|
ما حدا بيملك حق التحكم بحياة الآخرين :cry:
|
اقتباس:
ويللي حددا القرأن الكريم وباقي الكتب السماوية بتشمل اشياء مالها طعمة للأعدام .. بشان هيك قلت انا بعيد عن الدين اقتباس:
اي شو تركت ؟ هللا الدعارة بدها اعدام ؟ اقتباس:
|
لأن القصة طلعت من انفي من كتر ما انحكى فيها بين العالم او بين الرفقا او بالأخوية حتى !!
|
اليوم جايي عبالي غر حكي كتير فاستحملوني شوي
انا ضد عقوبة الاعدام بالمطلق لعدة اسباب اول شي مافي شي بالدنيا رح يضمن مية بالمية انو الشخص المتهم هوي المجرم الحقيقي ومهما كانت الادلة قوية وفي شهود بيضل في احتمال ولو 1 بالالف للغلط ويمكن بعد فترة تطلع ادلة جديدة تثبت انو هالشخص برئ او ممكن وسائل التحقيق تتطور اكتر وفينا ننقض التهمة عن المتهم فاذا حكمناه اعدام بنكون عدمنا انسان برئ وخلص مافي اي مجال للتراجع او التعويض عنو وعن اهله وتاني شي انو نحنا كبشر ماالنا حق ننهي حياة شخص مهما حسيناه متوحش لانو بيضل في بداخله شي انساني ممكن مانكون شايفينه وتالت شي ليش لحتى نعدمه؟؟ ليش مابنخليه بسجن مؤبد وهيك بنضمن مايكرر الجريمة وبنفس الوقت نخليه يشتغل شي شغلة فيه يخدم فيها المجتمع داخل السجن وهيك بنكون عم نفيد المجتمع من حياته بدل مانكون انهيناها ورابع شي وللي عم يقول انو نحط حالنا بموقف انو شخص قتل حدا عزيز علينا بقله انو شئ كتير خطير انو القانون يكون عاطفي ومابيصير باي شكل نمشي البلد كلها وقوانينها على اساس عاطفي.... وبعدين ليش نحط حالنا بمحل اهل الضحية ليش مابنحط حالنا بمحل اهل المجرم!!! هني كمان بشر بنفس الدرجة متلنا وكمان اللي عم يقولو انو الاعدام رح يكون رادع لباقي الناس بقلون اول شي انو صار كتير اعدامات بهالدنيا ولسه الجرائم نفسها عم تتكرر الشي اللي بيعني انو الشخص اللي بدو يرتكب جريمة مارح كتير يفكر بالنتائج او رح يفكر حالو اذكى من اللي قبلو وانو جريمتو مارح تنكشف..... وبعدين عم تحكو وكأنو اما اعدام او رفاهية والوضع اكيد مو هيك نحنا عم نحكي عن قصاص قاسي كتير ويمكن اقسى عالانسان من الاعدام واللي هوي موت مرة وحدة.... عم نحكي عن سجن مؤبد واشغال شاقة مؤبدة وبظن هي بحد ذاتها رح تكون رادع للي بدو يفكر بالنتائج وممكن ينردع واخر شغلة انو المجرم مهما كان مجرم متوحش وبعيد عالانسان هوي نتاج هالمجتمع واجرامو ماهوي اجرام فردي وبس..... وبالتالي بمحاكمته لازم يتحاكم المجتمع كلو قبل مانحكم عليه هوي بشكل فردي هاد رأيي باشد اختصار ممكن :lol: يمكن طويل ويمكن فيو افكار مكررة بقى سامحوني :oops: |
اقتباس:
وبوجه كلمة هون على هاد الاقتباس اقتباس:
|
ممكن عقوبة الاعدام تكون تأديبية لمجموعة من الأشخاص
بأنك تأعدمي احد القتلة مشان ما يتسمروا القاتلين بالقتل وهيك بتكوني نهيتي روح وبنفس الوقت منحتي الحياة لعدة اشخاص |
اقتباس:
وهي النقطة عطيت وجهة نظري فيها هون اقتباس:
|
اقتباس:
كلام حلو كتير .. انا نفس الافكار بعقلي .. :D |
فكرة الاعدام هي نوع من انواع العقابات اللي خلفتها الانسانية بس الفكرة هون ان الاعدام بينهي حياة البشرية بشكل كامل .
العقاب كفكرة انا بشوفها جيدة مبيدئيا اذا نظرت فيها على انها عقاب لمجموعة ما . بس المكان اللي عبتطبق فيه او الطريقة عبتكون وحشية ما بختلف معكم ابدا بان الاعدام هو من نتاج البشرية الوحشية وبأنه بيناقض كل المبادئ الانسالنية بس اذا فكرة فيه على انه نوع من انواع التأديب ممكن يناك ولو حتى 1% تقتنع فيه كطريقة بمعالجة الأمور :D |
والله متل ما قلت خيي سيريان جاي
انا ضد عقوبة الإعدام لا أحد مخول بأن يسحب مني حق الحياة انا من اقرر ذلك والطبيعة من تفعل بي ذلك شكرا لك اقتباس:
|
اقتباس:
أول شي يسلـموو إلك على طرحك للموضوع ... أنا مع عقوبة الإعدام بظروف معينة , مو دائماً ... بالنسبة لقصة إنو الإعدام انتهاك لقدسية الحياة و بإنو ما بيصير حدا غير الخالق هو اللي ينهي حياة انسان .. انت هيك بكلامك تناسيت إنو هاد القاتل اللي انحكم عليه بالاعدام اعطى لنفسه سلطة إنو ينهي حياة شخص تاني كمان إلو حقوق ... مشان هيك شخص متل هاد أكيد بدو إعدام , لإنو معروف انو ( كما تدين تدان ) أما بالنسبة للشخص اللي بيكون عندو تاريخ مرضي عصبي أو نفسي بهي الحالة لازم ما ينحكم عليه بالإعدام اذا في فرصة لإعادة تأهيله بشرط التأكد بإنو ما رح يعاود هالفعل مرة تانية و إلا ما استفدنا شي من إعادة التأهيل ... تحياتي إلك :D |
تم التثبيت لمدة أسبوع للفائدة
|
أكيد أنا ضد أي فعل مو إنساني ..
وهي العقوبة غلط .. وبعدين في ناس كتار بينحكمو ظلم .. والمجرم عم يضحك ويلعب .. |
مع عقوبة الإعدام .. وبشده
|
اقتباس:
واذا اعدم بيكون صار في جريمتين .. جريمة قتلو .. وجريمة قتلنا الو .. :D |
كان التصويت متساوي 29 ب 29
صوتت نعم اي نعم بس مو حيلا اعدام يعني هلق متل هدول العصابة تبع حلب اي انا مع اعدامون اما اذا واحد مثلا سرق سيارة يعدموه لا لا هوي مافي هيك حكم انو اذا سرق ينعدم بس انو توضيح تقريبي لنظرتي للموضوع |
اقتباس:
لك انت من وين بتطلعلي :p ... انا قلت راي و ما بغيره و بالنهاية لا راي و لا رايك رح يغير القانون... صح و لا مو ...:sly: خد هي :D.. شمها... :p |
الإعدام هو حكم جائر...بكل الأحوال
|
| الساعة بإيدك هلق يا سيدي 22:33 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون