|
أكدت عضو المكتب السياسي للجبهة الشعبية د.مريم أبو دقة أن الجبهة الشعبية لن تشارك في المؤتمر المزمع عقده في غزة لمواجهة مؤتمر الخريف في أنابوليس. وأضافت في تصريحات صحفية لوسائل الإعلام أن الجبهة ستقوم بالعديد من الفعاليات بمشاركة قوى عديدة في قطاع غزة لمواجهة المخاطر المحدقة على الشعب الفلسطيني من مؤتمر الخريف من جهة والتأكيد على وحدة الصف الفلسطيني، ووحدة الهدف وضرورة عودة الحوار الفلسطيني الشامل، بعد تحّمل حركة حماس لمسئولياتها أمام الشعب الفلسطيني من خلال التراجع عن الحسم العسكري ونتائجه في قطاع غزة. كما أكدت على مشاركة الجبهة الشعبية في مؤتمر دمشق من منطلق توضيح مخاطر مؤتمر أنابوليس على مسار قضيتنا والخطر المحدق بحق العودة وقرار 194 والتأكيد على وحدانية تمثيل منظمة التحرير الفلسطينية لكافة أبناء الشعب الفلسطيني في كافة أماكن تواجده والتأكيد على التمسك بالثوابت الفلسطينية المعروفة، داعية حركة حماس إلى إنهاء الوضع المأساوي في قطاع غزة لفتح الباب أمام عودة الحوار الفلسطيني الشامل على قاعدة وثيقة الوفاق الوطني وإعلان القاهرة في آذار 2005 من أجل مواجهة عدونا المشترك متوحدين ومن أجل حماية أبناء شعبنا من الهجمات المتكررة التي يمارسها العدو الصهيوني ضد أبنائنا في الداخل وخاصة في قطاع غزة.
المصدر: الموقع الرسمي للجبهة: - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
وخليك معي منطقي شوي بهالجملة كيف انت ضد مؤتمر الخريف اللي دعا اليه عباس في امريكا للبيع والخيانة وبتقولي يجب التراجع يا حماس عن ما فعلته في غزة واعادة الأمور كما الأول يعني ارجاعها لعباس كيف يا اخي نسلم رقابنا وغزتنا ووطنا ونرجعه لواحد خاين راح يبيع القدس وانتوا نفسكوا يالجبهة بتعرفوا انه راح يبيع ويخون بالمؤتمر مشان هيك مقاطعبن مؤتمر الخريف انتوا فكيف بتأيدوا انه نرجع كل شي لعباس وبنفس الوقت انتوا عارفينه خاين وما منه خير ؟؟؟؟؟؟؟؟؟ |
أنا ما عم بقللك أنو يرجع عباس... الله لا يردو
أنا عم أطلب من حماس تكون واقعية شوي... ما بيصير تنكر وجود حايط قدامك لما هالحايط معمّر.... و هالشي لا يعني أنو عم أطلب من حماس الاعتراف باسرائيل طبعا...انما قليلا من الموضوعية... ما بيصير حكم و ثورة على الحكم في آن واحد يا أخي.... الناس لازم تاكل, يعني لأيمتى هالوضع. حماس بالسلطة و هي مسؤولة عن هذا الوضع |
اقتباس:
شو تعمل حماس تطعمي الشعب على حساب ثوابتها نقول لسرائيل خلص بكفي جوعنا نعمل اللي بدك اياه منشان تفتحي المعابر حماس بتحاول بكل قوة تفك الحصار لكن مش لدرجة متل ما بتقول شو تعمل حماس تقعد مع شلومو علشان كيس طحين من متى قضيتنا كيس طحين الحرة تموت ولا تأكل بثدييها يا أخي ولا نوقف المقاومة مشان الطحين والمعبر صحيح الشعب لازم يعيش لكم مو على حساب ميادئه وقضيته تعلمنا واحنا صغار نموت نموت وما نركع خليك منطقي صحيح حصار وجوع هاي ضريبة لازم ندفعها فلسطين محتاجة منا اكتر من هيك |
شباب صار خروج عن الموضوع ....
:D |
ولنبلونكم بشئ من الخوف والجوع ونقص من الأموال والأنفس والثمرات وبشر الصابرين
هي شعارنا يا أخي وبشر الصابرين تحياتي الك وما تخلي قضيتنا جوع ولا كيس طحين ما تحرف مسارها قضيتنا القدس والعودة والاجئين احنا اليوم بنقف بوجه مشروع رح يدمرنا ويبيع ارضنا بالخريف رح تصير الارض يهودية بشهادة منا القدس رح تضيع ويعوضونا يصحراء النقب واللاجئ الله يرحمه ما اله عودة خلينا نقف بوجه هالمشروع الفاسد |
اقتباس:
انا شفت ياس مكمل حكية خلي يدحل لحالو لانو عرفان مالح يقتنع الشب الطحيني لا مني ولا من ياس اصلن |
اقتباس:
|
هذا كلام سياسي... بدي كلام واقعي
على راسي فلسطين و المقاومة و شرعية العودة.... أخي حماس كسلطة لازم تتحمّل مسؤوليتها تجاه شعبها يا أخي... ليش حماس مصرة انها تخسر الرأي العام العالمي بعد ما كانت كسبانتو؟ العالم برا بدو يشتغل لشعبو لذلك ممكن انك تتوصل لشي... أخي أكسب وقت, جيب قوات فصل لمدة سنتين و صلّح وضعك.... راح تقول عني مجنون بس فكر فيها... الحال هذا شو نهايتو؟ |
اقتباس:
وتدافع ... يللي اشتغل لفلسطين فقط هي الجبهة الشعبية فقط والباقي كان يبيع ويشتري بفلسطين وباهلها |
اقتباس:
بدك من حماس تجيب احتلال جديد اللي حضرتك بتسميه قوات فصل ما بكفي الاحتلال اللي عنا وبرايك كيف حتتصرف القوات الفاصلة مع المقاومة ومطلقي الصواريخ رح تساعدهم الكلام هذا عار يا اخي وبنصحك ما تعيده ولا تحكيه لحد |
اقتباس:
الجبهة الشعبية فقط ههههههههههههه بدون تعليق لن أرد عليك |
صار خروج كتير عن الموضوع ...آسف
نكمل بغير يوم |
اقتباس:
|
اقتباس:
رضاع الكبير هو الحل |
اقتباس:
شفتها هي والله شي بيموت من الضحك مشايخ الازهر |
اقتباس:
بحد كل يوم بزداد وضوح وفهم مع مين بتحاور تحياتي الك ............... |
اقتباس:
بحد لا بلا حد مابحبا بحد بس هيئتك مو سمعان بالفتوى لسا |
اقتباس:
من كم يوم ضحكني خبر أنو بطرطوس في قبر ولد صغير عم يدلف مي فصار مزار بالضيعة والعالم بالألاف يعني عم يتبركوا منو ويشربوا من المي للعلاج قال يعني يعني عمامنا مو أحسن :) |
اقتباس:
وسمعت بهي الشغلة يلي صارت بطرطوس بس في فرق صغير مع اني مش كتير بتهمني الخبرية هي الشغلة يلي ذكرتها الناس احرار يصدقوها او لا يروحو على القبر او لا اما الفتوى الدينية يلي طلعو فيها وهي مو اول مرة بيعملو هيك هي بتختلف تخيل حالك قرروا الفتوى وصارت منفذه حكما ياعيني مالا شغلة على فكرة كمان بالخليج فتو بتحريم الباربي ليش انا بعرف بس مافي داعي قول يمكن بتعرفو انتو كمان ونزلو محل الباربي فلة العربية:p |
بما انو الموضوع صار طويل كتير وخروج
تم اغلاقو |
| الساعة بإيدك هلق يا سيدي 05:13 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون