|
اب سمرا..
انا بفكر انو بلكي في كتير روّاد لمواضيع الالعاب.. لانو يمكن بيحسو من خلالها عم يتعرفو على الاعضاء.. والاعضاء عم يتعرفو عليهن.. + انو بهيك مواضيع عم يبتعدو عن المشاكل يللي ممكن تصير بين اعضاء بمواضيع فيها نقاشات او احتدامات ادا فينا نقول |
اقتباس:
مبدأ الجمهور عايز كده ......... مبدأ غلط اقتباس:
هي مسؤولية كل الأعضاء ... و المشرف عضو متل كل الاعضاء .. |
اقتباس:
وانا ما بشوف انو قسم التسلية اخذ اهمية اكثر من باقي اقسام المنتدى .. |
اقتباس:
يعني الطابع العام للمنتديات العربية .. كتير سيء هلأ بالأول كان أعضاء أخوية أقل ... و كان معظم أعضاءو من يللي شايفين فيه منتدى غير المنتديات التانية أما هلأ صار عدد الأعضاء كتير كبير ...و أكيد رح يضم نوعيات و شرائح أكتر من الأول .... لهيك رح ينساق شوي مع الموجة العربية ..... بس شغلتنا نحنا نخليه ضمن مسارو الصحيح |
ابو سمرا هدا الحكي مظبوط ومعك 100 بال 100
بس ما فينك تعتبرو واجهة اخوية .. اخوية معروفة بالمنبر الحر .. اخوية معروفة بالنقاشات شريك حللاوة اخوية بتنوعا .. وبما انا كبيرة .. ففيها كل شي .. ومتل ما منعتبرا عطول انو اخوية سوريا .. مجتمع سوري .. خلينا نقول مجتمع بس كل المجتمعات عم تميل للضحك والمزح .. بس كمان بتلاقي مقابيلا مواضيع حلوة ... خيو غير حلوة .. مميزة .. وجامعة اما بالنسبة لنقطة انو اقتباس:
اخوية مجتمع بيجنن ... على قولة واحد من الشباب الواحد بيدمن اخوية .. لانا متل الدخان .. والعن |
طيب تعو نعد لا 5
ويلي بيطلعلو رقم 5 منساوي بمشيرتو ..:o برايي نزلو موضوع عد لا 6 بتاخد بوسة ..بتلاقي الكل هنيك مزحة صغيرة منشان تروقو:D |
اول شي و ا خر شي بحمل المشرف المسؤولية لانو بس منصير نحط مواضيع طير الطاير بتوصلك رسالة خاصة و مبروك عليك عالمخالفة ...اي شي ما بينطاق بنوب بتجي تناقش بشي الكل بيجي ضدك احترام الاراء و الافكا ما في بقى كيف بدو الواحد ما بيتسلى بالالعاب :frown:
و ازا هالشي بيدايق فيكون تسكرو قسم المسابقات و الالعاب و صلى الله و بارك |
مشان الموضوع انا من قبل عطيت راي بصراحة فيه ..
انا من فترة شوي بعيدة " طالبت " بالغاء قسم المسابقات كله من المنتدى بشكل كامل وقطعي وبيني وبينكم لازلت ما بستظرفه .. مع انه نظريا لازم يكون قسم ممتع جدا فيه تشغيل مخ وافادة بنفس الوقت بس نظرية قالب كازية مازوت .. والعداد شغال ... يعني خلينا ننسى شوي عدد المشاركات ونروح على عدد الزوار الأرقام ابدا ابدا ابدا غير منطقية مع اني لاحظت انه العضو اللي بفوت على الموضوع وبحط فيه رد ما بيتسجل كزائر " يمكن المشرفين عندهم فكرة اكتر ويصححوا لي اذا غلطت بس انا هيك لاحظت " ومع هاد الشي بتشوف مواضيع جدا قيمة بالأخوية بتموت وبتروح على تانية صفحة من تاني يوم بدون ما حدا ينكشها .. يا اخي لا تنكشها .. فوت اتطلع عليها اقراها تعلم منها شوف شو عبتحكي .. ابدا هق وشق وستمية باطل .. نازلين ترقيم بهي المشاركات وهنن ماشيين ضحكني كتير بلاك وقت تفقس عليهم على رقم مية وريحة الجرابات والشباب الطيبة ما كذبوا خبر .. هنن شافوا في بالقصة ترقيم صار الموضوع همهم الشاغر يوصلوه ررقم مية مع نهاية الحكي بهديكم شارة يوميات مدير عام " عوجا وياما حتشوف .. عوجا والطابق مكشوف .. تيتي تيتي تيتي .. رحتي متل ما جيتي " _______________________________________ مع اني مش حابب يقلب الموضوع بس القصة تخنت وصار بدها رد لأن هاد تالت مناسبة بتم فيها " التلميح " على موضوع الفن العاري لكن هي اول مرة بلّحق فوت على الموضوع بالوقت او بالمكان اللي بينسمح الي رد فيهم وباعتبار اني كاتب الموضوع صار بدها القصة رد .. اقتباس:
بس نظريا عبتحكي على الفن فمطلوب منّك تعرفي شو هوي الفن بالأول .. وتعرفي مين هوي " الفنان " وبأقل تقدير تعرفي مين عنن اساطير الفن واللي اسمائهم مخلّدة فيه .. ولد صغير ما بيعرف شي بالفن اذا ذكرتي له الاسماء التالية " مايكل آنجلو .. بابلو بيكاسو ... ليوناردو دافنشي " بيعرف انهم اعظم عظاماء الفن عبر العصور < سواء بالعصور الوسطى او بالعصر الحديث وعصر النهضة > بس الغريب انه اعظم عظماء الفن والفن اللي قدموه عبيطلع معكم انه انحطاط وسخافة و" عيب " ينزل على الأخوية متل هيك شي .. فلا تواخذونا وانا من هلق بفوت على كل موقع فنّي ذاكر اسمائهم وبحاول اهكره مشان يخف شوي الجنس من الشبكة العنكوبتية الراقية ... صار والحكي صار ... استنتجي انه كلمة " عاري " بحد ذاتها بغض النظر عن مدلولها او الوظيفة اللي عبتاديه هية بحد ذاتها ككلمة .. بتجرح شعور الانسان العربي المصنوع من كرتون .. فعلا غريب انه مثلا جبران خليل جبران ... نص العالم ما بتعرف انه بترسم .. ومع هاد الشي رسوماته العارية ما حدا اعترض عليها .. شو جبران اعلى مرتبة فنية من بيكاسو يعني ؟!؟!؟! مع احتراماتي العظيمة لجبران بس ما بيقدر يتماشى مع عظمة بيكاسو وآنجلو ودافنشي ... تاني شي .. انه حدا يفهمني ليش هاد الموضوع بالذات ضارب لكم على عصبكم مع انه الصور الفنية العارية متواجدة بالأخوية قبل وقت كتير طويل بمواضيع بيرجع تاريخها ل 2005 عدا هيك انا بذات نفسي عامل موضوع حاطط فيه لوحات لعالم ما معروف حتى قرعة ابوها من وين ولانها لوحات مشهورة حتى وفيها قسم كتير كبير بيندرج تحت الفن العاري وتوابعه .. وما حدا انطعج شعوره الفني وما حدا انخدش حيائه العربي .. معقول مشكلتكم مع كلمة " عاري " كبير لهي الدرجة :shock: |
اقتباس:
لستُ مُشرفاً حتى أعملكَ ماهوَ عمل المُشرف لكن مُهمة المُشرف تنشيط وتفعيل القسم وَ ليس تركه " على الله " |
اقتباس:
لكن مع ذلك... ما بعتقد انو المسؤولية بنشاط قسم تقع على المشرف.. و لا حتى وجود المشرف ضروري لتنشيط قسم و تحريكه.. موجود لضبط و اعداد بعض الأمور... الأعضاء يدرجون المواضيع و الأعضاء يشاركون بها... |
اقتباس:
|
اقتباس:
|
اقتباس:
متفقين معناتا :D |
اقتباس:
متل العادة تجي براسنا.. و كأنو المشرف هو اللي يحط المواضيع و هو يرد عالمواضيع و هو يخلي الأعضاء يردو على مواضيع على حساب مواضيع... يالله مو مشكلة.. رأيك.. طبعا ماني متفق معو بس متوقعو |
اقتباس:
مانها شغلة صعبة انو تتوقع رأيي اي واحد عادي بيعرفني منيح باخوية وبيعرف انا كيف بحب اشتغل بيتوقع رأيي المشرف بيقدر يوجه القسم باتجاه معين |
اقتباس:
أي عم قلك.. توقعت رأيك (و فعلا متل ما قلت مانها شغلة صعبة) و بخصوص توجيه المشرف للقسم باتجاه معيّن... يمكن لو في مشرف أساسا خلال هالمدري كم شهر كان ممكن يكون الكلام صحيح... و انت بتعرف انو مافي مشرف.. و بتعرف انو اللي يحط المشرفين مالو موجود و بتعرف ليش مانو موجود, و بتعرف خلال مدري كم شهر كم مشرف كان موجود و شو كانو يلحقو ليلحقو (بعرف انو هالحكي غالبا تعتبرو اسطوانة بلا معنى بس معليه.. نذكّر عسى أن تنفع الذكرى)... لذلك كان عندي أمل ما تزت الحق عالمشرفين ... لكن يالله مو مشكلة علّقت آمال كتيرة يبدو و ... سلامات |
هلئ ممكن يكون الوضع شوي زاد عن حدو , بيجوز الناس ما الها خلاء تفكر و تتعب حالها
بس انا بحس انو المنتدى موسمي يعني ايام الامم الاوروبية كان موضوع الشماتة بين المواضيع الاولى في مشكلة مثلا بقسم اللغة الانجليزية مع انو المواضيع الي عم تنزل حلوة بس المشكلة انو كتير من الاعضاء ما عندو الجرأة ليشارك بالموضوع و يغلط باستخدام اللغة منشان هيك بتلائي المشاركات ئليلة :D |
منسق
مشرف اداري مشرفه المنسق طرح الموضوع بدون حل اكنفى بالتذمر المشرف الاداري اكتفى بالتهكم وتوصيف الوضع المشرفه حبت توضح الامور طيب يا جماعه وين الحل ليش هل المواضيع الخمسه ما تنسف من اساسها طالما انها صارت صوره غير مرغوب فيها بالمنتدى يعني القلم بئيدكم وبتقدرو تغلقوا المواضيع الخمسه بدون حرج وما حدا الو عندكم شي انتو الاداره وانتو اكتر ناس شايفين مصلحة المنتدى بشكل بكامل مش من زاويه واحدة وجهة نظر حبيت اولها نشالله تكون خفيفه ع البكم تقبلو مروري :D |
| الساعة بإيدك هلق يا سيدي 16:24 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون