سؤال سهل بس مهم
اذا ربحت باليانصيب 500 الف سوري فقط لاغير
شو اول شي بتفكر تعملو بالمصاري؟؟؟؟؟؟

اذا كان معك حريه الاختيار بين انسان فقير و ناجح اجتماعيا.... أو غني و غير ناجح احتماعياً .....
يعني ببساكة المال او المرتبة الاجتماعية... أي بتختار؟؟؟

أي مرحبا بانسبة لجو
أيمت أكتر مرة أنبك ضميرك:هاي مرة كنت بالمدرسة صف تاسع وكنت بالباحة عم أشتري من عند الأذن وأذ بيجي واحد صف حادي عشر بيدفشني ويزعجني مزبوط فأنا وقتا ثارت فيي الحمية العربية وقررت أني ألعن سلاف الجابو وفعلا الفرصة البدة لطششتو قتلي خليتو ينسا الحليب الشربو من أمو ويا دوب أدرو الشباب يفكو من بين أيديي يعني مسحت الأرض فيي
وبعديين أجو هيك رفقاتي وقفنا مع بعض فرحا بالنصر على الحادي عشر بس هو يا حرام كان واقف لحالو يعني ما حلوة بحقو يتشرشح هيك شرشحة فأنا وقتا عنجد نزعجت ومدري شو صرلي ورحد لعندو وأعتذرت منو بس الفكرة أنو ما قبل الأعتذار وليلتا يا دوب قدرت نام وضليت ي خمس تيام مزعوج
-بالنسبة لجيني أيمت أكتر مرة حسيت فيا أني قريب من الله: مرة كنا عاملين حفلي لليتامى وكل واحد أستلم مجموعة وأنا كان بمجموعتي بنت عمرا شي 7 سنيين وحلوة وحبابي كتير يا حرام وحدة تاني عمرا شي 4سنيين بس مدللي كتير وقت توزيع الهداية طلعت هديتا للبنت العمرا 7 كتير حلوة وكتير عجبتا بس البنت المدللة صارتتبكي بدا ياها وهدوليك المسؤليين عن الميتم أد ما نون فهمانين عطوا ياها وصارت البنت تبكي فأنا أنزعجت كتير و الدمعة رح تنزل من عيني
فا رحت وأشتريت هدية تاني لهديك البنت مع أنو المعروف عني أني واحد مفلس وما بيلتقى عشر ليرات بجيبتي ومع هيك حطيت كل مصروف الجمعة من شان البنت بس مبسوط كتير
architecturer
أي في حدا من رفقاتي زعجني كتير مرة كان في عندي رفيق بحبو كتير وبحكيلو كل أسراري ومرة حبيت وحدة حب ما طبيعي وكل يوم كنت أنطرا عالمدرسة من شان شوفا وقلتلو هالشي لهادا رفيقي عالأساس سر بس الجحش راح فضح الدني ونزع كلشي وصرت كل ما أمشي بالحارة أسمع طلاطيش الحكي ومرة كنا بحفلة وأجيت بدي أرقص مع هاي البنت أميت ما قبليت طبعا لأنو سيرتنا على كل لسان :cry:
نانا أنا بنقي شخص عادي
هشت نشت:بيغر بيتي وبشتري واحد يكون ألو غرفة نوم لأنو البيت لخلقت في ما كان في غير وحدة لأمي وأبي وطول حياتي كنت نام على الصوفا لحتى هل السني وقت أجيت على أميركا
saeed
أكيد الحياة الأجتماعية بدون منازع
وهاق شو منشانيك geeny
شو هيي أكبر مواجهة واجهتيا :?:

يا ماما :( :( :(

أهلين جيني

شو أكتر شي بيزعجك بأهلك .. او اذا حابة تجاوبي بهل طريقة.. شو أكتر موقف خلاكي تنزعجي منون ؟؟؟

و good luck :P

أي أم الجون

انتي برأيك وبشكل عام

مين أكتر بيحب من قلبو :hart:

البنت ولا الشب ولييييييييييييييييييييييي ش :?:

وبدي كمان بشكل خاص فيكي :o

:D

اذا فقدت السيطرة في امر موكل اليك هل تتخلى عنه ام تحاولي ان تعيدي سيطرتك عليه ؟ على الرغم من ان هناك من هو احق منك في ذلك المنصب , (وان الوقت لا يكفي ويجب تنفيذ العمل بسرعة ) :jakoush: :confo:

جيني ممنوع تجاوبي لحتى يصير في على الاقل خمس أسئلة
هلق صاروا أربعة

:roll:

جيني من بعد اذنك سؤال غريب شوي ...
اذا انعزمتي لعند عالم ... و بعد ما وصلتي لعنون بتكتشفي انو الواحد لازم يشلح من رجلو لأنو في سجاد أو موكيت ..و انتي ما بتقدري تشلحي من رجلك لسبب معين ... شو بيكون تصرفك وقتها؟؟؟ بكل صراحة :P

حلوي منك أبو السعود :lol:

أنا اسفة عل التأخير
mhmary:
مواجهة حالي و حقيقتي لاني كنت دايماً اتهرب من معرفة حالي و لهلأ بواجه حالي ولهلأ المواجهة صعبة لأنك بتكون عم تعترف بأشياء موجودة فيك و كنت عم ترفضها :?
joe:
ما في أكتر من المواقف يلي بتزعجني من أهلي بس أكتر شي بيخليني أنزعج هو أنو أهلي مثقفين كتير و قدام الناس بيحكوا عن الحريّة و التحرر بس لما تصير الشغلة معلقة بولادهم بينسوا كل الحكي و بيتحولوا لناس جداد. :?
architecturer:
و الله انت عرفت مين تسأل :cry: :P
أنا ما عندي خبر ة حتى خبرك بس بتخيل البنت لأنو عندها مشاعر فائضة و أحاسيس ممكن تغرق العالم و إذا حبّت عن جد بضحي بالعالم كرمال يلي بتحبه.
هلأ أنا لسه ما حبيت و لا مرّة بس أنا بستخدم عقلي أكتر شوي من قلبي :shock:
:: rowaf:
بتخيل بسلمه للشخص الأحق مني لأنو رح ينفذه بشكل أحسن و بالوقت المطلوب و لأنو ما رح يكون وقتا لحتى أتمرجل و عنّد و ضلّ متمسكة فيه يعني انت متل ما بتعرف أشغالي كتيرة و بعدين مين قلك انو في حدا أحق مني أنا أحسن مني ما في :oops: :P :P :P
saeed:
بسألهم قبل ما فوت :عندكم شي جوز جرابات مرتب :wink: لمصلحتكم طبعاً :lol: :lol: :lol:
هلأ دور MARCHELLA
أي مين أكتر شخصية بتحترميها :?:

أي مارشيلا خانوم :D

أذا شي مرة وحدي من أعز صيقاتك ختلت فيك ( خانتك بشغلة أو حكيت بضهرك مثلا ) :cry:

شو بتكون ردة فعلك :?:

هع .. وصل الدور على ارمينيا هههههههههههههههههههه
اي مارشيلا
شو اكتر اكلة بتحبيها .. وشو اكتر اكلة بتكرهيها .. !!

سؤالي مارشيللا هو ... مارشيللا هو اسمك الحقيقي أو اسم الدلع !!! :!: ؟؟؟ :?: :confo:

مارشيلا سؤالي كتيير بسيط مين الفنان المفضل عندك ؟ :wink: :wink:

شوووو وينك مارشيللا ؟؟؟؟ نحن ننتظر :?

ايمت أكتر مرة حسيت فيها بالسعادة؟ :D

مرحبا يا شباب انا عضو جديد بالمنتدى وكنت عم بعمل كزدورة بكورنيش الاخوية فكفشت هاللعبة وحبيت شارك فيا
والسؤال لمارشيللا هوييييي:
اذا تزوجت ان شاء الله واخدتيلك شي حليوة متلي :mrgreen: :pos: مانو ارمني ، بتعلمي ولادك ارمني ولا لاء؟
هاتي لنشوف جاوبي :jakoush:

بعد ما انا كمان كسدرت على الكورنيش التقيت برامو
بدي قلك شغله صحيح انا ارمنيه بس ماني متعصبه :x :evil:بس بحب ولادي يعرفو مو بس ارمني وعربي واسباني وانجليزي ...يعني بدون يعرفو كل لغات امون :wink: :angel: بس اذا زوجي مانو ارمني ما بحب وقت اللي يكون ابون موجود يحكو لغه هو ما بيعرفا .... :sosweet:

سوري منكون بس انا ما كنت بعرف باللعبه ...الظاهر كل يوم بتسالو شي عضو؟؟!!!! :cry: :cry: ووصل الدور علي...اوكي
اولا انا بحترم كل من يحترمني :angel: واذا شي مرة غدرت فيني او خانتني انا بعصب بس ما بفرجي :evil: :x :evil: بس يا ويلها مني لأنه انا بسامح بس ما بنسى ...اكلتي المفضله هي الباميا وبكره الكوسه والملفوف
اسمي الحقيقي مارتشيلا يعني حرويه البحر بس في عندي اسم دلع واسهل بكتير من مارتشيلا وكما بيبلش بحرف الميم :P
فناني المفضل انا بحب جوليا بطرس ومحمد منير و هلأ كتير عم تعجبني فرقه كلنا سوا :sosweet: واللحظات السعيده كتيرة بس اكتر مرة انبسطت فيا لما حسيت حالي محبوبة :hart: :hart: :sosweet: :sosweet:

وهلأ دور مين؟؟؟ بس بدي اسال اللي بعدي
شو بتحب بحالك وشو بتكره بحالك؟؟؟وشو بحبو الناس فيك وشو بكيرهو؟؟؟ :P

بس ما حددتي مين اللي بعدك !!!! :shock: :shock: :confo: :confo: :P

على قولة زياد:

صحيح الصراحة بتجرح لكنا بتفيد


انا ما بقدر كون صريح على طول بس بحاول

ويمكن اكتر شي بيكرهوا العالم فيي هوي صراحتي :P

يا ريت مارتشيلا تحددلنا اسم العضو يلي بدنا نسألوا
:confo: :confo:

دور مين هلأ يا شباب :?: :?

شو مشان وين مارتشيللا ....
مارشيللا الكل ناطرينك ..... :shock:

معك مهلي 24 ساعة من هلأ بعدا مؤلف العبة هو بيحدد دور مين
موافقين شباب

و هلء بعد مضي المهلة المطلوبة و بعد قرار من الزعيم mhmary

رح اختار اسم العضو يلي بدو يمثل أمام محكمة الأعضاء

و هوي.......:
saeed
:jakoush: :jakoush: :jakoush:


من بعد هذا الرد يبدأ الأعضاء توجيه الأسئلة إلى saeed

و سؤالي : شو هي الرياضة يلي بتحبها أنت ؟؟؟؟؟
لا تألي سؤالي سهل مو هيك :confo: :confo:

وأنا سؤالي شو هي صفات البنت الخارجية ألي بتحبا :?:

اذا شي مرة كنت ماشي انتي وصبية :shock:

ممكن تكون قرايبتك يعني :?

وطلعلكون بالطريق 3 كلاب جعارية :o

شو بتعمل ؟؟؟؟؟؟؟

طبعا أكيد هي رح تزعوط :wink:

لو ما كنت سوري ... شو كنت بتتمنى اتكون ؟؟

مرحبا يا قوم :D
نطرت حتى صارو الأسئلة خمس أسئلة و هلأ صار فيني جاوب ...

اي ست مارشيلا ... بالنسبة لشو بحب بحالي يعني شو بدي قلك ما بعرف .. انو بحب كتير شغلات مثلاً أنا بحب المساعدة كتير و هاي الشغلة بحبا فيي :P أما الشعلات البكرهها , يعني ما بكرهها بكرهها بس بحب انو كون أفضل من هيك ... يعني أيام بعصب بسرعة قبل ما افهم الموضوع شو هوي عالآخر :aah: :x يعني من هالقبيل ...
شو بيحبوا الناس فيي ؟؟ هلأ الناس يلي بكون مرتحلون بكون كتير كتير لطيف و كويس معون ... بعتقد هاي الشغلة بيلاؤها العالم منيحة فيي .. و الناس يلي ما برتحلون .. بكون عادي معون , ما بزعجون بشي و ما بيفرق معي شو بيحبوا أو شو بيكرهوا فيي ...
بعتقد انو الناس بتكره فيي عصبيتي بعض الأحيان :oops:
متل ما كاتب بالملف الشخصي تبعي .. بحب السباحة و كرة السلة ... و خصوصي هالأيام عمقضي كتير أوقات يا أما بالمسبح أو بملعب السلة .. و قت بكون عمبمارس وحدي من هاللعبتين عنجد ماعاد بحس على حالي و لا على الوقت شلون بيمضى .. صحي يا شباب الأخوية بحمص ... جهزو حالكون ع خسارة بالسلة بس انزل على سورية ... :P
هلأ عمنحكي عالصفات الخارجية ... أول شغلي بتلفت نظري بالبنت لون عيونها و ضحكتها ... بحب العيون الخضر بصراحة مو بس بحبون .. بموت فيون :D و ضحكة تكون ناعمة مع مسحة من الخجولة و الأنوثة بتدبحني دبح ...
و في شغلات آخر فترة عمتلفتلي نظري بالبنات ... الحواجب و البروفيل :sosweet:
:confo: :confo: منين ناكش هالسؤال حبيب ؟؟
بصراحة ممكن تنيناتنا رح نزعوط و هيك بيهربوا الكلاب ... و ممكن يكون معي موزة .. بقشرها و باكلها (( بس وقتها بكون مستعجل ما بلحق ضيف الصبية يلي معي )) و برشق القشرة ادام أكبر كلب بيناتون بيقوم بيوقع .. عندها بيقولوا الكلاب الباقبة .. لعما شو هالبكل .. خلينا نهرب بجلدنا أحسن :gem: :gem: بس ما تسألني منين جبت الموزة ... لأني وقتها كنت مستعجل و ماني متذكر منين اجت :shock:
حكيم أنا فخور بكوني سوري ... :gem: و هون ما عندي كتاب أو دفتر ماني كاتب علي i'm proud of being from syria بس لو كنت ماني سوري أول شغلة ما بتمنا كون ألماني ..لأني أجد حياتون لحد الأن بالنسبة الي مملة ... شعب ما بيهمو غير مصلحتوا و ما فارق معو حدا و عند قسم كبير من الألمان النزعة النازية الى حد اليوم ..
و كمان ما بتمنا كون أسباني أو من دول أميركا الجنوبية .. بس بحب من بين الشعب الشعب الإيطالي ... عنجد شعب راقي بكل معنى الكلمة ... و عمفكر بشكل جدي بعد انتهائي من تعلم اللغة الألماني (( يعني وقت ببلش بالجامعة )) اتعلم اللغة الإيطالية ... يا زلمي بشرفي بحس اللغة الإيطالة غير شكل ... الطليان بيغردو تغريييييييد بكلشي :P

يا جماعة لا تأخذوني كنت مبسوط اني خلصت الاجابة كن كل الأسئلة مشان هيك نسيت حط اسم يلي بدو يمثل أمام محكمة الأعضاء هلأ :jakoush: :jakoush:
بختار الأخ فيليب بعتقد انو اسا ما مرق دورو اذا ماني غلطان ..
ايه سيدنا .. بدي اسألك شو بيكون هدفك لما تكتب الخربشات (( الخواطر )) ...تفضي عن شي بقلبك ... أو توصل رسالة ما .. أو شي شغلة تاني ؟؟؟؟ :?: :?:

بشكل عام كيف بتحب تكون حياتك بالمستقبل

بتعرفوا يا شباب , كل مرة كنت امرء على ها الموضوع وما فوت عليه ولا كان عندي اي فكرة عنو , بس اليوم مدري شو صار و دخلت عليه و عجبني ( شكلي متأخر كتير ) يعني موضوع 12 صفحة لازم الواحد يفوت يشوف شو فيه , صح ؟

سؤالي للاخ فيليب , شو هيي اكتر عادي سيئة عندك ما بتقدر تبطلها ؟؟

شو هو أسوأ موقف صار معك و انت هلأ فايق من النوم

ياااااااااا سيد فيليب
اذا خيرناك بين زغلول الدامور و موسى زغيب و ابو علي( زين شعيب ) ليكون الشاععر الوحيد اللي ممكن تسمع شعرو بقية حياتك
مين بتختار وليش؟؟

اذا بتحب وحده حب جنوني ومتفقين على الزواج ...وفبل الزواج لا سامح الله تعرضت هي لحادث وصار فيها عاهه ...واهلك بلشو يقولولك :شو اللي خلقها ما خلق غيرها ؟ وانت بتساهل احسن منها ومن هالحكي ..شو بيكون تصرفك وبكل صراحه

شو هوي أكتر شي بتحبو بالبنت ؟؟؟
:jakoush: