|
اقتباس:
|
عزيزتي أنا كنت مضيفة طيران و عشت بدولة خليجية سنتين و كنت متلك مفكرة انو هي المطاعم ضرورية لحد ما قريت أكتر عنهن و عرفت شو مكونات الوجبات و بلا مزح من وقتا كل ما انذكرو بتقلب معدتي.بكل دول العالم اللي رحتلا في ماكدونالدز و مع اني جربتن تقريبا كلن كنتفضل الأكل الشعبي بكل بلد. يعني الأكل الصيني او التايلاندي او الهندي او السوري او المصري أفضل بما لا يقارن بالطعم و القيمة الغذائية.الأكل لاسريع أصلا مرض العصر و لو تعرفي انو اللي بيعطي الطعمة اللي مدووخين فيها للماكدونالدز و الكنتاكي فوود هوه البهارات و المايونيز و الكاتشاب و الدهون الحيوانية اللي بيحشوها فيها يعني كل شي زبالة و ما لازم أصلا ناكله كنت عرفتي قيمة صحن الحمص او سندويشة الفلافل. بلدنا ممكن أفقر من دول بتعتمد عالماكدونالدز لأنو أسرع و أرخص وجبه فيها بس القيمة الغذائية و الإجتماعية بالأكل الشعبي أكتر بآلاف المرات. بالخليج الأطفال كلن بعمر أقل من خمس سنين عندن بدانة مفرطة و لما بتشوفيهن بيطر عبالك كل أنواع المخلوقات الا الأطفال بسبب هالأكل الفاضي المليان أذى. أنا برأيي الشخصي او عدم وجود مطاعم متل ماكدونالدز علامة حضارية بسوريا خاصة اذا رحتي عمحلات الوجبات السريعة اللي عندا كل أنواع الوجبات ممكن متل ماكدونالدز حتى بس بطريقة شعبية و سورية خاصة متل وجبة شرحات مطفاية او وجبات طبخ جاهزة فيها الفريكة و الباميا و الكوسا بلبن. بدك دلك عالمطاعم مستعدة...مرايا عند السبع بحرات و دمشق القديمة للوجبات السريعة.
عزيزتي كل أصدقائي الأجانب لما بيجو على سوريا من سويسرا و ألمانيا و مصر و الباكستان حتى بيقضو نص الوقت بسياحة طعام بين تبولة و فريكة و فتوش و كنافة و كبة و حمص و فتات و غيرو غيراتو و بيقولولي انو انتو شعب بتحتفلو بالأكل و كأنو وحدة من معالمكن الحضارية متل الصين و اليابان و بدك نلغي مطاعم صحية كويسة و نغزي البلد بماكدونالدز تافه و مؤذي للصحة؟؟؟ بلدنا بلد مو متل أيا بلد و صدقوني وين ما رحتو ما في متلا سلام |
اقتباس:
يا جماعة اللي بيفهم بريح :D:D |
ليش بسوريا في أحسن من كنتاكي ومكدونالدز ، اي كل محل شاورما أو بروستد عنا بالبلد بيسوا كل محلات أمريكا وأوربا :D
|
مافي مافي ماكدونالدز بسوريا :clap:
|
اقتباس:
انا سوريا على راسي هي جنتي بس معلش خليني اسالك سؤال سندويشة الشاورما يلي بالشام كتير احسن من اكل كنتاكي ؟؟ والله ياما تسممت من بعد ما اكلتها وما حدا يقلي من المطعم المطعم راقي وعين الله عليه بضل هي ازواق ومبادئ لكل شخص :D |
للحقيقة الشاورما أطيب من كنتاكي بس متلا متل الماكدونالدز و كنتاكي مليانة دهون وأنا من أكتر من 10 سنين ما أكلت شاورما. أذا بتنتبهي عاللي كتبتو أنا ما كتبت ولا مرة شاورما. كتبت فلافل و حمص ,كوسا بلبن و أكلات شعبية تانية........
|
يعملو ماكدونالد وكنتاكي وبعدين يلي مابدو لا يروح . كل شخص حر ياكل ويلبس يلي بيريحو
|
اقتباس:
|
اقتباس:
خط أحمر هاد .. :jakoush: |
اقتباس:
مزبوط خلي يصير عنا بالاول بعدين نعد نتفلسف عليه .. مو مو صاححلنا ندوقو وجايين عمنحكي عنو وبشارطك انو ازا صار وفتح رح تلاقي مليان وع طول ..وخاصة من جماعة المسبحة والفول والشاورما البلدي |
في شي مميز بسوريا بعصر العولمة.هاد الشي انو العولمة لسا ما بلعت سوريا. وجود كنتاكي و ماكدونالدز و بيتزا هت و الشركات متعددة الجنسيات أكبر مظهر من مظاهر العولمة. العولمة بها المظهر تحديدا ذات أث رسلبي لأنها بتنهي خاصيات الشعوب و الحضارات اللي بتميزها. للعولمة جوانب ايجابيه كتير ما في مانع نتبناها بس اللي بيحير انو شعوب العالم التالت هي اللي بتركض ورا المظاهر السلبية للعولمة و اللي بتمحي حضاراتها العريقة لصالح الحضار الأميريكية حديثة العهد!! أنا ضد انو يفتحو مطاعم وجبات سريعة من سلاسل المطاعم الأميركية لهالسبب و لسبب تاني كمان...أميركا مقاطعتنا اقتصاديا و سياسيا و دوليا و حتى بمنظمة الأمم المتحدة و بالتالي على أي أساس بدنا نتعامل مع شركاتها اللي بتصنع أطعمة مو صحية أصلا و نروجلا؟؟؟ يعني يفتحو واللي ما بدو ما يروح ما بيمشي الحال هي بتغلغل بثقافة الشباب من الفئات العمرية الأصغر بالسن و ما عاد تشوف طفل باكل طبخ او صحن تبولة أو سلطه...هاد رأيي عالأقل
|
اقتباس:
معينة ومصحورة كتير .. :D |
صح
اقتباس:
|
اقتباس:
بس يا اخي اقسم بالله ... اللي بيعرف بالشام منيح .. وبيعرف من وين بياكل بالشام .. ولا بفكر يفوت عهيك مطاعم . الا ما خلق ربي قلتلكم من قبل .. انت ليش عم تطلب هيك مطعم ؟ كرمال تاكل اكل .. طيب ويعجبك .. طيب .. انا ححكيتا باول الموضوع .. انو جد بوضع ... او ببلد برا الشام .. محل ماني عايش هلا .. جد الوضع بأسي .. وبتلاقي هيك مطاعم .. جد . متل العسل على قلبك .. لانها بتضل .. طيبة .. بس تنزل عالشام .. بيكون .. جد .. مالا ايا طعمة .. او شي .. :D |
اقتباس:
ماشعبنا تلت رباعو من جماعة تاعو شوفوني معي موبايل .. عرفت ليش رح يتعبى لكن ؟ |
اقتباس:
|
اقتباس:
شو حشرا بالنص ؟ عمنقلك المطاعم هي ازا فتحت خلينا نشوفا هداك الوقت وهي معباية لتما من جماعة تاعو شوفوني معي موبايل اللي هنن غالبية شعبنا .. وبعدين هلأ عمنحكي ومنحكي .. خلي تفتح بالاول وهداك الوقت بحقلنا نحكي ومنشوف وقتا جماعة المسبحة والفتة شو رح يعملو ;) وخاصة ازا عملولن كم عرض ع الاكل هنيك .. مارح يضل حدا لحدا :lol: |
اقتباس:
بعدين أنا كسوري لما بسافر . ممكن ماتناسبني أكلات البلد يلي مسافر عليه . فبقضي أغلب أكلي على هالمطاعم . ولحنا على طول منقول أنو سوريا بلد سياحي . بس يعني لازم نطعمي الكل متل مابدنا بعدين المطاعم يلي على نمطو بسوريا شبه فاشلة ومعباية متل فرند ودمشق القديمة والبالون وغيرو . بقال خلي كل واحد ياكل وين ومتل مابدو . ويلي بدو ياكل فلافل ومسبحة ماحدا منعها عنو أبدا بعتقد عنا مشكلة بسوريا من كلشي غريب عنا . يعني لو كان نفس النقاش مثلا مفتوح قبل عشر سنين عن الموبايل . كنت لقيت عشرات المعارضين . مع أنو هلأ مافي شخص ماعندو موبايل وهكذا |
اقتباس:
ومتل ماقلت اللي بدو ياكل مسبحة وفلافل يضل ياكل ماحدا ماسكو ليشبع وماحدا بيمنع .. ومع هيك رح تلاقي اول واحد ممكن يروح ع ماكدونالدز ازا فتح .. ومثال الموبايل اقرب مثال |
والله يا شريك بالنسبة الي انا بحب الاكل بالشام اكتر من الاكل الي هون يعني الي بالامارات ....
عندي سندويشة شيش طاووق من عند بيتزا الامل ( الي بالميسات ) اي بتسوى كل البرجر الي عم ناكله وما بنعرف شو حاطين فيه ... ولا الشاورما يا ويلي لك بالامارات ما بندوقها بس بالشام بناكلها اصلا ما بتتاكل الا بالشام ... ولا المشاوي الله الله ... ولا البروستيد يا اخي شو بدك بالحكي الاكل اطيب خخخخخخخخخخخخخ شو بدي احكي لاحكي عن الاكل بالشام ... لك زبدية تسئية ولا صحن فووووول ولا سندويشة فلافل لك بتسوى كل الاكل الي هوووووووووووووووون |
ياعيني على الكباب المشوي وبلا البيتزا و الهمبرغر
|
اقتباس:
لا تذكروني جوعانة :cry: |
اقتباس:
|
اقتباس:
وعندك اب وليد فوقا مو اب وليد تحتا:larg: والمنار هدول اطيب شي للأخذ بالعلم :pos: |
و الله انتم كتير محظوظين لاسباب عدة:
اولا هاى المطاعم كلها امريكية و صار اسهل انكم تقاطعوها لانها اصلا مو موجودة عنكم.. ثانيا الاكل عندكم ماشاء الله مشهور ومعروف على مستوى العالم العربى اما فى مصر مثلا ، مافى مطاعم منافسة للكنتاكى و البيتزا عشان هيك بنضطر نجيب اكل منهم :( ثالثا اصلا هاى المطاعم اسعارها كتييييييير غالية رغم انو كفائتها سيئة جدا بالنسبة لفروعها الاصلية وما تناسب اكثر الناس المطحونين |
من وين لوين عملتيها ضرورية بهالبلد والله انا لمى بكون قرفان عمري وتعبان ومتشائم من هالدني باكل عند كنتاكي لانو جنب بيتي
وماكدونالدز وقت اللي بدك تاكلي من عندو اقل شي بدك شي عشرة او 15 وجبة لحتى تشبعي الله محيي الزيت والزعتر اذا في اطيب منون بس وينون...................... وبعدين سؤال للي برا سوريا بشرفكون في حدا بيكون بيجي على سوريا وبدو يسأل على هيك مطاعم والله اطيب من اكل سوريا مافي لك شوماكان طيب |
يا جماعه طولو بالكن شوي المشكله انتو ما فكرتو فيها غير من جهتكن وابعادكن الشخصيه ..
طيب في عندك على سبيل المثال السياح ما بيقدر ياكل من اي مطعم لأنو معدتو ما بتتحمل وعندك كمان الطلاب اللي بيجو من الخارج ليدرسو عنا يعني في اكثر من عامل والشام كبيره وما راح تفرق اذا انفتحت هيك مطاعم والله مو مشان شي بس مو عيب بصراحه ( دول مترين بمتر عندها كل انواع المطاعم :sick: ) :larg: |
اقتباس:
|
اقتباس:
لو كنا مثلا عمناقش روتانا كافية . كان الكل قال عنا بباب توما التراث الشامي . وعنا كافيات معروفة فمافي داعي والروتانا للوليد بن طلال ولحنا منكره كل شي سعودي الخ أنا رح أعطيك أرقام . بالدراسة تبع الجدوى الأقتصادية للكافي لأنو ادارتو منفصلة عن ادارة الفورسيزنز مع أنهم لمالك واحد . كان المطلوب الوصول لغلة يومية 6 الاف دولار وسطيا . بعد 4 شهور كان الكافية عم يحقق 16 الف دولار يوميا . الأمر الي أثار استغراب القائمين على المشروع . فتخيل |
اقتباس:
عيزمك ع كنتاكي بس لخلص اللي علي ع اكلة معتبرررررررة تاكل اصابيعك وراها شلوني معك ؟ :larg: اقتباس:
ماعبقلك يازلمة الحكي والتنظير والمثاليات ببلاش .. بس وقت الجد كلو ببين |
اقتباس:
يعني عدد الكافيه اللي موجودة بالشام مانو هالعدد الهائل اوك .. انو بتروح في كافيات ..بس اكيد من كافيه لكافيه بيفرق .. الحكي اللي بدي قولو .. انو كنا عم نحكي على الاكل نحنا .. اكل المطاعم عنا ممتاز .. وما بدو شهادة عليه .. بس اما بدك تقارن كافيه .. ما بتوقع .. حتلاقي هالمنافس الكبير .. ** شغلة اخيرة انا ماني ضد انو يصير هيك شي .. ردودي من قبل كانت انو .. ضروري هالشي ولا لا ؟ لا مانو ضروري .. وازا بدك تجي للواقع مانو ضروري حتى الروتانا كافيه .. يعني مانو هالشي العظيم .. انو في قهاوي وفي مطاعم ... فيا قعدات رايقة اكتر .. القصة قصة اسم ما اكتر .. وبضل كل واحد الو رايو :D |
اقتباس:
|
مابعرف;):p:o
|
يا شباب انا حبيت علق على الموضوع للخطورة تلك المطاعم ما سمعتوا عن فضيحة كنتاكي يلي ما سمع لح وضح كل الدجاج في محلات كنتاكي العالمية عبارة عن فطايس تقتل اما عن طريق الصعق الكهربائي او كسر العنق او ضربها بالارض والحيطان لتموت او وضعها في ماء مغلي وهي حية يعني مو طريقة اسلامية متبعة فتجد ان الدم الحاوي على الجراثيم والنجاسة مازال بداخلها لذلك هي محرمة شرعا ولا يجوز لمن يعرف ان يأكل من تلك المطاعم ارجو الدخول على الرابط وشكرا - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - اللهم بلغت فاشهد |
اقتباس:
شو نحنا وين عايشين :? |
اقتباس:
بأسم كنتاكي والأحد عشر دجاجة :p |
الله يرحم ايام الكوسا المحشي
و الكبة البنية :larg: |
لك اخوي بالعقل .. هدول كنتاكي عندن مدري كم الف دجاجة باليوم
معقول كلياتن بدن يموتون بالحيط لا بالمي المغلية ازا ع هالحالة بحياتنا مارح ناكل لانو بدو 10 ساعات ليساويولن كم جيجة |
ياترى شو رأي رالشباب هلأ . بعد تجربة حوالي السنة لسلسة كنتاكي بسوريا :larg: |
| الساعة بإيدك هلق يا سيدي 06:07 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون