|
اقتباس:
شكرا هاد كان سؤالي:D وانتظر التوضيح من الاخ محمد مع جزيل الاحترام:D |
اقتباس:
هذا كل ما كتب انت اقتباس:
وردي عليك فيه الكفايه ان لم ترى ما كتبته اتا فأنصحك الا تنتظر مني توضيح حيث كتبت ان الاخر لن يكون بالجنه (اليس هذا جواب ؟؟؟) اتعجب :lol: اقتباس:
المسلمين "أيام توسع الدوله الاسلاميه والفتوحات الاسلاميه" على حد قولك, ماحاربوا لاحتلال ارض او نهب ارض بخيراتها وبالتالي اللي بيحاربهم ما بيحارب دفاعا عن الارض . |
اقتباس:
وتاني شي .. حاربو لنشر الدين الاسلامي وهالشي انا قلتو .. بس لا تنسى على هذه الدول كان في ناس من غير ديانات بعضهم اعتنق الاسلام وبعضهم ضل على دينو .. هلا ما دخل الجيش الاسلامي على هالدول ما صار في مقاومة من قبل الدول هاي اذن هالشي كان دفاعا عن هالأرض لانو ما بدهم يكونو تحت سلطة تانية غير سلطتهم .. ومو صارت هالدول جزء من الدولة الاسلامية .. بقا كيف مو احتلال .. اسبانيا مو صارت الاندلس وبعدين رجعت اسبانيا ... يبقى كان في دولة اجت دولة تانية احتلتها ورجعت هالدولة اخدت حريتها .. هلا شو عملو كدولة اسلامية في هالدول مو هاد موضوعي .. وانا لا قلت انو الجيش الاسلامي فات لينهب او يسرق أو الخ ... انا قلت دخل على اراضي مو ملكو مو تحت سلطو بغرض يضمه لهالدولة الاسلامية .. بقا انا عم هاجم ولا عم استنتج أنا بطرح اسئلة وبناقش .. :D |
اقتباس:
بس انا استبقت وحكيت الاحداث مشان تكون الصورة واضحة وانت اكتر شي بتعرفي مين انا وكيف بفكر بهيك موضوع وبعدين انا بامن بالاممية ومشان هيك كنت ضد الفكرة القصة مو قصة دين او حب وطن او ... او.... الشغلة انو الانتماء للمكان هو الدافع يللي بحرك الانسان ليدافع يعني مثال رح بعطيه حزب الله وحربو مع اسرائيل انا بحيي وبحترمو للحزب كونو كان قادر انو يسدد ضربات موجعة في العمق الاسرائيلي وبحيي ايضا حسن نصرالله كونو قدم ابنو شهيد وهي ما في زعيم عربي عملها بس بختلف كل الاختلاف معو لانو اتى من خلفية دينية وبدعم غير عربي طيب هي شو فينا نسميها ؟؟؟ مقاومة ؟؟؟ اكيد لاء .... لانو الحزب بكاملو ومع عقيدته عندو ولاء فقط لايران وليس للبنان ولا للمنطقة العربية تحت اسم المقاومة الاسلامية هاد شو منسميه ؟؟؟ |
اقتباس:
هلا أول شي لتوضح الفكرة .. انا ما قصدت بالمقاومة .. حزب الله .. بل قصدت الدفاع عن الوطن. تاني شي .. انا ما بعرف اذا ولاء حسن نصرالله فعلا للبنان أو لا .. بس انا برأيي انو اي مقاومة أو دفاع ضد اي اعتداء خارجي أو داخلي حتى على الوطن .. لازم يكون الوطن هو الهدف والحافز الأول لانو الوطن بيجمعنا كلنا .. وهاي الفكرة اللي كنت بدي اوصلها من طرحي للموضوع .. واللي حاولت اعرف من خلالو أراء الاعضاء هون بأخوية. |
اقتباس:
وانا كمان حطيتو كمثال بس عندي تساؤل هون صار من بعد كل هالحكي ... وهاد موجه للكل انو يللي بيغترب برات بلدو ... وهون عم اتوجه للمواطن العربي بشكل عام بغض النظر عن البلد يللي ولد فيها هلأ يللي بيتغرب برات البلد وبعيش حوالي 10 او 20 سنة وبياخد الجنسية من البلد يللي تغرب فيها ... اذا صار اعتداء على البلد يللي هو متغرب فيها .... رح يدافع عنها ؟؟؟؟ وشو ما كانت البلد ... ان كان اميركا او كان فرنسا او الصين او موزامبيق |
اقتباس:
بس للاسف ما بعرف رد عليه لاني مو مجربة .. بس المشكلة اني رح جرب وببقا بخبرك وقتها .. بس رح حط رأي أو تصور حول الموضوع ومن اللي شفتو .. اظن انو مع طول المدة اللي بتقعدها ببلد غير بلدك ومع اذا بتكون مبسوط كمان في هالبلد .. وبما انك ماخد الجنسية وبالتالي ماخد حقوقك .. أكيد بتنشأ رابط مع هالبلد .. ولو يعني بتقضي عمر وبتعيش حياة كاملة وذكريات .. والخ .. فالا ما ترتبط بهالبلد .. بس هل اهالشي بيلغي بلدك الأصلي .. أبداً .. أما اذا الواحد بيوصل لمرحلة فيها انو يدافع عن هالبلد .. ما بعرف .. واذا كان هالبلد هو ذاتو اللي كان يعتدي عبلدك الأصلي مثلا .. فهاي صعبة كتييييييييييييير وأقرب لتكون مستحيلة .. فعلا سؤال بفوت بالحيط .. :shock: |
اقتباس:
مذهل:lol::lol:على فكرة هاد مو جواب هاد قرار:larg::larg::larg: |
اقتباس:
خروج عن الموضوع :: المقاومة بإسم شرفي وعرضي يعني كل شي بيتعرضلي الي او لشرفي او عرضي بيصير في مقاومة هامش* العرض هو بيتي ارضي حياتي الشخصية اهلي اخواتي ........ :D |
اقتباس:
الدفاع هو قناعة مو اكتر من هيك والمقاومة هي حجة بغية الوصول الى السلطة يعني عسكري شحطو اجباري على الحرب ... يا ترى رح يكون بارض المعركة مخلص لوطنو ؟؟؟ انا واثق انو كتير من الناس وهون بسوريا عننا اذا صار حرب بيننا وبين اسرائيل وكان هالعسكري على ارض المعركة واجا شارون او اولمرت او اي واحد اسرائيلي عطا 500 دولار رح يلتفت ويقتل قائدو العسكري لانو في كتير ناس ملوعة منون ..... ولا تقلولي ما بتصير ... لانها بتصير ونص اقتباس:
عن جد بدي جاوب بس لاصفن عليها منيح |
شفت من الردود انو الموضوع كبر كتير ووصل للفتوحات الاسلامية وحركات المقاومة الاسلامية
بس ملاحظة صغيرة المقاومة باسم الوطن ويالي بارجع وبقول انو مرتبطة ارتباط وثيق بالجهاد في سبيل الله لانو الوطن شي غالي وهبنا اهرب العالمين هاي المقاومة ادا كانت باسم الوطن راح تجيب نتائج وراح يشوفو اهلها الاستقلال اما الجهاد في سبيل الله راح يؤدي حتما الى صدام عنيف بين ابناء الوطن الواحد وهاد مو داخل بالجهاد في سبيل الخالق عزوجل طيب لشو الجهاد لنشر دين يعني هالدين دين يسر ولا دين عسر دين ياتي بالترغيب ولا بالترهيب والفتوحات الاسلامية كالحروب الصليبية النقط السوداء موجودة فيها للاسف لان الانسان بطبعه طماع وحين يكبر فيه الطمع يستخدم قوة السلاح ولا علاقة لنشر دين بدلك اما عن المقاومة وعلى راسهم حزب الله فبرجع وبقول انو بسبب حلتها الدينية (حتى ولو فرضا كانت نيتهم تحرير وطن معين فهاد راح يخلي الشكوك بالنوايا تعشش بمتبعي اديان اخرى والمقاومة اساسا معناها يدل على ايجابية الجهاد لانو يقصد به مواجهة عدو استعمر ارضا ليست من حقه ولا من ملكه |
اقتباس:
اولا ادا كان هالشخص متل ماحكيت من 10او20سنة بهالبلد يعني بكون عاشر هالقوم فادا كان فهمان معنى المواطنة وعاملوه اهل هالبلد بشكل انساني وما احتقروه فاكيد راح يساعد السكان الاصليين الا ادا كان من النوع يالي وقت بيعطوه مساعدات بيحمدها ويوم توقع بحرب بيصد عنها هاد عموما بس في فرق بين يالي عاش واخد الجنسية لانو هاد ما بحس بالوطن يالي عايش فيه لانو اجا لمصلحة معينة يعني نسبة 3بال100يالي راح يكونو الى جانب هالدولة بعدين بدك تعرف كمان ضد مين يعني هلا الواحد ادا كان عربي وساكن بلد غربي وهالبلد الغربي صارت حرب بينو وبين بلد عربي تاني اكيد هالمواطن راح يكون ضد هالدولة وراح يهاجر عالفور او ما يتدخل من اساسو حتى ما يضرب اخوانو وفي حتمال اخر انو هالشخص يكون ولدان بهالبلد يعني مسقط راسو وهاد يعتبر بلدو لانو الانسان بيرتبط بالارض يالي بينولد فيها وهون كمان احتمالين فلو كانت حرب ضد دولة غربية اخرى فراح يحارب الى جانب الدولة يالي عايش فيها وراح يجاهد في سبيل بلدو اما ادا كانت حرب ضد عرب متلو ففي احتمالين يا يكون قومي ويصف الى جانب اخوانو العرب يا بغمض عيونو نسيت وفي حالة ما اغمض عيونو في امكانية انو يشيلوه شيل ليحارب غصب علي خلفوه |
gh , كتبت رد طويل عريض و طار بالأخير .. :larg:
بإختصار شديد .. 1_ الصراع بالأساس صرع ديني .. يمكن البعض بيحاول حشر الصراع في زوايا ضيقة و تأطيره على أنه صراع لأجل تحقيق مصالح معينة أو أنو النفط هو المحدد الرئيس إلخ هذه التأطيرات الغير منطقية .. و يكفي للتدليل على ذلك أنو الكيان الصهيوني بالأساس قائم على قكرة تلمودية ممثلة بفكرة " أرض الميعاد " و شعب الله المختار ... بوش أعلنها و بكل وضوح حرباً صليبية .. دور المحافظين الجدد من الأصوليين البروتستانت في رسم السياسة الأمريكية الخارجية و دورهم الرئيسي في كل الحروب التي تخوضها الولايات المتحدة الأمريكية .. هاي مثالين و ما عندي خلق أكفي باقي الكلام يلي كنت كاتبه . 2_ الشعوب العربية فقدت الثقة بكل التيارات الموجودة يساراً و يميناً .. يعني عم نشوف عتاة اليسار العربي الآن ينظرون للرأسمالية على أنها هي السبيل الوحيد لرقي المجتمع العربي و تحقيق الديمقراطية الحرية و التعددية .. عم نشوف شخصيات يسارية بارزة في العالم العربي اليوم عم تأسس تجمعات و مؤسسات لدعم الديمقراطية و حقوق الإنسان إلخ من هذه الواجهات الإعلامية و تتلقى الدعم و الموازنة من مؤسسات أمريكية مستقلة في الواجهة و منطوية تحت لواء وزارة الخارجية الامريكية و مشاريع دعم الديمقراطية ... يعني الإمبريالية العالمية أمس أصبحت الحضن الدافئ و النبع الفياض ليساري العرب و هنا على سبيل المثال بطرح إسم يساري مخضرم و مهم في العالم العربي هو .. ( كريم زنجبة ) من الحزب الشيوعي العراقي !!! بالمقابل أصبح الليبرالي العربي لا يرى من سبيل لرقي و تقدم المجتمع العربي إلا من خلال إكسير الديمقراطية الأمريكي .. الليبرالي العربي لا يحمل من خيارات سوى خيار الحل السلمي لكل القضايا .. و يحدد قائمة الحلفاء وفق الرؤية الأمريكية و قائمة الأنداد أيضاً وفق الرؤية الأمريكية .. هذا بحد ذاته كفيل أن ينهي وجود الليبرالي العربي من كل المعادلات و من كل الأفئدة التي لم يقدم لها الليبرالي العربي سوى الوعود الجوفاء .. طبعاً وسط كل هدا الحراك بدء يظهر تياراً يحمل الإسلام أيديولوجيا له و في نفس الوقت يتفهم طبيعة المجتمع العربي و الأعراف السائدة فيه .. هذا التيار عم بيقدم نموذج صالح للقيادة سواء قيادة المقاومة أو قيادة الدولة و التمسك بالحقوق العربية و ثوابت الأمة .. طبعاً وفق موائمة موضوعية ما بين الأيديولوجيا يلي عم يحملها و ما بين الأعراف السائدة بالمجتمع دون تفريط بأيديولجيته و دون الإخلال بحقوق و حريات الأفراد ... و للعلم هذه الموائمة تنستند إلى تأصيل شرعي وفق ما يطلق عليه في الفقة الإسلامي ( فقه الواقع ) يعني مانو عم يتنازل حتى يوصل متل ما البعض عم بيصور الأمر .. أمام تفريط و إرتداد التيارات المتواجدة على الساحة يساراً و يميناً و أمام بزوغ نجم تيارات يلي بتحمل الإسلام أيديولوجيا بتقديمها نموذج يلقى ترحيب في الشارع العربي بما يمثله من ثقافة مواجهة صالحة و ممكنة لا بد أن تتشكل الثقافة الموجوة بالمجتمع وفق المتطلبات أو الأفكار يلي بتحملها أيديولوجيا هذا التيار الذي ملك الشارع بكل قوة .. ملاحظة أخيرة ماني عم أتجنى على اليسار و على اليمين عم بحكي واقع موجود بلبنان فلسطين العراق و بكل قطر عربي و الدليل أننا لم نسمع عن حزب شيوعي عراقي عم يقاوم الأمريكان .. ما سمعنا أنو و الله الحزب الفلاني الليبرالي إنضم إلى جانب حزب الله في حرب تموز .. في فلسطين فتح العلمانية بالأمس صرح رأسها التنظيمي أن _ ما من قوة على وجه الأرض تملك فرض عودة الاجئين الفلسطينين لديارهم التي هُجروا منها .. و السبيل أممانا هو الحلول (((( الخلاقة )))) _ !! هذه التيارات الورقية إنحسر دورها في بعض المؤسسات التي تتلقى ملايين الدولارات من _ مشروع دعم الديمقراطية في العلم العربي _ الذي تتبناه وزارة الخارجية الأمريكية فقط لا غير ... و بالتالي إنتهت و إنتهى معها ما طبعته في الوجدان العربي من ثقافة فاشلــــــــــة !! طلع مو بإختصار .. :oops: يسملوا نيرفانا على الموضوع الأكثر من رائع :D |
اقتباس:
|
اقتباس:
اذا هاد الرد مو طويل لكان الرد اللي كنت كاتبو جريدة .. بس ولا يهمك بعدين انت مشاركاتك دائما بتضيف للموضوع سواء طويلة أو قصيرة ردودك. بالنسبة للصراع الديني ,, بالنسبة لاسرائيل انا بأكد انو للجانب الديني حصة كبيرة ويمكن الأكبر من الموضوع .. إضافة الى رغبة اليهود باقامة دولة لأسباب كلنا منعرفها عن اضطهاد اليهود والخ. بس بالنسبة لأمريكا فمصالحها بالاضافة الى دعم اسرائيل .. وهالشي بالتأكيد مقابل ثمن ومصالح وسيطرة اليهود في امريكا.. وبالاضافة الى ما اشرت إليه عن البروتستانت أو الانجيليين بظن.. ما بعرف شو اسمهم .. مليون طايفة .. المهم ,, كمان في مصالح اقتصادية أولا كتير مهمة لأميركا وخصوصي بالنسبة للنفط . مصالح سياسية بانها ما تخلي اي دولة بالعالم تكرر ما فعلته روسيا . يعني بدها تكون بالساحة لحالها وما بدها منافسة اي دولة وتحمي حالها من اي تهديد قد ينشأ من احدى هذه الدول . فلسطين لبنان والعراق .. المقاومة في فلسطين اصبحت سياسية بحتة وشفنا شو صار بين فتح وحماس . المقاومة في لبنان لهلا اثبتت نجاحها .. بس اكيد لاحظت انو بعد اللي صار انقسمت لبنان . المقاومة في العراق .. شوووو بدي احكي .. اي مقاومة .. مقاومة ضد اميركا ولا ضد بعضهم البعض .. العراق اصبح ساحة مجازر .. اذن المقاومة الدينية وحتى الطائفية في معظم الدول ادت الى انشقاقات .. يعني لو كانت مقاومة شعبية باسم الوطن مو احسن . بس المشكلة انو الكل بدو قطعة من هالوطن .. للاسف اصبحت المصالح هي بتتحكم بكل شيء حتى المقاومة والدفاع عن ارض الوطن. وفي مشكلة تانية .. انت عم تقول انو الشارع العربي تقبل التيارات التي تحمل الايدولوجيا الاسلامية .. بس مو ملاحظ معي انو هالتيارات متطرفة جدا ومنقسمة جدا لانو كل واحد بفكر بالاسلام من وجهة نظر طائفتو .. ما المشكلة انو عم يتقبلها .. وعم ينقسم اكتر .. ويطرف اكتر .. وبعدين الثقافة الي بيحملها هالتيار ثقافة السلاح فقط والقوقعة على الذات .. بينما عندما تريد ان تتغلب على خصمك لازم تعرف مين عم تقاتل وكيف بدك اتقاتل وقد لا تضطر الى القتل بل الى الحوار والاتفاق والدبلوماسية .. امكانية الضغط عليه.. ولازم تعرف مين عدوك .. لغته .. طريقة تفكيرو .. قوته .. نقاط ضعفه .. الخ. برجع بقلك .. نحنا بنفتقد المقاومة الشعبية الوطنية التي تقوم على اساس هو الوطن ... للأسف .. لانو برأيي هون بيبدا التغيير داخلياً وخارجياً وعلى مختلف الاصعدة. |
اقتباس:
|
اقتباس:
يعني مو بس بالنسبة لإلك بالنسبة للطرف التاني... في فكرة أنتجتها البشرية بتستاهل أنك تقتل مشانها؟ إن كان الدول أو الأحزاب أو الأديان.. هي كلها صناعات بشرية.. مو معقول أني أيد صناعة بشرية عم تاكل البشرية وتسبب موتها... |
اقتباس:
انا لم اسبك يا هذا !!! بردي السابق انا تكلمت عن العقلية ولم اتطرق اليك شخصيا على عكس ما وصمتني انت به , اني اعجب لكم يا دعاة الزيف , فأنت تدعون لاشياء انتم لا تؤمنون بها ولا تفعلونها , تسامح , تعايش , حوار . كلمات منمقة وملمعة من الخارج تستعملونها كواجهة دعائية وانتم من الداخل تضمرون الشر والكره . وولكوني مسلما سابقا ولان اهل مكة ادرى بشعابها , سآتي لنقاشك بردك السابق ( وان كان ردا لا يستحق نقاشه ) . |
اقتباس:
|
اقتباس:
عالهامش: ليش ما شفت ردك قبل .. وحتى الرد اللي بعدك .. تحشيش :o:oops: |
اقتباس:
|
اقتباس:
|
اقتباس:
|
اقتباس:
:pos: قصدي انك انتي فهمانة :larg: |
اقتباس:
خلينا نسكر على هالقصة ليجي اصحاب السلطة مسيو كهربجي ومسيو كوستا ويفقعونا ملاحظة خروج عن الموضوع . |
اقتباس:
طيب ويللي ما عندو دافع وعم يستنى هالمعتر مشان يموت ويكسب هو من ورا الحياة الرغيدة على اكتاف يللي امنو بالوطن وماتو كرمالو اقتباس:
اقتباس:
|
اقتباس:
بس لقلك سر انا كان (وكان متل ما بتعرف فعل ماضي وناقص كمان) كان عندي امل .. هلا ما عندي امل .. وشايفة انو لا ضل وطن ولا وطنية ولا مواطنين .. واحسنلي دير وجهي وامشي .. :pos::cry: بعدين ليش متفاجع .. يعني اكيد اذا خرجنا عن الموضوع اصحاب اللون الأخضر والبرتقالي بينزعجو .. :shock: |
اقتباس:
اسمع يا اخي :D هذا ليس بقراري وما هو برأيي وقد اوردت حادثه بعد غزو أحد فيها قتلى من الجانبين وفيها ماقاله رسولنا . بما انك لا تؤمن به بمعنى اخر لا تصدقه , لا افهم لماذا تهتم بالامر .عجبا :lol: اليك الحادثه مره اخرى ولاحظ هذه العباره"قال: قولوا: لا سواء، قتلانا في الجنة وقتلاكم في النار" اقتباس:
اقتباس:
بس الظاهر ما اخدتي بالك !!!!!!!!!! المهم . يا انستي العزيزه , انا قلت ما كان في قتال من اجل زيادة مساحة رقعه او احتلال ارض (لو بدك تفتحي موضوع خاص ,بالادله والمراجع (من شرقيين وغربيين ) مسلمين وغير مسلمين انا جاهز , الحروب ما كانت لغرض الاحتلال او لاكراه البشر على دخول الاسلام . على سبيل المثال * وقت نرسل لحكام هالدول والقائمين عليها رسل مشان نعرفهم بانو في دين جديد واللي بدو يدخل اهلا وسهلا واللي ما بدو خلاص مارح ندخلو بالاكراه . ويحصل انو هالرسل يقتلو و يطردو او يعذبو (قتل الرسل معناه درجه اعلى من درجة اعلان الحرب), شو الحل ؟؟؟ بدنا نبلغ العالم اللي ما بتعرف بانو في دين جديد . * وقت يحاول الدعاة يدخلو لهالمدن ويمنعوا بالقوه شو الحل ؟؟؟ هاي أمانه وتكليف يعني ما بيد اي حد انو يتركها (لو الدين ما حد بلغو ماكان صار المسلمين هلق مليار و300 مليون , وكل شخص من هالاعداد الضخمه رح يقولك انا من حقي اني اكون مسلم وأنا اول واحد بقولها) واكيد هاد حق لكل شخص بانو يعرف بانو في دين جديد بيدعو لمبادئ ما وكل شخص من حقو يقبل او يرفض . وقت القائمين على الدول والحكام يمنعو الدعاة بالقوه , لازم يعرفو أن هالقوه مارح تبعد المسلمين عن التبليغ ومارح تبعدهم عن توصيل الامانه ومارح تبعدهم عن مساعدة اهل هالمدن في المعرفه بالدين الجديد هاي هي الحريه , وقت يمنعوهم بالقوه رح يدخلو رغم هالقوه ورغم عدم التكافؤ في القوة (ورح ينتصرو) . |
اقتباس:
ـــ الحرب مو لعبة يا جماعة .. ولا هيي هيك بسيطة متل ما عم نتخيل .. ولك العالم بتروح عالحرب بترجع غير عالم خالص .. هي إذا بترجع .. و هالحكي شايفو أنا بعيني .. ـــ ـــ لما نكون بحالة حرب .. ما رح يهمني .. اللي محدي عم يحارب ليحرر وطنو .. ولا مشان يستشهد ولا مشان الله .. ولا مشان العفاريت الزرق ... خلينا نحكي عالدافع ..الدافع موجود على طول ... والأغلب بهي الحالة .. لما تكوني عم تحاربي ... ما رح تتذكري لا الله ولا وطنك .. و لا القرود السود .. لما بتشوفي رفقاتك و اللي محدك عم يموتو ( بعيد الشر عن كل محبينك ).. لما العالم عم تطير شقف شقف .. ما رح تكوني فاضية تفكري لا بوطنك ولا بالله .. حب الحياة .. الخوف من الموت .. الحقد .. الصراع من أجل البقاء هوي رح يكون الدافع الأقوى ... و بالنسبة الي .. وقت الحرب الله ما بحاجتي أنو روح حارب مشانو .. انا اللي بحاجتو ... وطني هوي اللي بحاجتي .. والله يحمينا ويحمي هالوطن .. :D |
اقتباس:
شو اللي تغير... تغير كتير ومتل ما عم نشوف حالياً.. اصبحت المقاومة باسم دين واحد فقط.. وما حدن من ابناء الطوائف التانية إلو حق بالمقاومة.. وازا دخلنا بالتفاصيل رح ندخل مجبورين بالطائفية...والاديان.. برأيي حالياً مافي شي اسمو مقاومة ...(بهالوطن..) في مصطلح اسمو: الجـهاد... يعني: عطيني نفسك اعطيك الجنة ووو...طبعاً هالمصطلح الو تفاصيل وتفاصيل... وباعتبار هالمصطلح خاص بدين معين..واما المقاومة بيشمل كل الطوائف..لهيك وباختصار شديد جداً... مافي مقاومة بالاساس لحتى نقاوم باسم الله او الوطن او ما بعرف شو..؟ من خلال قرائتي للردود شفت قصة الفتوحات الاسلامية اللي تم بعصر الامويين وقبل عصرهم وبعدو... وبقول بمراجعة بسيطة للتاريخ بنشوف انو كل هالفتوحات اللي اسمها فتوحات عبارة عن اعتدى ع شعوب اخرى...فقط من اجل مصالح خاصة ذاتية لبعض القبائل...وخرافة الفتوحات الاسلامية وانو ع اساس تبشير ونشر الاسلام ما هي ترقيع واصبغاء الصغبة الالهية ع الغزوات... ولناخد مثال بسيط من كتب التاريخ ع عبثية الفتوحات وفساد قادة هالفتوحات... بيقول ...اليعقوبي عـن(فتح سابور...) فيقول: وفي هذه السنة افتتح عثمان بن أبي العاص الثقفي سابور. وفيها ولي الوليد بن عقبة بن أبي معيط الكوفة مكان سعد، وصلى بالناس الغداة، وهو سكران، أربع ركعات، ثم تهوع [ أي تقيأ ] في المحراب، والتفت إلى من كان خلفه، فقال: أزيدكم ؟ ثم جلس في صحن المسجد، وأتى بساحر يدعى بطروى من الكوفة، فاجتمع الناس عليه...المصدر:(اليعقوبي ج 2 ص 165... للي بحب يراجع الكتاب...) وبكل بساطة يا اعزائي...انو بدوي صـاروا قرون عايش ع الغزوات والسلب والنهب..ممكن انو يتغير فكرو بليلة وضحاها...؟ الاجابة.. ما كان في شي اسمو لا مقاومة ولا فتح إنما بس رغبات مادية ... :D |
اقتباس:
انا ما رح ادخل معك بحور حول موضوع نشر الدين وهالامانة مين مامنك عليه او الخ .. لانو مو هاد موضوعي .. ولانو بعرف مسبقا ما رح نوصل لنتيجة . لكن بحترم وجهة نظر . :D |
اقتباس:
بعرف انو الموضوع كتير صعب بس انا برأيي هو موضوع بالرغم من صعوبته علينا الا انه في منتهى البساطة والبديهية .. لان من يعتدي علي فانا أقاومه .. وكان طرح الموضوع فقط لاعرف هل هذه المقاومة بدافع ديني ولِمَ هذا؟ في حين يجب ان تكون بدافع وطني. اما هلا فاعتقد انو لازم يتغير سؤالي ويصير هل تدافع عن وطنك اذا تعرض لاعتداء؟ وبعرف كمان انو الحياة غالية .. انا شخصيا بخاف من الموت كتير .. وبعرف انو رح يصير عند هالجندي نوع من الصراع .. بس لما كل يوم يصير تفجير ببلدك ولما تكون طول الوقت خايف على بيتك وعائلتك .. وأصدقاءك متل ما ذكرت انت في ردك .. لما ما يكون في شغل ولا مصاري ولا مي ولا كهرباء ولا أكل وممكن ولا بيت اذا راح بيتك .. هل تسمي هذه حياة .. الا يجب ان تسترجعها من ما اخدوها منك بالقوة .. وأنا مو ضد ابدا ... الحياة هي دافع حقيقي ورائع لتقاتل لأجلها .. وبرجع كرر انا عم بحكي عأساس انو القتال هو آخر خيار ، انا بكره الحروب وبكره القتل وما بتحمل شو دم على التلفزيون فما بالك في الحقيقة,, جملتك الأخيرة كتير عجبتني .. بغض النظر اذا بآمن بالله او لا .. جملة اكتر من رائعة .. شكرا :D |
اقتباس:
انا بعرف انو المقاومة أو الدفاع عن الوطن صار باسم الدين والطائفة .. وانا عم اسأل ليش صار هيك .. مع انو بوقت من الأوقات كان في حس وطني عالي .. :D |
اقتباس:
بحترم رغبتك في عدم الحوار على الرغم من عدم اقتناعي بانو مارح نوصل لنتيجه لاني قلت انو رح اعتمد على ادله ومراجع لشرقيين وغربيين , لمسلمين وغير مسلمين .(وفقا للاسلوب العلمي) في النهايه ما رح اقول غير اني فعلا محترم رغبتك :D اقتباس:
انو المقاومه من حق كل فرد بالمجتمع مهما كان دينو او طايفتو طالما من ابناء الوطن . تعليقي عالجزء التاني (الفتوحات) يظهر ان الاخ كاتب الرد الله يكرمه اتأثر باسلوب بعض الشيعه اللي عندهم مرض الامويه (لم يذكر احد العصر الاموي على الاطلاق:?) ,والعصر الاموي لا يستحق ان يكون علامه فاصله في الفتوحات بحيث نقول العصر الاموي وما قبله وما بعده , نروح على المثال البسيط للشخص اللي مابعرفو واول مره بسمع اسمو (وكمان سابور مابعرفا :oops:) بس بعرف ان تاريخ اليعقوبي هاد اللي جاي منو المثال اليسيط (كتاب تم تحريفه) وكثير من المحققين بيعدوه رقم واحد لما بيجو يعدو الكتب اللي تم تحريفها (ضمن سلسة الكتب الشيعيه). طيب معقول نقول كتاب محرف هيك من غير حتى ما نجيب مثال بسيط (شو قصة الامثله البسيطه, صارت كتير؟!!) تاريخ اليعقوبي موجود بطبعتين الاولى : طبعة المطبعة الحيدرية - النجف الأشرف. الثانية :طبعة دار صادر - بيروت. دعونا نرى مدى الاختلاف والتزوير بين الطبعتين في احدى نقاط التزييف . * تاريخ اليعقوبي / ج2 – ص37 – طبعة النجف الأشرف – سنة 1358: ".. وقد قيل: إن آخر ما نزل عليه: ﴿ اليوم أكملت لكم دينكم وأتممت عليكم نعمتي، ورضيت لكم الإسلام ديناً ﴾ وهي الرواية الصحيحة الثابتة الصريحة، وكان نزولها يوم النص على أمير المؤمنين علي بن أبي طالب صلوات الله عليه بغدير خم..". *تاريخ اليعقوبي /ج2 – ص43 طبعة دار صادر بيروت سنة 1379ﻫ 1960م تم تحريف العباره السابقة على النحو التالي: "وكان نزولها يوم النفر على أمير المؤمنين علي بن أبي طالب صلوات الله عليه بعد ترحّم..". أنا لا أعول على ذلك كثيرا بل سأذهب لمناقشة الامر, قائد عسكري لا اعرف اسمه ولا أظن احد من القراء يعرفه :lol: شرب خمر وصلى بالناس واحضر ساحر الى المسجد , (في كتاب به تزوير) ألا تعرف يا عزيزي أن أن الإسلام حجة على المسلمين، وليس المسلمون حجة على الإسلام. اي انه لا يجوز تحميل تصرفات بعض المسلمين على الاسلام (طالما الاسلام نهى عنها وهو برئ منها) الاسلام حرم الخمر ونهى عن السحر وحرمه (وغلظ العقوبه على شارب الخمر) وقال الرسول (ص) من صدق عرافا فقد كفر بما أنزل على محمد . يقول تعالى في كتابه العزيز:(وَمَا يُعَلِّمَانِ مِنْ أَحَدٍ حَتَّى يَقُولا إِنَّمَا نَحْنُ فِتْنَةٌ فَلا تَكْفُرْ)(البقرة – الآية 102). هذا الشخص ان كان موجودا فعلا (انا اقول ذلك لان الكتاب به تحريف) المهم ان كان موجودا فعلا فهو كافر بنص حديث ابي هريره, عن أبي هريرة -رضي الله عنه- قال : قال رسول الله صلى الله عليه وسلم: "من أتى عرافاً أو كاهناً فصدقه بما يقول ، فقد كفر بما أُنزل على محمد". (صحيح الجامع- 5939). *ما رأي عزيزي (لا انسى انك كنت تنصحنى ان اصلي دائما وقت كنا على اتصال قديما جدا:D(انا لازلت اتذكر بل اتذكر كل شي:D )) ان نفتح موضوعا حول الفتوحات بعيدا عن هذا الموضوع نظرا لان صاحبة الموضوع تريد ان تناقش الجهاد والمقاومه بافكارهما العامه وخصوصا الحاليه المعاصره ولا تريد مناقشة الماضي السحيق ؟؟؟ أنا احترم موقفها ورأيها ولا يوجد عندي ادنى شك في انك انت ايضا كذلك :D , المهم أعتقد ان لديك امثله كثيره قد ترغب في ذكرها ,أشعر انك تريد ان تذكر 3 مواقف مثلا لخالد بن الوليد الذي انهى تسلط الفرس وجباروت الفرس (الفرس اجداد الايرانيين حاليا , الذي لا ينسون ذلك ابدا ) واعتقد انك تريد ان تتحدث عن الخليفه ابو بكر الذي ارسل خالدا للفرس وعن الخليفة عمر الذي واصل الفتوح ناحية الفرس عقب موت الصديق وما يزيد الامر سوءا انهما كان كل منهما خليفة للرسول (ص) قبل الامام على كرم الله وجه وتقول المصادر الشيعيه انهما (رضي الله عنهما) قدر سرقا الخلافه من على كرم الله وجهه,اعتقد ان لديك الكثير :D انا بانتظارك :D |
مرحبا...
شكراً نيرفانا ومحمد ابراهيم ع ردكـم.. بالنسبة للجزء التاني من رد محمد ابراهيم...فالافضل انك تراجـع التاريخ بما تقدم من قضية خالد بن الوليد هاظا... مع مالك بن نويرة بعصر الخليفة الاول.. وكمان راجع الحوار اللي دار بين ابو بكر وعمر حول خالد بن الوليد...ويفضل انك تراجع الكتب حسب ما تريد من الطبعات.. والكتب.. تاريخ الطبري وتاريخ ابي الفدا وتاريخ ابن شحنه وتاريخ الخميس وكمان تاريخ ابن عساكر.. ومنشان تعليقك ع جملة العصر الاموي وقبلو وبعدو...اظن انو مافيو شي وإلك مني منشان ما تزعل ...(بعصر الخلفاء الاربعة والعصر الاموي والعصر العباسي ومن بعدو المماليك هون وهنيك وبعدين العثماني... وتعليقك ع تحريف كتاب اليعقوبي... نتمى لك ان تراجع اي طبعة تريد بما ورد بردي السابق... وهيك بنأسف للخروج عن الموضوع.. :D |
اقتباس:
شكرا الك :D وللتوضيح فقط انا ما بدي ناقش في الموضوع لسببين .. أولا ما عندي معلومات كافية وواضح جدا انو معلوماتك بهالموضوع اكتر ... يعني انا معلوماتي مقتصرة على شو درسنا بالمدرسة عن الفتوحات الاسلامية. ثانيا .. هالشي مو موضوعنا هون .. انا جبتو كمثال ,, ممكن فتح موضوع آخر لنقاش مدى صحة هالمثال. |
اقتباس:
اقتباس:
*بخصوص خالد وعمر وابو بكر (شفت كيف اعتقادي بمحلو ؟) (بانتظار موضوع مستقل:D) *بخصوص الكتاب يللي حطيت أنا مثال على تحريفو وانت استشهدت منو على حادثه . انا رديت عليك بما فيه الكفايه هون الرد رح نقتبسو من ردي الاول اقتباس:
اذا كان لديك قاضي مرتشي أو مجموعه مرتشيه هل تعيب بالقضاء السوري وتتهمه اجمالا !!!!! عالعموم بانتظار الموضوع المستقل ولنتطرق الى كل ما يحلو لك فيه :D هذا اخر رد هنا على اعتبار اننا سننتقل الى موضوع اخر :D |
المقاومة بسم الله
خلق الوطن اولأ ثم خلقنا ومن واجبنا المحافظة عليه كما نحافظ على ابنائنا وفى الاول و الاخر كله فى سبيل الله |
شكرأ للاخ ( محمد ابراهيم )
وتسلم على ما كتبت والله ما فى كلام تانى يقال |
اقتباس:
"كلو في سبيل الله"...كلمة سبيل الله كلمة مطاطية.. ممكن ينحط فيه الف شي وشي.. لهاظا..عم نشوف هلأ كل شي صاير في سبيل الله.. |
| الساعة بإيدك هلق يا سيدي 22:08 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون