|
اقتباس:
الشام = شام |
شو هالموضوع البايخ :jakoush:
|
آش نورت صمت الحواس ووعدتك بمفاجاة كبيرة وانا بوعدي
بدي اشكر من كل قلبي الاعلامي نيشان ديرهاريوتونيان واسف لو خربطت بالكتابة وتحية من نيشان الكون جميعا والك اش مع حبي the light غدا والاثنين وقريبا حلقة غير متوقعة phoenix bird |
تشائميه مطلقه و حزن لا منتهي بهل توقيع
الحب هوه من يقودنا في كل شي شو اش ؟؟؟؟؟؟؟؟؟:jakoush::jakoush::jakoush: هلأ توقيعي فيه تشاؤمية مطلقة ؟؟؟ قال عأساس عندك بعد نظر:pos: بس انا رح احكي عن توقيعي اذا فيك تسمحلي ...لأن الحب قد امتلك كل جوارحي وجعل مني طوع أمره ... لأني خلقت بجرح في القلب ... لأن الأمل ينبع من أن يرى المحب محبوبه بخير ولو كان على حسابه ...لأن رئتاي امتلأتا به ...لأني أعرف الحب جيدا قلت كلماتي تلك فلم تكن رؤياك لها واضحة على الإطلاق بل كانت ثناياه تفيض بالحب الذي اعترفت بلسانك انه يقودنا في كل شئ وشكرا على هذه المساحة:D |
اقتباس:
وطبعا الحب بيقودنا بكل شي انا ما حكية عكس هيك ، بس ببساطه انت رجعتي اكدتي انو تحليلي كان صح يا عيوني ماكان بدي رد و خرب الموضوع بس حبية وضحلك مو اكتر:D |
مسا الخير
ضيفي من جديد من الحكما وكانو هالموسم اغلب ضيوفي دكاترة حكيم شامي واليوم بباريس بين الشام وباريس اليوم رح نستمع لصمت الحواس اهلا فيك thelight |
وقت كنا عم ندردش الضهر قلتلي العمر لا يقاس بالسنين بل بعدد الظروف اللي مريت فيها ولهيك انت اليوم بتعبتر حالك شايب رغم انك تحت الثلاثين
كيف يعني |
رح ابدا معك بالصور كالعادة
 |
 |
 |
 |
 |
للمرة الثانية ما بتدخل بمناقشة الصور وبتركك انت تحكي
ولفقرة انا اسمع والموسيقى - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - Bee Gees - Stayin' Alive - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - Saturday Night Fever 1977 - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - خوليو - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - سلام -ميلاد فتولة - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - أعطني الناي وغني - فيروز |
اما هلا فقرة التواقيع
احذرو يا فتيات إن الحبائل أحبكت, والشباك نُصبت, والفخاخ أُعدت فجميل ان تستمعي لنداء قلبك لكن الاجمل, ان تحكمي عقلك في خطوات حبك أرسلان إن المسافة بين النظرية والتطبيق هي كالمسافة بين الحلم والحقيقة تشي انني احس على وجهي بألم كل صفعة توجه الى مظلوم في هذه الدنيا ، فأينما وجد الظلم فذاك هو وطني MR.SAMO الانسان الجديد لا يقاس بكمية اللحوم التي يستطيع الحصول عليها ، ولا بنسبة ما يمكن ان يشتريه من وسائل ترف . بل بما يمكن ان يتحمله من مسؤولية في بناء نفسه وبناء الاخرين وبناء المجتمع والثورة والوطن . simba أسترجعي الأيام الماضية .. كلمات لطيفة ... ولا هدف يبدو أننا نلعب لعبة ابتسامة بسيطة.. بدون مرح موسيقى حلوة ..لكن ليست لأحد حبيبتي لسنا بحاجة لذلك !! نحن نرقص على الزجاج كفى كفى... المستحيل |
بهالفقرة اتعكست الادوار انت المحاور وانا ضيفك والك المجال لتسال اللي بدك ياه
|
الوصايا العشر
1- أوصي صديقي الذي يسكن معي ب 2- أوصي اخوتي ب 3- اوصي حسام (الحكيم الغالي) 4- أوصي اساتذني في كلية الطب بدمشق 5- أوصي ان يتم التبرع بما املك الى 6- اوصي ان اكفن ب 7- اعترف بشئ لم اقله من قبل 8- اوصي الشعب الفلسطيني ب 9- اوصي جميع اعضاء اخوية ب 10- اوصي بمتابعة تنفيذ وصيتي |
بفقرة حق الدفاع وهي الفقرة الاخيرة معي لليوم
رح اطلب منك تكمل رسالة اش لوزير الاتصالات السوري بشان حجب اخوية |
بشكرك كتير نورت صمت الحواس وكتير تعبت بحلقتك اليوم بس انبسطت فيك كمان
بتمنالك التوفيق وسلامي لفرنسا والسوريين بفرنسا ضيفي الاسبوع المقبل فاوست وطلب خاص رجاء عدم وضع ردود غيري وغير الضيف مع حبي phoenixbird |
أول شي بدي أشكرك كتير ع هالموضوع يللي خلاني اتشجع لاطلع من القوقعة تبعيتي يللي كنت حاسس اني محاط فيها بأخوية خصوصا بالفترة الاخيرة....
من أول ما دعيتني ع الموضوع ما ترددت ولو للحظة أني أستجيب لدعوتك رغم أنو بالفترة الأخيرة...كنت فكر عشر مرات قبل ما اكتب أي رد بأخوية... بشكرك.....طارق... |
اقتباس:
من أول ما فتحت عيوني ع الدنيا وأنا عايش بغربة...طفولتي قضيتها برات سوريا...ببلدان ظروف العيش فيها كتير صعبة....اجتماعيا ودينيا وتقافيا....كنت كل يوم وانا طفل....أشعر أني مختلف..دخيل...وغريب...فردة الفعل الطبيعية كانت الميل نحو التميز والاختلاف وتطوير شخصية قادرة ع التعامل مع ظروف مماثلة... بالمراحل اللاحقة من حياتي...وبوقت كانو رفاقي عم يعيشو مراهقتهم كنت عم عيش مراحل نضجي...تجاوزت وغصبا عني مرحلة من المراحل الهامة بحياة أي مراهق...بس كان البديل هو مخزون فكري وثقافي لا بأس به... بالمراحل التالية...رغم النجاحات الدراسية والمهنية وما اليها من أمور أخرى كانت في تجارب حياتية قاسية ومرّة منها الغربة وغيرها من التجارب الأخرى يللي علمتني كتير وطورتني كتير... طبعا من الامور يللي ما بتنقاس وبتدخل بمدى غنى تجاربك الحياتية هي مخزونك الثقافي والفكري والذي لا يقاس أيضا بعدد الأيام يللي عشتها..... |
اقتباس:
هالفج هو متل يومنا...متل حياتنا...متل الدرب يللي ماشيين فيه....ما بتعرف شوفي ورا كل حجر...ولا بتعرف شو مخبأ... ما بتعرف اذا بالنهاية في نور مضيء...ولا في وادي عميق.... وساذج يللي بيعتقد العكس..... |
اقتباس:
بشكل عام...أنا صرت أكره الرموز والشعارات...بكره الاختزال...والسبب كتبر بسيط...لما بيصير الرمز أهم من المرموز إليه...بيفقد الأخير جوهره... من لما صار الصليب للمسيحية...صارت الناس تعلق الصليب ونسيت الجوهر يللي هو الايمان... من لما صار تشي غيفارا رمز للثورة...صارت الناس توشم الوجه ذو اللحية, صاحب القبعة ذات النجمة الحمرا ونسيت الجوهر يللي هو الحرية... والحمامة صارت رمز لسلام...سلام كاذب...ما ممكن يتحقق طالما في بشر ع هالارض...واليوم الوحيد يللي ممكن تطير فيه الحمامة بدون ما تُغتال هو يوم فناء البشر, يوم ماعاد في حدا يرفع بندقية ليقوسها.... |
اقتباس:
هالعالم ما ممكن يتوّحد الى لما تجمع الكل مصيبة وحدة.... أما المرموز اليه مادّيا فهي وسيلة أو سلاح بيد الاقوياء لكسر الضعفاء...متذرعين بمظلة واحدة هدفها حماية الشعوب الضعيفة.... يُفشل...يُفشل...يُفشل... |
اقتباس:
- دعسة القوي والكبير هي يللي بتعلّم وبتبيّن.... - توقيع أمرأة من ورق..... |
اقتباس:
ان كنت ضحية بيوم من الايام...هل هذا مبرر لأكون مجرم بس أكبر؟؟؟ بس بنفس الوقت بتحمل جواتها معنى كتير حلو....أحببني قبل ما تحكم علي...لما بتكون المحبة طريقك لتقاربني...ممكن تفهمني أكتر وتغفرلي كتير من أخطائي.... |
اقتباس:
بس لما بتفكر بكلماتها شوي...بتقول...هالانسان شو مقاتل...رغم كل شي بيضل يحاول...يطلع من أساه..من وجعو..من ألمه...بس بالنهاية...ما بيقدر لأنو كل شي جواتنا حيضل يطلع بوقت من الاوقات ويذكرنا انو هو هون... |
اقتباس:
نفس الروح ونفس الفكرة ونفس الدعوة..... |
اقتباس:
بيقول هو عن نفسه أنو نايم مع أكتر من ألف أمرأة مختلفة...وما بيتذكرهن كلهن...:p الاغنية بحد ذاتها بتذكرني بفترة معينة من حياتي...متلي متل كل الشباب والصبايا...مع فرق أنو هالاغنية بتذكرني ببنت كنت حبها من بعيد لبعيد وقت كان عمري 11 سنة...لحد هلق ما بعرف اسمها.... |
اقتباس:
ما بقدر كتير أعطي رأي كوني غير قادر ع فهم كلمات الاغنية...بيضل الغناء ملامسة بين الكلمة واللحن وتكامل بيناتهن..... للوهلة الاولى...ممكن أُعجب بكون المغني طفل من أصل قد يكون عربي...عم يغني بلغة أجنبية ممكن تكون أيطالي.... برفع القبعة وبستنى كم سنة...لاسمعه مرة تانية... |
اقتباس:
صرت خاف اسمعها...صوتها صار يجرحني...يحرقني...صرت أتجنب اسمعها... بيذكرني بحبيبة الروح...يللي ما بقدر أنساها كل العمر.... |
التواقيع....
اقتباس:
الحب شعور...والمشاعر تصدر من القلب...ولا مكان للعقل فيها.... أجمل ما في الحب هو حالة الجنون يللي بترافقه...فيض المشاعر يللي ما بيعترف لا بسدود العقل ولا بجدران المنطق... " إذا ما دعاكم الحب فاتبعوه... ولو كانت دروبه عالية تحفها الصعاب... واذا ما لفكم بجناحيه..فأسلموا له... ولو أدماكم في ريشه السيف الخفي... إذا ما حدثكم صدقوه... ولو عصف صوته بأحلامكم كالشمال تحيل الروض الى يباب" |
اقتباس:
تاريخيا...كل النظريات الانسانية والاجتماعيى فشلت وقت وصلت لمرحلة التطبيق وقت كانت أدوات تطبيقها خاضعة بشكل أو بأخر لرغبات الانسان...وبالتالي انا موافق مع الشطر الاول من التوقيع...(في حال كان الكاتب يقصد انو المسافة شاسعة والتطبيق صعب)... بس بالنسبة للنظريات العلمية...كل نظرية صحيحة نظريا فهي قابلة للتطبيق العملي... أما المسافة بين الحلم والحقيقة فهي مسافة قابلة للتعديل بشكل واسع من اللانهاية الى الصفر...بمعنى أنو وقت بمتلك الادوات والاصرار فهالمسافة تتناهى الى الصفر ولما ما بمتلك اي من هالمقومات فهالمسافة تسعى الى اللانهاية وبيصير التطبيق مستحيل... :shock: |
اقتباس:
بخاف تصير صورة قائلها أهم من الجملة بحد ذاتها... بصراحة...أول مرة قرأت هالجملة من زمان فكرتها للمسيح...بعدين عرفت انها لتشي غيفارا... الجملة بحد ذاتها إنسانية رائعة.... بس السؤال الاهم بالنسبة الي؟؟؟ هل قدر قائلها انو يورث روحه الثورية لكل محبينه حقيقةً وفعلا ً ولا ورثهن بس صورته ودقنه ونظرات اعجاب البنات؟؟؟ بالحقيقة...بتمنى لو كان عندي الجرأة اني اتبنى هالجملة وهالفكرة... ع هامش هالتعليق بحب قول لمستر سامو...اشتقنالك.... |
اقتباس:
ببلدنا صارت قيمة الانسان كم كيلو لحمة بيقدر يشتري بالشهر... كم مرة بيقدر يشتري تياب لولاده بالسنة... كم مرة بيقدر يطالع ولاده سيران ع قاسيون لانو اجار السوزوكي غالي.. كم مرة بالسنة بيقدر يمر من قدام الخضرجي والبقال بيدون ما يخبي راسو منشان ما يقولو وين حساب الشهر الماضي... كم مرة بيقدر يشعل الصوبيا بالنهار لانو صار حق تنكة المازوت شي مدري قديش... كم مرة بيرتي بنطلونو وكم مسمار بيدق بصباطو قبل ما يقدر يشتري غيرهن... هي هي قيمة الانسان الجديد... اما الثورة...والمجتمع...والوطن فصارو ******* |
اقتباس:
لا تعليق.....أبداً |
اقتباس:
في ثنائية الطب - المسرح....شو نقاط التقاطع ونقاط الاختلاف بين هالاتنين؟؟ |
الوصايا العشر
1- أوصي صديقي الذي يسكن معي ب بما أنو حالياً قاعد مع رفيقي لفترة مؤقتة....بدي قلو أنو يبقى يوطي صوته بس يحكي وما يصيح.....ترى أنا تعودت ع الحكي بصوت واطي وصار الصوت العالي يوجعلي راسي.... لاء هلق جد... الوصية لرفيقي...مو بالضرورة يللي ساكن معي...هو أنو ما يطعني بضهري متل ما كتار من رفقاتي طعننوني...يا عمي عاملوني متل ما انا عاملتكون...لو كنت غلطت وطعنتكون...قتلوني...بس لا تظلموني... 2- أوصي اخوتي ب بوصي أخي الوحيد...أنو يصفعني يوم بغلط..... 3- اوصي حسام (الحكيم الغالي) أنو يقوي حالو شوي بالعربي....بدو كم دورة إملاء.... غير هيك...مافيني وصيه...االشي الوحيد يللي ممكن فكر فيه هو أنو ما يتخلى عن أخوية بس عاد هو من زمان قال...أنو أخوية وجدت لتضل...بوجوده او بغيابه... 4- أوصي اساتذني في كلية الطب بدمشق ما ينسو أنو العلم من حق الجميع...مانو تجارة ولا هو مزاد...من حقنا نتعلم...ومن واجبهم يعلمون صح...ويللي ما بيقدر يعطي...الله معه.... 5- أوصي ان يتم التبرع بما املك الى أملاكي المادية...الى جمعية أطباء العالم Médecins du monde أملاكي المعنوية تُحرق اذا ما طلبها احد أفراد عائلتي... 6- اوصي ان اكفن ب بفضل قول أوصى بأن أكفن مع... - حفنة تراب من أرض ضيعتي بسوريا - غصن زيتون من شجرات أرضنا - منديل أمي - خصلة شعر حبيبتي - شمعة وكبريتة...لأني بخاف من العتم 7- اعترف بشئ لم اقله من قبل بخاف من الوحدة...وبخاف من الصمت...وبعدني بصلب أيدي ع وجهي أخيانا مع أني مو مؤمن... وما راح حب مرة تانية بعد اليوم.... 8- اوصي الشعب الفلسطيني ب مع أني ماني ثورجي...بس بدي قلهن أنو ما يوقفو...عملو يللي نحن ما عم نقدر نعملو...قولو لاء... 9- اوصي جميع اعضاء اخوية ب أخواتي بأخوية....أخوية وطن...لانو ما عاد في وطن حقيقي يجمعنا...لا تعملو فيها متل ما صار بالوطن.... 10- اوصي بمتابعة تنفيذ وصيتي ما بعرف... |
اقتباس:
يا صاحب القرار.... ما هكذا تورد الابل.... ما هكذا تصنع الأوطان.... ما هكذا تصان الحريات... أصنعوا وطن...لا تكسروه...ازرعوا جواتنا حب سوريا...الغيرة ع سوريا...استعدادنا لندفع دمنا وروحنا كرمال سوريا... بيكفي يللي انسرق منّا...لا تقضوا ع بقية الحب الباقية جواتنا لبلدنا... التوقيع...مواطن سوري.. |
يسلمو طارق لانك عطيتني الرغبة أني أرجع اكتب...رغبة فقدتها من زمان....
وان شاء الله ترجع هالرغبة مرة تانية ما ترجع تخمد... تتمة برنامج وحوارات موفقة... :akh: |
اقتباس:
وطريقة ردودك للوصايه العشره .. لك تحياتي و حترامي ، لردودك ، يلي من منظوري ، كانت افضل بكتير من ردودي ... وفعلا طريقة ردك بتعبر عن شخصيه كتير مميزه :D |
| الساعة بإيدك هلق يا سيدي 16:18 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون