|
اقتباس:
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
هلق صرتي تاخدي بحكي الاعضاء؟؟ ما شاءالله! هاد الكلام مانو مقياس. وغالبا اللي بيحكيه مو زيادة بيعنيه. فبكل بساطة, سارة هية اللي حذفتلو موضوعو. ومشان يثبتلا انو هية غلط, بقول انو على دورك ما كان هالشي يصير. شغلة عادية جدا. ولا تعني انك كنتي منيحة. فقط طريقة لاثبات انو اللي عم تحكي معو غلط. ما بظنها صعبة تنفهم. عالعموم, سارة مو هية اللي بلشت بالحذف. انت اللي حذفتي, وانت اللي سكرتي, وانت اللي حطيتي قوانين خرندعية للسقيفة, عملتيها متل شي دائرة حكومية. كلشي عملتو سارة هية انو كملت باللي انت بلشتي فيه. يمكن مشان ما تخجلك. او ما بعرف ليش. اقتباس:
اذا الصبي مبسوط, وما عندو مشكلة, انت شو زاعجك؟؟ بعدين الموضوع لاء ما زاد عن حدو. في اكتر من موضوع زاد عن حدو غيرو. وما شفناكي اتدخلتي لا شخصيا ولا عن طريق مشاركة عاطلة. اش معنى يعني؟؟ على شي وشي هيك بتصيري حنونة؟؟ ازدواجية معايير فظيعة. اقتباس:
مو انا اللي بسيل عواطف. ماني بحاجة سيل عواطف اصلا. اللي بيعرفك بيعرف هالحكي من دون ما قولو. اقتباس:
وهالصفة شنيعة, حتى بشخص ماالو علاقة بحدا, فشلون بمشرف بموقع متل اخوية!!!! ويا ريت يا ريت يا ريت, ما تقيمي حكيي شو شكلو, لانك انت مانك مؤهلة, لتوصفي شو هو المعارضة وشو هو المو معارضة. يعني انت هالحكي ما الك علاقة فيه, ولا بتفهمي فيه. مو انت اللي بتقولي للعالم, انت معارضتك صح,وانت غلط, وانت معارضتك اسمها معارضة, وانت لاء.. فيا ريت يعني هالحكي ما عاد تجيبيه على لسانك, بكون احسن. (هاد تماما اللي كنت عم احكي عليه) ليكك حتى برد عم اتدافعي فيه عن حالك, ما قدرتي ما ترمي تهم, وتتفلسفي على مين معارض ومين لاء. اللي شفتو منك, انو كل المعارضين, بس يبطلو يحكو معك, بصيرو معارضين غلط!! عالعموم هاد مو شي جديد. من يوم يومك, بتكتبي "نرفزت" بالمحادثة الكتابية, لما بكون حدا داخل بنقاش ضد الحكومة!!! عالعموم لاء, انا ما اتقاتلت معك. انت تقاتلتي معي, هاد شي تاني. لاكن العكس ما صار. اقتباس:
اي نعم انت اجتماعية, وهاي النقطة لمصلحتك. لهيك ما زيادة العالم بتعترض على اللي بتعمليه. او ما زيادة بتعتبرو غلط. لانو غالبا بكونو معك عالماسنجر, او انو حاكيين معك وفي نوع من الصداقة. بينما اغلب باقي المشرفين, ما بيدخلو وبيحكو مع حدا. مشان هيك بيعترضو على كلامهون اكتر من كلامك. يعني متل الموضوع تبع المشرف المثالي. غالبا الاصوات تبعيتك جاي, من ناحية انو في صداقة بينك وبين العضو المصوت. لهيك بشوف انو شغلك احسن من مثلا, مرسيل اللي مانها على علاقة منيحة معو. اقتباس:
|
اقتباس:
اول شي انا ماكنت عارف ان المثلث الأصفر مشان التبليغ , هاد الشي عرفتو بعد ما طرحت موضوعي المخالف حسب رأيك. تنين مشرف القسم ما شاف المخالفه لمدة شهر وعشرة ايام ؟؟؟ بعرف الجواب هاد مو شغلنا تلاته انا بعت للمشرف الي لاقيتو بوقتها رسالة خاصه وهاد كان رد اقتباس:
اربعة هاد القانون الخاص بالأقتباس اقتباس:
واذا مو عندك الموضوع موجود عندي ممكن اطرحو مرة تانيه مشان اخد عليه مخالفة او اعتقال اوطرد الأهم من هاد الحكي كلو صارلي ساعه عم اقتبس انا وياكي ليش ما اخدنا مخالفات خاتمة الحكي المواضيع الأباحيه مسموحه بالمنتدى ؟؟؟؟؟؟؟ - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
يحرق اخت الديمقراطية شو لح تعمل فيكووون
صحيو صحيو اقتباس:
|
اقتباس:
و بما انو اللغة يلي مطروح فيها الموضوع هي علمية او قريبة للعلمية بقا شو العيب فيه |
عجيبة الله
افضل مشرف اكتر تصويت لمرسيل والمشرف غير المثالي اكتر تصويت لمرسيل تناقض كتير ملفت.. |
اقتباس:
|
طيب بإعتبار لهون وصلت المواصيل , ف سجلو عندكون بلاك أكبر مسيّح جوخ و رح أرجع لرد على هالموضوع أنا .. :)
|
اقتباس:
ما منقدر نطبقا هون ...... عالأعضاء يللي عم يهاجموا المشرفين ..؟؟ |
شايف التصويت اجى معكوس والناس يلي بينباسو من بين عيونهم على الجهد يلي بيبزلوا طلعوا غير مثالي
انا اسجل اعتراضي الله يعطيك العافية بترفلاي ريمي :D |
اقتباس:
إنك تعمل مقلب بحسن و تنزل عنو موضوع هاي حريتك , بس إنك تسمي الموضوع " مغامرات حلبي أجدب " ف هاد الشيء بسيء إلي .. و بتشكر ريم على حذفوه .. ! اقتباس:
مثلا ً حضرتك ابنو لميشيل كيلو . أو عارف دليلة أو مين مثلا ً ..! يعني إذا هيه مو مؤهلة تقيّم مين معارضة أو مين موالاة انت بصفتك شو عم تقيّم المخلوقة ؟! اقتباس:
نعم ريم إجتماعية و جدا ً بس التصويت لإلا ما عن صداقة .. ريم شخص فاد الأخوية بمقدار أكيد أكبر بكتير من الضرر اللي بيسببو البعبعة و التطبيل بهيك موضوع ... ريم شخص نسق أقسام كانت خرابة .. كلمة الحق لازم تنقال من الكبير قبل الصغير .. أما نيجي نقول أنو ريم إجاها أصوات نتيجة علاقات إجتماعية .. ف منكون عم نظلما و عم نكذب ع حالنا كذبة كتير مريقة .. هازا و و سـ َ نعود .. |
هيك بلشت الشغلة تصير ولدنة.
انا قلت كلشي عندي:D |
اقتباس:
و فيني كمان أعتبر أنو باعتبار الحكي ما عاجبك و ما كنت قد حالك و رديت ف هاي هيه الولدنة بزاتا .. و منرجع الوردة بوقتا .. |
على راحتك خيو
اعتبر اللي بدك ياه. |
اقتباس:
كيف أعتبر اللي بدي ياه , و انت اعتبرت حكيي " ولدنة " شو في بيناتنا لتعتبر ردي ولدنة ؟! يعني أنا ما بسمح لحالي أعتبر حكيك ولدنة , كيف انت سمحت لنفسك تعتبر هالإعتبار .. ؟؟ عموما ً بس صار في حدا قادر يدافع عن حكي حكاه , و ما يتهرّب و يقول ولدنة .. مالنا بحضانة نحكي كلمة و بعدين خلص بطلت .. يا أحكي كلمة و كون قدا و دافع عنا يا لا تحكيا ..! إبقا حدا يقلي .. :lol: |
اي طيــب.
