|
اقتباس:
كنا مابنحمل غير اعلام سوريا ومابردد غير االاناشيد الي بتتغني بهالوطن ولما اجت الشركة الكويتة الي اسثمرت فرع الكنتاكي بنص ازمتنا مع اميركا ,ضلينا شي اسبوع معتصمين قدامها وبوقتها انعفط 2 من الشباب بس مافي لحظة فكرنا ان عمل نعمل هالشي من دافع ديني او حتي حزبي صدقا ماكان الدافع غير سوري بحت لك الي انا ماعم افهم ان هلق القيمرية منها جزء من الوطن لك ما انا بتعبد بالقهاوي تبعها ولا الجامع الاموي من جزء من سوري؟ لك انا مني زعلان ان المسلم او المسيحي بيحس انهن الهم انتماء للدينن متل ما انا عندي انتماء لفكري بس ان يكون ابن اندونوسيا للسوري اقرب من ابن باب توما!!1 انا درست بالاسية والاسية مدرسة مسيحية وكانت شلتنا مكونة من 5 شباب كل واحد من ملة ودين رغم كل هاد صارلنا 11 سنة مع بعض كان عنا تقليد ان اول يوم برمضان بنفطر عند رفيقي المسيحي وصدقا اول مين ماكان بيعايدني باعياد المسلمين هنن المسيح وانا كنت بنطر الساعة 12 لعايد المسيح باعيادهن سوريا الي هيه المثال الاروع عن التعايش الاجتماعي بيطلع فيها العالم بينتمي لعقائدهم اكثر مما بينتمو للبلد عفكرة اذا كان في خيارات مذهبية لسا كنت بتشوفي الدجل احلي واحلي الاستفتاء بيدل علي ان نحنا لسا ما هضمنا فكرة الوطن وهالوطن من اكثر من بوتقة العالم متعايشة فيها بالواجهة بمحبة وبالظهر الكل بيسب الكل اسف علي الي عايش بسوريا ومابينتمي الها ... لك كيف فيكم تنسوا البرامكة ,جسر الرئيس ,الصالحية باب توما حارة اليهود باب مصلي بوز الجدي ابو شاكر عالبال الباب العتيق موليا دمشق القديمة لك كيف فيه لسانكم يحن لغير زيتون الساحل وكبة حلب ونبيد السويدا كيف فيه انسان يوقف لحظة بالكورنيش الجنوبي والقمر عم ينعكس علي هالبحر ومابيحب هالبلد لك حلب قديش اتعذبت هونيك بس والله بادلها بكل المانيا شو الانسان محتاج يتغرب ليحب بلد ؟؟؟ بطلت من هالحظة حط مطرحي (دكانة ابو سعيد ) صحيح ان مطرح كان متل هالدكانة الخيالية كل يوم ببلد بس رغم انا مني بسوريا بس قلبي هونيك وفكري مع الناس وروحي فداها مطرحي هونيك بين كل الي بحبهم وبنتمي الهم يالي مابيتؤمنوا بسوريا حجو لحديقة النيربين لان فيكن تشوفو وجه الله الي انحسر عن الانبياء سوريا بحبك:hart: |
اقتباس:
ومتل ماعندك شلل ما الها علاقة بالدين انا كمان ومتل مابتحب هالتفاصيل الضغيرة انا كمان ومن شان هي التفاصيل انت بتحب سوريا وانا كمان وطول ما في انت بتحب سوريا وانا بحب سوريا وكم واحد بيطلع 10 بيحبو سوريا سوريا بالف خير وسوريا رح تبقى جنة ورح تبقى وطن لكل مواطن ولكل من لا وطن له لهيك لاتزعل سوريا ليست كم شخص اعطى ولاءه للطائفة ولابن اندونيسيا قبل ان يعطيها للوطن سوريا اكبر من هيك بكتيـــــــــــــــــــــ ــــــــــــــــــــــر |
اقتباس:
وأنا أكيد معك............:D رد جميل |
اقتباس:
:D |
يا جماعة انا بلشت ضيع بهالموضوع....
الهيئة اني فهمت الموضوع غلط..... الي رجعة :D |
اقتباس:
الوطن هو البيت الذي يستر عوراتنا وبس يجد الجد الوطن فوق كل شي هلا الشباب يلي حكي بانتماءو للطائفة اكيد ما بيعني انو رح يوقف ضد بلدو اذا صار في مشكل مع دولة الها نفس لون طائفتو بالنهاية وطننا هو ارضنا والارض كتير غالية على الانسان لهيك طلبت من اممي ما يكون متشائم رغم انو بفترة من الفتراة كرهت حالي من ورا هالاستفتاء:cry: |
اقتباس:
اذا مثلا صار وصارت خلافة اسلامية باحدا الدول المسلمة. واجت هالدولة عملت حرب ضد سوريا. فكتير من مسلمين سوريا رح يوقفو مع هالدولة الاسلامية. شعبنا ومنعرفو. |
اقتباس:
يمكن انو شعبنا بيتعلم من تجارب الغير وشايفين بالعراق التقسيمات الدينية شو عاملة لهيك انا ما بتوقع يعملو هيك او يمكن لان انا ما بعمل هيك بفكر كل الناس متلي:pos: |
طبعا متل العادة اللي قرأته من الردود انو الناس فاتت بالحيط كالعادة ... بس انما شو فوتة .
هلأ انا برأيي كان لازم ينصاغوا الأختيارات بطريقة غير هيك بأعتبار في اعضاء من برات سوريا مثلا يصيروا الوطن الدين الحزب ولا شي وهيك ازبط بصراحة طبعا الشباب ما قدرت تفصل بين الأنتماء الديني والإنتماء الوطني وافضل مثال لتقريب الفكرة انو اذا كنت قومي سوريا مثلا و مسلم ومن سوريا بتتمنى تعيش بدولة غير دولتك بس كلها قوميين سوريين او بتتمنى تعيش بدولة غير سوريا بس كلها مسلمين او بتتمنى تضل بسوريا بكل ما فيها . بتتعاطف اكتر مع قضايا المسلمين ولا مع قضايا القومي السوري ولا مع قضايا سوريا . اكتير واحد يمكن فهم الموضوع صح باشق مجروح وتحياتي الحارة لصراحته رغم انو صراحته قتلتني . انا طبعا مع الوطن .... بس لسا ما كتير اخد منحى واضح بحياتي الوطن لهيك قررت كون مع المنطقة اللي انا حاليا ساكن فيها وهيي بتمثل الوطن بالنسبة إلي رغم انو اصلي مو منها . تحياتي الحارة ظل جيفارا |
مستغربه كيف في ناس قدرو يختارو .. من المستحيل الاختيار
الانسان مو بهالبساطه بحيث يحصر الانتماء عندو لشيء محدد .. حسب ظروف معينه بكون الانسان منتمي لدينو .. بإختلاف الظروف بحس حالو بينتمي لوطنو .. وأكيد رح تيجي ظروف ويكون بينتمي لإنسانيتو ويتناسى كل الإعتبارات التانيه بنفسجه : عجبني مثال الطابه .. صارت الفكره اوضح |
سوريا ........
|
اقتباس:
مين ضحك عليك وقلك هالحكي ؟;) |
اقتباس:
تابع اخوية وبتعرف. اقرا مواضيع المنبر وبتعرف كمان. اسم كلام الناس, وبتعرف. شوف افعالون. |
اقتباس:
هلأ الحكي شي .. والكتابة باخوية ومن ورا الكمبيوتر .. والكتابة ع الورق شي تاني .. ماباخد ع حكي الناس بهالوضع وقت الجد بتختلف شغلات كتيرة |
حبيبي كتير من الناس عم تحلم بخلافة اسلامية ترجعهون متل ما كانو من الف سنة!!
برأيك اذا اجتهون الفرصة رح يفوتوها؟؟ |
اقتباس:
اخي ممكن عبيحلمو وبتمنوا من الله انو تصير .. فلنفرض جدلا انو صارت .. مابظن انو يتخلو عن بلدن بهالسهولة .. بعدين لاجي معك ونقول هالدولة الاسلامية اللي عبتحكي عليها صارت بالسعودية مثللا (بما انو لازم تصير بشي بلد بهالبلاد) وعلقت بينا وبين السعودية المسلمين بدن يروحو صفو مع السعودية برأيك .. بصراحة انا كنت اتوقع هيك .. بس انو من الشغلات اللي عبشوفا مابتوقع شعبنا ممكن يخون بلدو ويوقف مع السعودية وحتى ولو اديش بدو يوقف معن مليون مليونين من الشعب ؟ انت حضرتك عممت ع الشعب كلو كلو ال20 كلن |
اقتباس:
وحاج نضحك على حالنا ونقول الوضع رح يختلف وقت الجد بظن هالاستفتاء عكس اشيا كتيرة وعكس حقيقة تفكير كنير ناس هون |
سوري عربي :gem:
|
اقتباس:
ياسيدي انا بايد كلامك 100% خصوصا ان الاستقتاء شمل الشباب الي بيعرف يستعمل الانترنيت ومعظمهم طلاب جامعات فكيف اذا اتعاملنا مع الفلاح البسيط الي عايش بشي ضيعة بادلب او بحما؟؟ انا راح احكي شي كتير بسيط بفترة السبيعنيات بالعراق كانت الاحزاب التقدمية من شيوعين الي بعثين وقومين هنن اسياد الساحة اما الرجعين ماكان الهن اي دور حقيقي يذكر والواجهات الدينية كانت بتحاول ان تخلق تيارات منطقية مشان تقدر جاري هالمد التقدمي اليوم بعد ما انفت علي ايد النظام السابق كل الاحزاب(بما فيه البعث العراقي) والافكار ومعن كل الناس الي بتفكر طفا علي السطح نظام فكري رجعي تخلفي بيحاول ان يطبق كل دواعي الفرقة والاجتثاث من الوطن علي ابناء صرنا بنشوف الشيعي بيحاول ان يرتبط بايران والسني صار بياخد امدادات من السعودية والاردن وصار هالشعب يقتل بعض ونسوا ان هنن كلن اخوة من وطن واحد هاد بالعراق بس عنا ماعم افهم شو السبب ؟رغم ان نحنا دائما بنقول ان شعبنا فهيم غير ان هالشعب صارلو علي الاقل اكثر من 35 سنة عم يتربي تربية وطنية ومواقف هالبلد هيه الاروع بالمنطقة !!! فدخلكم ليش هيك صار؟؟؟ |
ممكن قدم رأيي بموضوع مد التدين السياسي على المنطقة
اولا برأيي الإنسان بيلجأ للدين كبوصلة نضال لما يحس انو المجالات الأخرى تسكرت وخلص وقتها متل ما حكيت اممي بفترة السبعينيات كان فترة مد قومي يساري تقدمي بشكل عام كاسحة على كل الصعد . بس انا برأيي كان السبب ورا هالشي القضية الفلسطينية اللي كانت مصدر إلهام لكل " مناضلي " المنطقة بس الطريقة اللي تلفلفت فيها القضية الفلسطينية صارت للأسف نكسة لكل حملة الفكر التقدمي في بلادنا . اضافة إلى العامل الأهم وهو ما حصل في الأتحاد السوفياتي وانهيار تلك الكتلة الداعمة لكل القوى التقدمية . مما سبب انقلابهم إلى الجهة الأخرى إضافة إلى الفقر الذي ازداد نتيجة ازدياد الهجمة الإمبريالة وزيادة شدتها على منطقتنا .وع قولة زياد بتصير" العالم رجعت لله رجعت للعيشة بتقواه " هلأ المرحلة الأخطر كانت بعد 2001 لما بلشت الحرب الإميركية على منطقتنا بحجة مكافحة الأرهاب " الإسلامي " مما دفع بالناس للتمسك اكثر بعقيدتهم بأعتبارها مقياسا للتميز وبإعتبار العقيدة هدفا معلن عنه حيث قال بوش " انها حرب صليبية " وعلى هذا بدأ المجتمع مرحلة جديدة بعد ال 2001 هي مرحلة اسلمة المجتمع واسلمة السياسات .او سياسات الأسلمة وهي كلمة اصح . لهذا أرى ان نتيجة الإستفتاء معروفة ومجهز لها منذ اكثر من سبع سنوات في اروقة خارجية من مصلحتها أسلمة المجتمع لأنه بالأسلمة يسهل التلاعب بالمجنمع لأنه المجتمع يتبع قدسية فرد او فكرة قد تسوقه حسبما ما تريد . ولأن الأسلمة البديل الرجعي عن القوة التقدمية المناهضة لأميركا من منطلق علمي فأتت ببديل قد يكسب شعبية ضخمة ويمكن به نقل المجتمع من حالة العداء لاميركا لربما إلى حالة العداء لأعداء أميركا كما حصل وتمت النقلة من العداء لأميركا إلى العداء لسوريا وحزب الله وايران ومحور الدول الرافضة للوجود الأميركي . رغم ان في المحور الرافض للوجود الأميركي كتلا من تلك التي تعمد إلى أسلمة المجتمع وتشكر على موقفها الرافض ولكن يبقى هناك حيزا من الشك بتلك الكتل لأنها الأن في قمة الوطنية ولكنها بقرار فردي قد تنقل البندقية إلى الطرف الأخر ومن هنا ضرورة الحذر . هذه مراجعة صغيرة لما اراه اسباب المد الإسلامو سياسي على المنطقة تحياتي الحارة ظل جيفارا |
اممي بدي اسالك سؤال
برايك الحل للبنان انو تعمل نظام علماني ؟ وتلغى كل الاحزاب والتيارات كونها عم تعمل طائفية وتتشكل بس الاحزاب اللي انتماءها الاساسي الوطن؟ او كيف مثلا؟ |
اقتباس:
رايك حلو بس مابتعتقد ان الرجعية والامبريالية دوما بيخدم بعض يعني متل ماشفنا بافغانستان ومتل ما اتكررت كل الحوادث الي الرجعية اداتها والي عم تنتهي دوما لمصلحة الامبريالية انا مابحب نظرية الموامرة بس كل مرة بيتحرك فيها المتشديدين بتستفاد من حركتهم امريكا والغرب هلق انا بضيف لفكرة ان الجوع والفقر والاستهداف الي عم يصير بالعلن للاسلامين من قبل الاميركان هنن اسباب المد الرجعي فكرة ان الانشقاقات والكسل المقرف الي عم تمر فيه كل القوي التقدمية ومرحلة صراع الكراسي والمصالح لدرجة ان حتي الشيبية تبع هالقوي عم تكون كتير سطحية وماخده هالافكار موديل لا اكثر ولا اقل وبالتالي هالشي عم يشوه صورة هالافكار عند الشيبيبة غير الخوف الي راسخ بعقول الناس من قصة الاحزاب والمشاكل الي بتترافق معها كل هاد عم يترك الساحة فاضية للرجعية لتحتل كل الساحة بدون منافس |
اقتباس:
خصوصا الفكرة الأخيرة اللي بتحط الحق على الأحزاب التقدمية تحياتي الحارة ظل جيفارا |
اقتباس:
ولعلمك كل الشعوب ممكن ان تكون مشروع تفرقة وهاد نزعة عند االانسان ان بدو دائما يكون الو كيان الخاص لو كان هنيك الاحزاب مو قائمة علي اساس مذهبي كنا بيوم من االايام راح نتخلض من الولاء للطائفة ونتحول للولاء للوطن الاحزاب الي بتطلب من العضو فيها ان ينسلخ عن وطن هيه احزاب خائنة للوطن ومستعدة في سبيل مصلجتها ان تضع ايدها بايد اي جهة اجنبية ضد وطنها وهاد الي شفنا بلبنان الحرب الاهلية بشكل كتير واضح :D |
اممي
شو طلع معك من الاستفتاء في امل ولا مافي |
شباب في مجال اعطي رأيي بالموضوع
بالنسبة الي انا بشوف انو غلط كتير كبير نعتمد عل مد او فكر معين حزبي او ديني لانو بالنهاية في عندك زلمة محافظ وواحد منفتح والتنين ممكن يكونو منتجين مبدعين بحياتن وبيحسنو يعملو هل اضافة اكيد هلأ بتوقع واحد يقلي انو الزلمة المحافظ يلي عم احكي عليه ما خرجو يبدع ومخو بكون منحجر انا بقول مثال بسيط ماكس بلانك ويلي بدو يطلع بشي موسوعة ويقرا كيف كانت افكارو رجعية وكيف حسن يغير العالم المهم انا ما بدي ابعد كتير عن الموضوع بس القصد اني انا شايف انو النظام الامثل يكون بعيد عن اي انحياز وممكن ناخد من كل نظام بيعجبنا شغلة مثلا ممكن نساوي نظام يكون بهتم بمصلحة الجماعة كالشيوعية وبنفس الوقت بقدس الفرد متل الرأسمالية وانا برأيي هادا السليم واكيد هل شي ما خرج يصير عنا هيك منل باب للطاقة الشغلة بدها تضحية واكيد التضحية بدا تكون كبيرة بس عطيني عمر لبين ما نتشجع انشا الله ما كون طولت عليكن وعلى فكرة رأي ظل جيفارا كتير عجبني والله حيو مارسيل |
سوري وبس
|
هي هي
مع اني كنت اول واحد بصوت بالموضوع وراح صوتي وقتا لسوريا, ما كان عندي شك ولا لحظة انو رح تكون النتيجة غير هيك, وما بعرف ليش اممي انصدم من النتيجة , مع انو الشغلة مبيني ( شون كوميش!) لحتى الواحد يعرف الجواب عارض الواقع , لازم يرجع بالزاكرة لورا شوي , ويشوف ردة فعل العالم عحرب افغانستان و العراق ويقارنة بردة الفعل تبعيت الكريكاتور, ما بعتقد انو المسألة هالقد مبهمة يا خسارا بس |
استغربت جدا ً من قول أحدهم " سوري عربي "
مثلا ً السوري الكردي شو بيقول سوري كردي و الآشوري بيقول سوري آشوري مثلا ًمنسوي سوريا دولة فيدرالية و نجزأها لدويلات آشورية , كرديّة , شركسيّة , و هلم جرا ً شو هالمنطق الأعوج آخر هالليل .. :lol: |
اقتباس:
سوري تادفي مافي :lol: يعني ليش عربي سوري مقبولة و كردي سوري جريمة ؟؟؟ (ملاحظة: الجوز مو فارقين معي... سوري و بس أنا) |
اقتباس:
في سوري جنديرسي , و سوري كفرحمراوي .. و عد لقلك لو بتعد .. و اللهي كمان بكرا بيطلعو الأرمن بدون دولة سوريا الأرمنية .. و السريان بدون دولة سوريا السريانية ( يمكن هدول أحق شي معليش ما منزعل من مطالبتون ) أما ليش جريمة , ف هاي بدك رب جديد يتجلا بعزتوه و جلالوه ليعرف ليش .. :lol: |
ممممممممممممممممممممممممم ممممممم
كاني انا شاركت بهيدا الموضوع بس كانو مشاركتي محزوفة؟؟؟؟؟؟؟ |
يبقى بدو ينحذف كلمة العربية ويصير الاسم الجمهورية السورية
طب استاذ عبد وحج ياسين ورفيق اممي سؤال هلا بهال22 اختراع اللي اسمون دول عربية اي الاحسن كل منون تهتم بحالا وما تهتم بمصايب جارتا ولا يحطوا حالون ويقعدوا يحلوا مشاكل بعضون البعض وبما ان القصة هيك شو مشان جامعة الدول العربية ؟ انو نفرطا مثلا |
اقتباس:
|
صرنا أغلبية ههههههه
عليهم يا الربع عليهم:lol: |
اقتباس:
اقتباس:
بس شغلتة تجمع العرب سوا مشان يتقاتلو .. ويأكدو على اتفاقون القائم من زمان, على انو لو صار شو ما صار ما بيتفقوا العرب سوا |
اقتباس:
وهو اللي بالواقع صاير او عم يصير خارجيا بس شومشان الداخل ؟؟؟ |
اقتباس:
|
اقتباس:
|
اقتباس:
|
| الساعة بإيدك هلق يا سيدي 23:41 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
