هلأ شفت المسألة انا تركنا عم نفكر :pos:

يعني ما فهمت شو ربا هالمسابقة

صرنا بـ مسأل جديدة يا عمو :pos:

ماشي لنشوف شو حيطلع معك .. فلطوحة افندي .. :p


لك يعني دب ما فيك تقول شو هي المسالة لازم ربا دغري ..

حجي مسابقات .. يعني بدا تشغيل مخ .. شغل طريف جمعة .. بقا مالك مصلحة بعرف :o

اي كان قصدي هيك.
ولسى الزاوية التالتة بين التنين متساوية.


ما رح تطلع معي.
المسألة بدها واحد متذكر قوانين الهندسة, وانا اخر مرة درست هندسة. كانت من 4 سنين. مو متذكر كل النظريات.
يعني بعرف لوين بدي اوصل. بس صعبة اثبتها.

طيب .. عندي شغلة لح خبركم فيا بتساعدك ..

خيو صراحة .. النظرية بتنحل على نظرية تالس منيح ..

بتعرف نظرية تالس اما لا؟ يعني بالاحرى .. نظرية التناسب تبع الاضلاع ..

بكون عندك مستقيمين متوازيين .. والتالت قاطعن .. اوك بيصير في نسبة بين الاضلاع المقسومة ..

انو بتوقع تكون سهلت حاليا .. وحاولو فيا .. ان الكل عجز .. منحط الحل :D

قلتلك ما تساعد وما تحط مساعدات :jakoush::jakoush::jakoush:
مسائل الرياضيات ما بتنحل بالنق والاستعجال بدها تفكير وتركيز
وتروك العالم تفكر

ما بدي اسمع صوتك لحتى تجي تحط المسألة التانية
قشلع

مية مية :jakoush:

ينعن ديبكن شلون عبتعرفوا تحلو هدول يا الله ..
جيت طلعت ع وحدة ارتعبت من منظرا

ماشي ماشي ..

جاد ولا .. حسابك عندي . اكلت بهدلة من تحت راسك :pos:

حلو .. وبس تنحل فيقوني :larg:

يعني انا هلق بذاتي بكوني شو مطلوب مني ؟؟

و ليش عما تنبر بوجي تضرب انت و اسئلتك و أجوبتك

واحد استغلالي رأس مالي

كش اخس شرف المسابقات و طريف جمعة كمان

يا شباب بلا سبام بلا سبام

ابو وليم تشؤ تشؤ تشؤ تشؤ :pos: :pos::pos::pos:

هلأ في براسي حل يبتعد كل البعد عن تلوسة بس المشكلة اني بالشغل وماني قادر ركز على اثباتو

بس ارجع عالبيت بشوف

ماشي هاني .. اوك ..

انا ما عاد تسمعو حسي الا ازا حدا سال عني ..

اللي بيطلع معو شي .. منشوفو بكرا ..

:D

الصورة ما طلعت عندي

من عيوني .. ثواني وبحملك ياها عموقع تاني :D


هيا بو وليم ..




طلعت ؟

سؤال خيو..
المماس. هو نفسو التانجنت يعني؟؟ (tangent)??

اي صباح الخير

اي ما تقول هيك من الصبح...
خيو انا ثقافتي انكليزي, هدول ما بعرفون بالعربي.:pos:
كل الحق على يمان الكديش.

رح حط صورة الحل..وغداً رح حط الحل..
وهيك لما بتشوفوا الصورة ...يمكن بتلاقو طريقة الحل..

مع اني صرت راسم هاي الرسمة بهادا الشكل شي الف مرة, بس هلق وقت تطلعت علية هون لحتى ضرب الحل لحالو
وانو شو مشان عاساس ما لازم نساعد بعض!

وخيو يملن شو مشان

صح انا انتبهت لحشيشتي بعدين .. بس انا خبرت انو الوضع اللي بدنا نشتغل عليو ..

هوة انو بدو يكون في عندك مستقيمين متوازيين .. وقطعهم قاطع مع .. وتناسب الاضلاع ..

بس متذكر كمان انو اسما هي نظرية تالس !!


هلا طريقتين .. بتوقع اي ..

مع اني حليت بوحدة .. وازا عرفت تحلا خيو اسير حط الحل ..
وازا حطيت غير الحل اللي حليتو بحطلك التاني انا ..

:D

هلق باعتبار هادي عندو حلين, حط انا الحل الي طلع معي وهادي بيحط التاني؟

شبيبة اللي عرف يحل المسالة دغري يحط حلا .. ما في داعي ينطر حط شريك :D

ما مشي الحالة اسا معي :frown:
وقت كنت عما فكر بالحل في شغلة اخدتا على انا صح .. بس هلق عما فكر فيا مرة تاني , ما طلعت انو من الضرورة تكون صح:jakoush:

ما بعرف ايو احسن بلش ناقش مشكلتي اما نستنا هادي ليجي ويحط حلو؟

خيو حط حلك انت ..

وقلي شو النقطة تبعك .. ومنحكي فيا يلا ناطرك

عراصي حارتك يا باشا
رح بلش بصورة هادي
هلق مناخد المثلث ABD ومنرسم من النقطة A الخط المستقيم AG باعتبار G مركز الدائرة فرح تكون النقطة J بنص القطعة المستقيمة BD لانو المحور AG بمير من مركز الدائرة وبيمر من نقطة التقاء التماسين .. معناتا بيطلع معنا انو المثلثين ABJ و ADJ مثلثين قائمين متناظرين ومنعرف منو انو القطعتين BJ و DJ متساويات

هلق هون بتجي المشكلة .. اذا اخدنا بعين الاعتبار انو FJ موازية ل BC بتنحل المشكلة ..
بس نحنا مانا متاكدين من هالشي , واذا قلنا انو منرسم من J خط موازي ل BC مافينا نكون متاكدين انو بيقطع DE بالنقطة F

وهون علقت الشغلة شوي معي , ما بعرف اذا في غير طريقة لانثبت هالشي .. لانو اذا عرفنا انون متوازين بتصير عن طريق هاي النظرية الي قلتة تبيعت القطعتين المستيقيمتين وبيقطعون خطين متوازيين .. انا كمان ما بعرف شو اسمة , بركي نظرية الخطوط المتوازية؟

انا هون معصلج :pos:

هلا .. دقيقة ما بين معي ان فينا اما لا .. بس انت فيك تسهل عحالك يمكن

ان قلت انو نحنا منوصل بين J و F

تمام .. بعدين بتحاول تاثبت انو JF عمودي على DE

لح حاول وبخبرك

عراسي هادي .. وحلك حلو .. بس معقد كتير بالموازنة مع الحل الاخر .. اللي ما حاقدر حطو اليوم لبكرا لحطو لانو ماني قاعد عجهازي حاليا ..


بس شغلة وملاحظة ..

انو اخر شي .. كانك مخربط بالكتابة وكاتب

FJ // DB

وهون غلط بتوقع كان قصدك انت انو

FJ // EB?? صح ولا لا؟

تاني شي .. سؤال ..

من تساوي الزاوية كلها شو الشي اللي اعتمدت عليه لقول انو هدول التنين متوازيين ؟

شبيبة منشان الحل التاني .. والمسالة الجديدة بدكم تنطروني لبكرة .. لانو صراحة ماني عجهازي .. والمسالة موجودة هونيك عالجهاز .. لبكرا راحت .

وعراسي هادي .. ولكل :D

صح يمان... :D
ولا تواخذونا.. الهيئة انو المرض مأثر ع فيوزاتي...

عكلن وانا عم اشرب قهوتي الساخنة حبيت ان خربش ع الرسمة وطلع معي الحل التاني..ما بعرف ازا حدا رح يوافقني عليه..

تفضلوا بالبداية خربشتي..ورح خلي الامر متعلق باجوبتكم الاتية..



ومية وردة الك يمان.. :D

هلأ بهاي الصورة اللي حطيتها هيي الطريقة اللي كنت عم اشتغل عليها
اثبات انو الرباعي ESDC متوازي اضلاع واذا قدرنا نأثبتو فبيكون صار عنا القطرين SC و DE متناصفين
وهيك بتكون تأثبتت المسألة
بس عصلجت انو ما عصلجت عصلجت بس نتيجة نسيان كل قوانين متوازي الاضلاع والهندسة فما قدرت اتاكد انو طريقتي صح او لاء

انا كمان جربت هالشغلة.
هو متوازي الاضلاع بتقدر تثبتو اذا كل ضلعين متقابلين كانو متوازيين
CE, D
هدول منقدر نثبتون بسهولة.
بس SE, DC ما قدرت اثبتون

هلأ في شي قانون او نظرية بيقولو
اذا كان بالرباعي ضلعين متوازيين وزاويتين متجاورتين متكاملتين بيكون متوازي اضلاع


او ما في ؟

على علمي اول شي ما بيكفي تثبت ان الضلعين المتقابلين متوازين حتى تثبت انه متوازي اضلاع...
بتذكر بـ مادة الهندسة انو شرط يكونوا كمان متساويين حتى يكونوا متوازي اضلاع..هيك بالكتاب كان مكتوب;)

اما الزواية المتجاورة فما سبق وسمعت ابداً انها متكاملة

سمعت انو المتقابلة متساوية بس المتجاورة ما سمعت اي صفة عنها :pos:

اما ما بظن انها متكاملة حقيقة

عموماً تأكد من الحاج يمان :pos:

يييييي شو عم يصير هون

هندسة و رياضيات ييييي يييييي ييييييي



باي:shock:

100 هلا هادي ..

هلا قلك اول شي ..انو اكتشفت شكلو انو في 3 طرق للحل كمان لانو لسا عندي طريقة تانيةغير الرسمة اللي انت رجعت حطيتا .. مع اني ما فكرت بالحل لسا تبع صورتك ..

بس في سؤالي فوق عليك ما جاوبتني عليو انو بعد كل هالزوايا اللي قلت انها متساوية كيف طلع معك انو هدول التنين متوازيين ؟

:D

خيو ما قصة نسيت او لا .. بس صعب انك تاثبتهم يعني .. معقدة بتوقع ..

ما بكفي حبيبي جاد انو يكونو متواززين بس ما بيعطيك انو متوازي اضللااع

:oلحالك عرفت تاثبتا هي شريك :p

هلا كلامك صح .. بس شغلة الزوايا المتجاورة .. هلا هية عمليا كل زاويتين متتاليتين مجموعن = 180

بس انا على هوا علمي بتوقع ما بصير هاد الشي .. انو ناثبت انو متوازي اضلاع على هي الطريقة ..

قحط من هون اب عنتر .. :p


شبيبة .. نزل الحل انا ولا كيف .. نضل عم نتناقش بهدول هلا ؟ :D

على هوا ما بتذكر انو فينا نأثبت انو متوازي اضلاع اذا اثبتنا انو الزوايا المتقابلة متساوية, والمتجاورين متكاملين.
يعني غالبا كلامك صحيح. انو اذا متوازيين وزوايا متجاورين متكاملين.
حاولت طلعلا شي "اكسبكتيشن" ما طلع معي. فبظن النظرية صحيحة.


اي ضلعين متوازيين بيقطعون ضلعين متوازيين. فهني دائما متساويين.


لا بكفي.
جيب ورقة.
وارسم عليها خطين متوازيين
واقطعون باي خطين متوزايين.

وشفلي شو بيطلع معك

جاااااااااااااااد ما بيكفي بس متوازيين

اجباري يكونوا كمان متساويين

:pos: