|
اقتباس:
بس فعلاً المعلومات الدسمة والغريبة والمرعبة ممكن للبعض، هلا رح تلاقوها بشرح النمو الجنسي عند الطفل :D |
اقتباس:
أبدعت ساندرا :D لي مداخلة عزيزتي : وهي إدراج رأيك أو تعليقك بحيث يكون قابلا للحوار ، من خلال عملية سرد النظريات المختلفة لعلماء النفس الذين تسردين نظرياتهم ، فمثلا أنا أميل الى تشجيع أو تأيد نظريات فرويد في فترة خاصة وقصيرة (وإن كانت ليست بسيطة ـ أقصد معقدة)من حياة الانسان (حيث يعتمد على النشاط الجنسي (باعتباره الاصل ـ كمحرك للتعبير عن الشعور عند الانسان ) وإن كنت من أنصار أو مغلبي نظريات بياجيه عموما على فرويد لأني أراه يغلب السلوك الواعي والمنطلق من العقل والفكر ـ ضمن معظم فترات الحياة لدى الانسان ـ خصوصا ). مع تحياتي:deal: |
مرحلة الكمون: Période de latence
خلال هذه الفترة تكون الطاقة الجنسية الداخلية غير فعالة، و يبني الطفل خلال هذه الفترة علاقاته الاجتماعية على مدى واسع و يقوي من الأمور التي اكتسبها بالمراحل السابقة. كما تمتاز بأنها تتمتع بأقل قدر من التنازع. تتميز هذه المرحلة بأنها تأخذ طابع رمي المسؤولية والمدافعة عن النفس أو بعبارة أخرى (هذه ليست غلطتي، ليس ذنبي، لست أنا المسبب...). هذه الآليات طبيعية جداً بهذا العمر، و الحقيقة أن كل ما يستعمل للدفاع عن النفس يأخذ طابعا يشوه الحقيقة بأشكال مختلفة، أقصاها هو الإنكار والنفي القاطع: (لم يحصل هذا معي). و الطريقة الأخرى أنه يحول المشكلة لأمر آخر، (كنت منرفزاً). و غالبا ما يرتكس الطفل بشكل سيء على وضع معين (لا أستطيع مواجهة الحالة، فأفرغ عدوانيتي على أول من أراه). أو يُوجد العيب بغيره (أقرأ كتاب لا أفهمه، إذن هذا الكتاب أحمق). أو يجد حجج مختلفة مثل القرف أو الحياء. بعد هالمرحلة بتجي المرحلة التناسلية .... فضلت إني أوقف عند هالمرحلة لحتى ننتهي بشكل كامل من مرحلة الطفولة لننتقل بعدين لمرحلة المراهقة فيلي عندو اي استفسار متعلق بمرحلة الطفولة فبفضل يتم السؤال عنها هلا أحسن من بعدين :D |
انا اتابع بشراسة,, جميل ساندرا |
اقتباس:
انما بديت النظريات وأنا بفوت بالحيط لما تبدا النظريات وخاصة بعلم النفس لكن انت مشكورة عم تبسطي الامور بطريقة حلوة :D وهي كرمال اذا زعللناكي |
كتبت رد طويل عريض وبعدين مدري شو صار وتسكرت معي الصفحة بالغلط :jakoush: :pos:
لهيك بدي عيد بشكل مختصر لأن صعب علي أرجع عيد صياغة كل الأفكار اقتباس:
اما بالنسبة لسؤالك ... فالاتجاه الحديث بعلم النفس بيدعو لعدم التعصب لنظرية أو لمدرسة على حساب التانية لأن كل نظرية وكل مدرسة الها نواحي قوة والها نواحي قصور مثلا فرويد ورغم شهرة نظريته لكنها ما سلمت من الانتقادات اهمها اعتماد بتفسير التصرفات والأفكار وكل ما نقوم به وإرجاعه للاشعور والغريزة الجنسية الليبيدو واستمد نظريته من خلال تجربته مع مرضاه يعني مش مع الاسوياء أما بياجيه صاحب تقسيم النمو المعرفي فانتُقد على أن دراساتو ما راعت الفروق الفردية بين الأفراد وحسب زعمو فالطفل بمراحل عمرية مبكرة غير قادر عالتعلم لأنه غير قادر على ادراك المحسوسات وعلى أنه استمد دراستو من ملاحظة على نطاق الأسرة وبالتالي غير كافية ... رغم هالانتقادات لكن نظريتو أثرت وما زالت تؤثر بشكل واضح بالدراسات المتصلة بعلم النفس المعرفي مما سبق ومن كترة الحكي والشرح حاولت أصل لفكرة ما في نظرية كاملة بحد ذاتها يلي خلني انقل مقال الدكتور لؤي خدام هو قدرتو على دمج أكتر من نظرية بشرح مراحل النمو الجنسي وإن كان اعتمد على تقسيم فرويد كونه الأشهر وكون فرويد هو الرائد بما يخص النمو الجنسي. أما بياجيه فاهتم اكتر بالعمليات المعرفية والنمو المعرفي الادراكي، ولو أن بياجيه جكى عن أن الوظيفة الجنسية هي عبارة عن معطيات ذات طاقة لازمة لبناء الفكر وهالطاقة هي يلي بتدفع الرضيع للتأقلم مع العالم الخارجي فالأمر هو عبارة عن تواصل بين الأنا والاشياءمما يؤدي لبناء الوعي بينه وبين العالم الخارجي والمشاكل الجنسية عند بياحيه مرتبطة بالتطور الادراكي. لهيك لما منحكي عن نمو معرفي ... منعتمد تقسيم بياجيه أكتر من غيرو لكن بما يخص النمو الجنسي بيبقى فرويد هو أكثر من شرح وفصل هالموضوع ... مع مراعاة عدم الانجراف معه كتير بأفكاره لأنها بتعطي للدافع الجنسي أهمية هائلة فيها قدر من المبالغة على اساس بدي اكتب رد مختصر أنا :o :p |
اقتباس:
اقتباس:
أما عن الشرح بهالطريقة المبسطة فمش أنا كاتبة هالأسطر، بالعكس يا ريت لو فيني اكتب هيك لكن بالصدفة وقع تحت ايدي المقال ولما شفت طريقة عرضو البسيطة حبيت شارككم فيها :D |
ونحنا صغار.. كنا ساكنين ببيت الو حديقة.. اجت قطة ولدت بالحديقة تبع بيتنا..
كان اخي صغير عمرو خمس سنين واجو ولاد الجيران يشوفو القطط الصغار.. ابن الجيران سال اخي الصغير وين قشور البيض تبع القطط الصغار.. جاوبو اخي: هي بتولد ولادة.. قلو: كيف يعني ولادة قال اخي : يعني من فتحة خاصة متل ماكانت امي شارحة لاخي مسبقا عن الولادة.. الغريب انو اهل الولاد انزعجو كتير من كلمة فتحة خاصة .. وعاتبو امي على المعلومات اللي عم تعطيا للطفل البريء يسلمو ساندرا... على الموضوع |
اقتباس:
لأن نادراً مانلاقي أم بهالوعي خصوصاً على زمانها وعندي كامل ثقة إنك أم رائعة متل والدتك |
هلا .. فيكي.. وصلت الوردة..:hart:
|
ما عاد في اسئلة :?
:larg: |
عندي سؤال : الكبت الجنسي اللي بالدول الشرقية والمجتمعات المحافظة مو هوي نتيجة القمع عند كتير من الاهل ورجال الدين بدون تحديد وهيدا عيب وهيدا حرام ....؟.
وبتمنى تصدقي شو صار معي وانا كنت سنة تانيية جامعة عندي رفيقة انا وياها خوش بوش المهم فتحنا سيرة الولاد وبالصدفة بتقلي انو ما بدي جيب ولاد لما اتجوز لان رح يشقولي بطني قلتلها موضروري تاري اهلها مو مفهمينا غير هيك وعمرها 22 سنة وهي حالة وحدة مابعرف شو رايك...........؟ |
عم تمزح .... أكيد عم تمزح
22 سنة وما بتعرف :sick: |
الله يسامحك ساندرا يمكن تاحكي مستحيل يعبر عن هالبنت وانا حبيت ادخل بالموضوع وناقش جد واخد رد منطقي بس فكرتيني عم امزح ليش مابعرف على كل حال شكرا...
|
يا عيوني ليش فهمتا أني مش مصدقتك
لما قلتلك أكيد عم تمزح كان قصدي أنو شي مش طبيعي ... بنت بهالعمر وما بتعرف :sick::sick: نسيت قلك ... مبروك التفعيل |
عزيزتي ساندرا لعلني تأخرت كثيراً لا بل تأخرت فعلاً إلا أن عنوان الموضوع لفت انتباهي وأثار اهتمامي وكون هذا الموضوع يدخل في إطار إحدى المشكلات النفسية الاجتماعية التي تعاني منها مجتمعاتنا العربية فكان لا بد من أن أسمح لنفسي من اختراق هذه الصفحات ما ذكرته هنا كسلسلة لمعلومات متعلقة في التربية الجنسية كان قيم جداً وعلمي بحت لكننا لو نظرنا إلى الواقع العربي بشكل خاص فسنجد بأنها مشكلة حقيقها تواجه الكبار قبل الصغار وقج يمون الصغار سبباً لاكتشافها كمشكلة بين الكبار أنفسهم فنحن نهرع أو ننفر أو بعضنا .. لمجرد سماع كلمة ( جنس ) .. فما بالك بما يطلق عليه بــ ( التربية الجنسية ) ؟؟ لقد حارب بعض ممن يدعون أنفسهم ( علماء دين ) فكرة التربية الجنسية إلا أنهم لم يعوا عواقب تهميشها وإذا نظرنا إلى الواقع العربي ( بشكل خاص ) فسنجد بأن تهميش هذه الفكرة والآلية والتربية بدأت تظهر نتائجه وانعكاساته على المجتمع من خلال وجود ما لا يعد أو يحصى من العقد والتعقيدات في الحياة لن اضرب أمثلة عن هذه العقد وهذه التعقيدات فالواقع العربي يتحدث بلسان نفسه موضوع في غاية الأهمية واتمنى أن يؤخذ بعين الاعتبار ( ليس نظرياً فقط ) بل وبشكل عملي وتطبيقي على أن يسبق هذا التطبيق توعية للمجتمع وإعادة تأهيل وتربية جنسية للكبار قبل الصغار لأن الجنس تحول في حياتنا من دافع إنساني إلى غريزة حيوانية ( في معظم الأحيان ) ... تقبلي مروري بكل الود والاحترام فادي |
اقتباس:
أن تصل متأخراً خير من ألا تصل أبداً اقتباس:
بالعكس كلما كثرت الأراء ... الموضوع بيصير أغنى اقتباس:
والخلل من وين بيبدا ... بيبدا من لما كانو هالكبار صغار ... ما تلقو تربية جنسية سليمة اقتباس:
لأن الجنس بعقليتنا الشرقية أمر معيب وحرام وتابو اقتباس:
علماء الدين هنن يلي بيأثروا بالرأي العام هنن يلي عم يلعبو الدور بتوجيه الشعب لقضايا معينة وما بدنا نحكي ونقلب الموضوع عن علماء الدين والأغلاط يلي بيوقعوا فيها لكن من المؤسف كيف مجتمعنا بمجرد ما مفهوم أو كلمة أو نظرية حرمها الدين أو عالم ديني ما .... فبيصدقوه أما شو بيقول العلماء فهاد لا يؤخذ بعين الاعتبار اقتباس:
نحن من خلال هالموضوع عم نسعى للتعريف عن التربية الجنسية كتربية متكالمة ومنظمة لانها بنظر البعض عشوائية وممكن تأدي للفجور والانحلال الأخلاقي بسبب مفهومهم الخاطئ عنها أما بيخص على مين بدا تطبق طبعاً الكبار قبل لأنهم هم القائمين على تربية الصغار وبنفس الوقت لازم تبدا مع صغار هالجيل ... لأنهم أمل المستقبل والتربية بشكل عام كلما كانت منظمة بالطفولة ... كلما كانت أسهل بالمراهقة لأن خبرات الطفولة الأولى هي الأساس اقتباس:
اقتباس:
نورت الموضوع فادي :D |
خالصين من مرحلة الطفولة :?
|
| الساعة بإيدك هلق يا سيدي 06:31 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون