أولا بالنسبة لأخي نسر السريان أنا من اللي بأيدو بقوة فكرة انو لبنان وسوريا بلد واحد.
لكن الأخ محبة ذكر انو السريان -وحسب الحدود الحالية- هم السوريون, وهذا اجحاف حقيقي لأن الجميع حينما يتحدث عن الفينيقيين يقول بأنهم سكان الساحل اللبناني وهم لم يصلوا الى سوريا الا بندرة على الساحل السوري الضيق في حين كانت قوتهم ومراكزهم في صور وصيدا وعنجر وبيروت.

أما بالنسبة لنشوء الأبجدية فاللي بعرفوا انو من المسلمات انها فينيقية قد تكون اوغاريت فينيقية ما بعرف يمكن.

هلق انا ما بعرف اذا كانت اوغاريت فينيقية
بس اللي بعرفو انو هيي اقدم ابجدية

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

شفلي هاللينك
بيحكي عن الابجديات حول العالم

The alphabet was invented in Ugarit (in the modern country of Syria) during the 2nd Millennium BC. This Ugarit Alphabet was derived from a previous Cuniform writing system. The original alphabet was invented by Semitic peoples and only contained consonants. To make it easier to remember the symbols, they were taken from words beginning with the sound represented

وبعدين بيحكولك عن تطور الابجدية

هاد انجليزي
انا مابعرف غير فرنش واطاليانو واسبانيول وشويه اربي مكسر

عاطيني لينك أنكليزي ؟؟ الله يرحم المرحوم .
يعني مع احترامي لـ اللبنانيين لبنان أرض أصلها سورية و الأردن سورية و فلسطين كمان , بس أتفاقية سايكس أمو لـ بيكو هيي اللي فرقتنا ,

انا عطيتك لينك لموقع بيحكي عن الابجديات
انكليزي عربي اسباني فرنسي
كلو نفس الشي

خسئت
ما تحكي معي هيك
وبالنسبه لنسر هوي بيتكلم عن نفسو

انا عربي .يعني عيب تجيبلي لينك لموقع لغتو غير العربيه :clap: :clap: :clap:
انا هيك براءة شفلي لينك عربي ;-)

اما نسر بعتقد انو مو عايز يكون عربي .
فمو من حقو يطلب لينك عربي

يا حبيبي أقدم وجود للإنسان في المنطقة كان في سوريا, و بالتحديد على الساحل السوري بموقعين هنن القرماشي و اللطامنة... و إذا بتحب دوّر بس ما في شي بالعربي عالنت عن الموضوع... أنا بدرس آثار و متأكد من معلوماتي... كان إنسان من نوع هومو أركتوس...
بنفس الوقت انوجد الإنسان بالداخل السوري... و بالذات بحوض نهر الفرات و نهر البليخ... منيح مواقع مثل أم التلال, الميرة, تل صبي أبيض, تل كوساك..... إلخ...
وكمان بيبرود... و المراجع بتحكي عن صناعة حجرية اسمها اليبرودية و اللي كانت قفزة عن كل شي قبل....
لمعلوماتك الزراعة اكتشفت في الجزير السورية... و اللي هي الاختراع اللي مو أقل أبداً من الكتابة نسبيّاً....
كل هالحكي عن الزراعة صار بحدود 10000 سنة قبل الميلاد... يعني قبل اكتشاف الكتابة ب6400 سنة... و كل عام و أنت بخير


أنا بلاقي أنو سوريا و لبنان أصلاً بلد واحد... بس ما عاد في مجال للتفكير برجعتهن سوا....


آسف طوّلت:?

لا ما طولت بس أنا راتجعت كتير قبل ما اكتب ولقيت انو معلوماتي صحيحية انو فينيقيي لبنان هم من اخترع الحرف.
وما بتفرق بيناتنا

ملعوبة معلم

الدول العربية كلها أصلا دولة وحدي وأنا مرة سألوني بمسابقة عن أكبر تلات دول بالعالم قلتلن أولا روسيا وتانيا العالم العربي لأني ما بؤمن بالحدود الحالية اللي صنعها المستعمرين ونحنا كفينا عليها.

شو هاااد ما في وجه مقارنه اصلا

الصراااحه في اسماء تافهه ما بتستاهل تنحط ويااا قائمه العظماء

بزمانو كتبت موضوع عن مثلي الاعلى...
و بناءا عليه ما في شي اسمو "الاعظم"
و هاد الرأي كتير علمي و بيتوافق مع قانون لافوازييه "لا شيء يختفي و لا شي يخلق من العدم، و كل شي يتغير"

اما بخصوص اقدم لغة ... فكمان متل ويللي حسب معلوماتي انو ابجدية اوغاريت هيي الاقدم، و هيي ابجدية فينيقية

اما بخصوص اقدم انسان.. فلازم شوية ابديت لمعلوماتك كهربجي، اقدم انسان حتى هي اللحظة اكتشفوه بيبرود بمنطقة القلمون، حسب آخر اكتشاف تم من حوالي سنة

أقدم وجود للإنسان كان في موقع ست مرخو حسب كتاب عصور ما قبل التاريخ للدكتور سلطان محيسن و يعود لمليون سنة خلت
أما ليش قلت غير هيك؟ لأنو دكتورة عنّا بالكلبية قالت أنو موقع الميرة مؤخراً تأكد العلماء أنو الوجود الأقدم للإنسان كان فيه....

وعلى راسي كريم باشا والله!!

اولا مرحبا
وع راسي كل اعضاء الأخوية بس اسمحولي شارك يعني فعلا طق مخ شغالين الفضائيات وما بقى بيعرفوا شو بدهم يعملوا شو عظيم ما عظيم واستغفر الله العظيم

الف شكر للكهربجي المثقف قولك كل الكهربجيه مثقفين لأني كهربجي مغترب

عفوا أظن ابجد هوز هي الأبجدية الأولى واقدم ابجدية بالوجود وأبجد هوز هي ابجدية آرامية أي سريانية قديمة ونقطة اهم متى وجد لبنان إلا بعد التقسيمات الإستعمارية سوريا الطبيعية هي امتداد واسع يضم سوريا ولبنان والأردن وفلسطين وجزء من العراق وجزء من تركيا فعن ماذا تتكلم فينيقية وغيرهم اللغة الاساسية هي الآرامية ومنها اشتقة اللغات التي تعتمد الأبجد هوز

يلا شو يدنا نعمل اذا كان في متخلفين واحنا ما بنقدر نسيطر على القنوات مع الاسف

علمي علمك شريك... علمي علمك

لأ يا عزيزي... الأبجدية الأقدم في أوغاريت اللي موجودة شمال اللاذقية على الساحل السوري...

وبعدينبحب قلّو للشب اللبناني أنو ما في شي أسمو ((الفينيقيون هم سكان سوريا)) الفينيقيين هو اسم كان يطلق عالشعوب الكنعانية اللي سكنت سواحل سوريا و لبنان حاليّاً... يعني لبنان بحدودو الحالية ما كان مركز لشي... كان جزء من كلّ... لأنو من أوغاريت لطرطوس... مروراً بجبلة و اللاذقية و بانياس و أرواد... كانوا الفينيقيين... وبنفس الوقت كانوا بلبنان الحالي...