|
اقتباس:
اي حلوة جدا ً و مفيد جدا ً تمسيح الجوخ رح نتابع فيه .. شخص ك ريم أو مرسيل أو ياسين أنا رح أكون أكبر مسيح جوخ معليش .. هلأ إيمتا بحقلك تحكي هالحكي لما بتكوني عطيتي من وقتك للاأخوية ربع اللي عطتوه مرسيل أو ريم .. أنا متأكد لما ريم رح تكون منسقة عالمنبر و كريم غايب بسبب ظروف كلنا منعرفا و المنبر مليان مسبات رح تتدخل ريم لو كانت بآخر الدني , ما بتترك و ما بتسأل .. هاي ك مثال طبعا ً .. ليس إلا لزا فينا نقول هالأشخاص بستاهلو تمسيح الجوخ و بقوة و دمت ُ أنا أكبر مسيّح جوخ في الوطن العربي .. :lol: |
حاولت هيك أفهم كيف مرسيل و ريمي بتتصدر التصويت
يعني بنظرة سريعة لهون - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - منعرف فضل ريمي و مرسيل عالأخوية و شو عملو و اشتغلو هاي معدا مسابقة حسام ملحم اللي اشتغل الجزء الأكبر منها مرسيل و هيه صاحبة الفكرة .. و معدا تنظيم السقيفة اللي اشتغلتو ريمي و معدا انو مرسيل نظمت قسم الرسم و التصوير من قسم زبالة لقسم فني و معدا أنو ريمي كل يوم عندا شي 20 موضوع تنقلون من الصالون و معدا النقلة اللي عملتا ريمي بقسم العلوم و معدا أن مرسيل هيه اللي شايلة خليّة الأدب كلها .. و إلخخ يا ترى اللي عم يتفزلك و عم يحكي اشتغل ربع الشغل اللي اشتغلوه ؟! مش بس عالأعضاء , المشرف اللي عم يتفزلك و ينظر ع ربنا وقت كان مشرف اشتغل ربع الشغل اللي اشتغلوه الموجودين هلأ لك بلا ربع الشغل عشر الشغل .. مالنا شاطرين غير بالبعبعة و التطبيل و التزمير .. فعلا ً هزلت بمعنى الكلمة .. و بعد كل شي هلأ بنطلي حدا بقلي هاي إسما ولدنة .. :lol: |
هابي فلانتاين :D
|
رغم انو الأنستان يلي عم تتجادلوا عليهم انا مابتفق معهم في الكثير من أفكارهم بس هادا الشي مابينمعني اني أشكر هالصبيتين على الجهد الكبير يلي عم بيقوموا فيه واعترف وابصملن بالعشرة
ويلعن ابو التخلف شو متخلف انا :o |
اقتباس:
أنت بتقبل ع حالك حدا يستلمك مسخرة وما يعيف عليك لا جدبة ولا غبي ولا مجنون ؟ رح اعتبر قلت أي .. كمان ما بيحقلك وأنا ما بقدر أهضم أنك تنهان لأن هادا اسمو تجريح لعضو .. حتى ولو كان هالعضو رفيقك .. بس بقية الأعضاء ما رح يعرفوا انو هو صديقك وأنو في مزح بيناتكون .. ورح يحسبوا الشغلة عادية وتشوف تاني يوم 600 موضوع كللو إهانات بين أعضاء ع أساس أنو مزح .. كيف رح يصير المنتدى عجب ؟ ما ضروري حسون يحكي شي .. لأن ممكن أنت رفيقو وما بدو يزعلك .. بس بالاداب العامة ما بيصير هالشي بالنسبة ألي ما بقبل ع حسون هالحكي .. حتى ولو كان صديقك .. صديقك أنت وهو بالخاص بس .. اقتباس:
اقتباس:
وللا المعارضة بيقدر يقيّم البقية والموالي لاء :?! طيب قوللي أنا ماني لا معارضة ولا موالاة أنو بشوف الأتنين فيون خطأ فما بقدر أثبت ع أفكار حدا منون .. شو أنا ؟ بقدر أقيم الموالاة والمعارضة وللا لا ؟ اقتباس:
اقتباس:
بعتقد هاي ميزة بريم .. أنو ما ضروري المشرف يكون حاطط حواجز مع الأعضاء .. البنت اجتماعية وهاي شغلة منيحة :) بس مو حلو لمّا الواحد ما بيشوف تعب التاني .. بعتقد ريم كانت شفافة بالتعامل مع الأعضاء بأقسامها وكل صغيرة وكبيرة بتنسأل فيا بترد عليها .. مثلا بأرشفة السفراء كتير كانت متعاونة معي .. بشكل بينرفز بقية المشرفين ممكن من نق يللي بنقوا ع راسها .. بس هي ما كان تحكي شي .. وبتعمل متل ما أنا بريد تنسيقياً .. باعتبار الموضوع من تنسيقي .. وللعلم .. وبما انو علاقتي كتير منيحة بـ ريم .. بس مع هيك أنا ما صوتلها بالموضوع المشابه تبع "أفضل مشرف" .. التصويت للأفضل .. ريم تعتبر قوية بس بعتقد ياسين أقوى منها .. بشان هيك صوتلو .. مع أنو ولا مرة حكينا مع بعض لا عام ولا خاص أنا وهو .. وهادا بينقض حكيك أنو العضو متحيز اجتماعياً للعضو يللي بيحبو .. ومنيح أنو التصويت سرّي لأن بيعطي نتائج افضل .. لأن لو كان علني فكل شخص ما بدو يزعل صاحبو المشرف ويصوتلو بس بشان خاطرو .. وبيظلم المشرف اللي بالفعل هو الأقوى __________________________ بتمنى ما تنزعج مني لأن ما اتفقت معك .. لأن مافي شي بيني وبينك .. بس كلمة الحق تنقال .. وحتى لو ما كانت كلمتي حق .. فلازم تتقبل هالشي وتغالطني إذا أنا حكيت غلط .. وأنا ما عم ممسح جوخ مع حدا .. إذا حدا مفكر هيك .. بس إذا حدا ما أذاني .. وفرجاني كل شي منيح .. ليش حتى ما أمدحو ووقف معو مثلاً ؟ :D:D:D |
اقتباس:
معلوم رح نشوف ولدنة .. وكمان حرف للموضوع بطريقة ساذجة .. ببساطة احنا كأعضاء لما نقيس ما بنقيس بس ع الشغل الي بيشتغلو المشرف .. في بأول الموضوع مواصفات للمشرف الأسوأ وعلى أساسها كنا نختار .. (الشغل + الحيادية + .. + .. الاشياء المذكورة كلها ) بصراحة شفت الموضوع عند البعض تعدا تمسيح الجوخ ووصل لتمسيح الط%؟$ كمان .. |
اقتباس:
اي جيد هاي هيه , بس شو اللي زعجك إنت ؟! :lol: |
اقتباس:
|
شي ناهي حماده فكره خبيثه وحاقده على لأداره والمشرفين
وبما أنو لحنا جماعه الخبثاء واصحاب مواضيع مدري شو الهدف من وراها فأكيد لح ينفهم الموضوع على انو " مكيده حاقده " وعلى هل مقاس قيس حتى الي كتبتو ويلي ممكن اكتبو أنا هلاء هوه خبث وعرفان مدري وين بدي أوصل ؟ وتحملو شوية نقد ولو كان لاذع ساخر أحياناً اقتباس:
اقتباس:
على سبيل المثال أي تشعب بأي موضوع بالمنبر يعتبر خارج عن الموضوع جملتاً وتفصيلاً ومن جمالية الحوار: أن يفكر المحاور في آرائه أو يتراجع عنها أو يزداد بها وثوقاً وفيه نوع من رفع سقف المناقشة قدر الطاقة بين المتحاورين. فالحوار ليس جدالاً ولا مقارعة ولا منابذة في ميدان قتال تراق فيه دماء المتحاربين بسيوف الألفاظ النابية والسباب والشتائم والفكر المعقد والمسلك المتشنج. فهناك تلازم بين الحوار والأدب واللطف والقسوه بالردود( بدك تشد وترخي ) وهذا كله من شأنه أن يجعل الحوار يؤتي أكله, ويصل إلى أهدافه من بيان الحق, وإقناع الآخر به فهناك الاستئثار, والصراخ, والعصبية, والتنابز, والازدراء, والنظرة الدونية؛ حتى يتخيل لك في بعض الحوارات أنك في حلبة مصارعة؛ أيهما يطرح الآخر أرضا بضربة قاضية!! فنحن كابشر بحق نعاني (أزمة في بالحوار) ترتبط بـأزمات كثيرة؛ في الفهم والتلقي والنقل والأخلاق وهذه الأزمه ليست وليدت اليوم أنما من فجر الأنسانيه هذا يدل على أهمية الرجوع إلى ما يجب أن يكون عليه الحوار من وضوح في الهدف على كافة المستويات, والهدف واضح, وهو: الحق, فيجب البحث عنه, والرجوع إليه متى استبان على لسان من جاء به أيا كان, بلا تسلط, أو إحراج ويدل أيضا على أن الحوار من أفضل وسائل الإقناع, وتغيير الفكر الذي يعدل سلوك المحاور إلى الأفضل ،وفيه ترويض للنفوس على قبول النقد ، واحترام آراء الآخرين بشتى اعراقهم ومعتقداتهم أنا كنت أود أن اتحاور مع كوستا وكهربجي وياسين بالسلبيات والايجابيات في المنبر ولكن كان الطلب أن يكون على الخاص وبكل بساطه لم أفهم لماذا فقط على الخاص وماحدث من تغيرات أيجابيه ومنها سلبيه في المنبر فا محبين المنبر والحوار فيه استطيع أن أقول أن وجهة نظرهم واعتراضهم وتأيدهم على التغيرات كانت يجب أن تكون على العام وبكل بساطه لحنا تناقشنا بالله وملاكتو والرئيس وجماعتو فاليش ماكان النقاش بالتغيرات الجديده على العام ولا مابصير النقاش الا ع الخاص وبقسم الاشرف ( الغرف المغلقه ) وبعرف شو ماحكيت أو نقدت وتحدثت عن مساحة الحريه الي تقلصت بعد الجنرال لن أجد الا من يتهم " مسطول " الا أنه أنسان خبيث شنو بعرف أنو أنا شخصياً غير محبوب لدى الكثيرين ( متل رجلي ) شلف مواضيع الحاد ونكت الملحدين لوراء الشمس من دون الاشاره للسبب ؟ ولو طلبنا منهم لأعادة تلك المواضيع واغلاقها حتى لاينكشها أحد ( كاحل وسط ) والتونيه للسبب حتى لايتعرف العضو على السبب ؟ لن تجد من يستمع ردودنا هناك كانت تاريخ لنا جميعاً بحلوها ومرها بسذاجتها وروعتها ليس من حق لا ياسين ولا كهربجي ولا كوستا شطب جزء من تاريخنا :sly: عذراً ابو حميد أنا ممتنع عن التصويت فأنا أحببت أخويه رغم أن لي بعض المأخذ عليها (--------مشفره-------) شنو بتنفهم خبث وأحببتها بأعضائها ومشرفيها بكريم الرائع والحكيم المبدع وبترفلاي وجاد وهاني ومحمد وحسون وريمي واسير ووائل وغزلانو ومورنغ ومايا وأمراءه من ورق وأبوسمره السكره ( عذراً لمن لم يذكر اسمه ) احببتها لتنوعها وتنوع الثقافات والأفكار ومازالت أخويه :hart:فسحه من الحريه ع الهامش : شكراً جاد لانك أنتقدت ريمي وعلى العام واشرت الى مساحة الحريه , ريمي لاتفهميني ولاتفهمي جاد غلط خليكي ريلاكس وعلى فكره بحبك كتير لانك بتقولي رائيك بأمور ومواضيع تعتبر في مجتمعنا الشرقي حكراً على الشباب فقط اقتباس:
بس لاتمسح جوخ للنظام :sly: |
اقتباس:
بس لاحظ انو في تغييرات صارت يعني مثلا كوستا ماعاد موجود هلاء . ووياس ما كان موجود بهالتوقيت ولسا مستلم اشراف من 10 ايام بس ، ومستعد للنقاش مع اي حد بالسلبيات والايجابيات في المنبر وخارجو . جربت تحكي معو ؟ هامش: كيفك شريك شو اخبارك |
اقتباس:
:p بينت أم نجمة هون .. !! و أنا إمتنعت عن التصويت .. مع كل الإحترام لمحمد , بس بظن أنو موضوع متل هاد بهل الوقت راح يكون تصفية حسابات مو أكتر .. لا ننسى أنو مجهودون جبار , و مشكورين عليه .. و ما بعرف بحس أنو ما كتير إلي الحق إني إنتقدون .. / إحساس خاص فيني أنا / بس بدي إفهم أنو ميمو ؟؟ :? |
اقتباس:
طيب ليش ما بتحكيلنا عن أسباب نقد هالكم واحد يللي عم ينقدوا ..و أكيد هالأسباب ما الها علاقة لا بعملهون كمشرفين و لا بمسؤولياتهون الاشرافية هلأ الاسباب بيعرفوها الأغلبية و المواقف و الخناقات يللي صارت كمان بيعرفوها الاغلبية ..... بس يا ريت تحكيلنا مشان هالكم واحد يللي ما بيعرفوا ..... يصيروا يعرفوا :larg: |
اقتباس:
الله يكون بعون الاعضاء (بدون يعرفو شو كتبتي) قلبي معون . -أوك أنا رح اكتب بس توضيحا بخصوص هذا الموضوع . أؤكد وأؤكد انو مافي شغلى شخصية بالموضوع على الاطلاق . من بين 14 مشرف في 4 مافي علاقة بتربطني فيون علاقة (يامن -جيني-ماهر -دوت) يمكن مافي غير ماهر اللي كنت بحكي معو بالمنتدى فقط ولا يوجد علاقات شخصية بتربطني فيون ومع ذلك بحترمون جدا فرد فرد وماحطيت الموضوع ضدون ولاصوت ضدون ) بس ال10 الباقيين الوضع مختلف كتير . بيكفي انو في منون اصدقاء مقربين جدا وفي منون اصدقاء بحترما جدا جدا وبحبون جدا جدا. متل - (مرسيل عجنب صديقة مقربة جدا جدا جدا من هون لبكرا شهادتي فيها مجروحة) - امرأة من ورق بحترما احترام مالو مثيل وبحبا جدا وما اجى بتاريخ الاخوية بنت مثقفة مثلا او باحتراما للعالم في المناقشات كتير اكابريه وماا مثيل. - ريم صديقة مقربة كتير كتير بعرفا من اول لحظة دخلت فيها الاخوية ووقت تحتاجني بكون جنبا بلا تردد ومهما كان الامر وحجمو واثرو ، ومالحد هون وبس كمان اكتر واحد مقرب الي من العالم التاركة للاخوية وفاتو بمنتديات كبيرة هو ابن عم ريم "ابو جعفر" ماسك منتديات ليالي الشام زلمة اكابريه بنعتبرو اخ (ابن عم ريم) . -سارة -صديقة محترمة جدا وكتير بحبا بصراحة هي كمان من الصبايا القلة النادرة هون بالاخوية يللي الا رأي وواعية كتير مافيي غير كون معجب كبير فيا . -مرام -متلا متل ريم صديقة مقربة جدا جدا ومن اول لما فاتت بالاخوية منعرف بعض وعلاقتنا مميزة جدا ياستمرار ، مابعتقد اني بيوم افيق الاقي حالي ما بحبا . -ريتا "البرينسيس ريتا" تئبر قلبي ,بعتقد لو انا زعلان منا وقالت الي كيفك بيروح الزعل (هاد اذا زعلان منا , انا مازعلت منا من قبل اصلا) ريتا وأه من ريتا . وكلون بحكي معون عالماسينجر من زماااااااان نروح على جماعة المنبر وسريان انجل (لانو علاقتون معي اقل من السابقين ) -سريان انجل بحترما جدا جدا جدا لانو هي مثقفة جدا ، وعندا شخصية قوية وواضحة جدا وذكية جدا ، ووضع اسمك مع انو مافي قسم الك مشرفة عليه كان شيء غير مقصود مني لاني ما كنت بعرف صدقا، اكيد التقييم هلاء مالو معنى لعدم وجود اشراف الك على قسم وبالتالي صلاحيات حذف وتنبيه ومخالفة او انو قسمك ما مهتمه فيه او مقصرة فيه ) لكن عنجد الشغلة ما كانت شخصية .انا بحترمك جدا . كهربجي - عندو ميزة لو موجودة بكل العالم كان فوق ال50% من مشاكل الاخوية الكتير كانت راحت بلا رجعة هالميزة هي انو ماعندو خيار يعني ما بيفضل حدى على حدى وما بيمشي بالاعتبارات الشخصية . نيرفانا -عالمستوى الشخصي انسانة رائعة بمعنى الكلمة وكمشرفة متل كهربجي ماعندا خيار. واخيرا نبيل - "الوحيد اللي عصبت فعلا منو" لما سكرلي موضوع عن كريم بس مافي مجال للشخصنة بهالموضوع ، انا بوقتا عطول صرت مقدر لظروفو واعتباراتو لانو راسلني اكتر من مرة بخصوص هذا الشأن، وصدقا ما اختارتو هون . مافي بقلبي شيء سلبي ناحيتو وللامانة ولا ايجابي . نهاية القول مرسيل ريم يامن اعلى اصوات عالاطلاق (ماصوت عليون) الموضوع مانو شخصي وهاي اراء الاعضاء ما ارائي . لو رئيي كنت عالاقل صوتت على حد منون او شجعت العالم تصوت ضدون!! وبالعكس حطيت 10 نقاط يتم الاختيار عاساسون هادول:- المشرف الغير حيادي (بينحاز لقضايا وافكار وطوائف واشخاص ومواضيع هكذا.....) المشرف الغير عادل (بين الاعضاء تلاقي المشرف غير عادل ) المشرف العدواني (يهاجم افكار واشخاص وطوائف وافكار بطريقة عدوانية ) المشرف كثير المجاملة لاصدقائه على حسابك المشرف قليل الخبرة والغير مجيد للتعامل مع المواقف في قسمه المشرف الاقل مسئولية (يعني من افعالو تلاحظ انو مافارقة معو اي شيء بالقسم يعني يخرب بتراجع ) المشرف اللي شايف حالو عليك وبيتعامل معك بفوقية وانو اعلى منك او افضل المشرف اللي دايما يحط حواجز بينك وبينو وما بيخليك تقدر تتناقش معو بقضايا تخص مصلحة القسم او غيرو . المشرف اللي بيعطي تنبيهات ومخالفات كتير بمناسبة وغير مناسبة وبيسكر مواضيع كتير بدون اسباب واقعية او مقنعة المشرف اللي ما بيتعامل معك باحترام . ولا في عدالة بالقراءة "يعني ما في اهمية بالقراءة المنصفة" رح تلاحظو شو كتبت تاني لو قريتو راس الموضوع : بس في كم شغلة بدنا نتفق عليون من هلق وقبل المشاركة 1.المشرف صديق و زميل او زميل بس على اسوأ الاحتمالات(يعني غير مقبول التجريح او الاهانة هون جملة وتفصيلا) 2.الامور والاعتبارات الشخصية بين العضو والمشرف ليس لها مكان هون (اي حد بدو يصفي حساب ما يستخدم هالموضوع) 3. غير مقبول مخاطبة الاشراف بالفاظ وعبارات غير لائقة او غير محترمة (مثلا المشرفين مش خدم عند الاعضاء ) قبل ما انسى "هل الشغلة شخصية بيني وبينك مثلا ؟؟" يعني ما شخصية مع المشرفين وشخصية معك !!! بخصوص اشياء كتبتيها فيما سبق بالزمانات بغير مكان !!! وما علينا من اللي كتبتيه مؤخرا . أنا من ناحيتي قسما بالله مافي شيء شخصي وماني زعلان ، عادي جدا . كل شخص حر باللي بيكتبو بهالمكان او بغيرو مع انو الحكي بيخصني بس ماني زعلان. بس لاحظي انو اسمك ما كان موجود بالتصويت !!!! يعني مافي شيء شخصي معك من الاساس (من جانبي انا) كون اني اللي كتبت هالاسماء وماحدى غيري كتبا . على كل حال الموضوع نزل بناءا على رغبة بعض الاعضاء وما كان الي غرض شخصي من الموضوع غير انو يكون الموضوع خالي من الاهانات والسب حيث انو كلنا بالاول والاخر اصدقاء او زملاء ،كنت حريص على عدم وجود متل هذه الالفاظ هون . - نقطة اخيرة الاعضاء ذكية وعندا عقل وبتعرف تميز الاحداث والاشخاص يعني ما ناطرين محمد ابراهيم او غيرو لحتى يعبرو عن اي شيء او يحكو . لو في حد بيشك بهالنئطة فهو حر بس انا متاكد انو الاعضاء ذكية وعندا القدرة عالتمييز . |
اقتباس:
خود هالشرف واحكي يا عمو.. انت صرت بتعرف مو هيك.. اي اهلين فيك عمو.. صحيح قبل ما انسى ..مبروك ع دخولك عالم الاقسام الادارية..وهيك عن قريب نشوفك حامل راية شي قسم ونازل بمسيرة التحديث والتطوير.. ومن هلأ رح نثمن جهودك عمو... ويا هلا.. |
اقتباس:
و قبل ما تحكي عن غيرك ....كيف عم يمسّحوا جوخ ..... احكيلنا عنك انت و عن خناقتك مع المشرفين يللي عم تعطي رأيك من خلالها و اذا بتحكيلنا عن اسباب الخناق .... بكون كتير منيح ... لأنو القصة ظريفة ....و بتسلي يا عمو... |
اقتباس:
|
اقتباس:
شغلة أنو هالموضوع طلع عن هدفو .....و صار مكان لتصفية الحسابات و الخلافات الشخصية |
اقتباس:
|
حاج ولدنة ؛؛
سكرو هالموضوع بئا عيب |
اقتباس:
يا عمو اقرأ السطور ازا ما فهمت بين السطور.. ومشان السيرة..اكيد ظريفة ومسلية..شو رأيك اعملها معك هلأ..اكيد بتنبسط كتير...مو..؟؟ عمو خليك بعيد..شوي.. وبلا ما تمسح جوخ ع حسابي اوكيه.. |
اخي الشغلة ماقصة تصفية حسابات ولا تمسيح جوخ بالمرة ..
حتى اللي وصل الموضوع معن لهالشي هنن اصلا ماقصدن يوصلو لهالشي .. الموضوع انطرح عن اسوأ مشرف .. ولما رح تختار المشرف الفلاني على انو اسوأ مشرف هالشي رح يصير بناءا ع احكام وشغلات سابقة .. وهادا كلياتو نقاش عن سلوك هالمشرف والنقاط اللي اختير عليها انو سئ .. والنقاش طبعا بدخل وبزيد وبتشربك .. وطبعا لايخلو الامر من بعض تمسيح الجوخ نوعا ما ;) ومن تصفيات حسابات قديمة كمان نوعا ما ;) بس اكيد مافينا نحكي ع الكل .. لانو في ناس جاي لتحكي بصدق وبامانة واللي بقلبا .. وع بساط احمدي |
وهللا انت بأعتبارك معارضة .. فبيحقلك تتهم الكل عكيفك يعني ؟
وللا المعارضة بيقدر يقيّم البقية والموالي لاء  !طيب قوللي أنا ماني لا معارضة ولا موالاة أنو بشوف الأتنين فيون خطأ فما بقدر أثبت ع أفكار حدا منون .. شو أنا ؟ بقدر أقيم الموالاة والمعارضة وللا لا ؟ بدي رد على هالمقطع هاد فقط. ما عندي الرغبة اتجادل انا وشخص. كرمال شخص تاني. ما بحس هيك الشغلة مناسبة كتير يعني. فيك اذا معجب بالست ريم, تروح تكتب محاسنها, بموضوع تبع افضل مشرف. عالعموم انا ما قلت كلامي عن فراغ. المهم جوابا على سؤالك, لاء خيو. ما حدا بحقلو. هاي طريقة رخيصة, كتير للواحد يأثبت انو افكارو صح. |
اقتباس:
مشاركتك جميلة متلك :D |
اقتباس:
بشرفي أنك ابن حلال ...... من شوي كنت ببالي ما بعرف ليش  أنو ... كيفك هالأيام ...؟؟ |
| الساعة بإيدك هلق يا سيدي 04:41 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
رد: معقولة تسمحو بهيك شي بالمنتدى 
