدا تجي عحمص:gem: وبس |
ريتا ...يا ريتا
كونو في معرفه بيني وبينها فا مسموح الي اسال :p لاي درجه ممكن تسامحي وتغفري ... انا من الاشخاص الي مرو بظروف معينه ...متلي متل كتير ناس ... ومن الاشخاص الي فكرو بالانتحار .....فا شو رأيك ...بالانتحار ...هل هو ضعف ام هروب .... انت من الاعضاء القدامى باخويه ...شو رأيك فيها بهل الوقت ...وقبل ...وهل بتشوفي في تميز هلالفتره ولا لا ... شو حلمها ريتا..كصبيه كلها نشاط وحيويه ... الحب .....شو بيعني الحب لريتا .... التبني ....هل تجديه حل مناسب ..او تعويض شو بتقولي ..لاطفال غزه ...... وشو بتقولي ...لرؤساء العرب ..... وياسمينه الك :D |
اهلين رتروت كيفك? هلا غزلانو كيفك؟؟ اعتراف - ربحتي تذكرة سفر لاسبوع وخيروكي بين سوريا او دبي..اي بلد منهم بتختاري تزوريه ? هممم سؤال صعب بصراحة وكتير...بس حاليا بفضل روح ع سوريا -شو الحرف الاول من اسم توأم روحك? هلا بمااني عاشقة وبجنون... فانو الاحرف الـ 28 كتار فرح اعطيكي ست احرف منون وانتي احزري انو واحد:p م س ف ل ع ي اللي بيحزر الو جائزة:lol: -شو اخر شي بتقوليه قبل ماتنامي? همم حسب..ازا عم احكي ع التلفون المعنى بحبك:sosweet: طبخ -شو اخر طبق طبختيه? ممم رح قول وقت عملنا الغدا نهار عيد ميلاد ماما بس مابذكر شو عملت -شو الاكلة المفضلة عندك ? هممم ولاشي جمال الى اي مدى بتهتمي بالموضة? ممم بهتم بالموضة كتيير...وكتير بهمني اطلع انيقة وعالموضة وع اخر طرز(صحي اخر فترة هالشي ماعم بيصير) بس بتهمني حلو الوحدة تكون متابعة شو اللون الدارج بكترة في دولابك? هممم المووف الغامق والبني في كتيييير منون :D |
هلا ابو الزوز
اقتباس:
ابو الزوز انت بتعرف انك بتعجبني كيف ماكنت:p هلا بصراحة..انو ازا بدك تعمل ريجيم مشانك انت ومشان صحتك وحتى لتغير شي من حالك من نفسيتك من اي شي انا معك جدا جزيلا...بدك تعمل ريجيم مشان شي حدا ينعجب فيك...وانت مو مقتنع انا ضد...المهم انت تكون مرتاح خيوووو |
كيفك مزمزيل مشرفة ؟!
اهلين ابو الطون العظيم اخوييشن : 1- بتعتبري نفسك معنية بالاخوية ككل ولا بس بالاقسام اللي انتِ فيها ؟! طبعا معنية باخوية كـ كل..ولو ماني معنية باخوية كـ كل ماكنت شفتني ضليت لهلا.. يعني بهمك تكون الاخوية باحسن اشكالا ولا بس همك الوحيد قسمك اللي انت مستلمتيه يكون ماشي تمام ؟ اكيد كل واحد فينا بيحب يشوف بيتو باحسن اشكالو مو بس غرفتو ماهيك؟؟ ونفس الشي اخوية... 2- هل الاخوية حاليا بافضل احوالا ؟! نعم او لا للاسف اخوية باسوء حالاتا هلا في حال الاجابة بلا : 3- شو الحلول الممكن تصير لترجع الاخوية لافضل نقطة في كتير امور لازم تنحل..وفي كتير اصص لازم تتصلح ابل مانقدر نرجع نرفع بمستوى اخوية من جديد شو بتفضلي من الخيارين التاليين : 1- تساهمي بصنع الحل 2- تكوني ايجابية بالتعامل مع الحل الجاهز لتحسين الاخوية هلا بمااني بمركز بقدر قول رايي واعطيه حلول وحتى ساهم بصنع الحلول..فانا اكيد رح ساهم وعم ساهم بصنع اكتر الحلول الممكنة...وحتى تعاملي ايجابي مع كتير حلول بسيطة موجودة...او عالاليلة انا هيك شايفة في حال الاجابة بنعم : يعطيكي الف عافية . 4 - ايا اكتر قسم بتحبي تفوتي عليه .. وايا اكتر قسم بتحاولي تتهربي منه قدر الامكان . ممم بفوت ع كل الاقسام تقريبا...انو حسب الموضوع وحسب الحالة النفسية بفوت عالاقسام... ازا بدي قول اقسام بتهرب منها يمكن المسابقات.. 5- شو هوي طريقتك المتبعة بالفوتة على المواضيع : (( بشكل عام )) 1- من جديد المواضيع---- العنوان الشيق واللي بيحصل على اهتمام بغض النظر عن القسم دراسيشن : 1- رتبي العلوم التالية بحسب الافضلية بالنسبة الك مع كام كلمة على سبب الترتيب طب بشري - آداب تراثية - علوم ( فيزيائية كيميائية رياضية ) - علاقات دولية - فنون جميلة علوم(كيميائية)- علاقات دولية- طب بشري- فنون جميلة- اداب تراثية 2 - اجتماعيا دائما ما بتم ربط بين الدراسة والثقافة والمستوى التفكيري هل الربط هاد صحيح بنظرك ؟! طبعا الربط غلط جدا...لانو مو كل مين معو شهادة عندو مستوى تفكير وثقافة... وامتى بتطلقي على شخص ما لقب " مثقف " (( بمعنى تاني هل الشهادة هية معيار الثقافة بنظرك ؟! اذا اي .. ليش ؟ لا .. لكن شو ؟! )) الشهادة اللي معلقها عالحيط اكيد مانها معيار لثقافتك لانو في مليون طريقة لتقدر تجيب هالشهادة بينما المثقف انا برايي انت بتشتغل ع حالك لتصير مثقف..والثقافة مابس بتجي انو بالكتب او المعرفة بشتى الامور...في عندك ثقافة اجتماعية ويللي عم لاحظ انو كتير عالم مفتقدينا بايامنا...ثقافة سياسية، اقتصادية، والقائمة تطوول 3- بموضوع لوجيا ... ايا علم من العلوم اللي ترجمتيلنا ياهن للعربي (( يعطيكي العافية )) اثار فضولك اكتر شي وتمنيتي انك تعرفيه عليه اكتر . في كتير من العلوم ثارتلي فضولي وماكنت متوقعة انو هيي علوم بتندرس...الموضوع لساتو باولو وماخلص..فمارح قول بدي ادرس هاد بس يخلص الموضوع كل اللي ثارو فضولي حاعمل شرح مفصل عنون خلصوا الزيتات من عندي لحظة لنط جيب تنكة جديدة :p ناطرتك:jakoush: |
ممممممممم رتروت الحبابة اللي بتعرف تلبع بالطابة كيفك؟
وحياتك مابعرف البع بالطابة انا... هلا زينو أسئلتي ظريفة متلك 1- ريتا وين بسوريا ولا بامريكا بشكل أوضح خلصتي دراسة راجعة ع حومص العظيمي ولا حومص للصيف ؟ ريتا بكل مكان...ريتا مخلية خياراتا مفتوحة..فماقايلة سوريا الها ولا قايلة اميركا الها العالم كلو الي...وهالشي لعدة اسباب 2- محششة هيفا القديمة شو بتعنيلك وانتي كني قاعدة على عرش المملكة فيها ؟ اااخ محششة هيفا...بتذكرني بشغلات قديمة حلوة...بس بيني وبينك منيح اللي راحت مع هالشغلات مشان ماتنتزع متل كتير شغلات تانية 3- سوريا نقطة وفاصلة بتقولي هيك أنت انو سوريا ونقطة ع السطر ولا في شي ؟ ماكتير فهمت السؤال... 4- الانسان بس يكبر بيتغير بس معقول يتغير لدرجة ينسى كلشي مر بحياتوا ؟ مابعتقد في انسان بينسى كل شي مر بحياتو هيك...الانسان ممكن يتعلم من اللي مر معو..,ياخد هالدروس معو ويكب اللي صار ممكن مشان يفتح مجال لذكريات جديدة محلها ممكن بس انو هيك ينسى اللي مر معو لاء ابدا 5- الكذاب مين وشو بالنسبة لريتا ؟ يمكن اكتر شي بشع لريتا واكتر شي ماممكن تسامح عليه ريتا هوي الكزب.. الكذاب بكل بساطة هوي اللي مابيقول الحقيقة...ومابعتقد في شي بيمنع قول الحقيقة..مارح اجي اقطعلك راسك ازا قلتلي الحقيقة لو شو ماكنت عامل... 6- شو قنوات التلفزيون العريية اللي بتطلع بأمريكا وهي كيبل او دش عادي ؟؟ همم القنوات..ابو ظبي، دبي، mbc, lbc, future, ART america, ART movies, newtv, nbn الجزيرة والعربية بعتقد هدول هني الي بيطلعو...ولاكيبل ولادش..هدول بيجو باقات باقات..وانت بتشتريون بعتقد(ماني من متابعي التلفزيون) 7- شو أسم القناة اللي بيطلع عليه برنامج أوبرا بأمريكا و كما برنامج إبنسايدر و إبنسايدر إيديشن ؟ مابتفرج عالتلفزيون ومابعرف 8- مين شايفة من مشاهير هوليود ؟ انا مابيكفي:larg: 9 - هاد استفسار انو اذا شفتي شي مرة أنجلينا جولي بتقدحيها بوسة وبتقليها انو هي من زين بسوريا؟ لاء هي أسلتي ل رتوشة الأخوية ونعود .............. هلا زينو:D |
شو عاملة لسعدو حتى وصلني الزيت بهلسرعة :?
شومشان انو انقليت عشرطعشر مرة ولامرة بتسال ولا سؤال هلا جاي اتطالع الفرق؟:jakoush: المهم منكمل قلي : انسانيشن : 1 - شو رايك بالاعمال الانسانية الخيرية ، وهل بتفكري تكوني جزء منها ؟! يمكن من اعظم وارقى الاعمال اللي موجودة ع ارضنا بالوقت الحالي وبكل الاوقات هيي..واي طبعا بفكر كون جزء منها...بس بشكل عام انا عندي نشاطات خفيفة باعمال انسانية خيرية.. 2 -اي هية اكتر حالة من الحالات التالية بتاثر عليكي اكتر وبتخليكي تتعاطفي مع الانسان : الفقر - المرض - الجوع - الامتحان :o - الهجرة عللي اجابتك :p ممم بصراحة ولاوحدة...او لا الجوع يمكن.. الفقر- حتى لو كنا فقرا منقدر نحسن من حالنا ومنقدر يكون عنا القوة الكافية لنقدر نغير شي المرض- كمان مافي حدا ماعندو القوة ليحارب اصعب مرض وبارادة الانسان بيتحقق كل شي...بس ماتخلي المرض ياثر عليك الجوع- حسب انو الجوع بسبب قلة الموارد الموجودة بالبلد؟ الجوع بسبب الفقر...بس ازا بسبب قلة الموارد هون اكيد بتاثر فيني كتير... الامتحان- روح الله لايقيمك ياايها الطالب:p(كاني ماني طالبة وعم عاني:jakoush:) الهجرة- جربت الهجرة صعبة كتيير..بس انو واحد يخليني اتعاطف معو لانو مهاجر لاء... ساعدو ليوقف ع اجريه اوكي بس اتعاطف معو لاء 3 - بتتقبلي فكرة الانسان حيوان متطور ولا بتعتبريا تحقير انه الانسان يتم وصفه بلقب " حيوان " بغض النظر عن المقصود فيها متطور او غير متطور . لاء مانها تحقير للانسان..لانها نظرية متلها متل غيرا من النظريات..بصراحة ماكتير عندي فكرة واضحة عنها..انو قريانة عن نظريات التطور فيني قول..بس ماعندي الـfull understanding لالهون فماكتير رح اقدر جاوبك سورياييشن: 1 - واقع الانترنت بسوريا شو اكتر شي بيزعجك فيه الحجب ولا الخطوط البطئية وليش ؟! الخط البطيء جبلي الجلطة بسوريا...بس اكيد اكيد مابيطلع شي ادام الحجب وقمع الحريات فيك تقول 2 - برأيك الشخصي العاصي لحمص ولا لحما :p حوومص طبعا:gem: 3 - شو اكتر شي بسوريا بتحنيله وما قدرتي تشوفيله مثيل باميركا الحياة الاجتماعية 4 - شو بيعنيلك كلمة وطن واديه عندك حس الانتماء للارض السورية الوطن=سوريا= الطمأنينة والامان حس انتمائي للارض السورية يمكن اقوى بشوي من اي سوري موجود بقلب سوريا لاني انا بعيدة...لانو لو شو ماصار مثلا بسوريا هوي بيقدر يعمل شي ويحرك شي...انا اعدة من بعيد..فمشان هيك حسي بانتمائي لارضي هوي اقوى... 5 - بايدك حاليا امكانية تغيير 3 وقائع بتخص سوريا بشكل مطلق ، غيريا لاشوف :sly: بلغي المعتقلات وكل انواع المعتقلات وبهدا وعفو عام للكل بلغي كل شي اسمو حجب ومنع وهالاصص...حرية عمي حرية تحسين الوضع المعيشي للكل بجوز حدا يطبخله شي طبخة اتحمس علريحة وارجع احمي زيتاتي فاعذر من انذر :p هلا ابو الطون:D |
ريتا ..
شؤال مشتعجل .. شو رأيك بالاعضاء التالية .. ولاقيلي قاسم مشترك بينك وبينهن Gazita Reemi marioma alghzayala hanny dagher Willi layla sezar الحاج متولي maged-syrian butterfly وشم الجمال " ربيع انثى" Syrian__Angel Hashtnasht ٍٍٍSyrian Gay Fares yass راديا SABE HUS Barleb باشق مجروح the light سرسورة محمد ابراهيم GOVERMENT صياد الطيور phoenixbird " سابقا" رجل من ورق the morrning COSTA handsome abosleman LiOnHeArT .3la2 yamen_h BL@CK MadMax وائل76 مسطول ع طول أمرأة من ورق Roaa مايا* ليندا fofo besset syria Abu Guzef abu william abu toni nour333 الموسيقار, ظل جيفارا Nirvana sandra طيب .. مقارنة .. ومين بتنقي بين abu guzif .. abu william abu toni .. lionheart.3la2 marioma .. reemi محمد ابراهيم .. sandra goverment .. bl@ck .... بتعرفي رق قلبي عليكي .. حاجتك لهون .. :o |
انو مرحبا
انو اهلين ثقافة .. ريتا بتعتبر حالا مثقفة نوعا ما ؟ الى حد ما مثقفة...بس اكيد ماني انو مثقفة واااو..بس عندي حد معين..وعم اشتغل ع ثقافتي... وتحسين مستوايي التفكيري فيك تقول ريتا بتحب تقرا كتب .. ولا تسوء؟ اي ريتا بتحب تقرا..وبتقرا كتير انو مو كتير كتير بس انو دايما في كتاب عم تقراه..بس بجوز يطول الكتاب معا حسب الفضا روايات .. ولا .. شعر .. ولا شي تاني .. مم اي قريانة روايات كتير بس مانون الشي الوحيد اللي بقراه انجليزي ولا عربي .. التنين اشراف شو بيشكل الاشراف لريتا .. وسيلة لاقدر ساعد بتحسين اخوية وبتتمنى تتخلص منو ؟ اتخلص منو بعتقد هي عبارة خاطئة... انو هوي مسؤولية كبير وعبئ علينا اي مابقلك لاء بس مو انو اتخلص منو.. بس انا مع الروح الجديدة.. يعني انا ازا مو اليوم بكرا رح قدم تقاعدي حاجة عمي خلي غيرنا يجي بلكي عايدو بيرجع الروح اللي راحت من اخوية وليش ريتا ما بحسا بتمارس حقا الاشرافي :o ريتا عم تمارس حقا الاشرافي ع اتمم وجه...بس انا بشتغل من وراء الكواليس عموو انت شو بيعرفك:larg: حمص .. سؤال واحد .. ازا كان في بلو ستون بكاليفورنيا .. وازا كان في oops بكاليفورنيا .. ريتا بترجع عحمص ؟ ولا لاء عد بي الى حمص ولو حشو الكفن:sosweet: لألأ صحي في سؤال تاني .. ريتا عشو بدا تعزمني وقت بدا تجي عحمص:gem: مابيكفي رح خليك تشوفني :? وبس هلا:D |
ريتا ...يا ريتا
شو ياعيونا كونو في معرفه بيني وبينها فا مسموح الي اسال :p اي اي طؤبري قلبي لاي درجه ممكن تسامحي وتغفري ... هلا هيي بتصفي حسب كيف جرحني او غلط بحقي الشخص بس ريتا لتوصل للمسامحة صعب كتير..ولاي مدى ممكن سامح واغفر ماكتير...انا بعتقد اني وحدة قاسية من هالمنطلق... انا من الاشخاص الي مرو بظروف معينه ...متلي متل كتير ناس ... ومن الاشخاص الي فكرو بالانتحار .....فا شو رأيك ...بالانتحار ...هل هو ضعف ام هروب .... انو بعد ابتسامة شديدة العرض على هالسؤال:lol: ياستي الانتحار كفكرة هوي ضعف وهروب من واقع معين...بس تنفيذو بيتطلب قوة فظيعة من الانسان..فانو عندي احترام فيكي تقولي للي بيقدرينفذو لانو انا وحدة من كتير ناس مرت عليها ظروف خلتها تحاول تنتحر بس ماكان عندا القوة الكافية لتنفذها...وبدي قول انو كمان اللي بينتحر عندو انانية فظيعة... انت من الاعضاء القدامى باخويه ...شو رأيك فيها بهل الوقت ...وقبل ...وهل بتشوفي في تميز هلالفتره ولا لا ... اخوية حاليا باسوء حالتها... مافيا شي زابط مننا نحنا وانت طالعة... اخوية زمان عدا عن المستوى اللي كان...كانت فيا روح هلا رااح عنجد هالفترة اي فيا اكيد تميزز بس انو تميز بالاسوء للاسف طبعا شو حلمها ريتا..كصبيه كلها نشاط وحيويه ... ممم ريتا صبية عندا احلام كتير...بتشوف حالها باكتر من محل..وعم تحاول لتوصل وتلاقي حالها بهالمحلات.. حلمها تخلص اللي عم تشتغل عليه حاليا من الناحية العلمية...توصل لمرحلة تقدر تميز الصح من الغلط..تلاقي الشغل اللي بيليق فيها..تلاقي شريك عمرها...في كتير اصص اي بنت بتحلم فيون...بس ريتا كبنت عندا يمكن لنفس الاصص higher expectations or standards فيكي تقولي الحب .....شو بيعني الحب لريتا .... الحب حياتي... مابقدر عيش بدونو.. التبني ....هل تجديه حل مناسب ..او تعويض التبني حل مناسب..لما بتكون العيلة بحاجة...وقادرين ليعيلو هالولد فانا مع طبعا... انو في عالم تبنو لانو مابيقدرو يجيبو ولاد وحبو هالولاد وبعدين جابو وضل الولد المتبني يمكن ابنون المفضل او شي...هلا انا هون شفت حالات تبني بس لانو الام مابدها تفوت بتجربة الحمل...فانا ضد هالشي جدا...انو حلو الواحد يكون قادر ليساعد طفل محتاج مثلا..بس ازا عندك القدرة لتجيبي ابنك مافي داعي..الموضوع كتير شائك ومعقد بالنسبة الي.. شو بتقولي ..لاطفال غزه ......سامحونا...وبعتذر خلقتو بالمكان والوقت الغلط وشو بتقولي ...لرؤساء العرب .....خجلتوني قول اني عربية...:jakoush: وياسمينه الك :D :D |
ريتا ..
لك يعدمني هالسؤال واللي اخترع هالسؤال شؤال مشتعجل .. شو رأيك بالاعضاء التالية .. ولاقيلي قاسم مشترك بينك وبينهن Gazitaغزلانو من اطيب واهضم بنات اخوية..بحبا كتير ومشتاقتلا Reemiرمرش بحبا كتييير...رفقتنا الها تلت سنين تقريبا كتير غالية ع قلبي ومافي متلها كتير طيوبة وبتجنن بس لو تخفف عصبية شوي marioma alghzayalaاطيب قلب ممكن تشوفو بالكون...بتعقد مافي متلها hanny dagherاخي الكبير قلبو طيب كتير...بيضل يخانقني Williاخي الصغنون اللي كل مابحاكيه بشوفو كبر كومايات عن المرة اللي قبلها...بحترمو كتير وبحبو كتيير...بعدين نحنا مناضلين من نفس المدرسة:gem: laylaليلى شو بدي احكي عنها...انقى واصفى قلب واخت بالكون...رغم الاختلاف الكبير بطرق تفكيرنا وكل شي بيناتنا مابقدر مااحكيلا كل شي واخد رايها بكل شي مع انو بعرف انو بنهاية النقاش رح نتقاتل...بحبا بحبا بحبأ بجن ازا بفكر انو حيصير عليها شي بخاف عليها من كل شي..مع انها اكبر مني..بس بحس حالي مسؤولة عنا دايما sezarمن ارقى الشباب الموجودين باخوية الحاج متوليجوز الاربعة...ماكانت علاقتي فيه قوية maged-syrianمابعرفو:D butterflyلاتعليق وشم الجمال " ربيع انثى"حساسة جدا رائعة بتعقد بحبا كتير ومشتاقتلا:cry: Syrian__Angelدمدش من اكتر البنات اللي برتاح لما بحاكيون..صحي بحاكيا مدري كل اديش مرة بس انو بتفهمني عالطاير...مشتاقتلا Hashtnashtابوو نهلة العظيم...كـبـيـر Syrian Gayراميااااه...اشتقتلو اول الشي...تاني شي بحترم فيو رسالتو اللي عم بيوصلا Faresروح الـ2003 باخوية..الله يوفقو ويخليلو مرتو yassلاتعليق راديامابعرفا SABEابن العم الغالي بحبو كتير...وبدي ابعتلو كل ساعات الفراغ اللي عندي بلكي بيفضالنا شوي HUSمن اذكى وارقى الناس اللي تعرفت عليون بحياتي...الله يخليلنا ياك ويرجعلنا ياك يارب..وبدي قلك انا اسفة ازا خيبتلك املك باي شي Barlebهممممم بارليب بحبو كتير كتير...بس اخر مرة مابعرف شو اللي مغيرو..مو بارليب بعرفو...وياخوفي يكون اللي ببالي بس باشق مجروح صافوو علاقتي فيه من خلال غروب التشات...شب كتير مرتب ومحترم the lightحسان همم الي زمان كتير معد شفتو ومعد حاكيتو... سرسورةفيك تقول سرسورة امي الروحية...بدون مااحكيلا شي بتعرف شوفيني..بحبا كتير..بالرغم اني مدايقة اني ماقدرت شوفا بالصيف:cry: محمد ابراهيممولانا..ماعم اقدر ازكر ايمت تعرفت ع محمد وايمت صرنا رفقة...بس النا تقريبا الاربع سنين..مرتب مافي متلو لولا هالستميتة علة اللي فيه:p...ولولالي ماكان ربح ولا بلعبة بوكر:p GOVERMENTماكتير علاقتي قوية فيه ماكتير بعرفو يعني صياد الطيورالي زمان ماحاكيتو..بيذكرني باخوية القديمة جدااا...الله يخليلو عيلتو وابنو phoenixbird " سابقا" رجل من ورقالو زمان ماصبح عليي وبعتلي فيروز الصبح:pos: the morrning رفيقتي من زمان كتير بعرفا... COSTAنبيل بيجنن مافي متلووو...اشتاقتلو اخوية كتير... VivaSyriaفادي بحبو كتيير كتيير من ارقى واطيب الشباب الموجودين كتير مهم وجودو بحياتي..صار بفترة قصيرة كتير من اعز الرفقة ع قلبي... handsomeابن العم التاني..بيعقد ومافي متلو...بحبووو كتيير كمان aboslemanمابعرفوو LiOnHeArT .3la2يعدمني علاء الهي...هالصبي مابيمشي غير بالبهادل بدو كل نهار بهدلة ليقدر يضل هيك مركز...بس طيوب كتيير...وهيك مافي متلو غير بسوق الجمعة:p yamen_hمعدني عم اعرفو BL@CKلاتعليق MadMaxلاتعليق وائل76ماكتير بعرفو او محتكة فيو مسطول ع طول برضو أمرأة من ورقمافي متلها بتجنن..اشتقنالا Roaaحبابة رؤى... مايا*بنت البلد..مافي متلها بتعقد..هيك بحس حالي ناقصة ازا ماحاكيتا كل نهار تقريبا ليندا اشتقتلا كتير:cry: ازا حدا عندو اي خبر عنها يقلي fofo besset syriaمافي منها بتجنن بتاخد العقل..طيوبة وبتجنن بحبا كتيير ومشتاقتلا Abu Guzefهمم علاء...وليي شو بدي احكي عليه لاحكي..طيب بيعقد جدووووب اهبل ومدري شو عامل الو كم نهار بس انو حاببني بطريقة غريبة... فالظاهر عامل شي شغلة بيعرف رح تدايقني:p abu williamراقي هالشب كتيير...انا بحترمو كتيير وكتير في الو عندي تقدير كبييير abu toniهمم ابو الطون...رايي فيه..ممم باخر فترة حكينا كتير انا وياه..والشب فهيم ومافي متلو غير بكم محل:p nour333انو بمااني عم ادرس طب ومثقفة:p لاء بس من ورا اخوية انو مابعتقد انو هالطريقة الصح للتعامل عنا...مافي تعامل معا خارجي الموسيقار, همم احمد..غالي كتيير ع قلبي ومن اهم العالم اللي بحياتي من اخوية...والله يوفقو بحياتوو ظل جيفارامابعرفو:D Nirvanaاشتقتلا sandraمن خلال حكيي معها بالتشات مبينة حبابة طيب .. مقارنة .. ومين بتنقي بين اناabu guzif .. abu william abu toni .. lionheart.3la2 انا marioma .. reemi انا محمد ابراهيم .. sandra انا goverment .. bl@ck ولا واحد .... بتعرفي رق قلبي عليكي .. حاجتك لهون .. :o يكتر خيرك يازلمي:jakoush: |
بماانو خلصت من الاسئلة الموجودة بعتقد انا طلعت من المقلاية فازا كنت طالعة بتمنى تنقو حدا غيري :D |
اقتباس:
إي منيح يلي خلصتي فحمت قد مانقلت_ ليبو _ شو رئيك تحطلنا ليلى بما إنو مابزكر إنو قليناها _ ومشان المساواة وماتكون ريتا المفحمة بالبيت بتعرف إخوات بيغارو من بعض :p: |
اقتباس:
|
اقتباس:
الله يثبت علينا العقل و الدين السطلي ناس فاضية ومخها كتير كبير :frown: علاء :frown: ليش ما حطيت اسمي بالقائمة :jakoush::jakoush::jakoush: ريتا على قرر يحط اسمي zen شو بتقولي :lol::lol::lol: |
اقتباس:
المعتقلات ماهي بس لـ معقلي الرأي .. يمكن تسرعتي بـ الجواب .. بس انتي بتعرفي أنو لو أطلقتي صراح الأشخاص يلي ذكرتون فوق شو ممكن يصير عنا ؟ لما منحكي بـ هل أمور ما لازم نطلع عـ جانب واحد فقط .. ولا نتعامل مع الموضوع بـ حنية .. |
اقتباس:
اقتباس:
اقتباس:
:D |
زين الفينقي .. الرفيق جاهز و مستعد لـ القلي ..
|
زين ...
هات خبرنا عنك .. اسمك؟ عمرك ؟ شو بتعمل ؟ وين عايش .؟ يعني معلومات عامة ..:D بدك اسهل من هيك اسئلة :lol: |
مراحب زين
بعد اسئلة سوا ربينا ... كونو ما في تعارف قبل رح اعتبر عندي نفس الاسئلة بدي اعرف وين كان مجال اشرافك باخوية قبل وليش انت مشرف متقاعد؟؟ يعني انت تركت الاشراف ولا لسبب تاني وبالحالتين ليش ؟ حاليا رح اوقف هون لشوف شو اجوبتك ع الشباب البقية لنعرف عنك اكتر .. وبعدين بتجي الاسئلة:p |
:pos:
طيب مستر ليبو جينا :frown: يا خوفي من أبو طوني :jakoush: اقتباس:
اقتباس:
بيجوز رد من هنيك بيكون الرد ساحلي وبصير بوسكون واح واح و واحية واحية :D |
اقتباس:
اجتك الشوربة يا كاره البطاطا :larg: |
ورجعنااااا من السفر
:clap::clap::clap::clap: اللي بدو يحط أسئلة يباشر بحطها لأنو أنا جاهز :cry: أبو طوني جايك الدور :frown: |
زينوووو .. واتس اب
أول شي بدي تحكيلنا بالتفصيل "الغير ممل" كيف كانت الجولة الأخوية مع الشباب .. تاني شي .. وأنا عم إتزكر موضوع حكيتني فية من اسبوعين نطيت ع الفيس بوك وشفت صور بالعناوين التالية: عملية اغتصاب مشروع مستر وميسيز سميث والشباب الغافية ع بعضها المطلوب .. من هون ليجي دور غابي .. شو تعليقك ع الموضوع ؟؟ حابب تبرر شي ؟ :o |
| الساعة بإيدك هلق يا سيدي 12:25 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون