|
اقتباس:
مثلا لباس التمريض، لباس مضيفة الطيران، لباس الطبيب والطبيبة ، .... وكذلك اللبس في الشركات الخاصة .. احيانا يشترطون بدلات بلون محدد .. أو الالتزام بلبس رسمي .. وحتى دقن الرجل يجب ان تكون محلوقة .. اليست ذلك تعدي على الحرية الشخصية .. لكن من يقبل بذلك يعمل لدى هذه الشركة وان لم يقبل فيبحث عن غيرها .. فالحرية هنا لدى الشخص ان يقبل العمل أو لا يقبله .. وبرجع بقول .. لانو تم طرح هالفكرة أكتر من مرة .. اذا المحجبة عم تتحجب حسب قناعتها ..وكل وحدة شكل .. فما بالك بأصحاب العملو المؤسسات .اليس من حقهم ان يختارو مظهر موظفينهم حسب قناعاتهم .. اللبس الو دخل مباشر بالمعايير والمبادئ وقد يكون من وجهة نظر غير دينية ايضاً .. بعض الفتيات يختارن ان يكونوا محتشمات وبعضهن محجبات واخريات يختارن ان يكشفوا اجزاء من اجسامهن .. وهكذا .. وذلك حسب مبدأ ومعيار كل فتاة .. أما معيار الحجاب في الدين الاسلامي اعتقد انه ثابت ومن لا تتقيد به فهي بحقيقة الأمر غير محجبة فعلياً حتى وان كانت تضع غطاء على رأسها .. بالنسبة للعمل .. هاد بالزبط اللي عم قولو .. البنت المحجبة لازم تختار عمل يناسب حجابها ودينها .. |
انو الغريب بدولة متل بريطانيا هيك عمل بيعتبر عمل عنصري وممنوع منعا باتا انو يتقيم الشخص من خلال دينو
بينما هالشي عادي جدا بدولة عربية لا ومعظم سكانها مسلمين ..:frown: وبقولوا بالاخير ليه هالناس عم تطفش..:frown: |
غريب مع ان المرأة " المحجبة " ممكن انها تملك كتير مؤهلات مفيدة ؟!
فكيف ما عبتتلاقي شغل بناسبها ؟!؟! |
اقتباس:
بس صراحة ما فهمت سؤالك منيح ممكن توضحه اكتر؟ انو حسب رايي الشغل اللي مش ممكن يلائم انسانة محجبة(والمفروض ملتزمة دينيا) هي الاعمال اللي رح تقوم من خلالها بتحليل ما حرم الدين ..والتخلي عن بعض او كل مبادئها العقائدية! :D |
طب السؤال اللي انا بدي اطرحه عليكي
شو هو العمل المناسب للمراة المحجبة ؟! |
اقتباس:
|
اقتباس:
يعني شو هو العمل المناسب للمرأة المحجبة واللي ما بنافي تعاليم الاسلام وبناسب التزاماتها الدينية |
اقتباس:
لكن تزكر انو الضرورات تبيح المحظورات وانو في احكام كانت سارية ممكن تتبدل وفي احكام بتضل ثابتة.. على كل حال المسلم الملتزم بدينو فيه يسال شيخ محترم وهو اكيد بجاوبو بالزبط..او على الاقل بحكّم عقلو وبعرف ازا اللي عم يعملو ضد او مع الاسلام..وبعرف ازا عم يغضب الله او لا :) :D |
و اللّه يا شباب ما في شي بيناسب المرأه المحجبه على صعيد العمل
بس الناس مضطرّين لـَ ياكلو و الرجال هلا ما في يسد احتياجات البيت منشان هيك عمل المرأه المحجبه صار في نظر. مرحبا لـَ الكل |
اقتباس:
:D |
اقتباس:
وانا سالتك شو هو العمل اللي المراة المسلمة بحاجة اله او بيتوافق مع وضعها مشان نشوف اذا كان فقعلا يشكل عائق ام لا |
اقتباس:
ال point هون انو ليش تا يكون تعاملنا مع الناس على اساس التزامهم الديني؟ وليش تا نعمل انو الحجاب عائق طالما هالمحجبة مستعدة تشتغل!! I HOPE YOU GET IT :D |
طب شو هو العمل اللي بيتوافق معها حتى تشتغله ؟!؟1
ما المرأة المحجبة كيف ما بدها تلتفت بدها تشوف حولها حدود كتير ضيقة عليها ممنوع تجاوزها فاي عمل عبتبحث عنه ؟؟! |
اقتباس:
بعدين درجة الالتزام الديني من انسانة لاخرى يختلف وبالتالي يمكن x توافق عا شغل معين و y ما توافق! :D |
يعني حتى تستطيع العمل يجب ان يكون الالزام الديني ليس بأعلى درجاته لأنه في حالة كانت ملتزمة بشكل كتير كبير في الدين فبيتحول الالتزام الديني لعائق في وجه العمل ؟!؟
|
اقتباس:
ليك رح جيبلك مثال واقعي لانسانة ملتزمة دينيا محجبة ومن عائلة متدينة..هالانسانة جدا متفوقة وذكية..تعلمت باعلى جامعة باسرائيل وهي التاخنيون..من دون ما تتنازل ولا عن اي مبدأ او التزام ديني بالرغم من المضايقات..اخدت شهادة تقدير رغما عن الجميع..وهي اليوم بتعّلم بمدرستي..ما بتعلمني انا شخصيا لكن بتربطني فيها صداقة ظريفة..والكل بحترمها من كافة الاديان..لانها غدرت تثبت انو الحجاب والالتزام بالقوانين الالهية عمرو ما كان عائق للنجاح والوصول :) :D |
بس هي بعملها ما عتبخالف احد اكبر القواعد اللي خلتها ترتدي الحجاب
يعني هي ما عبتخالط رجال ؟!؟! ما ممكن انها تخسر حياتها في الجنة بسبب فكرة اثبات نفسها في الحياة الدنيوية ؟1 |
اقتباس:
بعدين ما في حاجة تكون منغلق!! مش كل مخالطة حرام..وولا مرة سمعت بهالاشيا هاي..علمنا فريضة! :D |
بس مشان آخر جملة
اقتباس:
أما عمل المرأة مع زوجها في الحقل والمصنع والبيت فلا حرج في ذلك وهكذا مع محارمها إذا لم يكن معهم أجنبي منها , وهكذا مع النساء , وإنما المحرم عملها مع الرجال غير محارمها , لأن ذلك يفضي إلى فساد كبير وفتنة عظيمة كما أنه يفضي إلى الخلوة بها وإلى رؤية بعض محاسنها والشريعة الإسلامية الكاملة جاءت بتحصيل المصالح وتكميلها , ودرء المفاسد وتقليلها , وسد الذرائع الموصلة إلى ما حرم الله في مواضع كثيرة , ولا سبيل إلى السعادة والعزة والكرامة والنجاة في الدنيا والآخرة إلا بالتمسك بالشريعة , والتقيد بأحكامها , والحذر مما خالفها , والدعوة إلى ذلك والصبر عليه وفقنا الله وإياكم وسائر إخواننا إلى ما فيه رضاه وأعاذنا جميعا من مضلات الفتن إنه جواد كريم سئل سماحة الشيخ عبد العزيز بن باز ما رأي الإسلام في عمل المرأة مع الرجال ؟ الجواب : من المعلوم بأن نزول المرأة للعمل في ميدان الرجال يؤدي إلى الإختلاط المذموم والخلوة بهن , وذلك أمر خطير جدا له تبعاته الخطيرة , وثمراته المرة , وعواقبه الوخيمة , وهو مصادم للنصوص الشرعية التي تأمر المرأة بالقرار في بيتها و القيام بالأعمال التي خصها وفطرها الله عليها مما تكون فيه بعيدة عن مخالطة الرجال والأدلة الصريحة والصحيحة الدالة على تحريم الخلوة بالأجنبية وتحريم النظر إليها وتحريم الوسائل الموصلة إلى الوقوع فيما حرم الله , أدلة كثيرة محكمة قاضية بتحريم الإختلاط المؤدي إلى ما لا تحمده عقباه من الأفضل اني احط لك الرابط تبع الموضوع وانت تقرأيه بتروي وحكمية بعدين جاوبيني برجع بكرر انا ما عبجيب شي من عندي - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
خيا انا الحمدلله بعرف عن ديني..وبعرف شيوخ محترمين بجاوبوني وبطمنلهن اكتر من شيوخ السعودية(مع احترامي الهن :lol:)
وخدلك هالمتال "المحرم" بنت شيخ من قريتي بتتعلم بالاردن ..يعني بعيدة عن اهلها وكمان "بتخالط رجال"..شو شكلنا نحنا كفار؟؟ بليز يعني بس الدين يسر مش عسر..:D |
ش يعني كل مين بيعمل على كيفه !!
ما الكل من دين احد وبآمنوا برسول واحد وبكتاب واحد وبإله واحد فليش الاختلاف ؟!؟ |
اقتباس:
:D |
اقتباس:
يعني الةيى نفسها كل مين ببقها بحسب ما بيفهمها |
اقتباس:
اولا هالموضوع شائك وصعب احكي انا وانتي فيه لانو العلماء بقعدوا سنين يدرسوا فيه ! بس اللي بقدر قوللك ياه انو في اشيا بالدين ثابتة وفي اشيا فيها تتغير بحسب العصر والمكان والزمان وبرجع وبكرر الدين يسر مش عسر! تانيا الموضوع عم ينحرف عن اتجاهو الاساسي..:) تحياتي :D |
لا بالعكس هاد هو اتجاهه الصحيح للموضوع ابدا ما عبنحرف
ببساطة بلخص لك الشي اللي صار انت بموضوعك طرحتي فكرة المشاكل اللي بتواجهها المرأة المحجبة اثناء بحثها عن العمل سالتك ش هو العمل اللي عبتبحث عنه او بالأحرى شو ه العمل اللي بيتوافق معها ؟!! |
[quote=gabriel;827281]لا بالعكس هاد هو اتجاهه الصحيح للموضوع ابدا ما عبنحرف
ببساطة بلخص لك الشي اللي صار انت بمضوعك طرحتي فكرة المشاكل اللي بتواجهها المرأة المحجبة اثناء بحسها عن العمل سالتك ش هو العمل اللي عبتبحث عنه او بالأحرى شو ه العمل اللي بيتوافق معها ؟!![/quote] وانا بفكر اني جاوبتك على السؤال..بس صديقي هالشي ممكن تسألو عن اي انسان ملتزم دينيا..يعني كمان انا ممكن اسال شو هي الاشيا اللي فيه يشتغلها الراهب (في حال قرر يشتغل) او الحاخام اليهودي..انا بالنهاية طرحت الموضوع ووجهة نظري انو الانسان مش لازم يحكم عالناس لمجرد انتماءاتهم الدينية او التزاماتهم او لانو هاي حاطة على راسها حجاب وهداك حاطط طاقية..لازم يكون نظرنا اوعى من هيك :)..وانا طرحتو لحتى قول انو نحنا لازم نكون ضد اي تمييز عنصري تجاه ناس ملتزمين دينيا!! :D |
| الساعة بإيدك هلق يا سيدي 22:36 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون