|
اقتباس:
لك يا حسون يا حكير أنا لو بملك قرار بعطي دكتور فيصل 80 كيلو دهب بالشهر .. بأمانة بحترم هدا الرجل جداً جداً .. إنسى قناة الجزيرة و إنسى برنامج الإتجاه المعاكس .. مقالات و كتابات دكتور فيصل و أحمد منصور بتأكد أنو بعدو في ناس بأمتنا بترفع الراس .. تابعه يا حسون و أقرأ مقالاته بجريدة الشرق القطرية .. راح تستفيد كتير .. معنى عارفك ما إلك على هيك قصص .. خليك بتوم أند جيري :lol: اللهم صلي على سيدنا محمد |
أنا بشوف أنو الرد كتير ضروري .. ولو كم فتيشية جوات الحدود الأسرائيلية ..
ما ضروري نرد بـ أنو نخترق نطاق الجوي شيت أسرائيل ( هلا صحيح .. نحنا عنا طيارات ما ؟ ) لأنو انا متأكد أنو لو طيارة وحدة قررت تتحرك .. رح ينخرب بيت المواطن .. و يصير كيلو اللحمة 2000 ليرة .. و بعدين نحنا ماننا خسرانين شي من الرد .. لا رح نخسر وقفة الأمم المتحدة معنا .. ( لأنو بـ الأصل هني مو معترفين فينا .. ) ولا شي التعدي عـ الأرض تعدي عـ الكرامة و عـ الشرف و عـ العرض .. هي النقاط يلي صرلو النظام 40 سنة عما يدافع عنا .. اقتباس:
يا خي شو هل روح التفائلية يلي عندك .. اكدتلي أنو لسا في عالم مفكرة أوها سوبر مان اقتباس:
__ منزلين عرض الأمم المتحدة .. مع كل 5 حقوق الأحتفاظ بالرد ... ميدالية مكتوب عليا AM THE MOST IDIOT YOU WILL EVER MEET و حكومتنا عم تسعى جاهدا للحصول على هل ميدالية |
هلق المهم بس يردو عسكريا خبروني بس شو وسيلة الاتصال بعام 3007 رح تكون ............. سعدو وحده يعلم قال رد قال (( هلق انا بأيد انو نرد مثلا ببيت شعر اخو شرم***طة نفحمهم فيه مو احسن )) |
مع أنو رد الأخ أنو نضربون صاروخين نلعن أبوهن كمان فيو وجهة نظر
|
يا جماعة ... ربما إسرائيل غير قادرة علينا و لكن هذا بسبب ما يسمى بتوازن الرعب لا توازن القوة .
أما بالنسبة للإحتفاظ بحق الرد فهو كمثل ( نمشي الحيط الحيط ) لكن بصيغة لبقة سياسياً تتنافى الإحراج . متل شي حدا فشل بشي امتحان بيقول ( ما نجحت ) بس ما بيقول رسبت . باعتقادي أن هذا الكيان بات جزءاً لا يتجزأ من هذه الأرض ... سياسياً و عربياً ... لذلك آن الأوان كي نتعامل معه بدلاً من أن نحاربه . |
انا كمواطن عربي رايي ان الحكومة السورية ادرى من الجميع بقوتها العسكرية فان كان الرد العسكري يستطيع من بعدها حماية المواطن السوري فاهلا بة اما اذا لم تكن سوريا جاهزة فالانتظار حتى نصبح جاهزين مع الوضع بعين الاعتبار ان اسرائيل ليست وحدها وفي الوقت الحاضر كثير من الدول العربية عم تتأمر على سوريا الكرامة
|
فعلاً يا شباب
نتيجة التصويت مذهلة ... يعني ما توقعت أنو يكون الشارع السوري على هالنقيض من هالقضية .. يمكن لحساسيتها و يمكن لأنو كل واحد بيشوفها من منظور مختلف بس بالنهاية الآراء متناقضة جداً لدرجة أنو أكتر الأصوات للرد العسكري مقابل رقم كتير قريب منها كان لخيار ( نطنش و نمشي الحيط الحيط ونقول يا رب السترة ) ؟؟؟!!!!!!! مع الشكر لكل مين شارك بالتصويت :D |
| الساعة بإيدك هلق يا سيدي 05:16 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون