|
اقتباس:
|
مرحبا شباب :
راح أرد رد واحد بس .. وهوه التالي : - أول شيء .. تغيير الاسم .. إنت كمشترك شو فارقة معك إذا تغيير الاسم من 94 لإم تي إن .. بنظرك عندك مشكلة من إن بدل ما تكون مشترك من بين 2 مليون مشترك بشبكة محلية .. وبين ما تقول انا متشرك بشبكة عالمية الشبكة الأولى بجنوب افريقيا وقريبا بآسيا .. وبعدها لكل دول العالم .. - مشان السرقة .. وين السرقة بنظركم بالموضوع طبعا لكون صريح أنا عم إحكي عن إم تي إن .. ولا تدخلوني بالشبكة التانية مالي علاقة .. لما إنت بتيجي على مركز لتشتري خط حدا ضربك على إيدك وقلك غصبن عنك اشتري منهون ؟؟ طيب مو عاجبك موضوع الخليوي و مو حابب تنسرق يا أخي بلاه ما توجع راسك .. - الشيء الغريب بالموضوع أنو لما الشركة بتنزل خدمة مرتبة .. بنظر المشتركين هاد أمر عادي ... بس لما بتطلع فواتيرن عالية ولك وبيكونوا هنن حاكيين مكالماتن بتطلع الشركة حرمية .. طيب يا أخي في اختراع اسمو فاتورة تفصيلية روح توكل على الله واطلبها من السركة شو حكيت بيطعلك .. أكيد الشركة ما رح تألف أرقام من عندنا وتحطلك ياهن ... - ومشان أسعار الدقيقة .. واحد منكن قال أنو إم تي إن أسعارها بره غير .. ممتاز معناها الشركة في عندها .. مشروع من ه الناحية بس من دون ذكاء فكر للحظة ليش ما عم تقدر تطبقوا هون علما بإنها مطبقتو بكل البلدان يلي محتلة فيهن الصدارة .. اعذروني .. بس بحصة وبقيتها وبحب أكد لكم أنا حكيت كلامي لوصل فكرة ... وما عندي استعداد فوت بنقاش عقيم .. اقرؤوا كلامي منيح وشوفوا صح ولا غلط واحتفظ برأيك لنفسك .. تحياتي للجميع ميزو :oops: |
اقتباس:
أو ......حضرتك من المستفيدين من أرباح الشركة......أو مو ظف عندهن |
اقتباس:
وعدتكن ما رد .. بس بدي قلكن خلونا شيء مرة نحكي كإخوة بهدوء ومن دون عدائية .. وشوفوا الحوار أديه راح يكون حلو .. وتوقعت ردة هل الفعل لهيك قلت : اقتباس:
لأنو بعرف شعب بلدي الغالي الكفو فورا للرد الساحق .. ولو على أخوه يلي جنبو ... تحياتي .. أخي متولي يلي كنت بترحب فيني قبل شوي .. وصرت عدوي هلأ .. بس منضل إخوة إن شاء الله .. سلاااام |
اقتباس:
أنا عم رحب فيك ...كون هي عاداتنا وتقاليدنا أما بالنسبة لموضوع وردك فيوا ....فياريت إنك تقرا كل الردود على الموضوع وتشوف شو هالناس عم بتعاني من الشركة وياريت تقرا ردي بالزات ...لإني أنا هي شغلة حقيقة أمر واقع و الكل بيعرف إني عنا بسوريا اكبر شركة نصب و إحتيال بالعالم ........وياريت تتعمق بالموضوع وتقارن اصغر شركة بالعالم مع شركات سيرياتل و أريبا سايقاً وبعدين إحنا لاقينا شركة منافسة وما شترينا خطوط من عندها !!!!!!!! ياحسرة علينا صاير فينا متل مابيقول المتل لامسكوا ..*****...لاإما بـــ*******خ عليكن ومع ذلك أناآسف أبو الميز ......بس إنتا جديد هون و أنا بحب هز الورد منشان شم ريحتوا ......و الكل بيعرف إني معلاق :oومزحي تقيل .....;)...شو بدك تساوي ..حلبي الله لايرويك:shock: تحياتي لإلك :D الحاج متولي مييييييييييييييييت وردة:D |
إذا هيك يا ميت السلامة خيو ... لك روح إلهي ربي .. تتخفض الأسعار لأنو أنا أول واحد بنبسط ... لأنو شغلي بيتطلب حكي تلفون بالساعات ...
ويا حسرتي على الورد ... ما نخلق من بعد أدبك وأخلاقك وردة ... يا غالي ... لك صحيح بتذكر لما السنة الماضية وقعت بناية بحالها وأريبا تبنت تعمر لكل عائلة بيت ... بتتذكر في عندكن شارع طويل .. أوتستراد إذا ماني غلطان .. بيموت فيه ناس كثير وهنن بيقطعوا الطريق .. mtn تبنت تعمل جسر للمشاة فيه .. هدول كمان ما بتسحق الشركة شكر .. عليهن علما أنها لا عملة حملة إعلامية ليغطوا الموضوع ولا شهرت نفسها .. عداك عن المشاريع الخيرية يلي ما حدا بيدرى فيها غير دار الأيتام ... على كلن .. أنا ما بقول أنن 100% تمام لا أبدا .. لا يمكن توصل أي شبكة اتصالات لرضى كامل للمستهلك ... لسبب واحد ما في شركة خاصة هدغها بس رضى الزبون لأنها ما دفعت المليارات لحتى ما تربح شيء .. وبالنهاية .. بيضل الإنسان بطبعو .. طماع .. لما كانت بلدان العالم .. فيبها خليوي .. كنا نقول .. يا الله إيمت بدو يصير عنا خليوي ولما صار صرنا ندور على الخدمات .. وما بعرف إذا بتصدقني .. أنو سوريا سبقت دول العالم بالخدمات ... ما عندي وقت لعدد بس بقلك لما كنا نحنا كمشتركين أريبا عم نستمتع بخدمة الرسائل الصوتية .. بعدنا بشهرين نزلت الخدمة بالسعودية على شبكة الجوال ... وكصحفي بأكدلك في شيء كثير حلو راح ينزل بالقريب العاجل ... بس بطمنك مو من ناحية الأسعار ... يالله سلمات حجي ... فرصة سعيدة .. وشفت الرواق ما أحلاه ما توقعت حالي أقعد أكتب طول هل الوقت .. بس أدبك وأخلاقك شجعوني أكتب .. وأنبحت على الكيبورد ... تحياتي حجينا ... وتصبح على خير ... |
اقتباس:
|
أنا بقلك صديقي .. بيحكي على أد راتبو ... كل واحد يمد بساطو على أد رجليه صح ؟؟؟
تحياتي للجميع |
هلأ بحكي أبو نمير في وجهة نظر ,,,,
فمثلا إم تي إن ما بتعمل إعلانات قد سيريا تيل .. إم تي إن مشغلة خدمة الإنترنت عبر GPRS وأنا عم إستخدما وإتصفح الأخوية أحيانا منا .... يعني سريعة ورخيصة .... يعني كبداية رخيصة .. وهلحكي موجود نفسو عسيرياتيل ... بس الفرق إنو أريبا مشغليتا علوحدات .. وبلنسبة لمشكلة م ت ن إنو التغطية مو كل هلأد ... يعني سيريا تيل تغطيتا أحسن وأبراجا أكتر .. بس يعني منتمنى تنزل الأسعار .. بيكون أحسن .. ملاحظة صرت مغير بين الشبكتين شي 7 مرات ... |
هههه حسامو طيب اعتمدلك على شيء رقم مشان نعرف ندقلك دوختنا يا زلمة هههههههه
وبالفعل وأنا بستخدمها من الموبايل نفسو وبدخل على الماسنجر .. وبصراحة ما بحس أنو عندي وقت فراغ من بعد ما فتت بهل السوسة ... وأنا قاعد بالسرفيس ولا وين ما كان لحالي منفتح هل النت وبحسها عجقت حولي ... إن شاء الله بتنزل الأسعار يا صديقي .. وبالفعل الجميع ناطر هل الشيء ... تحياتي |
اقتباس:
تحية :D |
معناها اسمنو في عرض متل ما سمعت عند الاثنين على 1000 وحدة وعلى 1200 اكسبها شريك وعبيلك على واحد منن مشان يتناسبوا الأيام مع بعضن هلأ ...
شلوني معك .. لا تقلي أتحفتك ... هههه |
عفكرة في أخبار إنو رح تنزل السنة الجاي الWI FI ورح يكون لشركات الخليوي علاقة فيا مع كل مزودي خدمة الإنترنت فحيعملو طريقة ليستفيدو العالم من هلخدمة ليصير الإنترنت سريع كتير ...
منتمنى هلكلام يكون صحيح ! |
اقتباس:
تحياتي:D |
ههههههههههههه حلال عليك ... مبروكين إن شاء الله ... ربي هيك إن شاء الله العمر كلو هههههههه يبقو عندك .. وما يخلصوا بتاتا بتاتا ... مبروكين اسمنك مبسوط شريكي بعتلي شيء كم مية وحده ... معلش لو أنا خط مو مشكلة ابعتلي ياهن .. وما عليك ...
|
اقتباس:
:lol: |
اقتباس:
|
اقتباس:
عندي ياك بشركات الخليوي كلها :p |
| الساعة بإيدك هلق يا سيدي 21:03 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون