|
لا حول ولا قوة الا بالله
ربنا ينتقم منهم |
اقتباس:
انت ذكرتلي لبنان بلبنان يا سامر ما كانو يقحطو حيطان متل عناااا بلبنان شفنا مقاومه و بالاحرى شفنا شو يعني مقاومه شفنا شي اسمه حرب مو مقاومه هادا الي صار بلبنان من هيك انا سميتهاا تقحيط حيطان عنا شباب المقاومه عم يتسلو بصواريخ بنسو يحطو فيها الذخيره;) وقت يصير عنا رجال متل رجالهم مو ولاد صغار عم تتسلى وبتلعب بالوقت الضائع و الي بكون ضحيتها البنت الامورة الي حاطت صورتهاا وقتها بس بنقدر نقارن حالنا بالمقاومه بلبنان |
اقتباس:
Joys تحياتي ... أولا ... مين المستفيد ... اليمين بشكل عام ... اليمين الاسرائيلي بشكل خاص ... ومشان امبيرح ياللي استشهدو ببيت لحم ... من الجهاد الاسلامي .. مو من حماس ... اقتباس:
اي بنشرح شوي ... بس رؤوس اقلام ما رح كتر .... 1. يجب يكون عندك هدف محدد وعم تعرف شو بدك بعيد عن التناقضات ... يعني حماس ياللي عم تعتبروها انموذج المقاومة ... عملت كالتالي ... عم تحكي انو بدها تحرير فلسطين كلها وما عم تعترف باسرائيل ... طيب يا عم انت وقعت وثيقة الاسرى او سموها بعدين وثيقة الوفاق الوطني في أواخر مايو 2006 ... والتي هي اكبر اعتراف بوجود دولة اسرائيل ... بقى انتو بتحكو في اسرائيل ولا ما في ؟ فكو ربنا من هالتناقض ؟ ؟ ؟ 2. اي استراتيجية مقاومة يجب ان تحافظ على بياض ونظافة سلاحها ... لهيك عم ارفع قبعتي وعم انحني لشهداء الجهاد الاسلامي امبيرح ولشهداء اليسار الفلسطيني ... لانو سلاحهم ما تلطخ بدم ابناء شعبهم ... اما السلاح ياللي بيتلطخ بدم الشعب ... فهو ببساطة سلاح اقل ما يقال عنه انه مأجور ... 3. حساب النتائج لاي عمل ... بحيث ان نتيجة هالاعمال ما تكون وبال على المدنيين ... ومنها عملية الاسر ... وغير هيك استقلالية العمل النضالي بحيث ما يكون مرتبط باجندات خارجية ... 4. المكان والزمان ... قمة الغباء هو محاولة تطبيق نموذج جنوب لبنان في الاجتياح الاسرائيلي الاخير في غزة ... ادى ل 120 شهيد و 200 جريح ... مقابل 3 قتلى اسرائيليين ... بحيث ان غياب الاستراتيجية كان السبب في تجاهل خواص المكان ... غزة سهل ومن غير الممكن تطبيق نموذج حزب الله ياللي اعتمد على الجبال والمساحات الفارغة من الارضي ... في حين ان غزة ما فيها مساحات لمناورات ولا غير مناورات ... وفي حكي تاني ... بس هيدا مو شغلي ... هيدا شغل التنظيم ياللي بيدعي المقاومة ... بيهمني الانسان اولا ... واخيرا ... غير هيك ما بيهمني انا ... |
اقتباس:
لا جويس عم اختلف معك هون شوي ... بس مو كتير ... حكيت بالرد السابق ان المكان الو تأثيرو على مجرى اي معركة ... وهالشي ما بيندرس بغزة ... يعني عم يفكرو غزة مساحات شاسعة من الارض الجبلية متل لبنان وهالشي غلط ... ولا يمكن مقارنة غزة بلبنان نهائيا ... ما في علاقة ربط ... بل من السذاجة المقارنة ... |
اقتباس:
انقسام فتح حماس ....... عيب يوصل لهالدرجة |
اقتباس:
يعني غرب ما بتلومو حماس عن قتال اسرائيل ...و ما بتلومو اسرائيل على قتل الشعب الفلسطيني و أكتر من هيك ..... فتح عم تعطي غطاء شرعي للعمليات الاسارائيلية .... لما بتصرح تصريحات غير مسؤولة متل لما قالت أنو قطاع غزة صاير مأوى للقاعدة و للأرهابيين اقتباس:
كان ممكن تكون النتائج افضل من هيك ... لو في اجماع فلسطيني على قتال اسرائيل و بالنسبة للأجندات ........ ما بظن الاجندة الاسرائيلية يللي مرتبطة فيها فئات أخرى .... أفضل من أجندة حماس بالنهاية بدي قلك شغلة .. المشكلة هلأ أنو فتح رافضة مبدأ قتال اسرائيل.. يعني مشكلتها مو مع التفاصيل .. و لا مع طرق و أنواع المقاومة |
اقتباس:
اقتباس:
الاستاز المحترم ... اعتقد اني حكيت عربي ... ما بلوم حدا لمجرد اللوم ... عم احكي كل شي بدو عقل ... وتخطيط ... وينعمل صح ... لا اؤمن بالعبثية .... تصريحات غير مسؤولة ... لا انكر وجود تصريحات غير مسؤولة ... لكن ما بتعطي غطاء لعملية اسرائيلية ... القاعدى موجودة بغزة صحيح ... تفجير المدرسة الامريكية ... تخريب مدرسة الراهبات ... وغيرها اعمال ... لكنها ليست المبرر للعملية الاسرائيلية ... اسرائيل ليست بحاجة لمبررات ... بقدر ما تعمل العبثية في غزة بذاتها على خلق المبررات لاسرائيل ... وتبييض صورتها عالميا ... فتح يا سيدي الكريم ... ليست حزب ستاليني ... فيها نوع من التحرر الذاتي في داخل اطرها ... بمعنى في امور يكون للاعضاء حريتهم فيها ... ومنها المقاومة ... سمعان بكتائب شهداء الأقصى شي :shock:؟ هلا مو كلها عم تتبع الخط السياسي ... في منها لا تزال متمسكة بسلاح مقاومتها ... ورح طبق نفس الحكي عليها ... سلاح بدون استراتيجية وبدون تفكير ودراسة موضوعية للاحداثيات ... و المشهد السياسي لا يقل عبثية عن مشهد المقاومة ... كلو بيعيش على العبثية وغياب الرؤية ... وياللي بيدفع ثمن هالغوغاء واللامنطقية هو الشعب الغلبان وبس ... |
اقتباس:
ما بعرف بتناقض في حالك انت بتقول تحية لشهداء الجهاد الاسلامي واليسار وبنفس الوقت بتسمي صواريخهم عبثية ومتخلفة وحقيرة |
اقتباس:
و حاسس حالي عم احضر قناة العربية أو قناة الحرة لذلك ..... غسيلكون الوسخ انشروه بيناتكون تسطفلو فيه ..... نحنا هون عم نحكي عن أزمة الشعب الفلسطيني ككل و هالمجازر يللي عم تصير بفلسطين منحمل مسؤوليتها لأسرائيل ...... و بس اسرائيل و يللي عندو حكي تاني ( خلافات شخصية ... أو حزبية أو ما بعرف شو ربا ) حلوه بيناتكون بس بعيد من هون أما شغلة تسييس المقاومة و الحكي عن أجندات خارجية ..... هي نغمة مللونا منها هون جماعة 14 آذار و نحنا هون شايفين طرف فلسطيني و طرف اسرائيلي وبس و نقطة انتهى . |
اقتباس:
بس للاسف من كل كلامون ودفاعون عن هالوجهة النظر ما حسيت فيها اي طعمة وحستها محاولة يائسة لتصفية خلافات ضيقة وسطحية فعلا للاسف |
اقتباس:
عرب اسرائيل !!! .. نص المنتدى منهم !!!! صارت عملية بالقدس .. والمنفذ شو هويتة !!! شكرا على هالكلام الحلو .. يعني لو انو مو فلسطيني يلي بحكي فيه .. ما بهتم كثير لحكيو .. لانو ما بعرف يلي صاير .. بس المصيبة انو الفلسطيني لما يحكي حكي مثل حكيك .. بتكون كارثة .. !!! لا حماس ولا عرب ال 48 ... بس على حسب رايك .. كيف بدك ترجعي ارضنا يلي انسرقت .. ما تنسي هالكلمة ... ارضنا :D |
اقتباس:
:deal::deal::deal: |
اقتباس:
لعرب اسرائيل او سميهم متل ما بدك الارض بجي يوم ترجع و انتو عم تتفرجو بس ها ارضناا وقت نرجعها بنشاركم الفرحه فيهاا ولو:p |
اقتباس:
|
اقتباس:
شو الي ضحيتي فيه لاجل فلسطين وشو انا ضحيت فيه .. كل واحد وبعمل بضميرة .. وما تعملي فيها انو ارضك لوحدك .. وبتشاركينا فيها ... لانو هي ارضنا قبل ما تكون ارضك .. ;) يعني مو بخاطرك الشغلة .. وبعيدن اذا نحن عم نتفرج .. شو انتي عم تعملي .. عم تعلقي على يلي ما بتفرجوا وبدك اياهم يقعدوا معك ويتفرجوا .. !!! :lol: |
اقتباس:
لهالدرجة وصلت لنشوف هدا من مين لك وحياااااااااااااااااااااا ااااااااااااااااااااااااا اااة اللي خلقني نحنا رح نضل قطيع ,, وفلسطين ما رح تتحرر |
لاحول ولا قوة الا بالله شو ذنب هالاطفال
لك ما حلّو الضمير العربي يصحى والنخوة العربية ترجع تفيق حاج بقى والله تعبنا صار الوطن العربي متل الملطشة ونحنا ساكتين |
اقتباس:
وبقدم حياتي الي الله يعلم الواحد فينا بطلع من بيته بس ما بعرف اذا راح يرجعله او لا وعم قدم بيتي منشان انام بالشوارع انت عارف القصف ما تركلنا مطرح هات لاشوف انتو شو قدمتو ;) |
| الساعة بإيدك هلق يا سيدي 06:25 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
