اي انا استنتجت انه فيه ما سقطت سهوا!!:o

ميرسي عالأجوبة!!!

وبأجوبتك عززت رأيي فيك الي حكيتلك اياه سابقا :D:D

المفروض 3 ايام متل المقلاية السابقة...مو؟شو رأيكن؟

هاد تاني يوم لبلاك بقيلو بكرا..

بكرا المسا بزت غيرو بالمقلاية:o

أممممممممممممم 3 منيح
:mimo:

لأ لأ لأ لأ
أقل فترة هي تلت ايام ..
وبيضل الواحد بيجاوب طول ما في اسئلة :p

2 - الله : مصطلح دأب الإنسان الأول على محاولة فهمه و ما زال مجهول .. أحياناً بتراود لمخي الفكرة اللي بتقول أنو الله عبارة عن نتاج فكري و أحياناً بلاقي حالي مضطر آمن بقوة عظمى ( أكيد غير المذكورة في الكتب السماوية ) بس بالأخير بهنيه قدر يحقق هالشهرة الواسعة بحيث كل إنسان بذكروه باليوم شي ألف مرة حالياً بتعامل معوه كمصطلح ما أكتر


3 - الوطن : شو ما صار و شو ما جرا ببقا الوطن هوي الأم الحنون للجميع ..


4- BL@CK : ما تعودت أوصف حالي ..كانت ستي تقلي " الجمل ما بشوف حدبتو " ..

5 - أخوية : " صرح حضاري " و كنت بتمنا لو كنت متعرف عليّا من قبل .. بحاجة للمزيد من الجهد
بس في نقطة حبيت وضحا .. أنو من أخوية استنتجت الشعب العربي ما بتلبقلو الديمقراطية
أخدنا شوية حرية بأخوية صار ألف مشكلة بين الأعضاء ..
بقا كيف لو منطبق الديمقراطية على أرض الواقع


6 - الجنس : شي ثانوي و رئيسي بآن واحد ..
ثانوي : كون الالتقاء الفكري بين الطرفين هوي الأساس عندي
رئيسي : ما بتصل أي علاقة حب بين طرفين للكمال أو لتقترب من الكمال بلا الجنس


7 - الثقة : شعور انعدم حالياً إلا ما ندر .. يعني أوثق في سين من الناس أعتمد عليه بشي مادي أو معنوي


8 - الحب : في أكتر من نوع للحب بلخصون بنوعين الأول متل حب الأبن لأموه و حب الأم لابنا و و و ( فطري )

و التاني حب بين الذكر و الأنثى .. عبارة عن تفاهم فكري و انسجام بين هالشخصين .. و التنين بالنسبة الي مقدسات


9 - الفشل : شعور فاشل :lol: جربتو مرة و تنذكر و ما تنعاد ..

10 - الأحمر : لون الدم

11 - الأسود : معشوقي الأول

11- الأبيض : لون مثالي و مثاليتو بتكفي لأكون بكرهو ..

ما حدا يسألني كيف بحب الأسود و بكره الأبيض لإني أنا ما بعرف .

يتبع :hashish:

اقتباس:

كاتب النص الأصلي : butterfly (مشاركة 625787) اليد الجسد الفم التفوق الطبيعة المال الموسيقى الأبداع الاختلاف الأنوثة الذكر الأمومة النمو الحياة الموت

13 - اليد : أداة للعطاء و أداة للبطش أو القتل أو التدمير أو أو أو .. ( سلاح ذو حدين )

14 - الجسد : كم هائل من الخلايا .. و لكل خليّة دور و وظيفة ..

15 - الفم : أنو بعد صفنة نص ساعة .. طلع بيعنيلي كتير الفم فيو لسان و اللسان سلاح ذو حدين ..

و لسان البني آدم هوي اللي بخليك تحكم عليه و على شخصيتو و أفكارو ..

و الفم الو معنى تاني كمان ( بوس الواوا :p)

16 - التفوق : صار عدوي بالفترة الأخيرة ..

17 - الطبيعة : منبع للصفاء ..

18 - المال : أكتر شي بحتقروه بهالدنيا ..

19 - الموسيقى : بالنسبة الي لمّا بكون مزعوج بفضل أسمعا .. بعتبرا تفريغ لشحنات و محاولة لنسيان المشاكل اللي عبتصير معي ..

20 - الأبداع : ما بتذكر بيوم من الأيام كان مرافق الي بجوز اساتني ما تعرفت عليه .

21 - الاختلاف : ضرورة لـ التطور

22 - الأنوثة : المجهول المكتشف بعض أجزائوه ..

23 - الذكر : متمم الأنثى .. و لا يمكنه الاستغناء عنها و العكس بالعكس .. و في بعض الأحيان بيعني القوة ..

24 - الأمومة : شعور كان و سيبقى أصدق شعور في الكون ..

25 - النمو : عبارة عن نمو و تطور الخلايا اللي ذكرتا فوق ..

26 - الحياة : حاليا بعتبرا ساحة معركة .. و السلاح الوحيد لتستمر هوي العقل .. بهالمعركة في بعض الفواصل المنشطة نفسياً هالفواصل بتدفعنا لنحب هالمعركة و نتابع فيّا .. لبين ما نخرج منّا مجبرين بالموت ..

27 - الموت : حالياً ما عمأفكر فيو .. بس لأفكر فيه بحكيلك .. بس حبي للحياة رح يجبرني أكره الموت ..

يتبع :hashish:

طيب معلم بلاك .. اول شي مسا الخير .. تاني الشي سؤال بسيط ...


شو صار بالحلقة 17 من مسلسل السنافر !!؟؟؟
واذا ما حاضرو ...
شو كرتونك المفضل ... شو افلام كرتون اللي بتحبها .. ( صغيرا وكبيرا )

قل لي كرتونك المفضل ... اقل لك من أنت !!! مثل صيني قديم !!

كأنك بتجاوب بدون نفس يعني؟؟:x
انو محملنا جميلة الأخ:p

يروى عن بابلو بيكاسو قدس السطل سره كان يصنف النساء تصنيف كتير حلو

كان يقول "المرأة إما سيدة أو جارية"

أنا هالمقولة بتعجبني و بصنف نفس تصنيف بيكاسو ..

مرسيل .. سيدة بامتياز .. :D

اول باشتان . :lol:

1 - ما رح يجن و لا حيجن و الغنية ما بعرفا

2 - أيضاً ما بعرف الغنية

3 - لكتير أشخاص لكل واحد ما عندو جنس الإحساس .. بتنهدا لكتير عالم و أولون جاري اللي ساكن تحتي

4 - همممممم .. اللي كان ممكن أهديه ياها توفّا . لذلك و لا حدا ..

5 - لواحد رفيقي اسمو يزن ..

تاني باشتان . :lol:

1 - Raw

2 - حضرتك + ليندا ;-)

3 - hanny dagher + Reemi

4 - ما بحب الفوتبول أساساً

5 - Krimbow

يتبع .. :hashish:

gazita : .. ما صار مجال و حكيت معا أو تابعت ردودا .. بس طفلة ..

reemi : ريم .. عفريتة متل ما هيه بتقول .. و أهم شي متزنة .. باختصار بعزا كتير أنا لأم الريم

marioma alghzayala : قمة في الزوء ..

hanny dagher : أبو صفنة .. حشاش من المرتبة الأولى .. هاني أفكارو قصة كبيرة و بتوقعلو مستقبل كبير ... باختصار بعتز بصداقتو ..

willli : جاد سابق لعمرو .. و عصبي لحد ما .. بس عصبيتو حلوة ..

layla : عقبال ما ترجع ع سوريا بالسلامة لإني الغربة مأثرا عليّا كتير .. محترمة لأبعد درجة ..

sezar : فنان ..

الحاج متولي : أكتر شي بزعجني فيو بكبر قياس الخط لذلك ما بقرالو كتير .. بس باينتو الزلمي أكابر

توت توت توت : كإجابة سطحية ظريف كتير .. من اسمو ببان معك ظرافتو ..

butterfly : جاوبت سابقاً

varon : أنو وينك ما عمنشوفك كتير .. باختصار magic_man ;-)

ghazool : و للأسف ما حكيت معا بنوب .. و لا شفت موضوع لإلا لذلك ما فيني أحكي شي

يتبع .. :hashish:

[/quote]
الحاج متولي : أكتر شي بزعجني فيو بكبر قياس الخط لذلك ما بقرالو كتير .. بس باينتو الزلمي أكابر

[/quote]
حبيبي بلاك .......مشكور كتير على الصراحة الرائعة ويلي بصراحة موتتني من الضحك ...........وحسيت من جوابك إني نحنة بدو يصير فينا متل المتل ...........ماتاخد الرفيق الصح إلا بعد القتلة.............المهم
أنا من ناحيتي بكبر الخط لسببين
1- لإني الشاشة عندي كبيرة و الرولوزيشن عندي عالي..............فابيبين الخط عندي كتير صغير...:oops:
2- حسب خبرتي بأخوية ...لاقيتلك إني الردود يلي برد عليها ماحدا بيرد علي فيها أكتر الأحيان إلا إذا كان الخط كبير :lol:
و على كل الأحوال أنا آسف على شغلة ما بقصد إني إجرح حدا فيها
يا زووووووووووووووووووووووء
تحياتي لإلك ....ولا تنسى ترد على أسئلتي ....ولو كان الخط كبير:o

Hus : حكيم .. بس الي عليه مأخذ لازم يفرغ شوي من وقتو و يشارك متل ما كان أول .. لإني مشاركتو الا قيمة معنوية أكتر من قيمتا كمشاركة ..

Barleb : ما كنت متوقع بنوب أنو طالب بكالوريا .. باين عليه أكبر شي بعشر سنين .. بس أنا بنزعج منو بشغلة بسيطة .. أنو كل رد لازم يحط هالـ ** يعني مع كل هالوعي اللي عندو .. لازم يقدر يرد بدون استخدام هالنجم و بلا الكلمات اللي بدها نجم .. ;-)

tony 124 : ما بعرف شي عنو بنوب ..

the light : هممممممم .. من الشغلات الي بتزعجني بأخوية حالياً أنو حسان ما عميفوت .. شب متزن كتير و بهنيه على هالمخ اللي عندو يا ..

سرسورة : كمان ما صار مجال و حكيت معا ..

محمد ابراهيم : أنو هالزلمة من وين بطالع الأفكار ما بعرف .. بيعجبني فيو أنو مستعد لمناقشة ما يخالف فكره و آرائوه . بكل هداوة ... و مزوحي و دمو زي الشربات ..

goverment : أهلاوي .. :o و أحلا شب .. بس ما لابقلك اسم حكومة على فكرة :p

صياد الطيور : بكفي إني بحب غنية صياد الطيور .. الزلمة كتير أكابر .. بس الي عليه مأخذ ..

لما بكون في طرفين طرف بغالي و بزودا بالمعاداة ما معنا هالشي يزودا الطرف التاني بالحب .. الاعتدال مطلوب .. إلا إذا كانت هيك قناعتك .. معناها المأخذ مسحوب .. ( و بتوقع قصدي وصل ) :D

اسير التشرد : لطيف كتير .. بس بين قوسين العصبية و الغلط ع الغير بعمرا ما كانت قوة

المستحيل : ما حصلي الشرف و حكيت معو أو شفت شي من مواضيعو ..

the morrning : الشي اللي بيعجبني فيا إنّ بتعشق جبران . بس طريقة حكما و تقييما للأمور ما بتعجبني ..

عاشقة علي : سطحية لأبعد درجة .. يجوز لإني معرفتي فيا لا تتعدا ردين أو تلاتة ..

يتبع .. :hashish:

كوستا : تحية كبيرة لكوستا بغيابوه .. كتير من أفكارو بتطبق على دماغي .. فهمان و مثقف و تعبان على حالو ..

YaSeR : ما صار مجال و لعينا أنا و هوي

abosleman : أبو سليمان وردة و ما شفتو مرة غلط على حدا .. قمة في الاحترام ..

منوشه : مالي حاكي معا يمكن مارر اسما عليي مرور الكرام .. :pos:

spector : كل اللي بحبو جورج فهايم ..

yamen_h : أكابر و مزوق بالأغاني ..

BL@CK : جاوبت على متل هالسؤال سابقاً .. ;-)

ماد ماكس : مزوق بالأغاني .. و أكابر .. بس نفسو خضرا .. :o

وائل : الزلمة محترم . باعتبار حالياً تارك الأخوية ما رح احكي شو الشي اللي بزعجني فيو ..

مسطول ع طول : مسطول مثقف كتير .. بس أنا الأسلوب اللي بعتمد الـ ** و الألفاظ السوقية ما بحبو .. لازم نقدر نوصل لطريقة نتناقش فيّا من دون ما نضطر نستخدم ألفاظ غير مقبولة لفئة من المجتمع ..

شامي من طوكيو : ما حكيت معوه بنوب .. بس مجرد مقارنته نكتة كتبتا أنا بموضوع نكت ممنوعة .. بكلمة " فرشاي " بموضوع حواري .. زعجني منو .. و عالأخص أني رديت على هالنقطة و دافعت عن حالي و رجع للمووضوع و ما علّق بأي حرف .. هالشي رح يضطرني ما احكي حالياً ..

أمرأة من ورق : اسما رائع و أفكارا بتعبي دماغي .. مع إني ما صار أخد و رد بيني و بينا .. بس فيني أوصفا بـ نصف حلمي ..

دلوعه سوريا : مدري ليش ما حسيتا دلوعة .. :p بس ظريفة مابها شي ..

مايا* : ما صار المجال و تعرفت عليّا ..

ليندا : بلزم أكتر من صفحة لأحكي عنا .. بس بكفي كلمة وحدة رائعة ..

fofo besset syria : حشاشة .. :o محترمة كتير و أنا بحب حكياتا .

----

هيك بكون خلصت من هالسؤال ..

طبعاً جاوبت بكل صراحة و دقة و بلا مكولكة .. :D

و طبعاً هاد رأيي بالجميع أكيد أنا بغلط و باعتباري جديد عالأخوية بجوز أكون آخد فكرة غلط .. بقا لا حدا يزعل بعمرا ما كانت الصراحة بتزعل .. :D

يتبع :hashish:

1 - التحشيش ظاهرة حضارية . للارتقاء بالشعب من الحضيض للقمم ..

2 - أبو حشيشة وصفتي انتي بحبيب الشعب ما في داعي أحكي

3 - جاوبت فوق و رح رد عيد ..

ما تعودت أوصف حالي ..كانت ستي تقلي " الجمل ما بشوف حدبتو " ..

لذلك فينك تسألي اللي تعرفو عليي جديد هنن بيقلو شو الانطباع الأول عني

و ميت أهلا .. :D

لك ع راسي واحلى عابد والله
اجابات منطقية وجذابة وروعة ومافي احلى منا ..

وياريت الكل يجاوب متل اجوبتك والله :D

بس ماقلتلي شو مشان


اسمي حالي طنبر مثلا :cry:

ع فكرة انا كل الاسم ع بعضو مالو عاجبني وجاي ع بالي غيرو باقرب فرصة :cry: