|
بغض النظر عن التفسير الديني ياللي هو ايماني بحت , و لكل شخص الحرية بالايمان باللي بدو ياه بهيك قصص خصوصا انو ما بتأثر سلبا او ايجابا على حدا ..... بس انو علميا ما بظن انو يجي يوم و تعكس الارض جهة دوارنها لانو العملية اخطر بكتير من انو فقط الارض ينعكس دورانها ..... يعني انعكاس دوران الارض رح يأثر على كل المجموعة الشمسية و بالتالي المجرة بأكملها .... فبظن انو شوي صعب |
اخي محمد
انا رايقه بس للاسق اسلوب الكلام غريب وكاني جايبه كلام العلماء من عندي واكيد كل واحد له رائي بس يبقى الرئي له اسلوب يعني اللي ما متفق يقول انا رائي هيك انا ما بعتقد انا ما مستوعب القصه بس ما نتهم بعض على اننا عاملين علماء وجابين الكلام من عنا عن جد هالمنتدى غريب الواحد ما بيعرف يتنقاش باي موضوع الا ما يسمع تعليقات |
حذفت كل المشاركات الخارجه عن الموضوع :pos:
|
اختي ريمي
يعطيكي العافيه والله ان كان على الحذف يا ريت يبقى دايما هيك صدقيني لما بشوف موضوع وبدي شارك بتفاجئ بالمشاكل وساعتها ما بشارك |
!!!!
اقتباس:
اقتباس:
الحكي اللي حكيتيه ما بيكفيه علماء عرب لأن بكل الدول العربية مافي مرصد فلكي ممكن الاعتماد عليه و الفلك عندنا شوووفة عينك ما بدو حدا يحكيلك يعني إذا ما شفنا خبر شغل ناسا أو وكالة أوربية ما بيمشي الحال مثال زغير لتعرفي شئد الفلك متطور عندنا بسوريا في شي اسمو الجمعية العلمية الكونية السورية و اللي رئيسها الأستاذ غايز فوق العادة المهم هي الجمعية مالها دعم أبداً و بتعتمد على تبرعات الأعضاء و إذا عندهن شي رصد برحوا بالموبمانات كل واحد لحالووو و موقعهن على سيرفر مجاني رغم انو قديم و من كم شهر لحتى ئدرو يطوروه الله يعطيهن العافية عم يشتغلو بس بالمنظااار تبع الصيد ! :melody: ® |
!!!!!
اقتباس:
اقتباس:
لأك فهمت ئصدك بس كنت مفكر انو رح تفهمني انت كمان يا معلم طول بالك لا تقذف الكرة بحيث يكون حامل مسارها قطع مكافئ و لا تعطيها سرعة كبيرة >>> رح ترجع للأرض يعني ما رح تئدر تتحرر من الجاذبية الأرضية و هي شغلة عادية إسـّـا ما شفنا العجب بعد!!! إذا بدك تشووف العجب تابع معي موضوع دعنا نتعلم النسبية بقسم العلوم ؛؛؛ اسّــا فيه مشاركة وحدة و الباقيات جايات عالطريق بس ما في اترك البوووشار :melody: بس بدي اعرف مين شالووو من القائمة ؟!؟؟!؟!؟ رجعووووه بليز :melody: ® |
اخي معك حق بالنسبه للبلاد العربيه
يعني ما فيني اقول الا كان الله بعوننا المهم اخي للاسف انا ما بعرف علماء اجانب |
اقتباس:
بس بما انو مافي دلائل لكل هالنظريات اللي طرحتوها ;)...مافينا نقول غير انو الجواب عند ربك :D |
تسجيل متابعة
|
اقتباس:
هاد هوي الحل العلمي بالله قرؤو الموضوع بلأول منيح بعدين علقو :frown: |
!!!!!
اقتباس:
تسجيل خروج بالسلامي نعست منكمل بكرا :ss: :melody: ® |
اقتباس:
اكيد رح اتابع موضوعك ما بدها حكي عنا كم راو !!!!! :jakoush::jakoush: وبالنسبه للسمايلي "مافي حد بيقدر يشيلو غير حسام " الشغله مو سايبى :lol: نرجع لموضوعنا يازلمى نحنا ما بنكتب انا وانت لحالنا (في عالم بتقرا وكتير ومعظمهم ما بيعرفو عن الشغلات يللي انتا بتعرفا " وقت تكتب هيك اقتباس:
من المفيد انو تقول بنهاية جملتك انو طالما سرعة الكرة اقل من سرعة الهروب واذا قلت هي كم سرعتها يبقى كتر خيرك وان ما قلت مافي مشكله . بس ما تترك الحكي مطلق هيك :D على كل حال مية ورده :D لاحلى راو . ومشان المشاركه تكون اكتر فايده هاي سرعة الهروب اكبر من 11 كيلو متر بالثانيه . بمعنى اخر اذا قذفت الكرة بسرعه اكبر من 11 كيلو متر بالثانيه رح تفلت من الجاذبيه الارضيه ومارح ترجع الكرة للارض تاني . |
مشان الكرة ممكن ترجع علأرض بسرعة اكبر من سرعة إنطلاقها
حسب المسافة يلي يقطعتها وحسب قوة الإنطلاق |
اقتباس:
هلأ الارض اذا وقفت ما في شي رح يقدر يخليها تبرم بالعكس اذا ما كان في قوة معاكسة خلتها ترجع تبرم بالعكس هلأ انا بدي اسال سؤال شو اللي عم يخلي الارض تبطأ من سرعتها :? (ما الي خلق دور عالجواب قلت بجوز الشباب يعرفو :p ) |
هو هاد جواب عالسريع
زمان كانو بيقولو في قوتين قوة طرد مركزي وقوة جذب بيخلوها تلف حول الشمس وما تخرج عن المدار اما عن دورانها حول محورها حدود علمي انو الجاذبيه الشمسيه هي السبب |
انو هلق انا وعم اقرا الردود.
خطر على بالي سؤال. شو اللي بخلي الارض تفتل حول محورها بهالطريقة؟؟ اذا حدا بيقدر يدور على السبب او بيعرفو. يا ريت يفيدنا فيه |
نزل ردي مع رد محمد.
اذا بتقدر تشرح اكتر عن هاي بكون ممنونك اقتباس:
|
اقتباس:
يعني كنت بدك تشوفو فوقاني تحتاني علقانة بين ملحدين ومسلمين ومسيحية مشان هيك انا حكيت انو تركو الدين ع جنب هامش اقتباس:
:Dيا هلا (((((( لانو دارجة موضة الياهلا بلأخير )))))) |
اقتباس:
انما هي معلومه من الذاكره |
اقتباس:
لانو اذا رح تجذب رح توصل لمرحلة انو توقف فيها الأرض عن الحركة :? و حيتغير مدار الأرض |
اقتباس:
يا زلمى رح نشوف مصادر بس استنى عليا (انتا بدك الشمس تشرق من الشمس علميا وخلاص :lol:) وهالموضوع بدو واحد عبقري عنجد , مشان يثبتو علميا . اسمع بس (على فرض انو كل معارفنا الفلكيه غير كافيه للاثبات, شو ذنبي انا؟؟؟) بعدين انا من أول الموضوع وقلت مافي شروق من الغرب حصل على اي كوكب وما أعلنت عن استعدادي لاثبات مسألة الشروق من الغرب علميا اطلاقا:oops: ) أما بخصوص اجابة سؤال هاني , جاوبت باللي متذكرو بخصوص هالشأن الموضوع مو سهل ,يمكن يكون معقد جدا جدا جدا |
معلم انا بعدني مانمت وانا دور واعصر بمخي
طيب طيب نسو اللي راح حدا يقلي شلون الأرض عم تتحرك وشو القوة المحركة وشو يلي ماعم يخليها تطلع عن المدار |
هاي بسيطه مابدا مصادر
بس لاحظ انتا بتقول شو القوة المحركه وشو يلي ماعم يخليها تطلع عن المدار هاد معناه حركة الارض حول الشمس مو الحركه المحوريه (حول المحور) اوك اشرح ؟؟ ولا لاء؟؟؟ |
شراح مع انو ما تم براصي غير فيوز واحد
|
اقتباس:
اقتباس:
هو اي جسم له كتله تقدر تقول عنو بسبب وجود هالكتله شيئ اسمو قصور ذاتي لكتلته بمعنى اخر هي قوه وهالقوه تسمى قوى الطرد المركزي (ناشئه عن الكتله) بنفس الوقت الشمس بتجذب كل الكواكب والنجوم اللي حواليها هاي كمان قوه واسمها قوى الجذب المركزي شغل مخك هلق القوه الاولى (الطرد المركزي) بتحاول تدفع الجسم (الارض مثلا)في اتجاه مستقيم (خط مستقيم) بعيد عن الشمس, اما القوه التانيه يللي اسمها (الجذب المركزي) بتجاول جذب الجسم(الارض مثلا) ناحيتها يعني ناحية الشمس .نظرا لان القوتين متساويتين والحمد لله الارض بتدور في مدارها (يعني لا بتروح ناحية الشمس ولا بتبعد عنها ,محافظه على نفس المسافه ولعلمك هاد شيئ عظيم جدا لو الارض اتحركت سنتيمترات بعيد عن الشمس او قريب منها رح يحصل مصايب وكوارث . عفكره انا جاوبت من قبل بس من دون شرح وحطيت هلأ الاقتباس عفكره قلت زمان كانو بيردو هيك (بس اينشتاين عندو رد تاني ) خلي المعلم راو يحطو (اينشتاين مقدس عندو ) مابدي ازعلو واسبقو . |
اقتباس:
غيرو معلم :sly: |
غيرو هاد مع حد غيري ههههههههههه
يا معلم انا ما قلت القوتين متضادتين بالاتجاه انا قلت قوة الطرد بتدفع الارض بعيد عن الشمس والطرد بتجذبها ناحية الشمس يا معلمي لو انا جريت بعيد عنك ممكن اجري باي اتجاه طالما مارح اروح ناحيتك . تقدر تعتبرني بعدت (جايه من بعيد) انا ما قلت القوتين متضادتين في الاتجاه . غيرو انت |
اقتباس:
اقتباس:
طيب ماشي اقتباس:
اقتباس:
اقتباس:
|
اقتباس:
قوة الطرد المركزي بتنشأ من حركة الكتلة بسرعة معينة :D السؤال اللي طرحتو انا ما حدا جاوبني علي شو اللي عم يخلي الارض تبطأ من حركتها |
مرحبة شباب
شو فو حسب ماقرأت وبالمختصر المفيد كل كواكب المجموعة الشمسية واللي منها الارض بدها دور دورة عكسية يمكن مرة بالعمر يمكن بتتكرر والله اعلم وحسب مافهمت انو المريخ دار حول نفسو دورة عكسية وبالتالي شرقت الشمس عليه من الغرب ورحيصير نفس الشي على الارض متلها متل هلكوكب ومتل بقية الكواكب ورحتشرق الشمس من الغرب والله اعلم بموعد هلحادثة وهي بالمختصر المفيد قرأتها لعالم عربي نسيت شو اسمو ومتل ماشفت هاد كان توقع ابو جوزيف من الاول وشكرا |
اقتباس:
مصدر لو سمحتي :D |
الله حيو رجع هاني :lol:
اقتباس:
معلم مو لنعرف شو عم يحركها بلأول :o لك عصرت مخي ومخ يلي بعرفون ومخ رفقات يلي بعرفون :frown: عبث ما لقيت ولا مرجع ارجعلو :pos: لان صار الوضع انو الواحد ما عندو حقائق وبراهين يتقيد فيها عم يحط نظريات فــ بيجي اللي بعدو بيفقشلو ياها :clap: :sly: |
اقتباس:
|
والله المصدر هو هون وبرأي مقنع للغاية
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - وهاد المصدر حاكيين فيه بطريق علمية |
اقتباس:
هاني بمعيتك نساخ ولصوق لانو محظور عندي :frown: |
اقتباس:
إن لكل كوكب من كواكب مجموعتنا حركتين: حركة حول محوره وهي التي ينشأ عنها شروق الشمس وغروبها على سطح الكوكب، أو بعبارة أخرى: يتعاقب عليه الليل والنهار، وكذلك كوكب الأرض. وهناك حركة أخرى يدور فيها الكوكب حول الشمس في رحلة يكمل فيها رسم قطع ناقص، وهذا يعني أن الكوكب أتم من عمره سنة. وفيما يخص الحركة الأولى فإن شروق الشمس على كواكب مجموعتها ينشأ عن دوران الكواكب حول محورها في اتجاه الغرب مما يجعل الشمس تشرق من الشرق. وأوضح الأستاذ الدكتور مجدي يوسف أنه لا يطرأ أي تغيير على تلك الحركة، إذن فلا مجال لحدوث شروق من الغرب "ولا يحزنون".. هكذا قال. أما الحركة الثانية فإن الكواكب عندما تسبح مرتحلة في فلكها من نقطة ما وتعود إلى نفس النقطة بعد سنة؛ فإن الكوكب يرسم مسارا عبارة عن قطع ناقص أو ما يطلق عليه "مدار إهليلجي" وليس دائريا، وبالتالي فلا يوجد مركز واحد، وإنما يوجد بؤرتان في قلب هذا القطع الناقص، وأثناء سباحته يقترب الكوكب تارة من الشمس ويبتعد عنها أخرى. ثم أردف الدكتور مجدي مرة أخرى أنه لا يطرأ أي تغيير على تلك الحركة. أما الحركة العكسية التي نشاهدها نحن وليست ما يحدث حقيقة؛ فهي ناشئة عن عدة عوامل. الذي يهمنا منها فيما نحن بصدده هو تباين سرعات الكواكب في دورانها حول محاورها وحول الشمس. كذلك بين أن رسم مسار الكوكب الذي يشبه في النهاية شكل اللولب أثناء حركته العكسية هو الذي دفع البعض للاعتقاد بمسألة شروق الشمس من المغرب. هادا الحكي اللي كنت جاي احكي انا كل الصور اللي انحطت عم تبين انعكاس بحركة الكوكب برصد من الارض (نفس كلمة محمد ) يعني انا واقف بهالنقطة هاي وعم اطلع على الكوكب وشفتو رايح من الشرق للغرب وبعدين شفتو انتقل من الغرب للشرق بالنسبة للارض عم ينتقل من شرق الارض لغربا وقف رجع من غربا لشرقا وقف ورجع تابع طريقو بس شروق الشمس الو علاقة بدوران الكوكب حول نفسو انتبهولي على كلمة حول نفسو وفقط حول نفسو يعني الكوكب ما دار حوالين نفسو بالعكس Most objects in our sky appear to rise somewhere on the Eastern horizon and set somewhere on the Western horizon مع انو الليل والنهار هني بسبب حركة الكوكب حول نفسو |
اقتباس:
بس صحصح معي المريخ عم يدور حول الشمس ومبين شرقي الكرة الارضية على نقطة معينة من سطح الارض هلأ بحكم انو الارض اسرع من المريخ بالدوران حول الشمس رح تصير تقرب بمدارها من المريخ وهون بتبين انو سرعة المريخ عم تتباطأ وبتنعكس حركتو (من نفس النقطة المعينة السابقة ) لما بتقطع الارض المريخ (بما انو هيي اسرع منو ) بترجع الحركة النظامية شوف هالموقع والصورة بتفيدك بتوضيح الفكرة اكتر - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
لك الله لا يفضح حدا
انا عرفت حالي مخربط وفايت بالحيط وما عم جمع وحذفت الرد قايم جاي انتي مقتبسو :lol: |
والله كلامك صحيح
الله يوفقكم والله انا مقهور على حب النبي جاوبوني على موضوعي لانو بدي اعرف ضروري وبعدين رجعو لموضوعكم |
اقتباس:
الأرض رح تحجب ضو الشمس عن المريخ ويصير متل كسوف عالمريخ :? يعني شو جاب الطيط للعيصلان :o يعني الليل والنهار بيصير من حركة الأرض |
| الساعة بإيدك هلق يا سيدي 00:24 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون