|
لا حول الله يا رب...
لك عيني عن جد انت بتقرا المواضيع اللي بتشارك فيها؟ شو دخل الحكي اللي جايبو باللي عم نحكي فيه؟ لك أي مزبوط الفيروس هاد نتج عن تزاوج 3 أنواع من الفيروسات داخل خنزير و منها انتقل إلى الإنسان, و من إنسان إلى إنسان, بس النوع الفيروسي هاد عم ينتقل بين البشر, مابيأثر اذا عندك خنازير بمنطقتك لما لأ.. انشالله يكون أصلو من الديناصور... ما عاد مهم هالشي, خلص صار مرض بشري ينتقل من إنسان إلى إنسان آخر متلو متل الإيدز, كان مرض خاص بإحدى فصائل القرود, و منها تحوّر الفيروس و بشكل ما انتقل إلى إنسان, و من إنسان إلى إنسان... خلص صار مرض بشري, و هداك نفس الشي.. هالحكي مالو علاقة و لا يعني أبداً انو بلد ما فيو خنازير يعني هالبلد ما رح ينصاب أو راح ينصاب أقل, لأنو الوباء عم ينتقل بين البشر الآن.... أما الحكي المنقوص الخاص بانو و الله هالآفة صارت لأنو في مين عم يربي خنازير, فهالحكي علمياً مهزلة, و لا يأتي إلا لرغبة من بعض الدجّالين بالتأثير على رأي العوام و تحريك شعورون الديني, لأنو في مئات الأنواع الفيروسية اللي تنتقل من حيوان لبشر, من البقر من الخرفان من الطيور ... الخ الخ, و هالشي لا يعني انو لازم ننهي كل هالفصائل هدول مشان ما يعدونا... |
اقتباس:
بسوريا اذا في 3 مختبرات من هالنوع بعتقد بيكفي... و بتوقّع انو موجودين |
الفايروس ما دخل سوريا..توقف عالحدود لأن لسا ماطلع قرار رئاسي بيخولو يدخل..
|
انو انت جايب دليل ع حكي او حكيك
:lol: اقتباس:
اقتباس:
|
اقتباس:
بالنسبة لسياسة التعتيم . بغض النظر انو هي سيئة او جيدة ... بس بنظري كشعب عنا وحياة ربك لو يدروا انو صار في اصابات لحتى يتقاتلو على المواد التموينية ويخزنو وكل واحد يسكر على أهلو باب بيتو وبتجمد البلد شي شهرين زمان ما بتلاقي زلمة بالشارع " اي ما بتتذكر شو صار يوم كسوف الشمس". شعب على كيفك بدو شغلة تشغلو بس . من ناحية تانية وكوننا بلدان عالم تالت فانو اي خبر عن اصابات رح تضرب الموسم السياحي , وانا عم احكي عن السياح الغربيين مو العرب . هلق برجع بقول انا ما عم دافع عن التعتيم وما بعرف ولا سمعت عن اصابات. وبتوقع لانو الانفلونزا عنا دواها عند الصيدلي مو عند الدكتور فأكيد ما رح تبين الاصابات عند اهل الاختصاص او عند الدولة . :D |
اقتباس:
:D |
اقتباس:
فشقفة فيروس بدو بطلعلو معنا ؟؟؟؟؟:lol: :D |
اقتباس:
و تشوف شو هي الأجراءات يلي سوتها لمنع الفيروس و الوقاية كيف تمت و على الأغلب شي بيخجل |
اقتباس:
لك إذا كل الدول يلي حولينا أنصابت شو نحن على راسنا ريشة ؟؟؟؟؟ و لا يمكن انت عم تحكي عن الروابط القومية و وحدة المصير و وحدة الالم و الامل؟؟؟؟؟ |
اقتباس:
انا سويت الموضوع كلو أنطلاقا من هي الفكرة ؟؟؟؟؟؟؟؟؟؟؟؟؟؟؟؟؟؟؟؟ و يا لكثرة اشارات الأستفهام على هذه النقطة |
اقتباس:
يعني اياك تفكرة انو لوكان عنا خنازير ممكن ينتشر المرض هاد حكي غلط لان الفيروس صار بشري يعني كم مرة بدنا نعيدها |
اقتباس:
هاد ما نو محور حكينا ليش بتحبو تغيرو المواضيع ................ الفيروس إذا كان في الخنازير لن ينتقل للأنسان لكن هاد الفيروس تحول ليصير فيروس انساني و صار المسؤول عن انتشاروا هو الأنسان و ليس الخنازير يعني بشو احلفلك انو هلق الخنازير ما لها دعوى بالقصى أبدا |
اقتباس:
بيكون الفيروس فات على البلد بكل تسهيلات أمنية بس لما شاف قوانين الأستثمار عنا لقا انو ما لو مصلحة انو يبقى هون فطلع قبل ما ينتحر :lol: |
اقتباس:
فهاد لا يعني وباء فالتحفظ و معالجة الموضوع بيكون أحسن فالوزارة ما لها مصلحة تعلن عنها لان الأعلان رح يسبب حالة من الذعر الأجتماعي ما في إلها داعي |
يا شباب في سياق الوضوع و نحن عم نتناقش بموضوع الأنفلونزا تبع الطيور و تبع الخناريز وردت لبالي فكرة هلق بالأول منلاحظ انو انفلونزا الطيور بدأت بشرق اسيا و سببت فينا نقول نكسة أقتصادية لبعض الدول و لكن بعد مرحلة معينة أستطاعوا السيطرة عليه و بعد فترة وجدنا ان هناك فيروس هو أنفلونزا الخنازير بدأ بأمريكا و المكسيك و عم يسبب نكسات أقتصادية و الأن نلاحظ أنه يدخل تحت السيطرة تقريبا و لكن الفكرة لاحظت ان انفلونزا الخنازير كأنه رد على أنفلونزا الطيور ؟؟؟؟ و الذي كان على ما أعتقد رد على السارس اي كأننا نعيش الأن في ظل حرب بيولوجية و أحد الأدلة ان المرض يدعونه يصل لمرحلة معينة ثم يسيطرون عليه فانتم ما رأيكم |
اقتباس:
|
مشان الاستمارة ياخي مو بس نحنا مع انو الثقة احلا شي
يعني لما بيجي الواحد معو انفلونزا ولا ما معو بيكتب انو لا والله مامعي لا انفلونزا ولامرشح لك سعلة ما عم اسعل ولا حرارة ولا شي من هذا القبيل ههه بيزكرني بامتحان الجنسية باميركا لما يعمللولك امتحان بيقعدو يسالوك كم ولاية في باميركا ومين كان رئيس اميركا بالفترة الفلانية بعدين احلا سؤال بيقولولك .. انت إرهابي !! ههههه |
اقتباس:
يعني اول مرة بسمع بأنه الكشف على المرض بتم بشكل حراري :lol: بس السؤال اللي قلته هوي على الأمراض والاوبئة بشكل عام مو على انلفوزنا من أيا نوع كان بالعادة وقت بالأخبار بيعرضوا طرق الكشف عن الحالات المرضية اغلبيتا بكون عن طريق الصدفة بكون شخص عم يشتكي من مرض ما يمكن ما اله اي علاقة بالحالة اللي تم توصيفها بروح وبيعمل فحوصات فبيطلع معن انه مصاب بمرض من نوع جديد أو انه معدي بمرض جديد ما عم نحكي على العلاج لأن ما فينا نطالب دولة من العالم التالت امتلاك تقنيات مفقودة بالعالم الأول بس انه عم نسأل عن مستوى الرعاية ممكن يأمن سلامة عامة الشعب ويكشف الأمراض فور حدوثها ولا لأ ؟ :D |
| الساعة بإيدك هلق يا سيدي 12:42 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون