اقتباس:

كاتب النص الأصلي : wisefamme انا طائفية:x

والله انا ترفزت من كلامكـ .. :x

لأنه واقعي وبيصير معنا بكل لحظة احنا عم بنعشيها .. :cry:

والأهم .. لأنه طالع من ئلب .. :shock:

بس بدها طولة بال وتحمل . !! :gem:

بالبداية شو تعريفك للملحد؟؟؟؟

هل هو غير مؤمن بالدين ؟؟؟

ام هو يلي كل شي مباح له؟؟

خلينا نقول انو اللي غير مؤمن بالله

انا قصدي اللي غير مؤمن بالله

يمكن هادا التجرد الحقيقي.. باعتقد لما بيجي الواحد من خلفية دينية و بيبدى يفكر بيتجرد من نزعاتو الطائفية مو بالضرورة يتخلى عن الروحانيات بس ما في أحلى من التحرر من الخوف

طيب و هالخوف اللي بتم ملاحق الانسان (انو بركي حكين صح و بركي في نار و نقضي كل حياتك فيها)

هلأ يلي ما بآمن بالله بكون عندو ايمان بشيء تاني
لانو ما في انسان ما عندو ايمان
بس كل انسان بآمن بفكرة معينة
ويلي ما بآمن بالله بيتهمو رجال الدين بالالحاد
بس هو بكون عندو غير معتقدات يؤمن فيها
رح اعطيك مثال
قبل كل الاديان السماوية (اليهودية,المسيحية.الاسلام� �ة)
كان في اديان وثنية
و الشعوب يلي آمنت بالحجر قدرت تصنع علم وحضارة وثقافة لسانا لحد هلأ عم ندرسها
طيب هي ما كانت ملحدة ..... وما بتعرف الله
يا ترى كانت على خطأ ؟؟؟
والنتيجة هي انو كل انسان حسب ايمانو بالشيء يلي بفكرو

هي كلمة بركي ....عم بضيع الانسان فيها
لانو عندو شكوك داخلية

انا بعتتقد انو التحرر من الخوف ينبع من التربية بالبيت من وقت ما بكون الواحد صغير
وهون دور الاهل لما بكونو متجردين من العاطفة الدينية
بس مو بالضرورة انو ما يكونو مؤمنين

كيف متجردين من العاظفة الدينية و مؤمنين

بسيطة كتير

عندو ايمان بدينو
بس بفكر بعقلو وبالواقع يلي عايش فيه
يعني ما بخلي عاطفتو تغلب على قراراتو بالحياة

معلش كوستا يلي عندو ايمان بدينو
و بيتصرف حسب عقلو (بكون عند اهل الدين اللي مأمن في قد خرج عن الدين و بالتالي ماعاد مؤمن )
هلق خلينا نقول انو في واحد مسلم و بتفكيرو اقتنع انو مافي الله
طيب هيك لأنو ما التزم بعاطفتو بكون طلع عن الدين
لأن الايمان بيلزمك بأشياء معينة ممنوع انك تستخدم عقلك فيها

الحكي اللي قلتو يا كوستا ما بيدل ع الالحاد ابدا وانما على انك علماني
وانا هيك منطقي
وبهالطريقة منكون:

وكلنا منعرف انو العلمانية ما بتعني انكار الله
وانما عبادته وبس بتجرد عن اي تعصب

هلق دقيقة شوي
انا بعرف انو العلمانية تعني فصل الدين عن الدولة فحدا يصححلي اذا كان خطا و اذا كان صح معناها ريمي انو كلامك مدري شلون

حبيب روق شوي خلينا وحدة وحدة
الايمان شغلة اختيارية مانها التزام ..... يعني متعلقة بنفسية الانسان
الالتزام هو بالشي يلي بيفرضو الدين من صلاة او صيام او زكاة
اما عن الاقتناع بالله هي بتوقف حسب كل انسان وحسب البيئة يلي عاش فيها

طيب في كتير ناس مؤمنة بدينها وبتصوم وبتصلي
بس تفكيرها بالحياة مختلف

هو يمكن فيه مغالطة عم تصير عند الناس بكلمة الالحاد
يعني هالكلمة صارت صفة ونعت لكل واحد لا يؤمن بوجود الله

وكلامك مزبوط ري مي ..... انا علماني