|
|
فرانك دى بليكير مثال على أن التحكيم في دوري الأبطال فاشل
على خلفية تحكيمه لمبارة ريال مدريد واي سي ميلان لم يكن اداؤه يرتقي لقيادة هكذا مباريات، فكلنا نتذكر ما قان به الموسم الماضي في مباراة ريال مدريد وليفربول والذي ساعد كثيراً حينها في خروج ريال مدريد من الدور الـ16.
فالحكم البلجيكي حرم ريال مدريد من ركلة جزاء لا غبار عليها إثر إعاقة المدافع الإيطالي زامبروتا لكريم بنزيمه بعد تدخله من الخلف بطريقة المقص، بنزيمه في الدقيقة الـ13 اخترق بنزيمه من الرواق الأيمن وانفرد بالحارس ولكن زامبروتا تدخل بشكل عنيف من الخلف، واكتفى الحكم بمشاهدة اللقطة. ذلك لم يكن خطأه الوحيد في اللقاء، فعندا كانت نتيجة اللقاء 2-2 الغى هدفاً صحيحاً لتياغو سيلفا اثر كرة رأسية من كرة ركنية وتبين أن مستواه ليس مرضياً، فنأسف بأن التحكيم لا يرقى في دوري أبطال أوروبا وبالذات بهكذا حكام، فهم دائماً ما يخيبون الآمال. |
راؤول غونزاليس يعادل رقم انزاغي من حيث عدد الأهداف الأوروبية.
مباراة اليوم كانت تحدياً من جميع الأطراف، فالفريقين لديهما 16 لقب في بطولة دوري أبطال أوروبا، ففي الخفاء هناك إنزاغي وراؤول، حيث أن انزاغي قد سجل 68 هدف في جميع البطولات الأوروبية، بينما راؤول يتأخر عنه بفارق هدف وحيد.
بعد هذه المباراة تفوق قائد ريال مدريد راؤول على فيليبو انزاغي عندما نجح راؤول بتسجيل الهدف الأول في اللقاء بعد خطأ من الحارس ديدا، الـ7 عادل رقم انزاغي من حيث عدد الأهداف بـ68 هدف، ولكن راؤول يتفوق على انزاغي في بطولة دوري أبطال أوروبا بفارق كبير في عدد الأهداف حيث أن راؤول يملك 66 هدف بينما انزاغي لديه 46 هدفاً فقط. |
بنزيمة : كان هناك عائق في الهجوم
تحدث كريم بنزيمة مهاجم ريال مدريد الفرنسي والذي تالق في مباراة اليوم خاصة في الشوط الاول واكد وقال :"لم يكن يوجد سيوله للهجوم لذلك تعرقلنا في تسجيل الاهداف"...
وقال :"نشعر بخيبة امل كبيرة بعد هذه الهزيمة لعينا جيدا في الشوط الاول نجحنا في خلق العديد من فرص التهديف ولكن وضع ميلان دفاعيا كان قوي بالاضافة الي الحارس الذي ابدع في المباراة وميلان فاجانا في ثلاث مناسبات" في الواقع لقد تعرقلنا في الهجوم لعينا كثيرا في الوسط لكن لم تكن تصل لنا الكثير من الكرات الا في بعض الاحيان ولكن صانعي الالعاب لم يدعمونا هذه المباراة" |
تقيم لاعبي الفريقين من غول
وضع موقع غول الانجليزي الشهير تقيمه للاعبي ريال مدريد وميلان وذلك في المباراه التي جمعت الفريقين قبل قليل و التي انتهت بتفوق الميلان بنتيجة (3-2) وذلك بعد مباراه مثيره وقويه جدا بين الفريقين الكبيرين واليكم تقيم اللاعبين في المباراه ...
.كاسياس :- 3.5 سيرجيو راموس :- 4 بيبي :- 5 ألبيول :- 4.5 مارسيلو:- 5 لاس :- 8 تشابي ألونسو :- 6.5 غرانيرو :- 7 كاكا :- 6 راؤول :- 8.5 كريم بنزيما :- 6.5 البدلاء :- درينثي :- 7 ميلان ديدا :- 5.5 اودو:- 6 تياغو سيلفا :- 6 نيستا :- 7.5 زامبروتا :- 5.5 امبروسيني :- 6 بيرلو:- 7 سيدورف :- 7.5 رونالدينيو :- 6 باتو :- 8 الأداء اينزاغي :- 4 البدلاء :- بوريلو:- 5 |
المباراة من كانت سيئة من الناحية الفنية
بس كان عنا غلط كبير بالدفاع و كاسيس ما كان متل عادتو مبارح بالإضافة أنو خط الهجوم الي عنا صاير عقيم .... يعني بنزيما لازم يكون دخل على الجو و صار يلعب منيح صح هو كويس و بيلعب و بيصنع هجمات ... و صح راؤول آخد كل الأماكن و الزوايا الي ممكن يدخل منها بنزيما على منطقة الجزاء بس هالحكي كلو ما بيفيد بالإضافة للإصابات الخيالية الي عم يعاني منها ريال مدريد الي صار غير طبيعية بكل الاحوال خسرنا و ما قدرنا نفك عقدة الاندية الإيطالية |
حرام....:cry: ما كان الامل هيك :cry: .... بس الصراحة انا كنت متوقع انو الريال يفوز بنتيجة بسيطة يعني 1-0 او 2-1 او حتى التعادل بس هالخسارة قاسية :cry:
|
معقولة انو الشباب ادمنو على كريستيانو و ما عاد يعرفو يلعبو من دونو؟؟ يعني وقت بيلعب رونالدو بتلاقي اللعب افضل و في مستوى احلى لكل الفريق طبعا مع استثناء مباراة اشبيلية اللي كانت بسبب مارسيلو...المهم.. يا اخي فريق متل هاد ما لازم يتاثر بغياب اي لاعب...:pos: :frown:
|
ما بعتقد غياب كريستيانو هو سبب هالنتيجة
السبب بعتقد بخطة المدرب الي ما الها نتيجة إيجابية و ضيف عليها استمرار وجود راؤول بالتشكيلة الاساسية يعني مبارح على الجزيرة الرياضية طلع المحلل بعد المباراة و عم يحكي أنو راؤول عم ياخد مكان صح بالملعب و عم يكون جاهز للتهديف بس المشكلة أنو ما عندو القدرة البدنية و السرعة ليحقق هالشي و بسبب هالشي عم يضل بن زيما بلا فائدة بالمباراة و عم تروح عليه الفرص الي لو كان محل راؤول كان استغلها أما الدفاع فلهلق ما عرفو يتفاهمو مع بعض .... أداء الدفاع ضيف كتير نسبياً و ضيف عليها مبارح أنو كاسيس مباراح ما كان مزبوك أبدا و كان سئ كتير يمكن لأول مرة أنا بشوفو هيك |
يا سيدي هدول بالتدريبات لازم يخلو الفريق كلو يهاجم ع هالدفاع بلكي بيتعلمو شوية :lol: يعني بربك هالحمار مارسيلو مو حرام يغلط غلطين نفس مباراة اشبيلية تماما؟؟؟ جولين باتو اجو من جهتو يلعن عرضو و كانو ماو علاقة بالدفاع يا الله :shock: :shock: :jakoush::jakoush:
كاسياس هي هفوة و الكل عندو هفوات يعني شغلتو بسيطة... |
لا تعليق !
عنجد لا تعليق .. لانو ببساطة حاليا .. ما في فريق .. عـ المستوى ؟ 0/10 .. والصفر حرام فيهم من 6 مباريات لورا .. لهلا الفريق ما قدّم الشي اللي بيليق باسم ريال مدريد .. من اول .. الموسم والفريق عم يعتمد على كريستيانو .. وكاكا عم يكون الهامش تبعو .. رغم انو عم يصنع .. كان .. المستوى ما هيك والفرق الكبيرة وقت بدا تلعب وتصير ما بتكون هيك .. كرة القدم لعبة جماعية .. جماعية بيعرفو شو معنى الجماعية يا ترى .. الجماعية فيها باصات فيها واحد بيركض والتاني بيحط الجول .. ما فيها بنوب انانية .. ما فيها .. اني فضل حالي على غيري .. هي كرة القدم .. وقت يكون الفريق بيفهم هالشي .. بيعرف كيف يلعب .. مدريد ما عم تكون هيك ابدا .. كل لعبة عم يكون في لعيب واحد عم تنحط عليه المسؤولية .. وعم يحاول .. ما عم يلعبو بانتماء ابدا .. للأسف ! .. الاغلبية فعلا .. عم يلعب كرمال المصاري .. وهي مشكلة شراء اللعيبة .. قلنا بس انو هي المشكلة ممكن تنحل لو جبنا لعيبة كبار .. لعبهم لح يغطي هي النقطة .. بس لهلا ما حدا فيهم حاسس بالانتماء .. يمكن في نقطة خلت كريستيانو رونالدو .. يكون احسن بشوي من كاكا مع الريال .. انو كريستيانو من قلب ورب كان حابب انو يجي .. بعكس كاكا اللي حتى بعد ما انتقل ب فترة عم يقول انو الصفقة كانت مالية ولصالح نادي ميلان .. اكتر ما تكون حبو انو يلعب بالريال .. كاكا مع ميلان كان غير صح مكان لعبو كان غير .. بس كاكا كان يقاتل قتال رهيب عالطابة .. مبارح انحرق قلبي كتير باللعبة .. حتى لو كنا لح نفوز .. والله ما كنت وقت اعد اتفرج على مباريات للريال اتلهى ابدا .. لك مبارح من الملل .. عشوي لح فتا شدة .. يعني اعد وعم نفخ مباراة .. تكتيكية بحتة .. ولعب الريال باخر 4 سنيني .. عم يكون باصات للمدافعين .. بيهجمو هجمة .. بيرفع .. يا جول يا برا .. وبيرجع من جديد باصات بين المدافعين .. ولاحظو انو اول ما ينزنق اللاعب بيرجع اللعب للدفاع .. وهلّم جره .. لك بحياتي ما شفت لعيبة .. بس ينزنقو بالهجوم .. بيرجعو الطابة للدفاع ورا ورا .. لقفا نص الملعب ! بحجة تغيير جهة اللعب .. شو بدكم تحكو عالمصاري وعنا .. وعللعيبة عنا احسن لعيبة .. بلغريني .. للاسف مبارح .. بين معي انو برضو خاضع تحت سيطرة راؤول .. عفكرة مبارح بترتفعلو القبعة لراؤول .. عرفتو ليش بضل بحبه شوي .. رغم اني مقتنع انو ما لازم يكون مهاجم .. بارض الملعب بس برفعلو القبعة .. شفتو الروح اللي بيلعب فيها راؤول .. هي هية روح الملكي الموجودة جواتو .. وهالشي هوة اللي بخليه محبوب بين الجماهير .. شفتو راؤول كيف بيركد وقت بيكون الريال خسران الطابة .. بس ما عم يكون في حدا عم يساندو ابدا .. راؤول لاعب .. عندو انتماء كبيير كتير للنادي .. بس ما حدا عم يقدر يساندو .. على الرغم من انو هجوميا .. بنزيما وهيجوان .. حيكونو افضل .. بس راؤول من هون ليرجع الريال فريق .. بيعشق كلمة ريال مدريد لازم يتم موجود ..حتى يكون قدوة كبيرة كتير للفريق .. شو بدكم نحكي عن الجمهور ؟؟ جمهور السانتياغو برنابيو .. جمهور سياحي ومالو جمهور .. مباراة قدم .. لنادي عريق .. اي تمام وقت بتفوت عالملعب وبتلاقي ربع اسيويين .. وعرب واجانب واسبان .. هاد جمهور بحب المتعة ما بقللكم لا .. بحب الريال كتير كمان .. ما بقلكم لا .. بس مالو جمهور الو صوت واحد وكلمة وحدة .. هي مشكلة كبيرة كتير بالريال .. جمهور الريال اللي بيهتف بالملعب طوال المباراة وما بيهدا هاد الجمهرو اللي بدنا ياه وللاسف ما موجود بالملعب الا ورا .. الجول .. هنن جماعة الالترا .. جمهور الريال لازم يحمّس الريال مو عند 4 او 5 طابات بيخسروها ببلشو يصفرو .. مو جمهور اللي بعد ما ناكل جولين بيطلع من ارض الملعب ! .. مو الجمهور اللي بيجي بيحضر المباراة لياخد صور وبس .. هي مشكلة هائلة جدا بامللعب .. وعم تصير من وقت ما صار الريال شركة اعلانية .. بتمنى بيريز .. يرجع ينتبه لهي الشغلات .., لانها شغلات كتير مهمة .. أهم بكتير واساسات قبل ما تجيب لعيبة وتشترين .. لازم يكون في مدرب .. بيعرف يضبط النجوم .. بيعرف يعاقب النجوم .. وبيعرف يكافئ النجوم .. بيعرف يزرع حب الفريق والروح جواتن .. بيعرف يدرب الفريق .. بالتدريبات على اللعب الجماعي .. ما بدنا مهارات فردية بدنا متعة باللعب .. بدنا .. فريق يلعب كرة قدم !! انا قبلان .. بعد حرقة القلب تبع مبارح .. اللي انحرق فيها قلبي وانا عم شوف الفريق .. عم يهر .. ما بقيان منو شي .. ما عاد خسارة الريال شي كتير كبير اعلاميا .. ولا حتى عنا .. عم نخسر ونخسر .. والفريق عم يخسر .. انا قبلان .. رجعولي فريق هلجيرا وبافون .. وميخيا.. لك رجعولي فريق راؤول برافو .. بس خلونا نشوف .. انتماء وقتال عالطابة .. رجعو فريق .. سولاري .. وموريانتس وراؤول .. ما بدي نجوم .. بدي ريال مدريد .. بدي ريال مدريد اللي .. عشقنا من وراه شي .. اسمو قدم .. وتابعنا كرمالو .. كلشي .. رجعولنا .. ريال مدريد ..  !Hala MAdrid .. Hala Madrid .. :hart: |
اقتباس:
شغلة الانتماء بدها وقت اذا ما كان اللاعب بيحب النادي من قبل ما يجي...يعني مثالك عن رونالدو صحيح مية بالمية بس البقية بدن وقت ... و حتى بعد الوقت اذا ما حبو النادي من جوا ما رح يستفيدو شي...يعني عم ندور بدوامة اللي هيي التفاهم بين اللاعبين و الانتماء...و هي التانية صعب تشتريها يا معلم... |
كلامك يا يمان مزبوط
و قصة الانتماء كنت بتشوفها بفريق اشبيلية لما كان الفريق عم يلعب على الدم مقابل فريقنا عم يلعب اذا فزنا أو ربحنا عادي وهالشي كنت ممكن تشوفو بعد المباراة لما طلع كاكا من الملعب وكان طالع رونالدينيو لفو بعض كأنن كانو عم يلعبو مع فريق البرازيل مو كل واحد بريق نحن منحرق أعصابنا و منعصب و منكفر و هنن طالعين من الملعب عم يضحكوا و يمزحوا و يمكن طلعو كملو السهرة برا يعني من هالناحية ما في عنا متل راؤول و غوتي و كاسيس ... إنتمائهم للفريق كبير على الرغم من التحفظات الكبيرة على راؤول |
اقتباس:
|
اقتباس:
الأخطاء التحكيمية وين ما كان ... لو هلأ منتصرين ما كانو بيحكو بنفس الحدة الي عم يحكوا فيها هلأ |
مزبوط....الحدة والتحكيم هولي المشكلة
|
اقتباس:
|
اوف سايد......تسلل
|
اقتباس:
يعني كل الفريق ممكن تعلق عليهم و على لعبهم الا كاسيس يعني بشهادة الكل و بدون أي استثناء كاسيس أحسن حارس مرمى بالعالم بس يعني كل فترة طويلة الا ما يعملو شي هفوة شي تعفيسة بكل الاحوال هادا أي سي ميلان .... مو فريق يدري الله شو اسمو |
| الساعة بإيدك هلق يا سيدي 21:52 (بحسب عمك غرينتش الكبير +3) |
|
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون