|
اقتباس:
:pos::pos::pos::pos::pos::pos::pos::pos::pos: |
اقتباس:
:cry: :D |
هلا بالاضافه للمشفين الغايبين ..
انوو في هاني وهادي ... كتير الهم فقده واكيد عماد كتير كمان .. في كم عضو نقاشاتهم كانت حلوة ... من بينهم المستحيل .. من زمان ماعدت شفتو ومدري ليش اسمو اجا على بالي .. :D.. في كان صبيه ما بتذكر اسمها .. بس كانت تستعمل الـ zبدل حرف الـ ز كتير .. كان في نتالي خواطرها حلوة ... وفي فلاش باك .. هدول الي اجو على بالي هلأ ..:D مجود .. كشخصيه بتاخد العقل .. لازم تشارك اكتر .. انوو جد الاخويه من دون كتار ما حلوة :D |
وين god father
زمان كتير ماطل ونورنا الو وحشة والله:D |
انا سجلت متابعة وقلت رح ارجع
بالنسبة لاخوية بما يخصني انا انا وصلت باخوية لمرحلة صارت اخوية الي مضيعة للوقت يعني افتح اخوية واقعد تلت اربع ساعات ما عم اشتغل شي غير عم اعمل ريفرش للصفحة الرئيسية بانتظار موضوع بيبل القلب وبيشد لكن للاسف هادا الموضوع كان مفقود ولمدة طويلة ما كنت لاقي هالموضوع اخوية حاليا معدها اخوية القديمة اللي اتعودت عليها لا نفس الاعضاء ولا نفس الافكار ولا نفس المواضيع حسيت حالي بجو غريب يعني متل كاني التفت حواليي وما لقيت حدا (مع الاحترام للاعضاء اللي بعزهن كتير واللي اسعتهن صامدين هون ) بس حتى مع وجود هالاعضاء حسيتها فاضية فكان القرار الافضل هوي اني اترك فترة ممكن بعضكن يتساءل ليش ما حاولت زبط الوضع حاولت انا وغيري وكتير كتير وما كان يزبط الوضع ولهلأ انا بقول انو الوضع ما رح يزبط بجوز لانو اخوية صارت غنية كتير بالمواضيع المختلفة فمعد في مواضيع جديدة الواحد يحكي فيها اللهم غير مواضيع الاخبار اليومية او بجوز لانو الاعضاء اللي عم يدخلو ما عم يعبو مطرح اللي عم يطلع فكريا ونقاشيا انو في كزا احتمال لهالحالة يعني متل ما قال حسان "بحس أني ما عاد قادر أجع أعطي بأخوية متل ما كنت أعطي قبل...لأني فقدت كتير أشياء...فقدت الايمان...وفقدت الرغبة وفقدت حتى الصدق.... بفضل أني ابقى متفرج....من بعيد لبعيد...لأرجع أقرأ...وأتذكر...واتتمع بكل الغصات يللي بتنابني كل ما فتت وقرأت...." ما بعرف ايمت رح اقطع مرة تانية بجوز اليوم بكرا بعد يومين بس حاليا في عندي شوية شغل عم خلصو (مجموعة اوغاريت كسرت ضهري ههههههههههه ) ابو الجود بتعرف انتي انو شعور متبادل بدون ما احكي مية وردة :D نيرفانا متل ما قلتلك ما تخليني شوفك شخصي لانو بدي قوصك يلعما متل البق لا بترتاح ولا بتخلي حدا يرتاح ضلت تزن براسي لحتى فوتتني اليوم :pos: شكرا للكل عالاستفقادة :D |
اقتباس:
كيف كانت اخوية ؟؟ انا جديدة نوعا ما وما بعرف شو كانت؟؟ بمعنى اخر كيف انت رح تحسها رجعت لوضعها الطبيعي ورجعت بيتك وصارت مو مضيعة للوقت؟ رجاء رد عليّ بركي قدرنا نفهم وقدرنا ننمي حالنا. اكيد ما رح نكون بالنسبة الك متل غيرنا ومتل ناس زمان بس المشكلة انو نحنا عايشين بدنيا وسنة دائرة انو تتغير باستمرار ابشع شي الاستسلام واروع شي الارادة مع المحاولة ممكن شي بيملل بس لازم اذا كنت بتحبها لاخوية تناضل لتقدر ترجعلها مستواها وهدول مني :D |
اقتباس:
فقشي القتل الرحيم 11 صفحة من النقاش اذا عندك وقت قريهن :D |
اقتباس:
انا ما قريت الموضوع كلو بس قريت اجزاء بسيطة وبقدر احكيلك انو تميز بانو حوار بناء ما كان الهدف جدل عميق ومسخرة وسب ومن هالحكي تناولتم الموضوع من كل جوانبو وحاولتم تتوصلوا لشي انا بصراحة بغبطكم بس بيبقى السؤال كيف هالشي اللي طاغي هلأ بأخوية من جدل عميق وتحويل كل شي للمخرة ممكن يتغير؟ خلينا نحاول نلم جوانب الموضوع لنقدر نعالجه ورح كمل قراءة الموضوع بالبيت لاقرؤه على رواقه لانو نقاشكم بكل موضوعية حلو:deal: |
اقتباس:
عقلية تحترم الطرف اللي عم تناقشو عقلية تناقشك بتجرد عن اي اعتبارات دينية او سياسية بدك عالم تسمع رايك وتحترمو وتناقشو كلو ما تسحب منو كلمات كلمات وتناقشها اضافة انو بدك مواضيع بمتل قوة موضوع القتل الرحيم لتنطرح والمشكلة اللي عندو هيك موضوع قوي ليطرحو عم يخاف يطرحو مشان ما يتشوه على كلن شو مشان انتي كانك مو جديدة بس انا ما كنت حاسس على وجودك :oops: فرصة سعيدة :D وبس ترجعي عالبيت هيك فضي ساعتين من وقتك قري الموضوع هوي صحي بلش بردود مقتضبة شغلة سطرين تلاتة لحدود نص صفحة بس بعدين بتبلش العالم تسرح بالحكي عالهامش * أممي اسعتو عم يفوت او اختفى هو الاخر ؟ |
احكيلك يا عزيزي رأيي البسيط
انا بالنسبة الي بشوف انو في عقليات متل اللي حكيت عنن وانا كتير بحبن وبحترمحهم لانهم ببساطة بيعرفوا يحكوا فكرة بلا تجريح وباحترام بمعنى انهم فرضوا احترامهم علينا بس المشكلة يا صديق بالنسبة الي عالاقل بشوف انو لما ينطرح موضوع بيبلش النقاش حوله وبعد ردين تلاتة بيبلش يتغير مسار النقاش وممكن يصير تجريح واهانات ما في احترام للطرف التاني ابدا مشان هيك انا دايما بحب اتواجد بالمنتدى الادبي والسبب بسيط لاني هناك بفجر مشاعري وما بيصير اي نوع من الاهانة لالي وبتجنب اتواجد بالاقسام التانية مو لضعف بشخصيتي ابدا بس لاني بنجرح من جوا لما شوف عقول الشباب عم تحكي باسلوب ما بيليق فيها ولما يبلش كل واحد يسئ للدين وللشرائع ...بمعنى بحس انو في حرب والشاطر هو اللي بيهين التاني انا بصراحة بكره الهروب بس برضو متل ما حكيت ما في موضوع يفش الخلق ويشعرنا انو ممكن يصير فيه تبادل اراء وثقافات يعني ما في هالمواضيع القوية كتير وبالنسبة الي انا خفيفة ظل مشان هيك ما حسيت بوجودي:oops:وانا اسعد لاني قدرت احكي معك وافهم وجهة نظرك الصحيحة والمقنعة(لك صرت اتحسر على ايام اخوية زمان )ورح اقرا الموضوع وافهم وجهات النظر كلها وجد تشرفت بمعرفتك:deal: |
اقتباس:
هلا والله هلا :D |
اقتباس:
هاني انا بطلب انو تساهم بحلول مو تحكي انو تطلع !!! وليش طيب ما ترجعوا تنزلوا مواضيع قوية لنشوف شو بيطلع معنا واهلا فيك :sosweet: |
اقتباس:
حاولنا كتير وقليل وحكينا كتير وقليل ما بدي قلك جربنا ننزل مواضيع بس بدي قلك جربنا ننهض بالمواضيع اللي نزلوها العالم بس صارت فترة كل شهر حتى ينزل موضوع من المواضيع اللي بتعبي الراس ولهلأ بتزكر اخر موضوع تناقشنا في وكان نقاش كمان حلو فقشي بدي التفسير العلمي كيف انو الشمس رح تصير تشرق من الغرب...؟؟ هادا كان اخر موضوع تناقشنا في كمان 17 صفحة نقاش فضي وقت وقريهن المشكلة اللي عم تصير بالبطأ بتنزيل المواضيع القوية بسبب رئيسي وهوي انو لما عم ينزل موضوع قوي عم ينزل باقسام قوية عم يتشوه بس مثلا الموضوع تبع الشمس نزل بقسم علوم وتكنولوجيا اللي قلة من العالم بتفوت بتشوف شو في وهيك تطور الموضوع وصار حلو ملاحظة (يا ويلاه اليوم شو بدك تقري مواضيع ههههههههههههههه يعني حسبي حسابك شي خمس ست ساعات قراية مواضيع قديمة ) ملاحظة 2: ابو سليمان و raw اسعتهن عم يفوتو او لاء ؟ ملاحظة 3 : سيريان انجل بالنسبة لنادر ليوناردو فهوي منيح وكنا سهرانين سوا من شي اسبوع بالهالويين ببقى ببعتلك الصور :D |
ما رح احكيلك شي غير شعاري اللي احيانا بنساه
من أقاصي اليأس يولد دائما منتهى الأمل وجملة مبارح قريتها برواية الخيميائي مو حافظاها منيح بس بما معناه اذا اراد الانسان شيئا فإن العالم بأسره سيطاوعه لتحقيق ما يريد انا وثقانة بهالشي وبتمنى تنضم لحلف الثوق خاصتي وكمان رح حاول بحبش لشوف كل شي حلو وبناء وانا بصدق فخورة فيك لانو شب عمرو 20 سنة بهالنطق وهالعقلانية بالتفكير مو مجاملة بس جد انت رائع واستمر على هالنهج وشم:D |
اقتباس:
ونفس اللي قلتو لـ فادي جوفينتوس رداً ع سؤالو " كيفا اخويــّة " ؟؟ اليوم لسه كنت خبرو لهاني انــّو " شفتون عم يسألو عنك باخويــّة ... وينك ؟ " .. قللي من اسبوع ما دخلت ، لليوم .. حسّيت انّي صرت عم ضيّع وقتي فيها .. ما عادت عم تعطيني متل قبل " .. جوابي كان " منيح اللي ضاينت لهلأ " .. فعلاً ما عاد في هالشي اللي بيشدّك لتبقى بالساعات وما تملّ ، لاء وتتمنّـى لو شغلك الفلاني اللي المفروض تقوم تعملو هلأ .. تتمنّـى لو يتأجّل شوي ..لو محاضرتك يكون وقتها ابعد بشوي ... لحتى تبقى هالـ " شوي " زيادة باخويــّة .. اخويــّة تغيـــّرت كتير ... ومو من فترة قريبة ... صرلها اكتر من سنة .. بس يمكن اللي كان مخلّي البعض يبقى ويتحمّل ، هو وجود كتار من القدمى اللي عاملين مع بعضون جو ألفة ومودّة .. فـ كان الواحد فيهون ، صح ما عم يلاقي هالمواضيع اللي بتشدّ كل هالقدّ - من حيث الكميــّة - ، بس يدخل كرمال هالكم شخص الغاليين عليه ، يبقى ع تواصل معون .. وكرمال يحاولو كللون يرجعو الجوّ اللي جمعون سوا اوّل مرّة .. لحتى بس يجي عضو جديد ينضمّ لالنا باخويــّة ، يلاقي نفس الجو الحلو اللي فيه هالحميميــّة اللي لقيناه بوقت اللي سجــّلنا .. بس ... يمكن هلأ لحتى هاني او جاد او ريتا او كتار غيرون ، حســّو بتغيّر الاخويّــة ، لغياب كتار عالم منهون مرة وحدة و بنفس الفترة .. |
اقتباس:
مثلا انا اللي بأخوية سنة وشوي وملاحظ انو في كتير تغيير وقتها ما كنت صدق على حالى متى بدو يصير عندي وقت لفوت على اخوية بس هلأ يمكن شوي الوضع اختلف بس وين الاسباب ما بعرف@!!!! |
الله يسامحكن كلكن
صرتو تحسسوني بانو نحنا ولا شي انا معكن كلشي اتغير بس لولا الانسحاب كان بقى ولو شي بسيط من اخوية اللي بتحبوها وكمان خليتوني اتندم ليه ما دحلت اخوية من زمان:cry::cry::cry: |
له له يا وشم اصلا انت من الناس اللي بينحبو من اول مشاركة مش من سنة
وبعدين انت اثبت وجودك بالاخوية وفي كتير رفئات لألك هون ولا لأ ;) |
اقتباس:
رح علق على ردك التاني اول الشي بعدين برجع للاول وشم مو قصة نحسسكن انو انتو ولا شي القصة كيف بدي قلك متل قصة اجيال دائما الجيل القديم ما بيعجبو تصرفات الجيل الجديد والجيل الجديد بيفكر حالو انو صح بس وقت بيقلولو الجيل القديم للجديد يا جدي نحنا على ايامنا كنا هيك وهيك بيقلو اخ يا جدي لو فينا نرجع بس بنفس الوقت هوي عرفان انو لو رجع ما رح يتاقلم متل ما هوي هلأ وبنفس الوقت الجيل القديم مانو عم يتأقلم مع الحاضر هادا اللي صاير باخوية بس ما حدا قال انو الجيل الجديد رح تنقطع علاقتو بالجيل القديم في كتير عالم من الجيل الجديد ارتبطت فينا نحنا الجيل المتوسط (لانو في جيل اقدم منا نحنا منتحسر انو لو كنا على وقتو بس منعرف لو كنا على وقتو ما كان حدا سمع فينا متل لما كنا بوقتنا ) في كتير عالم دخلت بالجيل الحديث وارتبطنا فيها كلياتنا وصرنا اعز الاصحاب (تحية لبلاك ولنيرفانا اللي يعتبرو اجو ببدايات المرحلة الجديدة ونهايات مرحلتنا نحنا بس لانو اثبت وجود من خلال مواضيع من خلال مخ منفتح من خلال طريقة حوار راقية اعجبنا بهم ) فانتي ما تتحسري على اشيا راحت بالعكس نحنا الجيل المتوسط على طول عم نستقبل اللي منحسهن قريبين منا اقتباس:
هيي القصة مو قصة يأس بمعنى اليأس بمقدار ما انها قصة كيف بدي قلك ياها :confo::confo::confo::confo: قصة فراغ قصة انو انا تركت اسبوع كامل وما فكرت باخوية ابدا لانو كل مرة فكر قول شو بدي ارجع ساوي بدي ارجع عالصفحة الرئيسية اكبس ريفريش عشر ساعات او 11 ساعة وهني مجمل الوقت اللي بقضي عالنت يوميا اقتباس:
شكرا الك لرايك ملاحظة : (كترانين ملاحظاتي هالايام هههههههه ) اذا بتحبي ببعتلك كم موضوع حلوين من القدامى شوفيهن واطلعي عليهن مو مجرد مواضيع نقاش انو مواضيع مشكلة :D |
انا فهمانة النقطة اللي حضرتك عم بتناقشها ونحنا عايشينها حاليا مع اهلنا ومع اخواتنا الصغار كل واحد بيشوف الو الجو الخاص فيه وبيشوف انو الو تطلعاتو واسلوب تفكير
وانا ما بنكر انو بشكل العام الشي القديم اكتر اصالة واقرب للصواب باشياء كتيرة ويا ابو الجيل المتوسط انا معك كمان بانو نحنا دايما رح يضل بيناتنا اتصال و انا على ثقة انو كمان رح يرجع باخوية الجو اللي كان زمان بس بدو صبر ورح يكون في ارتباط عظيم بيناتنا وانا كمان متأكد انو الجيل القديم رح يشم ريحة ايام زمان ويرجع بس ما لازم نتعجل وانا عرفان انو مو يأس لأني انا احيانا مو دايما بفوت اخوية وبحس انو ما فيها شي جديد يعني بمل كتير ويسلمو عالوردات لانو ريحتهم كتير عطرة وبيكفوا وبيفوا كمان وانا ما عم امدح بقدر اني بحكي حقيقة وما عندي مانع تبعتلي روابط مواضيع قديمة بس بدك تطول بالك لانو هلأ فترة امتحانات ها وهدول مني:D |
اقتباس:
اوكي تمام معناتا نحنا على خط واحد ومشان الروابط ايمت ما حبيتي قليلي ببعتلك ياهن موفقة بفحوصتك يا ام الجيل الجديد هههههههههههه :D |
اقتباس:
وانا هالرفقات اللي انت منهم ما صاروا غير لانهم بينحطوا عالجرح بيطيب ويسلمو مرة تانية :D |
اقتباس:
ومشين الروابط خليك دايما موجود بس بكرة عالوحدة انشالله بكون فاضية وما تترك مشان نشوفك ها:p ودعواتك معي وحلو ترى هاللقب(ام الجيل الجديد) |
اقتباس:
|
مرحبا للكل....نيرفانا ويللي وهاني...سويت بيبي وسيريان انجل....وللكل....
وطبعا يللي بدي قوله...كل الجيل القديم بيعرفوه...بس الجيل الجديد ما بيعرفوه...منشان هيك حابب ذكر فيه... أول ما فتت ع أخوية...كان التسجيل بأخوية محصور بالدعوات...يعني كان المنتدى مغلق للاعضاء الجداد..وكان يللي بدو يصير من أخوية غالبا ما يفوت ع البريد ويطلب دعوة ع ايميله...وبموجبها يفعل عضويته ويصير بأخوية... طبعا بهديك المرحلة كان عدد الاعضاء الجدد المسجلين يوميا ما بيتجاوز عدد اصابع اليد الوحدة وبالفعل كان الجو كتير حلو وكانو الاعضاء كتير متقاربين من بعض ومتل الاخوة... بعد فترة...انفتح التسجيل للجميع...وصارت كل العالم تفوت وتصير بأخوية...ومتل العادة يكون في ناس مسيئين ومتعبين ومزعجين...وبالمقابل فاتو ناس كتير حلويين ع أخوية.... وقتها عملنا مظاهرات وعرائض وطلبات منشان اعادة تفعيل التسجيل بموجبات الدعوات...بس كان للحكيم رأي ووجهة نظر مخالفة...واستمرت أخوية مفتوحة للجميع.... بمرحلة لاحقة...صار كتير من قدامى أخوية يتركو...وكنا نكتب مواضيع منشان يرجعو ع أخوية...وقلال لبّو الدعوة...وكان غالبا دوافعهم...مشابهة لدوافعنا هلق للجنوح والابتعاد ع أخوية....وفشلنا نرجع كتير ناس...وبتذكر منهن مي تو... المهم...أنو في سياق أحد الردود..قللي أحد الشباب وهو كريم اذا ماني غلطان...( أنتو هلق عم تزعلو ع ناس تركت بأخوية...وبيوم من الايام انتو راح تتركو أخوية ويصيرو الناس الجدد يطالبوكون تضلو ويمكن يزعلو عليكون )...طبعا ما بتذكر الجملة حرفيا بس هاد كان مضمونها.... هلق وبعد فترة طويلة بأخوية...طلع كلامه صحيح.... لكتير من الاسباب تركو قدامى أخوية وقت كنا نحنا جدد...ولكتير من الاسباب عم نترك نحن هلق شوي شوي...وفي ناس جدد...عم يجو... وبالنهاية هي هي المسيرة الطبيعية لأي شي بهالدنيا...عالم بتجي وعالم بتروح...وبتضل أخوية بحياة كل يللي مرو فيها...مفصل محوري بحياتهن...ايجابي بحياة البعض وسلبي بحياة البعض التاني.... عني أنا شخصيا...أخوية كانت مفصل مهم بحياتي...بتحمل ذكريات حلوة وبنفس الوقت بتحمل ذكريات كتير سيئة.... الشي الاهم أني تعرفت ع كتير ناس...بأخوية...منهن كانو أخوة واكتر... منهن كانو وح يضلو الشي الاحلى بحياتي... بالنهاية بدي قول شغلة...لما بنخسر الوطن والحرية والحب...ما عاد بنزعل ع خسارة كتير شغلات تانية....وأنا خسرت التلاتة.... تصبحو ع خير...تصبحو ع أخوية...:akh: |
نيرفانا :D
كريمبو عاشق من فلسطين Tarek007 كعكتين بعجوة و عكازة حسون صياد الطيور . . . محاربين قدامى :D |
اقتباس:
|
اول شي مرحبا كيفكون كلكون
تاني شي يعدمني الكيبورد عم اكتب من الفارة بس علي ماخسارة بهل موضوع تالت شي اللي بدي قولو انو انا من ناحيتي ومنتجربتي وحياتي باخوية انو اناصرلي هون شي سنة وكم شهر اللي صارمعي بهي الفترة شي غير حياتي فوقاني تحتاني كيف يعني يعني انو اخوية مانها بالنسبة لالي موقع او مكان عبي فيه وقت فراغي اخوية صارت عيلتي وكتير اعضاء اخواتي يعني بكل ما للكلمة من معنى واكتر الاشخاص يلي تعلقت فيهون كتير هوي هاني وهوي بالنسبة لالي مانو بس هاني هوي كيف بدي قلك يعني متل نصي التاني وكنت استشيرو بكتير شغلات وحاكيه كتير \لونو مشغول يعني مزعج انا مافيي ههه\ وحتى انو تقدت غيابو كتير كتير وحكيت معو عامريكا\يعدمني ياك خلصو وحداتي \ ولا من شوي شفت الرد الاخير بواسطة لعما ورجيني مين اقرص حالي هههه وبفترة من الفترات اللي مرت كنت مداوم باخوية وشفون واحكي معكون اكتر من عيلتي بس هلق تغير الوضع من جهة الوقت والحالة المزفتة الللي انا فيها يعني غيابي غصب عني واذابفترة غبت لاتفكرو انو شي بارادتي وطبعا مابننسى الحبايب التانيين يعني مشان ماتقولو انو شو قصتو هاد اكيد مسيح جوخ وهاني وهاني بطيخ صرعنا فيه نيرفانا ام حشيشة كبيرة من اقرب الاشخاص لشخصيتي حتى اني بستشيرا بامور شخصية خصوصا بالحشيش دوريها لقلك مورننغ كمان نفس الشي كتير بحترما هالشوش وفي بينا خبز ولح ريتا ام حشيشة صغيرة يعدمني ياها شوبدي قلكون لقكون بس باخر فترة مدري شوصرلا مابعرف تغيرت كتير عن اول يعني رجعت وردت كانها تركت مابعرف مانها متل اول بتزكر حكينا كتير انا وياها ولهلق وعنجد يعني موانو كزب هالانسانة غالية علي كتير مابعرف اذا انا كمان هيك بالنسبة الها بس في شي متغيرهوي الظروف هوي الغربة بس معذورين كلكون \بسيطة يا ضرسانين لتجو ع سوريا حسابكون\ مجود اما مجود شغلة ع فكرة هية كانت اول شخص تعرفت عليه باخوية وتعلمت منها كتير اشيا بس كمان هلق متغيرة مابعرف شبها مدري انا مسوي شي فصل بس هالمجد كتير كتير بعزا لوبتعرف ئديه كانت مازعلت مني لك بكفي انها بلود ابو السيز اللزيز هاد عالم تاني عالمسنجر شكل وع اخوية شكل لا عم امزح بلود ابو السيزكمان مارح احكي عنو اكتر من هيك هوي خلقة شايف حالو هههه لاعسلامتو ابو السيز حسام حسام هوي الزعيم انو موطبيعي هالزلمة عم حاول انو صير متلو لك بكل شي بيفهم احلى حسامو والله الواحد لما بيحاكيه باي شي بيحس انو مممم يعني كانو اينشتاين عم يشرحلك النظرية النسبية جادو الغشيم هالشب رهيب اي رهيب يعني كمان نصي التاني بحب اتناقش اناوياه يعدمني ياه بيكفي هيك لانو اصعبي وجعني وانا حاطط ��screen keyboard وعم فقس بهل فارة واكيد الي رجعة 14274هاد الرقم هوي رقم عضويتي اللي بالنسبة الي متل رقم هويتي بس انو مابحب هيك اقتباس:
|
اقتباس:
انو الرد كان نحنا عم نقول الله يرحم اخوية زمان والاقدم بيقولو الله يرحم اخوية زمن وهيك اول شي مااخدت الكلام جد بس لما انا صرت قول الله يرحم اخوية زمان عرفت شو يعني مابتمنى حدا يجي بعدي ويقول متلي اقتباس:
|
:melody:
مسا الخير للكلّ ؛؛ لك اشتئتلك ولاااااااااااك :melody: كووول بوشار لشوف ما حتشبع؟؟!!!!! تحية لنيرفانا إنكليش إديشن على الموضوع الرائع لأن شايفين نتيجته كتير حلوة و خلت البعض يسجـّـل دخول على الأقلّ! المهمّ ئريت الموضوع كله تقريباً و شكراً لكلّ عضو إسـّـا متذكرني و عن جد أنا مشتاااااااء للأخوية كتير بس الظروف بعدتني غصب عني و عم حاول إرجع و ان شا الله رح ارجع فوت أكتر خصوصاً إني بدأت كم موضوع و لازم كمـّـل فيهن. هاني نحن هنا ليكني ما عم فوت بس جيت سلـّـم على الشباب لأن وصلني خبر إنو عم يستفئدو الغايبين بلااااااك أمرك نحنا تحت أندر كونترول بس عن جد بلاك خيلة هاااا هو عم ينقلي كل أخبار المنتدى و بينقلي سلامات كمان الله يعطيك العافية معلم و خلص رح عينك مراسلي بالأخوية و اللي بدو شي مني يحكي مع بلاك :p يالله شفناكم بخير وصونااا :melody: ® |
اقتباس:
انو سؤال يبا انو تحت واندر مو نفس المعنى او انا انكليزيتي فايتة بالحيط او انتي استخدمهن للتاكيد او انو بلاك مثلا اطول منك بكتير قمت صرت انتي تبين تحت الكتاف واندر الزنار مثلا فهمني ياها تحت اندر لانو ما زبطت معي :lol: منور عن جديد :D |
رد على من أخوية .. إلى أخوية
طبعاً نحن عرب والعربي دائما يجتر حاضره بماضيه ولا يرى أي مستقبل إلا من خلاله .
لا مكان له في هذا العالم إلا من خلال الماضي المجيد , عقله مقفل , فلبه مقفل. إن فكّر, فكّر في الماضي وكيف سيعيد أمجاده . إن أحب أيضاً أحب كفرسان ماضيه وعشاقه . معروفة طبعاً المعوقات والأثقال التي تغرقنا , أصبحنا جميعاً غطاسين محترفين بالفطرة , أو هكذا يخيّل لنا . فكما كان العربي شاعر بالفطرة أصبحنا مشوهين بالفطرة . ليس هناك من داع للبكاء على الأطلال , أعمل العقل وكن أنت مميّز بمشاركاتك بمقترحاتكم بحلولكم . فتح باب أخوية للجميع عمل جيد فلا مكان مغلق تحت الشمس إلا وتعفن . لا مكان لما يسمى النخب فالماء الراكد يفسد . تجديد الدماء مطلوب في كل زمان ومكان والبقاء للأجدر والأفضل . هذا المنتدى هو أول منتدى اشترك فيه وكان الفضل بذلك للمكتبة الرائعة وعرضها الرائع الذي يدل على تقدير عالي لفعل الكتاب والقراءة والنقاش الجاد , واست على اطلاع على ماضي Akhawia المجيد , ما يهمني حاضرها الذي يصنعه أعضائها الذي هو التحضير الطبيعي لمستقبلها . أشعل شمعة بدل من لعن الظلام. هذه مشاركه على عجالة . دمتم |
برجع بقلك كلام منطقي وحلو منك كعضو جديد ..
بس يمكن كان الهدف من الموضوع انهم يشجعو على تحسين الوضع الحالي والنهوض بمستوى المنتدى الي نزل كتير بالفعل .. ملاحظة .. :? في ناس صرلهم كم شهر بس .. وعم يتحسرو على القديم وعلى فلان وعلان شخصيا .. وبذكرو ناس معينين كمان .. (ع اساس انو قديم وشرش يعني) .. متل الاخ الي نورنا بأول صيف 2007 أو قبلو بشوي .. وهو عارف حالو :? |
اقتباس:
وانبسطت برجعتك ... وبتمنى فعلا يكون الموضوع حقق نتائج مقبولة .. |
اقتباس:
شو بدي أسوي بتعرف نحنا الكبار منعطف عالزغار .. :lol: أهلين عمي راغب .. منيح اللي اقتطعت شوي من وقت الخطيبة و فتت لهون .. :p اقتباس:
و لا قالت شكرا ً بقيت اربع ساعات عم تمشي انت و الزلمي و الدنيا برد لبين ما اقتنع .. يا حسافة بس .. :frown: |
اقتباس:
بس لو ما بدو يفوت ما كان فات .. :gem: |
مانرد عالرد
صحيح بالنسبة ل dot اليوم حاكاني وكان مشغول كتير لانو ماخد بييت جديد وبلشان فيه ومن حالكي وما شاباه |
P:
اقتباس:
اقتباس:
لك شبك لاحئني على الدعسة ؟؟ خطأ مطبعي كنت بدّي إكتب تحت السيطرة بعدين خطرلي الـ أندر كونترول و لمـّـا مسحتا يبدو ما انتبهت إنو ظل (تحت) و هيك صار و لا يروح فكرك لبعيد و تتعب جمجمتك بالتفسيراااات لأن وصلني تساؤلاتك :p سلاااااااام ® |
اقتباس:
في حدا عم يوصلك تساؤلاتي ؟ :shock: حاطط دواسيس عليي ؟ :shock: ما في غيرو هادا العاطل بلاك :pos: |
أنا بما أنو مالي كتير قديمة و يمكن ما بعرف كل الأعضاء يلي عم تقولو عنون أنو ماعاد فاتو..فأنا ما عليي غير أنو قول الله يرجعلكون ياهون لترجع أيامكون الحلوة سوا:D |
| الساعة بإيدك هلق يا سيدي 01:15 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون